Irina

Reforma në Drejtësi, Calavera: Duam të shohim zbatimin e ligjeve, njerëz që shkojnë në burg

Aktualitet / /

Shefja e misionit të ONM-së në Tiranë, Genoveva Calavera nga Samiti i Poznanit në Poloni tha se Reforma në Drejtësi është në drejtimin e duhur dhe ka sjellë ndryshim dramatik. Sipas saj, me procesin e nisur, vendi do të ketë një gjyqësor të pavarur.

“Ne duam të shohim që ligjet të zbatohen, duam të shohim njerëzit në burg, asetet e krimit të sekuestrohen dhe ne duam të kemi mjaftueshëm fakte/prova, jo vetëm ligje, për të demonstruar që sistemi është i konsoliduar. Vetëm mund të shpresoj që në Shqipëri, kur sistemi po tronditet, të gjithë politikanët ta kuptojnë vlerën e që ka respektimi dhe mbështetja e kësaj reforme”, tha ajo në Samitin e Poznanit në Poloni.

Calavera e vuri theksin se Reforma në Drejtësi po ecën në drejtimin e duhur.

“Kjo ka për të qenë thelbësore: të keni një shtet ligjor funksional, të keni një sistem gjyqësor të pavarur. Nuk është më një çështje e negociueshme. Jam shumë e lumtur që për shkak të popullit shqiptar dhe jo për shkak të politikanëve, për shkak të qytetarëve, ky ndryshim dramatik ka nisur në Shqipëri. Sepse kjo do të thotë që me këtë proces, që unë besoj se po shkon në drejtimin e duhur, ne do të kemi një gjyqësor të pavarur”, theksoi ajo.

“Çdo vend duhet të gjejë mënyrën për të reformuar gjyqësorin. Nuk është e thënë që të jetë kaq dramatike sa e Shqipërisë, sepse problematika nuk është e njëjtë për çdo vend, por ju duhet të gjeni një mënyrë për të bërë reformën”, u shpreh Calavera në Samitin e Poznanit, ku marrin pjesë ministrat e Jashtëm të shteteve të Ballkanit Perëndimor, si dhe ministrat e shteteve anëtare të BE-së mbështetëse të Procesit të Berlinit. /atsh

Reforma në Drejtësi, Calavera: Duam të shohim zbatimin e ligjeve, njerëz që shkojnë në burg Read More »

Drejtësi e barabartë për të gjithë, Braçe: Uroni SHBA-të për këtë mundësi

Aktualitet, Politike / /

“Prej tre vitesh, SHBA dhe ne, po çojmë përpara një superpërpjekje për të ndërtuar këtu, një sistem drejtësie që më në fund bën cilindo të barabartë para ligjit”, deklaroi sot zv/kryeministri Erion Braçe.

Ne jemi një vend i vogël, tha Braçe, dhe shpesh marrim vëmendje për shkak të problemeve që shkaktojmë, por edhe përpjekjeve të mundimshme për të ndryshuar, për të qenë të bashkuar në liri e shtet, për të qenë të barabartë në mundësi e drejtësi. Patjetër, shtoi ai, që ne bëhemi të zëshëm edhe kur urojmë.

“SHBA-të marrin sot urime edhe nga ne. Ditët e Lindjes shquhen prej urimeve. Por Ditët e Lindjes vlejnë si mundësi, patjetër për atë që i mbart, por në rastin e SHBA-ve vlejnë edhe për ne që përpiqemi duke parë e marrë modelin. Flamuri Amerikan ngulet kudo e mbahet në duar nga cilido. Po parimet që kanë bërë SHBA-të? E kemi të lehtë të urojmë e pastaj të mbajmë flamurin në dorë edhe pse kundër parimeve e vlerave të SHBA-ve”, vijoi ai.

Braçe tha se “SHBA vlerën më të madhe kanë drejtësinë e barabartë”. “Drejtësinë para së cilës janë të gjithë të barabartë; drejtësinë që rrëzon dekretin e Presidentit ashtu siç i jep pafajësi qytetarit më të zakonshëm në atë vend, pa u ndikuar politikisht, pa u blerë e pa e shitur vendimin e fundit!

Kurrë në 100 vitet e fundit, sipas Braçes, “nuk kemi qenë të barabartë”.

“Herë prej regjimeve, pas 1990-tës prej pushtetit politik-fuqisë së tij, pushtetit ekzekutiv-vendimmarrjes së tij edhe për drejtësinë, pushtetit te parasë-magjisë blerëse të saj, korrupsionit ndër gjyqtarë e prokurorë-fuqisë çnderuese të tij. Pabarazia na ka ndarë në të lehtë të ndëshkueshëm dhe në VIP-a të pandëshkueshëm! Kjo është pabarazia më e neveritshme që kemi, e padrejtë dhe poshtëruese! Duhet të shkojmë përpara tani! Duhet të marrim mundësinë që SHBA e BE na kanë dhënë tani, ta përdorim kundër pabarazisë. Drejtësi e barabartë për të gjithë, uroni SHBA-të për këtë mundësi”, tha ai./atsh

Drejtësi e barabartë për të gjithë, Braçe: Uroni SHBA-të për këtë mundësi Read More »

Thaçi: Shqiptarët të lidhur emocionalisht me Amerikën

Aktualitet, Politike / /

Presidenti i Kosovës, Hashim Thaçi, uroi për përvjetorin e 243-të të pavarësisë së Shteteve të Bashkuara të Amerikës.

Thaçi tha se çdo 4 Korrik, Kosova dhe shqiptarët emocionalisht janë bashkë me Amerikën, vend dhe popull ky që kontribuoi shumë që të jemi të lirë dhe të pavarur.

“Ky përvjetor është ndër më të veçantit për Republikën e Kosovës, meqë përurojmë objektin e ri të Ambasadës së SHBA-së në Prishtinë, e cila është përjetësim i angazhimit amerikan në vendin tonë. Edhe pas shumë shekujsh, SHBA-ja mbetet udhërrëfyes i paqes dhe demokracisë në botë”, tha Thaçi./Kosovapress/

Thaçi: Shqiptarët të lidhur emocionalisht me Amerikën Read More »

Rama feston 55 vjetorin e lindjes: Rëndësi ka jeta në vitet e tua

Aktualitet / /

Kryeministri Edi Rama në 55 vjetorin e lindjes falënderoi qytetarët shqiptarë që i kanë shprehur urimet për ditëlindjen e tij, ndërsa përcjell mesazhin e Presidentit amerikan Lincoln ‘Rëndësi ka jeta në vitet e tua’.

Rama e ka shoqëruar falënderimin për mesazhet e urimit duke publikuar edhe një fotografi të tijën në vitet e rinisë dhe një të ditëve të sotme.

“Faleminderit pafund dhe ndjesë për pamundësinë që t’u përgjigjem një për një, urimeve tuaja të pafundme për 55 vitet e mia”, shprehet Kryeministri Rama.

Kreu i qeverisë thekson se “tek e fundit s’kanë rëndësi vitet e jetës tënde. Ka rëndësi jeta në vitet e tua”, thoshte Presidenti Lincoln”.

Ditën e sotme, kryeministri Rama e nisi ditën me një urim për 243 vjetorin e Pavarësisë së Shteteve të Bashkuara të Amerikës. Por ndjekësit në këtë postim i kanë shkruar mesazhe urimi për ditëlindjen e tij./atsh

Rama feston 55 vjetorin e lindjes: Rëndësi ka jeta në vitet e tua Read More »

Rijetëzimi i qendrës historike të Vlorës, pol i rëndësishëm turistik

Aktualitet, Art-Kulture, Turizem / /

Qendra Historike e Vlorës po rijetëzohet duke u shndërruar në një vlerë tjetër të shtuar për turizëm dhe në një destinacion atraktivë dhe tërheqës kulturor.

Ky projekt ka bërë bashkë qeverinë shqiptare Ministria e Kulturës,Fondacionin Shqiptaro – Amerikan për Zhvillim The_AADF, Bashkinë Vlorë dhe Fondin Shqiptar të Zhvillimit.

Sheshi para bashkisë po shtrohet me pllaka guri, ndërsa në rrugën “Justin Godart” rikonstruksioni i infrastrukturës nëntokësore është drejt përfundimit.

Hapi i radhës është shtrimi i trupit dhe trotuarëve me pllaka guri. “Justin Godart” do të jetë e dedikuar për këmbësorët dhe e pajisur me ndriçim, gjelbërim dhe mobilim urban.

Ndërkohë paralelisht është punuar për restaurimin e godinave historike në zonën B, unifikimin e fasadave për të nxjerrë në pah historinë dhe bukurinë e tyre.

Trashëgimia kulturore dhe historike është një aset i rëndësishëm i qyteteve me ndikim në zhvillimin ekonomik të tyre. Nga ana tjetër, rijetëzimi i vlerave kulturore dhe historike nxit rigjallërimin e traditave dhe promovimin e vlerave kombëtare.

Rruga Justin Godard ka qenë rruga kryesore e qytetit në periudhën e Rilindjes së Pavarësisë Kombëtare. Cepi perëndimor i saj të nxjerr tek Sheshi i Flamurit, kurse ana lindore në Lagjen Partizani në drejtim të Babicës ku ka shumë foto të hyrjes së luftëtarëve më 1920. Shtëpitë janë me dy kate, me ballkone të vegjël të stilit neoklasik.

Degëzimet e rrugëve sekondare të çojnë tek ish-pazari, “lagjja e hebrenjëve”, klubi “Laberia” dhe ish-Sinagoga. Në fund, nga ana lindore ka qënë dhe xhamia e Tabakëve, më e madhja e qytetit. Rruga ka patur disa ndërtesa shoqërore në shekullin e XIX, si një sahat (kullë) dhe Posta e qytetit.

Kompleksi e ka marrë emrin nga juristi i njohur francez Justin Godard, i cili ka mbrojtur të drejtat e Shqipërisë në Konferencën e Paqes në Paris, më 1919. Godard ka qenë mik i shqiptarëve dhe ka ndihmuar dhe me fonde ekspeditën e arkeologut Leon Rey në Apolloni./atsh

Rijetëzimi i qendrës historike të Vlorës, pol i rëndësishëm turistik Read More »

Vlorë – Rritet me rreth 35% numri i vizitorëve në monumente dhe parqe arkeologjike

Aktualitet, Art-Kulture, Turizem / /

Monumentet e kulturës dhe parqet arkeologjike në Vlorë kanë zgjuar interesin e turistëve të huaj dhe vendas gjatë sezonit turistik të këtij viti.

Në raport me vitet paraardhëse dhe kryesisht me vitin 2018 shihet qartë që këto monumente dhe parqe arkeologjike që administrohen nga Drejtoria Rajonale e Kulturës Kombëtare Vlorë, kanë patur një numër më të madh vizitorësh.

Sipas DRKK Vlorë, është rritur me rreth 35% numri i vizitorëve për periudhën janar – qershor 2018/2019.

Vizitorët kanë shfaqur interes për 8 objektet e vizitueshme me biletë nën juridiksionin e Drejtorisë Rajonale të Kulturës Kombëtare Vlorë si Kalaja e Porto Palermos, Kalaja e Kaninës, Kalaja e Himarës, Kisha e manastirit të Shën Kollit Mesopotam, Manastiri i 40 shenjtorëve , Parku Amantia, Parku i Orikut dhe i Finiqit.

Vlora është e vendosur në një pozicion mjaft të përshtatshëm në qendër të gjirit me të njëjtin emër. Një numër i madh sitesh arkeologjike dhe monumentesh përfaqësojnë periudhat e ndryshme të historisë së Vlorës. Qyteti bregdetar përmendet pothuajse në të gjithë itineraret e kohës perandorake romake, si dhe një skenë e përshtatshme për ata që vinin nga Hydrunti (Otranto) apo Brindisi, por në radhë të parë si stacion në rrugën nga Apolonia për në Butrint, ku sipas burimeve historike në antikitetin e vonë u kthye në qendër peshkopale dhe njëkohësisht ishte një nga tetë qendrat më të rëndësishme të provincës së Epirit të Ri.

Trashëgimia kulturore e historia e jashtëzakonshme, së bashku me peizazhin e mrekullueshëm të gjirit të Vlorës dhe një sërë monumentesh natyrore përreth tij e kthejnë këtë qytet në një atraksion të pakrahasueshëm turistik./atsh

Vlorë – Rritet me rreth 35% numri i vizitorëve në monumente dhe parqe arkeologjike Read More »

Eurostat: Shqipëria destinacioni i parë i turistëve grekë

Aktualitet, Lajmi i fundit, Turizem / /

Gjatë vitit 2017, shtetasit grekë, vendi i të cilëve është anëtar i Bashkimit Europain, patën si destinacion të parë turistik Shqipërinë, doli nga të dhënat e agjencisë europiane të statistikave, Eurostat, sipas faqes zyrtare të kësaj të fundit, ec.europa.eu.

Sipas Eurostat-it, në raportin me titull ”A është vendi juaj popullor për turistët”, raport që i referohet të dhënave të vitit 2017, Shqipëria rezulton destinacioni kryesor i turistëve grekë me 2,1% të netëve të shpenzuara.

Ndërkohë, vendi i dytë i destinacionit të tyre ishte Gjermania me 1% dhe më pas, Shtetet e Bashkuara të Amerikës me 1%.

Ardhja e turistëve grekë në Shqipëri lidhet me faktin se në këtë vend anëtar të BE-së jetojnë rreth 40% e emigrantëve shqiptarë.

Por, grekët që vijnë me pushime në Shqipëri shpenzojnë shumë pak, rreth 27 euro në ditë, ndërkohë që rrinë rreth 11 netë./atsh

Eurostat: Shqipëria destinacioni i parë i turistëve grekë Read More »

Eksportet në Shqipëri, potencial zhvillimi ekonomik dhe prezantim në tregjet ndërkombëtare

Aktualitet / /

Ministrja e Ekonomisë dhe Financave, Anila Denaj, zhvilloi një vizitë në mjediset e një kompanie, prodhimet e së cilës gjenden sot në shumë tregje europiane.

Gjatë vizitës, ministrja Denaj theksoi se “eksportet në Shqipëri përbëjnë një potencial shumë të madh zhvillimi ekonomik, rritje punësimi, por edhe prezantim shumë i mirë i Shqipërisë në tregjet ndërkombëtare. Mbështetja ndaj sipërmarrësve shqiptarë për t’i bërë produktet shqiptare gjerësisht të njohura, por dhe për të nxitur investimet e reja në funksion të rritjes së konkurrueshmërisë në produkte do të jetë në fokus të qeverisë shqiptare”.

Sipas saj, eksportet në zërin e ushqimeve dhe pijeve u rriten me 17.8% gjatë 4-mujorit të parë të vitit 2019, krahasuar me një vit më parë.

“Ky ritëm rritje është i qëndrueshëm nga një vit në tjetrin dhe i atribuohet gjithashtu përmirësimit të kushteve dhe rritjes së cilësisë së prodhimit nga bizneset shqiptare, duke i bërë ato konkurruese në tregjet europiane dhe ato ndërkombëtare”, tha Denaj./atsh

Eksportet në Shqipëri, potencial zhvillimi ekonomik dhe prezantim në tregjet ndërkombëtare Read More »