Aurora

Ish-ministri i Brendshëm Saimir Tahiri fiton lirinë. Tahiri do të gjykohet në gjendje të lirë në lidhje me hetimin e nisur ndaj tij për trafik të drogës në bashkëpunim me banda kriminale.

Vendimi u mor sot nga Gjykata e Apelit, e cila shfuqizoi dy vendime të gjykatave, për arrest me burg dhe masën që Tahiri kishte së fundi deri ditën e sotme, atë të arrestit shtëpiak.

Kështu, pas dy javëve në arrest shtëpie, ish-ministri Tahiri do të jetë i lirë.

Avokati Maks Haxhia në një prononcim për mediat, pas seancës të mbajtur për mbi dy orë pa praninë e gazetarëve tha se “përfundimisht zoti Tahiri është pa masë”

“Prokuroria mbështeti qëndrimin e prokurorisë së shkallës së parë

Ishte një fitore sepse ka një praktikë të zgjeruar të gjykatës, që përcakton rastet dhe kriteret kur merret një masë sigurie”, tha avokati.

Maks Haxhia: Vendimi përfundimtar i gjykatës ishte shfuqizimi i vendimit nr 97 datë 12 maj 2018 dhe vendimit 101 datë 15.5.2018 ku u vendos masa e arrestit të shtëpisë dhe momentalisht Tahiri është pa masë sigurie.
Pyetje: Kush ishte qëndrimi i Prokurorisë në këtë rast?
Maks Haxhia: Prokuroria mbështeti qëndrimin e Shkallës së Parë.
Pyetje: Fitoni dy herë përballë një vendimi të gjykatës së shkallës së parë për krime të rënda, keni zhbllokuar pasaportën dhe keni hequr masën e sigurisë, keni një koment pse është bërë kjo?
Maks Haxhia:  Pavarësisht se kjo është një reklamë, unë nuk kam më moshë për reklamë. Unë nuk do ta quaja fitore, për mua ishte një fitore për konsolidimin e praktikës lidhur me masat e sigurisë sepse ka një praktikë të zgjeruar të Gjykatës Europiane të të Drejtave të Njeriut dhe Kolegjit të Bashkuar të Gjykatës së Lartë që përcakton qartë, krieteret e përgjithshme dhe të posaçme kur merret një masë sigurie.
Pyetje: Si e bazoi prokuroria kërkesën e saj për arrest me burg ndaj Saimir Tahirit?
Maks Haxhia:  Unë e thashë edhe herën e kaluar, Gjykata e Shkallës së Parë mori një vendim të ndërmjetëm, bazuar në kërkesën e Prokurorisë që kërkonte arrest me burg mbi po të njëjtat materiale që kanë qenë prezente gjatë gjithë kohës në hetim.
Pyetje: Prokuroria ka bërë rekurs për çështjen e pasaportës së Tahirit…
Maks Haxhia:   Ajo çështje është akoma në Gjykatën e Lartës, është procesi disi më i veçantë sepse është seanca seleksionuese nëse ka rrethana për të kaluar në gjyq apo jo. Deri tani mesa e kemi ndjekur nuk ka asnjë veprim lidhur me seancën seleksionuese.
Nëse do të ketë këto prova që flitet deri tani janë paraprise të një vendimi lidhur me pafajësinë e zotit Tahiri.
Ne bëjmë vetëm kundërshtimin e këtyre provave, në referencë me vendimin e gjykatës së Apelit të datës 26 dhjetorit që e shfuqizonte ndalimin e daljes së zotit Tahiri jashtë shtetit, sollëm praktikën e Gjykatës së Lartë, praktikën e Gjykatës së të Drejtave të Njeriut, gjithashtu i bëmë me dije gjykatës së këto prova nuk janë të reja dhe nuk kanë sjellë asnjë fakt.

Letërporositë nga Greqia dhe Italia
Maks Haxhia:Të dy letërporositë janë konfirmim i veprimeve të fiksuara në proces, nuk kemi ndonjë të re, kanë të bëjnë me lëvizjet e zotit Tahiri dhe familjes së tij për të kaluar pushimet. Një letër tjetër ka të bëjë me pronarin e shitësit të hugobos të kostumit i cili pasi ui njoh me portretin e zotit Tahiri konfirmoi që nuk e njifte dhe duke parë regjistrin e shitjeve  nuk figuronte që në datat që flitet të ishte shitur kostum. Edhe shitësi i bizhuterive pasi u paraqit fotografia konfirmoi që nuk e njifte Tahirin. Konfirmoi një shitje që është bërë në masën 5 mijë euro, por jo vetëm dy byzylyk, por disa bizhuteri.

Tahiri në pritje të ekzekutimit të vendimit
Maks Haxhia: Zoti Tahiri është duke pritur urdhërin e ekzekutimit sepse çdo vendim i jepet prokurorit dhe ai i nxjerr urdhërin e ekzekutimit për ta liruar.

Prodhuesit e bukës i kërkuan qeverisë të heqë Tatimin mbi Vlerën e Shtuar, çka sipas tyre do të ulte çmimin e bukës për konsumatorët.

“Ne që e kemi prioritare e kemi 20 përqind bukën. Nëse duam ta ndihmojmë popullin e varfër, por edhe biznesin tonë, duhet të rishikohet”, u shpreh Gëzim Peshkëpia, kreu i shoqatës së prodhimit të Bukës.

Heqja e TVSH-së për bukën ishte vetëm një nga kërkesat e shumta që shoqatat e biznesit i kanë drejtuar ministrit të Financave për paketën e re fiskale, shkruan Tch. Luan Bregasi propozoi që biznesi i vogël të mos paguajë Tatim Fitimi, por një taksë të thjeshtë mbi xhiron.

“Ka pasur edhe opinione nga biznesi i vogël që më mirë të ketë tatim mbi xhiron. Ata kanë edhe hallin e burokracisë administrative që ka biznesi i vogël”, tha Bregasi.

Në paketën e re fiskale, qeveria ul në 5 përqind Tatim Fitimin për bizneset me xhiro deri në 14 milionë lekë në vit, si dhe lehtëson ndjeshëm barrën për agroturizmin dhe kooperativat bujqësore.

“Pas ndryshimeve të fundit që ne jemi duke ndërmarrë, afërsisht rreth 90% e sipërmarrjeve aktive në vend kalojnë praktikisht ose në taksën 0 ose në një të tretën e asaj që është maksimale, të 15%”, u shpreh ministri Ahmetaj.

Protesta e opozitës kundër qeverisë së Ramës dhe largimit të ministrit të Brendshëm Fatmir Xhafaj ka pasur risitë dhe enigmat e veta, të evidentuara nga shqiptarët.

U debatua shumë për pjesmarrjen shumë të ulët në protestë, për mungesën e flamurit të PD në miting, për inaktivitetin e Monika Kryemadhit, kryetares së LSI.

Njëherësh u debatua dhe për përplasjen mes protestuesve dhe policisë ku u plagos në kokë dhe kryeredaktori i RD Bledi Kasmi, por dhe 11 policët që shkuan në spital të lënduar.

Teksa debati u përqëndrua tek rasti “Kasmi” ku palët përplaseshin nëse ishte plagosur si gazetar apo si militant i PD si dhe tek shqetësimi i drejtësë i ngritur sëpari nga “Pamfleti” se Basha e Rama janë në një pakt kriminal aq sa kreu i PD përmendte vetëm largimin e Xhafajt dhe aspak të Ramës, në heshtje u la “babai” i protestave të PD.

Sali Berisha dje është vënë re në protestë nën shoqërinë e Monika Kryemadhit kryetares së LSI, duke qënë inaktiv të dy në këtë protestë të vobekët, pavarësisht se ata kishin kërkuar radikalizimin e saj.

Duket se asnjëri nuk ishte dakord me axhendën “liro-shtrëngo” të Lul Bashës, që në fund tërhoqi militantët nga Ministria e Brendshme, duke marrë akuza mbi vete si tradhëtar, bashkëpunëtor i Ramës, i pabesë dhe fyerje të tjera, ku pjesa më e madhe ngjisnin.

Militantët e PD duket se ishin plotësisht në të njejtën linjë që parcaktoi dhe “Pamfleti” teksa evidentoi në këtë protestë se Basha bënte sikur protestonte ndësa Rama bënte sikur nxehej.

Por pavarësisht se vëmendja ishte përqëndruar tek përplasja e protestuesve me policinë pak njerëz vune re se Sali Berisha ish kryeministri i vendit kishte dalë me jelekun e famshëm anti-plumb.

Kur ishte kryeministër kishte njëfarë të drejte të mbante jelek anti-plumb, pasi funksioni që kryente e përplaste dhe me njerëz dhe me klanet e krimit, qoftë si përplasje mes një kryeministri dhe një bande kriminale apo në rastin e Berishës thjeshtë dhe një përplasje mes bandës kriminale të Berishës dhe bandave rivale.

Po atëherë pse ditën e shtunë në protestën e 26 majit të një dite më parë Sali Berisha në pikë të vapës dhe në mes të sheshit me një asfalt që digjte veshi jelekun anti-plumb, nga kush ka frikë dhe tani Sali Berisha?!

që “Pamfleti” morì nga organet ligjzbatuese bënte me dije se Sali Berisha për këtë protestë nuk kishte kërkuar mbrojtje  shtetërore. Ata bëjnë me dije se diku nga data 6 maj kishin kërkuar mbrojtje vetëm për tre ditë, 7, 8 dhe 9 maj, pra para dy javësh.

Dhe atëherë mbrojtja ka qënë vetëm kur lëvizte drejt Lalzit, megjithëse nuk kishte qënë e nevojshme se Berisha kishte qëndruar vetëm në Tiranë dhe kishte dalë vetëm njëherë tek zyra që i është dhuruar tek kulla përballë Televizionit Publik Shqiptar.

Organet ligjzbatuese nuk kanë dhënë asnjë informacion se përse ishte kërkuar kjo mbrojtje nga ana e njerëzve të Berishës për ish kryeministrin, vetëm janë mjaftuar me datat kur është kërkuar dhe mohuar faktin të jetë kërkuar në protestën e 26 majit.

Në mungesë së informacionit të organeve ligjzbatuese, burimet jo zyrtare na thanë se kjo është një frikë e përvitshme që Sali Berishën ish kryeministrin e vendit në tetë vite dhe ish president në pesë vite e kap sa herë vjen muaji maj dhe më pas dhe behari.

Kjo sipas këtyre burimeve shpjegohet me faktin se nipi i Haklajve, 41 vjeçari Sokol Haklaj vjen çdo 8 maj dhe vendos një kurorë me lule tek varri i babait dhe gjyshit të tij, të vrarë me urdhër të Berishës vite më parë.

Sokol Haklaj që jeton në Gjermani, nga fisi i Haklajve vjen çdo maj në Shqipëri, në përvjetorin e vrasjes së babait të tij, Cen Haklaj ish drejtor i gjimnazit të Bajram Currit dhe të gjyshit të tij Elez Haklajt.

Ata janë vrarë të dy bashkë më 8 maj të vitit 2002 nga dora e zgjatur kriminale e njerëzve të Berishës, në vijim të konfliktit të përgjakshëm në Tropojë. Që mori jetën e mbi 200 burrave dhe djemve në këtë trevë, thjesht dhe vetëm për një fjalë goje me Sali Berishën.

Ndërkohë babai dhe gjyshi i tij, dhe më vonë dhe xhaxhai, ish ndihmësgjyqtar në Skrapar janë vrarë thjesht dhe vetëm se ishin të afërm të Fatmir dhe Hamdi Haklajt.

Mësohet se Sokol Haklaj dhe këtë vit ka vijuar ritualin e përkujtimit e njerëzve të tij më të dashur teksa ka mbërritur më 7 maj për të përkujtuar vrasjen e të atit dhe gjyshit të tij 16 vite më parë, pikërisht më 8 maj.

Nuk ka asnjë informacion sa kohë ka qëndruar në Shqipëri nipi i Haklajve, por me sa duket mjafton të vijë fillimi i majit dhe Berishës t’i hyjë frika dhe të kërkojë mbrojtje nga organet ligjzbatuese shqiptare.

Megjithëse Sokol Haklaj asnjëherë nuk ka deklaruar apo ka lënë për të kuptuar publikisht se ka në plan eleminimin fizik të Berishës

Ai thjeshtë vjen në Shqipëri një ditë para 8 majit për të përkujtuar njerëzit e tij më të dashur, dhe shpesh vjen sërish për të kaluar pushimet në bregdetin shqiptar, gjithnjë diskret për jetën dhe lëvizjet e tij.

Kaq me sa duket ka mjaftuar që Sali Berisha të veshë jelekun anti-plumb më 26 maj dhe me sa duket makthi i Haklajve që zhduku një nga një do ta ndjekë deri në fund të jetës. Si një mallkim./Pamfleti.com