Gradualisht muajit Shtator po i vjen fundi dhe pas një periudhe të gjatë me mot të nxehtë dhe të kthjellët, tashmë erdhi koha që ditët me diell të zëvendësohen nga ditët me mot kryesisht të vranët dhe reshje shiu.
Nga sot deri ditën e premte në vend pritet që të dominoi moti me vranësira mesatare dhe të dendura por nuk do të mungojnë edhe intervalet me kthjellime. Vranësirat do të shoqërohen me reshje shiu të herëpashershme me intensitet të ulët deri mesatar në formën e shtrëngatave shoqëruar me shkarkesa elektrike.
Sasia më e lartë e reshjeve parashikohet përgjatë ultësirës perëndimore, ndërsa në zonën e veriperëndimit dhe jugperëndimit reshjet hera-herës me intensitet deri të lartë në formën e rrebesheve shoqëruar me breshër.
Kohët e fundit në internet kanë qarkulluar video dhe foto, ku shihet një djalë i moshës 12-13 vjeç, duke vjedhur disa objekte në kryeqytet. Pre e vjedhjes prej tij ka rënë edhe një supermarket në Yzberish. Ersida Avdo është drejtuar në emisionin “Stop”, pasi punon kasiere prej disa muajsh në supermarketin në fjalë në zonën e Misto Mames në Tiranë.
Në datën 27 gusht, kur ka ndodhur vjedhja, Ersida ka qenë në kasë, por meqë nuk kishte njerëz por merrej me sistemimin e rafteve të produkteve. Pak çaste më pas ajo ka parë të miturin, por ai është larguar me shpejtësi, duke grabitur një shumë prej 300 mijë lekësh të vjetra.
Për rastin është bërë kallzim dhe materialet i kanë kaluar prokurorisë, por administratori i marketit i kërkon paratë punonjëses. Kjo e fundit është detyruar t’ia japë paratë e vjedhura, por thotë se kjo nuk është e drejtë dhe kërkon ndihmë në zbardhjen e çështjes.
Menaxheri: Lekët, që t’i kanë marrë sot, do t’i kompesosh! Vajza: Po pse duhet t’i nxjerr unë, se këtë nuk po arij dot ta kuptoj?
Menaxheri: Se është përgjegjsia jote e kasës. Vajza: Po pse duhet të jetë përgjesia ime, kur unë, kur nuk ka njerëz, lëviz për të sistemuar rreshtin?
Menaxheri: Si s’ka njerëz? Vajza: A më eshtë…, a më është thënë, kur nuk ka njerëz në market, duhet të lëvizësh të sistemosh?
Menaxheri: Kush? Po kush do të kujdeset për kasën tënde? Vajza: Tashi unë, kur erdha këtu, kam kthyer kokën, dhe sa herë kthej kokën për të parë.
Menaxheri: Shiko, o goca! Vajza: A është përgjegjësia jonë edhe rreshti edhe kasa?
Menaxheri: Përgjegjësia e kasierit është, lekët t’i dorëzojë saktë dhe në rast, që i del minus t’i kompesojë menjeherë ditën e nesërme.
Vajza: Sepse ato lekë, është vjedh nga një njeri, që ka ardh nga jashtë dhe nuk është vjedh nga këtu brënda dhe biles ajo kasë është pa celës. Në mos sot, nesër ai njeri mund të vijë prapë dhe unë atë dua dhe të vijë prapë dhe do shikojmë pastaj, kujt do t’i bjerë përgjegjësia.
Menaxheri: Te çelësi i kasës! Vajza: Te çelësi i kasës? Në çdo market, ku vete, kasa është me çelës, ose me kod.
Menaxheri: Shumë mirë e ka kasën.Vajza: Kasa a kyçet me çelës? Menaxheri: Dhe ti, në rast që nuk i sjell këto lekët, ne do të padisim ty. Vajza: Po! Menaxheri: Për thyerjen e rregullores.
Vajza: Unë rregulloren e kam ndjekur shumë mirë. Që ditën, që kam ardhur më është thënë dhe kasa dhe sistemimi, kur mos të këtë njerëz…, joo jam shumë në rregull.
Vezët janë shumë të pasura me lëndë ushqyese dhe shumë të dobishme për shëndetin tonë. Të gjithëpërdorshme dhe të shijshme, vezët janë gjerësisht pjesë e regjimit tonë ushqimor.
Por nëse më parë i kishim nënvlerësuar, më poshtë rendisim 7 arsye se pse duhet të hani nga një kokërr vezë çdo ditë:
Veti ushqyese- Vezët janë veçanërisht të pasura me lëndë ushqyese. Ato janë një burim i shkëlqyer i vitaminave si A, B2, B12, B5 dhe E, por edhe i fosforit dhe selenit.
Mbrojtja- Seleni, vitamina A dhe B12 janë lëndë ushqyese thelbësore për të forcuar sistemin imunitar.
Kanceri– Disa studimet kanë treguar se adoleshentet që hanë 5-6 kokrra vezë në javë kanë më pak gjasë që të preken nga kanceri i gjirit.
Sytë– Luteina dhe zeaksantina që gjenden te veza, janë thelbësore për parandalimin e degjenerimit makular dhe kataraktit. Vezët janë veçanërisht të pasura me këto dy lëndë ushqyese.
Zemra- Vezët përmbajnë paksa yndyrë dhe kolesterol, por gjithashtu përmbajnë kolinë, e cila ndihmon në përpunimin e homocisteinës, një aminoacid që kontribuon në shëndetin e mirë të zemrës.
Kolesteroli- Megjithëse vezët përmbajnë kolesterol, ato tentojnë të rrisin kolesterolin e mirë, i cili është thelbësor për të parandaluar grumbullimin e kolesterolit të keq në vena dhe arterie, shkruan noa.al.
Muskujt- Vezët janë një burim i shkëlqyeshëm i proteinave, të cilat janë të nevojshme për ndërtimin e muskujve dhe riparimin e indeve të dëmtuara. /noa.al
Përshëndetje nga SH.M.U dhe më poshtë po ju njohim me parashikimin e motit rreth javës që presim përpara!
Gradualisht muajit Shtator po i vjen fundi dhe pas një periudhe të gjatë me mot të nxehtë dhe të kthjellët, tashmë erdhi koha që ditët me diell të zëvendësohen nga ditët me mot kryesisht të vranët dhe reshje shiu. Por le ti marrim ditët një e nga një.
Për ditën e nesërme vendi do të dominohet përsëri nga moti i kthjellët por nuk do të mungojnë vranësirat kalimtare në orët e mesditës të cilat do të shoqërohen me reshje shiu të dobëta mbi relievet e larta malore.
E marta do të sjellë edhe ndryshimin e madh, teksa ditët pas saj do të jen me reshje, si deh temperaturat do të ulen.
Renaldo Bano dhe Kevan Hudson janë një çift g ay që jetojnë dhe punojnë në Tiranë. Si një çift pa komplekse dhe të gatshëm të flasin për jetën e tyre para të gjithëve, ata kanë rrëfyer historinë e dashurisë në emisionin “Ora e Tiranës” në Top News.
Si është të jesh një ho moseksual në Tiranë? Sa të vështirë e kanë personat me orientim s eksual ndryshe të përshtaten dhe të jetojnë në një komunitet paragjykues.
Renaldo, 22 vjeç, është njohur me Kevan, një 26-vjeçar nga SHBA, përmes rrjeteve sociale dhe më pas u takuan në një nga kafenetë e Tiranës. Kevan jeton prej disa kohësh në Tiranë dhe punon si mësues anglishteje. Ndërsa Renaldo punon si fotograf dhe editor.
Historia e tyre nisi me një mesazh në Instagram dhe ai që hodhi hapin e parë ishte Renaldo.
“U njohëm në rrjetet sociale. E ndoqëm njëri-tjetrin në Instagram sepse kishim disa miq të përbashkët. Pastaj u takuam në një prej kafeneve të Tiranës. Herën e parë që e pashë, mendova se është i këndshëm. Pastaj thashë me vete ‘nuk mund të mos e pëlqej’. Me kalimin e kohës nisa ta dashuroj”, -thotë Kevan.
Renaldo tregon se ishte dashuri me shikim të parë dhe mendon se do të jetë dashuria e vetme për të.
“I bëra mesazh sepse pashë që kishim shokë të përbashkët. M’u duk interesant. I shkruajta, fjalia e parë ishte ‘Hello’, ‘How are you doing’. Më pas i bëra dhe një koment te një postim i tij. Aty filloi gjithçka. Filluan mesazhet, pastaj u takuam. Është partneri i parë dhe besoj se do të jetë vetëm i vetmi. Unë besoj te dashuria me shikim të parë. Dhe nëse është dashuri, pse të mos jetë përgjithmonë?!”
“Jam shumë i lumtur. Renaldo është një nga gjërat më të bukura që më ka ndodhur kohët e fundit, e kam njohur në një periudhë të vështirë dhe ai hyri si një Superman dhe më ndryshoi jetën”, -tregon Kevan.
Ai rrëfen se u ka treguar familjarëve që është gay para 2 vitesh. Reagimi i tyre ishte suprizë për Kevan, pasi u treguan mbështetës. Ai tregon se vendosi t’ua tregonte përmes email-it, sepse do ta kishte shumë të vështirë t’ua thoshte nga telefoni.
“Mendova se mënyra më e mirë ishte t’ua shkruaja ato që ndjeja në 11-12 faqe. Po, shkruajta vërtet shumë. Në fillim ia thashë babait, gjyshes dhe motrës. Nënës ia thashë një vit më vonë. Përgjigjja e babait ishte: Unë prapë të dua dhe jam krenar për ty. Gjyshja më tha: E dija! Mamit ia thashë para një viti dhe le të themi që kaloi një atak paniku. U shokua, por për mua kjo bën sens. Iu desh kohë që ta pranonte dhe e kuptoj. Nuk mund të pres nga njerëzit e mi që ta pranojnë menjëherë, pasi edhe mua m’u desh kohë që ta pranoj faktin që jam gay”, -shprehet Kevan.
Ndërsa Renaldo tregon se ka humbur shumë njerëz për shkak të orientimit seksual. Shumë miq e mikesha nuk e kuptuan dhe u distancuan.
Renaldo dhe Kevan tregojnë se e ndjejnë veten shumë mirë në Tiranë. Megjithatë nuk afrohen shumë në publik, pasi njerëzit shohin, flasin dhe jo të gjithë i kuptojnë.
LSI ka ndezur motorët e fushatës, disa muaj para zgjedhjeve.
Kryetarja e LSI-së, Monika Kryemadhi është shprehur se vendi ka më shumë nevojë për më shumë gra, në politikë, si dhe qeverisje.
Kryemadhi publikoi fotot e takimit të sotëm që nënkryetarja e LSI-së, Erisa Xhixho, zhvilloi me gratë e njësisë numër 1 në zonën e Ali Demit.
“Ne kemi nevojë për më shumë gra në politikë dhe qeverisje”, tha kryetarja e LSI.
“Ato gra do ta përmirësojnë Shqipërinë, për t’a kthyer në një vend ku të gjithë ndihen si në shtëpinë e tyre”, shkruan Kryemadhi, duke mbetur optimiste për të marrë rezultatin e duhur pas zgjedhjeve të 25 prillit 2021.
Adelina Ismajli, këngëtarja e mirënjohur është 41 vjeçe. Ajo këtë fakt e pranon gjithë krenari kur miqtë habiten se si është e mundur që një artiste aktive prej dy dekadash në skenë, tashmë nënë, duket njësoj si para 20 viteve.
Për ata që s’e dinë, vetë këngëtarja e njohur Adelina Ismajli e ka deklaruar moshën në një koment që ka bërë poshtë një postimi ku shihet teksa firmos një marrëveshje që nuk ka zbuluar se për çfarë bëhet fjalë.
Përveç deklarimit të moshës së saj, Adelina ka folur për herë të parë publikisht edhe për moshën e bashkëshortit prej vitesh, Val Krasniqit.
Në urimin që Vali i bënte në “Instagram” duke i thënë “Suksese zemër!”, Adelina iu përgjigj: “Val Krasniqi, ti je suksesi im më i madh… Edhe pse 3 vjet më i ri se unë, je i vetmi që ia heq kapelën. T’du zemër”.
Askush nuk e dinte moshën e saktë të bashkëshortit të saj, madje as të këngëtares.
Adelina falë dashurisë së re gjeti edhe stabilitetin e ëndërruar në jetën e saj private.
Këngëtarja ka lënë Kosovën prej dia kohësh, për të nisur një jetë të re në Zvicër.
Pak kohë më parë, këngëtarja e njohur ndau një moment pranë bashkëshortit të saj, e falënderoi për çdo gjë që ka deri tani në jetë.
“Faleminderit Zot për të gjitha! Dashurinë me të cilën më ke bekuar, familjen time, miqtë e mirë pafund dhe shëndetin. Të dua Val Krasniqi!”, shkruante Adelina poshtë fotos ku po shijonte drekën me njeriun më të dashur të saj dhe djalin e tyre.
Në Living është e zakonshme të lexosh artikuj mbi shëndetin, prindërimin, fëmijët, stilin e jetesës dhe çdo vlerë tjetër pozitive. Prandaj nuk është habi kur personazhe të famshme, por dhe më pak të famshme bëhen protagonistë duke ndarë me ne pasionet dhe dashuritë e tyre, si për të na frymëzuar më shumë të jetojmë një jetë të bukur. I tillë është dhe rasti i Varo Meshinit, një vajzë e re nga Përmeti, e cila përpos emrit të veçantë, kujtim nga gjyshja që quhej Varvara) të veçanta ka dhe zgjedhjet në jetë.
Varo ka mbaruar studimet për psikologji-sociologji në ‘’Universitetin e Durrësi’’t dhe më pas ka vazhduar masterin shkencor për punë sociale. Pas përfundimit të shkollimit ajo ka filluar të punojë dhe të mbledhë para për të realizuar ëndrrën e saj më të madhe, udhëtimin dhe zbulimin e kulturave të reja. Kështu pas disa eksperiencave profesionale dhe mbasi mblodhi shumën e nevojshme, Varo nisi udhëtimin e saj në Kinë, vend në të cilin jeton prej 1 viti e gjysmë. Ajo ka një dëshirë të jashtëzakonshme të flasë për eksperiencat kulturore dhe për shkëmbimin e ideve, energjive, por dhe traditave të ndryshme. Ndonëse jeton në anën tjetër të botës, në një vend shumë të zhvilluar nga ana teknologjike, ajo e gjeti veten menjëherë në provincën Jiangxi.
U përshtat shumë shpejt dhe se sipas saj ndryshimet ishin të vogla, edhe në krahasim me një vend si i yni. Varo është mësuese dhe jeta e saj ndahet midis angazhimeve dhe përgatitjes për punë dhe më pas kohës së lirë. Orari i një mësueseje në Kinë është i gjatë, dita e mësimit aty përfundon në orën 16:00 me një pauzë prej dy orësh, që i lejon Varos të kthehet dhe të pushojë në shtëpinë e saj. Pasditja fluturon midis përgatitjeve për planin e ditës së nesërme, vrapit, blerjeve apo shëtitjeve me koleget kineze. Varo shprehet që jeta shoqërore në Kinë zhvillohet ndryshe, kjo për shkak të diferencës që kemi në traditën e pirjes së kafes. Aty njerëzit kohën e lirë e kalojnë duke shëtitur, duke ngrënë nëpër restorante, duke bërë blerje, ndërkohë që për të rinjtë ekzistojnë lokale më moderne me muzikë deri në orët e vona.
Kur shikon profilin e Varos e kupton shpejt që ajo ka një pasion për modën dhe për fotografinë, të cilin ka filluar të rizbulojë vitet e fundit kur dhe mundësitë financiare ishin më të mëdha. Ndonëse kujton me mall që në vegjëli sa herë që bliheshin veshje të reja, ajo angazhohej në kombinimet e tyre. Pandemia e gjeti Varon një Kinë, dhe duke përfituar nga momenti i përshtatshëm vendosi t’i dedikohej edhe më shumë këtij pasioni, duke kombinuar veshjet, duke gjetur vendin dhe dritën e duhur. Kur biseda jonë kthehet nga fashion-i, ajo më pohon që moda kineze nuk është aspak homogjene dhe që moshat e pjekura integrojnë gjithmonë element tradicionale në veshtjet e tyre. Ndërkohë që moshat e reja kanë një stil, shumë të ndryshëm nga ai evropian dhe ekspozimi i trupit nuk është aspak trend.
Sipas Varos, të rinjtë kinezë preferojnë veshje të gjera, të lirshme, dhe ekspozojnë vetëm këmbët. Sipas saj kinezët nuk i kushtojnë shumë rëndësi anës estetike, jo vetëm në dukjen e tyre, por dhe vetë qytetit. Ky është një problem për të që është në kërkim të këndeve të duhura, apo të vendit më pikant për foton e radhës. Zakonisht janë kolegët, miqtë apo personat me të cilët shoqërohet që angazhohen në shkrepje dhe gjetjen e fotos më të mirë.
Ushqimi në Kinë është elementi që sipas Varos është më larg traditës tonë ballkanase apo evropiane. Bukë, fast food, byreçka, pite, briosh, nuk janë ushqime që mund të gjeni në Kinë, ajo shton që dhe nëse do të ketë ndonjë pizza apo ndonjë panine ato kanë njëj shije të ëmbël sikurse të ishin ëmbëlsira. Kjo ka qenë pjesa më e vështirë e Varos, e cila tashmë ka mësuar të përdorë shkopinjtë dhe të shijojë ushqimin më tradicional, një Hot Pot apo një tenxhere me ujë të nxehtë që zien, ku ti mund të hedhësh në mënyrë të pavarur mishin ose perimet, dhe më pas t’i hash në pjatën tënde. Ushqimi tradicional kinez është shumë djegës, megjithatë ajo pohon që ushqimet kaq tradicionale konsumohen më shumë nga moshat e mëdha ndërkohë që të rinjtë preferojnë dhe ushqime më perëndimore.
E kur e pyes për shokun kulturor, ajo thotë që falë studimeve mendja e saj është universale dhe e hapur për të kuptuar dhe pranuar ndryshime, apo situata shumë larg realitetit shqiptar. Sigurisht që ajo është befasuar nga ndryshimet, por ka qenë e etur për të zbuluar sa më shumë për ta, mendimet e tyre dhe mënyrën e jetës. Kryesisht janë koleget e Varos, ato që i kanë treguar asaj për mënyrën e sjelljes në festa, apo evente, për sjellje specifike tradicionale që në fakt janë shumë larg kulturës tonë shqiptare, por dhe evropiane. Sigurisht që historia dhe e kaluara e një vendi ndikojnë në mënyrën e sjelljes dhe ajo pohon që dhe zakonet shqiptare duken mjaft të çuditshme dhe të veçanta në sytë e një kinezi. Kur e pyes për planet e ardhshme, ajo thotë që ndonëse e pëlqen shumë Azinë, ajo mendon që nuk është një vend ku një person evropian mund të jetojë një kohë të gjatë apo për të krijuar familje. Në Azi njerëzit janë moskokëçarës, ndërkohë që ne mendohemi më shumë dhe shqetësohemi më shumë.
Nga ana tjetër aziatikët nuk i shprehin emocionet e tyre, qofte pozitive qofte negative, shumë larg kulturës sonë të të ndjerit. Kina është një vend që të bën të ndihesh i sigurt, megjithatë Varo pohon që është mirë të informohesh mirë nëse do të jetosh në Kinë pikërisht për ndryshimet e mëdha, në ushqim, në orar, në mënyrën e jetesës. Këtë e thotë me bindje të plotë sidomos nëse shkon për marrëdhënie pune dhe jo për një pushim të gjatë. Ajo shton që ka njohur disa shqiptarë që janë kthyer pikërisht se nuk kishin arritur të përshtateshin me këtë kulturë të bukur, por shumë të ndryshme nga e jona. Pjesa e komunikimit është pak e vështirë, sepse përpos disa rajoneve dhe disa qyteteve më të mëdha, ku flitet anglisht në pjesën tjetër flitet kinezisht, që është një gjuhë e vështirë. Megjithatë ata janë të gatshëm të të ndihmojnë nëse e kuptojnë që ty të duhet diçka.
