Të gjithë ju që jeni bërë gati për të shkuar në plazh, duhet të dini se nesër moti do të jetë me vranësira mesatare deri të dendura.
Reshje shiu që në orët e para të 24-orëshit fillimisht do jenë në Veriperëndim më pas gradualisht do të shtrihen edhe në pjesën tjetër të vendit.
Parashikimi i Shërbimit Meteorologjik:
Dita e mërkurë do të jetë me vranësira mesatare deri të dendura. Reshje shiu që në orët e para të 24-oreshit fillimisht në Veriperëndim e gradualisht reshjet do të shtrihen edhe në pjesën tjetër të vendit. Në Veriperëndim, Jugperëndim dhe në Ultësirën Perëndimiorë reshjet do të jenë me intensitet mesatar, në formën e shtrëngatave shoqëruar me shkarkesa elektrike dhe breshër deri në mëngjes. Gjatë ditës reshjet do të mbeten prezente të herëpasherëshme me intensitet të ulët deri mesatar.
Era do të jetë nga Veriperëndimi- Jugperëndimi 1-10m/s e shoqëruar me një valëzim të forcës 2-3 ballë.
Temperaturat parashikohen me rënie në vlerat maksimale.
Ministria e Shëndetësisë raporton se gjatë 24 orëve të fundit kanë rezultuar pozitivë 130 raste, duke shënuar kështu një tjetër rekord të ri infektimi në vend.
Gjithashtu, gjatë këtyre 24 orëve kanë humbur betejën me koronavirusin edhe katër pacientë të tjerë në dy spitalet Covid.
Deklarata e Dr. Eugena Tomini nga Instituti i Shëndetit Publik:
Ministria e Shëndetësisë dhe Mbrojtjes Sociale ju informon për situatën epidemiologjike të Covid19 gjatë 24 orëve të fundit në vendin tonë.
Situata paraqitet serioze ku vijon të ketë raste të reja të idenfikuara nga gjurmimi dhe hetimi epidemiologjik, si dhe qytetarë që kanë nevojë për trajtim mjekësor në dy spitalet Covid.
Ndaj u kërkojmë qytetarëve të respektojnë masat e vendosura, për të mbajtur maskën detyrimisht në ambientet e mbyllura, për të ruajtur distancimin fizik dhe higjienën personale. Në këtë normalitet të ri, bashkëpunimi juaj është shumë i rëndësishëm për të parandaluar përhapjen e infeksionit, për të mbrojtur veten dhe të afërmit tuaj.
Gjatë 24 orëve të fundit janë kryer 546 testime për të dyshuar të prekur nga Covid 19, ku 130 persona janë konfirmuar të prekur nga virusi Covid 19.
Shpërndarja gjeografike e rasteve pozitive ditore është si vijon: 72 raste në Tiranë, 13 në Shkodër, 6 në Fier, nga 5 raste në Kukës, Lezhë, 4 në Korçë, nga 3 raste në Mat, Roskovec, nga 2 raste në Krujë, Kavajë, Lushnje, Berat, Sarandë, nga 1 rast në Durrës, Elbasan, Has, Vlorë, Gjirokastër, Malësi e Madhe, Gramsh, Kuçovë, Skrapar.
Gjatë 24 orëve të fundit janë shëruar 23 qytetarë, duke e çuar numrin e të shëruarve në 3054, që nga fillimi i epidemisë.
Aktualisht ne spitalin Infektiv dhe “Shefqet Ndroqi” po trajtohen 116 pacientë te konfirmuar pozitiv ku 23 paciente janë në terapi intensive, 7 prej të cilëve pacientë të intubuar.
Fatkeqësisht nuk e kanë fituar dot betejën me sëmundjen në spitalin infektiv, me gjithë përpjekjet e stafit mjekësor, dy qytetarë nga Tirana, të dy 85 vjeç. Nuk kanë mundur të mbijetojnë në spitalin Covid2 “Shefqet Ndroqi edhe 2 qytetare: Një 79 vjeçare nga Mirdita dhe një 81 vjeçare nga Shkodra, me sëmundjë bashkëshoqëruese.
Ministria e Shëndetësisë dhe Mbrojtjes Sociale i shpreh ngushëllimet familjarëve.
Ju lutemi, tregoni kujdes në ambientet e punës, aty ku ofrohen shërbime dhe në çdo ambient publik, për të respektuar masat e higjienës, distancës fizike.
Respektimi i distancës, vendosja e maskës, higjiena vetjake dhe kolektive janë mënyrat e vetme për të frenuar përhapjen e COVID19.
Në rast se dyshoni se jeni të prekur nga Covid19 dhe keni shenja të sëmundjes, të telefononi menjëherë Urgjencën Kombëtare në numrin 127 ose në linjën e gjelbër falas 0800 40 40 për t’u lidhur me mjekun tuaj të familjes.
Kryetari i bashkisë së Vlorës, Dritan Leli ka zhvilluar takime me fermerët në Novoselë.
Gjatë takimit të mbajtur këtë të hënë, Leli tha se do të vijojë mbështetja ndaj fermerëve të vegjël për çdo zhvillim që duan t’i japin punës së tyre.
Sipas kryetarit të bashkisë së Vlorës, fermeri Agroni, në Aliban, ishte i kënaqur me prodhimin dhe e kishte shfrytëzuar tokën e tij maksimalisht, falë edhe kanaleve kullues që sapo kanë përfunduar, për të na treguar se bujqësia, kur di ta shfrytëzosh siç duhet, është shembull pozitiviteti dhe mirëqenieje.
“Ti je një fermer i vogël që je një shembull pozitiv për të gjithë ata që duhet të te ndjekin. Ti je duke dhënë një shembull pozitiv për të gjithë ata që mendojnë që bujqësia nuk është ajo me të cilën duhet të merren. Ne diskutuam herën e kaluar së bashku me deputetin që të gjejmë një zgjidhje sa më të shpejtë të mundshme në mënyrë që kjo problematikë e tokave tuaja të zgjidhet një herë e mirë sepse ne kemi diskutuar shumë herë dhe përpiqemi të gjithë të gjejmë një zgjidhje. Unë mendoj që ka ardhur momenti, që e gjithë kadastra është organizuar në njësi të tërë, do të gjendet zgjidhje me oportune dhe më të shpejta për problematikën që ju keni”, tha Leli.
“Unë dua që të ndjesh mbështetjen tonë, jo vetëm timen personale, por të të gjithë njerëzve që të mos hezitosh asnjëherë të shkruash e të kërkosh më tepër sepse sot falë një menaxhimi shumë të mirë nga qeveria shqiptare të mbështetjes për fermerët për bujqësi, blegtori, ka mundësi për të aplikuar në grante, atëherë kur fermerët janë të regjistruar dhe kanë të gjithë dokumentacionin korrekt. Do të përpiqem që çdo kënd nga ju, të gjej një zgjidhje sa më të shpejtë”, tha Leli.
“Unë mendoj se të gjithë së bashku duhet të përpiqemi të bëjmë dicka dhe nëse nuk e bëjmë me grante, do të bëjmë me mbështetjen tonë me pastrimin e kanaleve kulluese që është një nga problematikat më të mëdha që ka pak a shumë zona e Myzeqesë”, shtoi ai. /atsh
Kryeministri Edi Rama zgjodhi sot pamje nga qyteti i Fierit, i cili është transformuar tërësisht falë investimeve të qeverisë.
“Fieri sot”, tha Rama, duke ndarë videon që dëshmon ndryshimet e pakrahasueshme për dekada me radhë në Fier.
Qendra e Fierit është transformuar në një hapësirë të re publike, ndërsa lumi Gjanica është tashmë pjesë integrale e qendrës së re të qytetit të rilindur.
Investimet infrastrukturore për rehabilitimin e lumit Gjanica dhe qendrën e qytetit, përkthehen në transformime të mëdha urbane me impakt afatgjatë për bashkinë e Fierit.
Rehabilitimi i lumit Gjanica, që për çerekshekulli ishte kthyer në burim plehrash e përmbytjesh për qytetin e Fierit, mbetet projekti më madhor i zbatuar në këtë qytet.
Ky projekt i bashkohet hartës së madhe të ndryshimeve në Fier, duke transformuar përfundimisht edhe dimensionin urbanistik të qytetit, bashkë me sheshin e ri./atsh
Mjeku anestezist Roland Xhaxho ka folur për situatën e koronavirusit në vendin tonë duke treguar se mund të vazhdojë edhe në muajt në vijim duke rritur numrin e vik timave dhe pacientëve që kanë nevojë për intubim. Në një intervistë për Fax News, Xhaxho u shpreh se ashtu siç të dhënat e kanë treguar, sëmundja nuk njeh moshë dhe mund të prekë moshat e reja.
“Unë supozoj që kjo situatë do të vazhdojë dhe në muajt e tjerë duke pasur nga dy apo tre të intubuar çdo ditë dhe fatkeqësisht për ta pohuar, çdo ditë 2 ose 3 humbje jete që mund të jenë personel mjekësor, njerëz të thjeshtë, të gjithë ata njerëz të cilët nuk i kanë respektuar rregullat apo që janë të sëmurë më para, të paditur që janë të sëmurë dhe me shumë probleme të tjera të shëndetit të tyre.
Njerëz që nuk kanë bërë check upin, të rinj që janë imunë, kanë sëmundje të tjera apo ndodhen në një ambient ku virolenca e virusit është shumë e lartë dhe organizmi nuk ka mundësi ta përballojë ashtu siç ka ndodhur”, u shpreh mjeku.
I pyetur për vendosjen e karantinës për herë të dytë, mjeku i shpreh se është e rëndësishme që qeveria të ndërmarrë hapa të tjerë pasi izolimi do të shkaktonte dëme shumë të mëdha ekonomike për vendin tonë.
“Nëse vendosim karantinë, do të shkaktonte dëme shumë të mëdha ekonomike dhe ajo që është më e rëndësishme është që, ashtu siç e tregojnë studimet, kjo do të vazhdojë për 2 vjet. Zotësia e qeverisë do të jetë që ta bëjë në një shtrirje sa më të gjatë në mënyrë që sistemi jonë shëndetësor të ketë mundësi të suportojë me rastet që mund të paraqiten në terapi intensive apo të kenë nevojë për intubim që të jetë më e lehtë për mjekët.
Se nëse kemi 30 të sëmurë, sistemi jonë shëndetësor nuk ka mundësi të përballojë se janë të pakët mjekët anestezisë. I sugjeroj qeverisë që ta shtrijë në kohë duke tërhequr, duke bllokuar aktivitete në mënyrë që të kemi një mundësi në mënyrë që neve sistem shëndetësor ti përgjigjemi kërkesave të popullsisë”, tha Xhaxho.(A.M/Faxweb.al)
Sipas astrologëve, këto janë katër shenjat e horoskopit që tundohen më shpejt se të tjerat.
Dashi
Të lindurit në shenjën e Dashit shpesh e lënë veten të kapen nga nxitimi dhe për këtë arsye rrallë vendosin t’i rezistojnë një tundimi. Në veçanti, ata nuk mund të mos i nënshtrohen tundimeve pasionante, kjo është arsyeja pse ata shpesh e gjejnë veten duke vuajtur nga dashuria.
Luani
Luani është përgjithësisht një shenjë shumë e rezervuar dhe gjithmonë me kokën lart. Por ai ka një pikë të dobët, e cila e detyron atë të heqë dorë nga tundimet. Kur bëhet fjalë për blerje të reja, Luani nuk mund të kursejë asnjë shpenzim, ai do të blinte gjithçka, madje edhe gjëra krejtësisht të padobishme. Ata nuk kanë kontroll dhe ky tundim mund të ketë edhe pasoja negative ekonomike, pasi ata do të ishin në gjendje të blinin një dyqan të tërë, duke e boshatisur gjithë llogarinë.
Akrepi
Nuk është e vështirë të identifikosh pikën e dobët të një Akrepi, pasi e dimë se është një shenjë shumë pasionante dhe për këtë arsye i lejon vetes të joshet nga kënaqësitë trupore. Ai do të ishte i gatshëm për çdo lloj përvoje që të kënaqë veten dhe të bjerë shumë lehtë në tundim, nuk ka absolutisht asnjë nevojë për ta bindur atë. Përkundrazi, askush nuk mund ta ndalonte.
Shigjetari
Ata që lindin nën shenjën e Shigjetarit, ashtu si Luani, tundohen lehtësisht nga blerjet. Edhe ata janë të prirur që të blejnë vazhdimisht gjëra të reja, edhe nëse nuk u duhen ato, dhe çdo herë do të ishte e përshtatshme që t’i shoqëronte dikush për të bërë blerje të reja, përndryshe ata do të shpenzonin një pasuri të tërë në objekte plotësisht të padobishme, vetëm për kënaqësinë e blerjes. /noa.al/
Kur shohim vaj ulliri në tregje apo markete, mendohemi dy herë për ta blerë pasi nuk jemi të sigurt për cilësinë.
Dihen vlerat e patjetërsueshme dhe të dobishme të këtij produkti për njeriun, por duhet që vaji të jetë origjinal për t’i marrë këto përfitime.
Por si t a vërtetoni që produkti në fjalë është origjinal?
Hidhni pak vaj ulliri në një enë të vogël, mundësisht me fund të rrumbullakët. Me njërën dorë mbani gotën, kurse me tjetrën mbulojeni që të mos dalë aroma. Mundohuni të fërkoni pak gotën për të ngrohur vajin, tundeni me lëvizje rrethore.
Më pas hiqeni dorën që keni mbi gotë, afrojeni pranë hundës dhe merrni thelle erën e vajit të ullirit. Nëse ndjen erë të freskët si bari, fruta apo perime, ka më shumë gjasa që vaji juaj të jetë vërtet ekstra i virgjër.
Por ka edhe një mënyrë tjetër.
Kthejeni një gllënjkë vaj ulliri në gojë, por pa e përcjellë. Me dhëmbë të mbyllur dhe me buzë të hapura, thithni pak ajër në gojën tuaj dhe vërtiteni vajin rreth gojës tuaj.
Pastaj pijeni. Nëse është i virgjër do vazhdoni të ndjeni shije të frutave dhe perimeve dhe do të ndjeni një shije të hidhur në pjesën e pasme të fytit.
Tuneli i Llogorasë do të ndërtohet me fondet e buxhetit të Shtetit.
Në buxhetin e rishikuar për vitin 2020 është parashikuar një shtesë fondi prej 150 milionë lekësh për studimin e fizibilitetit dhe hartimin e projektit të detajuar inxhinierik për Tunelin e Llogorasë. Në total shuma që qeveria ka akorduar për këtë projekt llogaritet 750 milionë lekë.
Ministri i Shtetit për Rindërtimin, Arben Ahmetaj bëri të ditur dy ditë më parë se këtë vit parashikohen fondet në buxhet për projektin e kësaj vepre të rëndësishme në infrastrukturën e vendit.
Ndërsa në buxhetin afatmesëm, tha ai, konkretisht në 2021 parashikohet një fond prej 4 milionë lekësh për nisjen e punimeve për ndërtimin e tij.
Tuneli i Llogorasë është pjesë e paketës së madhe të infrastrukturës në mbështetje e shërbim jo vetëm të qytetarëve, por edhe të strategjisë për zhvillimin e turizmit që qeveria ka.
Tuneli llogaritet të ketë një kosto prej rreth 150 milionë eurosh për ndërtimin e tij.
Me këtë vepër aksi Orikum-Palasë do të përshkohet në vetëm 10 minuta, ndërkohë që sot përshkohet për 55 minuta.
Tuneli i Llogorasë do të ketë një gjatësi prej 5.9-6 km, do të lëvizet me shpejtësi 50-80 km orë , do të ketë karrexhatë me dy sense dhe 1 tunel emergjence.
Udhëtimi nga Ura e Shën Elizës deri tek Ura e Palasës do të bëhet për 7-10 minuta.
Qeveria shqiptare hapi më 20 qershor garën për projektin inxhinierik për ndërtimin e tunelit të Llogorasë, i cili do të ndërtohet me fondet e buxhetit të shtetit./atsh
