Irina

Trashëgimia natyrore dhe kulturore e Shqipërisë përmes fotove në Muzeun Historik Kombëtar

Aktualitet, Art-Kulture / /

Trashëgimia natyrore dhe kulturore e Shqipërisë vjen për publikun kryeqytetas përmes ekspozitës fotografike “Trashëgimia natyrore dhe kulturore e Shqipërisë” në Muzeun Historik Kombëtar.

Ky projekt nga qendra DMO ALBANIA në bashkëpunim me ministrinë e Kulturës dhe bashkinë e Tiranës synon të promovojë Shqipërinë, dhe të edukojë rininë me artin e bukur të fotografisë.

Fotografitë e pasqyruara në këtë ekspozitë janë rreth 100 foto të përzgjedhura të konkursit fotografik të hapur për 3 muaj rresht gjatë periudhës maj-qershor 2019.

Ky aktivitet përveç faktit që ndihmon në promovimin e vendit tonë, gjithashtu inkurajon dhe motivon të rinjtë që ta duan vendin e tyre dhe mbi të gjitha, ta promovojnë atë. Ndër vite ky ka qenë dhe është edhe qëllimi kryesor i Muzeut Historik Kombëtar të promovojë vlerat historike dhe kulturore të Shqipërisë.

Andi Seferi, nënkryetari i bashkisë së Tiranës, përshëndeti hapjen e këtij festivali fotografik.

“Jam i gëzuar për këtë pjesëmarrje masive dhe për rritjen e cilësisë së fotove gjatë këtyre dy sezoneve. Kjo bën të mundur promovimin e Tiranës dhe Shqipërisë në mënyrë akoma më dinjitoze dhe profesionale”, tha Seferi.

Dr. Dorian Koçi, drejtor i Muzeut Historik Kombëtar, tha se ështe kënaqësi e veçantë që për herë të dytë mbahet ky aktivitet në ambientet e Muzeut Historik Kombëtar. Të fotografosh domethënë të ngrish një moment, një çast në këtë realitet ku ne jetojmë.

Ekspozita fotografike “Trashëgimia natyrore dhe kulturore e Shqipërisë” do qëndroj e hapur për publikun në ambientet e Muzeut Historik Kombëtar deri më 15 tetor./atsh

Trashëgimia natyrore dhe kulturore e Shqipërisë përmes fotove në Muzeun Historik Kombëtar Read More »

Çmimi Nobel për mbrojtësin e Millosheviçit, Basha: Tronditëse, ditë e trishtë për vlerat tona

Aktualitet, Opinione / /

Kryetarit i Partisë Demokratike Lulzim Basha ka reaguar sot në lidhje dhënien e Çmimit Nobel në letërsi për Peter Handke duke e konsideruar si tronditëse dhe si një ditë të trishtë për vlerat tona.

Basha shprehet se “20 vjet më parë shërbeva si pjesë e ekipit të Tribunalit Ndërkombëtar për Krimet e Luftës në ish Jugosllavi, që ngriti aktakuzën kundër Milosheviçit për krime lufte dhe gjenocid”.

“Të shohësh çmimin Nobel të shkojë për dikë që mbronte dhe justifikonte autorin e tmerreve më të mëdha në Europë pas Holokaustit, është tronditëse dhe revoltuese. Ditë e trishtë për vlerat tona”, thekson ai./atsh

Çmimi Nobel për mbrojtësin e Millosheviçit, Basha: Tronditëse, ditë e trishtë për vlerat tona Read More »

Nobeli në letërsi për Peter Handke/ Akademia e Shkencave: Akt i rëndë i dhunimit të vlerave njerëzore

Aktualitet, Art-Kulture, Lajmi i fundit / /

Akademia e Shkencave e Shqipërisë u njoh me shqetësim e zhgënjim të thellë me vendimin e jurisë së çmimit Nobel në letërsi, i cili për këtë vit iu rezervua shkrimtarit Peter Handke.

Duke qenë prej shumë vitesh propozuese ngulmuese e kandidaturës së shkrimtarit shqiptar me reputacion të gjithëvlerësuar botëror Ismail Kadare, Akademia e Shkencave e Shqipërisë u është shmangur interpretimeve të kësaj jurie.

Por laureimi i sivjetmë, që me të drejtë ka krijuar një gjendje shqetësimi gjerësisht në Europë e në botë, ku dhe Akademia e Shkencave ka reaguar për këtë laurim.

“Këtë vit ne jemi të detyruar të shprehim qëndrimin tonë, sepse kandidati i laureuar e implikon rëndë këtë parimësi, duke e paraqitur jurinë e këtij çmimi dinjitoz në standarde të dyfishta dhe shpërfillëse ndaj dukurive më të refuzuara europiane, si hate speech, përkrahja e krimeve kolektive, mbështetja publike e urrejtjes kombëtare, gjuhësore, fetare, racore, gjinore e kulturore, me shkelje të dukshme të Kodit të Etikës. E njëjta Akademi që akordon vit për vit çmimin Nobel të Paqes nuk mund t’i lejojë vetes të inkurajojë me Nobelin e Letërsisë urrejtjen dhe konfliktin”, deklaron Akademia e Shkencave.

Në reagimin e Akademisë së Shkencave thuhet se, ”ne nuk gjykojmë vlerën e veprës letrare të fituesit të Nobelit të sivjetëm. Ne na dëshpëron braktisja e parimësisë në gjykim nga juria e këtij çmimi, duke mbyllur sytë para inkurajimit të hapur që ai i ofroi makinerisë së urrejtjes etnike ndaj shqiptarëve të frymëzuar prej një njeriu të dënuar për krime të rënda kundër Njerëzimit nga Gjykata Ndërkombëtare e Hagës”.

“Pyetja jonë është: A mund të besohet më kjo “parimësi”? Prej kohësh janë paraqitur dyshime për moralin e Nobelit në Letërsi. Ka ndodhur që juria e këtij çmimi të lartë ka konsideruar edhe opinionet; ka ndodhur edhe e kundërta, që, në emër të idealeve, ideologjive, qendrimeve vetjake politike, të bëhet para-përzgjedhje, duke përjashtuar edhe kryemjeshtër të artit të fjalës. Siç ka ndodhur që talente të jashtëzakonshëm në letërsi të rezultojnë, shumë kohë pas shpalljes fitues, që kanë pasur implikime okulte në jetën shoqërore”, vijon reagimi i i Akademisë së Shkencave.

“Por nuk ka ndodhur ndonjëherë që frymëzuesit e ideologjisë primitive të urrejtjes dhe armiqësisë etnike të laureohen duke ua amnistuar përgjegjësitë e tyre të mirënjohura si famëkeqe prej kohësh botërisht”, shkruhet në reagim.

Sa më sipër, Akademia e Shkencave e Republikës së Shqipërisë paraqet mospajtimin dhe indinjatën e saj, pasi në vlerësimin tonë ky është një akt i rëndë i dhunimit të vlerave njerëzore. /atsh

Nobeli në letërsi për Peter Handke/ Akademia e Shkencave: Akt i rëndë i dhunimit të vlerave njerëzore Read More »

Kanceri i gjirit/ Soreca i bashkohet fushatës së MSH-së: Fuqia e një zëri mund të ndryshojë jetën

Aktualitet, Shendetesi / /

“Fuqia e një zëri mund të ndryshojë jetën”, kështu u shpreh Ambasadori i Bashkimit Europian në Shqipëri, Luigi Soreca me mesazhin e tij, duke ju bashkuar fushatës së Ministrisë së Shëndetësisë dhe Mbrojtjes Sociale për luftën kundër kancerit të gjirit.

“Lufta kundër kancerit të gjirit mund të fitohet. Zbulimi i hershëm, teknologjitë e reja dhe trajtime më të mira janë në dispozicion të grave për t’i mbështetur në këtë luftë”, është shprehur Soreca.

Duke ftuar të mbijetuarat nga kanceri i gjirit për t’u angazhuar në këtë kauzë, Ambasadori tha se “kam një mesazh të veçantë për të mbijetuarat nga kanceri i gjirit. Ndajeni historinë tuaj. Historia juaj mund të rrisë ndërgjegjësimin te njerëzit që ju rrethojnë. Fuqia e një zëri mund të ndryshojë jetën. Angazhimi juaj është ai që do të bëjë ndryshimin.Parandalimi kancerit të gjirit mund të shpëtojë jetë. Bashkimi Europian do të vazhdojë të rrisë ndërgjegjësimin derisa askujt të mos i duht ta kalojë sërish këtë sëmundje të tmerrshme”.

Tetori është muaji i luftës kundër kancerit të gjirit dhe Ministria e Shëndetësisë dhe Mbrojtjes Sociale ka filluar një fushatë sensibilizimi për të gjitha gratë dhe vajzat për të kryer kontrollin periodik të gjirit. 19 % më shumë gra kanë kryer kontrollin e gjirit në 9 mujorin e 2019, krahasuar me 9 mujorin e 2018.

5531 gra kanë përfituar kontrollin e gjirit nga mamografët e lëvizshëm në periudhën prill 2018 – shtator 2019./atsh

Kanceri i gjirit/ Soreca i bashkohet fushatës së MSH-së: Fuqia e një zëri mund të ndryshojë jetën Read More »

Blushi: Presidenti, zero shkelje të Kushtetutës

Aktualitet, Opinione, Politike / /

Zëdhënësi i Presidentit të Republikës, Tedi Blushi reagoi sot pas mbledhjes së Komisionit të Venecias.

Duke kundërshtuar deklaratat e kreut të grupit parlamentar të Partisë Socialiste, Taulant Balla, Blushi u shpreh se “çështja është e qartë si kristali: Zero shkelje të Kushtetutës”.

Tani të gjithë të bashkuar të mbështesim kuqezinjtë në sfidën e mbrëmjes”, theksoi ai./atsh

Blushi: Presidenti, zero shkelje të Kushtetutës Read More »

”Nënat e Srebrenicës” kërkojnë tërheqjen e Nobelit për Handke

Aktualitet, Lajmi i fundit / /

Shoqata e njohur boshnjake ”Nënat e Srebrenicës” dënuan ashpër vendimin për dhënien e çmimit Nobel për Letërsinë për shkrimtarin austriak, Peter Handke i akuzuar se ka mbështetur krimet e Slobodan Milosheviçit, Radovan Karaxhiçit dhe Ratko Mladiçit.

Ato shtuan se do të kërkojnë zyrtarisht tërheqjen e këtij çmimi.

“Në emër të ‘Nënave të Srebrenicës’ do t’i dërgojmë një letër zyrtare komitetit të Nobelit për tërheqjen e çmimit për Peter Handke”, tha Munira Subashiç, presidente e shoqatës.

”Një njeri që ka mbrojtur kasaphanën e luftërave ballkanike nuk mund të marrë një mirënjohje të tillë”, theksoi ajo.

Handke është një filo serb dhe është akuzuar nga boshnjakët për mohim të krimeve të kryera nga serbët gjatë luftërave të viteve ’90 në ish-Jugosllavi.

Kritika të ashpra për austriakun u bënë edhe nga anëtari boshnjak i presidencës së vendit Shefik Xhaferoviç.

”Kjo është skandaloze dhe e turpshme”, deklaroi ai./atsh

”Nënat e Srebrenicës” kërkojnë tërheqjen e Nobelit për Handke Read More »

“Tetori i Librit” te “Hasan Pulo”

Aktualitet, Arsim, Te fundit nga zona / /

“TETORI I LIBRIT” TE ” HASAN PULO”

Një organizim mbreslënës i DRKK Vlorë, në Shkollën “Hasan Pulo” të Orikumit, në kuadër të nismës së Ministrisë së Kulturës nën okeljon ” Tetori i librit”.
Në bashkëpunim me Bibliotekën ” Shevqet Musaraj” të Vlorës dhe si një kontribut i saj, bibliotekës së shkollës së mesme ju dhuruan një numër librash të autorëve të ndryshëm shqiptarë dhe të huaj.

Në këtë kuadër pata kënaqësinë që përmes mësueses së letërsisë Elmie Bozhani, edhe si specialist i Trashëgimisë Kulturore të DRKK Vlorë, ti dhuroj bibliotekës së shkollës botimin tim më të fundit, vëllimin me poezi, ” Pikoj këngë” .
Ta dhuroj në një shkollë të njësisë Administrative që ka në juridiksion edhe Dukatin e Tragjasin që jo vetëm pikojnë por burojnë këngë e trashëgimi.
Një falenderim për bashkëpunimin shkon për drejtorinë e shkolës, stafin dhe veçanërisht drejtorit të saj, Andon Meçe.
Rrugëtimi i DRKK- Vlorë vazhdon në shkolla e mjedise të ndryshme sociale në përmbushje të programit të institucionit e në zbatim të nismës së MK./Sejmen Gjokoli

“Tetori i Librit” te “Hasan Pulo” Read More »

Si u mbrojt Princesha Rugjine ne Kalane e Gjon Bocarit me 300 luftetaret e saj!

Art-Kulture, Histori, Te fundit nga zona / /

Rugjina ka qene princesha ose sundimtarja e Vilajetit te Kanines. Ajo ishte bije shqiptare nga dera e Balshajve te Shqiperise se Veriut, nga ku mesojme se ne vitin 1372 Vloren dhe Kaninen i zoteronte princi shqiptar Balsha Balshi; njeri nga tre vellezerit e deres se Balshajve. Dokumentat thone se Vloren dhe Kaninen ja kish sjelle si “Paje” bashkeshortja Komnena, e cila ishte vajza e Dhespot Janit te Beratit. Balsha Balshi me 18 Shtator 1385 u vra ne nje perpjekje kunder nje grupi kaloresish turq ne fushen e Frakulles.

Pas kesaj ngjarje Komnena mbeti grua e ve’ dhe per te mbrojtur Kaninen nga kercenimi turk u fut ne bisedime me Venedikun, me ndihmen e te cilit (Republikes se Shen Markut, Venedik) ajo mundi te mbronte ne vitet 1389-1390 vetem nje pjese te dominioneve te saj, si Sazanin, Kullen e Pirgos, Keneten e Solit dhe kishen e Lacenjve afer grykes se Semanit.

Ne kete periudhe Komnena jetonte ne Kalane e Kanines bashku me te bijen Rugjinen, te cilat kishin ne dispozicion nje fuqi te armatosur prej rreth 300-vetash; numer i pamjaftueshem per t’i bere balle ushtrive te shumta turke. Me 1391 Rugjina u martua me Mrksha Zarkovicin, djalin e kreut te Krahines se Zetes ne Mal te Zi (Zharko Mrkshicit), qe ishte fis me mbretin dhe princa serbe si dhe me Perandoreshen e Bizantit.

Pershkrimi thote se burri i Rugjines ishte i pamshem, trim por shume llafazan e mburravec. Pas martese Rugjina me Mrkshan u kthyen te jetonin ne Kanine per te administruar vilajetin e saj Kaninen se bashku me te emen Komnenen, qe ishin te dyja trime e burrnesha. Por me 1396 ajo (Komnena) vdiq dhe u varros ne kishen e Shen Merise e pas saj me 1414 vdiq edhe Mrksha Zarkovici (thuhet se ka vdekur ne Itali). E mbetur keshtu vetem, pricesha Rugjine kerkoi disa here ndihme nga Venediku, por vec se me premtime ajo asnjehere nuk u ndihmua, pasi Rep. e Venedikut ne kete kohe nuk donte t’i prishte marrdheniet me Turqine, qe donte te shtrinte influencen e vet ne kete zone. Ne keto kushte te renda, e deshperuar Rugjina u detyrua te mbyllet ne Kalane e Kanines.

Me 17 Qershor 1417 ushtria turke nen komanden e Hamza bej Evremozit hyri ne lufte dhe pushtoi Vloren e Kaninen. Ne keto rrethana Rugjina doli naten nga kalaja dhe se bashku me sekretarin e saj Nikolla Zhorka mori rrugen nga Shashica, zbriti ne buze te detit e duke kaluar neper Radhime zuri kalane e Gjon Bocarit. Pasi ajo mblodhi rreth 300-luftetare nga krahina jone u mundua te organizonte rezistencen kunder turqeve ne kete kala dhe ne Shkalla ne Radhime. Meqenese kalaja ne fjale ne rastin konkret nuk kishte vlera ushtarake dhe se trupat i kishte te pamjaftueshme per t’u bere qendrese turqve ajo hoqi dore nga vazhdimi i luftes. Keshtu ne nje nga ditet ne vazhdim Rugjina e shoqeruar edhe nga trimat e saj u detyrua te kaloje qafen e Llogorase e nepermjet Himares me anije shkoi ne Korfuz

Si u mbrojt Princesha Rugjine ne Kalane e Gjon Bocarit me 300 luftetaret e saj! Read More »