Ministrja e Shëndetësisë dhe Mbrojtjes Sociale, Ogerta Manastirliu u bëri sot thirrje të gjithë qytetarëve të mbrojnë veten dhe njerëzit e dashur, duke zbatuar disa rregulla të thjeshta në përditshmëri.
Manastirliu ndau një informacion sensibilizues se si mund të parandalohet përhapja e COVID-19, duke nisur nga higjiena e duarve dhe deri te përdorimi i maskës dhe ruajtja e distancës sociale.
“Një thirrje për të gjithë qytetarët. Të mbrojmë veten dhe njerëzit tanë të dashur dhe t’i japim një dorë mjekëve dhe infermierëve, duke zbatuar disa rregulla të thjeshta në përditshmëri. Laj duart, përdor sapun, mos shtrëngo duart, përdor dezinfektant, shmang kontaktin, mbaj distancën dhe përdor maskën”, tha Manastirliu. /atsh
Mjekja Migena Qato apelon për kujdes për shkak të rasteve të shtuara me Covid-19.
Qato bën apel kryesisht ndaj të rinjve që të kenë kujdes.
Nëpërmjet një mesazhi të shpërndarë nga ministrja e Shëndetësisë, Ogerta Manastirliu, ajo thekson se në spitalet Covid, dominojnë moshat e reja.
“Po përballemi me një pandemi të përmasave, që kurrë më parë nuk ishim përballur. Ditët e fundit kanë qenë jo të lehta për ne, pasi numri i rasteve është shtuar në mënyrë të konsiderueshme dhe jo vetëm kaq. Tani dominojnë për fat të keq edhe mosha të reja, të cilat kanë qenë të paprekura nga sëmundje të tjera më parë. Ndaj apeli shkon që të jemi shumë të kujdesshëm, të ruajmë distancën sociale, sepse tani Covid nuk ka më preference në moshë, nuk po kursen asnjë subjekt të popullatës. Ndaj jeni të kujdesshëm, mbroni veten tuaj dhe të afërmit”, thotë ajo./noa.al/
Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje. Ky është një përkthim ekskluziv nga Noa.al i shërbimit astrologjik që përftohet në avancë për lexuesit tanë.
Dashi
Kjo nuk është koha ideale për dashurinë, do të ketë pasiguri. Mundohuni që të tregoheni të kujdesshëm dhe të bëni durim me ndjenjat. Në punë jeni në pritje të diçkaje dhe do të duhet shumë durim, por gjërat do të ecin më së miri.
Demi
Keni dëshirë për të dashuruar dhe jeni gati për një lidhje. Nëse jeni vetëm, ky është momenti për tu futur në lojë. Në punë, gjërat mund të mos ecin siç dëshironi, pasi mund të hasni në probleme të cilat do ju mundojnë për ti zgjidhur.
Binjakët
Jeni mjaft të lodhur, por mundohuni që të gjeni kohë për tu relaksuar. Në dashuri bëni mirë që të shmangni debatet. Në punë, parashikohen zhvillime të reja.
Gaforrja
Ju pret një ditë mjaft interesante për dashurinë, ku edhe ata që janë vetëm mund të kenë zhvillime premtuese. Sfera financiare do të hasë në vështirësi, ndaj bëni kujdes. Në punë mund të keni pengesa dhe vonesa.
Luani
Nëse në historinë që po jetoni ka diçka që nuk ju bind, mundohuni që të flisni, Në punë, mundohuni që të shmangni zënkat dhe polemikat. Bëni mirë që gjatë kësaj dite të mos lodheni.
Virgjëresha
Hëna do të ketë ndikim të favorshëm, por Venusi nuk do të jetë në anën tuaj. Mjaft mirë paraqitet sfera profesionale, ku problemet do mund të kalohen lehtësisht me pak më shumë përkushtim.
Peshorja
Në dashuri situata nuk paraqitet ndër më të mirat, por gjërat do të ecin më mirë. Momentalisht keni disa shqetësime që ju mundojnë. Në punë do të mendoni për më mirë, por mbani parasysh se për të marrë rezultatet e dëshiruara, duhet kohë.
Akrepi
Jeni nervoz dhe në gjendje ankthi, gjë që mund të shkaktojë debate. Këshillohet që ti shmangni debatet në dashuri. Në punë, situata nuk është ndër më të mirat dhe do të ketë dyshime.
Shigjetari
Raportet që do të lindin në këtë moment, shihen si mjaft të favorshme. Mund të përballeni me probleme që kërkojnë zgjidhje gjatë kësaj dite, shkruan noa.al. Në familje, mund të përballeni me debate.
Bricjapi
Në dashuri duhet të tregoheni të qartë. Nëse jeni nervoz dhe keni shqetësime, bëni mirë që të mos kapeni me partnerin/en. Nëse jeni të angazhuar në një aktivitet, do të keni mundësi që të rinisni.
Ujori
Kohëve të fundit keni ndryshuar dhe tashmë keni nevojë që të kuptoni nëse partneri/ja, ju kupton. Bëni mirë që të mos përballeni me çështjet ekonomike gjatë kësaj të diele.
Peshqit
Dashuria shihet mjaft e favorizuar gjatë kësaj dite, ku ndjenja të forta mund të ketë me të lindurit e shenjës së demit dhe akrepit. Nëse jeni duke çuar përpara projekte në punë, sigurohuni që të mos bëni gabime.
Ministria e Shëndetësisë dhe Mbrojtjes Sociale informon se në 24 orët e fundit, janë kryer 510 testime për të dyshuar të prekur me COVID-19, nga të cilat janë konfirmuar 120 raste pozitive.
Në komunikimin për mediet, Dr. Flutura Beqo nga Ministria e Shëndetësisë dhe Mbrojtjes Sociale tha se shpërndarja gjeografike e rasteve është si vijon: 57 raste në Tiranë, 15 në Durrës, 8 në Kavajë, 7 në Krujë, 6 në Elbasan, 5 në Korçë, nga 4 raste në Kurbin, Pogradec, nga 3 raste në Lushnje, Tropojë, nga 2 raste në Shkodër, Tepelenë, nga 1 rast në Vlorë, Divjakë, Belsh, Prrenjas.
Gjatë 24 orëve të fundit janë shëruar 9 qytetarë, duke e çuar numrin e të shëruarve në 2961, që nga fillimi i epidemisë.
“Fatkeqësisht, nuk e kanë fituar dot betejën me sëmundjen në dy spitalet Covid, një 58 vjeçare nga Kurbini dhe një dhe një 71 vjeçare nga Lushnja me disa sëmundje bashkëshoqëruese, një 61 vjeçar nga Durrësi dhe një 67 vjeçar nga Fieri. Ministria e Shëndetësisë dhe Mbrojtjes Sociale i shpreh ngushëllimet familjarëve”, u shpreh ajo.
Aktualisht tha Beqo, në spitalin Infektiv dhe spitalin “Shefqet Ndroqi” po trajtohen 119 pacientë, 18 janë në terapi intensive, 6 prej të cilëve pacientë të intubuar.
“I drejtohemi të gjithë qytetarëve të tregojnë kujdes me ruajtjen e higjienës personale, me mbajtjen e distancës fizike, vendosjen e detyrueshme të maskës në ambientet e mbyllura dhe kudo ku nuk është e mundur të ruhet distanca fizike. Ministria e Shëndetësisë dhe Mbrojtjes Sociale edhe një herë ka një lutje për qytetarët dhe bizneset të tregojnë kujdes dhe të zbatojmë me rigorozitet masat e vendosura, sepse virusi është ende mes nesh”, apeloi Beqo.
Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për COVD- 19.
Djali i madh i kryeministrit Rama, Gregu, ka reaguar me nje mesazh per ndarjen nga jeta te gjyshes se tij, Aneta Rames.
Me nje foto bardhe e zi, ku shfaqen te dy te qeshur, teksa ai i tregon dicka ne telefon, Gregu, ka ndare me ndjekesit e tij ne rrjetet sociale, nje mesazh te ndjere per gjyshen.
“Këshillat e tua më të vyera, batutat dhe çdo përpjekje e jotja për të luftuar dhe tejkaluar çdo vështirësi dhe betejë do jenë të paharrueshme tek unë! U prehsh në paqe
Më 10 korrik Isa Mustafa rezultoi i infektuar me koronavirus, por tashmë teksa kanë kaluar 20 ditë, kreu i LDK-së ka njoftuar se është shëruar nga ky virus vdekjeprurës. KOSOVË– Kreu i LDK-së Isa Mustafa përmes një postimi në rrjetin social Facebook ditën e sotme ka njoftuar se është shëruar plotësisht nga Covid-19.
Ai u infektua nga virusi që prej datës 10 korrik, por siç sqaron edhe në postimin e tij, Mustafa bën me dije se ka rezultuar negativ në testin për Covid-19.
Kujtojmë se gjatë kohës që Mustafa ishte i sëmurë, në rrjet qarkukulloi një video dhe njoftim i rremë për vdekjen e tij duke treguar edhe orën e varrimit ndërkohë që kreu i LDK-së ishte në gjendje stabile e po kurohej për koronavirusin.
Postimi i Plotë i Mustafës:
Miq të nderuar Dua te ndaj me ju lajmin se kam rezultuar negativ, pas perballjes me Covid-19. Kam nderin të falënderoj gjithë ata që janë lutur për shëndetin tim. Familjen time të mrekullueshme për kujdesin e parreshtur, bashkëshoren Qevseren, vajzën time, doktoreshën Afërditë, djemtë Arbenin e Besnikun dhe nipin tim Metin; motrat dhe vëllezërit. Një falënderim të veçantë e meritojnë mjekët tanë të fushave të ndryshme që më udhëzuan dhe rekomanduan kur kisha nevojë, prof . Dr Sali Ahmeti, prof. Dr Afrim Gashi, dr. Rexhep Manaj, dr. Valbon Krasniqi, prof. dr. Venera Berisha-Muharemi, dr. Bujar Gjikolli. Mjekët dhe sistemi shëndetësor meritojnë shumë më shumë sesa që ne u ofrojmë. Falënderoj për mbështetje nga bashkëpunëtorët e LDK-së, kolegët nga ASHAK dhe Universiteti i Prishtinës! Falënderoj Presidentin Thaçi, Presidenten Jahjaga, Kryeministrin Hoti, Kryeparlamentaren Osmani, Kryetarin e PDK-së, Veseli, Kryetarin e AAK-sê, Haradinaj, Kryetarin e Nismës, Limaj, kryetarin e AKR-së, Pacolli, kryetarin e Prishtinës, Ahmeti, nënkryetaren e Kuvendit nga VV, Nagavci; burrështetasit shqiptarë: Presidentin Ilir Meta, Presidentin, Sali Berisha, Kryeministrin Edi Rama, Kryetarin e PD, Lulzim Basha, Kryetarin e Kuvendit të Shqipërisë, Gramos Ruçi, Sekretarin e PS, Taulant Balla, kryetarin e BDI-së, Ali Ahmeti; si dhe ambasadorin e SHBA-së Kosnett, ambasadorin e Mbretërisë së Bashkuar, Abott, ambasadorin e Italisë, Orlando, ambasadori zviceran, Lebet, deutetë të pozitës dhe opozitës dhe shumë qytetarë për tregimin e kujdesit dhe urimet e tyre për shëndetin tim. Miq të nderuar, kishte edhe të tillë që i duartrokitën sëmundjes time e që uruan vdekjen time. Pati të sojit që sajuan varrimin tim virtual në rrjetet sociale e ma tmerruan një pjesë të familjes e cila nuk ishte në rrjedhë se çfarë ka ndodhur dhe çfarë po ndodhë. Edhe këtyre iu uroj shëndet; fëmijëve dhe familjeve të tyre! Fati ynë ështe që tjetërkush vendosë për jetën tonë, ndërsa me disa merret drejtesia. Covid-19 po bënë të veten, por ne duhet ta bëjmë tonën, të respektojmë rregullat që kërkohen nga institucionet shëndetësore. Uroj që ata që janë prekur me Covid-19 të shërohen sa më shpejtë, kurse me dhembje të thellë u shpreh ngushëllime të gjitha familjarëve që humbën të afërmit e tyre. IM
Presidenti i vendit, Ilir Meta, ka ngushelluar sot familjen Rama, per humbjen e njeriut te tyre te shtrenjte, ndarjen nga jeta te Aneta Rames. presidenti meta
Me nje shenim ne faqen e tij ne Facebook, Meta i shpreh familjes Rama, ngushellimet me te sinqerta.
Mesazhi i Metes
Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta.
U prehtë në paqe!
“Ndjej keqardhje për Ilir Metën, t’i vijë turp. Kur Ilir Meta të jetë harruar, Kristaq Rama do të jetë aty, tek ‘Nënë Shqipëri’ dhe Heronjtë e Pavarësisë së Vlorës”,- u shpreh sot kryeministri Edi Rama, duke komentuar deklaratat e presidentit Ilir Meta pas votimit në Kuvend të ndryshimeve kushtetuese.
Rama u shpreh pas deklaratave të Metës që përmendnin edhe babain e tij, se ndjente keqardhje.
“Unë urrejtjen nuk e njoh si ndjenjë. Ndoshta ngaqë gjyshja kur isha shumë i vogël, thoshte inati është e zeza atij që e ka. Ndoshta nga prindërit, që asnjëherë si kam parë të urrejnë, ose ndoshta se jam shumë i gjatë për të urryer”, u shpreh kryeministri.
“Është një marrëdhënie e ndërlikuar. Nga pikëpamja njerëzore nuk kam pasur ndonjëherë problem me askënd. Me gjithë këta miq, partner, kolegë, madje as me kundërshtarët s’kam pasur ndonjëherë problem. As me Ilirin s’kemi pasur problem nga ana njerëzore. Nga pikëpamja profesionale po, sa herë ambicja e Ilir Metës ka tejkaluar Metën, dhe sa herë pasiguria e brendshme ka triumfuar. Dhe deklarata e Metës është shprehja e pakontrolluar e pasigurisë së brendshme të tij. E njoh këtë qasje të Ilir Metës, kur hëna rrotullohet në të kundërt për të dhe kur i errësohet pamja përpara, por përsa i takon implikimit që ka në realitet kjo gjë është një 5 me hiç”,- tha Rama.
“Kur Ilir Meta përmend babain tim, ndiej thjesht keqardhje të thellë për Ilir Metën, t’i vijë turp, por në fund fare kur Ilir Meta të jetë harruar njëherë e përgjithmonë, Kristaq Rama do të jetë aty, tek ‘Nëna Shqipëri’ dhe Heronjtë e Pavarësisë së Vlorës dhe të gjithë kur të shkojnë të nderojnë dëshmorët apo etërit e pavarësisë do të ngrenë kokën lart dhe do të admirojnë atë që Kristaq Rama i ka lënë këtij vendi”,- shtoi Rama.
“Unë mendoj që komunistët janë një gjë dhe komunizmi është gjë tjetër. Ka pasur kriminelë dhe idealistë. Ka pasur vrasës dhe keqbërës, por ka pasur njerëz që meritojnë të gjithë vlerësimin për dhimbjen e tyre për zhgënjimin e marrë nga komunizmi dhe njerëz që meritojnë respektin për punën e bërë. Fashizmi kërcënon herë pas here të rishfaqet, komunizmi më pak sipas meje. Fashizmi dhe Komunizmi iu premtuan njerëzve parajsën, por prodhuan ferrin mbi tokë. Kush merret me personin, apo me babain, apo me mamanë, apo gjyshin, gjyshen, për të sulmuar personin, duke kujtuar se po sulmon një komunist, komunizmin apo fashizmin, është komunist ose fashist. Dallimi mes njerëzve të lirë, demokrat, liberal, dhe mësimit numrit një të ideologjisë fashiste dhe komuniste është pikërisht ky. Të parët merren me mesazhin, të dytët me mesazherin”,- tha Rama. /atsh
