Irina

Dita Ndërkombëtare e të Moshuarve, Komisioneri për Mbrojtjen nga Diskriminimi, kërkon më shumë kujdesje për moshën e tretë.

Me rastin e Ditës Ndërkombëtare të të Moshuarve, Komisioneri për Mbrojtjen nga Diskriminimi Robert Gajda, kërkon nga të gjithë më shumë kujdes dhe respekt për moshën e tretë.

“Moshimi është një proces i jetës. Diskriminimi kundrejt personave të moshës së tretë është i papranueshëm,si në aspektin legjislativ ashtu në aspektin moral. Respekto përvojën!” – shprehet Gajda. /atsh

Në Ditën Ndërkombëtare të të Moshuarve, Avokati i Popullit bën thirrje për përmirësim të statusit të të moshuarve.

Avokati i Popullit, si një institucion që garanton të drejtat dhe liritë themelore te njeriut, ka në prioritetet e punës së tij edhe mbrojtjen e të drejtave të të moshuarve duke i vlerësuar të moshuarit për autoritetin e tyre, mençurinë, përvojën jetësore, duhet të eliminojmë neglizhencën dhe përjashtimin e tyre si pjesë përbërëse e familjes dhe e komunitetit,

“Për të garantuar të drejtat e të moshuarve, për siguri sociale, për të punuar, për akses në shërbimet e kujdesit shëndetësor, për një transport falas për të moshuarit mbi moshën 70 vjeç etj, kërkohet miratimi i Statusit të Moshës së Tretë. Ndër vite kemi kërkuar me insistim nga administrata shtetërore dhe veçanërisht ministritë e linjës, miratimin e Statusit të Moshës së Tretë”, shprehet avokati.

Po ashtu, Avokati i Popullit shton se “Shteti dhe vetë shoqëria shqiptare duhet të vazhdojnë të forcojnë mekanizmat socialë dhe ekonomike në mbështetje të të moshuarve”. //atsh

Pesha e tepër tek çdo organizëm shoqërohet me shtimin e sasisë së yndyrës apo dhjamit, sidomos në pjesën e barkut apo zonën abdominale.

Një problem ky, nga i cili miliona njerëz në botë, përfshirë pa dyshim dhe Shqipërinë përballin sfida dhe vështirësi të ndryshme shëndetësore.

Padyshim dhjamosja e tepërt në zonën e barkut krijon një siklet në paraqitjen e jashtme por prania e saj në organizëm më shumë se sa e sikletshme është shpesh burim i shumë komplikacioneve shëndetësore.

AgroWeb.org ju sjell më poshtë një kurë natyrale me përbërës të thjeshtë që luftojnë praninë dhe rritjen e nivelit të yndyrnave apo masës së dhjamit në zonën abdominale të trupit (pjesa e barkut).

Mjafton të ndiqni hapat siç duhet dhe kjo kurë natyrale do t’i dhurojë organizmit shëndet të plotë ndërsa në vetëm një javë do të ndihmojë në shkrirjen e masës së tepërt dhjamore në zonën e barkut.

Kjo kurë ndihmon gjithashtu në mirëfunksionimin e sistemit të tretjes ndërsa mban nën kontroll të plotë nivelin e kolesterolit.\
Përgatitja e Kurës me Hudhra
Përbërësit:

12 thelpinj të mëdhenj hudhre
Dy kokrra limoni
1 ½ l ujë
Si ta Përgatisni?

Qëroni thelpinjtë e hudhrës me kujdes.
AgroWeb.org ju udhëzon të shtypni secilin prej thelpinjve përmes një çekiçi kuzhine.
Pastroni limonat me ujë të rrjedhshëm dhe prijini në copëza të vogla me gjithë lëkurë.
Vendosni ujin në një tenxhere.

Shtoni hudhrat e shtypura bashkë me copat e limonit dhe vendosini në zjarr të ziejnë për 15 minuta.

Më pas, kullojeni lëngun dhe pijeni.
AgroWeb.org ju këshillon që ujin e përftuar mund ta ruani në frigorifer.
Si ta Konsumoni këtë Kurë?

Lëngun e përftuar mund ta ndani në tre doza për çdo ditë.
Rekomandohet që të pini nga një filxhan çaji me këtë lëng para secilit nga tre vaktet e ngrënies. Kura përdoret për tre ditë rresht.

Ajo ndihmon organizmin për një pastrim rrënjësor të tij duke ndikuar në shkrirjen e yndyrës së tepërt në zonën e barkut.
Efektet e kurës ndihen pas një jave ku ju do të ndiheni më të lehtë.
Shënim:

Për shumë persona shija e këtij lëngu mund të jetë e sikletshme dhe e vështirë. Por gjatë konsumimit të tij mund të shtoni pak mjaltë për ta ëmbëlsuar dhe për t’i dhënë shije gjithashtu./AgroWeb.org

*Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Nga takimi i Komitetit Ndërministror për Menaxhimin e Integruar të Mbetjeve ministri i Turizmit dhe Mjedisit Blendi Klosi prezantoi paketën antikorrupsion në mjedis.

Në takimin ku ishin të pranishëm zv.ministra të qeverisë, prefektët, përfaqësues të universiteteve ekspertë mjedisorë dhe donator, ministri i Turizmit dhe Mjedisit Blendi Klosi përmendi rezultatet pozitive të deritanishme të operacionit “Pastrojmë Shqipërinë që duam” duke theksuar se ka ardhur koha për ndryshime të tjera në mjedis.

“Thelbi i paketës është që të elemininojë gjithë hallkën burokratike që e çon administratorin e një biznesi në një raport të vështirë me shtetin dhe të kemi mundësi që të luftojmë për mbrojtjen e mjedisit, të sakrifikojmë për mbrojtjen e mjedisit por njëkohësisht të krijojmë të gjitha hapësirat që biznesi dhe qytetarët ta shikojnë mbrojtjen e mjedisit si detyrim karshi Shqipërisë turistike dhe gjeneratave që do të vijnë , por jo si detyrim karshi inspektorëve të mjedisit , apo si detyrim karshi zyrtarit që i kërkon çdo gjë por jo të vërtetën pra mbrojtjen e mjedisit”, tha ministri Klosi.

Kalimi i lejeve mjedisore online prej datës 1 mars 2020 është një tjetër masë që synon të presë kontaktet e biznesit me administratën.

“Nga data 31 dhjetor deri në 28 shkurt kemi gjykuar që këto leje të jenë të përbashkëta dhe të ecin paralelisht online edhe me letra dhe pastaj në 1 mars të 2020 aplikimi të jetë vetëm online dhe të kemi 0 kontakt nëpërmjet zyrave të Agjencisë së mjedisit me qytetarët dhe biznesin . Përfitimet janë shmangia e sorollatjes dhe humbja e kohës nga qytetarët, dokumentohet dhe arkivohet çdo komunikim dhe i gjithë procesi pa pasur aludim, atje ku zyrtari përgjigjet gjithmonë në kohë reale nëpërmjet komunikimit elektronik do të rritet efikasiteti në komunikim, eliminiohet subjektivizmi në vlerësimin e aplikimit pasi sistemi do të jetë vetëvlerësues”, u shpreh Klosi.

Klosi tha se, “janë 5.500 biznese të vogla që do të çlirohen nga lejet e tipit C “Me këtë vendimmarrje ne lirojmë plot 5500 operatorë të vegjël duke ia hequr detyrimin që marrin leje mjedisore , duke ia hequr një detyrim përsëri abuziv që të raportonin dy herë në vit kishin një ekspert mjedisor që shkonte u bërtiste dhe merrte tarifë sadoqoftë ajo pra të jenë drejtpërsëdrejti në komunikim me pushtetin vendor që i menaxhon i kontrollon, i trajton dhe me njerëzit që jetojnë atje. Nëse njerëzit nuk do të duan që të ngrihet një furrë buke ajo furrë buke nuk mund të jetë . Ky është thelbi, njerëzit duhet të jenë vendimmarrës dhe të mos jetë pushteti, administrata që gjykon gjëra të cilat janë shtuar vit pas viti”.

Ministri Klosi tha se vendimi i ushtrimit ose të jo një biznesi të vogël do të vendoset nga bashkitë edhe në rastin e zhurmave ku do të jetë policia që do të vendosë.

”Në qoftë se ky lokal do të lejohet nga komuniteti, nëse bashkia e gjykon që lokali nuk është i përshtatshëm atëherë nuk ka pse të ketë leje mjedisore që e mbron por duhet të ketë një kontroll shumë më të rreptë, të jenë forcat e rendit të cilat të respektohet orari dhe të ketë një vendimmarrje që e mbyll edhe janë forcat e rendit që kap shkeljet”, u shpreh ministri Klosi.

Ndalimi i prodhimit tregtimit dhe importimit të qeseve plastike është një tjetër vendim me të cilin Shqipëria do të jetë vendi i parë europian pa qese plastike prej datës 1 qershor 2020.

Reforma në mjedis është shtrirë edhe në ristrukturimin institucional duke reduktuar inspektoriatin shtetëror të mjedisit duke ia lënë kontrollin e paligjshmërisë i kalon forcave të rendit ku çdo shkelës duhet të gjykohet edhe për krimin mjedisor. /atsh