Aurora

E pabesueshme: Telefoni jonë mund të përgjohet dhe të na meren të dhënat vetëm me 1 sms, ja si t’i shpëtojmë përgjimit/Video

Leave a Comment / Aktualitet, Kuriozitete / /

Shume prej nesh ia kane friken pergjimit, teksa degjojne ndonje zhurme te cuditshme ne telefon kur flasin.

Specialisti i IT në emisionin “Opinion”, jep në këtë video një sërë këshillash praktike, se si ju mund t’i shpëtoni përgjimit të telefonit tuaj, në rast se dikush tenton të hyjë apo ta përgjojë atë.

Pas një ilustrimi praktik që ai realizoi me gazetaren, duke hyrë në telefonin e saj dhe duke marrë gjithë të dhënat me një program fare të thjeshtë, ai tregon se si ju mund të shpëtoni nga piratët që përgjojnë telefonat.

Ndiqni në videon më poshtë shpjegimi e plotë:

E pabesueshme: Telefoni jonë mund të përgjohet dhe të na meren të dhënat vetëm me 1 sms, ja si t’i shpëtojmë përgjimit/Video Read More »

Monikën e “gënjen mendja” sfidon Ramën: Ja bashkitë që do të humbasë për shkakun tonë

Leave a Comment / Intervista, Politike / /

Në emisionin ‘’Të Paekspozuarit’’ në Top Channel kryetarja e LSI-së Monika Kryemadhi ka bërë një analizë të zgjedhjeve lokale të cilat do të mbahen vitin e ardhshëm. Sipas saj, PS-ja do të humbasë të gjitha baskitë që i ka fituar LSI-së. Bëhet fjalë për baskitë e Fierit dhe Lushnjes  të cilat janë bastione të socialistëve. Këto dy bashki PS-ja i ka fituar para koalicionit me LSI-në.

Fjala e Monika Kryemadhit

“Do t’ju jap vetëm një analizë të qarkut të Fierit, që quhet bastion i së majtës.

Bashkinë e Fierit e kanë fituar me 1600 vota diferencë ndaj kandidatit Alibeaj, ku ndërkohë ishte edhe LSI.

Tani nuk po them për të gjithë votat e LSI-së të 2017-së, por vetëm me gjysmat e tyre, ra Bashkia e Fierit.

Bashkinë e Patosit e kanë fituar me 300-400 vota bashkë me LSI-në.

Nuk po të them lëvizin gjithë votat e LSI-së nga Patosi, por me vetëm gjysmat e atyre, iku dhe Bashkia e Patosit.

Roskovecin e kanë fituar me 600 vota bashkë me LSI-në, hiqi gjysmat e votave që ka fituar LSI në Roskovec në 2017-ën, ra dhe bashkia e Roskovecit.

Po kështu dhe Bashkia e Lushnjes, po kështu dhe bashkia e Divjakës.

Pra konkluzioni është, LSI, Partia Demokratike dhe të gjitha partitë e tjera të frontit opozitar, komunistë, demokratë, ballistë, legalistë, se këtu nuk është çështje ideologjie, këtu është çështje fronti kundër krimit dhe kundër drogës, kundër varfërisë së shqiptarëve, të cilët po i kthejnë shqiptarët në skllevër të krimit të organizuar, po i kthejnë shqiptarët në emigrantë në vendin e tyre, do e mundin PS-në.

S’ka më këtu bindje politike. Këtu është një front i përbashkët kundër të keqes më të madhe, që ka një emër Edi Rama, krimi i organizuat.

Prandaj ky front pa dallim feje, ideje dhe krahine, ka vetëm një qëllim. Të rrëzohet Edi Rama, sepse ai nuk përfaqëson gjë tjetër, por përfaqëson atë strukturë kriminale që varfëroi Shqipërinë”, tha Kryemadhi.

Monikën e “gënjen mendja” sfidon Ramën: Ja bashkitë që do të humbasë për shkakun tonë Read More »

Zbardhet pasuria/ Si ndryshuan të ardhurat dhe pronat e Edi Ramës kur ishte kryetar bashkie dhe pasi u bë kryeministër

Leave a Comment / Aktualitet / /

Zbardhet pasuria e plotë e kryeministrit Edi Rama. Shefi i ekzekutivit ka një karrierë të gjatë në politikë, fillimisht si ministër Kulture, më pas si kryetar bashkie dhe tani si kryeministër. Ashtu siç prej disa ditësh gazeta ka treguar pasuritë ndër vite të presidentit Ilir Meta, ish-kryeministrit Sali Berisha dhe të deputetëve të PD, sot po tregon se si kanë ndryshuar ndër vite të ardhurat e kryeministrit.

Deklarimet e para pranë Inspektoratit të Lartë të deklarimit dhe Kontrollit të Pasurive janë bërë për vitin 2003. Në këtë vit Rama ka deklaruar një apartament parafabrikat 1+1 të përfituar nga privatizimi pas rrëzimit të regjimit komunist. Më tej ka deklaruar një studio artistike të trashëguar nga babai i tij, si dhe një numër koleksionesh artistike. Gjithashtu pjesë e deklaratës janë disa kursime cash në vlerën e 3.5 milionë lekëve dhe paga si kryetar bashkie dhe anëtar i KRRT.

Në këtë vit Rama ka deklaruar dhe marrjen e një kredie me vlerë 2.5 milionë lekë. Më pas prej vitit 2004 dhe deri në vitin 2007 kryeministri ka deklaruar vetëm të ardhurat si kryetar i Bashkisë Tiranë. Në vitin 2008 ai ka deklaruar 2 llogari bankare dhe pagën e tij si kryetar bashkie. Deri në vitin 2010 ka vijuar e njëjta situatë ku janë deklaruar 2-3 llogari bankare në vlera të ulëta dhe paga si kryebashkiak. Por po në këtë vit kryeministri ka deklaruar dhe pasurinë e bashkëshortes së tij, zonjë Lindita Rama.

Ajo ka deklaruar apartament me sipërfaqe 146.15 m2 tiranë, vlerë rreth 19 milionë lekë. Garazh me sip 17 m2, me vlerë rreth 1.3 milionë lekë; Tokë arë në Surrel, 2582 m2, 500.000 lekë; Tokë arë në Surrel, 1995.5 m2, 586.650 lekë; Llogari bankare në Intesa San Paolo, 4.952 euro; Depozitë në Intesa San Paolo, 19.500 euro; Depozitë në Intesa San Paolo, 50.03 euro; Llogari në Intesa San Paolo, 153.91 euro; Llogari në Union Bank, 165 CHF (Franga Zvicerane); Kontratë huaje pa interes, 30 mijë euro; Kontratë huaje pa interes, 40 mijë euro; Paga nga mësimdhënia në UET, 3.423 euro; Paga në Qendrën për Nxitjen e Zhvillimit Njerëzor, 540.000 lekë+9.850 euro dhe 2.200 USD; Kryetare bordi në Open Society Fundation, 624.000 lekë; Apartament dhënë me qera, 19.440 euro dhe Pagesë për shkollimin e vajzës, 8.000 CHF.

Pasuria si kryeministër

Në vitin 2013 Rama fitoi zgjedhjet dhe u bë kryeministër. Në këtë vit ai ka deklaruar apartament banimi Tiranë, tip parafabrikat me sip. 59 m2 , vlera 5.422.100 lekë. Një studio artisti Tiranë, sip. 65 m2, me trashëgimi nga babai, vlerë 2.500.000 Lekë.

Ka deklaruar që është bashkëpronar me 50% e ku 50% të tjera pjesë e regjimit martesor me bashkëshorten Lindita Rama, shtëpi banimi me sipërfaqe të padeklaruar, përcaktuar një kat, me vlerë ndërtimi 39.607.741 lekë, vendndodhja e shtëpisë në fshat Surrel, Komuna Dajt, pasuri që justifikohet me dokument leje ndërtimi, momenti i deklarimit pa titull pronësie.

Rama ka deklaruar Llogari bankare, 2.007 789.3 lekë, burim të ardhurash paga e mëhershme dhe shitja e librit “Kurban”. Para kesh 988.700 lekë, burim i të ardhurave kursime personale. Po ashtu është shprehur se ka detyrim të papaguar subjektit ndërtues të shtëpisë së banimit në Surrel me vlerë 12.056.241 lekë, detyrim si pjesë e regjimit martesor 50 me 50 me bashkëshorten. Dhe detyrim i papaguar i qira vjetore apartament banimi sipas kushtit për pagim një herë në vit, vlera e detyrimit -573.280 lekë.

Ndërsa bashkëshortja ka deklaruar apartament banimi dhe toka në Surrel. Gazeta “Sot” ka siguruar dhe pasurinë e deklaruar së fundmi nga kryeministri, i cili ka deklaruar se ka shitur apartamentin parafabrikat, ndërsa bashkëshortja ka blerë tokë ullishte dhe arë në Surrel me sipërfaqe 2.240 m2, me vlerë 6.930.000 lekë./Pamfleti

Zbardhet pasuria/ Si ndryshuan të ardhurat dhe pronat e Edi Ramës kur ishte kryetar bashkie dhe pasi u bë kryeministër Read More »

Mos e humbisni: Parashikimi i horoskopit për muajin qershor nga Paolo Fox, cilat shenja janë më të favorizuarat dhe cilat jo

Leave a Comment / Kuriozitete / /

Dashi

Qershori do të jetë një ndër muajt e parë që do të shënojë rimëkëmbjen për të gjithë të lindurit në këtë shenjë, sidomos pas datës 13. Venusi në astrologji nuk përfaqëson vetëm dashurinë, por edhe marrëdhëniet profesionale. Një ndryshim krejt i papritur në karrierën tuaj. Do të përfundoni një projekt të nisur prej kohësh. Keni mbështetjen e Venusit, por Saturni do të hapë disa probleme këtë muaj, sidomos brenda familjes. Trashëgimitë e familjes përbëjnë gjithmonë një pengesë mes ju dhe familjarëve tuaj. Duhet të tregoheni praktikë dhe t’i thoni gjërat hapur. Shikoni me kujdes çfarë ndodh rreth jush në punë, veçanërisht në datën 18. Mbani në kontroll investimet e huaja.

Ka diçka që s’shkon në marrëdhëniet sentimentale dhe këto probleme kanë nisur në fund të majit. Zemra vështirë se shërohet. Nëse kërkoni një person që vështirë se joshet, këtë periudhë vështirë se do të arrini gjë. Të lindurit e shenjës së Dashit që janë vetëm, duhet të presin diçka të veçantë pas datës 17. Jeni të vetmuar, prandaj është mirë që të dilni me shumë njerëz, sepse dashuria mund të lindë aty ku s’e prisni. Bëni shumë kujdes gjatë këtij muaj, sepse prej kohësh po stërmundoheni të arrini diçka të pamundur. Keni pranuar një detyrë të rëndësishme që nxit fantazinë tuaj, por që ju lodh shumë fizikisht. Nëse lind nevoja, në fund të muajit ju sugjerojmë të bëni një kontroll mjekësor. Tri ditët e fundit të qershorit do të jenë kaotike për ju.

Demi

Në muajin qershor do të vendosni njëherë e mirë nëse do të vazhdoni punën që keni apo jo. Jupiteri, Marsi dhe Venusi kanë një marrëdhënie të ndërlikuar në shenjën tuaj dhe efekti i kësaj aleance që s’po funksionon, do të ndihet pas datës 13. Disa nga ju do të vendosin të ndryshojnë tërësisht drejtim apo të lënë kompaninë ku punojnë prej vitesh. Po kaloni një krizë ekonomike, të cilën duhet ta zgjidhni sa më shpejt. Ata që kanë një aktivitet personal dhe janë të pavarur, do të jenë më të favorizuar nga Saturni. Gjysma e parë e muajit do të jetë shumë e favorshme në fushën e ndjenjave. Çiftet e konsoliduara do të kapërcejnë çdo problem. Megjithatë, bëni kujdesi, sepse Jupiteri do të ndikojë negativisht gjatë gjysmës së dytë të muajit. Disa nga ju madje do t’i drejtohen avokatit për t’u ndarë. Përpiquni që problemet profesionale të mos i përcillni brenda mureve të shtëpisë. Gjithçka zgjidhet me vullnet të mirë. Ata që kërkojnë aventura ditore, për shkak të tërheqjeve fizike, mund të zbulohen. Bëni kujdes në datat 22 dhe 24, sepse janë të ndërlikuara! Në këtë periudhë, prioriteti juaj janë çështjet ligjore dhe praktike. Gjithçka tjetër do të kalojë në plan të dytë. Ata që kanë dy marrëdhënie paralele, duhet të marrin një vendim sa më parë. Pas datës 13 do të ndiheni të lodhur. Shumë nga ju do të ndihen nervozë dhe gjendja shëndetësore do të përkeqësohet për shkak të stresit. Stomaku, tensioni i ulët janë problemet që do t’ju shqetësojnë. Përpiquni të pushoni gjatë fillimit të muajit për të shmangur këto ndërlikime të panevojshme.

Binjakët

Planeti i Marsit është gjatë një kalimi miqësor në shenjën tuaj, Venusi ju favorizon pas datës 13, ndërsa Mërkuri qëndron në shenjën tuaj deri në datën 12, prandaj edhe ju duhet të përfitoni sa më shumë nga ky kombinim. Mos u ankoni dhe pranoni me mirënjohje gjithçka që ju ofrohet. Këto mundësi nuk do t’ju jepen më pas shtatorit apo akoma më pak, pas muajit nëntor. Nëse jeni duke punuar prej kohësh në një kompani, ka ardhur momenti të kërkoni me zë të lartë një pozicion që ju takon prej kohësh dhe që ju dhuron më shumë kënaqësi. Kërkoni, por ju këshillojmë të mos tregoheni kokëfortë, sepse mund t’ju shkojë më keq. Çdo fjalë e gabuar tani, do të ketë pasoja më vonë. Vazhdoni të ruani lidhjet me kontaktet që ju interesojnë. Nismat tuaja do të marrin rrugën e duhur pas datës 21. Mos merrni kredi dhe mos bëni investime të gabuara pikërisht tani! Lidhjet e krijuara dy muajt e fundit janë të favorizuara dhe mund të vazhdoni të qetë. Muaji qershor do t’ju përballë me disa tundime që zor se do t’u bëni ballë, edhe pse tanimë keni një partner/e në krah. Ju ndodh shpesh të bini në dashuri me dikë, për shkak të mënyrës se si flet, si sillet dhe sa hapësirë ju jep. Megjithatë, ka ardhur momenti të pyesni veten nëse ia keni vënë syrin personit të duhur që t’u jepni fund njëherë e mirë dyshimeve tuaja. Marsi ju favorizon shumë, Venusi shton pasionin në lidhjen tuaj. Sigurisht që nëse rrini mbyllur në shtëpi dhe prisni më kot, gaboni. Kërkojeni vetë dashurinë, qoftë edhe në rrjetet sociale. Qershori sjell shumë lajme të mira në jetën familjare. Përfitoni, sepse yjet janë të shkëlqyer. Është momenti i duhur të vazhdoni me kurat estetike apo edhe të regjistroheni në palestër. Është paksa vonë, por s’ka problem. Në datat 6 dhe 26 bëni mirë të tregoheni shumë vigjilentë.

Gaforrja

Ju punoni për kënaqësi, jo për para. Kjo është një lloj motoje për ju. Ndoshta gjërat për ju s’do të shkojnë aq mirë sa në pranverë. Edhe pse bëni punën që keni ëndërruar, prapë ka diçka që ju pengon çdo ditë. Dikush përpiqet të pengojë nismat tuaja. Bëni mirë ta mbani situatën në kontroll. Mendoni se disa persona që ju rrethojnë i nënvlerësojnë aftësitë tuaja dhe bëjnë lojë të pistë në ambientin profesional. Keni pasur probleme me shefat dhe ish-kolegët, por ka ardhur momenti të shumëzoni gjithçka me zero dhe t’ia nisni nga fillimi. Shfrytëzoni Jupiterin që është në favorin tuaj, por bëni kujdes nga Saturni! Për momentin nuk keni asnjë arsye që t’ju stimulojë. Të tjerët ju gjykojnë ndryshe. Pas datës 12 qershor do të nisë një fazë e re në fushën profesionale. Nëse keni nisur një histori dashurie këta muajt e fundit, mundësitë janë që ajo të zgjasë. Disa nga të lindurit në shenjën e Gaforres parapëlqejnë të nisin një lidhje të re menjëherë sapo mbyllin një të vjetër, por është më mirë të presin pak dhe t’i shikojnë gjërat më qartë. Tregohuni më pozitivë ndaj së ardhmes. Një propozim për martesë apo për bashkëjetesë ndoshta nuk po vjen, për shkak të frikës së partnerit/es. Ata që kanë marrë shtëpi të re apo janë bërë me fëmijë, ndihen në ankth dhe aspak të sigurt për të ardhmen. Në datën 23 do të merrni lajme të mira. Fundjava e fundit e muajit paraqet mundësi të mira për ata që kërkojnë dashurinë. Mendohuni mirë përpara se të merrni vendime të rëndësishme, si martesa apo bashkëjetesa, sepse, shpeshherë, zgjidhni sigurinë që ofron partneri për të mbajtur në kontroll pakënaqësitë që ndieni këto kohët e fundit. Qershori i hap dyert planetit të Mërkurit, i cili mbërrin në shenjën tuaj gjatë gjysmës së dytë të muajit. Problemet shëndetësore që do t’ju prekin këtë muaj janë të llojit psikologjik. Data 23 është e përshtatshme për të kryer kontrolle mjekësore.

Luani

Këtë muaj do të fitoni betejat e para, përpos tensioneve që do të shkaktojë Marsi dhe Jupiteri. Disa aleanca do të prishen dhe për këtë arsye, do të dëshironi të ndryshoni ambient. Sigurisht që nuk ndiheni mirë nëse të tjerët nuk i vlerësojnë aftësitë tuaja. Të lindurit në këtë shenjë janë shumë krenarë dhe nuk para pëlqejnë të dëgjojnë shumë fjalë. Dëshira për të gjetur mundësi të reja do të shtohet. Studentët janë shumë të favorizuar këtë muaj, sidomos ata që duan të fillojnë kurse të reja. Vera do të jetë një periudhë përgatitore për gjërat e mëdha që ju presin në vjeshtë. Do të studioni shumë strategji gjatë këtij muaji. Nuk keni ende asgjë të sigurt, por ky fillim i mbarë është gjysma e punës. Venusi do të hyjë në shenjën tuaj pikërisht në datën 13. Ndoshta Venusi s’do të forcojë marrëdhënien, por do të shtojë dëshirën për të flirtuar, për marrëdhënie seksuale apo edhe për aventura të reja që në të ardhmen mund të shndërrohen në lidhje serioze. Ndërsa çiftet që janë në krizë prej kohësh, tani mund të çlirohen nga një barrë e madhe. Kujdes, mos bini në dashuri me persona që e kanë tanimë një partner apo ju vetë e keni në krah një të tillë! Nëse jeni vetëm, Venusi do t’ju ndihmojë të gjeni dikë, por s’do të jetë tamam shpirti juaj binjak. Ju duhet ende kohë për të gjetur dashurinë e vërtetë, por shfrytëzojeni këtë muaj për t’u argëtuar, sepse edhe Hëna do të kalojë në shenjën tuaj në datat 16, 17 dhe 26. Ky do të jetë një muaj dinamik, i mbushur me lloj-lloj gjërash duke përfshirë edhe stresin. Uleni ritmin, sidomos nga data 11 deri më 17. Probleme me muskujt në datën 23. Merrini gjërat më shtruar!

Virgjëresha

Yjet do të ndihmojnë të gjithë ata që kanë vullnet. Disa nisma të reja i keni ndërmarrë, por s’do të mungojnë edhe të tjera që i keni në plan për të ardhmen. Kontrata dhe projekte të reja mund të sjellin të ardhura të shumta brenda muajit shtator. Ata që kanë aktivitet privat ndoshta s’do të kenë kaq shumë fitime, por s’do të humbasin asgjë nga ato që kanë. Mos harroni, kur mbyllet një derë, hapen dhjetë të tjera! Ky është momenti i duhur për të kontaktuar me personat që mund t’ju ndihmojnë për realizimin e projekteve afatgjata. Ambicia juaj është rizgjuar falë lajmeve të mira që keni marrë. Mërkuri vjen në shenjën tuaj në datën 12 dhe ndikimi i tij forcohet edhe nga Hëna që mbërrin në datën 19. Është koha të veproni pa u menduar dy herë. Një klimë kaq pozitive dhe fitimprurëse në aspektin profesional nuk vjen shumë shpesh. Për meshkujt e lindur në këtë shenjë është normale ta kalojnë dashurinë në plan të dytë. Por edhe ata më të fjeturit duhet ta kuptojnë kur marrëdhënia është në rrezik. Nuk keni më frikë nga ndryshimet, ja pse duhet të shfrytëzoni çdo mundësi që ju jepet. Dëshira për të joshur dhe për të bërë dikë tuajin/ën shtohet. Ata që kanë një marrëdhënie “të fjetur” bëjnë  mirë t’i japin duart dhe të marrin një vendim përfundimtar. Takimi me një person të ri ndoshta do t’ju ndihmojë ta keni më të lehtë marrjen e këtij vendimi. Kujdesuni më shumë për familjen tuaj, sepse një nga të afërmit ka nevojë për kujdes. Keni lënë disa çështje trashëgimie pezull. Ju këshillojmë të mos bëni debate me dikë që ju ka vënë në provë shumë herë në të shkuarën. Ata që kanë pasur probleme psikologjike, tanimë kanë njohur personin e duhur që po i ndihmon. Lodhja do të fillojë të ndihet rreth datës 6, por gjithçka do të shkojë më së miri pas datës 13. Ditët e fundit të muajit premtojnë gjëra të bukura.

Peshorja

Nuk gaboni asnjëherë nëse tregoheni më të matur. Sprovat më të vështira për të lindurit në shenjën tuaj vijnë në vjeshtë. Ja pse periudha e verës shërben për t’u organizuar më mirë. Saturni nuk ju ndihmon asnjëherë, por edhe Mërkuri do të tregohet armiqësor me ju në këtë periudhë, prandaj do të keni probleme financiare dhe vështirësi në mbylljen e disa marrëveshjeve. Të gjithë të lindurit e shenjës së Peshores mendojnë se e kanë të vështirë të tregojnë vërtet sa vlejnë në vendin ku punojnë, sidomos pasi ua kanë punuar pas shpine. Polemikat që keni pasur me eprorët tuaj në fillim të vitit mund të kthehen sërish. Ndoshta do të merrni vendime drastike, një ndryshim rrënjësor në aspektin profesional. Dëshironi një të ardhme më të mirë, por ju shoqëron pasiguria. Duhet të mbani në kontroll çdo bashkëpunim. Ata nga ju që janë ndarë vitin e kaluar apo që janë përballur me probleme muajt e fundit nuk do t’i harrojnë lehtë ato që kanë kaluar, prandaj ky muaj i gjen vetëm. Është e kotë të fshihni pakënaqësitë që keni në aspektin sentimental. Komunikimi është çelësi ndonjëherë. Edhe në çiftet e konsoliduara pasioni zbehet disi gjatë kësaj periudhe. Jeni lodhur nga problemet që ka partneri/ja. Dëshira për të realizuar gjëra të reja nuk ju mungon, por për arsye financiare apo sepse dikush nuk shikon punët e tij, nuk do të arrini atë çka doni. Gjithçka që po bëni në këtë periudhë po ju lodh shumë. Pika juaj e dobët është cervikalja, por edhe me lëkurën do të keni probleme. Bëni mirë të shmangni debatet e forta apo situatat e vështira në datat 28 dhe 30.

Akrepi

Nuk mungon asnjëherë një fazë rebelimi në jetën tuaj apo në punën që bëni. Nëse nuk rebeloheni ju vetë, atëherë ju çorientojnë ngjarjet e shumta që ndodhin rreth e rrotull jush. Bëni shumë kujdes me paratë dhe shpenzimet e tepërta! Urani s’do të tregohet aspak miqësor me të lindurit në shenjën tuaj këtë muaj, ja pse do të ndiheni të pakënaqur. Datat 11, 12, 17 dhe 18 do të jenë vërtet ditë “prove” për ju. Disa bashkëpunime do të mbyllen, do të mendoni të ndryshoni ambient. Tension dhe konflikte me eprorët. Jupiteri dhe Saturni ju mbrojnë, prandaj  duhet të gjeni një rrugë të mesme për të ndrequr gjithçka. Yjet nuk janë të këqij, por jeni ju që kërkoni ndryshime të mëdha, gjëra që s’i keni provuar më parë. Ditët e para të qershorit do të jenë më të mirat. Disa nga ju e kanë të vështirë të harrojnë një histori të kaluar dashurie. Nëse jeni peng i së kaluarës, atëherë nuk u jepni mundësi marrëdhënieve të reja që të lulëzojnë. Dukeni të gatshëm në sy të të tjerëve, por nuk ju interesojnë. Mendoni për gjëra të reja. Nëse jeni të lidhur prej kohësh, qershori do të jetë muaji i ideve të reja. E keni të vështirë që t’i gjykoni dëshirat tuaja bazuar te realiteti apo të ndani ëndrrat nga iluzionet. Vazhdojnë debatet për çështje parash, sidomos nëse keni fëmijë. Tregoni shumë kujdes për çështjet e trashëgimive me të afërmit tuaj. Ju rrethojnë lakmitarët. Ndiheni të lodhur, por s’ndaleni për asnjë çast. Datat 17 dhe 18 do të shoqërohen nga nervozizmi. Bëni kujdes me stomakun! Ushqehuni sa më mirë. Jupiteri ju mbron, por edhe ju kini kujdes me provokimet. Ndonjëherë kënaqeni duke vënë në provë veten, krijoni tensione vetëm për t’u bërë pjesë e debatit. Pse inatoseni, edhe kur nuk është e nevojshme?

higjetari

Ky është një muaj i rëndësishëm, sidomos për marrëdhëniet sociale, pasi Venusi hyn po ashtu në shenjën tuaj në datën 13. Marsi ka një ndikim të shkëlqyer, por edhe Jupiteri po afrohet me hapa gjigantë në shenjën tuaj të zodiakut. Me pak fjalë, ky është momenti i duhur për të bërë plane për të ardhmen. Projekte të reja do të kenë sukses, fitimet e së cilave do t’i korrni shumë shpejt. Në datën 16 mund të përballeni me disa probleme me kolegët. Ju jepen shumë mundësi për të rënë në sy dhe për të treguar sa vleni. Nëse punoni prej shumë kohësh në të njëjtin vend dhe s’doni të ndryshoni, atëherë frekuentoni më shumë njerëz për të shmangur ndonjë pakënaqësi që do t’ju prishë qetësinë. Mundësi të mira për të gjithë deri në fund të muajit. Ky muaj do të sjellë probleme dhe vështirësi në komunikim gjatë dy javëve të para në fushën e ndjenjave. Datat 5, 6 dhe 7 janë më të vështira. Gjërat do të bëhen më të lehta me fillimin e gjysmës së dytë të muajit, do të ndiheni edhe ju vetë më tërheqës në sytë e të tjerëve. Nga data 24 deri më 30 do të përjetoni emocione të veçanta. Yjet ju këshillojnë, por jeni ju ata që duhet të veproni. Edhe atyre pak shigjetarëve që janë apatikë u këshillohet të gjejnë dikë në këtë periudhë kaq të favorshme. Familjarët po përpiqen të kursejnë për të blerë një shtëpi të re apo për lindjen e një fëmije. Miqësitë mund të shndërrohen në dashuri. Kujdes nga lidhjet paralele dhe nga tradhtitë! Përpiquni të jini më të qartë. Deri në datën 12 do të ndiheni të lodhur fizikisht dhe mendërisht, megjithatë do ta merrni veten shumë shpejt. Duhet të merreni sa më shumë me sport apo të dilni në ajër të pastër.  Të lindurit në shenjën tuaj ndihen mirë kur udhëtojnë apo janë në kontakt me natyrën.

Bricjapi

Urani dhe Saturni do të krijojnë një kombinim të shkëlqyer në shenjën tuaj, i cili do të bëhet më intrigues gjatë gushtit. Vendimet që do të merrni apo ndryshimet që do të bëni tani karakterizohen nga një qetësi e madhe dhe vendosmëri. Të rinjtë do të kenë mundësi të shpërngulen në qytete të tjera, ndërsa ata më fatlumët do të marrin propozime të mira për të filluar punë. Yjet nuk bëjnë mrekulli, por do të favorizojnë të gjithë ata që kanë studiuar shumë. Provime të kaluara me sukses. Pas datës 12, duhet të bëni kujdes me shpenzimet. Nëse punoni me shumë kolegë, mund të keni disa debate që do t’i përballoni më së miri. Ata që kanë planifikuar ndonjë ceremoni gjatë verës, ndryshim shtëpie apo bashkëjetesë, tani duhet të përballen me llogaritë e tyre bankare. Duhet ta pyesni mirë veten nëse ju mjaftojnë kursimet që keni për gjithçka që doni të bëni në të ardhmen. Është mëkat që çiftet të debatojnë për çështje ekonomike. Gjendja brenda familjes është paksa e tensionuar. Në datat 15, 20 dhe 24 shmangni debatet prindër-fëmijë apo me ndonjë të afërm që tani po vë në dyshim gjëra që s’i takojnë. Kush nga ju do të hedhë një hap të rëndësishëm, bën mirë të zgjedhë korrikun ose gushtin. Tregohuni më të matur me fjalët që thoni, sepse partneri/ja do të mërzitet për diçka që juve ju duket banale. Yjet e qershorit janë paksa të ndërlikuar; keni shumë punë për të bërë, stresi dhe problemet shtohen. Pika juaj e dobët do të jetë stomaku. Merrini gjërat shtruar. Mos i sforconi shumë gjunjët, që sipas zodiakut, janë problemi më i madh për të lindurit në këtë shenjë.

Ujori

Marsi vazhdon të qëndrojë në shenjën tuaj, por edhe Mërkuri ju favorizon shumë. Kjo periudhë s’do të jetë shumë e qetë për ju. Nëse bëni një punë monotone, e keni të vështirë të shkoni të buzëqeshur në punë. Mendimet tuaja bien në kundërshti me veprimet që bëni. Ndoshta do të bëni disa kompromise për hir të parave, por gjithçka e ka një kufi, sepse për një ujor liria nuk ka çmim. Ju jeni idealistë dhe s’e keni të lehtë të shtyni për më vonë detyrat që ju takojnë. Meqë Urani është kundër shenjës suaj, do të ndiheni më shumë të lodhur. Duhet të ndiqni instinktin, por jo të bëni çmenduri. Keni një sërë borxhesh për larë, prandaj deri në fund të tetorit duhet të bëni shumë kujdes me shpenzimet. Në fushën e ndjenjave do të ketë shumë ulje-ngritje këtë muaj. Ja cilat janë datat e provave më të vështira në çift; 16 dhe 17. Do të përballeni me disa probleme që keni menduar se i keni lënë pas në të shkuarën, por ja që s’u keni dhënë zgjidhjen e duhur. Ata që janë në kërkim të një historie të re dashurie nuk janë aspak të bindur. Takimet e reja edhe ju intrigojnë, edhe ju bëjnë të dyshoni. Kush nga ju është martuar së fundmi, ka ditë që është i lumtur, por ka edhe ditë që do të donte të kthehej si dikur. Nismat e ndërmarra në të kaluarën mbeten përgjysmë, por jo gjithçka është e humbur, gjë që do ta kuptoni në muajt pasardhës. Energjia negative që ndieni tani është shkaktuar nga stresi që po kaloni. Përpiquni të flini shumë, sepse kohët e fundit zgjoheni natën duke menduar se ç’do të bëni të nesërmen. Ndiheni të lodhur që në mëngjes. Ujorët e kanë të vështirë t’u binden rregullave, por herë pas here duhet bërë.

Peshqit

Vera nis më së miri falë ndikimit pozitiv të Venusit dhe Mërkurit që futet në shenjën tuaj në datën 12. Edhe Dielli do të shkëlqejë për ju pas datës 21. Kjo është një periudhë konstruktive dhe e ngjeshur, por bëni kujdes, sepse fundviti do të jetë më statik, nuk do t’ju paraqiten kaq shumë mundësi. Ja pse duhet ta rrihni hekurin sa është i nxehtë. Ky është një muaj i rëndësishëm edhe për studentët. Ata që do të kalojnë provimet me sukses, do të marrin menjëherë propozime për punë. Keni vepruar mirë nëse vitin e kaluar keni ndryshuar punë apo kolegët me të cilët keni punuar. Rezultatet po i vini re tani. Yjet janë më bindës në fushën e ndjenjave këtë muaj krahasuar me majin. Nëse keni pasur debate të vogla, bëni mirë të shfrytëzoni fundjavën për t’u pajtuar. Nëse muajt e fundit nuk i keni kushtuar rëndësi dashurisë, gjeni menjëherë një zgjidhje tani. Favorizohen takimet e reja. Jupiteri do të ndihmojë çiftet në krizë. Ata që janë divorcuar vitin e kaluar, tanimë kanë dikë tjetër në zemër. Qershori do të ndikojë pozitivisht te marrëdhëniet, por do të risjellë edhe atë sensualitetin që ishte zbehur. Ata që janë në kërkim të dashurisë, t’i rezervojnë pushimet në vende ku kanë më shumë mundësi të takojnë njerëz të rinj. Edhe fundi i muajit do të jetë i mirë. Këtë muaj do të ndiheni më të gjallëruar, do të bëni gjëra që ju pëlqejnë duke organizuar diçka të veçantë. Elementi juaj është ai i ujit, një shërues për mendjen dhe zemrën, prandaj qetësohuni dhe dëgjoni zhurmën e valëve të detit apo të një përroi në pyll që gurgullon. Kurat janë të favorizuara pas datës 12.

Mos e humbisni: Parashikimi i horoskopit për muajin qershor nga Paolo Fox, cilat shenja janë më të favorizuarat dhe cilat jo Read More »

Femijeria e brezit tim mban eren e djerses se prinderve tane per te na rritur. Femijeria e sotme mban eren e droges, krimit, mashtrimit dhe talljes.Nga Arben Abazaj

Leave a Comment / Opinione / /

Femijeria e brezit tim mban eren e djerses se prinderve tane per te na rritur.
Femijeria e sotme mban eren e droges, krimit, mashtrimit dhe talljes.

Sot te jesh femije ne Shqiperi duhet te jete mallkim, nje mallkim qe vete ne u’a kemi vulosur ne balle me amoralitetin tone prej te rrituri te pafytyri.

Para pak muajsh ishim deshmitare sesi femijet ishin kthyer ne skllever ne minierat e Bulqizes, sa e sa te tjere nuk munden te shkojne ne shkolle, sa e sa te tjere jane ngujuar, sa e sa kalojne diten me nje vakt buke?

Shqiperia nje vend qe femijet e saj i poshteron duke ju mohuar dy te drejta kryesore: te jetes dhe te aftesimit per jeten. Neser keta femije do kerkojne llogari duke pyetur:
Ku ishe ti shoqeri kur ne na shkelej edhe e drejta e jetes?Arben Abazaj

Femijeria e brezit tim mban eren e djerses se prinderve tane per te na rritur. Femijeria e sotme mban eren e droges, krimit, mashtrimit dhe talljes.Nga Arben Abazaj Read More »

Ndërkombëtarët e thonë prerë: Luftë korrupsionit në nivele të larta dhe arrestime ”VIP”, nisin kërkimet për Kryeprokurorin e SPAK

Leave a Comment / Aktualitet / /

Partnerët ndërkombëtarë vijojnë të këmbëngulin për luftën ndaj korrupsionit në nivele të larta dhe arrestime “VIP”. Shpeshherë, përfaqësues të lartë të vendeve partnere të Shqipërisë kanë artikuluar se duhet të thellohet lufta antikorrupsion dhe një gjë të tillë ia bënë të ditur edhe gjatë ditës së djeshme ministres së Drejtësisë, Etilda Gjonaj. Kjo e fundit kishte shtruar një tryezë së bashku me ambasadorët e vendeve të Bashkimit Evropian për t’iu raportuar për planin e qeverisë për dy-vjeçarin e ardhshëm për të shfarosur fenomenin e korrupsionit.

“Në cilësinë e Koordinatorit Kombëtar Antikorrupsion raportova përpara ambasadorëve të vendeve të BE, lidhur me gjithçka kemi bërë në drejtim të masave për parandalimin dhe goditjen e korrupsionit, si një nga prioritetet qeverisëse dhe po ashtu një kriteret bazë për ecurinë e procesit të integrimit evropian të vendit.

U ndala në veçanti në ngritjen e dy strukturave shumë të rëndësishme për zbatimin e strategjisë antikorrupsion, që janë Komiteti Koordinator ministror, në të cilin çdo ministri përfaqësohet në nivel zv/ministri dhe Task Forca ndërinstitucionale, e cila është përgjegjëse për inspektime ndërinstitucionale dhe është tashmë operative”, tha ajo në rrjetet sociale.

Ministrja e Drejtësisë kërkoi më shumë angazhim nga të gjithë gjithëve, përfshirë këtu edhe ndërkombëtarët. “Një vëmendje të veçantë i kemi kushtuar përfshirjes në këtë aksion të gjerë antikorrupsion, të sa më shumë aktorëve, përfshirë shoqërinë civile, përfaqësuesit e biznesit dhe komunitetin ndërkombëtar.

Angazhimi i tyre do të ndikonte në rritjen e transparencës së aktivitetit qeveritar dhe për këtë qëllim është iniciuar një proces konsultimesh të vazhdueshme me përfaqësuesit e këtyre aktorëve”, nënvizoi Etilda Gjonaj. Sakaq, sipas informacioneve të gazetës SOT, ambasadorët e vendeve të BE i kanë kërkuar ministres që ky të mos mbetet vetëm plan apo prioritet i qeverisë, por lufta kundër korrupsionit të shënojë rezultate të prekshme dhe të dukshme, sidomos në nivele të larta. Pra, ata kanë kërkuar që shqiptarët të kenë mundësi të “prekin” arrestimet “VIP”.

Nisin kërkimet për kreun e SPAK

Partnerët ndërkombëtarë janë angazhuar edhe në krijimin e organeve të reja të drejtësisë, siç është Struktura e Posaçme Antikorrupsion (SPAK) dhe Byroja Kombëtare e Hetimit (BKH). Sipas të gjitha gjasave, këto dy organe, në kuadër të reformës në drejtësi, do të jenë gati gjatë ditëve të vjeshtës.

Për këtë arsye, sipas informacioneve, ndërkombëtarët kanë nisur nga puna për të kërkuar një person që përmbushë kriteret për të mbajtur postin e kryeprokurorit të SPAK, i cili do të ketë në dorë edhe goditjet e korrupsionit në nivele të larta.

Duke qenë se kriteret për t’u bërë pjesë e strukturës SPAK dhe BKH janë të shumta dhe mjaft të ashpra, personat që i përmbushin këto kritere janë të paktë, pasi kërkohen edhe shumë vite eksperiencë. Për këtë arsye, burimet i pohuan gazetës se ndërkombëtarët, në bashkëpunim me autoritetet shqiptare janë vënë në lëvizje për të piketuar ata pak persona që i plotësojnë të gjitha kushtet.

Më pas, më të përshtatshmit për tu bërë kryeprokuror i SPAK do të futen në një fazë testimi dhe më i miri prej tyre do të fitojë postin. Nga ana tjetër, mësohet se janë trajnuar tek Akademia e Sigurisë një pjesë e stafit mbështetës të SPAK, si juristë, specialistë IT, etj. Siç duket, punët po ecin në një drejtim të tillë ku po hidhen bazat për ngritjen e SPAK dhe pritet që kjo ditë të mos jetë shumë e largët./Pamfleti

Ndërkombëtarët e thonë prerë: Luftë korrupsionit në nivele të larta dhe arrestime ”VIP”, nisin kërkimet për Kryeprokurorin e SPAK Read More »

Sali Berisha i pakënaqur si Basha po reagon ndaj qeverisë, kërkon nxitjen e trazirave. Deputetë pranë ish-Kryeministrit nisin krijimin e klaneve brenda PD-së

Leave a Comment / Aktualitet / /

Deputetë pranë ish-kryeministrit Sali Berisha kanë nisur krijimin e klaneve brenda Partisë Demokratike. Pas protestës së 26 majit, shumë emra brenda kampit të djathtë mbetën të zhgënjyer me aksionin e Lulzim Bashës dhe ditën e djeshme i kanë dhënë një mesazh të qartë këtij të fundit se shumë shpejt do të krijohet një grup me demokratë që do të tentojnë destabilizimin e vendit.

Një gjë të tillë e deklaroi deputeti i PD, Flamur Noka gjatë një interviste televizive, i cili në fjalën e tij theksoi se duhen veprime më radikaliste. “Rama vetëm dhunon, përshkallëzon arrogancën dhe po i mbyll gojën opozitës. Kjo nuk mund të pranohet, pasi në demokraci nuk mund të pranohet dhe vendosen standarde të tilla. Këto janë sinjale të qeta për një autokraturë. Unë dhe disa kolegë të mi, që jemi në pakicë për fat të keq, por se besoj se do jemi gjithmonë në pakicë, nuk shohim se do të ketë zgjedhje tjetër, përveç radikalizimit tonë.

A mund të më thoni se çfarë hapësirash i ka lënë ky kryeministër opozitës”, tha Noka. Kjo deklaratë e tij vjen në sinkron me atë se çfarë paralajmëroi gazeta SOT, e cila dy ditë më parë theksoi se Sali Berisha po shtyn deputetët demokratë që të krijojnë një klan kundër Bashës me qëllim që kundërpërgjigjet ndaj qeverisë të jenë të dhunshme.

Dyshimet janë se pas Flamur Nokës qëndron vetë ish-kryeministri, i cili po shkakton përçarje brenda Partisë Demokratike sepse është i pakënaqur me mënyrën sesi Lulzim Basha po reagon ndaj qeverisë. Një gjë të tillë e faktojnë edhe më shumë deklaratat e njëpasnjëshme publike të Berishës, i cili qoftë më herët, qoftë edhe pak para protestës së 26 majit, është shprehur pro-dhunës. Ky paralajmërim i Nokës është thjesht në unison me thirrjet e ish-liderit demokrat, Sali Berisha. Mesa duket për Partinë Demokratike parashikohen ditë të këqija pas shpërthimit të konfliktit Basha-Berisha.

Paralajmërimet e PS

Ndërkohë, gjatë seancës parlamentare të ditës së djeshme opozita tregoi se nuk ka ndërmend të heqë dorë nga skenari i saj për të bllokuar foltoren. Ashtu siç e kanë bërë zakon tashmë, të gjithë së bashku u ngritën në këmbë për tu “ngujuar” në foltore, mirëpo hasën në rezistencën e kryetarit të Kuvendit, Gramoz Ruçi dhe kreut të grupit parlamentar të PS, Taulant Balla.

Pasi u detyrua të ndërpriste tri herë seancën parlamentare, Ruçi i paralajmëroi opozitarët se pavarësisht tentativave të tyre, nuk do të lejojë që ta marrin peng Parlamentin. Një deklaratë të tillë ai e bëri gjatë kohës që po fliste Petrit Vasili. “Uluni poshtë e mos e zgjasni.

Zoti Vasili, mos u bëj pjesë e skenarit. Uluni poshtë, e kam të qartë skemën tuaj për të marrë peng Parlamentin. Asnjë skenar i shëmtuar nuk do të lejohet. Ndërsa predikohet kontributi juaj për hapjen e negociatave, gjithë veprimtaria dhe skenari juaj është për të dëmtuar hapjen e negociatave”, theksoi Gramoz Ruçi.

Nga ana tjetër, edhe Taulant Balla shpërtheu në akuza ndaj deputetëve të PD-LSI. Sipas tij, ata mbajnë fjalime patetike kundër qeverisë, por shtoi se shqiptarët nuk duan më fjalë. “Është e turpshme të ndërpresësh seancën kur kemi çështje të rëndësishme për të diskutuar. Shqiptarët nuk duan fjalë, por duan vepra.

Me gjithë përpjekjen e pakuptimtë të opozitës pavarësisht fjalimeve patetike në sallën e Kuvendit, Kuvendi i Shqipërisë përmbushi sot të gjithë detyrimet përsa i përket funksionimit normal të tij si organi që miraton legjislacionin për të vijuar më tej puna e qeverisë për implementimin e tyre”, deklaroi socialisti Taulant Balla./Pamfleti

Sali Berisha i pakënaqur si Basha po reagon ndaj qeverisë, kërkon nxitjen e trazirave. Deputetë pranë ish-Kryeministrit nisin krijimin e klaneve brenda PD-së Read More »

‘’Deputetët e opozitës janë lëshuar nga znixhirët e vetëpërmbajtjes njërezore, kafshojnë me fjalë të ndyra çdo hapësirë të lirë që gjejnë përpara’’

Leave a Comment / Aktualitet / /

Atje, në atë sallë, vendin kryesor duhet ta zërë fjala e mençur dhe heshtja kur të tjerët flasin. Vetëm kështu shqiptarët do të dallojnë se opozita është me e zonja se qeveria, se deputetët e opozitës kanë integritet moral më të lartë se ata të shumicës, Vetëm kështu shqiptarët do të binden se ka ardhur koha që kjo qeveri të ndërrohet.
Shkruan Ilir Yzeiri

Nëse ka një institucion të shenjtë që e dallon njeriun nga gjithçka që ndodhet rrotull tij, nga kafshët, nga drurët, nga ujërat, nga ajri, kjo është fjala.  Pa u futur thellë as në antropologji dhe as në komunikim apo në teoritë e ligjërimeve, po kujtoj vetëm që fjalët ruajnë botën në mënyrë simbolike. Pas tyre është gjithë njohja jonë dhe përmes tyre ne ndihim njëri-tjetrin që të shtyjmë më tej jetën, veprimet tona dhe po ashtu, përmes tyre, i tregojmë njëri-tjetrit botën.

Sot në Shqipëri fjala e ka humbur gjithë magjinë që ajo shenjon. Sot në Shqipëri fjala po përdoret si një leckë e ndyrë dhe e pisët këmbësh që u hidhet shqiptarëve në fytyrë me qëllimin që t’u shkatërrojë atyre simbolikën e jetës. Flamurin e kësaj ndotjeje të ndyrë e të llahtarshme e kanë marrë deputetët e opozitës, të cilët janë lëshuar nga znixhirët e vetëpërmbajtjes njërezorë dhe kafshojnë me fjalë të ndyra çdo hapësirë të lirë që gjejnë përpara.

Nuk më intereson nëse kanë të drejtë apo jo. Ajo që ndiej në këtë çast është se fjala nuk mund të shpërdorohet kështu dhe nuk mund të ndoten shqiptarët nga mëngjesi në darkë me një fjalor të ndyrë, se nuk mund t’u vërvitet shqiptarëve në surrat nga mëngjesi në darkë vetëm llumi i zi i fjalëve të përdala.

Supozojmë për një çast se opozita ka të drejtë. Në një vend normal, opozita konstaton, mban shënim, denoncon në Kuvend dhe këtë e bën me sjellje prej zotërinjsh. Zgjedh një nga deputetët më të talentuar që ajo ka dhe në një seancë të posaçme ia numuron qeverisë të gjitha rastet kur ajo ka qenë e lidhur me krimin. Bën një autopsi të thellë të gjendjes dhe publiku dëgjon dhe reflekton vetë. Pas kësaj nuk flet më, por vazhdon të sillet si zotni në atë sallë të shenjtë.

Ndjek jetën parlamentare, diskuton ligjet, sillet me korrektesë dhe me hijeshi. Mund të ndodhë ndonjëherë që seancat edhe mund të prishen dhe nervozizmi mund që të kapërcejë arsyen, njerëz janë dhe ata. Por kjo mund të ndodhë rrallë. Pas kësaj, në atë sallë duhet të vendoset hijeshia e debatit dhe e rendit të fjalëve.

Atje, në atë sallë, vendin kryesor duhet ta zërë fjala e mençur dhe heshtja kur të tjerët flasin. Vetëm kështu shqiptarët do të dallojnë se opozita është me e zonja se qeveria, se deputetët e opozitës kanë integritet moral më të lartë se ata të shumicës, Vetëm kështu shqiptarët do të binden se ka ardhur koha që kjo qeveri të ndërrohet.

Por si mund të ndërrohet kjo qeveri kur një tufë horrash dhe njerëz pa asnjë integritet, nga mëngjesi në darkë bllokojnë atë institucion dhe nxjerrin nga goja një lumë me llum të zi, me sharje e fyerje, me kërcënime e me idiotësi. Kështu debati nuk është më njerëzor dhe institucioni i fjalës e ka humbur peshën. Në vend të fjalëve lëshohen klithma, ulërima, sharje dhe kërcënime pa asnjë objekt.

Ka shumë legjenda për institucionin e fjalës në Shqipëri. Odat e burrave, kuvendet e malësive tregojnë se shqiptarët e kanë pasur të shenjtë fjalën dhe se atë nuk mund ta përdhoste lehtësisht askush. Ata që kishin të drejtën e fjalës në një Kuvend Burrash, ishin njerëz të spikatur dhe mbi të gjitha, të mençur e të zotë.

Ajo që thuhej në atë Kuvend ishte ligj dhe kishte vlerën e një veprimi të shenjtë. Si ka mundësi që këta deputetë nuk shqetësohen se me këtë sjellje po nëpërkëmbin traditën më të mirë të shqiptarëve, po na paraqesin në sy të botës si ato fiset e shthurura apo si… nuk gjej asnjë fjalë për krahasim. Edhe kafshët kanë një kod më rigoroz dhe arrijnë të kuptohen e të merren vesh, megjithëse në fillim lehin dhe ulërasin, por me masë e bëjnë edhe këtë.

Vetëm në një rast të tillë e ke të vështirë ta ilustrosh idenë tënde me ndonjë shembull nga jashtë apo brenda.  Opozita është alternativa qeverisëse dhe punon që të vijë në qeveri. Nuk mund dhe nuk ka asnjë mundësi që ajo të rrijë nga mëngjesi në darkë duke nxjerrë nga goja vrer edhe sikur të ketë të drejtë. Sepse ajo e ka një shans. Vijnë zgjedhjet dhe ajo po të dijë të sillet si alternativë e vërtetë qeverisëse e dërgon në shtëpi qeverinë dhe qeveris vetë.

Mirëpo opozita jonë është e vetmja në botë që nuk do të qeverisë dhe nuk punon që të jetë alternativë. Ajo ka zgjedhur që të jetë vetëm një turbinë e ndyrë që nxjerr ujë të zi dhe ua vërtit shqiptarëve në fytyrë.

Sa për qeverinë, tani të gjithë po bindemi se me këtë opozitë ajo nuk ikën nga pushteti. Nëse shoqëria shqiptare nuk gjen forcë që të pordhojë një alternativë tjetër opozitare, vendi do të vuajë për një kohë të gjatë nga një qeveri e vetëkanaqur dhe nga një pseudoopozitë që vetëm do t’ua nxijë jetën shqiptarëve me llumin e zi të fjalëve që nxjerr nga goja.

‘’Deputetët e opozitës janë lëshuar nga znixhirët e vetëpërmbajtjes njërezore, kafshojnë me fjalë të ndyra çdo hapësirë të lirë që gjejnë përpara’’ Read More »