Irina

Kryeministri Edi Rama solli mbrëmjen e sotme në vëmendje rezultatet e arritura nga platforma e bashkëqeverisjes, duke theksuar se janë zgjidhur 1 mijë halle njerëzish të zakonshëm në muaj.

Kurrë asnjë qeveri dhe asnjë kryeministër më parë nuk kanë ndjekur e zgjidhur, mesatarisht 1000 halle e probleme konkrete njerëzish të zakonshëm në muaj”, theksoi kryeministri Rama.

Ai solli në kujtesë të publikut se deri dje, ankesat e tyre me letra e me mesazhe, përfundonin në koshin e mbeturinave të institucioneve apo të telefonit.

Gjatë paradites së sotme, në takimin me koordinatorët e Bashkëqeverisjes, kryeministri Rama theksoi se janë rreth 788 zyrtarë që nga drejtor, e deri tek specialistë që janë ndëshkuar pasi nuk u janë përgjigjur si duhet qytetarëve.

Janë mbi 50 mijë adresime në Platformën e Bashkëqeverisjes dhe rreth 115 mijë përdorues që janë shumë për një periudhë të shkurtër kohe. /atsh

“Policia e Gjeneratës së re”, me këto fjalë, zv/Ministri i Brendshëm, Julian Hodaj ka përshëndetur çeljen e fazës së parë të testit me shkrim për “Patrullë të Përgjithshme në Akademinë e Sigurisë”.

Hodaj thekson se janë 500 vende në Akademisë së Sigurisë, ndërsa kanë aplikuar 2 100 të rinj e të reja.

“Sapo filloi faza e parë e testimit për 500 vendet në Akademinë e Sigurisë. 2100 aplikantë do t’i nënshtrohen sot testimit me shkrim. Suksese vajzave dhe djemve që duan të jenë pjesë e Policisë së Shtetit. Policia e gjeneratës së re”, thekson Hodaj.

Prej mëngjesit të sotëm po zhvillohet testimi me shkrim për aplikantët që konkurojnë për të nisur shkollën e Policisë për Patrullë të Përgjithshme. Në datën 3 korrik u hapën aplikimet 500 vende, për Patrullë të Përgjithshme. Thirrjes së Policisë për t’u bërë pjesë e saj iu përgjigjën 2 120 të rinj e të reja nga gjithë vendi. Thirrja e cila duhet të ishte mbyllur me 3 gusht, u shty deri më datën 15 gusht për t’u ardhur në ndihmë atyre që nuk i përmbushnin dot të gjitha kriteret.

Testimi po zhvillohet në dy faza. Në fazën e parë në provim do të futen aplikantët e qarqeve Tiranë, Berat, Durrës e Fier. Në fazën e dytë do të marrin pjesë aplikantët e qarqeve Gjirokastër, Vlorë, Elbasan, Korçë, Lezhë, Shkodër, Kukës, Dibër.
Drejtori i Kolegjit Policor, Drejtues Ylli Vasili pohoi se çdo konkurrent, në fund të çdo faze konkurrimi, në rast se nuk është dakord me rezultatin, ka të drejtën e ankimimit brenda dy ditëve./atsh

Lufta ndaj informalitetit ka vijuar me bllokimin e një kantieri ndërtimi, punonjësit e të cilit janë gjetur të pasiguruar.

“Një aspekt themelor i luftës kundër Informalitetit është lufta kundër punës në të zezë dhe pagesave të pjesshme në të zezë”, tha sot kryeministri Edi Rama.

Ministrja e Financës dhe Ekonomisë, Anila Denaj, në përfundim të inspektimit ku u bllokua kantieri i ndërtimit ka bërë të ditur se qeveria shqiptare është e fokusuar në zbatimin e ligjit në punë, ku të gjithë punëmarrësit duhet të trajtohen sipas detyrimeve ligjore.

“Kemi pasur një fokus të veçantë në luftën kundër informalitetit dhe ky fokus po trajtohet dhe nga Inspektorati Shtetëror i Punës. Kontrollet janë të fokusuara në dy pika, atë që ndihmon për të eliminuar aksidentet në punë, duke inspektuar kantieret e ndërtimit. Por dhe duke i ardhur në ndihmë të gjithë punëmarrësve të të cilët meritojnë të trajtohen sipas ligjit me rrogën e plotë kundrejt të gjitha detyrimeve ligjore”.

“Në dy muajt e fundit Inspektimet janë kryer në shumë sektorë, por kryesisht janë fokusuar në hoteleri turizëm, ku janë konstatuar 40% e shkeljeve, në më shumë se sa 2000 subjekte të inspektuara. 30% e punonjësve janë gjetur të paregjistruar, pra në informalitet të plotë. Ne po e konstatojmë çdo ditë, duam të respektojmë 100% ligjin. Kujtoj se gjobat në kësisoj rastesh janë nga 0 deri në 50-fish e rrogës bazë. Nuk është synimi ynë gjoba, por sensibilizimi”, tha Denaj

Arben Seferi, kreu Inspektoratit Shtetëror të Punës ka bërë të ditur detaje mbi bllokimin kantierit të ndërtimit në Tiranë. “Sa kemi mbaruar një proces inspektimi ku kemi verifikuar shmangien e sigurimit në punë, dhe morëm masën e bllokimit të punës deri sa subjekti të normalizojë procesin e punës. Në fokusin tonë është dhe informaliteti gri, apo siguria në punë”, tha Seferi

“Në ndihmë të këtij procesi na ka ardhur dhe aplikacioni “Stop Informalitetit”, ku janë të regjistruar 12,826 qytetarë dhe janë regjistruar mbi 2000 denoncime. Jo më larg se dje kemi marrë njoftim se një punonjëse nuk ishte e siguruar plotësisht dhe pas inspektimit kuptuam se në atë sipërmarrje nuk zbatohej ligji. Cilësia e inspektimit nuk është e duhur, pasi kur shkohet me grupin e dytë të inspektimit kemi rezultat tjetër. Ne duhet të kemi një qasje. Nuk mund ta luftojmë anti-informalitetin vetëm në terren, por duhet kuptuar dhe çështja e brendshme, pasi ose ka probleme institucionale ose probleme integriteti. Duhet të jemi transparent me publikun”, nënvizoi Denaj

Aplikacioni “Stop Informalitetit”,. mundëson të mos heshtësh përballë abuzimit, gjendet në App Store https://apps.apple.com/…/a…/stop-informalitetit/id1476196781 ose në Play Store https://play.google.com/store/apps/details…Denoncimi është i fshehtë dhe konfidencialiteti i të dhënave të tua 100% i garantuar/atsh