Irina

Ndalohet lëvizja me automjete private ose shtetërore për administratën publike

Aktualitet / /

Ministria e Shëndetësisë dhe Mbrojtjes Sociale ka urdhëruar kufizimin e lëvizjes me automjetet private ose shtetërore të administratës publike.

Ministria e Shëndetësisë sqaron se në mbështetje, ligjit për parandalimin dhe luftimin e infeksioneve dhe sëmundjeve infektive”, sipas udhëzimeve të Institutit të Shëndetit Publik, me qëllim mbrojtjen e shëndetit të popullatës nga infeksioni i shkaktuar nga COVID19 vendosi ndalimin e lëvizjes me automjetet private ose automjete shtetërore të punonjësve të administratës publike të institucioneve qendrore dhe atyre vendore, puna e të cilëve lidhet me qëndrimin në zyrë dhe jo në terren.

“Përjashtim nga ky rregull bëjnë punonjësit e Ministrisë së Shëndetësisë dhe Mbrojtjes Sociale përfshirë personelin mjekësor dhe infermieror, punonjësit e Ministrisë së Mbrojtjes, Ministrisë së Financës apo të prefekturave dhe bashkive që janë të përfshirë në listën prioritare të firmosur nga titullari i institucionit. Ministritë dhe institucionet e administratës publike që nuk janë të përfshirë ne pikën 2 të këtij urdhri të paraqesin kërkesë pranë autoriteteve kompetente për personelin që duhet të lëvizë me automjet privat ose shtetëror, për t’u pajisur me leje të posaçme. Adresa: Rruga e Kavajës Nr. 1001, Tirana, Albania. Tel: +355 42376178/ext 72128 www.shendetesia.gov.al”, sqaron Ministria.

Titullarët e institucioneve të vartësisë të institucioneve të përcaktuar në pikën 2 të këtij urdhri të dërgojnë pranë ministrit ose kryetarit të bashkisë listën e arsyetuar të personave që duhet të lëvizin me automjetin privat ose shtetëror. Lista me emrat i përcillet autoriteteve kompetente për t’u pajisur me leje të posaçme. Ngarkohen për zbatimin e këtij urdhri Titullarët e institucioneve qendrore dhe vendore të përfshira në këtë urdhër”, sqaron Ministria e Shëndetësisë dhe Mbrojtjes Sociale./atsh

Ndalohet lëvizja me automjete private ose shtetërore për administratën publike Read More »

Firmoset masa/ Lëvizja e këmbësorëve në zonat urbane vetëm në fashat 06:00-10:00 dhe 16:00-18:00

Aktualitet, Lajmi i fundit / /

Në kuadër të masave për parandalimin dhe luftimin e infeksioneve dhe sëmundjeve infektive, ministrja e Shëndetësisë dhe Mbrojtjes Sociale, Ogerta Manastirliu firmosi urdhrin për ndryshimin e fashave të orareve kur lejohet qarkullimi i këmbësorëve.

Sipas këtij urdhri të sotëm lejohet lëvizja e këmbësorëve në zonat urbane vetëm në fashat 06:00-10:00 dhe 16:00-18:00. Përgjatë kësaj fashe personat që qarkullojnë duhet të jenë të pashoqëruar në krah.

Përjashtim nga ky rregull bëjnë personat e pajisur me autorizim nga organet kompetente dhe rastet e një emergjence shëndetësore apo shoqëruesit për të sëmurët që marrin shërbim në spital./atsh

Firmoset masa/ Lëvizja e këmbësorëve në zonat urbane vetëm në fashat 06:00-10:00 dhe 16:00-18:00 Read More »

Posta apel pensionistëve: Mos u paraqisni fizikisht në sportele, vijmë ne te ju

Aktualitet, Lajmi i fundit / /

Posta Shqiptare iu bëri apel të gjithë pensionistëve që të mos paraqiten fizikisht në zyrat postare, pasi do të jetë ajo në shërbim të tyre.

Në një njoftim të saj Posta shprehet se: “Të dhënat e kërkuara si: emër mbiemër, numrin e kartës së identitetit, adresën e banimit dhe numrin e telefonit, qytetarët e qarkut Tiranë, mund t’i dërgojnë duke telefonuar në numrat: 0683446821, 0683446820, 0683446818 dhe 0683446817. Të gjithë qytetarët mund të na kontaktojnë, çdo ditë, nga ora 08:00-16:30”.

Me masat e reja, pensionistëve do t’u dërgohet pensioni në banesë. Posta Shqiptare ka publikuar kontaktet për secilën zyrë postare në mbarë vendin./atsh

Posta apel pensionistëve: Mos u paraqisni fizikisht në sportele, vijmë ne te ju Read More »

Nga nesër dalja e këmbësorëve vetëm në dy fasha orare, gjobë 10 mijë lekë për ata që nuk respektojnë rregullat

Aktualitet, Lajmi i fundit / /

“Nga nesër dalja e këmbësorëve do të kufizohet vetëm në fashat orare 06.00 – 10.00 dhe 16.00 – 18.00 dhe do të ndalohet dalja në këmbë rrugëve me persona të tjerë në krah”, informoi sot Kryeministri Edi Rama.

Rama theksoi se “nuk është kohë shëtitjesh”. “Mesa duket nuk po kuptohemi siç duhet me disa që s’duan ta marrin vesh se nuk është kohë shëtitjesh”, tha Rama.

Shkelja e këtyre rregullave, sipas Ramës, do të ndëshkohet me gjobë 10.000 lekë dhe me mosdhënien e asnjë ndihme shtetërore nga paketa financiare e luftës për shkelësin.

“Boll! një pakicë e vogël fare individësh të papërgjegjshëm nuk mund të sabotojnë sakrificën e një populli të tërë, duke rrezikuar jetën e tyre dhe të njerëzve të tjerë! Ndjesë 1000 herë po kjo është luftë dhe s’ka asnjë rrugë tjetër! Frikë aspak, kujdes po! Me hir ose me pahir! Dielli aty do jetë prapë, ndërsa jetët e humbura nuk kthehen më”, tha Rama. /atsh

Nga nesër dalja e këmbësorëve vetëm në dy fasha orare, gjobë 10 mijë lekë për ata që nuk respektojnë rregullat Read More »

Vokshi: Duhen masa konkrete, situata nuk zgjidhet me gjoba

Aktualitet, Opinione, Politike / /

Ish-deputetja e PD-së Albana Vokshi tha sot se duhen masa për të mbrojtur qytetarët dhe mjekët, situata nuk zgjidhet me gjoba dhe duke sulmuar opozitën.

Vokshi shtoi se “me gjoba nuk zgjidhet asgjë. Duhen masa mbrojtëse për stafin mjekësor, duhen tamponë dhe kite për testimin e popullatës, duhen pajisjet e nevojshme mjekësore për përballimin e fluksit. Asgjë prej këtyre në kohë, megjithëse kryetari i PD Lulzim Basha, prej ditësh, i ka bërë thirrje qeverisë të marrë masa për pajisjen e spitaleve me mjetet e nevojshme, përfshirë aparatet respiratore. Vazhdimisht, kryeministri e ka hedhur poshtë duke theksuar se spitalet kanë pajisje të nevojshme”.

“Situata nuk menaxhohet me shpalljet e gjobave dhe aq më pak, me sulme ndaj çdo propozimi të opozitës. Për shëndetin e mjekëve dhe të shqiptarëve duhen veprime të shpejta, që i paraprijnë përkeqësimit të situatës. Qytetarët kanë nevojë për dikë që qeveris dhe merr vendime në kohën e duhur për interesin e tyre”, tha ajo./atsh

Vokshi: Duhen masa konkrete, situata nuk zgjidhet me gjoba Read More »

Rama falënderon shqiptarët në Itali për mesazhet mbështetëse: Ndihmoni që ata që s’e kanë kuptuar akoma që jemi në një luftë të vërtetë

Aktualitet, Politike, Problematika, Shendetesi / /

Kryeministri Edi Rama ka falënderuar qytetarët shqiptarë që jetojnë në Itali, për mesazhet mbështetëse të përcjella prej tyre në këtë situatë, ndërsa u ka kërkuar atyre të sensibilizojnë edhe të afërm të tyre në Shqipëri, që të zbatojnë masat.

“Faleminderit nga thellësia e zemrës të gjithëve ju që jeni në Itali dhe shkruani në faqen time fjalë të ndjera, të mençura, të vërteta nga zona e dhimbjeve më të mëdha të luftës.
Ju lutem shkruani sa të mundeni, kurdo e kudo mundeni përmes fejsbukut tuaj dhe foluni sa më shumë nëpër telefona të afërmve e miqve tuaj këtu në Shqipëri, jepuni kurajo e forcë duke u thënë të vërtetën! Ndihmoni që ata që s’e kanë kuptuar apo s’duan ta kuptojnë akoma, që jemi në një luftë të vërtetë dhe ankohen sikur jemi në një lojë kukamçefthi, të vijnë sa më shpejt në vete e të mbledhin mendjen! Viva l’Italia, Rroftë Shqipëria”, u shpreh Kryeministri./atsh

Rama falënderon shqiptarët në Itali për mesazhet mbështetëse: Ndihmoni që ata që s’e kanë kuptuar akoma që jemi në një luftë të vërtetë Read More »

Rama qytetarëve: Nuk jeni në shtëpi se dua unë, po sepse ka një armik që ka sulmuar vendin

Aktualitet, Problematika / /

Nuk jeni në shtëpi se dua unë, po sepse ka një armik që ka sulmuar vendin tonë”, iu drejtua sot Kryeministri Edi Rama qytetarëve, që reagojnë lidhur me masat e marra për parandalimin e përhapjes së COVID-19.

Rama siguroi qytetarët se “askush nuk do të bënte dot më shumë për ju, se sa po bëjmë dhe do të bëjmë deri në fund, unë dhe qeveria ime”.

“O ju vëllezër e motra që bëni ca pyetje sikur po vuani nga dora e robit, jo nga dora e Zotit. A do ta kuptoni edhe ju, siç e ka kuptuar shumica, se kjo është luftë e vërtetë dhe pyetja është: po t’i shihnit avionët që ju bombardojnë mbi kokë dhe plagët që hapin, a do ti bënit ato lloj pyetjesh?”, tha Rama.

Rama kujtoi se Presidenti i Francës mbrëmë i tha pesë herë popullit të tij: jemi në luftë!

“Ju lutem ndajeni mendjen: jemi në luftë! Nuk jeni në shtëpi se dua unë, po sepse ka një armik që ka sulmuar vendin tonë! Prandaj bëni secili luftën tuaj dhe bëni durim! Ne po bëjmë e do bëjmë gjithçka që është e mundur mbi këtë tokë, po nuk jemi Zoti dhe nuk zgjidhim dot me magji probleme e halle që janë reale, por që janë pjesë e të qenit në luftë!
Askush nuk do të bënte dot më shumë për ju, se sa po bëjmë dhe do të bëjmë deri në fund, unë dhe qeveria ime! Me mish e me shpirt”, tha Rama./atsh

Rama qytetarëve: Nuk jeni në shtëpi se dua unë, po sepse ka një armik që ka sulmuar vendin Read More »

Rama: Zbatimi i masave deri në fund, askush nuk e di sa do zgjasë as në Shqipëri e në asnjë vend të globit

Aktualitet, Lajmi i fundit, Problematika / /

Kryeministri Edi Rama gjatë një interviste televizive sot, ka theksuar se masat e marra nga qeveria për minimizimin e përhapjes së koronavirusit të ri, COVID 19, duhet të imponohen deri në fund.

Sipas Ramës, Italia nuk po bën asgjë më shumë se sa Shqipëria. “Italia nuk po bën asgjë më shumë se sa ne faktisht dhe njësoj si në Shqipëri edhe në Itali një pjesë e atyre aktiviteteve që lidhen me hallkat kritike të zinxhirit ekonomik janë të pandërprera. Pjesa tjetër është ajo që bëjmë ne”,- tha Rama.

“Ajo që ne na duhet të bëjmë është t’i imponojmë këto masa deri në fund. Këtu e përsëris për gjithë qytetarët që e kanë të domosdoshme të dalin nga shtëpia për shërbimet bazë, duhet të mos harrojnë se dalja në rrugë nuk është dalja në liri por është vijimi i një sjellje ndryshe nga ajo e zakonshme. Nëse shkojmë në bankë duhet të rrimë në distancën nga njëri-tjetri dhe mundësisht të rrimë në radhë për të mbrojtur veten dhe tjetrin. Nëse shkojmë në dyqan, duhet të rrimë në radhë. Këto janë shumë të vështira sepse forca e zakoneve të krijuara është shumë e madhe, por janë të domosdoshme dhe sfida tani është t’i zbatojmë të gjithë këto masa që në një kohë normale do të dukeshin absurd”,- tha Kryeministri.

Lidhur me kohëzjatjen e këtyre masave, Rama tha se askush nuk e di. “Askush nuk e di, as në Shqipëri dhe në asnjë vend të globit. Të gjithë kanë marrë masa të ngjashme tanimë, ne kemi qenë vendi i parë në Evropë pas Italisë që mbylli shkollat, dhe hap pas hapi kemi qenë me atë grup vendesh që kanë bërë të njëjtat gjëra. Por askush askund nuk e di se sa do të zgjasë. Është marrë një masë që bazohet tek një afat tek dy apo tre javor me idenë që këto 2-3 javë janë të domosdoshme për të ulur kurbën e shpërndarjen sepse duhet të kemi të qartë, dhe kam qenë i detyruar të mësoj shumë nga detyra dhe halli për këtë mortje që sulmuar botë, është se asnjë masë nuk e ndal shpërndarjen e virusit, të jemi të qartë”,- shtoi ai.

“Por masat e ngadalësojnë shpërndarjen, i japin mundësi sistemit shëndetësor të mund të asistojë ata që janë më në nevojë dhe hyjnë në fazën e një situate kritike për luftën për jetën. 2-3 javë do të jenë ndikuese në uljen e kurbës, në ngadalësimin e shpërndarjes së virusit, do t’i japë mundësi shumë njerëzve që ta kalojnë gjendjen në shtëpi. Se siç e dimë 80% e atyre që preken nga ky virus, as nuk e marrin vesh që kanë prekur”, tha Rama/atsh

Rama: Zbatimi i masave deri në fund, askush nuk e di sa do zgjasë as në Shqipëri e në asnjë vend të globit Read More »