Irina

Reagon këngëtari shqiptar pasi u kritikua se vesh të njëjtat rroba: I pasur jam përderisa familja jem i ka krejt tmirat e zotit!

ShowBiz / /

Këngëtari i njohur Bardhi Idrizi ka reaguar ndaj një videoje që është bëë virale në rrjete sociale, ku kritikohej se vesh shpesh rroba të njëjta. Përmes një postimi në Instagram, këngëtari shprehet se nuk njihet për jetën luksoze pasi nuk vjen nga një familje e pasur por për zërin e tij

“INFO : Ti qe e ke postu ket sen po ta baj qefin vendosa me ti than do fjale!

Mos mendo qe me perul mu ose karrieren tem pse e kam pas njejten veshje nje Emision dhe nje darsem nje shokut tem une nuk vi nga familje e milionerav dhe sjam milioner ! nuk besoj qe kam dhez prej teshav se me nje duks 10€ ne videon tem te par BETOHEM e kam pas vesh! po une njina per zanin tem respektin ndaj qdo njerit qe mka ba support paret qe i fitoj normal qe si kom nda me ble 10.000€ tesha po jau kam nda Nanes edhe Babit per me ba naj shpi etj.

Veq deshta me tu pergjigj se nuk ke fitu kurgjo me ket video qe je mundu mem ofendu se ti spaku as ftyren as veshjen se ke tregu po kulturen. i pasun jam perderisa familja jem i ka krejt tmirat e zotit qe ai ma ka dhuru mu me ju ndimu ❤️ edhe 1 sen mos e harro multi milioner me kan skom me e jetu jeten e milionerit kur e di qe veni jon osht shumi varfun edhe qona e flej me nje rreth te tille 🫡”, shkruan ai.

Reagon këngëtari shqiptar pasi u kritikua se vesh të njëjtat rroba: I pasur jam përderisa familja jem i ka krejt tmirat e zotit! Read More »

Ja çfarë ndodh me trupin tuaj nëse për 1 muaj hani çdo ditë avokado

Shendetesi / /

Nga mbrojtja e syve dhe rritja e sistemit imunitar deri tek mbrojtja e trupit tuaj kundër qelizave të kancerit. Nuk ka rëndësi se si i konsumoni, nuk mund të mohohet që avokadot janë po aq të shijshme sa dhe të dobishme për trupin tuaj, sipas “Bright Side”.

Avokadot janë të pasura me kalium, kështu që nëse keni ndonjë lloj problemi me veshkat, mund ta përfshini këtë frut në dietën tuaj.

Studimet kanë vërtetuar se ngrënia e avokados rregullisht është një mënyrë e shëndetshme për të përmirësuar funksionimin e veshkave.

Nëse jeni duke kërkuar një freskues natyral të gojës, është koha të mendoni për avokadot. Ata kanë aktivitet të lartë antibakterial dhe nëse konsumoni një në ditë mund të largoni bakteret nga goja.

Ngrënia e një avokadoje të freskët bën që sytë të funksionojnë më mirë . Kjo ndodh sepse avokadot mund të ndihmojnë në rritjen e niveleve të karotenoidit në trupin tonë, duke punuar si një agjent antioksidant dhe anti-inflamator.

Nëse ftoheni shpesh, mbase sistemi juaj imunitar po kërkon më shumë vëmendje. Për fat të mirë, është raportuar se disa përbërës të avokados mund të forcojnë sistemin imunitar dhe të largojnë viruset dhe infeksionet e tjera.

Nëse vuani nga presioni i lartë i gjakut, avokadot mund të jenë aleati juaj më i madh. Përmbajtja e tyre e lartë e kaliumit dhe luteinës është e njohur për përmirësimin e sëmundjeve vaskulare dhe rritjen e lipideve në trupat tanë.

Mëlçia rregullon shumicën e niveleve kimike në gjakun tonë, dhe është shumë e rëndësishme që të jetë e sheëndetshme për të funksionuar si duhet. Është raportuar se ngrënia e avokados mund të ndihmojë në zvogëlimin e dëmtimit të mëlçisë, kështu që shtimi i këtij fruti në dietën tuaj është një zgjedhje e mirë.

Shtimi i tepërt i peshës është një shqetësim në të gjithë botën. Edhe pse është e rëndësishme që kjo të diskutohet së pari me një profesionist, është provuar që avokadot mund të ndihmojnë në uljen e peshës. Ato shkaktojnë ndjesinë e ngopjes dhe kanë një ndikim pozitiv në hormonet tona të zorrës.

Avokado veti citotoksike, që do të thotë se mund të vrasin qelizat kancerogjene dhe të parandalojnë rritjen e kësaj sëmundjeje.

Mund ta hani ose ta aplikoni direkt në lëkurë. Nuk ka rëndësi se si e përdorni avokadon, por ky frut rekomandohet shumë për shëndetin e lëkurës. Karakteristikat e tyre të karotenoideve mund të ndihmojnë në mbrojtjen e rrezeve ultraviolet, duke çuar në një fytyrë dhe trup më rinor dhe me shkëlqim.

Ja çfarë ndodh me trupin tuaj nëse për 1 muaj hani çdo ditë avokado Read More »

Sokol Balla largohet përfundimisht nga Top Channel

Aktualitet, Lajmi i fundit / /

Sokol Balla largohet nga Top Channel. Edhe pse e paralajmëroi vetë një javë më parë, sot duket se vendimi është zyrtarizuar pasi emisioni i tij “Top Story” mungon nga programacioni dhe është zëvendësuar me një film.

Herën e fundit që doli në ekran, të enjten e shkuar, Balla tha se donte të vijonte të qëndronte në Top Channel dhe “shpresoj të shihemi të hënën, por nëse nuk shihemi ju uroj më të mirën”, duke nënkuptuar se vijimësia e tij aty varej nga drejtuesit e Top Channel.

“Shprehja duhet të ishte shihemi të hënën në ora 21:00.Se kanë dalë dhe ca lajme nëpër portale që Sokol Balla ikën në një portal tjetër, unë nuk iki në një emision tjetër, ose më saktë nuk dua të iki pasi konsideroj Topin shtëpinë time.

Si në çdo marrëdhënie tjetër njerëzore, marrëdhëniet janë dy palëshe. Në një marrëdhënie rrihet nëse rrimë të dyja palët. Nëse njëra palë nuk do, tjetri duhet të largohet. Në këtë rast pala që duhet të rrijë jam unë. Do doja shumë të shiheshim të hënën, por edhe nëse nuk shihemi, nga unë Sokol Balla, paçi fat”, tha Balla.

Por duket se vendimi për të është marrë. Tashmë mbetet për t’u zbuluar se ku do ta shohim Ballën.

Sokol Balla largohet përfundimisht nga Top Channel Read More »

Arjan Çani: ‘Çfarë e favorizon Berishën në zgjedhjet vendore’

Opinione / /

Analisti Arian Çani ka komentuar ngjarjet e fundit të politikës në vend si dhe zhvillimet në kampin opozitar.

Ai shprehet se një nga pikat që e favorizon Berishën është sulmi i vazhdueshëm që i bëhet nga “regjimi” i Ramës, siç e cilëson analisti.

Po ashtu Çani shprehet se Berisha po luan sipas rregullave të lojës dhe kjo i jep ish-kryeministrit më shumë mbështetje dhe vota popullore.

“Berisha e ka në favor. Sa më shumë regjimi, përfshirë dhe deputetët e skizmës, ky sistem që ka kapur gjithçka të mundohet ta nxjerri jashtë Berishën për të luajtur në fushë, që për hir të së vërtetës po luan me rregulla, kur vjen dita e zgjedhjeve e ka në favor, sa më shumë ta luftojë sistemi, aq më shumë fiton Berisha”, tha Çani.

Sa i takon grupimit të Alibeajt, Çani shprehet se ata kanë gëlltitur një lugë çorbe të prishur.

“Janë të kapur. I kapuri çfarë thotë? Do zoti na shpëton gjykata. Nuk munden. Kanë gëlltitur një lugë çorbe të prishur”, tha Çani.

Arjan Çani: ‘Çfarë e favorizon Berishën në zgjedhjet vendore’ Read More »

Ami rrëfen momentin e fr ikshëm me të bijën

Intervista / /

Amarda Toska ishte e ftuar së fundmi në rubrikën “50 pyetje” në “Prive”, ku rrëfeu momente nga jeta e saj që nga fëmijëria, planet për të ardhmen, biznesi e familja. Një nga pyetjet që iu drejtua Amit ishte edhe cili ka qenë momenti më i fr ikshëm që ka përjetuar në raport me fëmijët.

Ami u ndal tek një moment i sikletshëm, kur Sia ka qenë 1 vjeç dhe pësoi një dje gie.

“Fr ika më e madhe ka qenë një moment i sikletshëm kur vajza jonë ka pasur një dj egie në moshën 1-vjeçare.

Fatmirësisht e kaluam, por atëherë ishte një fr ikë shumë e madhe sepse ti do ta ndihmosh me gjithë qenien tënde, por nuk ke ç’bën për atë gjë që tashmë është bërë”, tregoi Ami.

Ami rrëfen momentin e fr ikshëm me të bijën Read More »

Zbardhet vendimi i fundit i qeverisë

Aktualitet, Lajmi i fundit / /

Në mbledhjen e sotme të Këshillit të Ministrave, qeveria ka vendosur të zgjasë gjendjen e emergjencës për energjinë elektrike.

Vendimi:

DISA SHTESA DHE NDRYSHIME NË VENDIMIN NR.584, DATË 8.10.2021, TË KËSHILLIT TË MINISTRAVE, “PËR SHPALLJEN E GJENDJES SË EMERGJENCËS NË FURNIZIMIN ME ENERGJI ELEKTRIKE”, TË NDRYSHUAR

Në mbështetje të nenit 100 të Kushtetutës dhe të pikave 1, shkronja “ç”, e 5, të nenit 90, të ligjit nr.43/2015, “Për sektorin e energjisë elektrike”, të ndryshuar, me propozimin të Zëvendëskryeministrit dhe ministër i Infrastrukturës dhe Energjisë, Këshilli i Ministrave

V E N D O S I:

Në vendimin nr.584, datë 8.10.2021, të Këshillit të Ministrave, të ndryshuar, bëhen këto shtesa dhe ndryshime:

Pas pikës 2 shtohet pika 2/1, me këtë përmbajtje:

“2/1.Vendosjen e detyrimit të shërbimit publik ndaj prodhuesve me përparësi të energjisë elektrike, që kanë kontratë me shoqërinë “Furnizuesi i tregut të lirë”, sh.a. Këtyre prodhuesve me përparësi i vendoset detyrimi i shërbimit publik për shitjen e energjisë elektrike te shoqëria “Furnizuesi i tregut të lirë”, në përputhje me çmimin e përcaktuar nga Enti Rregullator i Energjisë, në bazë të metodologjisë së miratuar me vendimin nr.687, datë 22.11.2017, të Këshillit të Ministrave, “Për miratimin e metodologjisë për përcaktimin e çmimit vjetor të blerjes së energjisë elektrike, që do t’u paguhet prodhuesve ekzistues me përparësi”, i ndryshuar, gjatë periudhës së gjendjes së emergjencës në furnizimin me energji elektrike.”.

Në pikën 5, fjalët “… 31 dhjetor 2022.” zëvendësohen me “… 30 qershor 2023.”.

Në pikën 6, pas fjalëve “… “OSHEE Group”, sh.a., …” shtohen “… FTL, sh.a., dhe ERE …”.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA

Në mungesë dhe me porosi
ZËVENDËSKRYEMINISTRI
BELINDA BALLUKU

Zbardhet vendimi i fundit i qeverisë Read More »

Aktori Flor Binaj rrëfen gjithçka, ja çfarë thotë për Ermal Mamaqin e Bes Kallakun

Intervista, ShowBiz / /

I ftuar në ‘Abc e Pasdite’ me Ermal Peçin, Florjan Binaj, hodhi dritë mbi shumë diskutime që protagonist kanë pasur pikërisht të. Një ndër to është dhe aktivizmi i tij, apo përfshirja në të ardhmen në politikën, ku shpesh është aluduar se lëvizjet e Binaj kanë qenë në drejtim të tillë.
“Nevoja e ka sjellë këtë gjë. Mua më bëhet qejfi që njerëzit gjejnë të unë një model se si duhet të jetë sot qeveria shqiptare. Kam plot shok, miq, që i quaj motra e vëllezër që ndajmë plotësisht të njejtat ide. Por mendoj se në 32 vite, ata që janë sot e që kanë qenë dje, kanë krijuar mirë kushtet. Muret i kanë bërë aq të trasha, sa për çdo të ri ose të re, e vetmja mundësi për të hyrë brenda këtyre mureve është të konvertohet si ata. Për momentin nuk e shoh të arsyeshme, besoj se kontributi im më i madh është në art. Në fjalën time të lirë siç e ndjej. Do u thoja të rinjve dhe të rejave të rrijnë më pak në TikTok dhe të marrin guximin, të hedhin zërin e tyre, sepse më përpara e haje me jetë.”

Një imazh shumë i dashur për publiku, Florjan Binajn e ndjekim në ekranin e Abc duke moderuar emisionin “Piranjat” në krahë të Arilena Arës. Ai shprehu se me Arilenën është takuar vetëm një javë përpara emisionin por janë çuditur nga kimia që kishin me njëri tjetrin.

Gjithashtu ai rrëfeu se preferon që kujtimet t’i mbaj private. Për pasojë nuk shohim shpesh fotografi me familjen ne rrjetet e tij sociale.

“Fëmijët sikletosen, ngelin si të pikëpyetur. Ndodh shpesh që në rrugë më ndalojnë për foto dhe unë detyrohem t’i heq dorën fëmijëve të mi dhe ti them largohu sa të bëj një foto. Kam filluar të them jo, sepse jam me familjen. Në fund të ditës kam familjen më të shenjtë sesa një fotografi.” – tha aktori i mirënjohur.

Ndër të tjera Florjan Binaj zbuloi se do të ketë një rikthim të tij në ekran nën petkun e aktorit apo humoristit, si personazhet që publiku i ka dashur shumë përgjatë karrierës së tij.

Në një segment tjetër të intervistës, Florjan Binaj kategorizoi Bes Kallakun si shokun më të mirë të “Portokalli”. Ndërkohë për Ermal Mamaqin u shpreh se është një njeri jo i vërtetë, dhe se Xhemi Shehu është prezantuesja më e bukur.

Aktori Flor Binaj rrëfen gjithçka, ja çfarë thotë për Ermal Mamaqin e Bes Kallakun Read More »

Këto janë 5 përfitimet nga konsumi i lëngut të shegës/ Një frut mrekullibërës për shëndetin!

Shendetesi / /

Fruti i shëgës është një ndër frutat që me lëngun e saj shëron disa lloje sëmundjesh. Tashmë që jemi zyrtarisht në stinën e vjeshtës, ky frut ka arritur pjekjen maksimale.

Shega është e njohur për vlerat ushqyese dhe shëruese, ndaj këshillohet konsumoni rregullisht i lëngut të saj.

Më poshtë po renditim 5 përfiimet shëndetësore nga konsumimi i lëngut të shegës:

Acidet yndyrore që përmban lëngu i shegës reduktojnë ënjtjet dhe dhimbjet e muskujve.

Lëngu i shegës, lufton infarktet dhe këto sëmundje:

Sëmundjet e stomakut

Sëmundjet e zorrëve

Dhimbjet e barkut

Ënjtjen e bajameve

Acarimin e mishrave të dhëmbëve.

Këto janë 5 përfitimet nga konsumi i lëngut të shegës/ Një frut mrekullibërës për shëndetin! Read More »