Irina

A e dini se një botë pa varfëri është e mundur e mbi të gjitha, që mund te kontribuosh ti vetë për ta bërë të mundur?

Shqipëria është angazhuar në arritjen e Objektivave të Zhvillimit të Qëndrueshëm të cilat mund ta bëjnë botën një vend më të mirë brenda vetëm pak viteve. Disa veprime të vogla të përditshme mund te japin një ndikim të madh në shoqëri.

Por, çfarë mund të besh ti personalisht për të ndikuar në zhdukjen e varfërisë?

Së pari, e ke në dorë ti që të dhurosh ato që nuk përdor(rroba etj). Së dyti, të ndihmosh dikë në nevojë, të blesh edhe frutat e perimet që nuk duken “bukur” (pra perime e fruta jo shumë të shtrenjta. Kjo do të thotë që secili ka në dorë të kontribuojë në zbehjen e fenomenit të varfërisë. Organizata ndërkombëtare që operon në drejtim të të drejtave të grave por jo vetëm, “Un Women” ka publikuar një video ku jepen disa mënyra sesi mund të kontribuojë secili për të ndihmuar njerëzit në nevojë./atsh

https://www.facebook.com/UnitedNationsAlbania/videos/479845232511464/?t=0

Strukturat e Drejtorisë Vendore të Policisë Vlorë gjatë javës së kaluar në vijim të punën për goditjen e paligjshmërive, me qëllim rritjen e parametrave të sigurisë së qytetarëve ka proceduar penalisht 64 shtetas për vepra penale të ndryshme.

Sipas policisë, nga këta 17 shtetas janë arrestuar në flagrancë, 3 shtetas janë ndaluar pasi ishin në kërkim, 40 shtetas janë proceduar në gjendje të lirë, 4 shtetas janë shpallur në kërkim, janë plotësuar 5 Kërkesë – Padi për t’u pajisur me Urdhër Mbrojtjeje, si dhe janë vendosur 340 Masa Administrative për shkeljen e rregullave të qarkullimit rrugorë .

Mëngjesin e sotëm, kryebashkiaku i Tiranës, Erion Veliaj priti disa miq të veçantë. Në “Ditën Ndërkombëtare të të Moshuarve” ai zgjodhi që kafen e mëngjesit ta pijë me gjyshe e gjyshër pensionistë, të cilëve u uroi gëzuar 1 Tetorin dhe bisedoi për disa nga nismat e ndërmarra në përmirësimin e infrastrukturës së qytetit.

“Në emër të Këshillit Bashkiak dhe qytetarëve të Tiranës, dua t’i uroj të gjithë gjysheve dhe gjyshërve “Gëzuar 1 tetorin”. Kam edhe një thirrje për nipat dhe mbesat: kjo është dita kur një gjyshi ose një gjyshe që keni harruar, t’i çoni një mesazh, t’i bëni një vizitë, t’i çoni një dhuratë të vogël në shtëpi. Kjo është dita për t’i kujtuar ata. Unë besoj se një qytet është i mirë, kur kemi një harmoni mes brezave, mes atyre që ndërtuan Shqipërinë që kemi sot, dhe po ia kalojnë stafetën Shqipërisë që duam për nesër”, tha Veliaj.

Pas suksesit të tre viteve të mëparshme, Bashkia e Tiranës rikthen edhe një nga nismat më interesante që është zbatuar ndonjëherë në kryeqytet, atë të kafes me gjyshërit dhe gjyshet pensionistë, të cilët në disa lokale mund ta konsumojnë kafen me çmim të reduktuar.

“Rikthejmë traditën tonë të mirë të “Kafes me gjyshin”, ndaj dua t’i falenderoj të gjitha institucionet pjesëmarrëse të kësaj nisme të bukur. Vërtet është diçka modeste, por diçka që tregon se nuk harrojmë, se jemi këtu për të respektuar trashëgiminë e të parëve tanë. Ju falenderoj shumë për kontributin, disa si ushtarakë, disa si mësues, disa si doktorë. Pavarësisht profesionit, vendi ynë është më i mirë falë këtij kontributi të mrekullueshëm”, theksoi Veliaj.

Teksa vlerësoi rritjen e frymës së humanizmit dhe të vullnetarizmit edhe tek të rinjtë, Veliaj i bëri apel gjithë shoqërisë për më shumë përkujdesje për të moshuarit.

“Më vjen mirë që ndjenja e humanizmit tek të rinjtë sa vjen e po rritet. Po merren më shumë me sport, me aktivitete humanitare, më shumë me punë vullnetare, gjëra që kujtojnë rininë e gjyshërve tanë, kur këto gjëra nuk ishin tabu. Mezi pres që të shoh sot, por edhe gjatë gjithë vitit, më shumë të rinj që kujtojnë gjeneratën e vjetër dhe pranojnë që nuk kemi ardhur nga hiçi. Kemi ardhur nga dikush, kemi ardhur nga një traditë, kemi një histori. Fakti që e kujtojmë këtë histori, na bën nder të gjithëve”, tha Veliaj.

Veliaj u vlerësua nga të moshuarit për vëmendjen që bashkia e Tiranës i ka kushtuar këto tre vite grupmoshës së tretë, qoftë në krijimin e infrastrukturës lehtësuese për ta, ashtu dhe në cilësinë e shërbimeve. /atsh

Ministrja e Mbrojtjes Olta Xhaçka thotë se xhenierët shqiptarë dhe ata të Gardës Kombëtare të Letonisë pastruan 788 municione luftarake.

Forcat e Armatosura të Shqipërisë dhe të Letonisë kanë marrë pjesë në një aksion të përbashkët për demontimin e municioneve luftarake.

“DETONATOR” duhet të ishte thjesht një stërvitje për pastrimin e municioneve të paplasura, por në punë e sipër xhenierët shqiptarë dhe ata të Gardës Kombëtare të Letonisë pastruan plot 788 municione të gjetura në sipërfaqe”, shprehet ministrja. /atsh

“Festa e shegës”, Promovimi i vlerave dhe resurseve të trashëgimisë kulturore, natyrore dhe produkteve është aktiviteti që pritet të organizohet në 7 tetor në njësinë administrative Ana e malit në Shkodër.

Ky aktivitet realizohet nga bashkia Shkodër në bashkëpunim me projektin Agro Turizëm Albania të mbështetur nga USAID dhe Ambasada e Suedisë.

I realizuar në kuadër të promovimit të produkteve të sektorit agropërpunues të Njësive Administrative të Bashkisë Shkodër, në këtë panair do të prezantohen produktet vendase, pasuritë kulturore dhe gatimet tradicionale të zonës.

Panairi do të zhvillohet në Njësinë Administrative Ana e Malit, pranë shkollës 9-vjeçare “Hasan Dardhanjori”, nga ora 10.00 deri në orën 14.00./atsh