Irina

Për gjithçka që na shkon mirë në jetë, duhet të falënderojmë Zotin!

Aktualitet / /

Shpesh herë ne harrojmë të jemi falenderues për gjithçka që kemi dhe për çdo gjë që mund të jetë duke shkuar mirë.

Kemi gjithmonë prirjen ta përqendrojmë vëmendjen tonë tek problemet që na shkaktojnë stres çdo ditë.

Na duket sikur çdo gjë e keqe na ndodh ne dhe pyesim veten se pse na ndodhin pikërisht neve situatat e tilla. Pyesim veten se ku kemi gabuar për t’u ndëshkuar me mënyra të tilla.

Mirëpo ne harrojmë të shohim paksa përtej problemeve që na shqetësojnë; harrojmë të mendojmë se çfarë po shkon mirë dhe ne nuk i kemi kushtuar vëmendjen e duhur; harrojmë të shohim përreth dhe të kuptojmë se familjarët dhe miqtë tanë janë mirë dhe kjo gjë nuk është pak. Problem nuk është të mos kesh lekë për të blerë gjërat që do. Problem nuk është të mos blesh gjërat që do, apo të mos japësh sot rezultate pozitive në punë. Problem është të kesh mjaftueshëm lekë, por sërish të mos kesh mundësi të kurosh një sëmundje. Çdo problem tjetër e ka një zgjidhje. Punët nëse nuk bëhen mirë sot, do të bëhem mirë nesër. Lekët nëse nuk i ke sot, duke punuar mund t’i kesh nesër. Ama shëndeti dhe lumturia nuk mund të ndreqen aq lehtë. Ndaj edhe konsiderohen si gjëra që paraja nuk i ble dot, sepse vlera e tyre nuk matet me kartmonedha.

Për këtë gjë ne duhet t’i jemi falenderues Zotit, për shëndetin tonë, për lumturinë tonë, si dhe për shëndetin dhe lumturinë e gjithë atyre që na rrethojnë, pasi këto janë gjërat më me vlerë. Le të mos harrohemi pas problemeve, duke mos u kujtuar për gjithë gjërat e mira dhe bekimet që Zoti na ka falur në jetën tonë. Le të mos e kërkojmë ndihmën e Zotit vetëm në ditët tona të vështira, por le t’i jemi Atij mirënjohës edhe në ditët tonë të mira. / bota.al

Për gjithçka që na shkon mirë në jetë, duhet të falënderojmë Zotin! Read More »

Moderatorja shqiptare flet për rikthimin në televizion: ‘Kam marrë shumë brryla, xhelozi dhe…’

Intervista, ShowBiz / /

Moderatorja sportive Eva Murati ka ndarë me publikun shumë të pathëna si nga jeta profesionale, ashtu edhe nga jeta personale. E ftuar në Abc e Mëngjesit, ajo është shprehur se mezi po pret rikthimin në televizion me nisjen e Champions League.

“Më ka marrë malli, me zor po pres të rikthehem më 7 gusht fillojmë zyrtarisht sezonin e Champions Leagues. Më pëlqen pasi champions është elita e futbollit. Më pëlqente fillimi fare që njerëzit reagonin si ka mundësi që bëre këtë zgjedhje se ishe të spektakli. Më pëlqenin reagimet pozitive që bëra këtë ndryshim. Rregullat janë bërë për tu thyer. Më pëlqen që servir te publiku diçka të re”, tha Eva.

Më tej, ajo theksoi se pagesa në diferencë mes femrave dhe meshkujve është një problem në të gjithë botën.

“Problem universal në të gjithë botën puna e pagesës. Për këtë flasin të gjitha ikonat e botës. Këtu në Shqipëri ndihet më shumë, pavarësisht se e themi që femrat duhet të përpiqen më tepër, sa më shumë, të marrin poste drejtuese”, u shpreh moderatorja.

Eva ka treguar se gjatë karrierës ka marrë shumë brryla, që vazhdon t’i shoh edhe sot. Por që sipas saj ka të bëjë familja ku je rritur.
“Brryla kam parë, i shoh ndoshta edhe sot e kësaj dite kur nuk i pres. Kur je e vogël i sheh më shumë. Varet nga mjedisi familjar ku je rritur. Mendoj që kur rritesh me një mjedis familjar me shumë dashuri , me shumë mbështetje, ty as të shkon ndërmend t’i bësh keq tjetrit, ose ta ulësh tjetrin apo të bësh diçka. Ndërkohë që nëse rritesh pak me inat, me sforco, xhelozi, duke e parë tjetrin, vetvetiu të vjen të bësh keq. Sepse ashtu janë mësuar, nuk e koncepton si diçka të gabuar atë, po si një mënyrë jetese. Kështu që unë vija nga një familje shumë ndryshe të cilët nuk më kanë përkrahu shumë këtë rrugën time në televizion, pavarësish se ka qenë dëshira ime, të cilën e nisa në një moshë shumë të re. Kështu që e kam hasur”, përfundoi bukuroshja.

Moderatorja shqiptare flet për rikthimin në televizion: ‘Kam marrë shumë brryla, xhelozi dhe…’ Read More »

Horoskopi ditor/ Duhet të bëni shumë kujdes…

Aktualitet / /

Dashi

Ju pret një e martë konfuze, por mos u shqetësoni, pasi gjërat do të sistemohen. Do të jeni mjaft pasionant gjatë kësaj dite. Në lidhjet e reja duhet shpirt përshtatjeje. Në punë, mos u druani që të kërkoni këshilla, nga ata që dinë më shumë.

Demi

Duhet të bëni shumë kujdes në dashuri gjatë kësaj dite, pasi ndikimi i kundërt i Hënës mund të shkaktojë përplasje, të cilat duhet ti përballoni me diplomaci. Situata do të vijë duke u përmirësuar në ditët në vijim. Në punë, do të shfaqni mungesë përqendrimi.

Binjakët

Mund të keni debate me partnerin/en, gjatë kësaj dite. Duket sikur ju keni dëshirë që ta vini në provë. Në punë, kjo është një ditë premtuese, ndaj mos shtyni asgjë për më vonë.

Gaforrja

Ju pret një ditë e mbushur me polemika, sa i takon raporteve ndërpersonale, ndaj mundohuni që të matni fjalët që do të thoni, edhe pse nuk duhet të hiqni dorë nga sqarimet. Në punë, duhet bërë qartësi lidhur me disa situata.

Luani

E marta do të jetë nën ritmin e duhur sa i takon ndjenjave, ku ka disa sqarime të cilat duhen bërë. Në sferën profesionale duhet të bëni kujdes, para se të vendosni për një ndryshim.

Virgjëresha

Bëni kujdes në dashuri gjatë kësaj dite, pasi mund të përballeni me tensione me të lindurit e shenjës së binjakëve dhe shigjetarit. Në punë, një projekt i rëndësishëm duhet të ecë përpara me ndihmën e një mikut tuaj.

Peshorja

Mundohuni që të shmangni inatin. Në dashuri, do të keni dëshirë për të zyrtarizuar një raport. Kjo është një periudhë e rëndësishme, për të bërë zgjedhje të mëdha. Kujdes duhet treguar me punën, ku mund të ketë tensione, nëse nuk e përballoni në mënyrën e duhur.

Akrepi

Mundohuni që ta lini veten të lirë dhe të mos thoni jo për gjithçka. Do e keni Hënën në anën tuaj, gjë që do të favorizojë dashurinë, shkruan noa.al. Në punë, nuk duhet të lini asgjë pezull.

Shigjetari

Gjatë kësaj dite do të ndiheni plot me energji, ndaj mundohuni që ta përdorni në mënyrën e duhur. Do ju duhet të rishihni një marrëveshje apo çështje biznesi. Mundohuni që ta përmbyllni në favorin tuaj.

Bricjapi

Këshillohet që gjatë kësaj të marte të shmangni debatet dhe përplasjet, por më mirë gjeni një marrëveshje. Kjo vlen qoftë me njeriun e zemrës, por edhe me njerëzit që keni përreth. Në punë, do të nisë për ju një fazë më e mirë në raport me të kaluarën.

Ujori

Dita do të jetë nën ritmin e duhur, ku do të ndiheni të lodhur dhe kjo gjë mund të shkaktojë tensione në sferën sentimentale. Në punë, mundohuni që të nxirrni në pah anën tuaj më të mirë, por me kujdes.

Peshqit

Do të ndiheni më të fortë këtë të martë, ndaj mos i shtyni vendimet dhe përballuni direkt me gjërat. Në punë do të keni mundësi të mirë, ndaj mundohuni që të kuptoni se çfarë dëshironi.

Horoskopi ditor/ Duhet të bëni shumë kujdes… Read More »

Fakte interesante dhe kuriozitete që duhet ti dini për Shqipërinë !

Kuriozitete / /

Në territorin e Shqipërise, pranë Shkëmbit të Kavajës ka ndodhur beteja e fundit midis Cezarit dhe Pompeit.

Kjo ka ndodhur në vitn 48 B.C dhe është mbyllur me fitoren e Cezarit.

Shkëmbi i Kavajes në antikitet njihej me emrin “Petra” .Pranë këtij objekti Cezari kishte ngritur kampin e tij.
P2. Shqipëria është vendi ku ndodhen tre liqenet tektonike më të mëdhenj, më të thelle dhe më të lartë të Gadishullit Ballkanik.

Këto janë Liqeni i Shkodrës, i cili shtrihet në veri perëndim të vendit me sipërfaqe 368 Km2 nga të cilat Shqipërise i takojne 149 km2. Në territorin e vet Shqipëria ka një gjatësi brigjesh të larmishme prej 57 km.

Liqeni i Ohrit gjendet në jug lindje. Ai ka një thellësi maksimale prej 289 metrash dhe një kthjelltësi majft të lartë. Izobata arrin në 22 metra. Për vlerat e tij natyre e historike liqeni I Ohrit është pjese e trashëgimise botërore të UNESCOS.

Liqeni i Prespes ndodhet gjithashtu në jug lindje të vendit në një lartesi 850 metra mbi nivelin e detit, duke përbërë liqenin më të lartë tektonik të Ballkanit. Brigjet e tij janë spektakolare dhe nëpërmjet rrjedhjes nëntokësore ai furnizon liqenin e Ohrit.

Duke lundruar nëpër liqenin artivicial të Komanit ju do të shijoni një pejzazh tipik “fiordesh” në zemër të Mesdheut. Ky liqen është formuar në vitin 1986 nga ujëmbledhësi i Lumit Drin, si pasojë e ndërtimit të Hidroçentralit të Komanit . Ai ka një sipërfaqe prej 12 km2 , me një gjatësi prej 34,5 km dhe një gjerësi brigjesh prej 50 – 60 metrash. Liqeni gjendet midis luginave dhe kanioneve me bukuri të rrallë. Brigjet shkëmbore bien thike mbi liqen duke krijuar pejazhe të mbrekullueshe. Lundrimi mbi ketë liqen lidh Shkodrën dhe Tiranën me qytetin e Bajram Currit dhe zonën e Tropojës.

Në shpellën e Pëllumbasit, e cila ndodhet pranë kryeqtetit të vendit janë gjetur skelete të ariut të shpellave (ursus speleaus). Ky i fundit ka jetuar rreth 400 mijë vjet me parë. Në të gjithë Europën njihen 5 shpella të tilla. Shpella gjendet në një distance prej 25 km larg nga Tirana . Eshtë e vendosur në grykën panoramike të Skoranës. Shpella është e ruajtur mirë. Ajo ka një gjerësi prej 10 -35 metra, lartësi 15 deri ne 40 metra dhe arrin deri në 300 metra gjatësi. Në shpellën e Pëllumbasit janë gjetur edhe mbetje të jetës humane.

Laguna e Karavastasë përbën pikën më perëndimiore në Europë ku folëzon Pelikani Kaçurrel (pelicanus crispus). Që prej vitit 1994 kjo lagunë është nën Konventen Ndërkombëtare të RAMSARIT. Vetë laguna ka një sipërfaqe prej 4.330 hektarësh, duke përbërë njëkohesisht edhe lagunën më të madhe të bregdetit shqiptar. Ajo përbën një prej 12 parqeve kombetare të Shqipërisë. Eshtë mjaft e këndëshme të observosh nga afër pelikanët ne fjale. Ata ulen zakonisht në një ishull të vogel ranor të lagunes i cili quhet ndryshe edhe “ ishulli i pelikanëve”. Pranë tij mund të shkohet me varkë. Këtu gjendet 5 për qind e numrit botëror të kësaj specie. Laguna e Karavastasë është një ekosistem mjaft i rëndësishëm natyror edhe për habitate të tjera.

Gjuha shqipe mendohet se ka për bazë pellazgjishten. Këta të fundit janë bartës së kulturës se neolitit dhe fillimit të pokës së bronxit në territorin e Shqipërisë. Zbulime të kësaj kulture janë gjetur në Podgorie, Kolsh etj. Tezat te cilat mbështesin vazhdimësinë iliro – pellazge janë instensifikuar sidomos në shek XVII. Një prej studiusve më të rëndëisishëm të kësaj teze ka qenë albanologu i shquar J.G.Han.

Në Durrës ndodhet amfitheatri roman i cili për nga madhësia është i dyti në Ballkan. Amfitheatri u ndërtua në shek I. A.D., në periudhën e perendorit romak Hadrian. Ai ka një kapacitet prej 15 – 20 mijë shikuesish. Për nga stili i ndërtimit ngjason me monumentet e Pompeit dhe Kapuas në Itali. Në shek X në galeritë e tij u ndërtua një “kapele” e cila shquhet për mozaikët e rrallë muror.

Një pjese këngëve të krahinave të jugut të Shqipërisë këndohet pa instrumenta muzikore. Ky lloj interpretimi quhet “iso – polifoni”. Kjo e fundit është “Pjesë e kryeveprave të trashëgimise orale të njerezimit” dhe mbrohet nga UNESCO si vlerë boterore. Iso polifonia këndohet në pjesën jugore të shqipërisë të njohur si “Toskëria”. Veçanërisht kjo formë e interpretimit është e njohur në krahinën e Labërisë. Zakonisht në Shqipëri gjatë muajit nëntor në qyteti e Vlorës zhvillohet “Festivali Folklorik Kombetar i iso – polifonisë”.

Qyteti antik i Butrintit, i përmendur nga poeti Virgjil në poemën e tij “Eneida” dhe i njohur ndryshe si një “ Trojë e dyte”, së bashku me qytetin muze të Gjirokastrës janë të përfshira në listën e trashëgimisë Botërore të UNESCOS.Butrinti ishte një qytet i fortifikuar i fisit të Kaonëve, një prej fiseve më të mëdha të Ilirisë së jugut. Rrënojat përbëhen nga teatri, tempulli i Asklepiusit pagëzorja, fortësa veneciane, portat etjGjirokastra është një prej qyteteve kryesore të Shqipërisë së jugut . Ajo është shpallur “Qytet Muze” e njohur ndryshe eshe me emrin “Qyteti i njëmijë shkallëve”. Sipas një legjende popullore qyteti eshte krijuar nga një princeshë me emrin Argjiro. Ajo çfarë tërheq më tepër vizitorin në Gjirokastër janë shtëpite prej guri të cilat ngjajnë me kështjella të grumbulluara njëra mbi tjetrën.

Heroi Kombëtar i Shqipërisë, Gjergj Kastrioti , njihet si “mbrojtës i krishtrimit Europian. Busti dhe emtri I tij gjendet në shumë prej qyteteve të Europës. Ai organizoi një rrezistencë të suksesëshme për 25 vjet me rradhë duke i ndalur Otomanët të vazhdonin invazionin e tyre drejt perëndimit. Ai i theu tre here Otomanët gjatë rrethimeve të Krujës në 1450, 1475 dhe 1467.

Fakte interesante dhe kuriozitete që duhet ti dini për Shqipërinë ! Read More »

Manastirliu zbulon planin e ri: Do t’iu shkojmë qytetarëve shtëpi më shtëpi

Shendetesi / /

Ministrja e Shëndetësisë Ogerta Manastirliu deklaroi ditën e sotme se ministria ka përgatitur planin e radhës për të përballuar fluksin e rasteve të reja të Covid-19. Sipas këtij plani në periudhën vjeshtë- dimër do të dyfishohen ekipet shëndetësore në terren, duke siguruar në këtë mënyrë ndihmën në shtëpi për të gjithë pacientët Covid, duke respektuar protokollin e masave të sigurisë.

Njoftimi i plotë i ministrisë: COVID19, Manastirliu: Dyfishojmë ekipet e lëvizshme të urgjencës për shërbimin në banesë

Ministrja e Shëndetësisë dhe Mbrojtjes Sociale, Ogerta Manastirliu në kuadër të forcimit të masave për përballimin e situatës së shkaktuar nga COVID19, ka deklaruar nga Urgjenca Kombëtare se do të dyfishohen ekipet e terrenit për shërbimin në banesë për qytetarët e prekur nga COVID19.

“Tirana mbetet vatër e nxehtë, por ndërkohë jemi duke u përgatitur për përgjigjen ndaj situatës në të gjithë vendin. Në këtë moment jemi duke ndërtuar edhe më shumë skuadra mobile për pacientët me COVID19, pra skuadra të lëvizshme të cilat do të ofrojnë ndihmën në banesë sipas protokolleve, sipas gradës së sëmundshmërisë, për ata të cilët do të kenë nevojë për asistencë në shtëpi, apo për transferimin në spital, sipas protokolleve. Përgjatë vjeshtë-dimrit, do të dyfishojmë ekipet tona të terrenit”, tha Manastirliu.

Duke vlerësuar punën e madhe që kryehet nga Njësia e Koordinimit dhe ekipet e urgjencës kombëtare, Manastirliu tha se po përballohet një fluks i konsiderueshëm i qytetarëve të prekur nga SARS COV2.
“Janë mbi 500 thirrje në ditë janë vetëm për Covid19 në numrin unik të Urgjencës Kombëtare 127. Nga ana tjetër Urgjenca Kombëtare vijon që të japë shërbime edhe për gjithë patologjitë e tjera. Edhe kjo falë një pune dhe një organizimi shumë të mirë, të bërë nga ana juaj, me gjithë spitalet”, tha Manastirliu.

Duke kërkuar nga qytetarët t’I referohen strukturave shëndetësore, sipas sistemit të referimit, Manastirliu tha: “Dua të bëj një thirrje për të gjithë qytetarët, për të komunikuar me numrin unik 127 kur kanë shenja të sëmundjes sepse e dinë ekipet e urgjencës se si duhet të veprohet dhe spitalet ku dërgohen qytetarët si dhe për informacion mbi COVID19, për kontaktet me mjekun e familjes, duhet të lidhet me numrin falas 0800 40 40. Situata është serioze dhe duhet ta përballim duke zbatuar sistemin e referimit”, tha Manastirliu.

Aktualisht në Urgjencën Kombëtare priten 540 thirrje në ditë vetëm për COVID19, ndërsa kryhen rreth 50 shërbime/ ditë në banesë. Që prej fillimi të epidemisë janë mbi 1 mijë qytetarë që janë dërguar për trajtim spitalor, ndërsa në total janë 2411 qytetarë të prekur nga SARS COV2 që kanë marrë trajtim nga urgjenca kombëtare në banesë dhe janë transferuar në spital dha janë mbi 100 mijë thirrje për COVID19 të pritura gjatë kësaj periudhe të epidemisë.

Manastirliu zbulon planin e ri: Do t’iu shkojmë qytetarëve shtëpi më shtëpi Read More »

27 vite në sistemin e drejtësisë/ Gjyqtari i Apelit, Alaudin Malaj jep dorëheqjen

Aktualitet, Lajmi i fundit / /

Gjyqtari i Gjykatës së Apelit, Alaudin Malaj ka dhënë dorëheqjen. Pas 27 vite shërbim pranë sistemit të gjykatave në Shqipëri, Malaj ka vendosur të largohet me argumentin se nga data 1 gusht do të nisë një marrëdhënie të re pune.

Malaj dorëheqjen e tij e ka zyrtarizuar përmes një shkrese drejtuar Këshillit të Lartë Gjyqësor, ku ka falenderuar ata që i kanë qëndruar pranë.

“Kam patur privilegjin të punoj në disa gjykata të vendit tim dhe të jem kryetar në Gjykatën e Apelit Tiranë, dhe të lë gjurmë positive në karrierën time. Prandaj, ndjehem krenar për vete, kolegët, por mbi të gjitha familjen tim…”, shkruan Malaj.

“Duke patur parasysh se dorëheqja nga detyra dhe mbarimi i statusit të magjistratit është një proces automatik, i detyrueshëm, një algoritëm, kam pranuar gjithashtu edhe heqjen dorë nga ky status. Unë jam plotësisht i bindur në ushtrimin nga ana juaj të kompetencave kushtetuese dhe ligjore për të pranuar dhe vijuar sa më shpejt me këtë kërkesë, pasi detyra e re më kërkon që ky vendim të merret sa më shpejt të jetë e mundur. Askush nuk është i pagabueshëm, as unë, por i kam qëndruar besnik Kushtetutës”, shprehet Malaj.

Tashmë lidhur me këtë vendim të z. Malaj pritet të shprehet dhe KLGJ. /atsh

27 vite në sistemin e drejtësisë/ Gjyqtari i Apelit, Alaudin Malaj jep dorëheqjen Read More »

Spaho: Sot u provua se Meta ka respektuar Kushtetutën

Opinione, Politike / /

Nënkryetari i PD-së Edmond Spaho në një deklaratë për mediet tha se “sot u provua botërisht se Presidenti Ilir Meta ka respektuar Kushtetutën”.

Spaho shprehet se “sot mori fund maskarada antikushtetuese e Edi Ramës kundër Presidentit të Republikës dhe akteve të tij të drejta për të mbrojtur zgjedhjet demokratike dhe për të respektuar të drejtën e qytetarëve për të zgjedhur”.

“U provua botërisht që Presidenti Ilir Meta ka respektuar Kushtetutën pikë për pikë, pasi Venecia i vuri vulën drejtësisë dhe korrektësisë kushtetuese të çdo veprimi të Presidentit”, theksoi ai.

Spaho shtoi se “votimet moniste antikushtuese vitin e kaluar provuan gjithashtu se Edi Rama është një pakicë. 85% e shqiptarëve e refuzuan qeverisjen e tij. Kjo mazhorancë refuzuese mezi po pret të vulosë me votë rotacionin politik dhe ndryshimin për të cilin vendi ka kaq shumë nevojë”. //atsh

Spaho: Sot u provua se Meta ka respektuar Kushtetutën Read More »

117 raste të reja, 6 humbje jete dhe 63 të shëruar në 24 orët e fundit

Lajmi i fundit, Shendetesi / /

Në 24 orët e fundit janë kryer 500 testime për të dyshuar të prekur me COVID-19, nga të cilat janë konfirmuar 117 raste pozitive.

Dr. Rovena Daja nga Instituti i Shëndetit Publik në komunikimin e përditshëm lidhur me situatën epidemiologjike në vend në 24 orët e fundit, tha sot se “shpërndarja gjeografike e rasteve është si vijon: 63 raste në Tiranë, 10 në Durrës, 8 në Fier, nga 4 raste në Kukës, Has, nga 3 raste në Krujë, Lushnjë, nga 2 raste në Korçë, Elbasan, Kavajë, Tepelenë, Divjakë, dhe nga 1 rast në Shkodër, Kurbin, Lezhë, Vlorë, Mirditë, Mallakastër, Përmet, Sarandë, Dibër, Himarë, Klos, Shijak”.

“Ka vijuar rritja e rasteve të reja edhe gjatë javës që lamë pas. Mesatarja javore e rasteve të reja ka qenë rreth 96 raste në ditë. Vihet re se ka pasur një rritje të ndjeshme të shtrimeve në dy spitalet Covid. Situata paraqitet serioze pasi është rritur gjithashtu numri i pacientëve në terapi intensive dhe i atyre të intubuar, që është shoqëruar fatkeqësisht me humbje jete”, – nënvizoi Daja.

Ndaj, vijoi ajo, i drejtohemi me një thirrje të gjithë qytetarëve të tregojnë kujdes me respektimin e masave, duke u rikujtuar detyrimin ligjor për të vendosur maskën në çdo ambient të mbyllur, për respektuar distancën dhe ruajtur higjienën.

“Fatkeqësisht nuk e kanë fituar dot betejën me sëmundjen në spitalin Covid 2 “Shefqet Ndroqi” 6 qytetarë: Një 49-vjeçar nga Shkodra, një 54-vjeçar nga Mirdita, një 58-vjeçar nga Tirana, pa sëmundje të tjera, si dhe një 56-vjeçar, një 68-vjeçar dhe një 76-vjeçare, nga Tirana, me sëmundje bashkëshoqëruese. Ministria e Shëndetësisë dhe Mbrojtjes Sociale i shpreh ngushëllimet familjarëve”, – tha Daja.

Sipas saj, aktualisht në Spitalin Infektiv dhe spitalin “Shefqet Ndroqi” po trajtohen 114 pacientë, 19 janë në terapi intensive dhe 3 pacientë janë të intubuar.

“Gjatë 24 orëve të fundit janë shëruar 63 qytetarë, duke e çuar numrin e të shëruarve në 2745, që nga fillimi i epidemisë”, – theksoi Daja.

Ministria e Shëndetësisë dhe Mbrojtjes Sociale i bën thirrje qytetarëve të ndjekin sistemin e referimit: Telefononi në numrin unik të Urgjencës Kombëtare 127 nëse keni shenja të sëmundjes, dhe në linjën e gjelbër 0800 40 40 për informacion rreth Covid19 apo këshillim psikologjik

COVID-19 – Statistika (27 korrik 2020)
Testime totale 39183
Raste pozitive 4880
Raste të shëruara 2745
Raste aktive 1991
Humbje jete 144 (qarku Tiranë 76, Shkodër 22, Durrës 19, Fier 6, Elbasan 5, Kukës 4, Vlorë 4, Korçë 3, Dibër 2, Lezhë 2, Berat 1).

Shpërndarja gjeografike e rasteve aktive sipas qarqeve:
Tiranë 1082
Durrës 230
Shkodër 198
Vlorë 100
Lezhë 83
Fier 72
Korçë 67
Elbasan 48
Kukës 44
Berat 29
Gjirokastër 21
Dibër 17/atsh

117 raste të reja, 6 humbje jete dhe 63 të shëruar në 24 orët e fundit Read More »