Irina

100-vjetori i luftës së Vlorës/ Përurohet busti i Osman Haxhiut, ndër figurat më aktive të historisë së qytetit

Aktualitet / /

Në qytetin bregdetar të Vlorës nisën sot festimet dyditore në kuadër të 100-vjetorit të Luftës së Vlorës.

Këto ditë nderimesh nisën me përurimin e bustit të njërit prej njerëzve më aktiv të historisë së Vlorës, mbështetësi kryesor i Ismail Qemalit, Osman Haxhiu.

Kryetari i bashkisë së Vlorës, Dritan Leli, tha në ceremoninë e organizuar se “jam i nderuar që më takoi mua të jem pjesë e këtij përvjetori historik të Vlorës, për të kujtuar një nga ngjarjet më të rëndësishme të qytetit, siç është Lufta e Vlorës së 1920”.

“Këto dy ditë nderimesh të personaliteteve bosht të këtij vendi, i nisëm me përurimin e bustit të njërit prej njerëzve më aktiv të historisë së Vlorës, mbështetësi kryesor i Ismail Qemalit, Osman Haxhiu, që më vonë do të bënte një karrierë të shkëlqyer si Kryetar i Komitetit “Mbrojtja Kombëtare” të Luftës së Vlorës, delegat në kongresin e Lushnjës dhe deputet në parlamentin Shqiptar”, – theksoi Leli.

Kryebashkiaku Leli u shpreh se “bashkë me deputetin Vullnet Sina dhe kryetarin e shoqatës ‘Armeni’, Shpresim Kasaj, çelëm këtë maratonë aktivitetesh që do të vijojnë deri në mbrëmje me ardhjen e Kryeministrit Edi Rama”.

Po ashtu, ditën e sotme u promovuan disa prej librave historikë dhe u zhvillua Konferenca Shkencore Kombëtare “Lufta kombëtare e Vlorës, luftë për mbrojtjen dhe rikonfirmimin e pavarësisë”.

Në aktivitetet e zhvilluara ishte i pranishëm edhe prefekti i qarkut Gjirokastër, Astrit Aliaj, i cili shprehu nderimet e larta për këtë ngjarje historike dhe prezantoi librin “Prefektura Gjirokastër gjatë Luftës së Vlorës” të historianit Shyqyri Hysi, libër i botuar me mbështetjen e institucionit të Prefektit të qarkut Gjirokastër.

Ndër të tjera, Aliaj u shpreh se “institucioni i Prefektit të qarkut Gjirokastër ka iniciuar vazhdimisht botimin e veprave, të cilat nxjerrin në dritë fakte rreth historisë sonë kombëtare”.

Aktivitetet festive do të zhvillohen dhe ditën e nesërme dhe do të përfundojnë me ceremoninë përkujtimore, me pjesëmarrjen e autoriteteve të larta të vendit./atsh

100-vjetori i luftës së Vlorës/ Përurohet busti i Osman Haxhiut, ndër figurat më aktive të historisë së qytetit Read More »

Fruta-perime dhe drithëra, kombinimi që parandalon diabetin e tipit II

Shendetesi / /

Konsumimi i fruta-perimeve dhe drithërave ndihmon në parandalimin e diabetit të tipit 2 me përkatësisht 50% dhe 29 %, sipas dy studime të botuara në “British Medical Journal”.

Studimi i parë, në lidhje me konsumimin e frutave dhe perimeve, i kryer si pjesë e projektit europian hulumtues “Studimi i Perspektivës Europiane për Kancerin dhe Ushqyerjen (EPIC)”, tregon se nga një mostër prej 22 833 pjesëmarrësish të rritur, 9 754 zhvillojnë diabet të tipit 2 dhe 13 662 nuk zhvillojnë sëmundjen gjatë një periudhe 10-vjeçare vëzhgimi.

“Diabeti është më pak i zakonshëm midis personave me nivele më të larta të vitaminës C dhe karroteinoideve në gjak, një shenjë e konsumit më të lartë të frutave dhe perimeve”, thanë Ju-Sheng Zheng dhe Nita Forouhi, nga Shkolla e Mjekësisë Klinike në Universitetin e Kembrixhit.

Studimi i dytë, i cili përfshiu një popullsi prej 158 259 gra dhe 36 525 burra të shëndetshëm, shëndeti i të cilëve u monitorua për 24 vjet, tregoi se te pjesëmarrësit me konsumin më të lartë të drithërave, rreziku i diabetit u zvogëlua me 29%.

Të dy studimet tregojnë një faktor mbrojtës të varur nga doza, ku sa më shumë fruta- perime ose drithëra të konsumohen, aq më i ulët është rreziku i diabetit të tipit 2.//atsh

Fruta-perime dhe drithëra, kombinimi që parandalon diabetin e tipit II Read More »

Violinistja dhe artistja shqiptare Enxhi Kumrija mori çmimin e tretë në Festivalin “Rruga për në Jaltë” në Rusi

Aktualitet, Art-Kulture / /

Violinistja dhe artistja shqiptare Enxhi Kumrija mori çmimin e tretë në Festivalin “Rruga për në Jaltë”, që u mbyll mbrëmjen e djeshme në Rusi, në një garë të vështirë ku merrnin pjesë artistë nga e gjithë bota.

Performanca e artistes shqiptare është vlerësuar si ndër më të mirat në festival.

Ambasada Ruse në Tiranë, pas mbylljes së festivalit, përgëzoi përmes një mesazhi artisten shqiptare mbi suksesin e arritur.

“Ambasada Ruse në Shqipëri uron këngëtaren shqiptare Enxhi Kumrija për fitimin e çmimit të tretë të Festivalit “Rruga për në Jaltë”, finali i të cilit u zhvillua mbrëmë në qytetin e Jaltës”, – shkruhet në mesazh .

“Enxhi, je e paparë!”, – i është drejtuar ambasada përmes mesazhit të urimit artistes shqiptare.

/NOA.al

Violinistja dhe artistja shqiptare Enxhi Kumrija mori çmimin e tretë në Festivalin “Rruga për në Jaltë” në Rusi Read More »

‘Kujdes Greqia është ag resive’

Aktualitet, Opinione / /

Deklarata e Greqisë për zgjerimin me 12 milje është një e drejtë legjitime që ia jep konveta,por duhet të aplikohet vetëm aty ku nuk cenohet deti territorial i Shqipërisë.

Kështu u shpreh Ish-komandati i flotës detare Vladimir Beja.

Ish-kryenegociatori i Shqipërisë në marrëveshjen për detin me Italinë në vitin 1990 ka dhe një këshillë për qeverinë shqiptare. Ai thotë që të mos ngutet për negociatat me palën greke, e cila thotë se është shumë agresive, ndryshe nga Italia që tregoi shumë ndershmëri dhe bonsens në negociatat për ndarjen e kufirit detar mes dy vendeve, në vitin 1990.

Ish-komandati i flotës detare Vladimir Beja, i ftuar sot në Report tv, është ndalur tek çështja e detit, duke theksuar se nëse Greqia synon të zgjerohet me 12 milje në veri të ishullit Othonoi dhe ishullit të Erikusës cenon direkt detin territorial shqiptar dhe zonën ekonomike ekskluzive.

Greqia zyrtare u shpreh e sigurt se do të zgjerohet me 12 milje, ndërsa Tirana zyrtare tha se kjo është e drejta e tyre, pa specifikuar marrëveshjen nëse ajo ndryshon nga marrëveshja e parë e rrëzuar në vitin 2009 në Gjykatën Kushtetuese.

/NOA.al

‘Kujdes Greqia është ag resive’ Read More »

Erion Braçe nxjerr ‘blof’ PD e LSI: Gënjejnë si derrat!(dokument)

Aktualitet, Opinione, Politike / /

Zv.kryeministri Erion Braçe përmes një postimi në rrjetet sociale ka nxjerr sërish ‘blof’ PD dhe LSI që nuk i ndaj akuzat ndaj qeverisë.

Braçe ka reaguar në lidhje me aksin Çermë-Divjakë, për të cilin shkruan se dje ka njoftuar se ky aks së bashku me tre segmente të tjera është në proces prokurimi. Ndërsa PD dhe LSI kanë thënë se kjo është mirëmbajtje rutinë.

Pas kësaj zv.kryeministri ka shpër thyer në akuza duke i quajtur mashtrues dhe pisa, që vetëm kanë gënjyer dhe nuk kanë bërë asgjë për Divjakën. Megjithatë ai nuk ka thënë asnjë emër se për kë bëhet fjalë, ndërsa shton se emrin do ua kursejë vetëm këtë herë.

“Po ua kursej emrin sot, por vetem sot, nese vijoni me rrena do jeni ne kete tabele cdo minute! Turperoini keta pisa qe i shfrytezojne pune tona, por i peshtyjne nga mengjesi ne mengjes”, thotë Braçe ndër të tjera.

POSTIMI I PLOTË I BRAÇES:
SHSHSHSHSHSHSHTTTTTTTTT

MASHTRUESA!

NUK DO TA FITONI KURRE NJE BETEJE ME #PARTINESOCIALISTE,

ME MUA DHE CDO SOCIALIST NE #DIVJAKE, CERME, GRABIAN, GRADISHTE, REMAS;

MADJE AS NE LUSHNJE E FIER;

MADJE MADJE PER HERE TE TRETE RRADHAZI NE TE GJITHE SHQIPERINE!

E thjeshte, jeni po hajdutet qe ishit,

jeni po mashtruesit qe ishit;

JENI PISAT QE PASI VODHET E GENJYET, IKET NGA DIVJAKA ME TURPIN E TE BERIT ASGJE, ASGJE, ZERO, PER TU FSHEHUR NE TIRANE ME SHPRESEN SE SDO U NJOHE KUSH!

Por u njoh une, edhe Divjaka natyrisht,

kudo qe te fshiheni, madje dhe pas anonimatit digjital

Dy prej atyre qe kane braktisur #Divjaken, kane marre emrin e saj per ti sherbyer rregjimit korruptiv PDLSI me mashtrime pas mashtrimesh;

Po ua kursej emrin sot, por vetem sot, nese vijoni me rrena do jeni ne kete tabele cdo minute!

Dje, njoftova se rruga Cerme-DIVJAKE, bashke me tre segmente te tjera,

eshte ne proces prokurimi.

Dy mashtruesit qe administrojne adresen me emer te vjedhur DIVJAKA,

pjese e PD te Divjakes me banim ne Tirane, ne borderone e PD-te njejtes parti te hajduteve e mashtruesve,

vijuan te genjejne duke thene se eshte “mirembajtje rutine”!

URDHERONI DOKUMENTIN;

GENJEJNE MU SI DERRAT!

Fondi Shqiptar i Zhvillimit ka ne proces prokurimi egzaktesisht rrugen Cerme Divjake dhe te tjerat qe do punohen ne shtresa dhe do shtrohen me asfalt,

Cerme-Divjake nga fillimi ne fund e te tjerat ne segmentet sipas projektit!

Tani,

TURPEROINI KETA PISA QE HEM E KANE LENE DIVJAKEN, HEM E URREJNE, NXIJNE PREJ PUNEVE E VEPRAVE QE PO RIBEJNE DIVJAKEN NGA THEMELET, HEM NUK PROMOVOJNE ASGJE NGA KJO PUNE RINDERTUESE NE SHKOLLA, KOPESHTE, QENDRA SHENDETESORE, SHESHE, RRUGE, LULISHTE, KANALIZIME, UJESJELLESA, VADITJE, KULLIM, URBANIZIM, POR AMA MU SI PALACOJA TE CILIT U SHERBEJNE,

E KANE DIVJAKEN SHTEPI TE DYTE SIC LYLI HOLLANDEN APO SHTEPI PLAZHI SIC LYLI LALEZIN, HAMALLAJN ETJ.

Turperoini keta pisa qe i shfrytezojne pune tona, por i peshtyjne nga mengjesi ne mengjes!

Veprat jane per ju, i meritoni me cdo gje!

Erion Braçe nxjerr ‘blof’ PD e LSI: Gënjejnë si derrat!(dokument) Read More »

Meta: Koha të pastrojmë politikën nga k rimi

Aktualitet, Politike / /

Presidenti Ilir Meta komenton letrën që ambasadorja amerikane, Yuri Kim, iu dërgoi kryetarëve të partive politike, ku kërkoi që në zgjedhjen e kandidatëve për deputetë, të zgjidhen figura të pastra dhe me integritet.

Nga Vlora, pas një aktiviteti ku ishte i pranishëm, Presidenti tha se ka ardhur koha që përmes zgjedhjeve të lira e të ndershme të pastrohet gjithçka në vendin tonë dhe të kemi institucione plotësisht demokratike e legjitime.

“Vetëm zgjedhjet e lira e të ndershme e pastrojnë politikën nga elementet kriminale apo të korruptuar, apo të cilët për interesa grupesh të ndryshme kërkojnë të mbajnë peng funksionimin e shtetit ligjor në mënyrë të plote e europiane”, u shpreh Meta.

Lidhur me datën e zgjedhjeve, ai shtoi se do ti duhet të dëgjojë përfaqësuesit e forcave politike dhe më pas do të flasë me siguri.

“Unë kam kërkuar takime me përfaqësuesit e forcave parlamentare dhe më pas do të kemi një vlerësim”, tha kreu i shtetit.

Sa i takon formimit të Komisionit Qendror të Zgjedhjeve, shtoi se i duken gjëra të vogla.

“Nëse ka vullnet këto çështje mund të zgjidhen fare thjeshtë. Nëse ka vullnet për zgjedhje të lira e demokratike, nuk shoh ndonjë arsye pse mos të zgjidhen. Nëse ka vullnet për të respektuar marrëveshjen e 5 qershorit, nuk shikoj asnjë problem. Këto të gjitha janë detaje”, deklaroi Ilir Meta. /noa.al

Meta: Koha të pastrojmë politikën nga k rimi Read More »

Meta: 3 shtatori të shpallet festë kombëtare

Aktualitet, Politike / /

Presidenti Ilir Meta nënvizon një mesazh, teksa sot ishte në Vlorë, për të kremtuar 100-vjetorin e epopesë së lavdishme të Luftës Kombëtare të Vlorës.

Ai thotë se u ndal në qytetin e flamurit dhe për të theksuar me forcë mesazhet tepër të rëndësishme dhe frymëzuese të saj në çdo kohë: “bashkimin e të gjithë popullit në mbrojtje të vlerave dhe interesit kombëtar, Pavarësisë dhe Sovranitetit të Shqipërisë, kundër çdo pushtuesi”.

Më tej thotë se mbështet idenë që 3 shtatori të jetë një Ditë Feste Kombëtare, sepse kjo ngjarje e plotëson dhe e vë në jetë Pavarësinë që ne festojmë çdo 28 Nëntor.

“Mirënjohje të gjithë historianëve, studiuesve dhe akademikëve për Konferencën Shkencore të organizuar sot për këtë qëllim, si edhe për ndriçimin e të vërtetave dhe veprës së ndritur të figurave të shquara, që përjetësuan dhe i dhanë lavdinë e merituar Luftës së Vlorës”, shprehet Presidenti. /noa.al

Meta: 3 shtatori të shpallet festë kombëtare Read More »

E mërkura vijon me vranësira, por ja si do jetë moti nesër

Aktualitet / /

Moti sot parashikohet me alternime kthjellimesh dhe vranësira, si dhe reshje shiu të izoluara përgjatë relieveve malore në Veri-Verilindje të vendit.

Kurse dita e enjte parashikohet të ketë mot kryesisht të kthjellët e vranësira të pakta kalimtare.

Era do të jetë nga Veri-Veriperëndim me shpejtësi 1-8m/s, e cila përgjatë vijës bregdetare hera-herës fiton intensitet deri në 18m/s.

E mërkura vijon me vranësira, por ja si do jetë moti nesër Read More »