Irina

Bill Clinton: Shqipëria një shembull suksesi, uroj që e gjithë bota ta vizitojë!

Aktualitet / Irina / December 14, 2023

Për episodin final të podkastit të saj për këtë sezon, Hillary Clinton, zgjodhi bashkëshortin e saj, Bill Clinton, presidentin e 42-të të Shteteve të Bashkuara.

Një bisedë e gjerë, ku u kujtua shumëçka dhe nuk kishte si të mungonte as Shqipëria dhe Kosova. Urime dhe përgëzime u përcollën nga Clinton në këtë bashkëbisedim të ngrohtë për Shqipërinë.

Ish-presidenti amerikan theksoi me bindje se Shqipëria është një pamje se si bota mund të lëvizë nga e mbyllura në të hapur dhe se si bota mund të kalojë nga lufta në paqe.

Clinton thekson se, kabineti i vendit është rreth 40% femra dhe se Shqipëria ka një nga qeveritë më të reja, më të fuqishme dhe më të balancuara gjinore në Evropë.

“Kështu që uroj që e gjithë bota të shkojë në Shqipëri për një ose dy ditë. Dua të them, është një vend kaq i bukur dhe ata e dinë se si është të humbasësh gjithë lirinë e tyre. Ata nuk po i bëjnë këto debate që po bëjmë ne në Amerikë. Gjithçka që ata donin të flisnin ishte e ardhmja”.

Ai edhe një herë solli në vëmendje se kur u përfshi në çështjen e Kosovës – vendi në atë kohë ishte pjesë e Serbisë, por në thelb ishin mbi 90% shqiptarë që po luftonin për ekzistencën kundër Millosheviçit dhe Serbisë.

“Ne jetojmë këtu në Chappaqua, New Jork. Dhe New Jork-u ka popullsinë më të madhe shqiptare jashtë Shqipërisë. Dhe shumë prej tyre është e përqendruar në vendin ku jetojmë. Poshtë këtij blloku nga ku po flas, kemi dy familje shqiptare kosovare. Pra, shkova atje. Nuk kam qenë kurrë më parë në Shqipëri”.

Kjo e fundit ndryshoi derisa ishte i ftuar nga kryeministri Edi Rama, për të cilin ish-presidenti thotë se është një artist i talentuar dhe një ish-basketbollist goxha i gjatë. Ai rikujtoi vizitën në atë që ishte “bujtina zyrtare komuniste në kohën e Stalinizmit”.

Clinton zhvilloi më 3 dhe 4 korrik një vizitë në Shqipëri, ku u nderua edhe me titullin Yllit të Mirënjohjes për Arritjet Publike, si edhe lëshoi një sërë mesazhesh të fuqishme për situatën aktuale në rajon dhe më gjerë.

Sa duket, vizita e parë për të në Shqipëri, i ka lënë mbresa të veçanta edhe pas një jave presidentit të 42-të të SHBA-ve, ku përmes një postimi në median e tij sociale Twitter, ai e bëri Shqipërinë shembull për një vend që përqafon demokracinë.

“Gjatë konfliktit të Kosovës, Shqipëria ndihmoi njerëzimin të mbizotëronte – duke pranuar gati gjysmë milioni refugjatë dhe duke shërbyer si një partner jetik për paqen. Javën e kaluar, pata nderin të festoja lidhjet e miqësisë midis dy vendeve tona dhe të shihja se çfarë është e mundur kur njerëzit përqafojnë demokracinë”.

Kështu ka shkruar ai, duke shpërndarë edhe një video nga nderimi që shqiptarët i bënë përzemërsisht gjatë vizitës.

Ndër mesazhet e tjera që ai dha – mbi të gjitha për situatën e krijuar në veri të Kosovës – ishin ato të “fundit të një marrëzie konfliktuale.

“Ka një mosmarrëveshje që po ndodh tani në Kosovë dhe do të doja të mos ndodhte kurrë”.

Kështu – me një historik të situatës – Clinton u shpreh se nuk ishte vendim i tij, por i kosovarëve për të krijuar ato “katër komuna në të mirë të serbëve për tu dhënë katër kryebashkiakë më tepër”.

Ai tha se votimi ishte një gabim dhe se “tani është e lehtë për shqiptarët në shumicë që të përpiqen të përfitojnë nga momenti për të paraqitur argumentin e tyre”.

Duhet kujtuar se gjatë presidencës së tij tetë-vjeçare, ishte pikërisht Bill Clinton, kreu i Shtëpisë së Bardhë, i cili mori vendimin e guximshëm për të nisur bombardimet e NATO-s në Serbi dhe për të çliruar Kosovën nga agresori.

Ndërsa, mbi Shqipërinë, ai pranoi se të gjithë aleatët duhet të jenë bashkë kur bëhet fjalë për ta mbështetur.

Bill Clinton: Shqipëria një shembull suksesi, uroj që e gjithë bota ta vizitojë! Read More »

‘I përkushtuar ndaj nxënësve dhe prind shembullor’, ky është mësuesi që humbi jetën në aksidentin tragjik

Lajmi i fundit / Irina / December 13, 2023

Tahir Bici është mësuesi që humbi jetën në aksidentin e shënuar dy ditë më parë në aksin rrugor Librazhd-Prrenjas, në vendin e quajtur “Ura e Mërkurit”.

54-vjeçari që mbeti i plagosur bashkë me 5 persona të tjerë në këtë aksident, nuk mundi të mbijetojë dhe humbi jetën në spital mbrëmjen e kaluar.

Ai ishte mësues në shkollën 9-vjeçare Pishkash dhe më parë kishte punuar në disa shkolla të rrethit Librazhd, në Babje, Librazhd dhe Dragostunjë.

Ai njihej nga të gjithë si një mësues fjalëpak e punëshumë, i përkushtuar ndaj nxënësve, i urtë dhe këmbëngulës për të arritur më të mirën për brezin e ri.

Njoftimi nga Zyra Arsimore Prrenjas:

E dhimbshme kjo ndarje e parakohshme nga jeta e mesuesit Tahir Bici. Koleg, mesues, bashkeshort dhe prind shembullor. Profesor Tahiri mbaroi shkollen e mesme artistike “Onufri”, me pas vazhdoi studimet e larta per mesuesi CU.

‘I përkushtuar ndaj nxënësve dhe prind shembullor’, ky është mësuesi që humbi jetën në aksidentin tragjik Read More »

Apeli i ministrit Balla për të rinjtë: Më mirë të rritësh delet në Kukës, sesa të punosh me ‘shtëpi bari’ në Angli

Lajmi i fundit / Irina / December 13, 2023

Ministri i Brendshëm, Taulant Balla kishte një apel për të gjithë të rinjtë, të cilët tentojnë të shkojnë në Angli, por aty bien pre e krimit, duke punuar në shtëpi bari.

Gjatë fjalës së tij në aktivitetin për strategjinë ndërsektoriale të dhunës dhe krimit në familje, Balla tha se në bashkëpunim me partnerët ndërkombëtare, kryesisht me qeverinë britanike po krijojnë sipërmarrje të suksesshme në zonat ku emigracioni është i lartë.

“Këto projekte- u shpreh ministri- ne do ti mbështesim dhe do ti fuqizojmë për të çuar përpara këtë strategji të rëndësishme”

“Na duhet që ne të tregojmë shoqërisë tonë rastet konkrete sesi viktima jo vetëm janë marrë në mbrojtje, por janë fuqizuar. Ne po ndërtojmë në Shqipëri, raste konkrete me qeverinë britanike pas marrëveshjes së vitit të kaluar mes Ramës dhe kryeministrit Sunak ne po ndërtojmë një regjistër të personave që kanë qenë të trafikut dhe emigracionit të paligjshëm dhe që me mbështetjen e qeverisë britanike po krijojmë sipërmarrje të suksesshme në Kukës, Dibër. I bie më mirë të rritesh dele në Kukës dhe Dibër sesa të punosh me shtëpi barit në Britaninë e Madhe. Këto projekte ne do ti mbështesim dhe do ti fuqizojmë për të çuar përpara këtë strategji të rëndësishme”, tha ndër të tjera ministri Balla.

Apeli i ministrit Balla për të rinjtë: Më mirë të rritësh delet në Kukës, sesa të punosh me ‘shtëpi bari’ në Angli Read More »

Kritikoi Kongresin e PS-së, Braçe për analistin Arjan Curri: ‘Palaço kokëbosh, idiot shembullor…’

Aktualitet, Opinione, Politike / Irina / December 13, 2023

Kjo, pas disa komenteve të këtij të fundit në një emision televiziv, ku komentoi fjalimet në Kongresin e PS-së, mes të cilëve edhe atë të Braçes.

“Rama është duke rritur fjalimit përdhunuese, aq sa deputetët, delegatët fillojnë dalin nga salla dhe ai u thotë uluni, dhe disa të shkretë u ulën. Ka arritur në 140 minuta, ndërkohë që sfida e tij është të kalojë Fidel Kastron që fliste 4 orë.

Tjetra është një fjalim patetik, emocional i Braçes që ai do të rifitoi vëmendjen e kryeministrit dhe e treta është zonja Spiropali e cila ka kaluar çdo masë të adhurimit për kryeministrit apo edhe të servilizmit. Nuk e di se çfarë plani ka, që e ka filluar këtë lloj verbi”, tha Curri.

Pas këtij komenti, menjëherë ka ardhur edhe përgjigja e Erion Braçes.

“Darka në TV është një çmendinë!

Kokëboshë, refuzues të një gjëje të thjeshtë-të lexuarin, të ngopur me veten e kjo si lë të lexojnë e as të dëgjojnë, idiotë shembullorë.

Mbi të gjitha, palaço që se kanë për gjë të fyejnë këdo, pa asnjë shkak!

Ne anë tjeter, ky llum qe ka folur pa hesap per vendimin e nje gjykate skandaloze ne favor te nje batakçiu, nuk guxon të flasë për vendimin e gjykatës më të rëndësishme të Europës për vrasjet më kriminale në 33 vite, vrasjet e 21 janarit

Ndaj as qe shihet ky llum”, shkruan Braçe.

Kritikoi Kongresin e PS-së, Braçe për analistin Arjan Curri: ‘Palaço kokëbosh, idiot shembullor…’ Read More »

Kryemadhi deklaron se është kërcënuar nga inceneratorët, por nuk nxjerr emra dhe prova!

Opinione, Politike / Irina / December 13, 2023

Kryetarja e Partisë së Lirisë, Monika Kryemadhi, ka pranuar se është në hetim nga Prokuroria e Posaçme.

E pyetur në lidhje me sekuestrimin e një sendi të saj nga prokuroria, Kryemadhi tha se, ‘SPAK ka sekuestruar një send që ka të bëjë me inceneratorët’.

Kryemadhi, e cila deri tani ka bërë 3 denoncime në SPAK, shprehet se ka marrë kërcënime, por thekson se është e vendosur për t’i shkuar deri në fund kësaj çështjeje.

“Ky prezantim është produkt i një pune shumë voluminoze, vjen sot pas një viti punë intensive, të pa ndalur dhe konstistente. Janë marrë në analizë të detajuar puna e të gjitha institucioneve publike që kanë lidhje me këtë skemë korruptive.

Shkeljet ligjore për miratimin e kontratës koncesionare i kemi faktuar kohë më parë, ndërsa tani po vazhdojmë të dëshmojmë se si po zbatohet kjo kontratë koncesionare.

Do të shikoni si vidhen shqiptarët, si mashtrohen, si dëmtohet shëndeti i qytetarëve të Tiranës dhe skandale nga më të padëgjuarat, që vetëm mendja dibolike dhe e sëmurë për korrupsion e Erion Veliaj, mund të kryejnë këto shkelje.

Kemi analizuar të dhëna dhe informata komplekse, duke ndjekur rrugën e procedurave dhe të parasë publike, se si është shkelur ligji, kush janë përgjegjësit, si janë shpërdoruar paratë publike, kush kanë qenë përfituesit.

Nëse Partia e Lirisë do të kishte qenë pjesë e Komisionit Hetimor Parlamentar, ky produkt që vjen sot, do të vinte në një kohë më të shpejtë dhe vetë rezultati që prodhoi ai komision hetimor, do të ishte tërësisht ndryshe.

Megjithatë, edhe kapja e parlamentit, ashtu si kapja e gjithë shtetit nga qeveria, nuk do të më ndalonte mua si Monikë personalisht nuk do të më ndalonte në zbardhjen e kësaj afere korruptive, të plotë, duke marrë parasysh edhe çdo pasojë që mund të vinte për mua, familjen time reale dhe atë politike, nga qeveria dhe mafia e lidhur me të”, tha Kryemadhi.

Kryemadhi thotë se Bashkia Tiranë nuk ka çuar përfaqësues në Njësinë e Zbatimit të Projektit dhe se kontrata e Koncesionit të Inceneratorit të Tiranës funksionon vetëm për të paguar koncesionarin

“Monitorimi nga Autoriteti Kontraktues dhe Bashkia Tiranë nuk funksionon. Njësia e Zbatimit të Projektit nuk është formuar. Kontrata e Koncesionit të Inceneratorit të Tiranës funksionon vetëm për të paguar koncesionarin ndërkohë, që nuk ka asnjë përmbushje detyrimi nga koncesionari.

Qeveria nuk ka ndaluar pagesat, ndërsa ka qenë në dijeni për mosfunksionimin e NJZP nga raporti i Supervizorit të punimeve. Erion Veliaj ka zgjedhur të mos çojë përfaqësuesit e Bashkisë Tiranë në NJZP, ndërkohë ka vijuar pagesat për shërbimin e faturuar me 29 Euro/Ton. Shërbim ky që nuk mund të ofrohej, pasi, vetë NJZP e ka konstatuar se projekti nuk është realizuar”, tha ajo.

Sipas Kryemadhit, Erion Veliaj nuk i ka “dalë dot për zot llogaridhënies shkresore që unë i kam kërkuar. Nuk i ka dalë për zot dot, firmës që ka hedhur dhe as pagesave që ka kryer.”

Ajo shton se “Veliaj ka gënjyer në komisionin hetimor për inceneratorët, dhe ka udhëzuar në cilësinë e sekretarit politik të partisë socialiste për qarkun Tiranë, edhe kryetarët e bashkive Vorë e Rrogozhinë që të mos kthejnë përgjigje ndaj Kryemadhit për pagesat e Bashkisë ndaj Inceneratorit të Tiranës”

Deputetja pretenton se qeveria i fal koncesionarit të inceneratorit të Tiranës 8.5 milionë euro, ndërsa ka publikuatr llogaritjen e penaliteteve të pambledhura deri më datë 30 nëntor 2023

“Kontrata koncesionare ka parashikuar penalitete për firmën private, në rast se ajo nuk përmbushte detyrimet. Penalitetet llogariten në bazë ditore dhe sipas Kryemadhi, krahas vjedhjes së përditshme me paratë publike që i jepen koncesionarit, vendimi i Edi Ramës dhe qeverisë shqiptare për të justifikuar kontratën koncesionare, ka sjell një tjetër dëm ekonomik ndaj buxhetit të shtetit në masën 8.5 milionë Euro.

Në kohën kur qeveria shqiptare, kur bashkia Tiranë, bëhen shumë agresiv ndaj një qytetari që nuk paguan një gjobë makine, apo detyrimet e ujit dhe të dritave, për këtë kontratë koncesionare miliona Euro të miqve të tyre, qeveria ka zgjedhur të mos arkëtojë deri më tani asnjë nga penalitetet që koncesionari duhet të paguante”, tha ajo.

Kryemadhi publikoi dhe pamje me dron, dhe tha se Erion Veliaj ka detyruar firmat e ndërtimit t’i paguajnë inceneratorit 60 milionë euro për dherat, por ato janë depozituar jashtë inceneratorit.

“Pas firmosjes së kontratës së inceneratorit të Tiranës, Bashkia Tiranë ndërmori veprime për të detyruar të gjithë ndërtuesit në Tiranë, që dherat e prodhuara nga ndërtimi, të ishin të detyruar ti conin në inceneratorin e Tiranës, kundrejt pagesës. Kjo gjë u denoncua dhe nga kryetari I shoqatës së ndërtuesve, në komisionin hetimor parlamentar”, u shpreh deputetja.

Kryemadhi deklaron se është kërcënuar nga inceneratorët, por nuk nxjerr emra dhe prova! Read More »

I hodhi benzinë mureve të vilës 3-katëshe të djalit dhe i vuri flakën, procedohet babai 78-vjeçar! Ja çfarë dyshohet

Lajmi i fundit / Irina / December 13, 2023

Është zbardhur ngjarja e ndodhur gjatë natës në Berat ku një muret e një vile trekatëshe u lyen me benzinë dhe më pas iu vendos flaka, ndërsa brenda banesën ndodhej i ati i pronarit, Shahin Qato.

Mësohet se autori i ngjarjes është vetë 78-vjeçari, i cili dyshohet se i vuri flakën banesës së djalit të tij, Dritan Qato, për motive të dobëta. I moshuari Shahin Qato është proceduar penalisht për veprën penale “Shkatërrimi i pronës me zjarr” dhe dyshohet se vuan nga skleroza.

“Nga veprimet proceduralo-hetimore të kryera në vendngjarje, është bërë i mundur identifikimi i autorit të këtij rasti, shtetasit Sh. Q., 78 vjeç, i cili dyshohet se i ka vënë zjarrin gjatë natës, banesës së djalit të tij, shtetasit D. Q., për motive të dobëta”, raportuan uniformat blu.

Njoftimi i policisë:

I vuri zjarrin gjatë natës, banesës së djalit të tij, për motive të dobëta, procedohet penalisht 78-vjeçari.

Menjëherë pas njoftimit të marrë gjatë natës, se po digjej banesa në pronësi të shtetasit D. Q., në lagjen “30 Vjetori”, shërbimet e Policisë kanë organizuar punën për zbardhjen e rrethanave të rastit, si dhe në bashkëpunim me zjarrfikësit, kanë bërë të mundur shuarjen e zjarrit.

Nga veprimet proceduralo-hetimore të kryera në vendngjarje, është bërë i mundur identifikimi i autorit të këtij rasti, shtetasit Sh. Q., 78 vjeç, i cili dyshohet se i ka vënë zjarrin gjatë natës, banesës së djalit të tij, shtetasit D. Q., për motive të dobëta.

Në përfundim të veprimeve u referuan materialet në Prokurori, ku nisi procedimi në gjendje të lirë për 78-vjeçarin, për veprën penale “Shkatërrimi i pronës me zjarr”.

Materialet hetimore i kaluan Prokurorisë, me qëllim kryerjen e veprimeve të mëtejshme.

I hodhi benzinë mureve të vilës 3-katëshe të djalit dhe i vuri flakën, procedohet babai 78-vjeçar! Ja çfarë dyshohet Read More »

‘Asgjë nuk e zhbën humbjen tonë të madhe…’, Vangjel Tavo reagon pak ditë pasi humbi vajzën në aksidentin tragjik

Lajmi i fundit / Irina / December 13, 2023

Ish-deputeti Vangjel Tavo ka reaguar në lidhje me tragjedinë familjare me të cilën u përball, ku vajza e tij humbi jetën në një aksident tragjik.

Përmes një mesazhi në ‘Facebook’, Tavo shprehu mirënjohje për miqtë dhe dashamirësit, të cilët i ofruan mbështetje për ditët e vështira.

Reagimi i Tavos:

Të nderuar të afërm, miq, e dashamirës,

Asgjë nuk e zhbën humbjen e madhe të familjes sonë, por mbështetja juaj tejet njerëzore dhe e pakufi ka qenë ngushëllim i rëndësishëm e domethënës për të gjithë ne.

Shprehim mirënjohjen e thellë për gjithësecilin prej jush për respektin që treguat, duke e vlerësuar tej mase që erdhët nga të gjitha qytetet e vendit, si edhe nga shumë shtete jashtë kufijve, për të na u gjendur pranë e duke na u bërë krah.

I shprehim mirënjohjen edhe të gjitha autoriteteve dhe instancave zyrtare, të cilat u angazhuan maksimalisht për të na asistuar në çdo nevojë.

Nuk urojmë kurrë që t’jua shpërblejmë mirënjohjen në të tilla rrethana, por vetëm në të mira e gëzime për ju dhe familjen tuaj!

Me përulje, mirënjohje dhe respekt të thellë për të gjithë ju.

Vangjel Tavo dhe Familja

‘Asgjë nuk e zhbën humbjen tonë të madhe…’, Vangjel Tavo reagon pak ditë pasi humbi vajzën në aksidentin tragjik Read More »