Tërmetet e ditëve të fundit që u ndjenë në jug të vendit, shkaktuan jo pak panik tek banorët e Vlorës, Himarës, Gjirokastrës dhe Tepelenës.
Ekspertët e Institutit të Gjeoshkencave të pyetur nga Ora News thonë se nuk ka vend për alarm.
Sizmiologu, Rrapo Ormeni, shprehet se lëkundjet 5-6 ballë janë normale pasi vendi ynë ndodhet në një zonë me aktivitet sizmik të lartë.
“Shqipëria këto tërmete i ka normale. Gjatë vitit bien disa tërmete të tilla në zona të ndryshme të vendit, janë tërmete të cilat ndihen fort, janë të frikshëm, por në përgjithësi nuk shkaktojnë dëme. Dëmet e tërmeteve fillojnë me magnituda më të larta, kryesisht tek magnituda 5 ose itensiteti me epiqendër 7”, tha ai.
Tërmeti i 19 majit, është pasuar nga 30 lëkundje, të cilat sipas Ormenit do të pasohen edhe nga të tjera në ditët e ardhshme.
“Do të ketë lëkundje që vazhdojnë disa ditë. Sipas madhësisë së goditjes kryesore kur është e këtij rangu vazhdojnë disa ditë, kur është e madhe vazhdojnë me muaj dhe kur është shumë e madhe vazhdojnë me vite derisa në vatrën e tërmetit të vendoset gjendja e ekuilibrit, të çlirohet e gjithë energjia”, theksoi Ormeni.
Por si duhet të veprojmë kur ndodhin tërmete? Rrapo Ormeni ndan disa këshilla.
Gjithmonë duhet të ruhet qetësia, të vendosesh nën një objekt më të fortë, një tavolinë. E shikon që kaloi goditja kryesore, nuk ka më, e mira është të dalësh jashtë”, përfundon sizmiologu.
Në jug të vendit tërmeti i dytë 6 ballë, shkaktoi dëme të konsiderueshme materiale ku 9 shtëpi janë kthyer në të pabanueshme.
Foto-lajm nga “shpella” e hajdutëve
Shkruan: Memo Aliaj
Familja “Berisha”, nisur prej pasurive të shumta që ka në pronësi, nëse sot do të ishte viti 1945 i sekuestrove të ish-pushtetit komunist prej nga vjen edhe Saliu, ai do të shpallej “kulak”.
Një apartament me sipërfaqe 74 metër katrore në Tiranë dhe 2 trarë të kalbur në kullën e rrënuar të babës në Viçidol kishte familjarisht Saliu, si të vetmen pasuri në vitin 1992 kur u vetë-emërua President Republike.
Gjatë karrierës së tij si politikanë, president, deputet, kryetar i PD, deputet e kryeministër, Sali Berisha ka mbajtur aq shumë shumë fjalime ndershmërie, varfërie, mëshire, drejtësie e lufte kundër korrupsionit, sa nuk kanë mbajtur gjithë Papët e Vatikanit, që nga themelimi i kësaj Selie të Shenjtë.
Sot pas 26 vitesh, fjalimet e Sali Berishës rezultojnë një hipokrizi e klasit të lartë, mbasi aktualisht kjo familje ka “inventar” pasurie të patundshmë e llogari të shumta bankare, që nuk mund të vendosen dot me biznes “fabrikë lekësh”.
Tashmë që e ka realizuar detyrën për të krijuar pasuri brezash nëpërmjet korrupsionit të pushtetit dhe krimeve që të imponon mbajtja e pushtetit personal, Saliu, 75 vjeçar po lufton “me shpirt ndër dhëmbë”, për të mbrotjur këto pasuri, që sipas valës së dekrminalizimit, do përfshijë edhe pasuritë e dhe llogaritë e pista të të familjes së tij.
Mirëpo edhe pse ai përpëlitet e përleshet në parlament, media e “Facebook” për t’i shëptuar sekuestors së pasurive të paligjshme, siç duket gjen kohë edhe për të kujtuar e rifreskaur pasuritë që ka.
Një nga këto momente relaksuese e qetësuese, që Saliut i “heq mendjen” nga refroma sekuestruese që ka nisur e po i afrohet edhe pasurive të familjes së tij, thuhet se është ngjitja në majën e Dajtit së bashku me mbesën, për t’i treguar vilat, bizneset, kullat ku kanë apartamentet, fshatin turistik, fermën e lopëve dhe tokat e shumta.. “të blera me pagat mujore”!
Dora që zhduku Remzi Hoxhën, Kosta Trebickën dhe Eduard Belegun, tashmë në rrezik është Albert Veliu i Vlorës pasi rrezikon të çojë në burg tre zyrtarë të PD
Në Partinë Demokratike ka një strukturë famëkeqe që merret më zhdukjen e dëshmitarëve kyç të krimeve njerëzore, ekonomike, trafiqeve, pazareve me territoret, montazheve mafioze, tradhtive kombëtare etj.
Kjo strukturë, e cila drejtohet nga ish-policë, është ngritur dhe vepron që kur Sali Berisha erdhi në pushtet.
E njëjta dorë torturoi dhe zhduku biznesmenin shqiptaro-maqedonas Remzi Hoxhën. Njerëzit e Sali Berishën e zhdukën Remzi Hoxhën vetëm se Hoxha fotografoi një takim të Sali Berishës me njerëzit e Sllobodan Millosheviçit, duke bërë pazare për furnizimin me naftë të Kasapit të Ballkanit.
E njëjta dorë zhduku edhe Kosta Trebickën, dëshmitarin kyç të Gërdecit, ku ishin përfshirë ministra dhe familjarë të Sali Berishës, Berisha humbi edhe baxhanakun e tij në Gërdec, ndonëse tha se nuk e njihte.
Kosta Trebicka u zhduk në mënyrë misterioze, teksa kishte dalë për të gjuajtur shpendë. Edhe pse makina e tij po ecte me 10 km\h, Trebicka gjeti vdekjen në rrethana të dyshimta dhe misterioze.
Në shtator 2008, Kosta Trebicka, pikërisht nën-kontraktues shqiptar i AYE, bëhet viktimë e një aksidenti misterioz me makinë.
Ish-bodigardi i Sali Berishës, Agron Kuliçaj, është njeriu i parë që është gjendur në vendin ku humbi jetën Kosta Trebicka, nga organet ligjzbatuese të shtetit. Ish-zëvendësdrejtori i Përgjithshëm i Policisë së Shtetit, Agron Kuliçaj, si dhe prokurori Sokol Stojani, arritën në vendngjarje rreth orës 15:20.
Trupi i pajetë i Kosta Trebickës ishte i shtrirë në një rrugë, mes një fushe të madhe me bar të thatë. Askush përveç këtij njeriu nuk e di të vërtetën e rrokullisjes së makinës së Kosta Trebickës. Roli i njeriut më të besuar të familjes Berisha, vijon të mbetet i dyshimtë sa i takon zhdukjes dhe manipulimit të pronave dhe në vendin e ngjarjes.
E njëjta dorë zhduku edhe ish-këshilltari i ish-ministrit, Dritan Prifti, Eduard Belegu, dëshmitar kyç në skandalin me naftën Virgine. Belegu u zhduk nga faqja e dheut para se të dëshmonte në prokurori për këtë skandal të madh, e drejtuar nga policia e qeverisë Berisha.
Të njëjtin fat mund të ketë edhe Albert Veliu, i njohur si ‘Babalja’ i Vlorës, një trafikant droge, kumarxhi dhe pijanec, i cili u përdor nga Sali Berisha dhe Lulzim Basha, në audiopërgjimin për të rrëzuar qeverinë. Babalja ka paraqitur disa versione për përgjimin e vëllait të Fatmir Xhafajt, duke rrezikuar pozitat e tre zyrtarëve të PD, Enkelejd Alibeaj, Gazmend Bardhi dhe Ervin Salianji, por edhe të Lulzim Bashës dhe të Sali Berishës.
Ndryshe nga dëshmia plot mashtrime dhe që dha publikisht sipas mësimeve të PD, në Prokurori Albert Veliu ka treguar se njerëzit e Berishës dhe Bashës i kanë dhënë para, e kanë dehur dhe përdorur në këtë histori.
Përdorimin e tij e konfirmoi edhe tentativa e PD ta ‘zhdukur’ Babalen bashkë me familjen jashtë Shqipërisë. Por, policia ra menjëherë në gjurmët e tij dhe e izoloi. Kjo lëvizje tërboi Lulzim Bashën i cili dha alarmin se Arta Marku dhe Fatmir Xhafaj po terrorizimin dëshmitarin e famshëm X.
Me ngushtimin e lakut të drejtësisë, Sali Berishës nuk i ka mbetur gjë tjetër veçse të aktivizojë strukturën e zhdukjes së dëshmitarëve, për të hequr qafet Babalen, pasi tashmë dëshmitari X është kthyer në një rrezik të madh për vetë PD.
Dhe mesazhin e parë e dha një ditë më parë njëri nga përfaqësuesit e PD, Gazmend Bardhi. Ky i fundit tha se Babalja ishte në një gjendje të rënduar psikologjike, duke paralajmëruar se dëshmitari edhe mund të ‘vrasë veten’. /Pamfleti
Sëmundja e variçelës apo lisë së dhenve po qarkullon në çerdhe dhe kopshte.
Mjekët i bëjnë apel prindërve të tregohen të vëmendshëm, pasi sëmundja është ngjitëse e transmetohet 48 orë para shfaqjes së shenjave në lëkurë.
Mjekët i bëjnë thirrje prindërve për kujdes! Variçela apo siç njihet ndryshe lija e dhenve po qarkullon në vendin tonë. Muajt e fundit vetëm në pediatrine e Qendres Spitalore “Nënë Tereza” në Tiranë janë shtruar 25 fëmijë në gjendje shëndetësore të komplikuar.
“Kemi 25 raste me variçele të shtruar që nga janari, mbase një pjesë nuk kanë ardhur, kanë ardhur në urgjencë kanë marrë mjekimin dhe kanë shkuar në shtëpi, kryesisht të komplikuara.. Komplikacionet më të shpeshta kanë qenë celulit infekltim dytësor i lëkurës dhe pneumonitë”.
Variçela prek kryesisht fëmijët nën dhjetë vjeç dhe personi i infektuar e transmeton tek një tjetër i shëndetshëm 48 orë para se t’i shfaqen shenjat në lëkurë.
“I sëmuri më variçelë është ngjitës për të tjerët 48 orë para shfaqjes së ekzantemës dhe gjithë ditët kur është në zhvillimin e saj. Dua të tërheq vëmendjen për gjithë fëmijët që jeotjnë në kolektiv, kopshte e shkolla dhe kujdesi që duhet të ketë personeli për ndonjë rast të izoluar”.
Rastet e lehta mjekët sugjerojnë të mbahen nën kontroll në kushtet e shtëpisë me barna antipiretik si paracetamoli dhe ibuprofeni, jo aspirinë. Nëse gjendja shëndetësore e fëmijës rëndohet rekomandohet antibiotik, por kjo vetëm pas konsultës së specialistit.
Fshati shqiptar duhet t’i kthejë sytë nga agroturizmi. Me shembujt e suksesit në fushën e agroturizmit që tashmë ekzistojnë në Shqipëri, qeveria synon të nxisë jo vetëm investitorët, por edhe vetë fermerët të shfrytëzojnë pasuritë natyrore për t’i kthyer në një biznes mjaft fitimprurës. Një prej këtyre shembujve të suksesit ndodhet në Ballaban të Këlcyrës, ku Magide, një investitor francez, sëbashku me bashkëshorten e tij shqiptare, Elonën, kanë ndërtuar fermën e quajtur “Grand Albanik”.
Kryeministri Edi Rama në një bisedë të zhvilluar në fermën e tyre, së bashku me fermerë të tjerë të zonës, shpjegon se qeveria ka një paketë të posaçme mbështetjeje për agroturizmin shqiptar. “Është gjëja që ne duam të nxisim shumë, se ju jeni një ndër shembujt, por ka dhe shembuj të tjerë që janë pozitivë, ka pak akoma, por për këtë arsye, ne jemi shumë të interesuar që t’i promovojmë dhe t’i nxisim të tjerët që të hyjnë në këtë rrugë. Në këto zona, një familje që zotëron një pozicion dhe një pronë mund të marrë mbështetje nga qeveria për të transformuar shtëpinë në një bujtinë, për ta kthyer në një instrument fitimprurës nëpërmjet një ferme të vogël që i shërben tavolinës, nuk është për tregun dhe është rezultat i sigurte.”
Elona, e cila pas një tjetër eksperience të suksesshme në fushën e agroturizmit në qytetin e Elbasanit është kthyer për të investuar në vendlindjen e saj, shprehet mjaft e kënaqur me rezultatet e punës së deritanishme. “Kemi gati 2 vjet e gjysmë që punojnë dhe investojmë këtu. Kemi shumë pak kohë që jemi hapur. Gjithçka po shkon shumë mirë. Jemi shumë të kënaqur. Është edhe më larg seç e kemi pritur. Tani me sezonin turistik, edhe sepse kemi bërë pak publicitet nëpër guida turistike franceze etj., ka të huaj që vijnë, por edhe shqiptarë. Kemi gati 10 vjet që merremi me agroturizmin.”
Kryeministri Rama thekson se të gjithë ata që do të ngrenë një fermë, bujtina, apo restorante do të përjashtohen nga taksa e ndikimit në infrastrukturë, ndërsa do të përfitojnë edhe nga ulja e taksave të tjera. “Paketa e re mbështetëse financiare nuk është vetëm te subvencionet direkte që do japim për projekte në agroturizëm në çdo zonë të Shqipërisë, nga Thethi deri në Konispol, por është dhe tatim-fitimi 5%, është dhe TVSH 6%. Pra, siç është TVSH-ja 6% për hotelet me 4 dhe 5 yje që do ndërtohen, do jetë edhe për të gjitha strukturat e agroturizmit, për hotelet dhe bujtinat në një fermë të vogël, edhe me fjetje dhe restorant në dispozicion. Këto incentiva, besoj, do tërheqin edhe paranë e sipërmarrësve të ndryshëm, që mund t’i kenë lënë këto vende dhe kanë shkuar në Tiranë, që kanë mundësi të investojnë në pronat e tyre të prindërve, gjyshërve, por edhe për familjet në fshat.”
Edhe Alex, një tjetër francez, bashkë me Migenën, kanë ndjekur të njëjtin shembull, duke blerë një tokë aty pranë, për të zhvilluar modelin modern të bujqësisë. “Ky është një shembull që është i vlefshëm edhe për ata që janë në emigracion, sepse kanë kursimet e tyre, kanë të ardhurat e tyre dhe kanë një kapital që duke ardhur në këto zona, duke pasur një pronë këtu, apo një shtëpi të vjetër mund ta vënë këtë kapital dhe mund të fitojnë shumë më tepër sesa mund të fitojnë me punën në emigracion, ndërkohë që atje mund të vazhdojnë të qëndrojnë për shkak të fëmijëve etj., për një periudhë kohe, por mund ta lënë në shfrytëzim këtu me të tjerë njerëz. Është një rrugë e njohur që e kanë ndjekur shumë të tjerë përpara nesh dhe që ne kemi mundësi ta ndjekim tani, sepse kemi shumë zona të virgjëra dhe të mrekullueshme,” shprehet Kryeministri.
Ferma “Grand Albanik” është një bujtinë ku tradita është në harmoni të përsosur me ekologjinë dhe ku ofrohen prodhimet bujqësore të zonës, delikatesat franceze dhe gatimet përmetare. “Ne mundohemi që nëpërmjet produkteve bazë, që janë të një cilësie të jashtëzakonshme, duke filluar nga qumështi, djathi, mishi, të mund ta sjellim në një formë pak më elegante,” shprehet Elona, duke shtuar se ky është gjithashtu vendi ideal për të kaluar një fundjavë në kohë pune dhe javën e plotë në kohë pushimesh.
Sapo kapërcen Qafën e Thanasit në Melqinja, befas të shfaqet një pamje magjike me një det të pafund, Borshi.
Para se të shfaqet deti dhe bukuria e tij, në fillim shfaqet fshati me shtëpitë e bukura por edhe disa rrënoja kujtime të një kohe të shkuar.
Kur isha i ri kam bërë dy aksione në vitet 70-të në këtë zonë dhe pikërisht në këtë fshat. Isha student në Akademinë e Arteve në atë kohë dhe aksionet i bënim në ato vende që kishte nevojë për punë.
Fshatrat që shtrihen në këtë vijë të Jonit, janë vërtet të bukur dhe të lakmuar për turistët ditorë edhe në periudhë dimri. Në Borsh qëndroj patjetër, pi një kafe te lokali në anë të rrugës me shatërvanin e ujit që qetë zbret poshtë këmbëve tona dhe përballë shtrihet deti, shtëpitë, sigurisht dhe rrënojat e kapanoneve ku flinin dhe jetonin aksionistët.
Vetëm brezaret me ullinj e portokalle janë dëmtuar e lënë në mëshir të fatit. Të vjen keq për këtë pasi vërtetë ka qenë një mrekulli në natyrë. Oresti, një miku im, tashmë një burr i pjekur dhe që e njeh shumë mirë historinë e fshatit të tij, fillon të më rrëfejë për historinë e Borshit.
Fakte konkrete historike për këtë fshat nuk ka ende por një dokumentim i tërthorte flet për Ndoni Borshin i cili përmendet më 1478 në një dokument të seminarit ortodoks të Palermos në Siçili, si një arhond i jugut që kishte emigruar si pasojë e pushtimit të pronave të tij nga osmanët.
Fshati u braktis pas shkatërrimit barbar që i bëri ushtria greke në vitin 1914. Fshati mund të ketë pasur mbi 600 shtëpi në atë kohë.
Nën kështjellën e Sopotit nën këmbët e malit të Picakut shihet lumi që del fshehurazi nga pylli dhe ndalon në deltën në buzë të detit.
Bregu i detit i Borshit, të fton qoftë edhe për një ditë të çlodhesh pranë ujërave të kaltra, në rërën e ngrohtë apo nën hijen e tendave ekzotike të ngritura nga banorët vendas të cilat harmonizohen bukur me natyrën.
Vija e bardhë bregdetare duket e pafundme, me kilometra të tëra deri ku arrin syri. Male, fushë dhe det ! Si një oaz i pakrahasueshëm klimatik dhe njëkohësisht origjinal. Më poshtë shtrihen dhe disa plazhe të tjera që shtrihen deri në Bunec, një tjetër pikë turistike e lakmuar nga turistët për natyrën e bukur por dhe për historikun e tij.
Aty ka dhe një kishë që e bën dhe më interesant këtë lugin të vogël të bonecit.
Në Borsh nuk gjen hotele të mëdha dhe ndoshta kjo përbën një përparësi.
Por në Borsh mund të gjesh bujtina-shtëpi me një komoditet mjaftë të mirë, ku mund të pushosh disa ditë. Mikpritja është një tjetër anë pozitive e borshjotëve.
Turisti apo kalimtari gjen një komunikim të ngrohtë dhe të kulturuar. Kulinaria specifike është një tjetër ftesë që të bën të qëndrosh qoftë edhe për disa orë në Borshin e bukur.
Borshi nuk ka vetëm natyrën e bukur, detin, qiellin, gjelbërimin por edhe shumë objekte kulturore dhe historike që tregojnë për hershmërinë e banorëve të kësaj zone.
Kështjella e Sopotit është një nga objektet kulturore të Borshit që gjendet në majën e kodrës së quajtur Kala. Pozicioni i kodrës, lejon lundrimin pa pengesa të një pamjeje të pakufizuar dhe njëkohësisht kontrollin e kalimeve Sarandë-Kuç-Vlorë. Pozicioni i përshtatshëm gjeografik me ujërat e shumta ka favorizuar banimin e kësaj treve që nga lashtësia. Kalaja e famshme përmendet nga burimet bizantine dhe venedikase. Ajo përbën në fakt, një pikëmburojë të epokës helenistike dhe bizantine në një lartësi 250 m dhe distancë nga deti rreth 3 km.
Në pjesën perëndimore të kodrës së Kalasë, në pjesën e brendshme që konsiderohet si vend-ndodhja e një qyteti antik, ruhen pjesë të një muri rrethues prehistorik. Në pjesën e brendshme të themeleve u gjenden mbetje trupore njerëzish (eshtra) që datohen se i takojnë epokës së vonë të bakrit.
Sipas gërmimeve dhe studimeve arkeologjike gjetjet arkeologjike, kocka dhe enë qeramike i takojnë shekulli të IV-III para Krishtit. Arkeologu i njohur Jano Koçi, duke u bazuar tek autorët antike Plini dhe Straboni si dhe vendvendosjen e mureve dhe rrënojave të një qëndre të banuar në një sipërfaqe rreth 50 hektarë dhe lumin që e gjarpëron atë (një shpjegim greqisht i fjalës meandria) ka hedhur hipotezën se pikërisht këtu ishte ngritur qyteti i vjetër grek i quajtur Meandria.
Një vendbanim i lashtë është gjetur gjithashtu në vendin e quajtur Musga.
Pra, në Borsh udhëtari do gjeje atë që kërkon: legjenda, histori, natyë dhe privatizëm për atë që është i lodhur nga zonat e zhurmëshme urbane dhe ka vendosur të harrojë për pak kohë ekzistencën e pjesës tjetër të botës.
Sezoni turistik është në prag dhe ato punë që kanë mbetur akoma pa u kryer si mirëmbajtja e rrugëve, shtrimi dhe rregullimi i tyre, kanalizimet, pastrimi i plazheve publike dhe private duhet të fillojnë menjëherë nga institucionet përkatëse. Koha ecën shpejtë dhe pushuesit kërkojnë një një ambient dhe kulturë shërbimi bashkëkohore.
Ky është Borshi që të detyron të ndalesh të paktën për një kafe nën rrepet shekullorë që gurgullojnë nga ujrat që rrjedhin nën këmbët e tyre.
Përgatitjet për sezonin verorë ndiheshin edhe në Borsh, sistemime rrugësh, shtëpishë dhe ambiente të tjera akomodimi.
Destinacioni për atë ditë ishte Saranda, mbretëresha e turizmit shqiptarë dhe nuk doja të vonohesha më shumë drejt saj.
Por nga Borshi në Sarandë, ka dhe shumë plazhe dhe vende të tjera turistike që presin për tu vizituar.
Trajtonte ngjarjet e fenomeneve të viteve ’90 në një mënyrë të tillë sa edhe sot mbahen mend.
Seriali “Njerëz dhe Fate” do të ishte një nga serialet më të suksesshëm në Shqipëri, me një kast të mrekullueshëm aktorësh.
Një prej këtyre aktoreve mbetet edhe personazhi i Dritës, gruaja e shtëpisë së familjes Guri, emri i të cilës është Pavlina Mani.
Por ku ndodhet ajo sot?
Menjëherë pas kësaj telenovele, madje pa mbaruar akoma xhirimet, aktorja u largua me familjen e saj në Shtetet e Bashkuara, ku jeton dhe sot prej 16 vitesh.
Ne të gjithë e dimë se bimët janë jashtëzakonisht të mira dhe të dobishme për ne, veçanërisht bimët e brendshme.
Kjo për shkak se ata pastrojnë ajrin, sigurojnë oksigjen dhe thjesht rifreskojnë shtëpinë tonë dhe e bëjnë atë më të rehatshme për të jetuar.
Por, duhet të jeni të kujdesshëm, sepse ka disa bimë që mund të jenë shumë të rrezikshme dhe ju nuk duhet t’i merrni ato në shtëpinë tuaj.
Këto bimë mund të jenë shumë të rrezikshme për ju dhe familjen tuaj, veçanërisht nëse keni fëmijë të vegjël ose kafshë shtëpiake në shtëpi. Behet fjale per keto lloj bimesh:
Cicuta Maculata
Kjo është një lule e egër e madhe nga familja e karotës e cila duket si selino.
Harku i ujit përmban një cictutoxin , i cili kryesisht përqendrohet në rrënjët e tij dhe pasojat e tij ndjehen pothuajse menjëherë pas ekspozimit.
Simptomat nga helmimi i saj janë konvulsioni i dhimbshëm, dhimbje barku, perzierje . Njerëzit që i kanë mbijetuar këtij lloj helmimi shpesh përjetojnë amnezi dhe dridhje të qëndrueshme.
Atropa Belladonna
Kjo bimë ka shije të ëmbël dhe fruta të ngjashme me kokrra të kuqe, të cilat zakonisht janë përgjegjëse për shumicën e rasteve të helmimit.
Ju duhet të dini se kjo bime e rrezikshme është vendase në zonat e pyllëzuara në Evropën Qendrore dhe Jugore dhe Azi dhe ka gjethe të gjelbra dhe manaferra të zeza.
Atropina dhe skopolamia janë helmet përgjegjëse për toksicitetin e saj, dhe ato mund të gjenden në rrjedhjet, gjethet, frutat dhe madje rrënjët.
Helmimi, nëse preket, shkakton paraliza të muskujve të pavullnetshëm, duke përfshirë edhe zemrën, Është kaq helmuese që edhe nëse lëkura juaj vjen në kontakt me bimën, mund të bëhet e acaruar dhe e skuqur.
Ageratina Altissima
Së pari, duhet të dini se kjo bime helmuese është vendase në Amerikën e Veriut.
Eshtë një bimë me grumbuj të sheshtë të luleve të vogla të bardha, që përmbajnë alkool toksik, të quajtur trematol.
Castor Bean (Ricinus Communis)
Ky lloj i bimës zakonisht rritet si një bime dekorative dhe është vendase në Afrikë.
Ndoshta keni dëgjuar për vajin e pluhurit, apo jo?
Vaj kastorit është prodhuar nga fara të përpunuara, por para se të përpunohen ato përmbajnë helm që quhet ricin edhe në sasi shumë të vogla. Duhet të jeni shumë të kujdesshëm, sepse vetëm një ose dy fara janë të mjaftueshme për të semure një fëmijë, ndërsa vetëm tetë fara mund ta semurin lehtësisht një person të rritur. Ricini parandalon sintezën e proteinave brenda qelizave dhe mund të shkaktojë vjellje të rënda, diarre .
