Irina

Hajdari: Votojmë një ndryshim historik

Aktualitet, Opinione, Politike / /

Deputetja e opozitës Rudina Hajdari u shpreh se, “votimi sot në Kuvend për listat e hapura në procesin zgjedhor, është një ndryshim historik”.

Gjatë fjalës së saj në Kuvend, Hajdari tha se, “ka patur shumë prej jush që ishit skeptik, disa sepse nuk e kuptonin rëndësinë e listave të hapura ndaj qytetarëve shqiptarë. Por sot po votojmë një ndryshim historik për vendin tonë, pikërisht hapjen e listave”.

Jam krenare, tha ajo, për këtë kauzë, sepse nga një çështje periferike, për të cilën shqiptarët nuk ishin shumë të interesuar dhe të informuar për këtë çështje, së bashku me kolegët tanë dhe me një pjesë të shëndoshë të shoqërisë civile arritëm ta kthenim në një nga çështjet më të mbështetura nga publiku i gjerë që tashmë është një çështje që mbështetet pa rezerva nga e gjithë klasa politike.

“Këtë fitore ia dedikoj qytetarëve shqiptarë“, tha ajo.

“Sigurisht pa mbështetjen e qytetarëve ky votim do të ishte i pamundur. Ia dedikoj asaj shumicë që kanë qenë kundër kësaj klase politike për 30 vite, mënyrës sesi ata e kanë qeverisur këtë vend. I kanë imponuar dy apo tre veta, kryetarë të partive axhendën e tyre personale dhe ky vend ka arritur të bëhet akoma më i varfër dhe i korruptuar pikërisht prej axhendës së tyre “- deklaroi Hajdari.

Hajdari tha se “mesazhi im sot është për qytetarët. Me këtë fitore që po korrim sot, për hapjen e listave ne e kemi në dorë të administrojmë për ata deputetë që do të zgjedhim nesër”

“Me këtë armë që kemi në dorë, ua heqim sado pak fuqinë kryetarëve dhe ua kthejmë qytetarëve. Por ju siguroj që asgjë nuk do të vlejë në këtë përpjekje nëse ne në zgjedhjet e ardhshme nuk dalim në votime dhe nuk ia japim votën atyre kandidatëve që vërtetë përfaqësojnë qytetarin shqiptarë”- tha ajo.

“Ne duhet të luftojmë për të ndëshkuar të gjithë ata që kanë abuzuar me besimin e qytetarëve. Në këtë parlament në 2021 ju garantoj që do të vijnë ata njerëz që e meritojnë të ndershëm dhe të mirë. Falë listave të hapura ju mund ta bëni këtë dhe kjo është e mundur. Me votën tuaj qytetarë ju do të sillni deputetët punëtorë”- tha Hajdari.

Me votë nesër, theksoi Hajdari gjatë fjalës së saj, do të sillni ata qytetarë, profesorë që janë të nderuar dhe jo një lëpirës, apo kriminel, apo matrapazë. Do të sillni në pushtet ata që nuk lakmojnë paranë. Shqipëria sot ka një ndarje të madhe dhe kjo nuk është mes të majtëve dhe të djathtëve. Ndarja është mes atyre që kanë gllabëruar shumicën e pasurive të këtij vendi. Që kanë marrë pasuri e prona në bregdet”.

“Ndarja sot është midis atyre që jetojnë në luks dhe atyre që rropaten nga mëngjesi deri në darkë. Ndarja është mes atyre që kanë gjithçka dhe atyre që kanë pak, ose ndoshta asgjë. Ndarja sot është midis të shkuarës dhe të ardhmes. E ardhmja do të varet nga mënyra se si do të përdorim këto armë. Me listat e hapura do kemi mundësi që ta zhdukim këtë ndarje. E kemi këtë mundësi sot ndaj ju ftoj që të bëjmë realitet. Eja ta ndryshojmë këtë vend. Unë besova se ndryshimi do të ndodhte. Ia dola, jo e vetme, por me një armatë njerëzisht që ishin idealist dhe qëndrestarë. Sot nuk është thjesht një hap për listat, por kemi hedhur hap drejt ndryshimit. Urime shqiptarë, urime Shqipëri”, – deklaroi Hajdari./atsh

Hajdari: Votojmë një ndryshim historik Read More »

Rama: Hapim listat që çdo qytetar të zgjedhë jo vetëm partinë, por edhe deputetin që do

Aktualitet, Politike, Votime Sondazhe / /

Kryeministri Edi Rama deklaroi sot se mundësia për popullin që të zgjedhë edhe deputetin sot është reale.

Gjatë fjalës së tij në Kuvend ku u diskutuan ndryshimet në Kushtetutë që mundësojnë hapjen e listave për deputetë, Rama iu përgjigj edhe debatit të fundit politik për hapjen 100% të listave.

“Ndryshimet kushtetuese nuk i pengojnë palët politike që ti hapin listat 100%. Ato përcaktojnë për shumë kohë, deri kur palë të tjera do të duan të ndryshojnë, se nuk mund të jenë më pak se 2/3. Nëse kjo është një hile e jona, si shpjegohet se ne i hapim listat më shumë se të tjerët. Sepse ne jemi partia më e madhe, kemi qenë, jemi e do të jemi”, tha Rama.

Sipas tij, se sa do të hapen listat mund të përcaktohet me dakordësi të gjerë.

Mund të shkojë 100%, u shpreh ai, por duhet të ulemi e të vazhdojmë argumentet.

Rama tha se ne vendosëm këtë tavan për të siguruar përfaqësimin e grave, si dhe për të faktin që hymë në një sistem administrimi të ri komplet dhe mbase është diçka që mund të bëhet me faza.

“Kemi 2 javë që shkojmë për të diskutuar se si do të jetë koalicioni parazgjedhor dhe ata vijnë na lexojnë parulla”, u shpreh Rama duke iu referuar mbledhjeve në Këshillin Politik me përfaqësues të opozitës jashtë parlamentare.

“Këto ndryshime kushtetuese që po bëjmë ne, këtë ta dëgjojnë mirë miqtë dhe partnerët tanë nuk e prekin 5 qershorin. Ne e votuam 5 qershorin 1 për 1 dhe nuk e prekim. Kjo që bëjmë sot, e fut sistemin zgjedhor shqiptar në kornizën e botës prej 1 miliardë banorësh të OSBE/ODIHR, sepse është jashtë“, bëri të ditur Rama.

Rama tha se janë pyetur edhe ekspertët e pavarur sot në Këshillin politik, por që ishin të varur te PD dje, edhe këta të varurit e sotëm, që të tregojnë një vend që e ka këtë sistem.

“I vetmi vend që dëgjova ishte në një libër të La Sapienza. Mbase është edhe në ndonjë kapitull se si nuk duhet bërë kjo punë. Por në botën e OSBE/ODIHR-t, këtë se ka askush”, u shpreh Kryeministri.

Ne, deklaroi Rama, nuk po heqim të drejtën për tu bashkuar Luli me Monën,

“Ne s’kemi asnjë interes politik që të ndërhyjmë te ai çift. Ai çift ne na duhet bashkë. Dhe duke patur Lulin me Monën bashkë, kemi edhe baba Xhikën dhe dixhitalin e Lalzit bashkë, dhe kemi gati bandën e të katërve që do tua tregojmë shqiptarëve mirë, por ama bashkë me sistemin normal”, deklaroi kryeministri.

Rama tha se ata që kanë votuar sot këtu, të jenë të bindur se kanë bërë gjënë e duhur.

“Ata që nuk votuan sot këtu, kanë penguar zbatimin më të mirë të parimit të sistemit proporcional rajonal në kontekstin e këtij vendi. Kanë penguar fuqizimin e ndikimit të votuesve në përzgjedhjen e kandidatëve dhe kufizimin e arsyeshëm të fuqisë së udhëheqjes apo kryetarit të partisë në përcaktimin e deputetëve, kanë penguar uljen e efektit të drejtpërdrejtë që ka marrëdhënia lidership dhe listë e mbyllur, me cilësinë e debatit të brendshëm, kanë penguar përfaqësimin më të mirë të komuniteteve në Parlament, dhe lehtësimin e ndikimit të grupimeve partiake mbi komunitetet, kur vjen puna të zgjedhja e individëve, kanë ndaluar komunitetet të kenë një njohuri më të mirë për cilësitë e përgjithshme të kandidaturave dhe për fytyrën e kandidatëve, kanë penguar fuqizimin e platformave dhe rritjen e cilësisë së betejës së ideve në fushatë, kanë sabotuar sigurimin e një përfaqësimi të drejtë të të gjithëve bashkë dhe në mënyrë të veçantë të gjinive”, deklaroi Rama.

Por në fakt, shtoi Rama, nuk keni bërë asgjë, pasi tha ai, pak nga numërimi i votave do të dalë që tanimë treni me vagonat fantazëm ka ikur në lumë dhe hapja e listave dhe mundësia për popullin që të zgjedhë dhe deputetin është reale./atsh

Rama: Hapim listat që çdo qytetar të zgjedhë jo vetëm partinë, por edhe deputetin që do Read More »

Bëni kujdes, moti sot do të jetë përvëlues/Ja sa do të shkojnë temperaturat

Aktualitet / /

Ditën e sotme bëhuni gati për një mot përvëlues.

Sipas Shërbimit Meteorologjik Ushtarak moti do të vijojë të mbetet nën ndikimin e masave ajrore të nxehta Afrikane.

Era do të jetë nga veriperëndimi-perëndimi me shpejtësi 1-8m/s,e shoqëruar më një valëzim të forcës 1-2 ballë.

Temperaturat parashikohen në: zonat malore 18°C deri në 35°C; zonat e ulëta 20°C deri në 41°C; zonat bregdetare 20°C deri në 37°C

Bëni kujdes, moti sot do të jetë përvëlues/Ja sa do të shkojnë temperaturat Read More »

Horoskopi ditor

Aktualitet / /

Dashi
Yjet e mirë janë pozicionuar në anën tuaj dhe kjo do të thotë se nuk do t’ju mungojë mbështetja qiellore gjatë ditës së sotme. Por nuk mjafton të prisni që gjithçka t’ju vijë nga qielli.

Demi
Me Mërkurin dhe Afërditën në sintoni të plotë do të keni një mundësi më shumë që në raportet ndërpersonale të riktheni harmoninë. Mos lini pas dore një punë tashmë të filluar.

Binjakët
Pozicioni i favorshëm i yjeve për ju do të plotësohet me hyrjen e Afërditës në shenjë, e cila do të ndikojë shumë pozitivisht në sektorin më delikat. Atë të dashurisë.

Gaforrja
Në përgjithësi ndjeheni disi të demotivuar, ndoshta pas një dite jo edhe aq të mirë, por mos u ligështoni, sepse energjitë e duhura do t’jua sjellë Marsi i zjarrtë në shenjë. Mirë shëndeti.

Luani
Dita e sotme pritet të jetë përgjithësisht e mirë, ndonëse Marsi mund t’jua errësojë disi qiellin. Sidoqoftë, situata është e volitshme për të ndërmarrë iniciativa edhe në planin sentimental.

Virgjëresha
Përgatituni për një ditë shumë intensive, pasi Mërkur në shenjë stimulon pikërisht aspektin e punës, ndërkohë që humori juaj do të jetë alternativ, për shkak të Hënës tekanjoze.

Peshorja
Edhe pse mund t’ju duket se nuk do të arrini atë që mendoni, mos u tërhiqni, sepse pikërisht në finish nuk do t’ju mungojë mbështetja e yjeve. Raporte të tendosura me partnerin.

Akrepi
Jeni dhe do të vazhdoni të jeni shumë të nxituar edhe këtë javë, për arsye se keni Marsin marramendës mbi kokë. Evitoni zgjidhjet drastike në një çështje të koklavitur me partnerin.

Shigjetari
Në pritje të hyrjes së merkurit në shenjë, më mirë të prisni dhe të reflektoni sa të merrni vendime për të cilat shumë shpejt mund të pendoheni. Merruni më shumë me problemet vetjake.

Bricjapi
Kuadri yjor është i favorshëm, sidomos në pjesën e dytë të ditës, por duhet të tregoheni më aktivë në mënyrë që të arrini maksimumin. Mund t’ju vijë një propozim i ri.

Ujori
Një përshpejtim i menjëhershëm i ritmeve tuaja mund t’ju zerë disi në kundërkohë, por do të jetë shumë i dobishëm sepse do të konkludoni një punë. Interesante fusha sentimentale.

Peshqit
Edhe pse do të jeni shumë të impenjuar dhe ndoshta më shumë se në një drejtim, fusha më interesante për ju sot mbetet ajo e dashurisë, për shkak të një Afërdite shumë pozitive.

Horoskopi ditor Read More »

Qeveria merr vendimin/ Mbyll pa afat klubet e natës

Lajmi i fundit, Problematika / /

Pas situatës që sa vjen e agravon me virusin Covid-19 në vendin tonë qeveria është detyruar që të bëjë disa ndryshime të tjera në aktin e fundit normative. Kështu pasi u pa që ajo “puna e mbylljes së muzikës pas orës 20.00” nuk pati asnjë efekt është vendosur që Pube-t, diskot dhe gjithë lokalet e natës të mbyllen fare.

Lajmin e ka dhënë ministrja e Shëndetësisë, Ogerta Manastirliu sot në sallën e parlamentit.

Sipas saj, është vërejtur që kryesisht të rinjtë që i frekuentonin ato janë bërë vektor i përhapjes së virusit.

“Ndryshimet dhe shtesat në aktin normativ sa i përket periudhës së pandemisë vijnë pasi duam të vendosim detyrimin për diskot, klubet e natës që kanë pasur detyrim që në krye të herës që të mos hapen. Është vënë re që jo të gjithë e kanë zbatuar urdhrin, duke u kthyer në vatra infeksioni. Detyrimi tani çon deri në pezullim aktiviteti 1 vjeçar kur këto subjekte nuk i binden asnjë ligji. Masat që po marrim, akti normativ, qoftë akti normativ që miratuam të enjten e shkuar për maska të detyrueshme në ambiente të mbyllura vendosen jo për të vënë gjoba, por për të parandaluar përhapjen e Covid 19.

Të rinjtë apo frekuentuesit e këtyre vendeve janë etiketuar si vektori i shpërndarjes së infeksionit te moshat e tjera. Vendosja e këtij akti vjen në kohën e duhur për të forcuar zbatimin e masave Covid 19.

Po punojmë me intensitet, po përgatitemi për vjeshtën por nëse do kemi neglizhim të masave duhet të përgatitemi për rritje të infeksionit Covid 19”, tha Manastirliu.

Qeveria merr vendimin/ Mbyll pa afat klubet e natës Read More »

Balla : ‘Të dy çunat e Sali Berishës, edhe çuni nga mamaja edhe çuni nga partia gënjejnë pa pikën e stresit’

Debat, Opinione, Politike / /

Kuvendi i Shqipërisë do të votojë nesër 30 korrik ndryshimet në Kushtetutë.

Kreu i grupit parlamentar të Partisë Socialiste, Taulant Balla, nga foltorja e Kuvendit, duke diskutuar mbi vendimin e qeverisë për të bërë disa ndryshime në buxhetin e vendit, i ka drejtuar një mesazh kreut të Partisë Demokratike, Lulzim Basha, për reflektim mbi ndryshimet kushtetuese.

Balla në çelje të fjalës së tij kërkoi nga qytetarët dhe deputetët e Kuvendit për respektimin e masave antiCOVID.

“Së pari, do doja që nga kjo foltore t’i kërkoja çdo qytetari e qytetareje të këtij vendit të reflektojë mbi të gjitha detyrimet dhe masat e domosdoshme mbrojtëse lidhur me përballjen me armikun e padukshëm që vazhdon të marri jetë të pafajshme edhe këtu në këtë sallë, thirrja ime për këdo nga kolegët është që ne duhet të jemi simbol i respektimit të masave, jo vetëm në mbajtjen e maskave dhe distancimit social, por në gjithçka që duhet bërë për të kërkuar nga çdo qytetarë që të jetë shumë i kujdesshëm në këtë luftë, ku duhet të jemi të gjithë të përgatitur”, – tha Balla.

Duke u kthyer tek rendi i ditës, Balla tha se për shkak të masave antiCOVID-19, u bë i domosdoshëm reflektimi i buxhetit të shtetit për nevoja immediate të përballjes me luftën. “Jemi në kushte të vështira dhe është rishikuar buxheti. Nuk po hy tek buxheti, ministrja e Financave bëri një prezantim shumë të mirë ashtu si edhe ministri i Rindërtimit”, – tha Balla, duke kaluar vëmendjen tek Reforma Zgjedhore.

“Nesër kemi një çështje të rëndësishme dhe do doja të thoja shkurtimisht që t’i jepja një përgjigje Partisë Demokratike, që thotë nuk duam që ju të votoni ndryshimet kushtetuese se ne, PD-ja pra, gjoja doja t’i hapka listat 100%, ndërsa ne këtu s’jemi dakord t’i hapim 100%. Po si mund të hapen listat 100% pa u votuar nesër ndryshimet kushtetuese, këtë se thotë Luli, por thotë që paskemi shkelur afatet e Komisionit të Venecias që nuk këshillon ndryshime të Kodit të zgjedhjeve një vit përpara zgjedhjeve. Po t’i qëndronim strikt s’duhet të votonim as të enjten e shkuar ndryshimet që ramë dakord me Lulin”, – theksoi Balla.

“Sipas Lulit jemi vonë për hapjen e listave dhe duhet t’i shtymë, që të jemi më herët, kur të bie dakord Luli”,- shtoi Balla, teksa kaloi vëmendjen edhe tek akuzat ndaj Shkëlzen Berishës, djalin e ish-kryeministrit Sali Berisha, për të cilin Balla kërkoi hetim nga SPAK.

“Nëse do presim Lulin, është njësoj sikur të presësh Zenin, vllain e Lulit, që të bjeri dakord për hapjen e hetimeve për kreditë e fabrikës së boronicave apo manaferrave. Zeni vllai i Lulit nuk ka vetëm një kredi 1.8 milionë euro, që s’dihet nga vjen, por ka edhe një kredi 5.4 milionë euro të lënë peshqesh në shportën e boronicave”, – tha Balla.

“Të dy çunat e Sali Berishës, edhe çuni nga mamaja edhe çuni nga partia gënjejnë pa pikën e stresit dhe janë aq dembel sa përtojnë të fshehin gjurmët e gabimeve të tyre. Luli nuk e do hapjen e listave, njësoj si Shkëlzen Berisha s’do hapjen e hetimeve për Boronicat e arta, as listat e Lulit as Boronicat e Zenit nuk durojnë dot dritën e transparencës. Edhe Lulit edhe Zenit, i them që t’i bëjnë thirrje SPAK-ut, që të nis hetimet për këtë djalin me fat, që pa punuar qoftë edhe një ditë në vetme disponoka miliona euro dhe kredira, duke deklaruar veten si ndërmjetës, që në shqip i thonë sekser”, – tha Balla.

“Kush janë subjektet që i kanë paguar mijëra euro, 700 mijë euro në katër pesë vitet e fundit për të qenë ndërmjetës. Çfarë morali njerëzor paska ky djalë me fat. Çfarë zgjidhje të suksesshme u ofron ky pajtuesh gjaqesh ofertuesve të tij? Këto janë pyetjet që ne presim të kemi përgjigje nga SPAK, me qëllim që ky institucion të tregojë se besimi shumë i madh që qytetarët kanë tek ky institucion i ri, është tërësisht i merituar. S’kemi nevojë të presim nga SPAK-u se po të kisha unë boronicat e arta që hapin puse nafte në banka, babi i Zenit dhe i Lulit do më kishin kryqëzuar, mua dhe juve këtu”, – tha Balla.

“Më lejoni të them që ky parlament ka detyrën të hapë listat nesër më 30 korrik pa pritur Lulin të bjeri dakord, edhe pse shpresoj që dita e sotme të jetë ditë reflektimi për të rënë dakord. Të presësh Lulin të bjeri dakord për listat e hapura, përsëris, është njësoj si të presësh Zenin të bjeri dakord për krimin brenda boronicave. SPAK të hapi hetimet për boronicat e arta, dhe të dali me konkluzione ndryshe nga se ndodhte më herët kur babi kishte në duar edhe gurin dhe arrën”, – tha Balla./atsh

Balla : ‘Të dy çunat e Sali Berishës, edhe çuni nga mamaja edhe çuni nga partia gënjejnë pa pikën e stresit’ Read More »

Deputeti i opozitës, Myslym Murrizi: Gjobat nuk janë zgjidhje për të luftuar pandeminë

Opinione, Politike / /

Deputeti i opozitës, Myslym Murrizi, duke folur sot në Kuvend ku po diskutohet Akti Normativ “Për disa shtesa dhe ndryshime në aktin normativ nr. 3, datë 15.03.2020 të Këshillit të Ministrave “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19” të ndryshuar”, tha se “ajo që shoh nga data 12 mars deri sot janë 30 Akte Normative, të cilat në muajin e parë ishin shumë shtrëngues pastaj erdhi si rrufe në qiell të thatë një tolerancë, një zemërgjerësi, amnisti dhe u falën të gjitha çfarë ishin”.

Ai u shpreh se, “mirë do të ishte që të mos bëjmë diferencime nëse kemi falur penalitete, heqje licencash, patentash, leje qarkullimi, bllokim mjetesh, për 1 muaj e gjysmë në fillim, ai precedentë duhet të ndiqej për të gjithë ata, të cilët janë ndëshkuar me masa të njëjta për të njëjtën shkelje”.

Pra nënvizoi ai, “amnistia nuk ka të bëjë ca të bardhë e ca të zezë”.

“Nuk besoj kurrë që në masat shtrënguese në rritjen e gjobave, në raprezaljen e policëve me kapele, pa kapele, me matrikull pa matrikull, policë bashkiakë e policë të ministrisë së Brendshme zhduket COVID-i dhe shpëtohen jetë qytetarësh. Numri i vdekjeve nga 1 në 3-4 ditë, sot është 4 ose 5 në ditë. Pra sado të trashni gjobat dhe të bëni raprezalje ndaj bizneseve, dado të ndaloni daullexhitë, sado të thoni që muzika e natës e përzierë me avujt e alkoolit shtoka masën e koronës është një propagandë boshe që nuk zgjidh asgjë”, u shpreh ai.

“Jam dakord për masat mbrojtës edhe një fushatë sensibilizuese për rrezikun që kanoset nga ky virus për qytetarët e Shqipërisë, por nuk zgjidh gjë gjoba nga 100 mijë në 1 milion. Nga 1 milion në 5. Unë nuk besoj se e ndalon COVID-in. Ndaj duhet të jemi më me këmbë në tokë se jo të gjithë kanë miliona dhe jo të gjithë kanë përfituar nga kjo periudhë COVID-i njësoj”, tha Murrizi./atsh

Deputeti i opozitës, Myslym Murrizi: Gjobat nuk janë zgjidhje për të luftuar pandeminë Read More »

Ja sa raste konfirmohen pozitiv me Covid në 24 orët e fundit në vendin tonë

Lajmi i fundit, Shendetesi / /

Ministria e Shëndetësisë informoi sot, se gjatë 24 orëve të fundit fatkeqësisht, nuk e kanë fituar dot betejën me sëmundjen në spitalin Covid 1, një 68-vjeçare nga Shijaku që kishte disa sëmundje bashkëshoqëruese, si dhe një 60-vjeçare nga Tirana, pa sëmundje të tjera.
Ndërkohë, janë konfirmuar 108 raste të reja.
Mirela Cami, drejtore e Operatorit të Shërbimeve të Kujdesit Shëndetësor në një komunikim për median tha se, aktualisht në Spitalin Infektiv dhe spitalin “Shefqet Ndroqi” po trajtohen 125 pacientë, 17 janë në terapi intensive dhe 7 pacientë janë të intubuar.

Në 24 orët e fundit, janë kryer 502 testime për të dyshuar të prekur me COVID-19, nga të cilat janë konfirmuar 108 raste pozitive. Shpërndarja gjeografike e rasteve është si vijon: 52 raste në Tiranë, 12 në Krujë, 7 në Kukës, 6 në Fier, 5 në Mirditë, 4 në Tropojë, nga 3 raste në Vlorë, Kamëz, Përmet, nga 2 raste në Elbasan, Tepelenë, Memaliaj, nga 1 rast në Kurbin, Korçë, Lezhë, Has, Berat, Pogradec, Përrenjas.
“Gjatë 24 orëve të fundit janë shëruar 41 qytetarë, duke e çuar numrin e të shëruarve në 2830, që nga fillimi i epidemisë. Ministria e Shëndetësisë dhe Mbrojtjes Sociale i bën thirrje edhe njëherë bizneseve, bareve, restoranteve institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore.
Telefononi në numrin unik të Urgjencës Kombëtare 127 nëse keni shenja të sëmundjes, dhe në linjën e gjelbër 0800 40 40 për informacion rreth Covid-19 apo këshillim psikologjik”, – tha ajo.
COVID-19 – Statistika (29 korrik 2020)
Testime totale 40192
Raste pozitive 5105
Raste të shëruara 2830
Raste aktive 2125
Humbje jete 150 (qarku Tiranë 80, Shkodër 23, Durrës 20, Fier 6, Elbasan 5, Kukës 4, Vlorë 4, Korçë 3, Dibër 2, Lezhë 2, Berat 1).
Shpërndarja gjeografike e rasteve aktive sipas qarqeve:
Tiranë 1146
Durrës 255
Shkodër 202
Vlorë 105
Lezhë 83
Fier 76
Korçë 69
Kukës 60
Elbasan 49
Berat 30
Gjirokastër 29
Dibër 21
Ministria e Shëndetësisë i bën thirrje çdo qytetari për të vendosur detyrimisht maskën në ambientet e mbyllura, për të ruajtur distancën në çdo ambient dhe për rëndësinë e higjienës vetjake dhe kolektive për frenimin e përhapjes së COVID-19./atsh

Ja sa raste konfirmohen pozitiv me Covid në 24 orët e fundit në vendin tonë Read More »