Irina

“Vdekjet për 1 milionë banorë”/ Rama: Ja sa vendimtare ka qenë shpejtësia, rreptësia dhe respektimi i masave në Shqipëri

Aktualitet / /

Kryeministri Edi Rama tha sot se “vdekjet për 1 milionë banorë tregojnë qartë se sa vendimtare kanë qenë shpejtësia, rreptësia dhe respektimi masivisht i masave në Shqipëri”.

“Të gjithë ekspertët kudo në botë, bëjnë thirrje për të mos e ulur vigjilencën dhe asnjë qeveri në botë, nuk ka një plan hapjeje pa shkallë, në varësi të kurbës”, tha Rama.

Ai theksoi se “ne do të vazhdojmë të zbatojmë planin tonë dhe ta adaptojmë atë sipas dinamikës së zhvillimeve në frontin e luftës për mbrojtjen e jetës”.

“Ekonomia bie e ngrihet prapë, të vdekurit nuk ngjallen më, prandaj të gjithë duhet ta kenë të qartë që ne nuk do të tërhiqemi nën asnjë presion të padijes, mendjelehtësisë e vulgaritetit, të atyre që nuk duan të kuptojnë thelbin e kësaj situate dhe flasin për diktaturë e për lloj-lloj fantazish jashtë këtij realiteti”, tha Rama./atsh

“Vdekjet për 1 milionë banorë”/ Rama: Ja sa vendimtare ka qenë shpejtësia, rreptësia dhe respektimi i masave në Shqipëri Read More »

Nivel i qëndrueshëm i kurbës epidemiologjike, Tomini: Virusi i pranishëm edhe gjatë sezonit veror

Aktualitet, Shendetesi / /

Edhe pse kurba epidemiologjike e COVID-19 paraqitet në një nivel të qëndrueshëm, virusi do të jetë prezent edhe gjatë sezonit veror.

Eugena Tomini, eksperte pranë Institutit të Shëndetit Publik argumentoi në një nga mediet e vendit se situata aktuale paraqitet e qëndrueshme dhe se piku i të shtruarve në dy spitale ishte më 25 mars.

“Për t’iu thënë të vërtetën, sipas parashikimeve që ne kishim llogaritur nga të dhënat epidemiologjike nga 9 marsi i 2020, java e katërt apo e pestë sipas projeksioneve përkoi me një pikë që qëndroi stabël me luhatje shumë të vogla gjatë javës së pestë. Jemi në situatën e rrafshët në këto momente dhe me një intensitet ritmik dhe të qëndrueshëm përditë. Ndërkohë që dua të theksoj se kjo situatë e qëndrueshme e ka gjetur përballjen me sistemin shëndetësor, nga një pikë që ishte në datën 25 mars që ishte edhe piku për sistemin shëndetësor, me rreth 83 pacientë të hospitalizuar, në një nivel shumë më të ulët të hospitalizimit që sot ne flasim për 43 pacientë në total të hospitalizuar. Pra, shpresojmë që kjo kurbë epidemike të mbajë një qëndrueshmëri dhe një trend aktual dhe në javët në vijim”, u shpreh Tomini.

Tomini sqaroi se strategjia e gjurmimit dhe hetimit të thelluar të rasteve ka funksionuar në Shqipëri.

“Mbështetur në strategjinë e ndjekur kundrejt strategjisë së rasteve, gjurmimit të tyre nëpërmjet laboratorit të virologjisë, gjurmimit të thelluar të brezit të parë, të kontakteve të ngushta. Po sigurisht edhe marrjes së masave në kohë, të marra nga qeveria në drejtim të karantinës, masave të distancimit fizik të etikës respiratore dhe të gjithë elementëve të tjerë të higjienës. Mbi të gjitha duke marrë një shembull edhe nga gabimet e shteteve të tjera që u prekën më hershëm nga epidemia sesa Shqipëria, zbatuam përkundrejt pozitivitetit në Shqipëri, jemi drejt pritshmërive tonë. Drejtimi që COVID-i ka paraqitur, një epidemi të butë në Shqipëri, kundrejt planeve të veprimit të hartuara paraprakisht dhe të zbatueshme, strategjitë e hetimit të rasteve dhe gjurmimit të kontakteve të saktë. Dua t’iu theksoj se brenda 5 ditësh, numri i të shëruarve i ka tejkaluar kufijtë e rasteve të prekur, raste që janë aktivë të sëmurë. Janë 53% e rasteve që kanë qenë pozitivë, janë rikuperuar nëpërmjet konfirmimit të testit, negativizimit për personelin shëndetësor, 2 teste negative dhe 1 test negativ për popullatën e gjerë”, u shpreh ajo.

Lidhur me ecurinë e mëtejshme të situatës së COVID-19 në vendin tonë, Tomini tha se “unë sipas gjykimit, jo vetëm timit por edhe kolegëve të mi, epidemiologëve, është e hershme për të gjykuar hapjen e të gjithë elementëve të tjerë jetësorë në normalitet shumë shpejt. Megjithatë edhe sipas projeksioneve të kurbës epidemike edhe të dhënave statistikore dhe epidemiologjike, parashikimet ndoshta fundi i majit mund të ketë një lirshmëri në një shkallë më të gjerë sesa aktualisht. Gjithsesi, prezenca e COVID do të jetë aktualisht, do të jetë edhe gjatë sezonit të verës. Por një rikthim, si çdo infeksion tjetër respirator që bën një tendencë në ulje, pavarësisht monitorimit nga ana e shërbimit epidemiologjik, në vjeshtë sërish këto infeksione riaktivizohen. Duke mos pasur as vaksinë, sigurisht që prezenca e COVID do të jetë paralelisht me bashkëjetesën tonë deri në momentin kur të kemi një mjet për parandalimin e tij”, përfundoi Tomini./atsh

Nivel i qëndrueshëm i kurbës epidemiologjike, Tomini: Virusi i pranishëm edhe gjatë sezonit veror Read More »

26 të shëruar në 24 orët e fundit, Manastirliu: Lajm inkurajues, numri i të shëruarve e ka kaluar numrin e të infektuarve aktivë

Aktualitet, Lajmi i fundit, Shendetesi / /

Në 24 orët e fundit janë shëruar 26 persona nga COVID-19, gjysma e të cilëve janë në Shkodër.

Lajmi u bë i ditur nga ministrja e Shëndetësisë dhe Mbrojtjes Sociale, Ogerta Manastirliu, e cila e cilëson një lajm inkurajues.

“26 të shëruar në 24 orët e fundit, gjysma e të cilëve janë në Shkodër. Lajmi inkurajues është se numri i të shëruarve prej 5 ditësh e kaluar numrin e të infektuarve aktivë”, – tha Manastirliu. /atsh

26 të shëruar në 24 orët e fundit, Manastirliu: Lajm inkurajues, numri i të shëruarve e ka kaluar numrin e të infektuarve aktivë Read More »

Manastirliu: Masat kufizuese të marra në kohë shmangën krizën e sistemit shëndetësor

Opinione, Shendetesi / /

Ndërsa sot Shqipëria konfirmon vetëm 518 të prekur nga COVID-19, vendimet e marra në kohën e duhur nga kryeministri Rama dhe qeveria shqiptare, shmangën kolapsin e sistemit shëndetësor.

Kështu u shpreh sot ministrja e Shëndetësisë dhe Mbrojtjes Sociale, Ogerta Manastirliu në seancën plenarë të zhvilluar në kushte të jashtëzakonshme. Ministrja tha se “nesër bëhen plot 40 ditë që Shqipëria po përballet me këtë armik të padukshëm me infeksionin SAR-COV 2. Ndërkohë që të gjithë vendet po përballen me këtë krizë globale shëndetësore tashmë prej javësh. Vendimet e marra në kohën e duhur nga kryeministri Rama dhe qeveria shqiptare, shmangën atë që quhet krizë apo kolapsi i sistemit shëndetësor nga mijera të prekur në ditë e qindra humbje jete në ditë, në vetëm pak javë nga fillimi i kësaj pandemie. Në këtë luftë, shembulli i përsosur i luftëtarëve kanë qenë shumica e qytetarëve që kanë treguar me vepra një rezistencë të shkëlqyer, durim e kurajo të pashembullt në përballje me këtë armik, duke u mbrojtur dhe duke mos i lënë kohë të infektonte në masë dhe të na përballte me katastrofën e mijëra të prekurve e më shumë se qindra jetëve të humbura”.

Sipas Manastirliut, heronjtë të cilën qëndrojnë në vijën e parë të luftës kanë mbrojtje të vazhdueshme përmes materiale mbrojtjesë dhe testimeve për ta.

“Heronjtë tanë, ata në vijën e parë të kësaj përballje me këtë luftë, janë mjekët, infermierët, epidemiologët, punonjësit e Urgjencës Kombëtare që me sakrificë e vetmohim janë aty cdo ditë të javës, në vijën e parë me COVID-19. Sa herë më jepet rasti, do të duhet t’i falënderoj dhe t’i shpreh mirënjohjen maksimale”, tha ajo.

“Sot Shqipëria konfirmon 518 të prekur nga COVID-19 ose 10.7 % e rasteve të testuara positive në më shumë se 4800 testime të kryer, një raport ky i pranuar nga OBSH për testimin, gjurmimin dhe izolimin e rasteve të dyshuara. Personeli mjekësor është testuar në mënyrë të pandërprerë si një grup risku. Mbi 800 testime janë kryer fatmirësisht, më pak se 9% e personelit të testuar rezultojnë të prekur dhe mbi gjysma e tyre janë të shëruar. Do të vijojmë të mbrojmë mjekët duke garantuar testim dhe mbrojtje për ta”, -tha Manastirliu. /atsh

Manastirliu: Masat kufizuese të marra në kohë shmangën krizën e sistemit shëndetësor Read More »

Harta e të prekurve me COVID-19 zgjerohet në Tiranë, Kukës, Fier, Kavajë, Shkodër dhe Korçë, raste edhe në Mallakastër

Aktualitet, Lajmi i fundit, Shendetesi / /

Harta e të prekurve nga COVID-19 është shtrirë edhe në Mallakastër dhe zgjeruar në Tiranë, Kukës, Fier, Kavajë, Shkodër dhe Korçë.

Ministria e Shëndetësisë dhe Mbrojtjes Sociale ka bërë të ditur se “është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19.

MSHMS u ka kërkuar qytetarëve të vijojnë të respektojnë masat e distancimit social. ‘Në këto momente kërkohet përgjegjshmëri nga ana e qytetarëve për të respektuar distancën e nevojshme mes njëri tjetrit dhe ruajtjen e higjienës personale.

Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40’-informon ministria e Shëndetësisë.

Shpërndarja gjeografike e rasteve pozitive, është si vijon:

– Tiranë 241 raste

– Durrës 42 raste

– Lushnje 6 raste

– Elbasan 16 raste

– Fier 35 raste

– Kavajë 9 raste

– Rrogozhinë 4 raste

– Korçë 19 raste

– Vlorë 5 raste

– Shkodër 83 raste

– Lezhë 14 raste

– Berat 2 rast

– Has 13 raste

– Krujë 7 raste

-Tropojë 4 raste

– Pukë 5 raste

– Mirditë 3 raste

– Kukës 9 rast

-Mallakastër 1 rast/atsh

Harta e të prekurve me COVID-19 zgjerohet në Tiranë, Kukës, Fier, Kavajë, Shkodër dhe Korçë, raste edhe në Mallakastër Read More »

Kuvendi miraton Aktet Normative dhe shtesat në Kodin Penal

Aktualitet, Politike / /

Kuvendi miratoi sot të gjithë aktet normative në rendin e ditës si dhe ndryshimet në Kodin Penal.

Kështu Kuvendi miratoi me 101 vota pro projektvendimin “Për disa shtesa në vendimin nr. 166, datë 16.12.2004 “”Rregullorja e Kuvendit të Shqipërisë”” të ndryshuar””.

Kuvendi miratoi me 100 vota pro Aktin Normativ me fuqinë e ligjit nr. 2, datë 11.03.2020 të Këshillit të Ministrave, “Për disa shtesa dhe ndryshime në ligjin nr. 15/2016 ”Për parandalimin dhe luftimin e infeksioneve dhe sëmundjeve infektive”.

Kuvendi miratoi me 97 vota pro Aktin Normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi miratoi me 98 vota pro Aktin Normativ me fuqinë e ligjit nr. 4, datë 16.03.2020 “Për disa shtesa në Aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi miratoi me 99 vota pro Aktin Normativ me fuqinë e ligjit nr. 5, datë 17.03.2020 “Për një shtesë në Aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi miratoi me 100 vota pro Aktin Normativ me fuqinë e ligjit nr. 6, datë 21.03.2020 “Për disa ndryshime dhe shtesa në ligjin nr. 88/2019 “Për buxhetin e vitit 2020”.

Kuvendi miratoi me 97 vota pro Aktin Normativ me fuqinë e ligjit nr. 7, datë 23.03.2020 “Për qëndrimin e përkohshëm në shtëpi të të dënuarve””.

Kuvendi miratoi me 97 vota pro Aktin Normativ me fuqinë e ligjit nr. 8, datë 24.03.2020 “Për disa shtesa dhe ndryshime në aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi miratoi me 96 vota pro Aktin Normativ me fuqinë e ligjit nr. 9, datë 25.03.2020 “Për marrjen e masave të veçanta në fushë e veprimtarisë gjyqësore, gjatë kohëzgjatjes së gjendjes së epidemisë së shkaktuar nga COVID-19””.

Kuvendi miratoi me 94 vota pro Aktin Normativ me fuqinë e ligjit nr. 10, datë 26.03.2020 “Për një ndryshim në ligjin nr. 8438, date 28.12.1998 “Për tatimin mbi të ardhurat” të ndryshuar””.

Kuvendi miratoi me 96 vota pro Aktin Normativ me fuqinë e ligjit nr. 11, datë 27.03.2020 “Për një shtesë në ligjin nr. 9632, date 30.10.2006, “Për sistemin e taksave vendore”, të ndryshuar””.

Kuvendi miratoi me 98 vota pro Aktin Normativ me fuqinë e ligjit nr. 12, datë 2.4.2020 “Për një shtesë në aktin normativ nr. 3, date 15.03.2020 të Këshillit të Ministrave “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19” të ndryshuar””.

Kuvendi miratoi me 95 vota pro Aktin Normativ me fuqinë e ligjit nr. 13, datë 02.04.2020 “Për marrjen e masave të veçanta në fushën e veprimtarisë së shërbimit përmbarimor gjyqësor, ndërmjetësimit dhe administrimit të procedurave të falimentimit gjatë kohëzgjatjes së gjendjes së epidemisë së shkaktuar nga COVID-19”.

Kuvendi miratoi me 88 vota pro projektligjin “Për një ndryshim në ligjin nr. 7895, datë 27.1.1995, “Kodi Penal i Republikës së Shqipërisë”, i ndryshuar””.

Kuvendi miratoi me 90 vota pro Projektligjin “Për prokurimet në fushën e mbrojtjes dhe të sigurisë”’.

Kuvendi rrëzoi me 89 vota kundër Dekretin nr. 11.457, datë 26.03.2020 “Për kthimin për rishqyrtim në Kuvend të ligjit nr. 20/2020 “Për përfundimin e proceseve kalimtare të pronësisë në Republikën e Shqipërisë””.

Kuvendi rrëzoi me 88 vota kundër Dekretin nr. 11.456, datë 26.03.2020 “Për kthimin e ligjit nr. 18/2020 “Për miratimin e aktit normativ me fuqinë e ligjit nr. 1, datë 31.01.2020 të Këshillit të Ministrave “Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike””.

Kuvendi miratoi me 102 vota pro edhe projektligjin “Për ratifikimin e marrëveshjes së financimit ndërmjet Këshillit të Ministrave të Republikës së Shqipërisë, Republikës së Kosovës dhe Komisionit Europian për programin e veprimit të bashkëpunimit ndërkufitar IPA II, Shqipëri – Kosovë, 2014-2020 alokimet e vitit 2018”’.

Kuvendi miratoi me 102 vota pro projektligjin “Për ratifikimin e marrëveshjes së financimit, ndërmjet Republikës së Shqipërisë, Republikës së Malit të Zi dhe Komisionit Europian, për programin e veprimit të bashkëpunimit ndërkufitar IPA II, Mal i Zi – Shqipëri, alokimet e vitit 2018”. 102 pro

Kuvendi miratoi me 100 vota pro projektligjin “Për ratifikimin e marrëveshjes së financimit, ndërmjet Republikës së Shqipërisë, Republikës së Maqedonisë së Veriut dhe Komisionit Evropian, për programin e veprimit të bashkëpunimit ndërkufitar IPA II, Maqedoni e Veriut – Shqipëri 2014 – 2020, alokimet për vitin 2018””.

Kuvendi miratoi me 99 vota pro projektvendimin ”Për zgjatjen e afatit të veprimtarisë së komisionit hetimor “Për të kontrolluar ligjshmërinë e veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar e ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”” ngritur me vendimin nr. 84/2019 të Kuvendit””.

Kuvendi miratoi me 102 vota pro projektvendimin “Për zgjatjen e afatit të veprimtarisë së komisionit të posaçëm parlamentar për realizimin e reformës zgjedhore” ngritur me vendimin nr. 102/2017 të Kuvendit./atsh

Kuvendi miraton Aktet Normative dhe shtesat në Kodin Penal Read More »

Asnjë i prekur me COVID-19 në burgjet e vendit

Aktualitet, Lajmi i fundit / /

Në asnjë institucion të vuajtjes së dënimit në vendin tonë nuk ka të infektuar me koronavirus.

Shefja e Epidemiologjisë pranë Institutit të Shëndetit Publik, Silva Bino theksoi se “nuk ka asnjë të burgosur të sëmurë me COVID-19 në burgun e Recit dhe në asnjë burg të vendit tonë. Personeli në burgje, kemi pasur raste siç kemi komunikuar edhe më parë dhe ky numër nuk ka ndryshuar’

Bino ka sqaroi se Instituti i Shëndetit Publik ka qënë i përgatitur me tampona qëkur nisi historia e sëmundjes në Kinë.

“Ne kemi pasur tampona që në fillim, jo vetëm tampona por edhe kite reagent për testin me pcr pra për testin molekular të këtij virusi pasi jemi përgatitur qëkur filloi historia e sëmundjes në Kinë dhe mës pas janë blerë nga ministria e Shëndetësisë”, u shpreh ajo.

Lidhur me infektimet në fshatra të Tiranës, Bino u shpreh se “unë nuk mund të flas për vatra të nxehta por ne kemi kryesisht shpërthime familjare të cilat janë të lidhura me grupe familjesh. Ka pasur edhe në fshatrat e Tiranës por jo një numër të lartë rastesh”. /atsh

Asnjë i prekur me COVID-19 në burgjet e vendit Read More »

Kuvendi mblidhet sot në seancë plenare, shqyrtohen 24 nisma ligjore

Aktualitet, Politike / /

Kuvendi do të zhvillojë sot seancën e parë plenare pas më shumë se një muaji mungesë për shkak të situatës së krijuar nga koronavirusit.

Në seancën plenare do të zbatohen të gjitha rregullat e distancimit social që parashikohen pas përhapjes së koronavirusit.

Kuvendi do të shqyrtojë sot projektvendimin “Për disa shtesa në vendimin nr. 166, datë 16.12.2004 “”Rregullorja e Kuvendit të Shqipërisë”” të ndryshuar””.

Kuvendi do të shqyrtojë Aktin Normativ me fuqinë e ligjit nr. 2, datë 11.03.2020 të Këshillit të Ministrave, “Për disa shtesa dhe ndryshime në ligjin nr. 15/2016 ”Për parandalimin dhe luftimin e infeksioneve dhe sëmundjeve infektive”.

Kuvendi do të shqyrtojë Aktin Normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi do të shqyrtojë Aktinn Normativ me fuqinë e ligjit nr. 4, datë 16.03.2020 “Për disa shtesa në Aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi do të shqyrtojë Aktin Normativ me fuqinë e ligjit nr. 5, datë 17.03.2020 “Për një shtesë në Aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”.

Kuvendi do të shqyrtojë Aktin Normativ me fuqinë e ligjit nr. 6, datë 21.03.2020 “Për disa ndryshime dhe shtesa në ligjin nr. 88/2019 “Për buxhetin e vitit 2020”.

Kuvendi do të shqyrtojë Aktin Normativ me fuqinë e ligjit nr. 7, datë 23.03.2020 “Për qëndrimin e përkohshëm në shtëpi të të dënuarve””.

Kuvendi do të shqyrtojë Aktin Normativ me fuqinë e ligjit nr. 8, datë 24.03.2020 “Për disa shtesa dhe ndryshime në aktin normativ me fuqinë e ligjit nr. 3, datë 15.3.2020, të Këshillit të Ministrave, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID19”.

Kuvendi do të shqyrtojë Aktin Normativ me fuqinë e ligjit nr. 9, datë 25.03.2020 “Për marrjen e masave të veçanta në fushë e veprimtarisë gjyqësore, gjatë kohëzgjatjes së gjendjes së epidemisë së shkaktuar nga COVID19””.

Kuvendi do të shqyrtojë Aktin Normativ me fuqinë e ligjit nr. 10, datë 26.03.2020 “Për një ndryshim në ligjin nr. 8438, date 28.12.1998 “Për tatimin mbi të ardhurat” të ndryshuar””.

Kuvendi do të shqyrtojë Aktin Normativ me fuqinë e ligjit nr. 11, datë 27.03.2020 “Për një shtesë në ligjin nr. 9632, date 30.10.2006, “Për sistemin e taksave vendore”, të ndryshuar””.

Kuvendi do të shqyrtojë Aktin Normativ me fuqinë e ligjit nr. 12, datë 2.4.2020 “Për një shtesë në aktin normativ nr. 3, date 15.03.2020 të Këshillit të Ministrave “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19” të ndryshuar””.

Kuvendi do të shqyrtojë Aktin Normativ me fuqinë e ligjit nr. 13, datë 02.04.2020 “Për marrjen e masave të veçanta në fushën e veprimtarisë së shërbimit përmbarimor gjyqësor, ndërmjetësimit dhe administrimit të procedurave të falimentimit gjatë kohëzgjatjes së gjendjes së epidemisë së shkaktuar nga COVID19”.

Kuvendi do të shqyrtojë Projektligjin “Për një ndryshim në ligjin nr. 7895, datë 27.1.1995, “Kodi Penal i Republikës së Shqipërisë”, i ndryshuar””. (nismë deputetësh).

Kuvendi do të shqyrtojë Projektligjin “Për prokurimet në fushën e mbrojtjes dhe të sigurisë”’.

Kuvendi do të shqyrtojë edhe Dekretin nr. 11.457, datë 26.03.2020 “Për kthimin për rishqyrtim në Kuvend të ligjit nr. 20/2020 “Për përfundimin e proceseve kalimtare të pronësisë në Republikën e Shqipërisë””.

Kuvendi do të shqyrtojë Dekretin nr. 11.456, datë 26.03.2020 “Për kthimin e ligjit nr. 18/2020 “Për miratimin e aktit normativ me fuqinë e ligjit nr. 1, datë 31.01.2020 të Këshillit të Ministrave “Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike””.

Kuvnedi do të shqyrtojë edhe projektligjin “Për ratifikimin e marrëveshjes së financimit ndërmjet Këshillit të Ministrave të Republikës së Shqipërisë, Republikës së Kosovës dhe Komisionit Europian për programin e veprimit të bashkëpunimit ndërkufitar IPA II, Shqipëri – Kosovë, 2014-2020 alokimet e vitit 2018”’.

Kuvendi do të shqyrtojë Projektligjin “Për ratifikimin e marrëveshjes së financimit, ndërmjet Republikës së Shqipërisë, Republikës së Malit të Zi dhe Komisionit Evropian, për programin e veprimit të bashkëpunimit ndërkufitar IPA II, Mal i Zi – Shqipëri, alokimet e vitit 2018”.

Kuvendi do të shqyrtojë Projektligjin “Për ratifikimin e marrëveshjes së financimit, ndërmjet Republikës së Shqipërisë, Republikës së Maqedonisë së Veriut dhe Komisionit Evropian, për programin e veprimit të bashkëpunimit ndërkufitar IPA II, Maqedoni e Veriut – Shqipëri 2014 – 2020, alokimet për vitin 2018””.

Kuvendi do të shqyrtojë Projektvendimin ”Për zgjatjen e afatit të veprimtarisë së komisionit hetimor “Për të kontrolluar ligjshmërinë e veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar e ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”” ngritur me vendimin nr. 84/2019 të Kuvendit””./atsh

Kuvendi mblidhet sot në seancë plenare, shqyrtohen 24 nisma ligjore Read More »