Irina

Kuvendi shqyrton sot disa projektligje të rëndësishme

Aktualitet, Politike / /

Kuvendi do të shqyrtojë në seancën e sotme plenare disa projektligje të rëndësishme.

Kështu sot do të shqyrtohet projektligji “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Malit të Zi për hapjen e pikës së përbashkët të kalimit kufitar Zogaj (Republika e Shqipërisë) – Skje (Mali i Zi) për qarkullimin ndërkombëtar rrugor dhe të pasagjerëve në Liqenin e Shkodrës”.

Gjithashtu do të shqyrtohet projektligji “Për ratifikimin e marrëveshjes ndërmjet Republikës së Shqipërisë dhe Agjencisë së Bashkimit Europian për bashkëpunimin e zbatimit të ligjit, mbi vendosjen e oficerit ndërlidhës të Europol-it”.

Po ashtu sot do të shqyrtohet projektligji “Për ratifikimin e marrëveshjes së financimit ndërmjet Këshillit të Ministrave të Republikës së Shqipërisë, Republikës së Malit të Zi dhe Komisionit Evropian, për programin e veprimit të bashkëpunimit ndërkufitar IPA II, Mali i Zi – Shqipëri, alokimet e vitit 2016”.

Kuvendi do të shqyrtojë edhe projektvendimin “Për zgjedhjen e dy anëtarëve të Komisionit Qendror të Zgjedhjeve”.

Kuvendi do të shqyrtojë edhe njoftimin dhe miratimin e kalendarit 3 javor të punimeve të Kuvendit për periudhën 5 – 23

Ndërsa të mbartura për votim nga seancat e kaluara janë projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, i cili kërkon  votim me shumicë prej 3/5 e të gjithë anëtarëve të Kuvendit

Si dhe projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”, që gjithashtu kërkon votim me shumicë prej 3/5 e të gjithë anëtarëve të Kuvendit./atsh

Kuvendi shqyrton sot disa projektligje të rëndësishme Read More »

Pas Greqisë dhe Italisë, kroçera “Nautica” sjell 669 turistë në Shqipëri

Aktualitet, Turizem / /

Kroçera “Nautica”, me 669 turistë pritet të mbërrijë nesër në portin më të madh në vend.

Autoriteti Portual i Durrësit bën të ditur se kjo kroçerë vjen në Shqipëri në kuadër të një turi 1 javor në Itali, Greqi, dhe Mali i Zi.

Sipas qendrës së informacionit pranë APD-së, tre anije me 10 mijë ton mallra pritet të mbërrijnë gjithashtu nesër në Durrës.

Po ashtu edhe katër anije me 404 kontejnerë dhe 10 mijë ton mallra të tjerë po përpunohen sot paradite në kalata.

Gjatë muajit tetor në portin e Durrësit erdhën edhe korçerat “Ocean Majesty” dhe kroçerës “Berlin”, që erdhi fundjavën e kaluar me 377 turistë të huaj, shumica e të cilëve nga Franca.

APD është kujdesur gjithmonë të krijojë kushte shumë të mira sigurie dhe lëvizjeje për turistët dhe personelin e kroçerave në territorin portual./atsh

Pas Greqisë dhe Italisë, kroçera “Nautica” sjell 669 turistë në Shqipëri Read More »

Kryeministrja rumune: Mbështetje Shqipërisë për hapjen e negociatave me BE

Aktualitet / /

Vitin e ardhshëm Rumania merr presidencën e radhës të BE-së, ndërsa thekson mbështetjen për integrimin e Shqipërisë.

Kjo u theksua nga kryeministrja e Rumanisë, Viorica Dăncilă e cila priti në një takim ministren e Mbrojtjes, Olta Xhaçka.

Në kuadër të vizitës zyrtare që po zhvillon në Rumani, Xhaçka u prit edhe nga homologu i saj rumun, Mihai Fifor.

Në bashkëbisedim me përfaqësues të lartë të Rumanisë Ministrja Xhaçka mori mbështetjen e Rumanisë për integrimin e Shqipërisë në BE.

Xhaçka dhe homologu rumun shprehën vullnetin për të forcuar bashkëpunimin MES Shqipërisë dhe Rumanisë , duke nisur një bashkëpunim të  ri Shqipëri-Rumani në fushën e mjekësisë ushtarake dhe për trajnimin e forcave speciale dhe ato detare

Rumania vlerësoi rolin e Shqipërisë si faktor stabiliteti në rajon dhe në takim Ministrja e Mbrojtjes, Olta Xhaçka mori mbështetjen e kryeministres rumune për hapjen e negociatave me BE.

Gjithashtu, Ministrja Xhaçka u prit me duartrokitje edhe në Parlamentin rumun./atsh

Kryeministrja rumune: Mbështetje Shqipërisë për hapjen e negociatave me BE Read More »

Mungesa e etikës dhe arroganca, jo më prezente në shkolla/Foto

Arsim / /

Sjelljet devijante si dhuna, mungesa e etikës dhe arroganca nuk duhet të kenë vend në shkollat Shqiptare.

Ministrja e Arsimit, Sportit dhe Rinisë, Lindita Nikolla gjatë takimit të zhvilluar me mësues në gjimnazin “Havzi Nela” në Kukës, ku u diskutua edhe mbi klasat kolektive, kurrikulën e re apo moslejimin e celularëve dhe alkoolit nënën moshën 18 vjeç.

“Shkollat duhet të kultivojnë përmasën sociale dhe askush më mirë se drejtuesit e tyre nuk mund ta realizojnë këtë. Sjelljet devijante si dhuna, mungesa e etikës dhe arroganca nuk duhet të kenë vend në arsim. Drejtuesit e mirë në shkolla mund të sjellin progresin e kërkuar”, ka thënë Nikolla./atsh

Mungesa e etikës dhe arroganca, jo më prezente në shkolla/Foto Read More »

Saimir Tahiri/“Kam heshtur gati një vit në respekt të hetimeve, duke zgjedhur të bëj qytetarin dhe jo politikanin para drejtësisë”

Politike / /

“Kam heshtur gati një vit në respekt të hetimeve, duke zgjedhur të bëj qytetarin dhe jo politikanin para drejtësisë”. Kështu shprehet Saimir Tahiri në konferencën e shumëpritur në ambientet e “Rogner”. Ish-ministri tha se nuk e ka pasur të lehtë të heshtë dhe se nuk e ka humbur në asnjë moment besimin se e vërteta do të dalë një ditë. “Sot jam i vetmi politikan shqiptar që vetëm pse përmendet, kërkova të hetohem. Jo një herë, por dy herë” – u shpreh Tahiri. “Kam heshtur në respekt të hetimeve.

Mund të bëja edhe unë politikanit dhe t’ua hedhja në sy atyre që kanë folur për mua, duke përfshirë edhe hetues e gazetarë. Kam heshtur në respekt të hetimeve. Të gjithë folën pa fund, vetëm unë heshta. Vendosa të bëj qytetarin e thjeshtë, vetëm para drejtësisë. Unë nuk bëja gjë tjerër, veçse qeshja. Do bërtas më fort se çdo gënjështër e thënë gjatë këtij viti. Nuk e kam patur të lehtë të hesht, por sot kam vendosur të thëm boll. Se kam humbur besimin që do të dalë e vërteta. Unë kërkova që të hetohem edhe në Itali.

Shumë politikanë kanë vjedhur dhe nuk janë hetuar. Politika çdo ditë bën gënjështra dhe hetime. Prokuroria kërkoi pushimin e hetimeve për Saimir Tahirin, pasi nuk ka asnjë provë ndaj meje. Sot kam vendim e gjykatës italiane që thotë të pushohen hetimet për Tahirin sepsë nuk ka asnjë provë që më implikon. Unë nuk bëra politikë, nuk u fsheha, nuk sajova, por u përballa. Sot jam i vetmi politikan në Shqipëri, vetëm se u përmenda në tabulatet e trafikantëve u hetova. Por Italia me vendim të formës së prerë ka mbyllur hetimet ndaj meje” – tha ish-ministri i Punëve të Brendshme.

Saimir Tahiri/“Kam heshtur gati një vit në respekt të hetimeve, duke zgjedhur të bëj qytetarin dhe jo politikanin para drejtësisë” Read More »

Vlorë / Policia ka arrestuar dy drejtues mjetesh

Aktualitet / /

Policia ka arrestuar dy drejtues mjetesh të cilët drejtonin mjetet e tyre në gjendje të dehur.

Arrestohet shtetasi Albert Binaj, 44 vjeç, banues në Vlorë.

Arrestimi i tij u bë në rrugën “Gjergj Arianiti” Vlorë, pasi ky shtetas duke drejtuar automjetin tip “Ford” në gjendje të dehur ka goditur automjetin tip “Toyota” me drejtues shtetasin E.P, ku si pasojë ka shkaktuar dëme materiale të automjeteve.

Arrestohet shtetasi Denis Lalaj, 32 vjeç, banues në Vlorë.

Arrestimi i tij u bë në lagjen “24 Maji” Vlorë, pasi ky shtetas është konstatuar duke drejtuar në gjendje të dehur automjetin tip Volkswagen, ndërkohë që leja e drejtimit i është tërhequr më parë nga Policia Rrugore.

Materialet do ti referohen Prokurorisë në ngarkim të secilit për veprën penale “Drejtimi i automjetit në mënyrë të parregullt”, neni 291 i Kodit Penal.

Vlorë / Policia ka arrestuar dy drejtues mjetesh Read More »

Berat/ Turistë nga Danimarka vizitojnë malin e Tomorrit

Turizem / /

Një grup prej 9 turistësh kaluan paraditen e sotme në malin e Tomorrit, duke ecur në zonat përreth Çezmes së Tarikos, shkruan Administrata Rajonale e Zonave të Mbrojtura Berat. Ata u drejtuan për tek Ujëvara e Sotirës dhe me pas do të shkojnë drejt Gramshit. Tashmë ky korridor është një nga më të preferuarit e turistëve që me mjetet e tyre përshkojnë rrugën, ndoshta jo cilësisht nga ana teknike e mirë, por mjaft piktoreske nga Dardha drejt Ujëvarës së Sotirës e më pas në Gramsh./atsh

Berat/ Turistë nga Danimarka vizitojnë malin e Tomorrit Read More »

Projektbuxheti 2019, pagat e edukatorëve do të rriten me 9,1%

Arsim / /

Me buxhetin e vitit 2019 pagat e edukatorëve do të pësojnë një rritje me 9,1% krahasuar me vitin 2018.

Ministri i Financave dhe Ekonomisë, Arben Ahmetaj gjatë prezantimit të projektbuxhetit 2019 dhe lajmin e mirë për edukatorët, duke theksuar se nga kjo reformë bashkitë do të kenë më shumë fonde për këtë shërbim.

“Për vitin 2019 fondet për pagat e edukatoreve do të rriten 9,1% në krahasim me vitin 2018. Në të njëjtën kohë do të përmirësohet edhe sistemi i ndarjes së fondeve ndërmjet bashkive. Në ndryshim me sistemin e mëparshëm, fondet ndaheshin sipas numrit të edukatoreve, konform praktikave më të mira ndërkombëtare, financimi i këtij funksioni në vitin 2019 do të bazohet kryesisht mbi numrin e fëmijëve deri në 6 vjeç, si një kriter më objektiv për përcaktimin e nevojave për shpenzime. Nga kjo reformë në buxhetin e vitit 2019 nuk do të ketë asnjë bashki që humbet fonde, përkundrazi, pjesa më e madhe e bashkive do të ketë më shumë fonde për këtë shërbim”, – u shpreh Ahmetaj.

Ministri u ndal edhe në shifra duke treguar edhe numrin e edukatorëve që do të punësohen, të cilët do të shpërndahen në 32 bashki të vendit.

“Përmes kësaj reforme do të punësohen 438 edukator më shumë sesa në vitin 2018 të cilët do të shkojnë në 32 bashki, të cilat kanë një nevojë më të madhe për shtimin e edukatorëve, duke marrë parasysh raportin fëmijë/edukator dhe jo e kundërta. Kjo reformë do të ketë ndikim të drejtpërdrejtë në uljen e numrit të kujdestarisë nga 26 në 18 fëmijë për edukator dhe madhësisë mesatare kombëtare nga 18 në 15 nxënës për edukator, duke krijuar kështu kushte për një sistem më efikas”, theksoi Ahmetaj./atsh

Projektbuxheti 2019, pagat e edukatorëve do të rriten me 9,1% Read More »