Personazhet publikë publikojnë shpesh fotografi nga fëmijëria, por kurioziteti i publikut vazhdon të jetë i madh për transformimin e tyre.
Një ndër ta edhe Robert Berisha, i cili duket se është bërë nostalgjik për kohën kur ishte në fëmijë dhe ka publikuar në rrjetet sociale një fotografi kur ishte në adoleshencë.
Edhe pse vitet kanë kaluar, këngëtari nuk duket se ka ndryshuar shumë në pamje.
Jonida Maliqi mbetet një ndër këngëtaret më të pëlqyera të publikut.
Ajo njihet për stilin dhe për veshjet e saj të veçanta dhe plot shije.
Jonida prej vitesh është pjesë e skenave shqiptare, me një karrierë të gjatë, e cila nis që nga festivalet e fëmijëve, deri tek prezantimet dinjitoze, në Eurovizion.
Kengetarja e njohur ka treguar për ndjekësit e saj në rrjetet sociale se si dukej 25 vite më parë kur ishte vetëm 11 vjeçe dhe këndonte në skenë këngën me titullin “Dembele”.
Bashkëngjitur videos së hershme të saj, ajo shkruan: “1994, 25 vite më parë, vetëm 11-vjece” .
Kengetarja nuk njihet pothuajse fare më flokët e shkurtra.
Ndërkohë, ndryshimi është i saj i viteve të fundit është pritur mirë, por ka pasur edhe kritika.
Jo të gjithë i shohin gjërat njësoj.
Një komentuese i ka shkruar së fundmi këngëtares: “Je bërë si tranvestit, me të kap ty, zëre se ke kapur një trans”.
Duket ky koment, aspak i këndshëm, nuk ka kaluar pa një përgjigje nga Jonida.
“Më mirë vetja se sa prototipi i vulgaritetit”, – ka qenë përgjigja e saj.
Jonida Maliqi ndonëse nuk ka sjellë kohët e fundit ndonjë projekt të ri, mbetet tepër aktive në rrjetet sociale./NOA.al
Akademia e Shkencave e Shqipërisë përkujtoi sot në 3-vjetorin e ndarjes nga jeta akademikun e shquar Farudin Hoxha.
Farudin Hoxha ishte inxhinier hidroteknik, profesor, akademik. Ai lindi në Gjirokastër. Kreu Politeknikumin e Tiranës dhe ndoqi studimet e larta për ndërtime hidroenergjetike në Budapest e Sofje; u diplomua më 1961 në UT.
Prej vitit 1961 ka punuar në Institutin Shtetëror të Projektimit në Tiranë, në Drejtorinë e Hidrocentraleve dhe më vonë në Institutin e Studimeve dhe të Projektimeve të Hidrocentraleve, Nënstacioneve dhe Linjave të Tensionit të Lartë.
Në vitin 1971 për një periudhë gjashtëmujore, kam kryer specializimin pasuniversitar në Francë për mekanikën e dherave dhe ndërtimin e digave të larta me materiale vendi ose rrethanorë.
Pavarësisht nga detyrat e tjera që iu ngarkuan, profesori ka vazhduar rregullisht punën studimore e projektuese në këtë Institut deri në mesin e vitit 1993. Nga nëntori 1982 deri në maj 1988, ka qenë ministër i Ndërtimit dhe më pas deri në 21 shkurt 1991, kur ka dhënë dorëheqjen dhe është larguar nga qeveria, ka qenë ministër pranë Këshillit të Ministrave për bashkëpunimin ekonomik me jashtë.
Ka qenë anëtar i grupit qendror për studimet, projektimet dhe ndërtimet e veprave hidroenergjetike në Shqipëri:Skema e shfrytëzimit hidroenergjetik të lumit Drin, Hidrocentrali i Vaut të Dejës me fuqi 250.000 kw dhe prodhim mesatar vjetor të energjisë elektrike 1 miliard kilovat/orë, Hidrocentrali i Komanit me fuqi 600.000 kw dhe prodhim mesatar vjetor të energjisë elektrike 2 miliard kilovat/orë, Hidrocentrali i Fierzës me fuqi 500.000 kw dhe prodhim mesatar vjetor të energjisë elektrike 1.7 miliard kilovat/orë, Hidrocentrali i Banjës me fuqi 60.000 kw dhe prodhim mesatar vjetor të energjisë elektrike 0.25 miliard kilovat/orë, Hidrocentrali Bistrica II me fuqi 5.000 kw dhe prodhim mesatar vjetor të energjisë elektrike 0.032 miliard kilovat/orë, Hidrocentrali i Bogovës me fuqi 2.500 kw dhe prodhim mesatar vjetor të energjisë elektrike 0.0125 miliard kilovat/orë.
Ka qenë projektues dhe kryetar i grupit të studimit dhe të projektimit të të gjitha digave të hidrocentraleve të mësipërme me lartësi nga 40 m deri në 167 m disa prej të cilave nga Komiteti Botëror i Digave të Mëdha (ICOLD), janë klasifikuar ndër më të lartat në Evropë e më gjerë.
Ka kryer studime dhe projektime dhe për vepra të tjera hidroteknike dhe hidroenergjitike të rëndësishme, si: hidrocentrale, ujëmbledhës, diga, stacione pompimi etj., një pjesë e të cilave janë ndërtuar.
Ka qenë kryetar i Komitetit Kombëtar Shqiptar të Digave të Larta prej vitit 1991 deri në vitin 1995. Prej vitit 2002 e në vazhdim ka qenë kryetar i këtij Komiteti.
Nga nëntori 1999 deri në nëntor 2000 ka qenë drejtor i përgjithshëm i Korporatës Elektroenergjetike Shqiptare. Prej vitit 1997 deri në vitin 2008 ka qenë anëtar i Këshillit të Rregullimit të Territorit të Republikës së Shqipërisë, ndërsa nga viti 1997 deri në vitin 2004 ka qenë anëtar i Këshillit të Politikës Shkencore dhe Zhvillimit Teknologjik të Republikës së Shqipërisë.
Hoxha prej vitit 1973 deri në vitin 1982 ka qenë anëtar i Komisionit Qeveritar për ekonominë ujore me vendet fqinje. Prej vitit 2001 deri në vitin 2005 ka qenë anëtar i këtij Komisioni. Nga viti 2000 deri në vitin 2006 ka qenë i zgjedhur anëtar i Këshillit Bashkiak të Qytetit të Tiranës.
Mban titullin shkencor “Profesor” dhe “Akademik”. Në vitin 1986 u pranua anëtar korrespondent i Akademisë së Shkencave të Shqipërisë dhe nga viti 1989 ishte anëtar i saj. Prej vitit 1997 deri në vitin 1999 ka qenë sekretar shkencor i ASh-së dhe nga ky vit deri në vitin 2008 u zgjodh dhe zëvendëskryetar i saj. Për arritjet në punën studimore dhe projektuese në fushën e ndërtimeve hidroenergjetike, është nderuar dy herë me Çmimin e Republikës së Klasit të Parë./atsh
Në dietën me ujë mund të hiqen nga gjysmë kilogrami në ditë. Megjithatë, kjo guxon të bëhet çdo të dytën ditë. Dhe jo në periudhë të gjatë, por kohë pas kohe. Këshillohet që këtë lloj të ushqyerit ta aplikoni vetëm një herë në javë.
Në mëngjes
Një gotë e madhe e ujit apo çajit apo lëngu natyral. Pemë e lëngje mund të hani e pini sa të doni
Në kohën e paradrekës
Një gotë e madhe e ujit, çajit apo lëngu natyral. Disa fruta, sipas mundësisë kombinojini në lloje të ndryshme. Në varësi nga periudha kohore e vitit, ujë më së shumti përmbajnë: rrushi dhe qitroje në vjeshtë dhe dimër; pjepri dhe shalqiri në pranverë dhe verë.
Dreka
Një gotë e madhe ujë para buke dhe një gotë çaj pas buke. Menyja përbëhet nga perimet të papërpunuara, në masë sa të dëshironi ju, me uthull, vaj, limon apo mëlmesa sipas dëshirës. Sallatës mund t’i shtoni edhe ullinj. Guxoni të hani secilën lloj të sallatave të papërpunuara dhe të konservuara: selino, sallata e jeshile, karota, spec, tranguj, qepë, misër, sojë, domate
Para darka
Një gotë e madhe me ujë apo çaj natyral. Një gotë qumësht apo jogurt, apo 30 gram djathë ose ndonjë fryt.
Darka
Pini një gotë ujë para buke dhe një filxhan çaji pas buke, 100 gr. mish (pule apo viçi) ose 150 gr. peshk, apo një vezë me perime dhe pemë.
Kujdes: Këtë dietë nuk duhet ta mbani gjithë javën, sepse do të shkaktojë mungesë ekuilibri të materieve në organizëm. Guxon të praktikohet më së shumti çdo të dytën ditë. Dhe jo gjatë, por kohë pas kohe.
E rëndësishme: Pini të paktën tetë gota ujë në ditë, ndërsa të ushqyerit duhet të jetë i pasur me gjëra që përmbajnë shumë ujë, siç janë pemët dhe perimet.
Biznesmeni ‘gay’, Elton Ilirjani ka rrëfyer që ekziston mundësia që të ndërrojë gjini.
“Pas dy vitesh mund të kthehet në një femër super seksi” dhe do konkurrojë të gjitha vajzat e showbizz-it shqiptar”, tha Elton Ilirjani.
Aktualisht Ilirjani tha se ka bërë vetëm filler tek buzët, ndërsa e quajti luks faktin që është mashkull dhe femër njëkohësisht.
“Nuk kam bërë filler, vetëm tek buzët. E quaj luks të jem edhe mashkull, edhe femër. Nuk ka asgjë të keqe që ti kem të dyja”.
“Më mirë të kesh më shumë, se sa më pak. Asnjëherë nuk i dihet, se mund të vij pas dy vitesh një femër super seksi, 1 e 80 e gjatë dhe mund t’i konkurrojë të gjitha gocat e showbizz-it aty dhe mund të jem më tërheqës”.
“Sepse unë jam tërheqës në këtë mënyrë, jo më të ndërhyj me paratë dhe mundësitë që kam,”– tha biznesmeni gay, teksa ishte i ftuar në emisionin “Ftesë në 5”.
Po ashtu ai zbuloi edhe se kush nga këngëtarët shqiptarë i pëlqen më shumë.
Duke folur me superlativa për reperin Mozzik, Elton Ilirjani zbuloi fiksimin për të.
Biznesmeni u shpreh se Mozzik është një mashkull i bukur dhe king, jo si ata që veshin mbathje rozë.
“Patjetër do të doja të bëja një bashkëpunim me Mozzik, sepse ai çun është më i vërteti aty dhe më vjen shumë keq që filluan e goditën”.
“Përveçse është këngëtar shumë i mirë dhe të gjithë të plasin nga inati. Ka një zë të mirë, është stil amerikan në të kënduar, por është edhe mashkull i bukur. Është king, nuk është si meshkujt femra aty që më shajnë mua, janë më femra se unë”.
“Ata vishen me ngjyra dhe mbathjet i kanë rozë. Mozzik është mashkull tamam për muzikën që bën. Në gjithë këtë verë, në fotot që pashë Mozzik më tërhoqi më shumë,”- u shpreh Elton Ilirjani.
Pritet reagimi i repistit me emrin artistik, Mozzik, mbi këtë vlerësim që i është bërë.
Qeveria pas mbylljes së kazinove dhe lojrave të fatit, duket se ka ndryshuar mendim.
Sapo erdhi në pushtet, një nga nismat e para të qeverisë “Rama” ishte ndalimi i kazinove, përmes aksionit “fund marrëzisë.”
Një vit më parë ato u ndaluan masivisht.
Duket se marrëzia ka marrë fund, në këtë kohë pandemie, megjithatë nuk është sqaruar nëse do të hapen vetëm kazinotë apo edhe lojërat ku luhen skedinat.
Njoftimi është dhënë për kazinotë, por në ligjn e lojërave të fatit, pritet të ketë lëshime edhe mbi kompanitë që operonin në bastet sportive. Në fakt ato vazhdojnë aktivitetin “on-line.”
31 dhjetori i vitit 2018 ishte dita e fundit e punës për bastet si edhe lojërave të fatit. Pas vendimit për të ndaluar lojërat e fatit në vendin tonë, kazinotë u lejuan vetëm në hotelet me 5 yje.
Kategoritë që do të lejohen të pajisen me një licencë kazinoje janë shoqëritë aksionare që operojnë në Shqipëri, kanë kapital jo më pak se një miliard e dyqind milionë lekë dhe kenë përvojë në fushën e lojërave të fatit.
“Çdo person juridik apo bashkim personash juridikë, vendës ose i huaj, që kërkon të pajiset me licencë në kategorinë “Kazino”, duhet të përmbushë kriteret minimale, si më poshtë vijon:
a) të jetë shoqëri aksionare, me seli në territorin e Republikës së Shqipërisë, në objektin e veprimtarisë të së cilës të pasqyrohet veprimtaria për lojëra fati, sipas llojit të lojës që kërkohet;
b) shuma e kapitalit duhet të jetë jo më pak se 1 200 000 000 (një miliard e dyqind milionë) lekë;
c) të deklarohet burimi i kapitalit, që do të investohet për ushtrimin e veprimtarisë në fushën e “Kazinosë”;
ç) të kenë përvojë në fushën e lojërave të fatit;
d) të ketë kapacitetet e duhura financiare, administruese, organizative dhe besueshmërinë e aplikantit për t’u angazhuar me sukses në projekte të tilla;
dh) të paraqesë garancinë pasurore, së bashku me aplikimin dhe me kushtet e sekuestrimit të kësaj garancie;
e) të paraqesë kufizimet për ndryshimet e pronësisë së aksioneve për të licencuarit;
ë) të ngrejë serverin, në të cilin do të japë informacion të plotë mbi çdo transaksion që do të kryhet midis subjektit dhe lojtarëve, xhiron dhe fitimin, si dhe çdo të dhënë që do të kërkohet nga AMLF-ja në lidhje me zhvillimin e këtij aktiviteti. AMLF-ja do të ketë akses në kohë reale te ky server”.
Grimieri shqiptar ho moseksual, Dario Doka, tregon se një ndër planet që ai ka është dhe ikja nga Shqipëria. Pasi ka folur hapur mbi seksualitetin e tij, Dario është përballur me shumë paragjykime, mirëpo kjo gjë nuk e pengon të bëjë atë që di më mirë të ushtrojë, grimin.
Mirëpo, Shqipëria sipas tij edhe nëse fillon të ecësh në karrierë nuk ke ku shkon më.
“Nëse më del fati që nesër do kisha ikur dhe nuk do isha kthyer më kurrë mbrapa. Kjo është edhe arsyeja pse unë nuk kam hapur ende një studio timen sepse nëse e hap i bie që të ngelem këtu edhe unë nuk dua që të rri këtu. Unë dua pjesën jashtë, Hollywood ose Kalifornia mjafton që të jem jashtë , vetëm jo në Shqipëri. Nëse do të isha jashtë do të kisha më shumë hapësirë dhe do të isha vlerësuar më shumë. Këtu edhe pak që mund të ecësh nuk ke ku shkon më.
Kur del hapur, që jo vetëm lyen veten tënde por edhe pranon që je gay, pothuajse i ke gjërat e pamundura nga disa njerëz”, tha Dario i ftuar mëngjesin në emisionin “Ditë e Re”.
Ajo mbetet një nga këngëtaret mjaft të dashura për publikun shqiptar.
Kjo për faktin se Aurela Gaçe i përket një rryme tjetër artistësh, të cilët përfaqësojnë vlera artistike dhe ajo mbetet një nga zërat më dinjitozë të momentin.
Aurela njihet për projektet e saj të suksesshme muzikore, të cilat menjëherë pas publikimit kthehen në hite.
Ajo u shfaq me kaçurrela dhe plot ngjyra në videoklipin e ri të kësaj vere.
Auela u shpreh se ishte një nevojë shpirtërore që të vinte me gëzim dhe me ngjyra.
“Lento Lento” ka qenë kënga e saj e fundit e publikuar gjatë verës, ku si asnjëherë me parë e pamë të shfaqej me një pamje shumë ndryshe. Por pati edhe kritika, si ajo e gazetarit Aleksandër Çipa, që e akuzoi për tekstin dhe daljen e saj nga origjinaliteti dhe vlerat e artit.
“Nuk e limitoj veten. Bëj çdo gjë dua, nëse më pëlqen. Nuk kam rregulla”, u përgjigj Aurela Gaçe.
Ajo ka folur edhe për përjetimin e saj gjatë kësaj situatë të vështirë, ku gjithë bota është mbërthyer nga Covid.
Aurela tha se kjo situatë e kishte frikësuar goxha sepse Covid-19 është diçka e panjohur për te gjithë. Këngëtarja nuk ngurroi të jepte edhe një mesazh të fortë dhe inkurajues për të gjithë njerëzit, në formën e një “recete” për të kaluar stresin nga situata e vështirë e Covid.
“Jeta vazhdon! Unë për vete kam zgjedhur ta jetoj çdo moment siç ma do shpirti, pa i bërë keq askujt.
Më pihet do pi, më qeshet do qesh, më kërcehet do kërcej edhe në lagje!”, tha Aurela duke qeshur, në studion e “Rudinës”.
Aurela Gaçe e ftuar, te programi “Rudina sot në “Tv Klan, tha se “e kisha për vete nevojë shpirtërore që të vija me gëzim, të vija me ngjyra, siç e shikon dhe sot me ngjyra, është shumë e nevojshme”, lidhur me këtë projekt.
“Domethënë edhe kur ulem në kafe me miqtë dhe kur fillojnë menjëherë bisedat me oh.. them stop, nuk dua fare të dëgjoj asnjë bisedë të tillë”.
“Çfarë ka ndonjë bisedë që të qeshim, të argëtohemi, të flasim për gjëra të bukura, sepse seriozisht kjo është një ngarkesë emocionale për të gjithë. Unë kam qarë boll nëpër këngë, kisha nevojë të qeshja, të kërceja, të sillja dritë”, – u shpreh Aurela.
