Irina

Rezultatet në “PISA 2018”/ Shqiptarët i japin vlerë shkollës më shumë se vendet e rajonit

Aktualitet, Arsim / /

Sipas përfundimeve që demonstroi Programi i Vlerësimit Ndërkombëtar të Nxënësve “PISA 2018”, 87% e nxënësve shqiptarë “ndjejnë se i përkasin shkollës” – shifër kjo krahasimisht më e lartë se vendet e tjera të rajonit.

Ministrisë së Arsimit, Sportit dhe Rinisë (MASR) ka publikuar disa të dhëna sipas gjetjeve të “PISA 2018” ku thuhet se 65% e nxënësve në Shqipëri presin të përfundojnë një diplomë shkencore, ndërkohë që 75% e nxënësve që janë ekselentë të paktën në një fushë të “PISA”, aspirojnë të përfundojnë “Master Shkencor” ose “Doktoraturë”.

MASR nënvizon gjithashtu se nxënësit me ndjenjë të lartë përkatësie ndaj shkollës janë mbi 1 vit shkollor më të avancuar sesa nxënësit me ndjenjë më të ulët përkatësie.

“Nga mënyra se si vlerësohet nxënësi në këtë lloj testimi përmes pikëve (60 pikë=2 vite shkollore), rezulton se nxënësit me ndjenjë më të lartë përkatësie ndaj shkollës, në lexim, matematikë dhe shkencë kanë marrë mbi 30 pikë më shumë sesa nxënësit që ndjenjën e përkatësisë ndaj shkollës e kanë më të ulët”, thekson MASR.

“Kjo do të thotë se në aplikimin e njohurive të marra, ata nxënës që “shkojnë me qejf” në shkollë janë mbi 1 vit shkollor më përpara. Fatmirësisht, 87% e nxënësve shqiptarë ndjejnë se i përkasin shkollës”, përfundon MASR./atsh

Rezultatet në “PISA 2018”/ Shqiptarët i japin vlerë shkollës më shumë se vendet e rajonit Read More »

Kontingjenti shqiptar në Letoni vazhdon kontributin në grup-batalionin e NATO-s

Aktualitet, Lajmi i fundit / /

“Kontingjenti shqiptar në Letoni vazhdon kontributin në grup-batalionin e NATO-s, për sigurinë e aleatëve në verilindje të Aleancës”.

Kështu deklaroi sot ministrja e Mbrojtjes, Olta Xhaçka, ndërsa publikoi foto të kontingjentit shqiptar në Letoni, i cili është angazhuar në grup-batalionin e NATO-s.

Kontingjenti shqiptar i Forcave të Armatosura mori detyrën në kampin “Adazi” në Letoni në 18 dhjetor 2019 dhe do të shërbejë atje për rreth 6 muaj si pjesë e grup-batalionit të NATO-s./atsh

Kontingjenti shqiptar në Letoni vazhdon kontributin në grup-batalionin e NATO-s Read More »

Të rinjtë njihen me të kaluarën komuniste përmes aktivitetit “Kujtojmë për të mos harruar”

Aktualitet, Histori / /

Disa të rinj të shkollës “Harry Fultz” kanë zhvilluar sot një bashkëbisedim me Uran Kostreci, poet e shkrimtar, i dënuar me 20 vjet burg dhe 5 vite internim gjatë regjimit komunist.

Ky bashkëbisedim vjen në kuadër të projektit të Ministrisë së Kulturës, “Edukimi përmes Kulturës”.

Ministrja e Kulturës, Elva Margariti është shprehur se, “Edukimi përmes Kulturës, vijon me Muzeun Kombëtar të Përgjimeve: “Shtëpia me Gjethe”, nën titullin “Kujtojmë për të mos harruar”. Të rinjtë e shkollës “Harry Fultz” patën një bashkëbisedim me z.Uran Kostreci, poet e shkrimtar, i dënuar me 20 vjet burg dhe 5 vite internim gjatë regjimit komunist”.

Uran Kostreci Lindi më 1938, në Sarandë. Ai u arrestuar më 5 gusht 1961. Më 28 tetor 1961, Gjykata Ushtarake e Tiranës e dënoi “për tradhti ndaj atdheut”, e mbetur në tentativë, me 15 vjet burg, konfiskimin e pasurisë së luajtshme e të paluajtshme dhe humbjen e të drejtave elektorale për 3 vjet. Më 28 qershor 1973, Gjykata e Matit, e dënoi “se ka fyer përfaqësuesin e pushtetit”, dhe se ka bërë “agjitacion e propagandë”, me 8 vjet burg.

Kostreci kreu gjithsej 20 vjet në burg, u lirua më 13 qershor 1981. Pas burgut bëri 5 vjet internim, 1983-1988 në fshatin Kurtaj të Peqinit. Ka filluar të shkruajë poezi që në gjimnaz, por nuk mundi të botohej për arsye biografie. Botimet e para i ka filluar pas rënies së regjimit komunist në shtypin e përditshëm. Ka botuar disa vëllime poezi dhe një novelë. Ndër më të njohurat është poema “Epopeja e karkalecave” 2013.

Të rinjtë njihen me të kaluarën komuniste përmes aktivitetit “Kujtojmë për të mos harruar” Read More »

Hajdari: Reforma zgjedhore duhet të kthejë besimin tek vota

Opinione, Politike / /

Kryetarja e grupit parlamentar demokrat, njëherazi bashkëkryetare e Komisionit për Reformën Zgjedhore, Rudina Hajdari deklaroi sot se reforma zgjedhore duhet të kthejë besimin tek vota.

Duke folur në seancën plenare sot ajo tha se, “në këtë Kuvend janë marrë vendime të rëndësishme politike si dhe një vendim që kishte të bënte me të ardhmen e vendit tonë, për të ndaluar copëtimin e tij. Kjo ngjarje e rëndësishme na bën të reflektojmë për vitin që kaluam, një vit mjaft i vështirë për politikën në vend. Angazhimi ynë në parlament ka qenë kyç dhe i ka shërbyer vendit”.

“Pavarësisht përbaltjes për të delegjitimuar këtë Kuvend, puna jonë po vijon të japë frytet e saj. Besoj se i kemi shërbyer vendit tonë. Disa cinikë vazhdojnë ta paragjykojnë këtë vendim tonin. Mendoj se dalja nga kjo krizë duhet të vijë përmes reformave, si ajo në drejtësi si dhe ajo zgjedhore. Angazhimi ynë si deputetë në Kuvend dhe Komisione ka qenë pikërisht që ne të hapim debatin e madh për ndryshimin e sistemit. Unë dua të falenderoj të gjithë, përfshijë këtu edhe opozitën parlamentare”, tha Hajdari.

“Kjo reformë nëse mbështet nga SHBA dhe BE, nuk duhet të mbetet peng në retorikë dhe të kthehet në alibi për një pazar të radhës. Ajo duhet të kthejë besimin te vota”, theksoi Hajdari.

Hajdari ka shpjeguar edhe uljen ne tryezën për reformën zgjedhore.

“Dua të shpjegoj pse u ula në atë tryezë. Dua të garantoj që ajo reformë të mos abuzojë me besimin e shqiptarëve që ata të jenë në gjendje të zgjedhin dhe jo të votojnë. Ne nuk do bëhem bllokues për integrimin e vendit por nuk do lejojmë që kjo reformë të kthehet në pazar. Angazhimi ynë do të jetë në funksion të kësaj axhende dhe në bashkëpunim me BE dhe SHBA do i japim formën e duhur. Shqiptarët po përjetojnë një krizë të thellë mendimi dhe besimi. Zhvillimi ekonomik vijon të mbetet peng i krizës politike”, tha Hajdari.

“Reforma Zgjedhore duhet të bazohet tek vullneti për t’i dhënë shqiptarëve të drejtën për të zgjedhur, duke e theksuar ndoshta edhe përmes një referendumi”, u shpreh Hajdari.

“Shqiptarët kanë pritshmëri të larta dhe duhet t’i japim besimin institucioneve ashtu si shqiptarët e meritojnë, që të ndalim njëherë e mirë emigracionin. Dua t’i kujtoj shqiptarëve që e drejta e tyre në parlament të rikthejë besimin”, tha Hajdari./atsh

Hajdari: Reforma zgjedhore duhet të kthejë besimin tek vota Read More »

Inflacioni u rrit në 1,4% në fund të vitit 2019

Aktualitet / /

INSTAT bën të ditur se, indeksi i harmonizuar i çmimeve të konsumit në fund të vitit të kaluar rezultoi 1,4%, ndërsa mesatarja në BE ishte 1,6%.

Sipas INSTAT, rritja e indeksit të harmonizuar të çmimeve, për dhjetorin dhe për gjithë vitin 2019 në përgjithësi, ka ardhur kryesisht nga grupi i ushqimeve. Për dhjetorin, ky grup kontribuoi me 1,2 %.

Ecuria e indeksit të harmonizuar vitin e kaluar ka qenë në linjë me indeksin kombëtar të çmimeve të konsumit, që përfaqëson edhe normën zyrtare të inflacionit. Indeksi i harmonizuar i çmimeve të konsumit përfshin shpenzimet e bëra brenda territorit të vendit nga familjet shqiptare, si dhe shpenzimet e vizitorëve, ndërsa indeksi i çmimeve të konsumit mbulon vetëm shpenzimet private të familjeve shqiptare të kryera brenda dhe jashtë vendit./atsh

Inflacioni u rrit në 1,4% në fund të vitit 2019 Read More »

Rama citon Kuranin: Mos e godisni ndokënd pa e ditur realitetin, e pastaj të pendoheni për atë që keni bërë

Aktualitet / /

“O ju që keni besuar nëse ndonjë i pandërgjegjshëm ju ka sjellë një lajm, ju shqyrtojeni mirë, ashtu që të mos e godisni ndokënd pa e ditur realitetin, e pastaj të pendoheni për atë që keni bërë”, solli sot në vëmendje kryeministri Edi Rama fjalët e Kuranit të shenjtë.

Duke zgjedhur të tjera fjalë të shenjta për të përcjellë mesazhin e tij, kryeministri Rama citoi Kuranin përmes rubrikës “Fjalë të Shenjta”.

Duke cituar librat e shenjtë, por edhe nga personalitetet botërore, Kryeministri Rama ka përcjellë prej muajsh apelin e solidaritetit dhe ndihmës njerëzore ndaj të prekurve nga tërmeti i 26 nëntorit. /ATSH

Rama citon Kuranin: Mos e godisni ndokënd pa e ditur realitetin, e pastaj të pendoheni për atë që keni bërë Read More »

“675 mijë euro kundër integrimit të Shqipërisë”/ Fuga: Siç thotë Basha “kur e shkruan Bild është e vërtetë”

Aktualitet / /

“Në 2019, Lulzim Basha tentoi të digjte Shqipërinë duke u justifikuar me artikujt e Bild. Por 2020 filloi me faktet e Bild që bien mbi Lulin dhe PD-në, të cilët paguan mbi gjysmë milionë euro kundër integrimit të Shqipërisë”, deklaroi drejtori i Komunikimit në Kryeministri, Endri Fuga.

Fuga iu referua artikujve të publikuar nga prestigjozet “Bild” dhe “Times”, në lidhje me lobimin e PD-së në SHBA.

“Jo për gjë, por siç thotë Lulzim Basha ‘kur e shkruan Bild është e vërtetë”. Dhe tani Bild thotë se Basha përdori 675 mijë euro kundër integrimit të Shqipërisë’”, tha Fuga.

Ai tha se “ndryshe nga Lulzim Basha që përdori artikullin e Bild për të tentuar rrëzimin me dhunë të qeverisë legjitime, PD do e rrëzonte me votë liderin që fle, po t’i jepej mundësia e zgjedhjes”. “Sidomos pas artikujve të Bild e Times që thanë haptas të vërtetën qe Luli tenton të fshehë”, shtoi Fuga./atsh

“675 mijë euro kundër integrimit të Shqipërisë”/ Fuga: Siç thotë Basha “kur e shkruan Bild është e vërtetë” Read More »

Vetëvendosje propozon Kurtin si mandatar për kryeministër

Politike / /

Lëvizja Vetëvendosje ka propozuar kryetarin e saj, Albin Kurti, si mandatar për formimin e Qeverisë së Kosovës.

Kjo i është konfirmuar KosovaPress-it nga Zyra për Informim e Lëvizjes Vetëvendosje e cila ka dërguar propozimin zyrtar presidentit të Kosovës, Hashim Thaçi.

Lëvizja Vetëvendosje, si subjekt i parë i dalë nga zgjedhjet e 6 tetorit, gëzon të drejtën e të nominuarit të mandatarit të kryeministrit të vendit.

Në momentin që Thaçi pranon propozimin dhe e dekreton atë, e që e gjithë kjo pritet të ndodhë brenda ditës së sotme, rrjedh afati kushtetues prej 15 ditësh për formimin e qeverisë së re.Propozimi është bërë nga Sekretarja e Përgjithshme e Lëvizjes Vetëvendosje, Vlora Haxhimehmedi./KosovaPress/

Vetëvendosje propozon Kurtin si mandatar për kryeministër Read More »