Në një shoqëri të shëndetshme demokratike, roli i qytetarit dhe pjesëmarrja e tyre është i rëndësishëm sidomos kur ka padrejtësi.
Ne duhet të përdorim zërat dhe arsyet tona për të ngritur zërin.
Jam e pikëlluar kur shoh kaq shumë abuzime dhe keqtrajtime nga qeveria shqiptare gjatë kësaj kohe kritike që bota po përballet me COVID-19.
Ndërsa qëllimi im nuk është të kritikoj qeverinë, por si qytetare e Shqipërisë është detyra dhe përgjegjësia ime morale të ngre zërin, kur shoh abuzim dhe padrejtësi ndaj qytetarëve.
Qeveria duhet të sigurojë testimin falas ose me një çmim të arsyeshëm për qytetarët e saj, në mënyrë që më shumë qytetarë të kenë mundësinë të testohen. Si banore e Francës, unë kam bërë testimin këtu në Francë për 15 euro, dhe gjithashtu falas. Çfarë ndjenje e lehtësuar kur ke mundësinë për ta bërë këtë.
Megjithatë, në Shqipëri, qytetarët po paguajnë 100 Euro për një test. Kjo është e padrejtë, ku shumë shqiptarë po luftojnë financiarisht çdo ditë.
Për më tepër, Gjermania ka ndarë 10.5 milion euro (rreth 12.4 milion dollarë amerikanë) për të ndihmuar Shqipërinë të zbusë ndikimin e pandemisë COVID-19. Eshte thelbësore që qeveria të gjejë strategjinë e duhur, të përshtatshme për ta bërë testimin më pak të kushtueshëm dhe të disponueshëm në të gjithë Shqipërinë.
Vitalisht është gjithashtu thelbësore të theksohet se Shqipëria ka marrë ndihmë dhe mbështetje ndërkombëtare për të luftuar sfidat me të cilat përballet Covid 19.
MPJ është pjesë e angazhimit më të gjerë të BE me vendet fqinje dhe ato të zgjerimit dhe synon si një instrument të jashtëzakonshëm të BE-së për reagimin ndaj krizave. Për Shqipërinë, kushtet e politikës për programin e saj të MPJ prej 180 milion € kanë të bëjnë me forcimin e financave publike dhe qëndrueshmërinë e sektorit financiar, përmirësimin e qeverisjes dhe luftimin e korrupsionit dhe rritjen e mbrojtjes sociale.
Së fundmi, është thelbësore të ilustrohet se USAID ka dhuruar 3,160 pajisje testimi COVID-19 në Shqipëri, duke e çuar numrin e përgjithshëm të testeve të dhuruara në 32,160.
Dikush lutet të adresojë pyetjen vijuese, me kaq shumë ndihma që vijnë nga qeveritë dhe organizatat qeveritare, pse testimi kushton 100 euro për qytetarët e saj?
Është koha që qeveria shqiptare të tregojë një udhëheqje të fortë, më shumë dhembshuri dhe kuptim të sfidave me të cilat përballen qytetarët me sistemin shëndetësor.
Dasara Malltezi, “supermbesa” e ish-kryeministrit Sali Berisha duket se ka hequr dorë nga flokët e rruara dhe nga pamja ekstravagante, për t’u paraqitur si një zonjushë e vërtetë.
Në foton e fundit që ka publikuar në Instagram, ajo shihet me flokë të gjatë dhe e buzëqeshur, shumë larg pamjes së cilës ishim mësuar ta shihnim.
Dasara karantinën e kaloi e mbyllur në shtëpinë e saj, ndërsa tani me lehtësimin e masave po shijon “lirinë” dhe pushimet.
Kryetarja e LSI-së, Monika Kryemadhi është shprehur se nuk ka pranuar që të bëjë kontratë bashkëqeverisje parazgjedhore me Partinë Demokratike, pasi sipas saj, kjo gjë do ta shkatërronte Partinë Soicaliste.
E ftuar në “5 pyetjet nga Babaramo”, Kryemadhi u shpreh se ata do të vijnë në pushtet si një maxhorancë e fortë, por që gjithashtu do të kenë nevojë, edhe për një Opozitë të fortë. Teksa u pyet nëse ndjen keqardhje për PS-në, me të cilën ka qenë në koalicion në vitin 2013, Kryemadhi e pranoi këtë gjë, duke shtuar se kanë kaluar shumë gjëra bashkë dhe nuk mund të lërë kryeministrin Edi Rama që ta çojë me 2%.
Pjesë nga Intervista
Kryemadhi: Nëse do të kishim një dalje të tillë, do të dëmtohej PS, do të binte nën 40 mandate. Do të krijoheshin disa rrjedha nënujore, nënrrjedha që do ta dëmtonin shumë.
Ilir Babaramo: A do t’i leverdiste shoqërisë shqiptare rrënimi në përfundim me 5 përqind si PASOK në Greqi?
Monika Kryemadhi: Pavarësisht inateve politike me njëri-tjetrin për momentin ne kemi nevojë për një opozitë, ne pavarësisht ku është katandisur PS, ne do të kishim nevojë për një opozitë të fortë… Edhe ne ndonjë dhimbje të vogël e kemi për PS, nuk do e lejmë Ed Ramën ta cojë në 2 përqind.
Këngëtarja e njohur, Jonida Maliqi është shumë aktive në rrjete sociale. Ajo publikon shpesh foto dhe video të ndryshme nga përditshmëria, të cilat marrin komente të shumta nga ndjekësit.
Mirëpo, përpos komplimenteve, Jonida përballet dhe me komente të pakëndshme, të cilave vendos t’iu kthejë një përgjigje. Kështu ka bërë së fundmi, teksa një nga ndjekëset e saj e ka quajtur “transvestit” publikisht.
“Je bërë si transvestit, me të kap ty zëre se ke kapur trans”, i ka shkruajtur ajo në disa foto të publikuara së fundmi nga këngëtarja. “Më mirë vetëvetja se sa ti prototip i vulgaritetit”, ka replikuar Jonida.
Sot ka nisur seanca plenare e parë pas pushimeve të verës në Kuvendin e Shqipërisë.
Deputetët e mazhorancës dhe opozitës parlamentare u paraqitën të gjithë me maska mbrojtëse, duke respektuar masat e higjenës dhe distancimit social si pasojë e pandemisë së Covid-19.
Pas vendosjes së himinit dhe ngritjen në këmbë të të gjithë parlamentarëve në respektim të tij, rifilluan fjalimet e deputetëve në këtë seancë të re plenare. Një gaf është kryer nga deputeti Edmond Stojku e cila nuk kaloi pa u vënë re nga kreu i Kuvendit Ruçi.
Stojku u shpreh se ky është sesioni i fundit parlamentar për këtë parlament deri në mbajtjen e zgjedhjeve të ardhshme parlamentare. Por këtë gabim e korigjoi mënjëherë Ruçi i cili theksoi se sesioni i fundit parlamentar është ai që nis në janar.
“Ky nuk është sesioni i fundit, i fundit është ai që fillion në janar”.- u shpreh Ruçi në përfundim të fjalës së Edmond Stojkut.
Ambasadori i Bashkimit Europian në vendin tonë, Luigi Soreca, ka ngritur flamurin kuq e zi në majën e Lëpushës, ku është ngjitur këtë fundjavë.
Prej andej Soreca ka ndarë disa fotografi, duke e cilësuar përvojë të mahnitshme.
Madje ai thotë se është një eksperiencë për të mos u humbur, duke ftuar kështu të tjerë ta vizitojnë.
“Hiking në Lëpushë, ju çon në zemër të Alpeve shqiptare! Ne u ngjitëm te Maja e Vajushës në 2050 metra, kufiri midis Shqipërisë dhe Malit të Zi. Përvojë e mahnitshme, pamje dramatike në dy luginat. Për të mos u humbur”, shkruan Soreca. /noa.al
Moderatorja e sportit, Hygerta Sako ka shp ërthyer keq ndaj një ndjeksi në instagram pasi e ka quajtur serbe.
Në një foto të publikuar në Instagram, një person e ka quajtur: Dukesh si Serbe.
Por këto fjalë duket se e kanë irrituar Hygertën e cila nuk e ka përmbajtur dot vetën duke ju kthyer fansit se është shqiptare dhe krenare për gjankun ilir që ka në vena.
‘Unë dukem si shqiptare dhe jam krenare që kam gj ak ilir’ përgjigjja e Hygertës.
Femrat janë më promiskuitetive sesa meshkujt kur është fjala për shkelje të kurorës, ka zbuluar një studim britanik mbi tradhtinë, i bërë në më se 4.000 njerëz.
Pjesëtaret e gjinisë së bukur mesatarisht kanë 2.3 dashnorë, ndërsa meshkujt 1.8 dashnore, shkruan Daily Mail. Femrat në lidhjet jashtëmartesore kërkojnë dashuri, plotësim emocional, romantikë dhe mënyrë që të ngrenë vetëbesimin e tyre, ndërsa meshkujt dëshirojnë kënaqësi seksuale dhe ikje nga bashkëshortësia monotone, apo edhe që të plotësojnë egon e tyre.
Gjithashtu, femrat, për dallim nga meshkujt, shpesh dashurohen në dashnorin e tyre dhe të parat ia fillojnë lidhjes jashtëmartesore.
Femrat shkelin kurorën pas pesë vjetësh, ndërsa meshkujt pas gjashtë vjetësh martesë. Veç kësaj, femrat më herët bëhen shkelëse kurore, më së shpeshti kur i mbushin 37 vjeç, ndërsa meshkujt pesë vjet më vonë, domethënë kur i mbushin 42 vjeç.
Të dy gjinitë pajtohen që monogamia është gjendje jo e natyrshme, përkatësisht 76 për qind e femrave dhe 67 për qind e meshkujve theksojnë që akoma e dashurojnë partnerin bashkëshortor. Rreth 80 për qind të shkelësve të kurorës dëshirojnë të ruajnë bashkëshortësinë, ndërkaq 40 për qind e femrave dhe 30 për qind e meshkujve kanë kërkuar shkurorëzim në rastin kur kanë mësuar që partneri apo partnerja po i tradhton.
“Femrat më lehtë gjejnë dashnorë dhe më së shpeshti mund të mbajnë nën kontroll atë lidhje. Ato në lidhjet e tyre jashtëmartesore kërkojnë emocione, ndërkaq meshkujt vetëm kënaqësi trupore” – thekson Emily Poup, e portalit britanik Undercover Lovers, nga i cili njerëzit e martuar kërkojnë afera jashtëmartesore.
Cilat janë arsyet e tradhtisë?
Si meshkujt edhe femrat mund të tradhtojnë sepse nuk provojnë më dashuri, ndjenjë, tërheqje mes tyre; për hakmarrje kundrejt partnerit (me partner do të nënkuptoj si femrat ashtu edhe meshkujt) që të ka poshtëruar apo që nuk të plotëson nevojat që ke; për të thyer monotoninë apo mërzinë e një marrëdhënieje rutinë; nga nevoja për t’u ndjerë joshës, tërheqës, i pëlqyer dhe i aftë seksualisht, nga mendimi se mund të gjesh ilaçin për të rregulluar mosfunksionimin e marrëdhënieve seksuale, nga humbja e kontrollit, nga dëshira për t’u shkëputur nga një marrëdhënie që nuk funksionon, etj.
Tradhtia ndodh edhe për arsye të tjera si për të rifituar besimin përballë moshës, që po kalon dhe humbjes së mundësive, për pasojë të zhgënjimeve të vazhdueshme apo mungesa e paqes bashkëshortore apo edhe si pasojë e streseve në punë, kuriozitetit, dëshirës për “aventurë”, etj.
Ka tradhti rastësore dhe thjesht mishtore (që zakonisht ndodhin nga humbja e kontrollit apo dëshira për të kaluar një gjendje jo të mirë psiko-emocionale), ka tradhti të zemrës, tradhti të vazhdueshme (me nje person apo persona të ndryshëm) kronike apo akute, etj.
Meshkujt tradhtojnë kryesisht për të rritur vetëvlerësimin e tyre dhe për t’i konfirmuar vetes virilitetin e tyre (të qenët maço), për t’u ndjerë më të gjallë e të fuqishëm apo për të shfryrë një agresivitet të thellë, të brendshëm. Ndërsa femrat tradhtojnë kryesisht për të përmbushur nevojën për t’u dashur, për t’u ndjerë joshëse, të vlerësuara, për të marrë ngrohtësi, embëlsi dhe për t’u ndjerë të lirshme dhe të shpenguara.
Kush tradhton dhe kush toleron më shumë?
Kultura jonë maskiliste (por edhe të tjera) për vite me radhë ka krijuar mite se meshkujt tradhtojnë sepse janë më impulsivë, janë biologjikisht më të predispozuar, apo tradhtojnë vetëm për seks. Kurse për femrat mendohet që tradhtojnë me ndërgjegje, të bindura për atë që po bëjnë dhe tradhtojnë me zemër.
Më tej kur çifti martohet, udhëzimet e mëtejshme që u jepen femrave janë: “Tani që u martove do e durosh burrin me gjithë të këqijat që ka”, “Për hir të fëmijëve falja gabimet që mund të bëjë se burrë është”. Ndërsa udhëzimet kryesore për meshkujt vërtiten rreth: “Edhe tani mblidh mendjen: s’ka më lart e poshtë”.
Këto mite, në mënyrë të drejtpërdrejtë ose tërthorazi, përcjellin mesazhin se tradhtia e meshkujve është më e tolerueshme dhe më pak e dënueshme, pasi gjoja ka një natyrë thellësisht biologjike dhe mashkulli ka “nevoja fizike” më të forta se femra. Kohët e fundit këtyre miteve i janë shtuar edhe mendësi të tjera si: një mashkull që nuk tradhton nuk është një mashkull i vërtetë; është normale që mashkulli edhe mund të tradhtojë se është mashkull, prandaj edhe mund t’i falet, etj.
Duket se morali dhe normat e vetë shoqërisë sonë janë bërë më tolerante dhe e marrin të mirëqenë tradhtinë mashkullore, e cila “ndëshkohet moralisht” më pak se ajo femërorja (mashkulli që tradhton shihet si zoti, i aftë, etj. kurse femra quhet e përdalë). Por e gjithë kjo është thjesht mendësi e një shoqërie maskiliste që e shfaq seksin si eskluzivitet të mashkullit, sipas së cilit mashkulli gëzon çdo lloj lirie ndërsa femra jo. Kjo bën që arsyeja kryesore pse është rritur numri i femrave që tradhtojnë të jetë edhe hakmarrja. Por a është i shëndetshëm psikologjikisht ky qëndrim?
A mund të jetë tradhtia një arsye e vërtetë për divorc?
Vitet e fundit tradhtia konsiderohet si një ndër arsyet kryesore të divorcit. Megjithëse në shumë vende ajo zë edhe vendin e parë, në Shqipëri renditet e dyta pas divorcit për arsye të ndryshimeve në karakterin dhe temperamentin e partnerëve. Por gjithashtu shumë prej nesh janë dëshmitarë apo kanë dëgjuar edhe raste që megjithëse partneri ka tradhtuar çifti nuk është ndarë, por ka vazhduar të qëndrojë bashkë.
Si rrjedhim nuk mund të japim një përgjigje të saktë dhe përfundimtare nëse tradhëtia e çon apo jo çiftin në divorc. Sigurisht do të ishte më mirë që tradhtia të mos ndodhte, në të kundërt, nëse çifti do ta vazhdojë apo jo marrëdhënien varet nga një sërë faktorësh personalë, shoqërorë apo kulturorë.
Tradhtia përjetohet nga individi në një mënyrë shumë subjektive dhe unike që lidhet me personalitetin, të shkuarën dhe eksperiencat personale, vlerën që i jep marrëdhënies aktuale dhe sigurisht dashurinë që vazhdon të ndjejë apo jo për partnerin, por edhe edhe nga shoqëria që rrethohet, mjedisi ku është rritur e jeton, profesioni, si dhe kultura që ka.
Çfarë ndodh me partnerin e tradhtuar?
Një shprehje franceze thotë: Zot të lutem bëj që gruaja të mos më tradhtojë, por edhe po më tradhtoi bëj që të mos e marr vesh, por edhe po e mora vesh, bëj që të mos e besoj.
Tradhtia shkatërron vetëbesimin, vetëvlerësimin, besimin të partneri apo të tjerë, ëndrrat, shpresat, dëshirat, etj. Tradhtia shkakton krizë për identitetin personal dhe atë seksual. I tradhtuari vë në dyshim gjithçka, që ai/ajo ka menduar si të rëndësishme, joshëse apo tërheqëse te vetja. Tradhtia si pasojë e humbjes së vetëvlerësimit dhe vetëbesimit shkakton shok, zemërim, indiferencë apo dhimbje ekstreme, ankth, tërheqje emocionale dhe shoqërore, rënie të dëshirës seksuale, ndryshim të regjimit ditor, etj. Pra zhgënjimet emocionale mund të ndikojnë mbi shëndet duke krijuar stres, depresion apo rënie të përgjithshme të imunitetit, që e bën individin më të predispozuar ndaj sëmundjeve.
Meshkujt e përjetojnë tradhtinë si fyerje ndaj virilitetit apo egos së tyre mashkullore, ndërsa femrat përveç fyerjes kryesisht e përjetojnë tradhtinë si humbje të sigurisë, dashurisë, vetëvlerësimit (qoftë fizik apo intelektual), apo edhe statusit social, personal.
Tradhtia e largon vëmendjen nga partneri dhe marrëdhënia aktuale. Kur tradhton nuk mund të përkushtohesh njësoj në marrëdhënie si më parë. Tradhtia krijon një trekëndësh, që ushtron presion të trajtohet si i barazvlefshëm. Tensioni bën që vëmendja, përkushtimi, kënaqësia që merret nga marrëdhënia nuk mund të jenë më njësoj. Humbja e vëmendjes sjell rënien e cilësisë së marrëdhënies, e cila sjell pakënaqësi. Kjo pakënaqësi interpretohet si mungesë dëshire për të qëndruar me partnerin dhe rrit justifikimin për ta tradhtuar. I gjithë ky skenar kthehet në një rreth vicioz, i cili është vështirë të ndërpritet nëse çifti nuk bën përpjekjet e duhura në kohën e duhur.
A mund të falet një tradhti?
Vështirë të jepet një përgjigje. Siç e përmenda më lart përjetimi i tradhtisë është shumë personal e si i tillë është i vetmi që përcakton të ardhmen e marrëdhënies. Secilit prej nesh i buron impulsivisht përgjigja nëse mund të falë apo jo tradhtinë, por pak nga ne e dinë sesi do të reagojnë realisht nëse ajo ndodh vërtet. Shumë mund të mendojnë se nuk e falin kurrë, por mund të ndodhë e kundërta si dhe anasjelltas.
Megjithatë të gjithë duhet të dimë që tradhtia kurrë nuk e forcon dashurinë dhe mbijetesën e marrëdhënies së një çifti. Tradhtia mund të falet sepse dashuria për partnerin është shumë më fortë sesa dëshira për ta braktisur atë, sepse janë fëmijët në mes, sepse nuk do të humbasësh sigurinë afektive, sociale dhe ekonomike që të jep marrëdhënia, sepse edhe ty të kanë falur dikur por kurrë sepse harrohet apo sepse nuk të bën përshtypje dhe je indiferent ndaj saj.
Tradhtia shkakton gjithmonë një ridimensionim të marrëdhënies. Tradhtia dëmton integritetin personal, i cili sjell edhe dëmtimin e integritetit të marrëdhënies. Humbet besimi, qartësia, siguria, mbështetja, shtohen dyshimet etj., të cilat e ndryshojnë qëllimin primar të marrëdhënies dhe bëhen burim stresi, shqetësimi, ankthi, etj.. Tradhtia tregon pamundësinë e individit për të krijuar një marrëdhënie të afërt me partnerin e zgjedhur – prandaj kërkohet zgjidhja diku tjetër. Tradhtia plotëson me shpejtësi boshllëqet momentale të marrëdhënies, por nuk i zgjidh problemet mes çiftit. Ajo zakonisht i shton ato.
Pse tradhtojmë?
Nëse partneri që tradhtohet vendos të rikthehet në marrëdhënie, duhet që përveç shqyrtimit të përgjegjësisë së partnerit të shqyrtojë edhe përgjegjësitë e tij. Kur i tradhtuari bën sikur e fal, por realisht nuk e fal partnerin, apo kur ndërmerr herë rolin e viktimës, herë të superiorit, atëherë çifti do e ketë të vështirë të vazhdojë marrëdhënien. Nëse, përkundrazi, çifti diskuton pasojat që tradhtia ka lënë mes tyre si dhe mënyrën se si mund t’i kalojnë ato, kjo mund t’i hapë rrugë një rifillimi të mbarë të marrëdhënies. Mbi të gjitha ata duhet të përpiqen të japin dhe rifitojnë besimin dhe sigurinë mes tyre dhe jo të keqtrajtojnë, apo të mbajnë mëri njëri-tjetrin. Në raste të tilla fjalët mund të shkaktojnë lëndime të mëtejshme që mund të çojnë në ndarje përfundimtare. Ata duhet të përpiqen t’i shfaqin afeksion të vazhdueshëm dhe reciprok njëri-tjetrit pasi vetëm kështu mund t’i kapërcejnë vështirësitë, që sjell përballimi i situatës së re pas tradhtisë.
Megjithatë duhet të kemi parasysh se edhe pas vendimit për të rifilluar marrëdhënien, partneri i tradhtuar mund ta ketë të vështirë të falë dhe çifti mund të bjerë në përsëritje të gabimeve të mëparshme, gjë që mund ta shkatërrojë përfundimisht marrëdhënien. Përballimi i situatës së re lidhet shumë jo vetëm me aftësitë e çiftit për të qenë pranë dhe ndihmuar njëri tjetrin, por edhe aftësitë individuale të secilit partner për të kuptuar, për të pranuar, për të falur dhe për të krijuar një marrëdhënie të re më të mirë se e mëparshmja
