Aurora

Qofte me presh dhe miell misri , shije unike nga amvisat

Leave a Comment / Kulinari / /

Me një shije krejt speciale, të lehta dhe fantastike për t’u konsumuar në çdo kohë të ditës.

Kjo recetë përgatitet shumë lehtë dhe shpejt, ideale për të shoqëruar vaktin e drekës por edhe të darkës.

Kombinohet me supa të ndryshme të lehta, por edhe thjeshtë me sallata të freskëta të stinës apo perime të pjekura.

Qoftet me presh dhe miell janë padyshim një mënyrë fantastike edhe për t’u servirur në tryeza familjare me miqsh e mysafirësh.

Ndiqni më poshtë recetën nga AgroWeb.org për të përgatitur shpejtë dhe lehtë këto qofte të mrekullueshme në shtëpi.
Përgatitja e Qofteve me Presh dhe Miell Misri
Përbërësit
2 gota uji me miell misri

3 lugë gjelle vaj ulliri për brumin

Gjysmë luge kafeje sodë

2 kokrra vezë

3-4 lugë gjelle djathë i thërrmuar ose gjizë

100 gr mish i grirë

3 presh mesatarë

3-4 lugë gjelle miell gruri për lyerje

2-3 gota ujë

Një tufë majdanoz

Kripë
Përgatitja e masës me presh
Si fillim pastrojmë preshin me ujë të bollshëm dhe e grijmë hollë.

Vendosim një tenxhere në zjarr, shtojmë preshin e grirë hollë dhe e kaurdisim derisa të zbutet.

Më pas, hiqen nga zjarri, u shtohet pak mish i grirë, djathë i bardhë i thërrmuar ose gjizë, shtohen vezët, kripa, piperi i zi i bluar dhe majdanozi i grirë hollë.
Përgatitja e miellit të misrit
Në një tenxhere me ujë të valuar, kripë dhe vaj ulliri, hidhet mielli i misrit i situr dhe i përzier me pak sodë.

Përzihet derisa të krijohet një masë e trashë. Më pas vendoset të piqen në zjarr derisa sa të trashet dhe të shkëputet nga anët e enës.

Kur ftohet, i shtohet masa e përgatitur më sipër me presh dhe përzihet mire derisa të bëhet një masë e njëtrajtshme.

Më pas, brumi i përgatitur ndahet në qofte të rrumbullakëta, të cilat kalohen në miell gruri  dhe më pas skuqen./AgroWeb.org

Qofte me presh dhe miell misri , shije unike nga amvisat Read More »

Vezët e ziera , vlerat dhe cfarë i ndodh organizmit

Leave a Comment / Kulinari, Shendetesi / /

Veza është padyshim përbërësi kryesor i një mëngjes të shëndetshëm.

Një nga mënyrat më të zakonshme të konsumimit të vezës është sigurisht përgatitja e saj në formën e zier.

Por cilat janë vlerat e vezës së zier dhe çfarë i ndodh organizmit kur ajo konsumohet e zier.

AgroWeb.org ju njeh më poshtë me përfitimet shëndetësore të vezës së zier dhe ndikimin e saj në organizëm.

Veza përmban 210 miligramë kolesterol. Zierja konsiderohet mënyra më e sigurt për gatim sepse yndyrnat që përdorni në skuqje rrisin kolesterolin në organizëm.

Ekspertët thonë se vezët janë të mira për shëndetin dhe një i rritur mund të hajë një vezë në ditë pa u shqetësuar shumë për kolesterolin.

Sipas të dhënave të AgroWeb.org, ngrënia e vezës në mëngjes si pjesë e një regjimi të kujdesshëm shëndetësor mund t’ju ndihmojë të humbisni në peshë.
Yndyrnat e mira
Vezët e ziera nxisin krijimin e yndyrnave të mira të cilat ndihmojnë në ruajtjen e nivelit të kolesterolit në gjak ndërsa ulin rrezikun e problemeve dhe sëmundjeve në zemër.

Këto yndyrna të shëndetshme për shëndetin e zemrën ndikojnë gjithashtu në rregullimin e nivelit të insulinës në gjak, e për rrjedhojë nivelin e sheqerit në gjak.
Proteinat
Vezët e ziera natyralisht përmbajnë një nivel të lartë proteinash.

Organizmi ka nevojë për proteina për forcimin e muskujve. Por mbi të gjitha proteinat ndihmojnë gjithë organet e trupit dhe mundësojnë një strukturë të posaçme mbrojtëse në muret e qelizave.
Shëndeti i syve
Një nga vitaminat më të rëndësishme tek veza është vitamina A.

Kjo vitaminë është thelbësore në ndihmën që i ofron retinës së syve për thithjen e dritës, mbron membranat dhe ul riskun e prekjes nga dobësimi i shikimit apo verbëria.
Kocka Të Forta
Vezët e ziera janë të pasura me vitaminën D, vitaminë e cila është e rëndësishme për kocka dhe dhëmbë të fortë gjithashtu.

Vitamina D u mundëson kockave përthithjen e kalçiumit dhe rregullon nivelin e kalçiumit në gjak.

Ky proces garanton që skeleti i trupit të marrë sasinë e duhur të kalçiumit për të qenë i fortë.
Këshilla për Vezët e Ziera
Vezën e zier mund ta kombinonin në sallatat me spinaq, patate, pulë apo peshk si një element i domosdoshëm i ushqyerjes së shëndetshme/AgroWeb.org

Vezët e ziera , vlerat dhe cfarë i ndodh organizmit Read More »

Manaferra dhe Boronica – Mike apo Rivale ?

Leave a Comment / Kulinari, Kuriozitete, Shendetesi / /

Manaferra dhe Boronica janë padyshim në listën e frutave më superiorë dhe më ushqyes në historinë e njerëzimit
Këto dy fruta të jashtëzakonshme kanë nivele tepër të larta ushqyesish dhe janë një burim i shkëlqyer i vitaminave dhe hekurit.

Sidoqoftë, popullariteti i lartë i këtyre kokrrave të vogla vjen nga pasuria e antioksidantëve që ato kanë.

Nuk ka njeri që nuk ka dëgjuar për antioksidantët sot, të shpjeguar qartë në çdo artikull të AgroWeb.org.

Por për ju që ju ka shpëtuar si term, duhet të dini që antioksidantët janë molekula tepër të rëndësishme të cilat luftojnë radikalet e lira në organizmin tonë.

Këto radikale përshpejtojnë plakjen dhe trondisin sistemin tonë imunitar.

Vlerat shëndetësore të antioksidantëve janë ndër më të lakmuarat.

Për vite me rradhë, shkencëtarët kanë kërkuar për burimet më të pasura të antioksidantëve dhe si manaferra ashtu edhe boronica janë ndër më të pasurit me antioksidantë.

Edhe fruta të tjera përmbajnë antioksidantë, por manaferrat dhe boronicat janë të përkëdhelurat e natyrës sepse ushqyesit që ato ofrojnë përthithen shumë lehtë nga organizmi.


Shqipëria është e bekuar.
Në këtë tokë pjellore rriten shumë manaferrat, shkurret e së cilës i gjejmë në variantet me ose pa gjemba.

Gjëja më fantastike për manaferrat ështëeuml; se gjithësecili prej nesh mund ta rrisë vetë.

Kjo bimë është simbol i tolerancës sepse duron kushte të ndryshme të motit dhe tokës.

Boronica nga ana tjetër ka disa kushte specifike për t’u rritur e bukur, e fortë dhe e pasur me vlera.

Ajo rritet kryesisht në zonat malore të Shqipërisë së veriut ku toka ka nivel të lartë aciditeti.

Boronica është një frut sferik që kur piqet përfton ngjyrë blu të thellë e të errët.

Manaferrat kur janë ende të papjekura janë në ngjyrë të kuqe, por kur piqen marrin një ngjyrë të bukur vjollcë dhe të zezë të thellë.

Manaferra ka një formë më gjatoshe dhe vjen në formën e një kurore të mirëfilltë.

Të dyja frutat e vogla kanë një jetëgjatësi të madhe nëse ruhen në ngrirje dhe mund të rezistojnë deri në dy vjet në kushtet e ngrirjes.

Të dy këto fruta të jashtëzakonshëm përdoren në kuzhinë në receta të ndryshme.

Ato i gjejmë në treg të gatshme për konsum, jo vetëm për ata që janë në kërkim të burimeve më të mira të antioksidantëve, por edhe për ata që vlerësojnë aromat.

Përveç vlerave shëndetësore, këto fruta të mrekullueshme të pyllit janë vërtet të shijshme./AgroWeb.org

Manaferra dhe Boronica – Mike apo Rivale ? Read More »

Misionet paqeruajtëse, 30 efektivë të FA përcillen nga fëmijët/Foto

Leave a Comment / Aktualitet / /

E veçantë dhe emocionuese ceremonia e përcjelljes së kontigjentit të tetë, që u nisën këtë të premte nga Vau i Dejës drejt Kabulit në Afganistan.

Fëmijët e efektivëve të Batalionit të Parë të Këmbësorisë në Vaun e Dejës kanë qenë vizitorët e veçantë, të cilët kanë festuar 1 Qershorin me efektivët dhe kanë falur shumë emocione në ceremoninë e përcjelljes së 30 ushtarakëve drejt Afganistanit.

Në fjalën e tij përshëndetëse, zëvendësministri i Mbrojtjes Petro Koçi uroi të gjithë fëmijët dhe shprehu krenarinë që Forcat e Armatosura janë kudo në gatishmëri dhe punojnë fortë për një të ardhme më të mirë të fëmijëve.

“Meqë ne jemi të angazhuar që e ardhmja e popullit tonë të jetë e fortë, të jetë vitale, të jetë e sigurt, i bëj thirrje Shqiptarëve të bëjnë sa më shumë fëmijë, pasi kjo është në të mirë të kombit, kjo është në të mirë të Shqipërisë”, theksoi ai.

   

Zëvendësministri Koçi, duke përshëndetur efektivët e b1k, u shpreh se Shqipëria modeste në burimet veta materiale financiare vazhdon të kontribuojë dhe të zgjerojë misionet e veta ndërkombëtare në kuadër të NATO-s, por pa prekur nivelin e trajtimit të ushtarakëve në këto misione.

“Ne sot nisim 30 djem të tjerë në Afganistan dhe po ashtu dhe brenda pak ditësh dhe bashkë me këta madje do të nisim një kontingjent shtesë. Së fundmi qeveria mori një vendim për të shtuar efektivin tonë pjesëmarrës në misionin në Afganistan. Sepse ne duam i dëshmojmë botës se nuk jemi NATO për numër ne nuk jemi në NATO thjeshtë për një prezencë flamuri ne jemi në NATO për të shprehur me kontribut konkret duke rrezikuar efektivët tanë në misione delikate”, përfundoi fjalën e tij Petro Koçi.

Shefi i Shtabi të Përgjithshëm të Forcave të Armatosura, gjeneral brigade Bardhyl Kollçakuu bëri edhe njëherë thirrje të gjithë të rinjve të komunitetit të bashkohen në FA , sepse aty do të gjejnë vendin e duhur për t’i shërbyer atdheut, për të treguar se kush janë, por edhe për të aftësuar veten, qoftë nga ana fizike e intelektuale por edhe mundësi për edukim kualifikim./a.g/ATSH

 

Misionet paqeruajtëse, 30 efektivë të FA përcillen nga fëmijët/Foto Read More »

Pas Ilir Metës, për herë të parë presidente e Shqipërisë një grua/Foto

Leave a Comment / ShowBiz / /

Në “Xing me Ermalin” mbrëmjen e djeshme ishte e ftuar Ilva Tare e cila Prej më shumë se një viti është drejtuese e bordit të Soros e lidhur më këtë gazetarja ka folur sot ku ndër të tjera është pyetur se a është e vërtet që Soros vendosin kush do jetë kryeministër i ardhshëm.

“Thonë që këta njerëzit e Sorosit vendosin kush do jetë kryeministër, kë keni vendosur që do jetë kryeministër pas Edi Ramës?”, i tha Ermali Ilvës e cila iu përgjigj: “Nesër kemi lënë një mbledhje, mbarojmë emisionin dhe flasim, ke ndonjë sugjerim ti?”

“Unë do shpresoja që ta merrte një grua postin, për ty thonë që do marrësh presidencën”, i tha Ermali.

“Qyqja do thonë që vuri Soros presidentin pastaj, jo, jo nuk ndodh, nuk besoj se ndodh”, u shpreh Ilva.

 

Pas Ilir Metës, për herë të parë presidente e Shqipërisë një grua/Foto Read More »

Zhduket dëshmitari kyç i aferës CEZ, prokuroria kërkim ndërkombëtar për Nuel Kalaj, thellohen hetimet për Sali dhe Shkëlzen Berishën

Leave a Comment / Aktualitet / /

Prokuroria e Tiranës ka thelluar hetimet ndaj aferës CEZ. Pas zgjatjes me tre muaj të hetimeve ndaj aferës së privatizimit të OSSH (sot OSHEE), nga çekët e CEZ Shpërndarje, ku pretendohet se i është shkaktuar shtetit shqiptar një dëm prej 414 milion euro, organi i akuzës është vënë në lëvizje për të sjell në Shqipëri Nuel Kalajn.

Nuel Kalaj është sekseri që dyshohet se ka mundësuar marrëveshjen e qeverisë Berisha me çekët e CEZ Shpërndarje. Pas dy letërporosive të dërguara nga ana e prokurorisë pak kohë më parë, konkretisht një në Kosovë dhe një në Francë, vende ku Kalaj ka deklaruar se banon, deri më sot nuk është shfaqur asnjë reagim nga ana e këtij të fundit për të ardhur dhe për të dëshmuar në lidhje me aferën CEZ.

Por mosardhja e Nuel Kalajt në Shqipëri për të dëshmuar, ka bërë që Prokuroria e Tiranës të vërë në lëvizje partnerët ndërkombëtarë. Sipas burimeve të gazetësSot, prokuroria u ka bërë kërkesë partnerëve ndërkombëtarë, konkretisht atyre të Francës dhe Kosovës, për të gjetur Nule Kalajn dhe për ta detyruar që të vijë në Shqipëri për të dëshmuar në lidhje me aferën CEZ.

Ndërkohë që nga ana tjetër autoritetet kosovare kanë nisur kërkimet për Nuel Kalajn, pasi në përgjigjen që prokuroria kosovare i ktheu palës shqiptare pas dërgimit të letërporosisë, thuhet se akoma nuk është rënë në gjurmët e tij, ndonëse janë zhvilluar disa kontrolle. Por ky veprim i ndërmarrë nga ana e organit të akuzës tregon qartë se po thellohen akoma më shumë hetimet ndaj ish-kryeministrit Berisha dhe djalit të tij, Shkëlzen Berishës.

Kjo për faktin se sipas padisë të bërë në prokurori nga ana e komisioni hetimor parlamentar dhe juristit Romeo Kara, Nuel Kalaj ka qenë ai që ka bërë të gjitha lidhjet mes çekëve dhe qeverisë shqiptare dhe në varësi të dëshmisë së tij varet dhe fati i Berishës dhe disa prej ish-ministrave të tij. Kujtojmë këtu se prokuroria, vetëm pak kohë më parë, para se t’i kërkonte Gjykatës së Tiranës zgjatjen e hetimeve me tre muaj, thirri për të dëshmuar në lidhje me këtë çështje djalin e ish-kryeministrit Sali Berisha, Shkëlzen Berishën si dhe ish-ministrin e Energjisë, Genc Rulin.

Akuzat ndaj Kalajt

Juristi i OSHE, Romeo Kara, ishte personi që denoncoi drejtpërdrejt Nuel Kalajn, si sekserin që arriti të bënte të mundur marrëveshjen e Berishës me CEZ. Ai ka dorëzuar në prokurori disa prova, kryesisht e-maile, që implikojnë personin në fjalë. Një ndër to është dhe një bisedë e tij me përfaqësues të CEZ, ndërsa ka dhe biseda me vetë drejtuesve të CEZ që përmendin emrin e tij.

Në një e-mail thuhet: “Mirdita Tomas! Në ankese janë përgatitur dokumentat. Ne do të përmendim kërkesat tona ndaj qeverisë sa është debia që duhet paguar tani. Do të të pres ty me Nuelin në aeroport në sallonin Vip. Me Nuelin sapo mbarova negociatat e tjera, i shpjegova në detaje se çfarë ne kërkojmë. Takimi me të birin sipas Nuelit është shtyrë për nesër pas ardhjes së PM (Kryeministrit).

Mbrëmë kam shtrënguar duart me kryeministrin në takimin me investitorët. Ai tha se është i kënaqur do të takoj nesër. Çfarë duhet të presim nga kryeministri. Sipas Nuelit rezultatet në mënyrë të sigurt do të jenë pozitive dhe në 90% konkrete. Ai më siguroi se për kryeministrin po punon një komision ndërministror i cili në mënyrë të specializuar po trajton problematikën tonë”.

Ja 22 zyrtarët e akuzuar për aferën e CEZ

Sali Berisha, ish-kryeministër

Nue (Nuel) Nik Kalaj, sekser

Genc Ruli, ish-ministër i Ekonomisë

Mimoza Vokshi, ish-anëtare e grupit të negocimit

Suzana Guxholli, ish-këshilltare e Berishës

Neritan Alibali, kryetar i grupit të negocimit

Alfred Rushaj, ish-anëtar i grupit të negocimit

Fatjon Tungu, ish-anëtar i grupit të negocimit

Sherefedin Shehu, ish-anëtar i grupit të negocimit

Asllan Sherra, ish-anëtar i grupit të negocimit

Viktor Gumi, ish-anëtar i grupit të negocimit

Miran Kopani, ish-anëtar i grupit të negocimit

Bujar Nepravishta, ish-kreu i ERE

Durim Kraja, ish-anëtar i komisionit të vlerësimit të ofertave

Engjëll Qorlaze, ish-anëtar i komisionit të vlerësimit të ofertave

Vasal Pano, ish-anëtar i komisionit të vlerësimit të ofertave

Ridvan Bode, ish-Ministër i Financave

Florion Mima, ish-zv/ministër i METE

Enno Bozdo, ish-zv/ministër i METE

Ledina Mandia, ish-Avokate e Shtetit

Shkëlzen Berisha, djali i ish-kryeministrit Berisha

Sokol Ramadani, ish-Kryetari i Entit Rregullator të Energjisë/Pamfleti

Zhduket dëshmitari kyç i aferës CEZ, prokuroria kërkim ndërkombëtar për Nuel Kalaj, thellohen hetimet për Sali dhe Shkëlzen Berishën Read More »

Spartak Ngjela: Rama dhe Berisha janë në ethe, po sabotojnë hapjen e negociatave, çelja e tyre fundi politik i të dyve

Leave a Comment / Aktualitet, Opinione / /

Çelja e negociatave të Shqipërisë me Bashkimin Europian është një gjë e sigurt.
Shkruan Spartak Ngjela

Rama dhe Berisha janë në ethe. Duan ta sabotojnë. Por këtë e di e gjithë politika perëndimore.
Edi Rama do të fillojë grindjen me kancelaritë europiane gjoja për çeljen e negociatave.

Ai kërkon të sabotojë hapjen e negociatave të Shqipërisë me Bashkimin Europian, sepse kjo çelje e penalizon dhe e skarton nga politika me anë të Reformës në Drejtësi.

Por kot lodhet.
Hapje e negociatave të Shqipërisë me Bashkimin Europian është e vendosur. Madje vetë skartimi i Ramës dhe i Berishës me anë të hapejes së negociatave, e ka bërë edhe më të vendosur politikën amerikane dhe politikën gjermane për çeljen e tyre, dhe procesin shumë të sigurt.

Ata a dinë shumë mirë se bashkimi Rama-Berisha është kundër reformës dhe kundër Bashkimit Evropian.

Por të dy janë të HUMBUR.
Asgjë nuk do bëjnë dot.
Data 26 qershor do të sjellë me vete fillimi e fundit të korrupsionit kryeministror shqiptar.
Keni për ta parë…

Spartak Ngjela: Rama dhe Berisha janë në ethe, po sabotojnë hapjen e negociatave, çelja e tyre fundi politik i të dyve Read More »

Detaj nga koha kur PD po krijohej sipas platformës “Katovica” Sali Berisha: Nuk je në listën tonë, për t’u pajisur me pardesy të bardhë!

Leave a Comment / Politike / /

Detaj nga koha, kur PD po krijohej sipas platformës “Katovica” Sali Berisha, në vitin 1991 më ktheu këtë përgjigje: Nuk je në listën tonë, për t’u pajisur me pardesy të bardhë!
Jam një nga 10 ish-themeluesit e PD në qytetin dhe rrethin tim. Në atë kohë, u ngritëm me besimin se PD ishte një forcë reale ani-komuniste dhe vendosëm të krijimin bërthamën e saj, duke u ndeshur edhe fizikisht, me ata që na verëuslleshin me kërcënime për të mos e futur “në zonën e partisë dhe luftës heroike”, partinë e “qelbësirave” (siç quhej atëherë, por që fatkeqësisht rezultoi të jetë e tillë në këto 27 vite.

Pasi krijuam degën e PD në janar 1991, një person ende në atë kohë shofer i kryetarit të Degës së Punëve të Brendshme të Rrethit “X” (po përdorim kodin “Babale”) e që më pas u bë shofer i Kryetarit të PD dhe anëtar kryesie i PD të rrethit, na solli 40 copë pardesy të bardha, duke na thënë: – Merrini, i kam sjellë me porosi nga PD qendrore, ja ku është edhe lista emërore e personave që do t’u jepen këto pardesy”.

Unë, që isha nismëtari i parë i futjes dhe themelimit të PD në atë “zonë të zjarrtë komuniste”, nuk figuroja në listën për të marrë pardesy të bardhë, ndërkohë që në listë ishte edhe shoferi i Degës së Punëve të brendshme që i solli dhe shumica ish-instrukturë të PPSH, ish-oficerë sigurimi, ish-komunistë, nëpunës dhe drejtorë institucionesh e ndërmarrjesh të cilët deri në ditën e ardhjes së pardesyeve të bardha, nuk kishin asnjë lidhje me PD.

Fillimisht, mendova mos ishte ndonjë “harresë” dhe e kalova me qetësi, në prije të pardesyve të tjera. Mirëpo nuk na dërguan më pardesy të bardha. Pas disa ditësh, telefonuam disa herë në zyrat e PD në Tiranë, por na thoshnin: “Prisni, se janë me plan, kur të behet lista shtesë do t’ua dërgojmë!” Por pardesy të bardha nuk erdhën më.

Disa nga ata që nuk ishin në listë, filluan t’i qepnin me porosi sipaa modelit të pardesyve simbol i demokratëve! Kujtojmë që në vitet 1991-1992, pardesyja e bardhë ishte një privilegj që jepej me “autorizim”, vetëm themelues dhe udhëheqës të PD, të cilët për shkak të kësaj pardesyeje simbol, konsderoheshin si ish-partizanët fitimtarë në vitet 1945-46, të cilët qarkullonin nëpër qytete me uniforma ushtarake, duke parakaluar gjithë kapardisje përpara klasaës së përmbysur!

Duke e konsideruar vehten të fyer për mos pajisje me pardesy të bardhë, i dërgova nje letër tip ankesë-kërkese Sali Berishës, kryeyar i PDSH (jo PPSH). Pas 12 ditësh me erdhi përgjigja e tij, në të cilën thuhej: – E vlerësoj së tepërmi kontributin tuaj në themelimin e degës së PD.

Lidhur me qëndrimin që ju e quani mosmirënjohje, mosvlerësim, padrejtësi dhe fyerje përballë demokratëve e opinionit të zonës, ju sqaroj se pas verifikimeve të bëra, referuar rekomandimeve nga rrethi juaj, rezulton se ju nuk figuroni në listat tona, për t’u pajisur me pardesy të bardhë!/Pamfleti

Detaj nga koha kur PD po krijohej sipas platformës “Katovica” Sali Berisha: Nuk je në listën tonë, për t’u pajisur me pardesy të bardhë! Read More »