Irina

Vendi do të ndikohet nga masa ajrore të nxehta e me paqëndrueshmëri të pjesshme në verilindje.

Sipas Shërbimit Meteorologjik Ushtarak, moti parashikohet i kthjellët e me shtim vranësirash mesatare deri të dendura, kryesisht në verilindje.

Në mbrëmje parashikohet mot i kthjellët.

Prej orëve të mesditës, deri në ato të pasdites përgjatë zonave malore dhe kodrinore, kryesisht në Kukës e Dibër, do të ketë reshje shiu me intensitet të ulët. Përkohësisht reshjet do të marrin formën e shtrëngatave.

Era do të fryjë me drejtim Juglindje – Veriperëndim 1-8 m/sek.

Valëzimi në dete do të jetë i forcës 1-2 ballë.

Temperaturat parashikohen:

QYTETET Temperaturat në °C Sigla
Shkodër 21/33 re diell
Kukës 17/30 re diell shi
Lezhë 22/33 re diell
Dibër 15/28 re diell shi
Durrës 22/32 re diell
Tiranë 21/34 re diell
Elbasan 21/34 re diell
Berat 18/34 re diell
Vlorë 22/33 diell
Korçë 15/30 re diell
Gjirokastër 15/35 re diell
Sarandë 22/32 diell/atsh

Kryeministri Edi Rama tha pasditen e sotme nga Shkodra se ashtu sikundër 2 vjet më parë kur opozita nuk dëshironte të hynte në zgjedhje, lepuri fle në frikën e tyre nga Reforma në Drejtësi.

“Nëse ne do ishim, apo unë do isha njeriu që ata përpiqen të pikturojnë si njeriu që do gjithë pushtetet, e kisha mundësinë të hynim në zgjedhje pa ata, se dy vjet më parë u përsërit e njëjta histori.

Ikën nga parlamenti se nuk donin të votonin Vetingun dhe nisën të njëjtin avaz. Dhe e mbani mend sesa shumë i jam lutur Lulzim Bashës për t’u marrë edhe, madje edhe kur SHBA dhe BE u dorëzuan dhe thanë vazhdoni zgjedhjet se janë legjitime edhe të vetëm. Unë si Romeo poshtë ballkonit të Xhuljetës i lutesha Bashës. Sot do kishim 140 deputetë në parlament”, – theksoi Rama.

“Nuk u nisa nga interesi i ngushtë, as duke parë një hap më tutje por tre hapa më tutje dhe mendova se ishte koha për të sprovuar historinë e dhimbshme e të ngatërruar të konflikteve për marrëveshje për Shqipërinë, duke i ofruar PD-së dhe kryetarit të saj gjithçka që ai kërkoi, gjysmën e qeverisë me më shumë peshë. Basha kur i mori të gjitha më tha, çfarë do. Voto vetingun, kush fiton, fiton, kush humbet, humbet. I pari qeveris, i dyti është në opozitë dhe nuk ka më të shahet Shqipëria në gjuhë të huaj”, – tha Rama.

“Mbaruan zgjedhjet, asnjë fjalë. U kthye nga pushimet filloi avazi dhe sot dy vjet më pas është më keq se dy vjet më parë. Avazi është me keq se dy vjet më parë dhe përsëri lepuri fle në barkun e frikës nga Drejtësia. Që në sekondën e parë kur ne, dhe unë personalisht e kemi mbështetur fillimin e Reformës në Drejtësi kanë qenë kundër, kanë bërë çmos për ta penguar, derisa erdhi te votimi më surreal në sallën e Kuvendit sikur ishin në pushkatim, aq me zor e votuan Reformën në Drejtësi”, – tha Rama. /atsh

“Ata duan të hedhin në erë urën që mezi është ndërtuar në 30 vjet për t’u ulur në tavolinë me Bashkimin Euorpian”, – deklaroi sot Kryeministri Edi Rama.

Në një takim elektoral nga Vau i Dejës, Rama tha se “zgjedhjet janë frika e Lulit, ndërsa negociatat janë makthi i të 4 bashkë”.

“Prandaj duan ta bëjnë Shqipërinë rrumpallë edhe njëherë tjetër, siç ka qenë. Kujt i duhen politikanë dhe udhëheqës që kanë frikë nga drejtësia? Lulzim Basha nuk do i fitonte dot zgjedhjet, edhe sikur të futej vetëm në zgjedhje. Këto përgjime të bëra në 2016, dalin sot në Gjermani për të nxirë imazhin e vendit”, – tha Rama.

Ai theksoi se “në 30 qershor nuk është thjesht çështja kush do të jetë kryetar i ardhshëm i bashkisë, por pas 30 qershorit nuk do të ketë më parti politike që i djegin mandatet e popullit dhe me popullin si mish për top duan të djegin të ardhmen e fëmijëve tanë. Jeta vazhdon edhe pas 30 qershorit dhe drejtësia do të veprojë për çdo veprim në shkelje të ligjit”, – tha Rama. /atsh

Ministri i Brendshëm Sandër Lleshaj vlerësoi sot deklaratën e SHBA në mbrojtje të sundimit të ligjit, si “një kontribut tjetër për të mbështetur një të ardhme të palëkundur euroatlantike të Shqipërisë”.

“Dielli i Shqipërisë lind andej nga perëndon. Deklarata e SHBA është një kontribut tjetër për të mbështetur një të ardhme të palëkundur euroatlantike të Shqipërisë”, tha Lleshaj.

Ambasada amerikane në Tiranë nxiti sot qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike./atsh

Ambasada amerikane në Tiranë doli pasditen e së enjtes me një tjetër deklaratë në lidhje me protestën e nesërme të opozitës, duke nxitur qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike.

“Shtetet e Bashkuara duan atë që meriton populli shqiptar, sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht ndërkohë që bën që ata që përfshihen në dhunë të mbajnë përgjegjësi”, thuhet në reagimin e ambasadës amerikane.

“Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike ndërkohë që lejojnë bashkëqytetarët e tyre të bëjnë të njëjtën gjë. Po ashtu, iu bëjmë thirrje organizatorëve të protestës së nesërme që të mbajnë përgjegjësi përballë po të njëjtave parime, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi”, përfundon deklarata. /atsh