Irina

urati është kthyer sërish në programin Për’puthen duke treguar se e ka marrë malli për Sindin. Asaj dhe konkurrentëve të tjerë i kishte sjellë bakllava nga Turqia, ndërsa duhet të bënte zgjedhje mes Sindit dhe Olës, vajzës së re që e zgjodhi për takim.

“Situatë e vështirë. E kam menduar dhe nëse Sindi nuk do mërzitej me mua, dua një takim me Olën që të shoh se ku jam. Kam hall se nëse dal dhe këtë herë me Sindin, nuk e njoh më Olën”, tha Murati.

“Më bëhet qejfi që Murati pranoi”, u përgjigj Ola.

Ndërsa Sindi tha se i vjen mirë që Murati zgjodhi Olën pasi donte ta shihte në takim me një vajzë tjetër.

Editoriali “Përplasja” në show-n “Portokalli” solli për herë të pare këtë sezon politikanin e njohur dhe Kryetarin e Kuvendit të Shqipërisë, Ilir Meta, karakter që u realizua nga aktori mjaft i talentuar, Ledio Lako.

I veshur me kostum të zi, Ilir Meta i “Portokalli” hyri në skenën e spektaklit me personalitetin e spikatur në editoralin e titulluar “Përplasja”.

Vetë Ledio postoi në “Instagram”-in e tij një foto nga roli, ku mori pa fund komplimente nga miqtë kolegë dhe fansa të tij.

“Më në fund një maksim i Ilir Metës i saktë. Pas kaq shumë vitesh iu gjet imituesi Ilir Metës”, shkruante një komentues.

Një tjetër shkruante: “Mbas 17 vjetësh ‘Portokalli’, gjendet imituesi që paska qenë Ledio Lako”. Ndërsa ish-kolegu i tij i “Portokalli”, Gent Bejko, i shkruante: “Fiks nga pamja, se në të folur nuk bëhet llaf!”, të cilit Lako iu përgjigj: “Ti e di që unë nuk kënaqem kurrë”.

Vetë aktori Lako për “Panorama Plus” u shpreh: “As unë s’e dija që mund ta realizoja”, duke mos e fshehur se ky rol ka ngjallur reagime. Ky është karakteri më i fundit që i shtohet galerisë së personazheve të aktorit të njohur shqiptar të filmave dhe komedive.

Ai ka luajtur në mbi 50 filma dhe skeçe humori. Që nga viti 2005, ai luan edhe në “Portokalli”, disa role si: Kapo, Hekri dhe Melamin Berati, Ramadan Kafsha etj.

Ndërsa personazhi dhe imitimi i Ilir Metës i shtohet galerisë së politikanëve të “Portokalli”, nga Sali Berisha, Lulzim Basha, Edi Rama, Erion Veliaj etj. Ky është sezoni i 35-të i Cabaret Show-t “Portokalli”, i cilësuar si spektakli më i madh i humorit në Shqipëri.

Disa herë gjatë takimit, Stela kërkon që të mbyllë takimin.

Stela dhe Armando tërhoqën vëmendjen që në takimin e tyre 4-minutësh. Armando iu drejtua Stelës me fjalët më të ëmbla dhe u emocionua së tepërmi. Por ky takim, jashtë studios zhgënjeu fansat, që pëlqyen që në fillim, këtë çift të mundshëm.

Sipas Stelës, Armando nuk i dha energji të mirë.

Stela: Nuk ndihesha rehat, nuk kishte energji pozitive, nuk isha vetja. Nuk ishte ai ambienti i bukur që prisja që të ishte. M’u prish që kur filloi të pyeste për ish-bashkëshortin, gocën.

Armando: Unë e perceptoj si refuzim, nuk e di ku gabova??

Stela: Jo, nuk është ashtu…

Armando: Unë nuk e kuptoj, është më se e natyrshme të pyes…

Një situatë e papritur ndodhi gjatë takimit të Lindës me Ndriçimin.

Linda e fton Ndriçimin në kërcim dhe merr celularin e tij për të zgjedhur këngën. Por, në atë moment, telefonon ish-partnerja e Ndriçimit.

Linda: Ishi po të merr, të përgjigjem??

Ndriçimi: Përgjigju, je shumë vonë thuaj, nuk e kam problem.

Edhe pasi mbarojnë kërcimin, Ndriçimi kujton sërish atë telefonatë.

Ndriçimi: Po kjo çfarë ka që merr, tani e gjeti.

Ai shpjegon më shumë në studio: “Para një muaji e gjysmë, dy jam ndarë. E vërteta është që ajo, më shkruajti, më tha që ka harruar 2-3 gjëra në shtëpinë time“.