Irina

Rama i delegon detyrën e ministrit, Cakaj: Asnjë ndryshim në politikën e jashtme

Aktualitet, Politike / /

Kryeministri Edi Rama, njëkohësisht ministër për Europën dhe Punët e Jashtme i delegoi sot zv.Ministrit Gent Cakaj detyrën e drejtimit të kësaj ministrie.

Në fjalën e mbajtur gjatë ceremonisë së kalimit të stafetës në drejtimin e Ministrisë për Europën dhe Punët e Jashtme, zv/ ministri Cakaj vuri në dukje rezultatet dhe gamën e gjerë të sukseseve që kjo ministri ka shënuar prej 5 vitesh nën drejtimin e ministrit Bushatit.

Trajta amorfe dhe përmbajtja pothuaj likuide e politikës së jashtme të Shqipërisë, sipas Cakajt është shndërruar në një platformë solide në qasje dinamike të mirëstrukturuar dhe të mbështetur fuqishëm në parimet e dinjitetit kombëtar dhe besueshmërisë ndërkombëtare.

“Të qenit drejtues i këtij institucioni kyç të shtetit shqiptar me kompetenca të deleguara nga kryeministri Edi Rama, nën vëzhgimin e tij pashmangshmërisht të afërt, është një start i garantuar nën dritën e zjarrit të akuzave të pabaza dhe paragjykimeve pa faj”, tha Cakaj, në fjalën e tij prezantuese.

Pavarësisht sfidave të mëdha dhe problemeve të pamohueshme, sipas tij, “Shqipëria sot qëndron në kuotën më të lartë të përfaqësimit diplomatik dhe nivelin më të konsoliduar të veprimit politik të jashtëm.

“Vendi ynë është bërë bartës i një varg nismash rajonale që gjithësesi dëshmon për kredibilitetin e tij më tepër se sa rajonal. Shqipëria qëndron më afër se kurrë sot para vendimin historik për hapjen formale të negociatave për tu bërë pjesë e familjes europiane. Atdheu ynë, Shqipëria është në fazën e pakthyeshme të përgatitjeve përfundimtare për kryesimin e OSBE-së në vitin që vjen”, vijoi Cakaj.

Ky transferim autoriteti institucional, sipas tij, “nuk nënkupton asnjë ndryshim objektivash strategjike dhe politike të qeverisë shqiptare në kuadrin e politikës së jashtme”.

“Me energji të reja dhe qasje proactive ne do të vazhdojmë të shtyjmë përpara me më shumë vullnet, rrugën drejt integrimit rajonal duke forcuar profilin e Shqipërisë si një aktor aktiv e dinamik me peshë të pamohueshme dhe subjekt qendror që dëgjohet me vëmendje nga të gjithë dhe trajtohet me respekt nga secili”, tha ai.

Cakaj garantoi se Shqipëria do të mbetet forcë e patjetërsueshme e paqes dhe stabilitetit, promovuese dhe bartëse e ideve të zhvillimit përmes mjeteve të dialogut dhe bashkëpunimit me të gjithë fqinjët pa dallim.

Shqipëria, tha Cakaj, ka hyrë në një fazë të re të intensifikimit të marrëdhënieve bilaterale me vende të rajonit, duke siguruar zbatueshmërinë e marrëveshjeve të dyanshme dhe po ashtu duke gjeneruar projekte të reja dhe konkrete politike.

“Ne duam të rrisim më tej ndërveprimin me faktorin shqiptar në veçanti. Në kohën që po vjen dhe me horizontet që po hapen ne do të jemi më pranë tyre. Jemi të përkushtuar të kryejmë të gjitha obligimet që vijnë nga angazhimet tona në rajon në kuadër të procesit të Berlinit”, tha Cakaj.

Kjo vëmendje e shtuar në politikën rajonale, sipas tij, “nuk duhet të lexohet si shenjë lëshimi në axhendën tonë europiane, përkundrazi zhvillimi i Shqipërisë në rajon është një kusht themelor i konsolidimit të pozicionit tonë në axhendën europiane”.

Rruga e Shqipërisë për në familjen europiane kalon përmes procesit të konsolidimit rajonal, tha Cakaj, ndërsa shtoi se “Shqipëria duhet të jetë e angazhuar dhe e mirëorganizuar për të organizuar këtë qëllim në kohë reale sipas kalendarëve të paraqitur”.

Cakaj garantoi se ministria për Europën dhe Punët e Jashtme do të vazhdojë punën intensive për një performancë cilësore në kuadër të procesit të “screening”. “Do të vijojmë dialogun cilësor të vendeve anëtare për ekspozim në një dritë sa më qartë të rezultateve të dukshme dhe reformave të pandalshme. Vëmendje e veçantë në 2 objektiva kyç të diplomacisë shqiptare, kryesimi i suksesshëm i OSBE-së në 2020 dhe angazhimi për të siguruar vendin tonë në Këshillin e Sigurimit në vitin 2022”, tha Cakaj. /atsh

https://www.facebook.com/edirama.al/videos/348029269369104/?t=0

Rama i delegon detyrën e ministrit, Cakaj: Asnjë ndryshim në politikën e jashtme Read More »

Dhimitër Anagnosti, kineasti i mirënjohur feston sot 83-vjetorin

Aktualitet, Art-Kulture / /

Vetëm katër vite më parë kineasti i mirënjohur, Dhimitër Anagnosti, theu heshtjen me romanin “Koburja nga Europa”. Sot ai feston 83- vjetorin e lindjes.

I vetmi regjisor shqiptar që ka patur guximin të meditojë publikisht mbi rolin e vet si kineast brenda propagandës së realizimit socialist, Dhimitër Anagnosti është njëkohësisht ndër ata që më pak se kushdo kanë qenë pjesë e kësaj propagande.

Filmat e tij janë ndër të paktit që edhe sot paraqesin interes nga ana artistike. Anagnosti rrëfen në këtë intervistë të shkuarën dhe të ardhmen e kinemasë shqiptare.

Për cilësitë e tij të rralla artistike, si dhe për veprat e tij dinjitoze është nderuar me titullin “Artist i Popullit”, 1987 dhe me kupën e karrierës në Festivalin e 10-të Filmit Shqiptar. Viti 1991 e gjen të impenjuar në lëvizjen demokratike për pluralizmin në Shqipëri, motiv për të cilin zgjidhet edhe deputet i Partisë Demokratike në Kuvendin e Shqipërisë (1991-1996).

Në 12 pril 1992 u emërua ministër i Kulturës, Rinisë dhe Sporteve, post të cilin e mbajti deri në 4 dhjetor 1994, ku dha dorëheqjen. Anagnosti është ideator dhe kryetar i Fondacionit për Artin dhe Kulturën “Fan Noli”. Mban titulllin “Nderi i Kombit”. /atsh

Dhimitër Anagnosti, kineasti i mirënjohur feston sot 83-vjetorin Read More »

Situata e fruthit në Shqipëri- ISHP apel për vaksinimin e fëmijëve

Aktualitet, Shendetesi / /

Lidhur me situatën e Fruthit në Shqipëri, Instituti i Shëndetit Publik bën me dije se deri më 22 Janar 2019 numri i të prekurve me fruth është 30 raste (pozitive) dhe rastet e konfirmuara i përkasin kryesisht grupmoshës nën 2 vjeç.

Instituti i Shëndetit Publik ju bën thirrje të gjithë prindërve të vaksinojnë fëmijët e tyre sipas kalendarit kombëtar të vaksinimit dhe udhëzimeve të ISHP-së për grupet që janë më të rrezikuara.

“Jo vetëm fëmijët, por edhe të rriturit që nuk janë vaksinuar ndaj fruthit apo nuk kanë marrë dy doza të vaksinës, duhet të vaksinohen. Vaksinimi ndaj fruthit është mbrojtja më e mirë për parandaluar fruthin dhe komplikacionet që vijnë prej tij. Për shkak se kjo periudhë e vitit sjell rritje të numrit të rasteve të infeksioneve respiratore dhe gripit, bëhet akoma më i rëndësishëm vaksinimi, për të parandaluar përhapjen e fruthit”, bën të ditur ISHP.

Masat e ndërmarra për mbrojtjen nga fruthi dhe ndaj epidemisë të shkaktuar prej tij janë masa të kontrollit spitalor dhe në qendra shëndetësore, si me poshtë:

– Izolimi në pavione të caktuara në spitale dhe vetëizolimi për rastet ambulatore.

– Masa standarde të kontrollit të infeksionit dhe ato të transmetimit nëpërmjet ajrit.

– Përdorim i mjeteve të mbrojtjes personale, si maskave, etj nga personeli dhe pacientët kur shkojnë në ekzaminime.

– Vaksinim i personelit shëndetësor.

– Monitorim i gjendjes mbrojtëse të personelit ndaj fruthit.

– Gjurmin dhe vaksinim brenda 72 orëve i kontakteve.

– Vaksinim i disa grupeve të rrezikuara.

– Vendosja e survejancës aktive në të gjithë vendin.

– Takime dhe trajnime për mjekët e familjes, institucioneve parashkollore dhe personelin infermier.

– Monitorim dhe zbatim rogoroz të legjislacionit në lidhje me vaksinimin në institucionet parashkollore dhe shkollore si dhe institucionet shëndetësore.

“Gjatë vitit 2018 dhe deri më tani raportohen të jenë kryer mbi 113,237 vaksinime, nga të cilat, mbi 51.227 janë vaksinime sipas kalendarit kombëtar të vaksinimit për personat në moshën 1 dhe 5 vjeç. Ndërkohë janë kryer edhe rreth 62,000 vaksinime të tjera që i përkasin fëmijëve të prapambetur në vaksinim, të rriturve të pavaksinuar ose me një dozë, komunitetit rom, si edhe të gjithë personave që kanë qenë në kontakt me persona të dyshuar apo të sëmurë me fruth”, sqaron ISHP./atsh

Situata e fruthit në Shqipëri- ISHP apel për vaksinimin e fëmijëve Read More »

AKU- Në 2018 u dyfishua numri i analizave të produkteve ushqimore

Aktualitet, Shendetesi / /

Instituti i Sigurisë Ushqimore dhe Veterinare është i vetmi laborator reference në Shqipëri, realizon 340 lloje analizash dhe 53 teste të akredituara, ndërsa në fillim të 2018 kishte vetëm 8 të tillë.

Autoritetit Kombëtar të Ushqimit (AKU), bën të ditur se “për këtë laborator janë financuar 1.500.000 euro për pajisje laboratorike të modernizuara. Është 2-fishuar numri i specialistëve, ndërsa stafi është trajnuar dhe kualifikuar nga institucionet ndërkombëtare”.

Sipas AKU-së shumë shpejt Institutit të Sigurisë Ushqimore dhe Veterinare i rikthehet statusi i Institucionit kërkimor.

AKU shprehet se disa nga analizat që kryhen në laboratore janë;

Salmonella spp. në ushqime- Në 2018 është 2-fishuar numri i kësaj analize krahasuar me vitin 2017. Salmonela është patogjen që gjendet në produktet me origjinë shtazore.Kryerja e kësaj analize parandalon disa lloje sëmundjesh”.

Listeria Monocytogenes në ushqime; Në 2018 është 3.5-fishuar numri i kësaj analize krahasuar me vitin 2017. Është patogjen që gjendet në produketet me origjinë shtazore dhe ato bimore.Rritja e numrit të kësaj analize rrit dhe monitorimin e OBU-ve.

Histamina në produkte peshkore; Në 2018 është rritur me 17% numri i kësaj analize krahasuar me 2017.Rritja e numrit të kësaj analize ka parandaluar tregtimin e peshkut që përmban këtë toksinë.

Pesticidet në produktet me origjinë shtazore (vezë, mjaltë, peshk, dhjamë, ujë).
Në 2018 është 2-fishuar numri i kësaj analize krahasuar me vitin 2017. Rritja e numrit të kësaj analize ka bërë bllokimin e tregtimit të këtyre produkteve, si pasojë eleminimin e tyre nga tregu.

Mbetjet e pesticideve në produktet me origjinë bimore (fruta, perime, drithëra, çajra) nga 2017 në 2018.Në 2018 është dyfishuar numri i kësaj analize krahasuar me vitin 2017.

“Numri i analizave të kryera për 2018 është dyfish më i lartë se në vitin 2017 duke bërë që rritja e numrit të kësaj analize ka sjellë eleminimin e tregtimit të këtyre produkteve që përmbajnë pesticide mbi normën e lejuar, ka shtuar përgjegjësinë e fermerëve duke përdorur në këto produkte, pesticide në normën e lejuar, si dhe kur konstatohen mos përmbushje e standardeve merret mostra dhe dërgohen në laborator, kështu sjellim siguri ushqimore”, thekson AKU.

Laboratorët e Autoritetit Kombëtar të Ushqimit (AKU), garantojnë siguri, besueshmëri dhe pavarësi mbi produktet ushqimore.

AKU inkurajon të gjithë qytetarët të denoncojnë çdo abuzim me sigurinë ushqimore ose në telefonin 0800 75 75 ose në portalin e bashkëqeverisjes “Shqipëria që duam”./atsh

AKU- Në 2018 u dyfishua numri i analizave të produkteve ushqimore Read More »

Rama: Drejtori i Hipotekës Durrës shkarkohet, halabak dhe i padenjë

Aktualitet, Politike / /

Kryeministri Edi Rama njoftoi sot shkarkimin e menjëhershëm të Drejtorit të Hipotekës së Durrësit, i denoncuar mbrëmjen e djeshme nga emisioni Fiks Fare për sorrollatjen e një qytetari.

Në takimin e përjavshëm me koordinatorët e bashkëqeverisjes, Kryeministri Rama tha se “ka njerëz të padenjë, që për fat të keq nuk na mungojnë në zyrat e shërbimeve”.

“Kështu ishte edhe rasti i djeshëm i denoncuar nga emisioni Fiks Fare i një drejtori që meriton vetëm një përcaktim, një halabak, për të cilin është marrë menjëherë masa e shkarkimit dhe Ministrja e Drejtësisë në raportin e përjavshëm që përkon me bashkëqeverisjen do ta komunikojë për publikun”, tha Rama.

Kreu i qeverisë përsëriti thirrjen për qytetarët që kanë të tilla pengesa dhe problematika, që t’i drejtohen platformës shqipëriaqëduam.al për një zgjidhje të shpejtë. /atsh

Rama: Drejtori i Hipotekës Durrës shkarkohet, halabak dhe i padenjë Read More »

Rektori i Vlorës: 4164 studentë përfitojnë nga reduktimi i tarifës

Aktualitet, Arsim / /

Rektori i Universitetit “Ismail Qemali”Vlorë, Roland Zisi, theksoi sot se “4164 studentë të këtij universiteti përfitojnë nga reduktimi i tarifës, ndërsa 154 janë studentët që përjashtohen nga tarifa e studimit dhe që përfitojnë bursë”.

Në një prononcim për Agjencinë Telegrafike Shqiptare, rektori Zisi shprehet se “janë 77 studentë që përjashtohen nga tarifa e studimit, si dhe po 77 studentë që përfitojnë bursë, 42 prej tyre janë në vitin e dytë dhe të tretë dhe 32 prej tyre vijnë nga lista e ardhura nga qendra e shërbimeve arsimore, pra nga shkolla e mesme”.

“I gjithë pakti fokusohet në tre aspekte kryesore së pari gjithë vëmendja e shoqërisë, e politikës dhe qeverisë në veçanti kthehet në universitet me fokus të veçantë studentin. Pakti për Universitetin realizon tre gjëra. e para reduktim apo përgjysmim të kufirit maksimal të tarifës së studimit, së dyti, shkolla ndan bursa pra zgjeron gamën dhe kategoritë që përfitojnë bursa dhe e treta përjashton nga tarifa disa kategori studentësh”, tha Zisi.

Rektori i Universitetit të Vlorës shprehet se “së pari, për ciklin e parë të studimeve reduktimi i kufirit maksimal të tarifës vjetore të shkollimit, domethënë kufiri maksimal i studimit paguhet nga studenti në masën 50%, ndërsa pjesa tjetër do të rimbursohet nga shteti në institucionet e arsimit të lartë. Së dyti, për studentët nga viti I-III të ciklit të parë të studimeve përjashtohen nga tarifa vjetore studentët e ekselencës, ata që kanë mesataren 9.00 deri në 10.00. E treta, përjashtohen studentët e vitit të parë që vijnë nga arsimi i mesëm dhe janë regjistruar në vitin e parë në programet e studimit të Universitetit “Ismail Qemali”, ata që kanë mesataren 9.00 deri në 10.00″, nënvizoi Zisi.

Së katërti, shtoi rektori, përfitojnë bursë studentët e vitit të parë të regjistruar në çdo program studimi që kanë mesatare nga arsimi i mesëm 9.00 deri në 10.00.

Sipas tij, nëse studentët e mbajnë këtë mesatare ata e përfitojnë bursën edhe vitin pasardhës.

“Çdo ditë sekretaritë mësimore, kryesekretaret, specialistët e informimit të studentëve pranë fakulteteve, gjithë rektorati, gjithë përgjegjësit e departamenteve janë në funksion për të sqaruar, shpjeguar dhe mbushur boshllëqet e studentëve në lidhje me informimin”, tha Zisi.

Në lidhje me rikonstruksionin dhe investimet për godinat dhe konviktet, rektori shprehet se edhe kjo çështje gjen zgjidhje.

“Qeveria ka kërkuar nga universitetet dhe ne kemi dërguar sot në MAS dhe në Ministrinë e Financave nevojat tona infrastrukturore dhe kemi kërkuar mbështetjen nga qeveria për ngritjen e godinës së Infermierisë, që është e menjëhershme”, tha Zisi.

Ai sqaron se para se të fillonin protestat në muajin nëntor qeveria me një VKM të posaçme i ka dhënë Universitetit “Ismail Qemali” 6 mijë metra katrorë tokë për të ngritur këtë godinë.

“Projekti për ngritjen e këtij fakulteti është gati, është tenderuar dhe pritet të fillojë puna”, tha Zisi.

Po ashtu, shton ai, ne kemi kërkuar mbështetje financiare për infrastrukturë laboratorike për të riformuar dhe mbështetur sistemet e ngrohjes.

Rektori Zisi bën të ditur gjithashtu se në Universitetin “Ismail Qemali”, nuk ka pasur ndërprerje të mësimit kjo është e faktuar me regjistrat e mësimit, me korrektësinë e pedagogëve që kanë shkuar në mësim. Universiteti nuk ka humbur asnjë orë mësimi dhe për pasojë nuk do të shtyjë as provimet dhe as procesin mësimor”. /atsh

https://www.facebook.com/Agjencia.Telegrafike.Shqiptare/videos/336941340245527/?t=0

Rektori i Vlorës: 4164 studentë përfitojnë nga reduktimi i tarifës Read More »

Shqipëria mes 20 destinacioneve më të bukura për 2019

Aktualitet, Turizem / /

Shqipëria renditet mes 20 destinacioneve më të bukura për 2019.

Prestigjiozja e përditshme Le Monde ka renditur Shqipërinë mes 20 destinacioneve të preferuara që duhet vizituar gjatë këtij viti.

“MIRËMËNGJES , dhe me këtë faqe të prestigjozes së përditshme Le Monde, e cila mes 20 destinacioneve të preferuara të vitit 2019 e sugjeron Shqipërinë si zgjedhjen e gjashtë, ju uroj një ditë të mbarë”, shkruan Kryeministri Edi Rama.

Edhe Gazeta britanike “The Sun” ka botuar një artikull mbi dhjetë destinacionet më të mira në të gjithë botën për turizëm mes të cilave përmend edhe Rivierën Shqiptare.

”Vendasit i kanë ruajtur me dinakëri për vete plazhet dhe gjiret e detit për dekada të tëra. Por tani, Lonely Planet e ka quajtur vendin një destinacion të mirë për 2019. Mund të vini bast se është vetëm çështje kohe para se Shqipëria të bëhet një Kroaci e re”, shkruan “The Sun”./atsh

Shqipëria mes 20 destinacioneve më të bukura për 2019 Read More »

Dhelpra e kuqe, pjesë e pasurisë së faunës në Parkun Kombëtar të Dajtit

Aktualitet / /

Moratoriumi i gjuetisë në vendin tonë përherë e më shumë po pasuron parqet natyrore me faunën e egër, si dhe me specie të rralla që i kanë munguar natyrës dhe mjedisit tonë.

Përkujdesja dhe angazhimi i specialistëve për të ruajtur mjediset nga gjuetia e paligjshme ka bërë të mundur që një specie rrallë në vendin tonë si është dhelpra e kuqe të rikthehet pas përkujdesjes në Parkun Kombëtar të Dajtit, duke e shndërruar tashmë në një atraksion turistik dhe për pasionantët e vëzhgimit të botës së egër.

Ministri i Turizmit dhe Mjedisit, Blendi Klosi shprehet se, ”dhelpra e kuqe e “Safari Park”, në Fier, tani është e lirë. Pas 80 ditësh trajtim intensiv në kopshtin zoologjik të Tiranës, “Four Paws” realizoi me sukses lëshimin e saj në natyrë. Ajo do të jetë pjesë e pasurisë së faunës në Parkun Kombëtar të Dajtit”. /atsh

Dhelpra e kuqe, pjesë e pasurisë së faunës në Parkun Kombëtar të Dajtit Read More »