Një ndër shqetësimet më të shpeshta të personave që janë mbi peshë, ose kanë luhatje të herë pas hershme të kilogramëve.
Të shumta janë mënyrat dhe dietat që provohen, por ka disa mjaft të thjeshta dhe efektive
Nëse shtoni disa përbërës në kafe, të cilët do t’i rendisim më poshtë, do t’ju ndihmojnë të përshpejtoni metabolizmin, të digjni më shumë kalori dhe të digjni yndyrën në trup më shpejt. Këta përbërës janë kanella, vaji i kokosit dhe mjalti. Ju mund t’i shtoni ato në kakao gjithashtu.
Kanella: është e njohur për vetitë e saj medicinale. Ajo është e pasur me antioksidantë dhe ka veti anti-inflamatore që ndihmojnë në luftën kundër inflamacioneve dhe infeksioneve në trup. Ajo zvogëlon nivelin e sheqerit në gjak, ju bën të ndiheni të ngopur dhe përshpejton proçesin e rënies në peshë. Kanella pershpejton metabolizmin dhe e kthen sheqerin në energji duke bërë kështu që të ruhen sa më pak acide yndyrore në trup. Shtoni një lugë çaji kanellë në kafen tuaj të përditshme.
Vaj kokosi: është yndyrë, por është yndyrë e shëndetshme! Ndërsa shumica e yndyrnave përmbajnë një zinxhir të gjatë acidesh yndyrore, ndërsa vaji i kokosit përbëhet thuajse i gjithi nga zinxhire të mesme yndyrore që nxisin metabolizmin në mënyra të ndryshme. Ai përmirëson shëndetin e mëlçisë, përmirëson traktin tretës dhe nxit metabolizmin. Shtoni një lugë çaji vaj kokosi në kafe.
Mjalti: për të ëmbëlsuar kafen mos përdorni sheqer, por përdorni mjaltë. Mjalti ka veti të shumta medicinale kurative. Ai do t’ju ndihmojë të bini në peshë shpejt. Për rezultate më të mira mund të përzieni të gjithë elementët sëbashku mjaltin me kanellë dhe vaj kokosi dhe të hidhni një lugë çaji të përbërjes në kafe.
Partia Socialiste do shkarkojë të gjithë kryetarët e degëve të saj në rang bashkie që kanë punuar keq. Propozimi është bërë dje gjatë mbledhjes së përbashkët të Kryesisë së PS-së dhe grupit parlamentar, ku i pranishëm ishte edhe kryeministri Edi Rama. Propozimi është bërë i njohur për mediat pas mble-dhjes nga zëdhënësja e kryesisë së kësaj force, Elisa Spiropali, e cila në fakt e bëri këtë fakt të kryer, duke deklaruar shkarkimin e 11 krerëve të degëve të Partisë Socialiste.
“Në mbledhjen e sotme të kryesisë u shkarkuan 11 kryetarë socialistë. Janë vënë re vonesa të pajustifikueshme në riorganizimin e partisë, në fushatën e anëtarësimeve dhe në degët lokale”, tha Spiropali. Por, duket se kemi të bëjmë me një lapsus të Spiropalit, pasi menjëherë pas kësaj deklarate, nga selia rozë u qartësua se gjatë mbledhjes së kryesisë nuk ishte marrë vendimi i shkarkimit, por vetëm ishte diskutuar propozimi për shkarkim të 11 kryetarëve të PS-së në nivel bashkie. Madje, nga zyra e shtypit u bë e ditur se tashmë ky propozim do të diskutohet me drejtuesit politikë të qarqeve si dhe asambletë e rretheve për të vendosur më pas nëse do të vendoset për shkarkimin e tyre ose jo.
Arsyet
Burime nga Kryesia e PS-së bënë të ditur se arsyet e këtij propozimi drastik lidhen me punën e dobët të bërë prej tyre në drejtimin e partisë, sidomos sa i përket përmbushjes së detyrimeve, që lindën nga vendimmarrja e mbledhjes së fundit të Asamblesë Kombëtare. Bëhet fjalë për proceset organizative në kuadër të zgjedhjeve të ardhshme, si dhe fushatën e anëtarësimeve në parti. Mësohet se ka qenë vetë kryeministri Edi Rama, ai që është ankuar për neglizhencën e socialistëve, përfshi kryetarët e degëve, drejtuesit e pushtetit vendor dhe ka kërkuar nga drejtuesit politik të çdo qarku që të analizojë veprimtarinë e tyre dhe në mënyrë të veçantë atë të drejtorëve lokalë. “Vihet re një shkëputje nga disa territore. Drejtuesve politikë u është kërkuar që të rrisin prezencën në territor dhe në qarqet që mbulojnë, sidomos në bashkitë që drejtohen nga opozita, ku vihet re një degradim i madh i marrëdhënies së pushtetit lokal me qytetarët”, shtoi Spiropali.
Emrat
Në listën e krerëve të PS-së në nivel bashkie që kanë punuar keq bie në sy se bëhet fjalë për degë partie që në pushtetin vendor drejtohen kryesisht nga Partia Demokratike ose Lëvizja Socialiste për Integrim, ku duket se edhe Partia Socialiste ndihet më e dobët. Listën e kryeson kryetari i PS-së së Shkodrës, Arvit Osja dhe për të vijuar me kryetarin e PS-së në Tropojë, Abedin Katana; kryetarin e PS-së Përmet, Edvin Tuci; atij të Devollit Erold Begolli, atij të Selenicës, Nertil Ballaj apo edhe ai i Cërrikut, Gëzim Salla. Të gjitha këto, bashki që në pushtetin vendor drejtohen nga përfaqësues të PD dhe LSI. Pjesë e listës së kryetarëve që kanë punuar keq janë edhe kryetarët e PS-së në Dibër, Kurbin, Memaliaj, Shijak dhe Ura Vajgurore. Gjithsesi, tashmë verdikti për fatin e këtyre drejtuesve socialistë është në dorë të drejtuesve politikë të qarkut, të cilët do duhet të bëjnë edhe një analizë më të thelluar për të nxjerrë shkaqet e këtyre rezultateve, shkruan Gazeta Shqiptare.
‘Statuti’, Neni 31 – Kryetari i partisë së bashkisë
Mandati i kryetarit të partisë së bashkisë si rregull është 4 vjet. Mandati i tij ndërpritet para kohe kur:
Jep dorëheqjen
Shkarkohet nga kryesia e partisë për dobësi në punë e shkelje të normave të statutit.
Nuk fiton në mocion votëbesimi të zhvilluar për të.
Humbet besimin e anëtarësisë dhe të organizatave socialiste të bashkisë dhe shkarkohet prej tyre.
Humbet zgjedhjet vendore, ose arrin rezultat më të dobët se zgjedhjet e mëparshme politike në bashkinë respektive.
Në rastet e mësipërme, mandati ndërpritet automatikisht dhe kryetari qëndron në detyrë deri në zgjedhjen e kryetarit
të ri.
Kryetarët e PS që janë propozuar për t’u shkarkuar
Duket se kjo ditë ka qenë një gëzim i madh për familjen e këngëtares Rezarta Shkurta, pasi e bija festonte 5 vjetorin, ndërsa këtë vit festës i është bashkuar edhe bashkëshorti, Ermal Hoxha, i cili doli nga burgu pasi u kap në laboratorin e drogës disa vite më parë në Xibrakë, shkruan ShkodraNews.
Rezarta e uroi të bijën nëpërmjet një fotoje që postoi në Instastory, ku kishte bashkuar disa foto teksa shihet e gjithë familja bashkë në një festë plot me luile dhe ngjyra.
Nuk do të doja asgjë më shumë në 5-vjetorin tënd të lindjes. Faleminderit princeshë e vockël që zgjodhe të jemi prindërit e tu. Do mundohemi me të gjitha forcat tona të të bëjmë më të lumturën në botë dhe mos të të zhgënjejmë asnjëherë. Të duam në infinit mami dhe babi”, shkroi ajo në këtë postim.
Blogerja e njohur Armina Mevlani, duket se ka kaluar një ditë shumë të bukur, pasi ka takuar nga afër idhullin e saj.
Në disa postime në Instastory, ajo ka treguar sesa shumë e adhuron dhe frymëzohet nga stili i modeles Dita Von Teese, shkruan ShkodraNews.
Armina ka publikuar në “Instastory” disa fotografi, ku zbulon se dëshira për të pasur stilin e Von Teese, ka lindur që kur ajo ishte 18 vjeçe.
Që në atë moshë, blogerja është fiksuar pas modës së viteve ’40-’50, me veshjet që theksonin belin e hollë, flokët me onde dhe buzët e kuqe.
Pra prej vitesh Armina është përpjekur të ketë një stil të ngjashëm dhe më në fund blogerja shqiptare ka realizuar ëndrrën duke e takuar nga afër idhullin.
“Dhe ja ku jemi. Unë dhe diva”, shkruan ajo në “Instastory”.
Një nga vloget më të suksesshme në botë “Nas Daily” ka vizituar ditët e fundit Shqipërinë. Drejtuesit të saj, Nuseir Yassin i kanë bërë përshtypje shumë detaje në vendin tonë.
Një prej tyre është toleranca dhe indiferenca ndaj besimeve fetare. Ai shprehet se, në Shqipëri askush nuk paragjykohet nga besimi fetar dhe se katër besime të ndryshme fetare jetojnë pa pasur konflikte.
Vetëm 1 muaj, pasi LSI u ul në kolltukët e pushtetit “Rama-1”, pronarët e partisë “morri i kuq” Ilir Metaj e Dr Monika Kryemadhi, u dhanë urdhër ministrave, të emërojnë urgjent, drejtorët e pjesës së pushtetit, të partisë nëpër zona.
Në listën e ministrit Edmond Haxhinasto, ishte dhe Klement Balili, për postin Drejtor i Transportit Rrugor të Rrethit Sarandë, ku bashkëngjitur listës me shënimin “Saranda me përshpejtim”, shef Likja i kishte çuar dhe këtë kërkesë, të firmosur nga vetë “Eskobari”, siç është etetiketuar nga policia Greke:
– “Unë Klement Balili, diplomuar “Drejtësi” në Fakultetin “Kristal” dhe kam marrë titullin “Jurist” në vitin 2009 me rezultate të mira, si dhe kam kryer, Master Niveli Dytë MND, Dega “E Drejta Civile” Profili Shkencor. Përsa më sipër, mendoj, se kam aftësitë dhe shpreh dëshirën, të punoj në Drejtorinë e Transportit Rrugor Sarandë, në detyrën “Drejtor”.
Ministri Haxhinasto, firmosi vendimin e emërimit brenda sekondës, ndërkohë që porositi drejtor Balilin, të merrte formalisht sa për dokument në dosje, një Dëshmi Penalitetit, mbasi edhe ai e dinte më mirë se ishte Jurist me Mastër.
Ndërsa tani, që Balili është zbuluar e po kërkohet, nga e gjithë bota si trafikant droge, shefat e partisë “morri i kuq”, Likja, Dr. Mona, Manjani, Haxhinasto e të tjerë që e emëruan drejtor, po bëjnë sikur nuk e njohin, sikur nuk e kanë parë e takuar asnjëherë, sikur nuk kanë asnjë lidhje me të, ndërkohë që i inauguraun super hotelin “Santa Quaranta”, morën dhuratë nga një apartament në Sarandë dhe kishin në dispozicion falas, nga një suitë private brenda super hotelit, ku shkonin çdo fundjavë./Pamfleti
Pas prezantimit të Drejtorit të ri të Policisë së Burgjeve, në fund të fjalës së tij, kryeministri Rama është shprehur se “i vjen mirë që pas 10 vitesh punonjësit e policisë së burgjeve do t’u vijnë uniforma të reja”, duke shtuat se “është një shembull drithërues për çfarë mungese serioziteti e ka karakterizuar Ministrinë e Drejtësisë, dhe që sot tundin moralin e ngritur mbi shpifje”, tha ai.
Ndërkohë nuk kanë munguar dhe batutat, pasi e uroi për postin, duke shtuar ndër të tjera se për të i janë thënë vetëm fjalë të mira nga të gjithë punonjësit e policisë që janë pyetur, e ndërsa tha me humor se uron që një ditë të mos dalë në ndonjë kronikë ku të kujtohet se çfarë tha sot, për të treguar se nuk ka pasur të drejtë.
“Uroj që kokëfortësinë që e karakterizon dhe që nuk ia kanë shkruar në CV, ta ketë të përditshmen, ashtu siç e tregon edhe fama që ka lënë punën e tij, duke qenë i respektuar nga të gjithë kolegët.
Për ta mbyllur do ju them, një shaka që është më shumë se gjysma e të vërtetës…
Është shumë e vështirë të kërkosh opinione për njerëzit dhe të marrësh të ngjashme, në rastin e drejtorit na ka ndodhur kjo, dhe për herë të parë kam dëgjuar oficerë policie që nuk shajnë njëri tjetrin, përkundrazi thonë fjalët më të mira.
Uroj shumë mos të përfundojmë ndonjë ditë në ndonjë kronikë ku dalin këto fjalë, pastaj drejtori na del që është i duhuri, (qesh) por secili në fund të ditës varet nga koka, shpatullat e këmbët e veta. Sinqerisht shumë suksese, por me mend në kokë se ka shumë rëndësi kjo kur je në uniformë”, u shpreh Rama./korrieri
