Një vajzë nga Nevada në Shtetet Bashkuara të Amerikës ka bërë një udhëtim aspak të zakontë, për të gjetur një shtëpi, për të cilën gjyshi i saj i kishte treguar kur ajo ishte e vogël.
Shtëpia ndodhej në mes të pllajës së Nevadës. Gjetja e asaj shtëpi ishte e vështirë, por vajza arriti ta gjente.
Nuk e di se çfarë më shty drejt kësaj aventure të çmendur. Mbase mënyra se si gjyshi më kishte folur për të shtëpi. E pata të vështirë ta gjeja, por tani nuk dua të largohem më nga kështu. Do ta rregulloj dhe do jetoj këtu larg të gjithëve dhe gjithçkaje”,- ka thënë vajza.
Shtëpia ishte fshehur në mes të shkëmbinjve dhe vajza ka gjetur edhe ushqim brenda saj. Mbase kjo ka qenë arsyeja që ajo është dashuruar pas kësaj shtëpie.
Kreu i PD-se, Lulzim Basha sot ne mbedhjen e grupit parlamentar demokrat, pasi ka degjuar kerkesat e disa deputeteve per bojkot te Kuvendit, ka argumentuar se perse ne kushtet aktuale, levizja drejt bojkotit do te ishte e gabuar dhe me rrezik.
Burime brenda grupit bejne me dije per “Panorama” se Basha ka thene prere se “Bojkoti i parlamentit deri ne shkarkimin e Xhafes qe u propozua nga shumica e deputeteve është plotesisht legjitim dhe më i natyrshmi në këto rrethana politike”.
Çfarë tha Basha ne mbledhjen e grupit te PD?
Në fakt e vetmja mënyrë sesi mund të hapen negociatat është që, kur Europa sheh se edhe kur Rama Xhafaj me krimin i organizuar kanë kapur shtetin, qytetarët nuk e pranojnë, e refuzojnë, nuk mbyllin sytë. Kjo i tregon partnerëve se edhe pse Rama nuk i ka plotesuar kushtet, shqiptaret me reagimin e tyre si europiane qe refuzojne dhe nuk e pranojne te keqen.
Levizja drejt bojkotit parlamentar ne kushtet kur jemi investuar fort per hapjen e negociatave, rrezikon te devijoje vemendjen nga ceshtja kryesore: qe kemi nje qeveri te lidhur me krimin e organizuar dhe trafikun e droges.
Kemi nje minister te Brendshem, vellai i te cilit është një trafikant ndërkombetar droge, i denuar ne Itali nga drejtesia Italiane, por qe me mbrojtjen dhe ndihmen e vellait minister te Brendshem vazhdon aktivitetin kriminal.
Kemi nje kryeminister qe eshte kaq i lidhur me krimin sa kalon nga nje minister i Brendshme pjese e nje organizate kriminale te trafikut te drogës, te nje minister qe ka vene Ministrine, policine dhe prokurorine ne funksion te mbrojtjes se vetes dhe vellait të tij trafikant droge.
Ne keto kushte, jam i mendimit të perdorim te gjitha format dhe menyrat demokratike si opozite me grupin parlamentar, strukturat, qytetaret per te bere te qarte qendrimin tone te prere se largimi i Fatmir Xhafes eshte kusht i panegociueshem i opozites, veprim i domosdoshem per hapjen e negociatave. As shqiptaret, as Europa nuk mund te pranojne qe vendi te kaloje nga policia Tahiri-Habilaj te policia Xhafaj dhe prokuroria Rama-Xhafaj.
Fatmir Xhafaj duhet të largohet nga Ministër i Brendshëm dhe të hapë rrugën për një hetim të pavarur dhe të pandikuar nga pushteti që ai mban sot.
Policia e Shtetit duhet të çlirohet nga kapja prej klanit Xhafaj, i cili zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës. Lufta kundër krimit dhe drogës është një kusht kryesor i hapjes së negociatave me Bashkimin Europian, plotësimi i të cilit po vazhdon t’i kërkohet me forcë qeverisë shqiptare nga qeveritë europiane.
Nuk i durojmë dot dhe kjo nuk është aspak e zmadhuar. E hëna është dita më e padëshiruar e javës nga kushdo që duhet të dalë shpejt në mëngjes, nga shtëpia, për të shkuar në punë, ose në shkollë. E premtja, sa për sqarim, duket se është dita më e dashur e javës. Si ka mundësi, kush ka ndonjë ide?
Por le të kthehemi te e padëshiruara, e hënë. Aq e padëshiruar, aq depresionuese, sa e hëna, sipas shumë studimeve, është dita në të cilën ne priremi të ankohemi pothuaj dy herë më shumë sesa çdo ditë tjetër të javës. Është aq e padëshiruar, dhe kjo, në nivel botëror, sa është dita që në total llogarit më shumë minuta vonesë në punë.
Po pse e kemi kaq shumë inat të hënën. Çfarë na lëndon te kjo ditë? Çfarë do thoshit nëse dikush ka arritur deri aty sa të rreshtojë arsyet më të qenësishme për të mos e dashur të hënën? Ja ku janë, sa për të hapur bisedën. Ndjehuni të lirë të kontribuoni me arsyet personale, nëse keni sigurisht …
Stresi për punën që ju pret në ditët në vijim, po nis një javë e re dhe fundi as nuk i duket…
Të hënën kthehesh në rutinë, ndërsa gjatë fundjavës nuk ke pasur fare rutinë. Traumatike.
Gjatë fundjavës del dhe fle më pak, të hënën zgjohesh, me zile alarmi dhe me një mungesë gjumi të ndjeshme…
Gjatë fundjavës ha pak më shumë, por sidomos pi më shumë sesa gjatë pjesës tjetër të javës. Përfundimi? Një gjendje jo e mirë. Një shqetësim fizik dhe psikologjik. Fikeni atë zile!!!
E hëna është dita kur paraqiten më shumë dorëheqje nga puna. Një tjetër studim, tregon, jo surprizë tashmë, që e marta është dita kur paraqitet numri më i madh i kërkesave për punësim. E njeh rastin? Nuk besojmë.
Rihyrja në vendin e punës, ose në shkollë, vë në krizë nevojën tonë për siguri. Po sikur të ketë ndryshuar diçka gjatë fundjavës? Nuk e mendojmë këtë, por frika mos gjejmë një surprizë të pakëndshme, edhe vetëm pas dy ditësh largësi, rrisin shqetësimin e rikthimit.
Nuk të pëlqen fare puna jote. Përkundrazi. Dhe të rikthehesh në punë, kur ajo nuk të pëlqen, është shkak i rëndësishëm logjik i pështjellimit tënd.
Të hënë të mbarë të gjithëve…Mësoni ta doni të hënën!
Dukati i Vlorës ose dukati i trimave dhe i historisë si njihet ndryshe me histori të vjetër e me këngë e valle .
Një nga fshatrat më të mëdhenj të Shqipëris për nga sipërfaqja është Fshati Dukat .
Dukati ndodhet në jug të Gjirit të Pashalimanit dhe kufizohet në verilindje me Tragjasin, në lindje me Tërbaçin, në jug me Palasen,në veri-perendim laget nga deti Adriatik e ne jug/ perëndim nga deti Jon.
Ky fshat piktoresk është i vendosur në këmbët e maleve Paliske e Qore, në një grykë të thellë e të thyer, me përrenj të shumtë.
Ai ngelet në shekuj kështjelle e pathyeshme natyrore.Gjith gadishulli i Karaburunit është pjes e Dukatit.Edhe Dukati I Ri është ndërtuar po në territorin e Dukatit, kjo për efekt të rritjes së popullsis,qeveria e asaj kohe(PPSH)vendosi të ndertohej një fshat i ri,në mënyrë të mos prishej aktuali.Llogaraja është pronë e Dukatit.Që ku fillon Gadishulli i Karaburunit,nga bishti i gjuhës, përball Sazanit,e deri thuajse afer plazhit të Palasës jane territore të Dukatit.
Për të shkuar në fshatin Tragjas i Vjetër, duhet të kthehesh në të majtë të rrugës kombëtare Vlorë-Sarandë, rreth 500 metra pa mbërritur në qytezën e Orikumit, 20 km në jug të Vlorës. Duhet të përshkosh fshatin Tragjas i Ri dhe të ecësh nëpër një rrugë, vërtet të paasfaltuar, por gjithsesi të pranueshme dhe të kalueshme nga automjetet. Tragjasi i Vjetër, ndodhet në kreshtën e disa kodrinave, që shfaqen papritmas, pas kthesave të shumta, në një lartësi prej më shumë se 300 metra mbi nivelin e detit. Në hyrje të këtij fshati, që në fakt, tashmë është vetëm një mori ngrehinash gjysëm të shkatërruara, krijon një perceptim për atë që ka qenë krijuar këtu prej shekujsh. Këto ngrehina duket sikur flasin për çdo vizitor, që mund të mbërrijë këtu, i ngacmuar nga historia dhe nga ajo çka mbetur nga jeta e dikurshme. Kanë kaluar rreth 70 vjet qëkurse ky ngulim është braktisur prej banorëve të tij të dikurshëm, por këtu jeta vazhdon të jetë e gjallë. Ajo pulson. Perceptohet në gjithë këtë mjedis, ndonëse ngrehinat janë gjysmë të rrënuara, të mbetura në këtë gjendje pas atij momenti kur fshati u shkatërrua dhe u dogj nga pushtuesit gjermanë, në atë vit të largët të 1944-ës.
Banorët u larguan prej këtu, për t’u zhvendosur poshtë, në luginë, shumë më pranë bregut të detit, ku është sot fshati. Por, pas lanë kujtimet e prindërve, të gjyshërve, lanë një histori shumë të pasur të ndërtuar nga këta njerëz, por edhe një traditë të shquar në ndërtim. Pavarësisht gjendjes, gjysmëbanesat e Tragjasit të Vjetër flasin për çdo vizitor. Këtu nuk gjen njerëz, por, tragjasiotët nuk e kanë braktisur atë. Kthehen shpesh për të parë të shkuarën e tyre. Madje, kjo këmbëngulje ishte edhe një nga faktorët që përshpejtoi projektin e rikonstruksionit të sheshit të fshatit, atje ku sot ndodhet një krua. Tashmë, Tragjasi i Vjetër flet. Ai ka nisur të vizitohet nga njerëzit, por edhe nga të huajt, që zbulojnë aty vlera tërheqëse të historisë dhe të traditës në ndërtim. Pak vjet më parë, një profesor francez, që vizitoi rastësisht këtë vend, u befasua nga ajo që pa. “Është një vend përmes të cilit ju mund të tërhiqni mjaft turistë, nëse do të investoni”, u shpreh ai. Kohë më parë u ndërhy për riparimin e pjesshëm të rrugës, ndërkohë që u përshtat disi edhe sheshi i fshatit.
Më tej, është e nevojshme të rikonstruktohen edhe disa nga banesat më të mirëmbajtura. “Sheshi i këtij fshati, i shpallur monument kulture, është një nga elementët kryesorë referues të të gjithë mjedisit arkitekturor, që përfaqësohet nga ndërtesa të vjetra që pasqyrojnë traditën e hershme të kësaj zone”, thonë specialistët. Banesat e braktisura prej dekadash nga pragfundi i Luftës së Dytë Botërore dhe, në tërësi, fshati Tragjas i Vjetër, përfaqësojnë një traditë të pasur e të veçantë në ndërtim, që mund të shndërrohen në resurse të rëndësishme, në funksion të zhvillimit të turizmit. Kjo favorizohet edhe nga pozicioni gjeografik i fshatit, në zonën bregdetare të Orikumit. Gjatë muajve të verës, ky fshat vizitohet nga pushues nga rrethe të ndryshme të vendit, si dhe nga të huaj, turistë nga Maqedonia , Mali i Zi, Franca e Italia. Specialistët janë optimistë se, gjatë periudhës së verës, Tragjasi i Vjetër mund të shndërrohet në një referencë për vlerat kulturore në funksion të zhvillimit të turizmit. Sipas historianëve, ky vendbanim është ndërtuar në fund të shekullit XIV dhe fillim të shekullit XV, nga Gjergj Arianiti, babai i Donika Kastriotit./Shekulli
Ndryshon rrjedha për 3 autorët qe i moren jeten Marvi Mihalit pas publikimit të pamjeve filmike dhe denoncimit publik të prindërve të 23-vjeçarit që u vra për një karikues celulari.
Nga “moskallëzim krimi” Dejvi Bitraj, Kridens Alla dhe Marsel Alla tashmë do përballen me akuzën e “vrasjes në bashkëpunim”.
Mësohet se 3 javë më parë, babai i Marvit të ndjerë, Pavllo Mihali ka shkuar në Prokurorinë e Përgjithshme ku është pritur nga drejtuesit e lartë të prokurorisë të cilëve u është ankuar për prokurorin Artan Lulaj.
Prokuroria e Përgjithshme me angazhimin e vetë Arta Markut ka vendosur të ndryshojë prokurorin e çështjes duke ia lënë në ngarkim një prokurori të ri.
Kështu, iu hoq “nga duart” çështja prokurorit Artan Lulaj i cili la të lirë 3 autorët dhe iu ngarkua prokurorit të ri Gjergji Tako, raporton newsbomb.al.
Ky i fundit, menjëherë ka ndryshuar akuzën ndaj 3 të rinjve, bashkëpunëtorë në krim me Eugen Bitrajn, nga “moskallëzim krimi” në “bashkëpunim në vrasje”.
Akuza e artikuluar nga prokurori Gjergji Tako, është pranuar nga gjykata dhe tre të rinjtë pritet të kthehen sërish në qeli.
Marvi Mihali, 23-vjeç, djalë i vetëm i familjes Mihali mbeti viktimë si pasojë e plagëve të shumta me thikë gjatë sherrit banal që ndodhi më 31. 07. 2017 pranë stadiumit “Selman Stermasi” për një karikues telefoni.
Pas dyerve të rënda dhe tuneleve konkrete janë serverët e fshehur kompjuterikë, të lidhur me asgjë, në të cilat ekziston një ‘çelës’ i pasurisë së madhe digjitale.
Sipërmarrësi argjentinas Wences Casares kaloi vitet e fundit duke bindur miliarderë dhe milionerë nga Silicon Valley se bitcoin është monedha e së ardhmes, të cilën ata gjithashtu duhet ta kenë dhe se njeriu më i mirë për kujdesin e tij është pikërisht ai.
Start-Up i tij Xapo ka ndërtuar një rrjet të madh bunkerëve të nëndheshëm, thesare për të ruajtur bitcoins në pesë kontinente, duke përfshirë një të vendosur në ish-bunker ushtarak zviceran. Xapo është i njohur për listën e gjatë të klientëve dhe shqetësimeve të mëdha të sigurisë, por është edhe më i njohur – sa para digjitale gjenden në këta bunkerë?
Klientët e tyre thonë se janë rreth 10 miliardë dollarë në bitcoin, por është e vështirë të dihet vlera e saktë, pasi çmimi i bitcoin ndryshon. Në duart e tyre gjendet çelësi për rreth 7 për qind të tregut të bitcoin në botë, shifër kjo e jashtëzakonshme për kompaninë ‘e vjetër’ vetëm katër vjet, që sipas këtyre vlerësimeve ka mbi 98 për qind të depozitave në 5.670 banka në SHBA.
Ruajtësit e ‘gjuetisë’ botërore kanë një rregullore të veçantë. Biznesi i tyre zviceran mbikëqyr Shoqatën e Standardeve të Shërbimeve Financiare, i cili kontrollon anëtarët për të gjetur nëse ato janë në përputhje me rregullat e rrepta të pastrimit të parave.
Shërbimi iu ofrua gjithashtu klientëve amerikanë nëpërmjet një korporate Delaware të regjistruar në Rrjetin e Përmbarimit të Krimit Financiar të Departamentit të Thesarit të SHBA dhe të licencuar në disa vende.
Besimi është Casares – një sipërmarrës i njohur për pseudonimin “Pacienti Zero”, i cili ka nxitur interesin e Silicon Valley për bitcoin – të fituara nga ndjekësit e tij dhe kompanitë e mëdha të investimeve si Grayscale dhe CoinShares.
“Ata që nuk kanë çelësat për pasurinë digjitale vetë, kanë dorëzuar çelësat për Xapo”, tha Ryan Radloff i CoinShares, i cili në kutitë e tij fsheh më shumë se 500 milionë dollarë në vlerë të bitcoins.
Lista e mbështetësve të tyre, miliarderëve, përfshin LinkedIn, të udhëhequr nga bashkëthemeluesi i tyre Reid Hoffman dhe ish-tregtari i Wall Street, Mike Novogratz, i cili është aktualisht në procesin e krijimit të bankës së tij të kripto-tregtare. Ata parashikojnë se bitcoin do të mbetet aty përgjithmonë, dhe frika e tyre më e madhe është – vjedhja e tij.
Rregulli i parë dhe ndoshta më i rëndësishëm për zotërimin e një bitcoin është të sigurojë një çelës privat në veçanti – një kod që lejon përdorimin e bitcoin. Nëse çelësi është kapur nga hajdutët, në këtë moment mund të mbeteni pa kurrgjë dhe shanset që bitcoins e vjedhur do t’ju kthehen janë pothuajse zero.
Nëse çelësi juaj është i lidhur me një pajisje me internet, edhe pse është shumë praktike, është në të vërtetë shumë e rrezikshme, pasi hakerët kanë provuar të jenë shumë të shkathët dhe do të marrin të dhëna pa asnjë problem.
Alternativa më e popullarizuar është një ‘magazinim i ftohtë’, çelësi i të cilit është në një pajisje jashtë linje – USB. Por rreziku mbetet, hakerët dinakë janë në gjendje të vënë kurthe në kompjuter për të siguruar qasje në ‘ruajtje’, në pikën e lidhjes me internetin, shkruan Bloomberg.
Disa kriminelë i janë kthyer qasjes tradicionale të grabitjes, që përfshin thyerjen dhe rrëmbimin. Vetëm për shkak të çështjeve të ndryshme të sigurisë, pronarët e pasur të bitcoins fshehin identitetin e tyre, rrisin sigurinë e shtëpive të tyre dhe madje trajnojnë një lloj vetëmbrojtjeje.
Xapo ofron një zgjidhje për të ruajtur bitcoins të vlefshme thellë në male me një rrjet të fortë sigurie.
“Ata janë të parët që njohën rëndësinë e rolit të kujdestarisë dhe funksioneve të sigurisë”, tha Hoffman, firma e investimeve të të cilit Greylock Partners në Xapo investoi 20 milionë dollarë në 2014, vetëm disa vjet pasi Casares e nxiti atë duke blerë bitcoin e parë.
Në Xapo zgjat rreth dy ditë për të tërheqë bitcoins dhe procesi përfshin kontrollimin e identitetit të klientit dhe autorizimin e kërkesës përpara se të miratohen transaksionet me çelësa privatë nga vende të ndryshme.
Në mënyrë që transaksioni të autorizohet, kërkohet miratimi nga tre palë të ndryshme. Kompania gjithashtu u ofron klientëve mundësinë për të shitur dhe blerë bitcoins dhe kanë krijuar kartën e parë të debitit për shpenzimet.
Misioni i Casares është bitcoin. Ky argjentinas u lind në fermën e deleve në rajonin e Patagonisë argjentinase dhe nga më të hershmit përjetoi fuqinë e inflacionit në lëkurën e tij. Ishte pikërisht pasiguria financiare që e bëri atë të krijonte një sërë startesh financiare dhe teknologjike që i siguruan miliona para se të fillonte të merrej me bitcoin.
Ai shiti 75 për qind të Patagonisë, portal financiar në Amerikën Latine për 529 milionë dollarë në vitin 2000 dhe Lemon digjital për 43 milionë dollarë 13 vjet më vonë, të gjitha në mënyrë që të përqendrohej në valuta digjitale. Ai tashmë ishte një pronar i madh bitcoin, të cilit i beson jashtëzakonisht shumë.KP/KosovaPress/
Kryeministri Edi Rama ftoi të gjithë fermerët, por edhe sipërmarrësit të shfrytëzojnë resurset natyrore dhe bujqësore të Qarkut të Beratit, për t’i dhënë një zhvillim cilësor agroturizmit, që është edhe prioriteti i Programit të Rilindjes Rurale. Kryeministri u ndal në fshatin Peshtan të Beratit, ku ka drekuar me fermerë e sipërmarrës të këtij Qarku.
“Ne duam të hyjmë në një fazë të re për turizmin dhe për ekonominë në zonat rurale dhe të tregojmë që ajo që kërkojmë, nuk është diçka që thjesht është bërë me sukses të madh dhe me impakt të madh ekonomik jashtë Shqipërisë, por është diçka që ka filluar të bëhet me shembuj që nuk janë shumë, janë me pikatore në çdo zonë, por janë ekzistues. Që do të thotë të shfrytëzojmë bukuritë e natyrës, mikrofermat dhe traditën për agroturizmin,” shprehet Kryeministri.
Duke iu referuar kantinës Nurellari, e cila përbën një ndër shembujt e vyer në këtë drejtim, jo vetëm për kualitetin dhe autencititetin e verërave, por edhe për ushqimet tradicionale e të freskëta që ofron, Kryeministri ka theksuar se qeveria ka një paketë të gjerë mbështetjeje financiare për këdo që do të investojë në agroturizëm.
“Këtu jemi në një nga shembujt më fantastikë që janë krijuar në Shqipëri dhe që fare mirë mund të zhvillohet si agroturizëm. Ne jemi gati edhe për një paketë mbështetëse financiare. Me Agjencinë për Zhvillim Bujqësor dhe Rural kemi futur në program skemat financiare për mbështetjen e agroturizmit. Me fondin që kemi marrë nga Bashkimi Europian, 11 milionë euro janë vetëm për agroturizmin. Nga ana tjetër do ta bëjmë TVSH-në 6%, siç e kemi bërë për hotelet me 4 dhe me 5 yje dhe kjo ka ngjallur shumë interes, pasi kemi tani shumë kërkesa që nuk i kishim më parë dhe tatim-fitimin 5%,” nënvizon Kryeministri.
Vetë drejtuesi i kësaj kantine thotë se me rritjen e biznesit, përmes edhe mbështetjes nga AZHBR, ka arritur jo vetëm të ketë sukses në fushën e prodhimit, i cili tashmë shkon edhe për eksport, por edhe të thithë mjaft turistë të huaj, për të cilët shprehet se së shpejti do të mundësojë edhe ambiente akomoduese.
“Hapi i parë bëra kantinën. Gjithmonë isha i qartë në atë që bëja. Aplikova tek AZHBR-ja, për konstruksionin dhe bleva pajisje të teknologjisë së lartë. Unë pres këtu mjaft turistë, për shkak edhe të pozicionit, jam vetëm 7 km larg Beratit, por dhe kanionet ndodhen rreth 18 km larg kantinës. Kjo zonë këtu ka varietete goxha të mira. Si varietet, unë kam fituar edhe çmimin e dytë në festivalin ballkanik. Sa kam filluar me eksportin. Me Ankonën kam një ngarkesë të parë,” shprehet Nurellari.
Pjesë e Programit të Rilindjes Rurale, Programi i “100 Fshatrave” synon që përmes gërshetimit të trashëgimisë, traditave dhe bukurisë natyrore, bujqësisë dhe iniciativës private të nxisë zhvillimin e agroturizmit, duke e kthyer në një resurs zhvillimi ekonomik.
“Me Programin e “100 Fshatrave”, ne kemi përfshirë edhe disa fonde të bashkëpunimit austriak dhe zviceran dhe kemi pas disa ditësh, një takim me të gjithë ambasadorët, sepse çdo vend ka disa fonde, që janë fonde bashkëpunimi dhe duam që t’i ndajmë, domethënë, të bëjmë një hartë dhe çdo shtet përmes këtyre fondeve të marrë në patronazh një zonë. E gjithë sfida është se çfarë kemi bërë me Rilindjen Urbane tani ta kalojmë me Rilindjen Rurale dhe prandaj kemi zgjedhur këto 100 fshatra si qendra graviteti, për të krijuar modele sesi mund të zhvillohet ekonomia familjare edhe aty ku duket sikur s’ka shans. Çfarë bujqësie mund të zhvillojnë tek kanionet, p.sh., por ama te kanionet mund të zhvillojnë agroturizëm, që është spektakël dhe që punëson të gjithë familjen dhe të tjerë dhe fut në cikël komplet rreth e rrotull që punojnë për ty dhe që i sjellin njerëzit tek ti. Vijnë njerëzit tek ti, nuk zbret ti në qytet për të gjetur punë. Kjo është skema që po bëjmë,” thekson qëllimin e Programit Kryeministri.
