Irina

Artistët, dedikim për sakrificën e bluzave të bardha përballë betejës me COVID-19

Shendetesi / /

Këngëtarë, instrumentistë, futbollistë, artistë dhe gazetarë sollën sot ndryshe “Kënga e mjekut”, të kompozuar nga Agim Prodani në 1963 dhe të kënduar nga artistja e madhe Anita Take.

Kjo këngë tingëllon sot më bukur se kurrë në këto ditë të vështira jo vetëm për mjekët shqiptarë, por edhe ata në botë që po përballen me koronavirusin “COVID-19”.

E realizuar me mbështetjen e Agim Prodanit kjo video është një shenjë mirënjohje të pakufijshme ndaj bluzave të bardha që me humanizmin e tyre profesional e shpirtëror janë në ballë të frontit në këtë betejë të pamëshirshme ndaj njerëzimit që ka pushtuar sot botën, vendin tonë dhe njerëzit tanë të mrekullueshëm.

Kjo këngë jehon sot si një nderim për mjekët dhe infermierët që ndodhen në spitale për të kuruar pacientët e sëmurë nga ky virus që ka pushtuar shumicën e vendeve në botë./atsh

https://www.facebook.com/Agjencia.Telegrafike.Shqiptare/videos/306363627000982/?t=0

Artistët, dedikim për sakrificën e bluzave të bardha përballë betejës me COVID-19 Read More »

Gati aplikacioni online, vetëm një person nga familja lejohet për të bërë pazar

Aktualitet, Lajmi i fundit / /

Kryeministri Edi Rama deklaroi sot se është gati aplikacioni online ose me sms për leje-daljen e vetëm një personi nga familja për të bërë pazar.

“Njësoj si javën e shkuar, nga ora 13:00 nesër deri të hënën 05:00 të gjithë në shtëpi dhe të gjithë qepenat mbyllur”, tha Rama.

Ndërkohë Rama tha se “nga e hëna askush nuk del dot më në pazar, pa marrë lejen digjitale me e-mail ose telefon në emër të familjes”.

Kryeministri tha se pas pak do të bëhet edhe prezantimi i aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane. /atsh

Gati aplikacioni online, vetëm një person nga familja lejohet për të bërë pazar Read More »

Punë e palodhur e ekipit të anestezi-reanimacionit në përballje me COVID-19

Aktualitet, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu shprehu vlerësimin dhe mirënjohjen ndaj mjekëvë dhe infermierëve që janë në frontin e parë të luftës me COVID-19.

Doktor Krenar Lilaj është në krye të organizimit të punës së shërbimit anestezi- reanimacion në të gjithë stukturat spitalore shëndetësore, që do të trajtojnë personat me infeksionin e shkaktuar nga COVID-19

“Mirënjohëse për punën e palodhur të ekipit të anestezi-reanimacionit në këto ditë të vështira në përballje me COVID-19. Dr. Krenar Lilaj është në krye të organizimit të punës së shërbimit anestezi- reanimacion në të gjithë stukturat spitalore shëndetësore, që do të trajtojnë personat me infeksionin e shkaktuar nga COVID-19. I gjithë ekipi po bën një punë heroike”-u shpreh Manastirliu./atsh

Punë e palodhur e ekipit të anestezi-reanimacionit në përballje me COVID-19 Read More »

E dalë në pension prej vitesh, mjekja Burbuqe Ajazi vazhdon të shërbejë me profesionalizëm në Peqin

Shendetesi / /

Mjekja gjinekologe, në Peqin Burbuqe Ajazi, megjithëse ka dalë në pension, vazhdon të shërbejë me shumë profesionalizëm, përkushtim dhe pasion në spitalin e Peqinit.

Presidenti i Republikës, Ilir Meta ka falënderuar mjeken Ajazi, e cila mbrëmë së bashku me stafin e mrekullueshëm të mjekëve të Peqinit, ka asistuar për lindjen e shëndetshme të një foshnjeje.

“Mjekja gjinekologe, Burbuqe Ajazi, ndonëse prej vitesh e ka mbushur moshën e pensionit, vazhdon të shërbejë me shumë profesionalizëm, përkushtim dhe pasion në spitalin e Peqinit, duke u kthyer në shembull të jashtëzakonshëm frymëzimi për brezat e rinj të mjekëve dhe infermierëve”, është shprehur Presidenti Meta.

“Edhe pse në një periudhë të vështirë për të gjithë shëndetësinë shqiptare për shkak të situatës së pandemisë COVID-19, mjekja e nderuar dje në mbrëmje ka dalë në punë, dhe së bashku me stafin e mrekullueshëm të mjekëve të Peqinit, ka asistuar për lindjen e shëndetshme të një bebi shumë të bukur!”, ka theksuar Meta

“Duke i uruar jetë të gjatë dhe shëndet foshnjës së sapolindur, ndaj me prindërit gëzimin për lindjen e djalit të tyre në këto momente shumë të lumtura e të veçanta për ta. Në këtë situatë të vështirë të gjithë kemi nevojë për lajme kaq të mira! Mirënjohje dhe falenderim të thellë për mjeken e nderuar Burbuqe Ajazi!”, ka përfunduar Presidenti Meta./atsh

E dalë në pension prej vitesh, mjekja Burbuqe Ajazi vazhdon të shërbejë me profesionalizëm në Peqin Read More »

Ministria e Shëndetësisë: Këshilla për menaxhimin e stresit kundrejt COVID-19

Aktualitet, Shendetesi / /

Ministria e Shëndetësisë dhe Mbrojtjes Sociale ka ndarë disa këshilla për menaxhimin e stresit kundër COVID-19.

“Është normale të ndjeheni të shqetësuar, të hutuar, të frikësuar nga kjo situatë. Bisedoni me njerëzit që ju besoni. Kontaktoni miqtë e familjarët. Nëse duhet të qëndroni në shtëpi, mbani një stil jetese të shëndetshëm. Mos përdorni duhan, alkool apo substanca të tjera për të përballuar emocionet. Nëse ndjeni që shqetësimi ju mbizotëron, bisedoni me një punonjës shëndetësor. Përgatisni një plan ku mund të shkoni e të kërkoni për shëndetin mendor nëse paraqitet e nevojshme. Mblidhni fakte në lidhje me rrezikun tek ju dhe si të merrni masa. Përdorni burime të besueshme për të marrë informacione të tilla si agjenci shëndetësore/lokale/shtetërore. Mundohuni të reduktoni kohën që ju dhe familja juaj shpenzon me informacione shqetësuese në media. Mundohuni të gjeni aftësi tek vetja që kemi përdorur në të kaluarën në situata të vështira, për të menaxhuar emocionet”, -rekomandon Ministria.

Por si mund të parandalohet COVID-19?

Së pari, sipas Ministrisë së Shëndetësisë, duhet të respektojmë oraret e daljes. Të mund të dalin nga shtëpia vetëm për nevoja jetike. Të mbajmë distancë me njëri-tjetrin, së paku një metër.

Të mbajmë distancë me njëri-tjetrin në dyqanet ushqimore, fruta-perimet, furrat e bukës dhe farmacitë. Të zbatojmë rregullat e higjienës dhe në rast problemesh shëndetësore të këshillohemi me mjekun e familjes, në rast problemesh shëndetësore.

Për informacione dhe pyetje mbi COVID-19 , është vënë në dispozicion numri 08004040, për raste të dyshuara me COVID-19./atsh

Ministria e Shëndetësisë: Këshilla për menaxhimin e stresit kundrejt COVID-19 Read More »

“Fundjavë ndryshe”, krahu i djathtë i operacionit humanitar, Rama: Shëmbëlltyra e njerëzillëkut në këtë kohë kolere

Aktualitet / /

Kryeministri Edi Rama shprehu sot mirënjohjen për stafin e “Fundjavë ndryshe”, të cilët i cilësoi si krahu i djathtë i operacionit humanitar.

Rama vlerësoi vajzat e djemtë, që vullnetarisht po sakrifikojnë çdo ditë, bashkë me forcat e shtetit në terren, duke u bërë shëmbëlltyra e njerëzillëkut në këtë kohë kolere.

“‘Fundjavë ndryshe’, krahu i djathtë i operacionit humanitar, meriton gjithë mirënjohjen tonë për vajzat e djemtë, që vullnetarisht po sakrifikojnë çdo ditë, bashkë me forcat e shtetit në terren, duke u bërë shëmbëlltyra e njerëzillëkut në këtë kohë kolere”, tha Rama, ndërsa shpërndau një video nga shpërndarja e ndihmave./atsh

https://www.facebook.com/edirama.al/videos/256313915372470/?t=0

“Fundjavë ndryshe”, krahu i djathtë i operacionit humanitar, Rama: Shëmbëlltyra e njerëzillëkut në këtë kohë kolere Read More »

Kryebashkiaku Leli për ATSH-në: Ndihma për rreth 1500 familje në nevojë, në këtë luftë të bëhemi të gjithë palë

Aktualitet, Lajmi i fundit / /

Rreth 1500 familje në nevojë në bashkinë e Vlorës do të përfitojnë ndihma për shkak të situatës së krijuar nga COVID-19.

Kryetari i bashkisë së Vlorës, Dritan Leli, tha sot për ATSH-në se “që në ditët e para kemi ndarë rreth 300 ndihma, falë mbështetjes së donatorëve. Nga dje, ka filluar një aksion humanitar i bashkisë me të gjithë stafin, ku do të shpërndahen ndihma në 1500 familje, të cilat janë evidentuar si më problematike nga bashkia”.

Sipas Lelit, kjo është një pandemi që ka gjunjëzuar njerëzimin.

“Pjesa më e rëndësishme ka qenë përballja me problematikat e higjienës, dezinfektimi i hapësirave publike. Higjiena personale dhe ajo në komunitet është më e rëndësishmja dhe për këtë kemi gjetur edhe mbështetjen e qytetarëve.

Në lidhje me masat e marra, Leli u shpreh se përgjegjshmëria është çelësi i suksesit.

“Në këtë luftë të bëhemi të gjithë palë dhe të jemi sa më të përgjegjshëm. Ndërgjegjësimi i qytetarëve të Vlorës është rritur. Do të doja që masat të ishin edhe më të forta. Njerëzit duhet të dalin një herë në dy apo tre ditë, që të minimizojnë kontaktet. Kjo ëndërr e keqe duhet të ketë fundin e saj sa më shpejt. Përgjegjshmëria njerëzore është çelësi i suksesit në këtë luftë të njerëzimit”, tha Leli.

Në qytetin e Vlorës vijon gjithashtu edhe dezinfektimi i hapësirave publike, institucioneve, si spitale, qendra shëndetësore, shkolla, kopshte, rrugë, pallate, etj./atsh

Kryebashkiaku Leli për ATSH-në: Ndihma për rreth 1500 familje në nevojë, në këtë luftë të bëhemi të gjithë palë Read More »

Fier/ Dezinfektohen lagjet ku u shfaqën rastet e reja me COVID-19, Subashi: Do të vijojmë në gjithë territorin

Problematika / /

Bashkia e Fierit ka nisur ridezinfektimin total të lagjeve “Konferenca e Pezes” dhe “Apollonia”, ku u shfaqën edhe rastet e reja me COVID-19.

Kryetari i bashkisë Fier, Armando Subashi deklaroi sot se “jo vetëm rrugët e ambientet e tjera publike, por kemi hyrë dhe do të vijojmë në çdo hyrje pallati e dyqani”.

“Nga këto zona ku u shfaqën rastet e reja me COVID-19 në Fier do të vijojmë intensivisht dhe pa ndërprerje dezinfektimin në çdo cep të territorit. Nëse të gjithë do të bëjmë atë që duhet, bashkë do t’ja dalim”, tha Subashi.

Sipas të dhënave nga Ministria e Shëndetësisë dhe Mbrojtjes Sociale deri tani në territorin e bashkisë Fier janë regjistruar 18 të prekur me COVID-19./atsh

Fier/ Dezinfektohen lagjet ku u shfaqën rastet e reja me COVID-19, Subashi: Do të vijojmë në gjithë territorin Read More »