Irina

Studentët nga Vlora sjellin “La patente” të Luigi Pirandello në teatrin “Zihni Sako”

Aktualitet, Art-Kulture / /

Komedia “La patente” e nobelistit Luigi Pirandello, e vënë në skenë nga studentët e grupit amatorial teatral të Vlorës u ngjit në fundjavë në skenën e teatrit “Zihni Sako” në Gjirokastër.

Publiku i pranishëm priti ngrohtësisht shfaqjen teatrale të interpretuar në gjuhën italiane nga trupa amatoriale e studentëve vlonjatë.

Me regji të Neritan Mehmetajt, me skenografi të Drini Shehut, kostumografi Realda Malo dhe muzikë të Aulon Naçit, në komedi interpretuan aktorët e rinj Martina Aliaj Mario Mu]aj, Thoma Ngresi, Loris Sinanaj, Elisa Meçaj, Kristina Zykaj.

Shfaqja u përshëndet edhe nga Kryetari i bashkisë së Gjirokastrës, Flamur Golemi.

“Një shfaqje ndryshe në teatrin “Zihni Sako”. Me ndihmën e aktorëve profesionistë, të rinjtë interpretuan sikur të kishin vite në skenë. Inkurajoj dhe mbështes aktorët tanë të përfshijnë në veprimtarinë artistikë në Gjirokastër edhe studentë të Universitetit “Eqrem Çabej””, tha Golemi.

Protagonistët e “La patente” janë gjykatësja D’Andrea dhe Rosario Chiarchiaro, punonjës në një dyqan pengjesh, i cili për shkak të namit të tij si ters-sjellës, humbi vendin e punës.

Ky njeri, i përbuzur dhe i izoluar nga shoqëria, denoncon dy të rinj të cilët në momentin kur u ka kaluar afër bëjnë gjestin tipik kundër tersit, atë të brirëve, për të larguar tersin.
Gjykatësja D’Andrea duhet të gjykojë një rast mjaft paradoksal: si njeri i ligjit dhe racionale, nuk beson në ekzistencën e tersit dhe në të njëjtin kohë duhet të qëndrojë mbi faktet pa marrë parasysh se Chiarchiaro, për shkak të gojëve të liga të fshatit, jo vetëm humbi vendin e punës, por edhe nuk mund të martojë vajzat dhe se ky nam sjell dëme dhe përbuzje për të gjithë familjen./atsh

Studentët nga Vlora sjellin “La patente” të Luigi Pirandello në teatrin “Zihni Sako” Read More »

Balla: Duhet folur troç, presidenti nuk ka hallin tek afati, por të dërgojë në Kushtetuese bashkëjetuesen e Alibeajt

Aktualitet, Politike / /

“Presidenti i Republikës bën mirë të heqë maskën dhe të dalë të flasë troç, sepse ai nuk ka hallin e afatit”, – deklaroi në Kuvend kryetari i grupit parlamentar të PS, Taulant Balla, ku në seancën e sotme u zgjodhën me 105 vota pro, dy anëtarët e rinj të Gjykatës së re Kushtetuese.

Balla tha se “këtu duhet folur troç, jo me maska. Presidenti i Republikës ka ngulmuar që lista nga KED t’i shkojë me katër vetë sepse ka parë që e katërta e renditur është një person tek i cili ai ka besim. Presidenti i Republikës kërkon të dërgojë në Gjykatën Kushtetuese bashkëjetuesen e Enkelejd Alibeajt.

“Presidenti i Republikës nuk ka hallin e afatit kushtetues e as kriteret. Po u them të gjithë kolegëve deputetë se në aspektin kushtetues është kristal. Ky proces do t’i japë Shqipërisë Gjykatën Kushtetuese funksionale dhe është në nderin e detyrën e secilit prej deputetëve të kësaj sallë ta mbështesë. Ata që duan ta pengojnë reformën në drejtësi e kanë marrë përgjigjen”, theksoi Balla.

Sipas tij, “institucioni bazë për përzgjedhjen e anëtarëve të Gjykatës Kushtetuese nuk është as Presidenti, as Kuvendi, as Gjykata e Lartë, por është vetëm Këshilli i Emërimeve në Drejtësi në të cilin aplikojnë 700 veta dhe të sjell vetëm 3 kandidatura të rankuara. Ka dalë sot që në mëngjes Presidenti dhe thotë që Kuvendi i Shqipërisë ka shkelur afatin dhe është me vonesë”.

“Presidenti i Republikës e ka të përcaktuar qartë që në fund të 30 ditëve institucioni bazë i emërimeve në drejtësi, Këshilli i Emërimeve në Drejtësi thotë: afati yt mbaroi, i pari i rankuar me pikë zgjidhet anëtar i Gjykatës Kushtetuese”, – nënvizoi Balla në Kuvend.

“Thelbi i Reformës në Drejtësi ka qenë heqja dorë nga historia 28-vjeçare që politika zgjedh anëtarët e sistemit të drejtësisë. Për fat të mirë ja kemi hequr këtë të drejtë politikës në Gjykatën e Lartë por kemi lënë parimin check and balance (kontrollo dhe balanco) në përbërjen e Gjykatës Kushtetuese. Tre anëtarë i zgjedh Presidenti, tre i zgjedh Kuvendi, tre i zgjedh Gjykata e Lartë. Po si? Këtë ja kemi lënë Këshillit të Emërimeve në Drejtësi”, theksoi ai. /atsh

Balla: Duhet folur troç, presidenti nuk ka hallin tek afati, por të dërgojë në Kushtetuese bashkëjetuesen e Alibeajt Read More »

“Përtej Kujtimeve”, ekspozita me rastin e 70-vjetorit të marrëdhënieve Shqipëri-Kinë në COD

Aktualitet / /

Në Qendrën për Hapje dhe Dialog, në kryeministri u çel sot ekspozita “Përtej Kujtimeve”, me rastin e 70-vjetorit të marrëdhënieve Shqipëri-Kinë.

“Përtej Kujtimeve” ekspozon një koleksion pullash përkujtimore me tematikë Kinën, të lëshuara nga Posta Shqiptare përgjatë viteve 1968-2009, gjithashtu dhe vepra tradicionale artistike nga qyteti Nanjing, Kinë.

Në aktivitetin e zhvilluar mori pjesë Kryeministri Edi Rama, Ambasadori i Republikës Popullore të Kinës në Shqipëri, Zhou Ding, diplomë e zyrtarë të shumtë të cilët shijuan ekspozitën e rrallë, e cila u hap në kuadër të aktiviteteve që po zhvillohen në Tiranë me rastin e 70-vjetorit të vendosjes së marrëdhënieve mes dy vendeve.

Gjatë fjalës së mbajtur me këtë rast, Rama tha se “kjo ekspozitë është shumë modeste për përmasën e veçantë të një marrëdhënie që daton 70 vjet, është sidoqoftë një moment kremtimi pikërisht këtij 70-vjetori. Një marrëdhënie sa e çuditshme aq edhe e veçantë mes një prej vendeve më të vegjël të Lindjes Europiane dhe më të madhin vend të lindjes së vetë rruzullit tokësor. Ky aktivitet është një moment kthimi vështrimi tek e shkuara nëpërmjet imazhesh që në shumicën e tyre na janë të njohur. Megjithatë, e përsëris që as kjo ekspozitë dhe as të gjitha aktivitetet e organizuara për këtë vit simbolik të marrëdhënies mes Shqipërisë dhe Kinës, nuk mund të përtërijë të gjithë afishën shumëngjyrëshe të kësaj historie”.

Rama tha ndër të tjera se “nga ana tjetër besojmë shumë që Kina është një potencial i pashfrytëzuar në aspektin kulturor dhe në aspektin e të gjithë asaj që sjell bashkë me një kulturë kaq të larmishme, edhe një dije shumë të thelle dhe gjithanshme. E them këtë sepse midis kulturave tona ka pasur dikur një marrëdhënie dashurie, të gjithë e mbajnë mend por sot ka një boshllëk që me vënien në funksion të disa elementëve të dy realiteteve të reja, të mund të sjellë shumë më tepër seç ka sjellë në të shkuarën.

Ambasadori i Kinës në Shqipëri, Zhou Ding u shpreh se “Kina brohoret për çdo përparim që bën Shqipëria dhe gjithmonë dëshiron t’i ofrojë ndihmë asaj. Ndjesia është e ndërsjelltë dhe siç tregohet edhe në 16 pullat e ekspozuara këtu sot me temë “Kinën” të emetuara nga Shqipëria në periudha të ndryshme historike, ne shohim një vend 10 mijë milje larg Kinës që Kinën e ka parë gjithmonë në një këndvështrim mjaft të apasionuar. Këto pulla të vogla janë përqendrim i ndjenjave thella të të dy popujve dhe kam vënë re që shumë vepra arti janë për miqësinë tonë. Artistët folklorikë gjithashtu edhe nxënësit e shkollave të mesme dërgojnë përshëndetjet e tyre nga Kina në Shqipëri nëpërmjet paper-cutting që është arti tipik i punës së dorës. Veprat e artit janë magjike sepse kapërcejnë hapësirat dhe kohën për të na lidhur. Unë shpresoj që lidhja miqësore midis nesh të mos të prishet nga askush dhe asnjë forcë. Shpirti i një vendi, i një populli të tij mund të perceptohet përmes kulturës dhe artit të tij. Si Kina ashtu edhe Shqipëria janë vende që e dashurojnë artin dhe shkëmbimet artistike midis nesh kanë qenë mjaft aktive sepse ne ndajmë vlerat e hapjes dhe gjithëpërfshirjes dhe nuk janë të vetmet vlera që ne ndajmë sepse historia na ka mësuar që të festojmë sidomos kulturën, pavarësinë, dinjitetin tonë”.

Ekspozita do të qëndrojë e hapur deri në datën 29 nëntor./atsh

“Përtej Kujtimeve”, ekspozita me rastin e 70-vjetorit të marrëdhënieve Shqipëri-Kinë në COD Read More »

Ja si do të jetë moti

Aktualitet / /

Shërbimi Meteorologjik Ushtarak bën me dije se moti sot do të jetë i kthjellët në të gjithë territorin falë kushteve të qëndrueshme atmosferike.

Era, do të fryjë me drejtim Juglindje – Verilindje, 1-10m/sek, hera herës me rrahje në bregdet dhe zonat luginore deri në 18m/sek , duke u shoqëruar me një valëzim të forcës 2-4 ballë.

Temperaturat parashikohen:

QYTETET Temperaturat në °C Sigla
Shkodër 9/20 Diell
Kukës 7/13 Diell
Lezhë 8/20 Diell
Dibër 5/14 Diell
Durrës 10/21 Diell
Tiranë 11/22 Diell
Elbasan 9/20 Diell
Berat 819 Diell
Vlorë 10/21 Diell
Korçë 4/16 Diell
Gjirokastër 7/18 Diell
Sarandë 10/20 Diell/atsh

Ja si do të jetë moti Read More »

Zgjedhja e anëtarit të Kushtetueses, Meta thirrje deputetëve: Ditë tepër e rëndësishme

Aktualitet, Politike / /

Presidenti i Republikës, Ilir Meta i është drejtuar sot deputetëve të Kuvendit në lidhje me zgjedhjen e anëtarëve të Gjykatës Kushtetuese.

Presidenti Meta është shprehur se, “sot është një ditë tepër e rëndësishme për të treguar përgjegjshmëri për të ardhmen europiane të Shqipërisë”.

“Ju e dini që krijimi i Gjykatës Kushtetuese është një nga nëntë kushtet kryesore të Bundestagut gjerman për çeljen e negociatave me Bashkimin Europian. Kushtetuta e ka përcaktuar qartë radhën se si kryhen emërimet për anëtarë të Gjykatës Kushtetuese! Presidenti i Republikës e zgjodhi anëtarin e parë të saj menjëherë ! Tani është radha e Kuvendit të zgjedhë anëtarin e dytë, edhe pse me vonesë!”, ka theksuar presidenti Meta.

“Presidenti po e ndjek me vëmendje këtë proces dhe do të shprehet menjëherë brenda 24 orëve për të zgjedhur anëtarin e tretë sapo Kuvendi të ketë shprehur vullnetin e tij”, ka shtuar Meta.

Ndaj, ka nënvizuar ai, “ju lutem, gjeni pesë minuta kohë, lexoni nenin 179, pika 2 dhe 12 të Kushtetutës dhe nenin 86 pika 4/a/c të ligjit për Gjykatën Kushtetuese dhe veproni pa humbur kohë!”

“Sa për marifetet e individëve të verbër partiakë të sistemit të drejtësisë dhe botimet kontrabandë në Fletoren Zyrtare, do t’i zbardhim për ju dhe publikun pak më vonë, bashkë me mbledhjet e pazbardhura të KED!!! Përshëndetje nga Forumi i Paqes në Paris!”, ka përfudnuar Meta.

Kuvendi zhvillon sot seancën plenare ku do të diskutohet për projektvendimin “Për zgjedhjen e anëtarit të Gjykatës Kushtetuese./atsh

Zgjedhja e anëtarit të Kushtetueses, Meta thirrje deputetëve: Ditë tepër e rëndësishme Read More »

5900 pacientë kanë kryer koronarografinë falas nga 1 janari 2019

Shendetesi / /

Falë lehtësimit të procedurave për kryerjen e koronarografisë, 5900 pacientë e kanë kryer atë falas nga 1 janari 2019.

Kryeministri Edi Rama u shpreh sot se ky është një tjetër inovacion që lehtëson qytetarët në marrjen e kujdesit shëndetësor.

“Mirëmëngjes dhe me një tjetër inovacion që lehtëson qytetarët në marrjen e kujdesit shëndetësor, ju uroj një javë të mbarë”, tha Rama.

Me lehtësimin e procedurave për kryerjen e koronarografisë, shmangen sorollatjet e pacientëve. Tashmë rezervimi online bëhet nga mjeku kardiolog.

Ndërsa referimi për angiografinë koronare kryhet direkt nga poliklinikat e specialiteteve në Tiranë.

Për pacientët nga rrethet, referimi kryhet direkt nga spitali rajonal apo bashkiak.

Me 3 qendrat e hemodinamikës dhe sistemin elektronik ulen radhët e pritjes nga 1 në 3 javë./atsh

5900 pacientë kanë kryer koronarografinë falas nga 1 janari 2019 Read More »

Historia frymëzuese e tre gjimnazisteve shqiptare – Fituan çmimin e parë në garën ndërkombëtare të tekonologjisë

Aktualitet, Arsim, Lajmi i fundit / /

“Njerëz të Padukshëm” solli sot historinë frymëzuese të tre vajzave gjimnaziste që me aplikacionin e tyre GjejZâ, që u vjen në ndihmë grave dhe vajzave të dhunuara, përfaqësuan Shqipërinë në konkursin Technovation Challenge në Silicon Valley, San Francisco ku u u shpallën edhe fituese.

Dea Rrozhani, Jonada Shukarasi dhe Arla Hoxha, pjesë e grupit ” D3c0ders” krijuan GjejZâ, një aplikacion që ndihmon gratë shqiptare me qasje në burimet e nevojshme për t’i ndihmuar ato të kapërcejnë pasojat e dhunës me bazë gjinore.

“Në divizionin tonë ishin 6 skuadra nga 173 që ishin në gjysmë finale dhe për ne ishte diçka e madhe të ishim atje dhe sidomos për Shqipërinë, e cila ka katër vjet që merr pjesë në Technovation Challenge dhe kjo ishte hera e parë që një skuadër kalonte në finale”, shprehet Dea Rrozhani.

Jonada Shukarasi tregon se “kur tha emrin decorders që ne kishim fituar çmimin e parë nuk na besohej dhe pastaj pamë njëra tjetrën dhe filluam të qanim”.

“Shumë e madhe, por që vjen edhe me shumë përgjegjësi se në fund të fundit ne nuk përfaqësonim vetëm veten, projektin tonë , por jemi duke përfaqësuar një vend. Duke parë lajmet dhe sesa prezent ishte problemi i dhunës me bazë gjinore, zgjodhëm që gjithë këtë kohë, që ne harxhojmë para kompjuterit, në celularët tanë ta kanalizonim në diçka që është në të mirë të komunitetit dhe ndërtuam GjejZâ”, thekson Rrozhani.

Sipas saj, ky është i pari aplikacion i llojit në Shqipëri, ai ndërthur organizata joqeveritare shërbimet që ofron qeveria dhe specialistët, të gjithë në një aplikacion, vetëm një prekje larg.

“Ka mbi 30 organizata joqeveritare në Shqipëri që ofrojnë shërbime per gra në situata të tilla si dhe 31 koordinatorë bashkie. Por arsyeja pse gratë nuk i përdorin këto shërbime që u ofrohen sepse u mungon informimi”, shprehet Jonada duke shtuar se GjejZâ e ka një domethënie gjej zë, gjej zërin tënd.

Së shpejti, shton ajo, GjejZâ do të jetë i disponueshëm në google playstore dhe në apple appstore.

“Sidomos ne në këtë moshë në adoleshencë kemi një perspektivë shumë të ndryshme të problemeve të sotme nga çfarë kanë të rriturit , ndaj është shumë e rëndësishme që ne të angazhohemi për ti zgjidhur problemet që shohim në komunitet”, thotë Dea.

Jonada sqaron se “nuk është kurrë herët për të filluar , madje pavarësisht se ne jemi shumë të vogla , pjesa më e madhe e problemeve me të cilat përballet shoqëria janë shumë të prekshme dhe shumë të afërt për ne prandaj nuk mund të qëndrojmë indiferent”.

D3C0ders janë një ekip i dedikuar për nxitjen e ndryshimeve pozitive sociale përmes zhvillimit teknologjik dhe programimit. Përmes seminareve të zhvillimit të aftësive, burimeve të bollshme dhe stafit të angazhuar të siguruar nga Këndi Amerikan në Tiranë, D3C0ders ishin në gjendje të vinin dijet e tyre së bashku dhe të hynin në Sfidën Technovation të këtij viti./atsh

Historia frymëzuese e tre gjimnazisteve shqiptare – Fituan çmimin e parë në garën ndërkombëtare të tekonologjisë Read More »

Kushtetuesja/ Hajdari: Opozita kërkon gjuhë të përbashkët, Ruçi: Të mblidhet Këshilli i Legjislacionit

Opinione, Politike / /

“Opozita kërkon të gjejë një gjuhë të përbashkët por nga ana tjetër, ne nuk mund të thyejmë rregulloren dhe ligjin e Gjykatës Kushtetuese dhe procedurën që duhet të ndiqet nga Kuvendi i Shqipërisë”, tha kryetarja e grupit parlamentar të opozitës Rudina Hajdari.

Hajdari sugjeroi se të gjitha palët qoftë dhe presidenti të jenë sa më të qetë në këtë proces. “Të tregojmë vullnetin e duhur që të gjejmë një gjuhë të përbashkët për ngritjen e Gjykatës Kushtetuese”, tha ajo.

Nga ana e tij, kryetari i Kuvendit Gramoz Ruçi u shpreh se në lidhje me qëndrimin e drejtë të deputetes Hajdari, ka kërkuar që të thirret Këshilli i Legjislacionit për të dhënë mendim mbi kushtetutshmërinë dhe procedurat e votimit.

“Në Kuvend nuk mund të diskutohet rreth kandidaturave, kandidaturat janë diskutuar kur ato kanë aplikuar sipas ligjit, janë diskutuar kur ato janë dëgjuar dhe seleksionuar nga Komisioni i Ligjeve, kur kanë aplikuar, janë diskutuar nga organi i emërtesës që në rastin konkret është KED. Kështu, Kuvendi nuk ka kompetenca të diskutojë rreth profesionalizmit të performancës së kandidatëve, Kuvendi ka eksluzivitetin të votojë. Ajo që do të diskutojmë në Këshillin e Legjislacionit është kushtetutshmëria dhe procedura e votimit, gjë të cilën do e diskutoni atje. Prandaj, Këshilli i Legjislacionit të gjejë kohë që gjatë seancës të mblidhet dhe ta shqyrtojë kërkesën që kamë bërë”, sqaroi Ruçi. /atsh

Kushtetuesja/ Hajdari: Opozita kërkon gjuhë të përbashkët, Ruçi: Të mblidhet Këshilli i Legjislacionit Read More »