Irina

Kodheli: Mospërfaqësimi në zgjedhje është faj

Aktualitet, Politike / /

Deputeja e Partisë Socialiste Mimi Kodheli gjatë një interviste televizive u shpreh se shpreson që shqiptarët do të shkojnë qetësisht në votime, të patrembur, të patutur për të ushtruar një ndër të drejtat e tyre bazike.

Ish-ministrja e Mbrojtjes theksoi se opozita ka bërë faj duke lënë të papërfaqësuar njerëzit e saj në zgjedhje.

“Në Tiranë, numri i kandidatit tonë, është numri dy që do të thotë se janë dy kandidatë, është edhe kandidati i Bindjes Demokratike. Kjo e të qenit opozitar, e të qenit demokrat nuk është pronë e askurrkujt. Është pronë e qytetarëve që kanë zgjedhur të rrinë në një kah të politikës. PS mban numrin 30 që do të thotë se ka 29 parti të regjistruara në radhë para saj dhe ka nja 10 a 12 mbrapa saj”, – tha Kodheli.

Përballë pyetjes se një pjesë e shqiptarëve nuk do të votojnë se ndihen të pabarabartë, të papërfaqësuar nga partitë e tjera.

Kodheli theksoi se “ky është gabimi i madh fatal që bënë disa anëtarë të parlamentit, përfaqësues të PD që ikën nga parlamenti, sepse sot kanë njerëzit mbështetësit e tyre që janë të papërfaqësuar dhe ky është një gabim shumë i madh. Kjo është ajo çka gabuan rëndë. Mospërfaqësimi është faj. Daton herët mënyra si janë zgjedhur kryetarët. Mua më kujtohet Sokol Olldashi. Kam bërë një bisedë telefonike gjatë kohës që garonte për t’u bërë kryetar partie. Ka pasur mungesë të theksuar transparence dhe ai proces. Pra askush nuk mund të thotë dhe të lajë duart dhe të thotë, shiko sa djalë i mirë jam dhe këta, se janë dy përgjime, sa djem të këqij janë”, – tha Kodheli. /atsh

Kodheli: Mospërfaqësimi në zgjedhje është faj Read More »

Meta ngjason më shumë si kryetar i një partie opozitare sesa si President

Aktualitet, Opinione, Politike / /

“Ajo që e kompromenton Presidentin e Republikës është pikërisht retorika që përdor. Retorika e tij është krejtësisht politike dhe ai ngjason më shumë si kryetar i një partie opozitare sesa si President që i referohet Kushtetutës së vendit”, – deklaroi sot deputeti socialist, Besnik Bare.

I ftuar në një studio televizive, Bare foli për qëndrimin e Presidentit në situatën aktuale politike dhe nismën e mazhorancës për ta shkarkuar atë.

“Një President duhet t’i referohet ligjeve, Kushtetutës dhe neneve përkatëse. Ilir Meta në asnjë moment. në asnjë element të gjithë retorikës që ka përdorur nuk i është referuar Kushtetutës”, – tha Bare.

Ndërkohë Bare tha se akuzat e mazhorancës ndaj Presidentit janë të mbështetura në Kushtetutë. “Kushtetuta nuk e parashikon në asnjë nen të drejtën e Presidentit për të zhdekretuar datën e zgjedhjeve, pasi e dekreton atë”, – tha Bare.

Për shkarkimin e Presidentit, sipas Bares, “procedura është e tillë që mblidhet komisioni i Ligjeve, fton Presidentin të paraqesë argumentet e veta dhe në finale është Gjykata Kushtetuese që vendos për shkarkimin”.

I pyetur nëse mund të ketë një përplasje në 30 qershor, Bare tha se “përplasja inspirohet nga 3-4 veta dhe kur këta njerëz nuk kanë dashur përplasje në mitingjet e PD-së nuk ndodh përplasja”. “Nëse në 30 qershor do të ketë përplasje përgjegjës do të jenë këta 3-4 veta”, – tha Bare.

Sipas tij, “PD nuk ofron një platformë politike dhe ekonomike, por vetëm alternativën si të shpëtojmë karrierën politike të Lulzim Bashës dhe Sali Berishës. /atsh

Meta ngjason më shumë si kryetar i një partie opozitare sesa si President Read More »

Pushimet ndikojnë pozitivisht në shëndetin e zemrës

Aktualitet, Shendetesi / /

Padyshim që pushimet janë gjithnjë relaksuese dhe gjithnjë të bëjnë të ndihesh mjaft mirë, po duket se të mirat e tyre janë shumë më tepër se kaq.

Sipas një studimi të publikuar nga “Psychology and Health” pushimet e shpeshta ndikojnë nga çlirimin nga stresi dhe reduktojnë riskun e prekjes nga sëmundjet kardiovaskulare.

“Ne zbuluam se njerëzit që pushojnë më shpesh në 12 muajt e vitit kanë më pak mundësi të preken nga sindroma e metabolizmit. Kjo sindromë është një përmbledhje e faktorëve rriskues për sëmundjet kardiovaskulare. Nëse ju keni disa prej tyre keni më shumë mundësi të prekeni nga këto sëmundje”, thuhet në studim.

Gjithashtu studiuesit kanë sugjeruar që njerëzit ta shfrytëzojnë sa më shumë kohën e pushimeve, qoftë ky edhe një pushim 1-ditor. /atsh

Pushimet ndikojnë pozitivisht në shëndetin e zemrës Read More »

Te kafeja gjendet edhe një substancë që djeg kaloritë

Shendetesi / /

Te kafeja mund të fshihet një substancë e aftë për të aktivizuar indet e djegies së kalorive.

”Kandidati i mundshëm është kafeina, por kërkimi i mëtejshëm është i nevojshëm për një lidhje të mundshme me substancat e tjera”, sipas studimit të botuar në revistën ”Scientific Reports” nga grupi i Universitetit britanik të Nottinghamit, koordinuar nga Michael Symonds.

Autorët e studimit nxorën në pah se kafeja ka rolin e rëndësishëm të ngrohjes së trupit duke djegur kaloritë e tepërta.

“Deri më tani, nuk kemi parë kurrë një mënyrë efektive për të stimuluar aktivitetin e indit dhjamor. Është hera e parë që ne shohim, falë kafesë, një efekt të drejtpërdrejtë”, shpjegoi Symonds.

Sipas ekspertëve, në kafe fshihet një substancë e ngjashme me kafeinën e cila, vetëm ose së bashku me kafeinën, lehtëson funksionimin.

”Një armë që mund të jetë e dobishme për të luftuar obezitetin dhe disa forma të diabetit”, përfundoi studiuesi./ atsh

Te kafeja gjendet edhe një substancë që djeg kaloritë Read More »

Sa ujë duhet të pimë gjatë ditëve të nxehta?

Shendetesi / /

Ne kërkojmë ujë për çdo funksion të trupit, që nga largimi i toksinave. Por sa ujë në ditë duhet të pimë për të ndihmuar organizimin tonë të funksionojë si duhet, dhe si mund ta kuptojmë kur jemi të dehidratuar?

Pse është e rëndësishme të pish ujë?
Më shumë se 2/3 e trupit të njeriut përbëhet nga uji. Ne duam ujë për çdo funksion të trupit tonë. Por të dish se sa ujë duhet të pish është një tjetër sfidë, veçanërisht kur është vapë apo bëni ushtrime më shumë se zakonisht. Nëse pini pak ujë mund të vuani nga probleme serioze të shëndetit.

Sa ujë në ditë duhet të pijmë?
Në rrethana normale, sasia e ujit në trup kontrollohet nga etja dhe produkti urinar. Jeni të etur, pini ujë, shkoni në tualet, dhe cikli i ujit përsëritet sërish. Ekspertët e Institutit të Shëndetit Publik rekomandojnë të konsumoni më shumë ujë se zakonisht dhe mos prisni deri kur të keni etje. Sipas tyre, pini 2 litra ujë në ditë dhe hani sa më shumë fruta.

Ekspertët rekomandojmë që të pini ujë nga pak dhe shpesh, sepse kjo është mënyra më e mirë për të qëndruar të hidratuar. /atsh

Sa ujë duhet të pimë gjatë ditëve të nxehta? Read More »

Më 30 qershor ne socialistët do jemi kudo, ruajuni përballjes me ligjin

Aktualitet, Opinione, Politike / /

Zëvendëskryeministri Erion Braçe iu ka bërë një apel atyre që duan të prishin zgjedhjet më 30 qershor, që para se të ndërmarrin ndonjë veprim, të reflektojnë për ndëshkimin që i pret dhe të shohin pasuritë e atyre që i urdhërojnë.

“Ne Socialistët do jemi kudo! Por e keqja s’u vjen nga ne! ! Përballjes me ligjin ruajuni! Prej saj vjen burgu dhe pas tij izolimi i përjetshëm! “, paralajmëron Braçe.

Lexova me vëmendje këtë Qarkoren e Partisë Demokratike që më herët e kisha lexuar në avujt e rakisë së një politikani e para tij në tymin e thithur të një aktori! Si thoni, “të shmanget me çdo kusht përballja me militantët e PS”? Kështu? Si vijoni, “është e pranueshme që të ketë përballje me policinë”? Kështu? Si e mbyllni, “të ngrihet grup pune që të pamundësojë votimet”? Kështu?””, vijon zv/kryeministri.

“Shikoni, ne socialistët do jemi kudo, kudo në 30 qershor. Jo për ju, fare fare! Nga ne nuk u vjen e keqja, imagjinoni ju paguheni nga shteti dhe sulmoni kolonat bazë të shtetit që ju paguan! Ne do jemi aty për të drejtën e votës! Është kushtetuese kjo, është e drejtë e fituar dhe nuk e tjetërson dot kërkush. Ju, jo e jo!”, thekson Braçe.

“Por askush tjetër që dështon e nuk fiton kurrë dot një garë pa pushtet, pa polici, pa gjykatën e tij, askush tjetër që dështon të mbajë veten, lëshuar prej panikut të Drejtësisë së Re. Pra pa frikë! Aaaa ju duhet ti trembeni përballjes me ligjin, tamam asaj që ju kërkojnë këta dy tipat të bëni! Nga përballja me ligjin vjen Burgu, madje burg i gjatë nëse pengoni zgjedhësit të votojnë, pra pamundësoni votimet! 7 vite burg!”, kujton zv/kryeministri.

“Dhe nuk mbaron! Pas burgut vjen izolimi përjetë! Madje madje, nëse këtë e kryeni në kuadër të organizatës së Dhunshme PD-LSI, nuk do ju ngelet më asgjë, zero, duke nisur nga plaçka që keni vënë. A ja vlen? Unë them jo! A i keni parë bizneset e këtyre të Qarkores? A i keni parë deklarimet e tyre të pasurisë? Po fëmijët a ua keni parë kund, i mbajnë këtu apo jashtë vendit?”, thekson Braçe.

“Kaq sillni në mendje, sa të pabarabartë jeni me ta dhe sa të pabarabartë do jeni kur ligji të bjerë fort mbi ju e jo mbi ata! Ditë të mirë!”, përfundon Braçe./atsh

Më 30 qershor ne socialistët do jemi kudo, ruajuni përballjes me ligjin Read More »

Çuçi me blegtorët e Nivicës: Jemi në bisedime me investitorë nga Arabia Saudite dhe Irani

Aktualitet, Lajmi i fundit / /

Ministri i Bujqësisë dhe Zhvillimit Rural, Bledi Çuçi, ishte në Nivicë një prej fshatrave që bën pjesë në programin ‘100 fshatrat’. Ai zhvilloi një bashkëbisedim me blegtorë të zonës përreth, për të diskutuar me ta mundësinë e zgjerimit të tufave të mbarështimit të të imtave për mish. Aktualisht Ministria e Bujqësisë dhe Zhvillimit Rural është në bisedime me investitorë në Arabinë Saudite dhe Iran, të cilët janë të interesuar të blejnë nga Shqipëria mish qingji dhe dele.

Vlora, Tepelena dhe Gjirokastra që kanë numrin më ta madh të krerëve do të jenë të parat që do të përfitojnë nga kjo mundësi nëse gjenden termat e bashkëpunimit mes investioreve dhe blegtorëve të këtyre tre qarqeve. Veç kësaj mundësie, ministri Çuçi diskutoi me blegtorët edhe një paketë të re mbështetje që Ministria e Bujqësisë do të ketë për blegtorinë. Do të ketë subvencione direkt për tufat e blegtorëve, në mënyrë që ky sektor të zhvillohet paralelisht me sektorin e prodhimeve bujqësore.

Ministri vizitoi edhe baxho të zonës, të cilat grumbullojnë qumështin e blegtorëve për prodhimin e djathit dhe nënprodukteve të tij. Ai u ndal gjithashtu edhe në dy bujtina të zonës, të cilat mirëpresin turistë. Të tjera bujtina janë në ndërtim e sipër. Nivica dhe fshatrat përreth kanë potenciale të shumta për zhvillimin e agroturizmit.

“Ky fshat dhe e gjithë zona përreth do të shndërrohet në një pol të rëndësishëm të turizmit malor në jug të vendit. Nuk është fare rastësi që sot në Nivicë takon edhe turistë, të cilët qëndrojnë aty për disa ditë për të shijuar natyrën dhe ushqimet tradicionale, mes të cilave spikat mishi dhe djathi me shije karakteristike”, është shprehur ministri Çuçi.

Një lajm i mirë për banorët e gjithë kësaj zone, tha ministri Çuçi, është miratimi i fondit për ndërtimin e lotit të dytë të rrugës që të çon drejt Nivicës. 8 milionë euro do të përdoren për segmentin Bënçë-Lekdush. Ky investim shkurton kohën për të shkuar në Nivicë dhe krijon një perspektivë të re për zhvillimin e kësaj zone./atsh

Çuçi me blegtorët e Nivicës: Jemi në bisedime me investitorë nga Arabia Saudite dhe Irani Read More »

Nuk ka asnjë shans të mos zhvillohen zgjedhjet, vendimi i opozitës vetëvrasje politike spektakolare

Aktualitet / /

Kryeministri Edi Rama deklaroi sot se nuk ka asnjë shans që zgjedhjet të mos zhvillohen më 30 qershor, ndërsa e cilësoi vendimin e opozitës për të mos u futur në zgjedhje një vetëvrasje politike spektakolare.

Në një takim me banorët e njësisë administrative nr.2 në Tiranë, së bashku me kryetarin e bashkisë Erion Veliaj, deputetet e Partisë Socialiste, Vasilika Hysi, Blerina Gjylameti, si dhe banorë të kësaj njësie , kryeministri Rama theksoi se “gjëja më e rëndësishme për ne është që procesi të jetë sa më korrekt”.

“Mungesa e kundërshtarëve e bën të komplikuar fushatën nga një anë tjetër, sepse një pjesë thonë s’ka kundërshtarë, s’ia vlen, do ikim në plazh, një pjesë tjetër thonë s’jam duke shkuar se vota ime është e fshehtë”-, tha Rama.

Kreu i qeverisë e vuri theksin se tek personat që do të administrojnë procesin zgjedhor të 30 qershorit.

“Pjesa e atyre që administrojnë procesin të jetë shumë korrekt, sepse në mungesë të garës mund të jenë të pavëmendshëm për dokumentacionin, procedurat. Duhet vëmendje e madhe që të jetë procesi korrekt. Pastaj s’kemi ç’ti bëjmë pluralizmi është të gjithë në një mendje që secili mund të zgjidhet nëse dëshiron të paraqitet, pastaj secili në mendjen e vet do me u zgjedh, s’do me u zgjedh. Por nëse ti nuk do të hysh në zgjedhje nuk mund të marrësh në qafë dynjanë e të thuash me që s’dua unë ju të tjerët nuk do të bëni zgjedhje”.

Kryeministri e konsideroi një vetëvrasje politike spektakolare mos pjesëmarrjen e opozitës në zgjedhje, por shtoi ai, “nuk kemi çfarë të bëjmë ne”.

“Nuk ka shans të ndodhë kjo që thonë ata “unë nuk jam gati për ndeshje, ti s’do hysh në stadium, s’do marrësh as rezultatin. Nuk ka shans kjo të ndodhë”.

Kryeministri Rama vuri në dukje edhe rënien e kuponave.

“Në këtë fazë ne shikojmë një rënie të kuponave. Do të thuash çlidhje?. Ka lidhje se është atmosfera e paligjshmërisë dhe klima e krijuar që me kurajo bjeri murit me kokë, shkel ligjin, imponohu me forcë, etj dhe kjo përhapet. Çfarë mësimi jep? Në fund të fundit një nga misionet e politikës është që të ketë forcën e shembullit , çfarë shembulli i jep ti njerëzve çohen 5 veta në një klasë sot se nuk do ketë mësim , çohen 5 veta në trupën e shërbimit në spital nuk shërbejmë se s’duam ne, o të iki drejtori o s’ka. Ky është stimulimi i antiligjit dhe antishtetit në mënyrën më kriminale. Dhe për më tepër politikanët i bëjnë ligjet vetë dhe sillen sikur janë mbi ligjin, 30 vjet ky muhabet. Hajde të bëjmë një marrëveshje, hajde ta zgjidhim. Gjithmonë rruga e shkurtër që të nxjerr gjatë, i bien politikanët shkurt i del popullit gjatë”, – nënvizoi Rama.

Kryeministri u shpreh se “nuk mund të vazhdojë kjo histori, këto zgjedhje janë të rëndësishme, jo kush zgjidhet kryetar i bashkisë, por si do të jetë Shqipëria të nesërmen, do të jetë një vend ku kush i bie këmbës dhe kërcëllet dhëmbët fiton, apo një vend kush zbaton rregullat fiton”./atsh

https://www.facebook.com/edirama.al/videos/450463192415332/?t=0

Nuk ka asnjë shans të mos zhvillohen zgjedhjet, vendimi i opozitës vetëvrasje politike spektakolare Read More »