Kryeministri, Edi Rama, i shoqëruar edhe nga Taulant Balla sapo ka nisur takimin në Presidencë me Ilir Metën për të diskutuar për një datë të mundshme të zgjedhjeve Parlamentare 2021-ishit.
Zyra e shtypit të Presidencës ka transmetuar live në Facebook, një pjesë nga takimi mes kreut të shtetit Ilir Meta dhe kryeministrit Edi Rama .
Në hyrje të takimit Meta i parashtroi kryeministrit arsyet e këtij takimi, ndërsa tha se vendosja e datës nuk ka ndonjë rëndësi të madhe.
Duket që takimi nuk ka zgjatur shumë, kanë mjaftuar vetëm 10 minuta.
Pjesë nga fjala mes tyre
“Unë fillova të zhvillonim konsultimet për datën e zgjedhjeve, me qëllim për të ndihmuar sa më shumë për një proces gjithëpërfshirës, jo se vendosja e datës ka ndonjë rëndësi vendimtare por për të respektuar çdo ndjeshmëri apo edhe kalendarë të tjera sic janë festat zyrtare. Në këtë drejtim do të isha i interesuar të dëgjoja edhe mendimin tuaj si përfaqësues të PS dhe të mazhorancës”.
Ilir Meta: Përshëndetje, si kaloni? Si kaluat?
Edi Rama dhe Taulant Balla: Hiç mirë.
Më pas Meta tha: Ndonjë kafe ndonjë caj..
“Unë fillova të zhvillonim konsultimet për datën e zgjedhjeve, me qëllim për të ndihmuar sa më shumë për një proces gjithëpërfshirës, jo se vendosja e datës ka ndonjë rëndësi vendimtare por për të respektuar çdo ndjeshmëri apo edhe kalendarë të tjera sic janë festat zyrtare. Në këtë drejtim do të isha i interesuar të dëgjoja edhe mendimin tuaj si përfaqësues të PS dhe të mazhorancës”.
Ministrja e Shtetit për Marrëdhëniet me Parlamentin, Elisa Spiropali, është edhe njëra prej tre drejtuesve politikë në qarkun e Tiranës para zgjedhjeve të vitit 2021.
Nga puna e saj dhe ekipit që do të drejtojë, mund të varet fitorja historike e PS-së, pasi Tirana bën diferencën në çdo zgjedhje.
Spiropali pranoi se socialistët kanë objektiv mandatin e tretë, pasi ka dallim shumë të madh me PD-në, që sipas saj nuk ka alternativë.
“Me pak fjalë fitorja, me shumë fjalë… Ne në Tiranë duam fitoren maksimale dhe besojmë se kemi të gjitha mundësitë, është shtuar numri i deputetëve edhe besojmë se mandatet e shtuara do të shkojnë për PS-në. Besojmë se në Tiranë, Kamzë, Kavajë, Vorë, Rrogozhinë, sa i përket punëve dhe buxheteve, ne jemi si nata me ditën me ata që kanë qenë”, – theksoi Spiropali.
Pse ajo beson se socialistët janë më të mirët?
“Të krahasosh sot bashkinë e Kamzës me mënyrën si qeveriste Xhelal Mziu është e pamundur. Edi Rama di që të krijojë ekip, si në bashki dhe në qeveri”, shtoi më tej Spiropali. – “Është një nder i madh të fitosh një mandat të tretë dhe ne besojmë se ky do të jetë një mandat historik, që asnjë forcë nuk e ka arritur. Kjo nuk na takon se jemi ne, por prej punëve që kemi bërë. Që të fitojë, PS-ja në çdo bashki të qarkut të fitojë më shumë se në zgjedhjet e 2017” – theksoi më tej ajo.
Por përse duhet që qytetarët t’i besojnë PS-së një mandat të tretë?
“Analiza nis nga reforma dhe përfundon te marrëdhënia me qytetarët. Po të analizosh reformat, vërtetë kanë qenë kthesa të forta. Nuk e bënin dot reformën në drejtësi ata, sepse ata e kontrollonin sistemin e drejtësisë. Kjo forcë asnjëherë nuk e ka tradhtuar procesin e reformës në drejtësi, ata as nuk donin ta votonin, dosjeve ua kanë vënë kapakun”, sjpegoi Spiropali.
Ajo u shpreh gjithashtu se opozita nuk e do Reformën në Drejtësi.
“Shikoni tani çfarë bëjnë për SPAK-un dhe BKH-në, ne nuk kemi asnjë gisht. Ata po sulmojnë ambasadoren amerikane dhe jo më SPAK-un, dëgjojini nga presidenti që është aspiranti për kryetar të opozitës. Sali Berisha është në fakt drejtuesi i PD-së dhe opozitës shqiptare” tha ajo. Sa i përket takimit të Edi Ramës sot me kryebashkiakët në Elbasan, Spiropali tha se në fokus ka qenë rindërtimi, investimet në zonë, etj. Partia Socialiste do të ndërtojë ekipin më të pastër dhe më me integritet, për mandatin e tretë qeveriës”.
Ministrja Elisa Spiropali u shpreh e sigurt për të fituar zgjedhjet e vitit 2021.
“Ne besojmë se do të bëjmë ekipin më të mirë këtë radhë, të pastër me integritet, edhe me besim, elektorat dhe vizion për të ardhmen tonë. Kriminalizimi i PS-së është një përrallë e treguar dhe përsëritur në mënyrë strategjike nga kundërshtarët tanë për të nxirë PS-në në pamundësi për t’i mundur, për të helmuar mjedisin politik”, tha ajo sot në studion e ABC News.
Por si do të bëjet kontrolli i figurave te pastra brenda partive?
“Çdo forcë duhet të bëjë një kontroll të kandidatëve sa mundësi ka. Ne nuk jemi as polici dhe as prokurori. Ne kërkojmë që të gjithë të plotësojnë formularin e dekriminalizimit, të jenë me integritet. Duhet të thotë të vërtetën, ndryshe përballet me SPAK-un dhe prokurorinë. Kjo vlen për PS, PD, LSI, etj” tha ministrja.
Por si do të funksionojë platforma për zgjedhjen nga baza?
“Do të ketë një mënyrë si do të prezantohen detajet. Do të jetë e ndarë në tre faza, nga shtatori në janar. Si drejtuesit e qarqeve, ashtu edhe deputetët, janë në proces të vazhdueshëm. Ne nuk mbledhim anëtarësinë për ta pyetur njëherë në Hënë” – tha ajo, duke ‘nënkuptuar’ PD-në.
E pyetur se me sa përqind do të hapen listat, Spiropali tha:
“Ndryshimet kushtetuese vetëm sa përcaktojnë kornizën. Aty thuhet të paktën 75% e listës, por mund të jetë edhe 100%. Presim të ulemi në Këshillin politik dhe Kuvend për të bërë ndryshimet për të sanksionuar mënyrën. Besoj se edhe nga fjalimi i kryetarit ne e kemi deklaruar që jemi gati të dalim të gjithë aty në fletë votimi të përballemi me elektoratin”.
PS, sipas saj, bën sondazhe dhe vepron bazuar mbi to.
“Ne bëjmë sondazhe, pyesim njerëzit dhe e dimë se çfarë duan: do të marrim vendimin më të mirë. Të gjithë do të përballemi me elektoratin. Nuk kemi bërë gjithçka që do të donim, por shumë rrugë drejt Shqipërisë Europiane” – u shpreh më tej Spiropali.
Ish-deputetja e PD-së Grida Duma ka reaguar për rastin e Manjola dhe Alesio Cakanit, dy të mbijetuarit e tërmetit të 26 nëntorit që humbën kryefamiljarin dhe vajzën.
“Pensioni i jetës sipas qeverisë qenka një paketë treshe apo katërshe viktimash”.
“Vdekje në paketë përkundrejt një pensioni!”
“Ky është cinizmi më i rëndë që mund të gjesh në çfarëdo lloj qeverisje. Përfiton pension nëse ke vdekje në paketë treshe”.
“Makabritet!”, thekson Duma, e cila shton se historia e Manjola Cakonit dhe e të birit Alesios, duhet dëgjuar e ridëgjuar dhe se ajo përmbledh fatkeqësisht thelbin e jetës së shqiptarëve nën qeverisjen e Ramës.
Ajo shkruan se kishin “në dorë” t’i shpëtonin, por vendosën t’i lënë t’i zënë rrënojat, shqiptarë e fëmijë shqiptarësh, kishin detyrë t’i ndihmonin, por shpenzuan taksat e shqiptarëve për udhëtime dhe foto reklamash për Ramën.
Sipas Grida Dumës, qeveria është fshehur dhe nuk po gjen ende një strategji si ta mbulojë, si ta paketojë e ta varë në një çengel drejt opozitës këtë fakt makabër.
“Qeveria fshihet, hesht sepse kjo është historia e pambulueshme e dhimbjes dhe fatkeqësisë të vërtetë të gjithë shqiptarëve që u qeverisën nga një paliaçadë reklamash, që nuk e ndaloi as respekti ndaj jetës e vdekjes”.
“Përgjegjësit e jetës së shqiptarëve duhet të ndëshkohen!”, – shprehet ajo.
STATUSI I PLOTË I GRIDA DUMËS
“Moj zonjë a desha unë të jetoj para fëmijës sim?! Jo! Zoti më la”.
Këto janë fjalët që vijojnë të të buçasin si çekan në mendje pasi dëgjon rrëfimin e një nëne që ka humbur vajzën e bashkëshortin nga tërmeti dhe një burokratuce administrate i thotë: “ ti nuk e meriton pensionin, e anë marrë ata që kanë tre viktima, ti ke vetëm dy viktima”.
Vetëm dy viktima! Vetëm dy!
Pra po thoshte, duhet të të kish vdekur dhe një i tretë që të përfitosh pension!
Pensioni i jetës sipas qeverisë qenka një paketë treshe apo katërshe viktimash.
Vdekje në paketë përkundrejt një pensioni!
Ky është cinizmi më i rëndë që mund të gjesh në çfarëdo lloj qeverisje. Përfiton pension nëse ke vdekje në paketë treshe.
Makabritet!
Çdo fjalë e kësaj gruaje që shfaqet e jashtëzakonshme në qëndrim dhe forcë, godet me mprehtësinë që ka tehu i një thike të mprehur pas shpine.
Nënë e bir, janë të qartë që jetën e familjarëve nuk ia ka marrë natyra por qeverisja.
Historia e Manjola Cakonit dhe e të birit Alesios, duhet dëgjuar e ridëgjuar sepse përmbledh fatkeqësisht thelbin e jetës së shqiptarëve nën qeverisjen e Ramës.
Tërmeti i Nëntorit i mori jetën babait dhe bijës 15 vjeçare, pasi në shtator godina kish marrë goditje të rënda dhe inspektorët megjithë verifikimit nuk i lajmëruan ata për rreziqet.
Qeveria i la banorët të jetonin po aty, pa asnjë paralajmërim.
Por nuk mbaron këtu; Rama i shfaqet “në derë”, që të bëjë një shfaqje me ta, në mes të mortit që u ra.
E merr Alesion e vogël, udhëton në Itali për të shkrepur fotot e takimit me futbollistë, Kronika bën bujën e shoë-t, ia servirin shqiptarëve, përfitojnë reklamën, e mënjëherë më pas… e harrojnë Alesion.
Fjalët Alesios sot, djalit 11 vjeçar që duhet të ishte ende fëmijë, dëshmojnë sa shumë e ka rritur atë fatkeqësia. Ai ftohtësisht qetë thotë: “Nuk ja u fal… ata nuk na thanë të mos banonim aty dhe humba babin e motrën…Ishte bukur të takoje Ronaldon por unë doja më mirë një pension…”
Kishin “në dorë” t’i shpëtonin por vendosën t’i lënë t’i zënë rrënojat, shqiptarë e fëmijë shqiptarësh. Kishin detyrë t’i ndihmonin, por shpenzuan taksat e shqiptarëve për udhëtime dhe foto reklamash për Ramën. E në fund u lanë një pu(su)llë si slogan elektoral “ti s’do jesh vetëm”.
Manjola e familjarët paguan vetë edhe tarifën e varrimit. Manjola e familjarët u lanë të të prisnin në vetmi faturën e marketimit. Prej orëve të paraditës së sotme, dëshmia e Manjolës dhe të birit vijon trondit shqiptarët.
Nga ai moment qeveria është fshehur! Nuk po gjen ende një strategji si ta mbulojë, si ta paketojë e ta varë në një çengel drejt opozitës këtë fakt makabër .
Qeveria fshihet, hesht sepse kjo është historia e pambulueshme e dhimbjes dhe fatkeqësisë të vërtetë të gjithë shqiptarëve që u qeverisën nga një paliaçadë reklamash, që nuk e ndaloi as respekti ndaj jetës e vdekjes.
Përgjegjësit e jetës së shqiptarëve duhet të ndëshkohen!
Ata nuk do të përgjigjen vetëm ndaj Manolës e Alesios, por ndaj jetës së seicilit që u degdis prej tyre.
Ata do duhet të përgjigjen shpejt, shumë shpejt përballë gjithë shqiptarëve.
Presidenti Ilir Meta uron 100-vjetorin e luftës së Vlorës, duke përsëritur propozimin që 3 shtatori të jetë festë kombëtare.
“Gëzuar 3 shtatorin, ditën madhështore që jetësoi pavarësinë e Shqipërisë! Sot, 100 vjet më parë, populli shqiptar i bashkuar në Luftën Kombëtare të Vlorës u dha fundin e merituar projekteve për shpërbërjen e Shqipërisë, duke hedhur në det pushtuesit dhe i dalë zot vendit, pas muajsh luftimesh heroike”, shkruan Meta.
Ai thotë se nuk qe vetëm nderi dhe shpëtimi i Vlorës por qe nderi dhe shpëtimi i tërë Shqipërisë.
Kreu i shtetit shpreh mirënjohje ndaj të gjithë luftëtarëve të lirisë, kapedanëve që komanduan, mjekëve që shëruan plagët, atyre që hartuan ultimatumin dhe atyre që e zbatuan atë me gjakun e tyre, në mbrojtje të fitoreve të Ismail Qemalit dhe Isa Boletinit e që dëshmuan se Zot i kësaj toke janë vetëm shqiptarët.
Po ashtu shpreh nderim ndaj veprës heroike, sakrificave sublime dhe kujtimit frymëzues të atdhetarëve, të cilët shkruan epopenë e lavdishme të Luftës së Vlorës.
“Ndaj çdo 3 Shtator dhe çdo 28 Nëntor çdo shqiptar kudo ndodhet, ndihet edhe vlonjat, sepse këtu në Vlorë u bë historia, këtu u ngrit Flamuri Kuq e Zi, këtu u nënshkrua liria, këtu u jetësua Pavarësia dhe kjo ndodhi me gjakun e bijve më të mirë të kësaj toke.
3 shtatori duhet shpallur festë kombëtare”, deklaron Presidenti, duke përsëritur propozimin që kjo datë të jetë festë kombëtare. /noa.al
Momente tensioni dhe konfrontimi janë shënuar mesditën e sotme në rafinerinë e naftës në Ballsh, ku punonjësit kërkojnë pagat e tyre të prapambetura.
Gjithçka pasi përfaqësues të kompanisë kanë bërë përzgjedhje për firmosjen e kontratave individuale të punës.
Kjo gjë ka bërë që punonjësit të tensionohen, duke çarë kordonin e policisë, për të hyrë në uzinë.
“Duam rrogat tona, kemi tre muaj pa i marrë, fëmijët i kemi pa bukë”, thërrasin punonjësit në kor të revoltuar.
Shkak për tensionimin e situatës është bërë fakti se përfaqësuesit e kompanisë deklaruan se nuk do të ketë pagesë, nëse nuk ka kontratë mes punonjësit dhe kompanisë. /noa.al
“Nëse pavarësia e 8 viteve para Luftës së Vlorës i tregoi botës që shqiptarët ekzistojnë, është Lufta e Vlorës ajo që tregoi për herë të parë se shteti shqiptar ekziston dhe ka forcën dhe mundësinë të ushtroj të drejta të patjetërsueshme dhe të barabarta në raport me çdo entitet tjerë sovran”.
Kështu u shpreh sot Kryeministri Edi Rama, në ceremoninë e zhvilluar për 100-vjetorin e Luftës së Vlorës.
“Sot, 100 vjet më parë, luftëtarët e Vlorës hynë triumfues në qytetin e çliruar, pas një lufte nga më të pabarabartat e mundshme dhe një fitoreje ushtarake nga më të pamundurat në histori”, – tha Rama.
Për këtë arsye, Rama tha se “tek Lufta e Vlorës me të drejtë mund të thuhet se gjendet një nga ato momente formuese të organizmit të ri të shtetit shqiptar dhe faktikisht kjo na bën të gjithëve që vlonjatëve t’u jemi borxhlinj jo thjesht dhe vetëm për pavarësinë, por dy herë borxhlinj, edhe për arsyen e Luftës së Vlorës”, – tha Rama.
Kryeministri kujtoi se “në vitin 1987, kur ‘Flamurtari’ i Vlorës mundi ‘Barcelonën’ e shumëherë kurorëzuar me tituj kombëtarë dhe ndërkombëtarë, shtypi ynë diku pat shkruar për një fitore të organizimit të hekurt komunist përballë kapitalizmit skllavërues për masën”.
“Ndërsa aty ku kishte gazetari të mirëfilltë, në Spanjë, shtypi me admirim të posaçëm përshkroi sagën e një ekipi të varfër, të papaguar dhe të papërkrahur që arriti të korrte një fitore që për nga përmasat ishte po aq e pamundur sa ajo e Davidit kundër Golias. Çfarë lidhje ka suksesi i ‘Flamurtarit’ në 1987 dhe goli i Sokol Kushtës me arsyen pse jemi sot këtu, Luftën e Vlorës në 1920 dhe figurën e Selam Musait? Besoj që kanë analogjinë e të pamundurës e cila është në ADN-në e gjakut të vlonjatëve, sikundër më shumë sesa një herë historia jonë e përbashkët ka folur”, – tha Rama.
“Një popull i çuditshëm me një aftësi të hatashme për të tejkaluar kufijtë e asaj që është e mundur dhe për të realizuar në momente të caktuara diçka të pamundur. Dhe faktikisht, Lufta e Vlorës është një nga luftrat më të veçanta në historinë e përbotshme të luftërave për nga përfundimi i saj. Një luftë e fituar nga pala që ishte objektivisht e humbur”, – tha Rama.
Kryeministri citoi albanologun Edvin Xhejks, i cili në librin e tij “Shqiptarët” përshkruan fanfarën madhështore me të cilën u gdhi qyteti i Vlorës në 3 shtator 1920, një ditë pasi trupat e huaja u larguan nga vendi, apo siç njihej në zhargonin e kohës dhe siç ne e mësuam nga historia në atëkohë kur historia mësohej me pathos: U hodhën në det.
“‘Nëpunësit ushtarakë dhe civilë planifikuan një organizim madhështor triumfal’, shkruan Edvin Xhejks. Ata ftuan bandat muzikore ‘Vatra’ dhe ‘Afërdita’, 23 muzikantë elbasanas u nisën me kuaj në Vlorë, netët i kaluan në qytete të ndryshme por hyrja triumfale në Vlorë ngjalli emocione të pakrahasueshme patriotizmi dhe hareje. Festa vazhdoi me ditë me radhe me marshe e këngë patriotike që shoqëroheshin shpesh nga interferencat e këngëve të grupeve të ushtarëve dhe qytetarëve të hareshëm. Por mes tingujve të muzikës, ata që shtypi italian i etiketoi si barinjtë heroikë, të njëjtët që ngjallën një tërbim të papërmbajtshëm të një editorialisti të gazetës ‘Avanti’, Benito Musolinit, që i kushtoi një shkrim të posaçëm me tërbim kësaj që ne sot kujtojmë si ngjarje, 2 vjet para se ai vetë të merrte pushtetin në Romë. Realizoi diçka të një magnitude që askush nuk e kuptoi saktë si ndodhi në kohën kur ndodhi”, – tha Rama.
Kryeministri citoi po ashtu edhe Tajar Zavalanin, një penë e spikatur e BBC në shqip për dekada të tëra, pas ikjes si i përndjekur nga komunizmi, i cili shpjegon në një libër të tij të shkruar në vitin 1966 se, “marrëveshja për lirinë e Vlorës nga sundimi i huaj ishte i pari dokument ndërkombëtar që nënshkroi qeveria shqiptare si pushtet sovran dhe me kushte të barabarta”.
Kjo, shkruan Zavalani, pati një influencë të dobishme mbi pozitën ndërkombëtare të Shqipërisë dhe e përshpejtoi njohjen e saj si shtet i pavarur brenda kufijve të 1913-ës.
Rama tha se “sot në këtë përvjetor jubilar është momenti për të kujtuar jo thjesht heroizmin e kësaj ngjarje në vetvete, por edhe peshën e kësaj ngjarje, jo thjesht si një akt kundërshtie ndaj një force të huaj në territorin sovran, por edhe si një akt këmbënguljeje në vazhdën e ndërtimit të një shteti shqiptar, që në atë kohë ishte në pelenat e veta”.
“Siç shkruan Teki Selenica tek ‘Shqipëria’ në 1927: … historia me të drejtë do të pyesë: po me se luftonin? Bëhej fjalë për një trup njerëzish që nuk mund të quhej ushtri, se ushtri nuk ishte. Nuk mund të konsiderohej një formacion i organizuar, sepse i tillë nuk ishte, dhe që kishte përballë një nga ushtritë më moderne të botës në atë moment. Dhe përgjigjja thotë Teki Selenica është: luftonin me zemrën e shqiptarit dhe me shpirtin e një kombi që për të jetuar kishte vendosur të vdiste. Se armë nuk kishin vetë, ca të ndryshkura, por edhe ato pa ndonjë municion e pa teklif luftëtarët e Vlorës kishin marrë gunën në sup, torbën në krah e një copë bukë misri të thatë nga shtëpia me kanën në dorë, gjysmë opinge në këmbë dhe pak ndërresa dhe kështu në një raport 1 me 5 ndaj një prej ushtrive më moderne të botës në atë kohë, kjo turmë njerëzish e motivuar nga diçka që vinte nga shumë thellë dhe e bashkuar si me magji në një drejtim, ia doli të realizojë një nga fitoret më të bukura dhe më mbresëlënëse në historinë e strategjisë së betejave dhe luftërave që studiohen në akademitë e specializuara”, – tha Rama.
Kryeministri solli po ashtu në vëmendje se “hetimi i nisur në vitin 1921 nga gjykatësi i Gjykatës së Apelit të Napolit, Augusto Ferraro, mbi shkaqet e humbjes, konfirmon se triumfi i shqiptarëve ishte sa i pamundur aq edhe i papritur, një rrufe në qiell të pastër për palën tjetër”.
“Ky raport tregon edhe diçka tjetër që është me vlerë të sillet. Rritja e çmimit të bukës, por mbi të gjitha, ndërhyrja e SHBA e detyroi Romën zyrtare të përfundonte pushtimin ushtarak të Vlorës. E theksoj këtë, se është një moment shumë i veçantë, por besoj se sot është momenti për të nënvizuar faktin se edhe në atë luftë, edhe në atë kohë, Shqipërisë i janë gjendur në krahë miq që e ndihmuan të mos i ndodhte ajo që Ismail Qemali tha nga ballkoni i mëvetësisë: Shqipëria rrezikonte sërish të vishej me të zeza. E ndihmuan më parë dhe më pas. Pa mbështetjen e palëkundur të Presidentit Uillson, në Konferencën e Paqes së Parisit, pavarësisht heroizmit të Vlorës, Traktati i fshehtë i Londrës mund ta kishte veshur sërish me të zeza Shqipërinë”, – tha Rama.
Por amerikanët, sipas tij, “nuk u mjaftuan në atë kohë vetëm me një mbështetje diplomatike, por e mbështetën atë që ndodhi edhe përmes shtypit të tyre të lirë”. “Qysh prej asaj kohe si në ‘Washington Post’ dhe në ‘Chicago Tribune’ gjenden artikuj që flasin me admirim të madh për shqiptarët dhe për kontributin e tyre përmes këtij akti”.
Rama tha se “pati edhe të tjerë, Papa Benedikti 15, e pavdekshmja Edith Durham, Justin Godart, i njohur dhe i respektuar në Shqipëri, një fraksion i vogël, ose më saktë i margjinalizuar i politikës italiane dhe një pjesë e opinionit italian. Por ndër të tjerë ka edhe një personazh shumë interesant i palës tjetër, marshalli italian Vincenco Xhovani që ndaloi shpërthimin e depos së madhe të municioneve që mund të kishte rrafshuar, në mos gjithë qytetin, një pjesë të madhe të qytetit përpara largimit”, – tha Rama.
Kryeministri Rama theksoi edhe rolin e rëndësishëm që patën komunitetet fetare, kishat xhamitë dhe teqetë, si dhe shumë priftërinj, hoxhallarë, baballarë dhe imamë.
“Janë në fakt një segment i panjohur të paktën për shumë prej nesh që historinë e Vlorës e mësuam të shkruar nga fitimtarët e asaj historisë tjetër më mbrapa, për të cilët e dimë shumë mirë që gjithë kjo kategori kontributorësh në historinë e popullit shqiptar u fshi sikur të mos kishte ekzistuar kurrë. Sepse çdo trevë, thirrjen për t’iu bashkuar Komitetit të Mbrojtjes Kombëtare në atë kohë e udhëhoqën përfaqësuesit e klerit të të gjitha besimeve. Ishin hallkat e të vetmit zinxhir institucionesh që e mbështetën dhe që i lidhën bashkë në influencën e tyre shpirtrat e gatshëm dhe të revoltuar të atyre që pastaj u bënë protagonistët e mëdhenj”, – tha Rama.
Një tjetër element i rëndësishëm që meriton sot të kujtohet, sipas tij, “është pjesëmarrja e pazakonshme e grave në atë luftë në raport me çdo luftë tjetër të mëparshme të shqiptarëve”. “Ishte jo vetëm e drejtpërdrejtë, por ishin gratë që organizuan një rrjet shitjesh të bizhuterive për mjekime dhe për të asistuar luftëtarët. Padyshim të gjitha këto nuk e bëjnë aspak më pak të rëndësishme, përkundrazi thjesht tregon se çfarë peshe kishte ajo bërthamë luftëtarësh që e morën përsipër këtë çmenduri, nëse do të niseshin nga një arsyetim i ftohtë logjik dhe që e bën realitet. Sepse ishte një arsyetim i bërë jo me mendje, por me zemër”, – tha Rama.
Përhapja e epopesë së kësaj lufte në gjithë Shqipërinë, sipas tij, “solli më pas edhe një valë që zgjati me këngë që i përkasin pikërisht nderimit të Luftës së Vlorës”.
Rama tha se “nderimi i këtyre ngjarjeve bëhet përmes ndreqjes me kujdes dhe sa me më shumë objektivitet të gabimeve që trazuan shumë shpirtrat e tyre në shekullin që kaloi, por jo vetëm”. “Trazojnë shpirtrat e tyre, jo vetëm të Vlorës, të të gjithëve, përmes penës së njerëzve që pa pasur atributet e mjaftueshme, njohuritë e mjaftueshme edhe pa pasur sensin e mjaftueshëm të modestisë intelektuale, ndërhyjnë duke e ngacmuar gabim historinë”, – tha Rama.
Kryeministri u shpreh se “gjenerata ime dhe ata pak më të mëdhenj në moshë, kanë fatkeqësinë e mësimit të historisë së shkruar nga një palë fitimtarësh”.
“Për fat të keq ky mëkat i një pale që përpiqet të imponojë historinë e shkruar prej saj me logjikën e fitimtarit nuk u ndërpre me fundin e diktaturës komuniste, por u ripërsërit në një formë karikaturale shumë më pak serioze, por mjaftueshmërisht perverse, duke sjellë dëme të tjera dhe duke dëmtuar edhe një brez tjetër më të ri akoma, që nuk e pati fatkeqësinë që historinë ta mësonte me imponim në mënyrë të njëanshme nga fitimtarët”, – tha Rama.
Dua të besoj, vijoi ai, “se pak nga pak, njerëzit dhe institucionet e kësaj fushe, jo politika, jo qeveria, as opozita, por njerëzit që dinë se çfarë thonë, të flasin për historinë, të mund të ndreqin shumë shtrembërime të vjetra e të reja dhe të krijojnë për të gjithë, përfshi edhe politikën, një sens respekti për mendimin e kultivuar dhe kualifikuar të historianëve”.
“Do të ishte nderimi më serioz që do t’i bëhej Luftës së Vlorës dhe gjithë luftërave të tjera. Shlyerja e një borxhi shumë të madh”, – tha Rama./atsh
Autoritetet më të larta shtetërore vendosën sot kurora me lule në memorialin e “Luftës Kombëtare të Vlorës 1920”, në Qafën e Koçiut, në Vlorë.
Presidenti Ilir Meta, Kryetari i Kuvendit, Gramoz Ruçi, Kryeministri Edi Rama, si dhe zyrtarë të tjerë të lartë nderuan sot këtë ngjarje me rëndësi kombëtare, duke vendosur kurora me lule në memorialin e “Luftës Kombëtare të Vlorës 1920”.
Për 100-vjetorin e Luftës Kombëtare të Vlorës u organizuan një sërë aktivitetesh, përfshirë ekspozita dhe veprimtari shkencore, të cilat kulmuan ditën e djeshme në “Sheshin e Flamurit” në Vlorë./atsh
Njerëzve u duhen vetëm pak sekonda për të bërë një vlerësim mbi juve. Po çfarë vlerësojnë ata saktësisht kur dëshirojnë të mbërrijnë në konkluzione në lidhje me ju?
Amy Cuddy është një profesore në Universitetin e Harvardit, dhe një prej folëseve më të suksesshme në TED Talks. Ajo ka studiuar përshtypjet e para që krijohen tek njerëzit, së bashku me kolegët e saj psikologë, Susan Fiske dhe Peter Glick, për më shumë se 15 vite. Zbulimi i tyre është shumë interesant…
Në librin e saj që është botuar së fundmi “Presence” (Prania), Cuddy thotë se njerëzit i bëjnë vetes dhe më pas i përgjigjen menjëherë këtyre dy pyetjeve kur ju takojnë për herë të parë:
-A mund t’i besoj këtij personi?
-A mund ta respektoj këtë person?
Një prej gjërave më kureshtare që ka zbuluar Cuddy gjatë studimeve të saj shumëvjeçare – sidomos në ato që kanë të bëjnë me kontekstin profesional – është se shumica e njerëzve besojnë se që vetëbesimi dhe të qënit kompetentë, është një faktor shumë i rëndësishëm. Pikësëpari, njerëzit duan që të vërtetojnë se janë të mençur dhe të talentuar.
Nga ana tjetër, kredibiliteti është faktori më i rëndësishëm në mënyrën se si ju vlerësojnë të tjerët. Përgjithësisht, njerëzit vetvetiu mendojnë se është shumë më e rëndësishme, për “mbijetesën”, që të dijnë me siguri nëse dikush e meriton apo jo besimin e tyre. / bota.al
