Irina

Franceinter: Shqipëria nga diktatura drejt turizmit

Aktualitet, Turizem / /

Pasi ka qenë, përgjatë 46 viteve, një nga shtetet më të izoluara në botë, i drejtuar me dorë të hekurt nga diktatori Enver Hoxha, sot Shqipëria po promovohet në fushën e turizmit, shkruan Philippe Lefebvre, i radios së njohur publike franceze me një audiencë mbarëkombëtare, franceinter.fr.

”Në rrugët e Tiranës, kryeqytetit, gjenden ende, 28 vite pas rënies së diktaturës, gjurmë të kësaj periudhe të tmerrshme, shëmbëlltyra e një piramide gjigante, tashmë e braktisur, që kohë më parë ishte muzeu për nder të Enver Hoxhës. Sot banorët e Tiranës pyesin veten për fatin e kësaj godine.

Jo larg saj, ndodhet muzeu ”Shtëpia e gjetheve”, kushtuar tërësisht mënyrave që përdoreshin në atë kohë nga Sigurimi, policia politike, i vendosur në një godinë të vjetër me tulla të kuqe që ishte edhe selia e përgjimeve telefonike (çdo person ishte përgjuar, mikrofonat madje ishin vendosur edhe në rezidencën e diktatorit për të përgjuar punonjësit e tij), por gjithashtu një vend ku zhvilloheshin marrjet në pyetje dhe ku kundërshtarët mund të torturoheshin ose të vriteshin.

Për Albanën, guida për turistët francezë, vendi vijon të jetë mbresëlënës. Pikërisht këtu gjyshi i saj, avokat, është burgosur, megjithatë sqaron ajo një muze i tillë është i rëndësishëm pasi lejon për të mos harruar sesi ka qenë jetë e shqiptarëve gjatë 46 viteve.

Në brendësi të godinës ju mundeni të shikoni të gjithë materialin që ishte përdorur nga spiunët e Sigurimit dhe të testoni sistemin e përgjimit në një dhomë, në dukje e zakonshme, ku ishin fshehur mikrofonat. Ju do të dëgjoni me saktësi atë që dëgjonin agjentët e policisë politike.

Ndërkohë, ekziston rreziku që kjo e kaluar tragjike të transformohet në park atraksioni për turistët, të cilat janë në kërkim të eksperiencave origjinale si ai tek ”Bunk’Art 2”, ish-bunkeri i projektuar për të mbrojtur diktatorin në rast sulmi bërthamor (Enver Hoxha nuk përjetoi asnjë herë diçka të tillë), që sot ai vend është i përzier mes muzeut dhe një galerie arti.

Turizmi përparësi kombëtar

Edhe nëse Shqipëria nuk e kthen faqen e së kaluarës së saj të dhimbshme, ajo po e projekton vetë të ardhmen. Dhe për qeverinë shqiptare, kjo e ardhme do të kalojë nga turizmi. Është e vërtetë që vendit nuk i mungojnë burimet (mundësitë për të korrur sukses).

Janë 465 kilometra vijë bregdetare në Adriatik përballë Italisë, plazhe të shumta, një gastronomi e shijshme, qendra historike të regjistruara në listën e Trashëgimisë Botërore të UNESCO-s, një dhuratë e çmuar në sektorin e turizmit mjekësor (kryesisht për atë që përfshin shërbimin dentar), pa harruar hotelet luksoze, por me çmime shumë të leverdishme ashtu si “Grand Blue Fafa” në Durrës, që ofron dhoma me 5 yje për vetëm 85 euro nata.

Ky turizëm si për vijën bregdetare dhe atë kulturore, mbi të gjitha me çmime ekonomike do t’i mundësojë pa dyshim Shqipërisë të renditet në mesin e shteteve ballkanike në fushën e turizmit dhe të konkurrojë seriozisht në vitet e ardhshme Kroacinë fqinje, që po has vështirësi që lidhen me super fluksin e turistëve.

Megjithatë, Shqipëria nuk pritet të qëndrojë për shumë gjatë një destinacion i lirë, pasi kompanitë ajrore po luftojnë ndërkohë për të ulur avionët e tyre në pistën e aeroportit ndërkombëtar ‘’Nënë Tereza’’ dhe kompanitë ndërkombëtare në fushën e hotelerisë si ‘’Accor’’ po monitorojnë nga shumë afër performancën e vendit.

Një grup francez pritet, ndërkohë, që shumë shpejt të hapë një filial të ”Sofitel” në Tiranë./ atsh

Franceinter: Shqipëria nga diktatura drejt turizmit Read More »

Teatri i Operas dhe Baletit, me pamje të re pas 6 dekadash

Aktualitet, Art-Kulture / /

Pas 60-të vitesh nga krijimi i tij Tetari Kombëtar i Operës dhe Baletit do të ketë një pamje të re për artistët dhe artdashësit kryeqytetas.

Kryeministri Edi Rama uroi sot mirëmëngjes me disa pamje nga Teatrit Kombëtar të Operas dhe Baletit, që është në fazën e fundit të punimeve.

Ky institucion do të kthehet në një tempull të muzikës lirike, baletit klasik me kushte moderne dhe e krahasueshme me skenat europiane.

“Mirëmëngjes dhe s’po flas fare për çfarë do të shihni e gjykoni vetë, duke ju uruar një të dielë të bukur”, shprehet Rama.

Teatri Kombëtar të Operas dhe Baletit është transformuar si nga akomodimi ashtu dhe garancia e parametrave teknikë e profesionalë të akustikës cilësisë së zërit dhe me një skenë moderne në qendër, falë investimit të qeverisë shqiptare.

Salla e Teatrit të Operas dhe Baletit ka filluar të shfrytëzohet që nga shtatori i vitit 1966 dhe që në fillim janë hasur problemet që lidheshin me akustiken si: intensiteti i ndryshëm i përhapjes së valëve zanore në mënyrë jo të njëtrajtshme në pika të ndryshme (dhe veçanërisht në llozhën qeveritare) dhe dëgjimi i dobët dhe pa kolorit. Për këtë u bënë ndërhyrjet e para në akustikë në vitin 1975.

Gjendja e përgjithshme e ndërtesës shfaqej e rënduar dhe e amortizuar në kohë. Gjatë viteve, në objekt është ndërhyrë pjesërisht në rifiniturë dhe në mirëmbajtje. Ndërhyrje rrënjësore në strukturë nuk ka patur asnjëherë që prej kohës së ndërtimit të tij.

Me këtë rikonstruksion do të ketë një hapësirë të re qytetare, për të përmirësuar marrëdhëniet me spektatorin duke rimodeluar volumin dhe lëvizjen, etj.

Në imazhin e ri të TKOB do të ketë më tepër hapësira për shfaqje, apo hapësira për personelin dhe publikun./atsh

https://www.facebook.com/edirama.al/videos/647309005781378/?t=0

Teatri i Operas dhe Baletit, me pamje të re pas 6 dekadash Read More »

Momenti kur i konsumoni frutat është i rëndësishëm për shëndetin

Shendetesi / /

Frutat janë shumë të rëndësishme në dietën ushqimore. Ato janë baza e piramidës ushqimore dhe duhet të konsumohen në çdo stinë dhe çdo ditë. Por, përveç kësaj është shumë e rëndësishme edhe momenti kur i konsumoni. Frutat nuk duhet ti hamë pas buke, ky është një ves i gabuar, i dëmshëm për shëndetin.

Sipas nutricionistëve koha më e mirë për të konsumuar fruta është herët në mëngjes, pasi keni pirë një gotë me ujë. Ndërkohë që ngrënia e tyre menjëherë pas vaktit ushqimor nuk është aspak e këshillueshme, pasi stomaku nuk arrin t’i tresë këto të fundit në mënyrën e duhur. Ideale është që frutat të konsumohen një orë përpara vaktit ushqimor, ose dy orë pas këtij të fundit.

Por, përse ndodh e gjithë kjo? Frutat kanë tendencën ta kryejnë më shpejtë procesin e fermentimit kur ndihmohen nga substancat që prodhon stomaku dhe gjithashtu treten me kollaj nga ky i fundit se ushqimet e tjera. Pra, nëse ju hani ushqimin dhe pas tij hani menjëherë fruta, tretja e ushqimit do të ndalojë tretjen e frutave. Në këtë mënyrë frutat do të fermentohen në stomak gjatë kohës që presin radhën e tretjes.

Prandaj konsumoni njëherë frutat e më pas ushqimin. E rëndësishme është që ato të jenë pjesë e përditshmërisë tuaj duke ndikuar pozitivisht në shëndet. /atsh

Momenti kur i konsumoni frutat është i rëndësishëm për shëndetin Read More »

62 nëpunës të rinj gjatë këtij gjashtëmujori në Agjencinë e Zhvillimit Bujqësor

Aktualitet / /

Agjencia për Zhvillimin Bujqësor dhe Rural (AZHBR) numëron 62 nëpunës të rinj në gjashtëmujorin e pare të vitit 2019, të ndarë në 6 drejtori të ndryshme përfshirë edhe 20 Agropikat në të gjithë Shqipërinë.

Ekipit të AZHBR-së i janë shtuar dhe 4 nëpunës të rinj që kanë aplikuar nëpërmjet Programit Kombëtar të Praktikave të Punës si dhe 4 studentë të ekselencës.

Me një total prej 158 të punësuar AZHBR ka rreth 76 nëpunëse femra të cilat ushtrojnë funksione të ndryshme në ndihmë të zhvillimit të ekonomisë në zonat rurale.

AZHBR është një institucion i akredituar implementues i programeve të ndryshme që financojnë projektet në bujqësi, blegtori, agroturizëm, agropërpunim, zhvillim rural me një staf dinamik të shpërndarë në mbarë vendin./atsh

62 nëpunës të rinj gjatë këtij gjashtëmujori në Agjencinë e Zhvillimit Bujqësor Read More »

Pushime dhe art, Teatri i Kukullave pranë publikut në shëtitoren e Lungomares

Aktualitet, Art-Kulture / /

Gjatë kësaj fundjave Teatri i Kukullave është pranë publikut të vogël në Vlorë, në shëtitoren e Lungomares.

Kinemaja verore e qytetit gjatë këtyre ditëve ka qenë e tejmbushur me fëmijë dhe prindër të cilët kanë shijuar shfaqjet e kukullave dhe personazhet e tyre të dashur.

Mbrëmjen e djeshme Teatri i Kukullave shfaqi me sukses pjesën “Zemra e liqenit” në shëtitoren Lungomare. Kjo shfaqje u ndoq nga një numër i madh fëmijësh dhe prindër. Gjithashtu të shumtë në këtë shfaqje ishin dhe fëmijë të huaj të cilët kanë zgjedhur bregdetin e Vlorës për pushimet verore.

Shfaqjet do vijojnë dhe sonte në mbrëmje për të argëtuar të vegjlit ku përveç pushimeve verore argëtohen përmes këtyre shfaqjeve me personazhet e tyre.

Pra pushuesitë e vegjël në Vlorë dhe prindërit e tyre gjatë kësaj fundjave do shijojnë pushimet verore përmes artit me personazhet e dashura për fëmijë. /atsh

Pushime dhe art, Teatri i Kukullave pranë publikut në shëtitoren e Lungomares Read More »

Mamografia e lëvizshme, 1774 ekzaminime për gratë afër vendbanimit

Shendetesi / /

Mamografët e lëvizshëm shkojnë aty ku janë nevojat, duke u dhënë mundësinë grave dhe vajzave të diagnostikohen në kohë.

Ministrja e Shëndetësisë dhe Mbrojtjes Sociale, Ogerta Manastirliu thotë gjatë 2019 nga mamografia e lëvizshme janë realizuar 1774 ekzaminime. Ajo lajmëron se gjatë muajit gusht, mamografia e lëvizshme do të ndalojë në Patos, Ersekë dhe Bilisht.

“Gjatë muajit gusht mamografia e levizshme do të ndalojë në Patos, Ersekë dhe Bilisht. Do të mundësojmë kryerjen e ekzaminimeve me mamografët tanë të lëvizshëm në çdo fshat apo qytet, duke ndihmuar në diagnostikimin në kohë të kancerit të gjirit”, -thotë ministrja.

Ekzaminimin e mamografisë mund ta kryejnë të gjitha gratë në moshën mbi 50 vjeç por mund ta kryejnë edhe gratë e moshës 40-50 vjeç. Me risk më të lartë konsiderohen ato gra që janë bartëse të defekteve gjenetike, që kanë histori familjare apo personale për kancer gjiri, probleme beninje të gjirit, që kanë fillim të hershëm dhe mbarim të vonshëm të menstruacioneve, mos lindje e fëmijës ose lindja e fëmijës mbi moshën 35 vjeç, obezitet, ind i ngjeshur të gjirit dhe ekspozim ndaj rrezatimit terapeutik.

Zbulimi i hershëm i kancerit të gjirit shpëton jetë./atsh

Mamografia e lëvizshme, 1774 ekzaminime për gratë afër vendbanimit Read More »

Informaliteti i karburanteve, Braçe në Porto Romano: Mos i bini telefonit se nuk ju ndihmon njeri, zbatoni ligjin

Aktualitet, Lajmi i fundit / /

Vijon operacioni anti-informalitet në drejtim të bizneseve që i shmangen detyrimeve ligjore dhe fiskale. Këtë herë inspektorët e Drejtorisë së Përgjithshme të Tatimeve së bashku me ata të Drejtorisë së Përgjithshme të Metrologjisë kanë ndaluar në depozitat e karburanteve në Porto Romano.

Zëvendëskryeministri Erion Braçe kërkoi respektimin e ligjit dhe të mos harxhojnë kohë t’i bien telefonit se nuk i ndihmon askush.

“Nga ata kërkojmë vetëm një gjë, të respektojnë ligjin. Mos t’i bien telefonit të kurrkujt, nuk do t’i ndihmojë as kush, kur kush. Të zbatojnë ligjin dhe me ne janë në rregull. Do vendosim rregull në të gjithë tregun dhe ku to të jetë një dhe për të gjitha”, tha Braçe.

Braçe tha se po mundohemi të vendosim ligjshmërinë në të gjithë tregun. ‘Ne po mundohemi të kthejmë ligjshmërinë në të gjithë tregun, jo vetëm tregun e karburanteve, por në të gjitha tregjet, kryesisht ato që kanë transaksionet më më të mëdha dhe natyrisht kanë dhe detyrimin t’iu nënshtrohen detyrimeve ligjore dhe fiskale. Ne nuk duam asgjë përtej kësaj. Ne duam që çdo sbubjekt në çdo treg të kryejë një transaksion të ligjshëm e për të cilin të lëshojë kupon, faturë tatimore. Inspektorët tashmë po garantojnë që në tregun e karburanteve të mos ketë më regjim manual. Ne do çojmë deri në fund zbatimin e ligjit në këtë aspekt,’ tha ndër të tjera zv/kryeministri.​

“Ka ndodhur me herët që është kryer veprimtari kriminale, prokuroria është duke u marrë me këtë çështje, janë arrestuar përgjegjësit e parë që bënin manipulimin e sistemeve të transmetimit të kasave fiskale, duke i kaluar sot në manual dhe duke kryer natyrisht një shmangie shumë të madhe fiskale. Prokuroria po analizon çdo gjë. Ne, bashkë me organet fiskale dhe meteorologjisë do të analizojmë çdo pompë që ishte përfshirë në këtë manipulim të të dhënave të transmetimit po edhe në evazion fiskal dhe pa diskutim do t’i kthejmë arkës së shteti çdo qindarkë që është marrë në kushte e mashtrimit të shkeljes së ligjit dhe natyrisht duke i sjellë dëme buxhetit të shtetit”, tha ai.

Gjithashtu, Braçe shtoi se “këtu në Porto Romano ku është edhe zona më e madhe e karburanteve, në disa kompani po vazhdon ky proces. Ka nisur që dje edhe në krahun tjetër të distributorëve, pra të shitjes me pakicë. Mbi 2000 pompa që janë identifikuar nga ne që duhet të kalojnë në regjim automatik dhe do të plumbosen për të garantuar pikërisht këtë regjim automatik nga fillimi deri në fund”.

Në fund, Braçe tha se “do të doja të bëjë me dije të gjithë operatorët në treg që ne do të jemi të drejtë dhe të barabartë, do jemi ligjor në këtë aspekt për të vendosur rregull në treg, për të garantuar konkurrencën e ndershme, por në krahun tjetër për të garantuar të ardhurat në buxhetin e shtetit”.

Drejtoresha e Përgjithshme e Tatimeve, Vasilika Vjero theksoi se pompat manuale janë të paligjshme dhe ndëshkimi për to do të jetë maksimal.

“‘Në bazë të urdhrit të ministrit ne kemi dalë në terren, Drejtoria e Përgjithshme e Tatimeve bashkë me Drejtorinë e Përgjithshme të Metrologjisë duke inspektuar çdo subject dhe duke bërë të mundur që pompat në bazë të ligjit të shesin vetëm në regjim automatik. Sot kemi ardhur në Porto Romano, ku janë të gjitha magazinat doganore dhe inspektorët janë duke plumçosur karburantet,’ u shpreh Ibrahimaj, duke shtuar se ky është një proces që do të shtrihet në të gjithë territorin e Shqipërisë dhe do të prekë nga më të mëdhenjtë te më të vegjlit, pasi ligji duhet respektuar njëlloj.

“Ky është një proces që do të ndodhë në të gjithë territorin e Shqipërisë, do të preki nga më të mëdhenjtë deri te më të vegjlit, pasi ligji duhet respektuar dhe parimi pa kuponë nuk ka karburant duhet të respektohet në të gjithë vendin. DPM nga ana teknike ka ngritur grupin e punës së vetë, sepse ata e kanë ekspertizën për të vendosur dhe siguruar regjimin e pompave dhe për të vendosur plumçet”, tha ajo./atsh

https://www.facebook.com/edirama.al/videos/670900663408768/?t=0

Informaliteti i karburanteve, Braçe në Porto Romano: Mos i bini telefonit se nuk ju ndihmon njeri, zbatoni ligjin Read More »