Aurora

Njihuni me 118 shqiptarët të shpallur non-grata nga regjimi komunist si të “rrezikshëm”

Leave a Comment / Histori / /

Me dekretin nr.3005, datë 23.11.1959 të Presidiumit të Kuvendit Popullor regjimi komunist pati shpallur një amnisti për të arratisurit politike, prej së cilës u amnistuan 7.003 persona dhe u cilësuan “kriminelë lufte” 208 të tjerë.

Nga kjo amnisti u riatdhesuan në Shqipëri vetëm 60 persona, një pjesë e të cilëve edhe u burgosën pas një farë kohe. Nga 208 personat, jetonin në fundin e vitit 1990, rreth 104 persona.

Në vitin 1991 në kushtet e reja, trashëgimtarët e regjimit komunist kërkuan “aktualizimin” e dekretit të vitit 1959. Një informacion nr.959, datës 4.9.1991 i Ministrisë së Rendit Publik, listoi 118 persona si “kriminelë”.

Formulimi i listës u bë në mënyrë naive dhe qesharake nga Ministria e Rendit Politik, në bazë të dekretit të amnistisë së vitit 1959. Nuk ishte kurrfarë akti ligjor në përcaktimin e saj.

Autoritetet e ministrisë në fjalë, bënë një interpretim idiot të dekretit të vitit 1959, pa marrë parasysh rrethanat e reja në të cilat ndodhej Shqipëria. Kryegafa e kësaj liste me “kriminelë” ishte zëvendësimi i Mbretit Zog me Leka Zogun. Pra hartuesit e listës i njihnin të drejtën vetes të vendosnin për “trashëgiminë” e “kriminelëve”.

Dhe meqë Leka Zogu ishte 5 vjeç kur mbaroi lufta, ai ishte bërë “kriminel”. Ky dokument me fjalinë shoqëruese “Lista emërore e kriminelëve të arratisur jashtë shtetit që nuk përfitojnë nga amnistia e bërë me dekretin nr.3005, datë 23.11.1959”, nuk njihet deri sot.

Atë e hartuan oficerë Sigurimi që punonin në atë kohë në Ministrinë e Rendit Publik. Çdo pikë e kalimit kufitar kishte urdhër t’i ndalonte personat e kësaj liste të hynin në Shqipëri.

Por, sikurse e përmenda, kjo listë përbëhej nga të vdekur e të gjallë, duke e paraqitur kështu si një listë qesharake. Listë nuk pati fuqi. Të arratisurit u amnistuan me nenin 2 të ligjit nr.7514, datë 30.9.1991 “Për pafajësinë, amnistinë dhe rehabilitimin e ish të dënuarve dhe të përndjekurve politikë”.

Lista e “kriminelëve të luftës” e datës 4.9.1991

1-Leka Zogu
2-Azem Mustafa Shehu
3-Avdul (Aqif) Emin Kadiu
4-Alo Muke Luarasi
5-Asllan Zenel Cenaj
6-Ajdin Qazim Mete
7-Abulla MuratKaloshi
8-Ali Kajmak Tubova
9-Ago Sherif Agaj
10-Asim Shefqet Jakova
11-Abaz Fejzo Ermenji
12-Bajrush Azem Kosova
13-Bardhok Shkurt Markaj
14-Dodë Bardhok Gjini
15-Ditar Ibrahim Kurtesi
16-Dilaver HasanKacuqi (u dogj dhjetor 1951)
17-Dilaver Dino Begu
18-Dhimitër Miho Maksakuli
19-Enver Mehmet Shaska
20-Enver Selman Dangëllia
21-Eqrem Hysen Peshkëpia
22-Enver Halim Peshkëpia
23-Eqrem Mahmet Telhaj
24-Ndue Frrok Dushi
25-Gjon Mark Jaku
26-Gjon Marka Çupi
27-Gjon GjetoVokrri
28-Gjon Marka Ndou
29-Hysen Osman Vërçani
30-Hetem HamitXhera
31-Haki Shefik Shehu
32-Hafuz Selman Hasa
33-Hiqmet Elmaz Meçe
34-Hasan Elmaz Dosti (kishte vdekur)
35-Ishan AbdiToptani
36-Isuf Maksut Baruti
37-Islam Sali Dobra
38-Isa Haziz Manastirliu
39-Isuf Mehmet Luzaj
40-Jorgji Refael Ruço
41-Jonuz HysenNdreu
42-Kujtim Bektash Cakrani
43-Kadri Hysen Morina
44-Kolë Ndue Frroku
45-Kolë PrendëDoda
46-Kajo Maksut Tresova
47-Kosta Harallamb Karajani
48-Kalem Ibrahim Xhepaxhiu (u dogj i gjallë dhjetor 1951 në Rrajcë)
49-Limoz Vehip Runa
50-Llesh Marka Doda
51-Miftar Zenel Spahiu
52-Meto Fetah Kalliri
53-Mubereq MuratToptani
54-Mark FranoTraboini
55-Mark Pash Pëllumbaj
56-Mehmet HasanXherahi
57-Mustafa Ismail Doko
58-Mark Bib Vokrri
59-Mark Tunxh Myftari
60-Mark ZefNdreca
61-Musa RexhHasani
62-Mato Murat Myftaraj
63-Ndue Mark Lala
64-Nikoll DodPrenga
65-Ndue Jak Zefi
66-Ndue Jak Bajraktari
67-Ndue Lush Martini (Prela, Miraka)
68-Ndrec NdueTuçi
69-Nikoll Mark Gjon Markaj
70-Ndue Gjon Markaj
71-Nesti JosifKopali
72-Pal Mark Lala
73-Prend NdueKaziu
74-Qemal Mustafa Siqeca
75-Qazim Azem Çakërri
76-Qazim Neki Libohova
77-Qani Emin Lesko
78-Reis SheroAgaj
79-Ramiz Faslli Gjilani
80-Ramiz MehmetKoçaj
81-Ramadan Ismail Koçaj
82-Rexhep Musli Krasniqi
83-Ruhi Veip Runa
84-Reshat Dervishi Biçaku
85-Rexhep Refat Beqiri (Dervish Rexhep)
86-Skënder Muço Metohu
87-Sulo Banush Pipa
88-Syrja Shefik Shehu
89-Sabaudin Shefqet Haxhiu
90-Sait QazimDemneri
91-Selaudin Hysen Sula
92-Selman BanushZhurka
93-Sami Ali Çaushaj
94-Stavro KristoKokali
95-Subi IdrizTopulli (ishte vrarë në vitin 1944)
96-Seit beg Kryeziu
97-Sadik FeçorPremtaj (kishte vdekur)
98-Shaban Fetah Peshtani
99-Shyqyri Dervish Biçaku
100-Tajar Mehmet Shaska
101-Tahir Hajdar Vata
102-Turan Vesel Aliko
103-Teki Isuf Xhindi
104-Tahir Avdulla Hoxha
105-Theodhor Refail Ruço
106-Vasil KolëAndoni
107-Vasil Dhimitër Alarupi
108-Vehbi Mehdi Frashëri (kishte vdekur më 1988)
109-Xhemil Hysen Dino (kishte vdekur më 1972)
110-Xhafer Zenel Meçe
111-Ymer Jakup Çakallozi
112-Zef Zog Zogu
113-Zef Marka Gjoka
114-Zeqir Jashar Hoshi
115-Zyber Mahmut Musaraj
116-Zef Marka Çupi
117-Zef Preng Gjoka
118-Zenel Sali Kellolli

Nga:Kastriot Dervishi

Njihuni me 118 shqiptarët të shpallur non-grata nga regjimi komunist si të “rrezikshëm” Read More »

Zbulohet qyteti që u ‘Fundos nga Zoti’ (Foto)

Leave a Comment / Kuriozitete / /

Port Royal në kohën e tërmetit kishte 6.500 banorë dhe 2.000 ndërtesa.

Gjatë kalimit të viteve legjendat mbi ekzistimin e qytetit të humbur, ose siç e quanin disa “qytetin e fundosur nga dënimi i Zotit”, sa vinin e shtoheshin.

Teknologjia moderne iu lejon zhytësve, arkeologëve dhe historianëve të zbulojnë më tepër nga ato që thuhej se pjesa më e madhe e qytetit ka mbetur e paprekur nën ujë për më shumë se 300 vjet.

FOTO/ Zbulohet më në fund qyteti që u ‘Fundos nga Zoti’

Ben Hughes, autor i Apokalipsit 1692: Mbretëria, skllavëria dhe tërmeti i madh në Port Royal, i ka dedikuar shumë vite studimit të këtij qytetit të zhdukur prej kohësh.

“Në gjysmën e dytë të shekullit 17, Port Royal ishte qyteti më i rëndësishëm i kolonive angleze në Amerikë. Shumica e artefakteve dhe madje shumë ndërtesa nga qyteti kanë mbijetuar deri në ditët e sotme moderne”, thotë ai.

Frika nga tërmetet e reja ka mbajtur larg hajdutët potencialë për të grabitur thesarin e fundosur bashkë me qytetin dhe ai ka mbetur pothuajse i paprekur sikur në kohën e tërmetit.

Hartat e qytetit tregojnë se piratët kishin bërë fortesa për t’u mbrojtur nga invadimi. Të armatosur deri në dhëmbë, Ben thotë se bastionet e piratëve ishin të mbushura me plot armë të asaj kohe.

Një orë e gjetur nga pjesa e fundosur e qytetit tregon se ishte ndalur së punuari në 11.34 paradite, në kohën kur duket të ketë ndodhur tërmeti.

Qyteti ishte me plot bare për argëtim. Në një nga gurët e gjetur të ndërtesave të shembura nën ujë tregonte se sipas regjistrimit të popullatës së asaj kohe “John Starr jetonte me 23 femra, 21 të bardha dhe dy zezake”, shkruajnë mediat britanike.

Zbulohet qyteti që u ‘Fundos nga Zoti’ (Foto) Read More »

Akuzat e PD-së për vëllain e ministrit Xhafaj, reagon kryeministri Rama: Ja kur do të flas

Leave a Comment / Aktualitet, Politike / /

Pas akuzat të PD-së për ministrin e Brendshëm Fatmir Xhafaj se ky i fundit mbron vëllain e tij Agron Xhafaj, pasi pretendohet se është i lidhur me trafikun e drogës, vjen reagimi i kryeministrit Edi Rama.

Rama pohon se për këtë çështje do të flasë nesër në orën 11:00 para grupit parlamentar.

“Jemi të gjithë njësoj?JO, s’kemi qenë asnjëherë të gjithë njësoj e s’do jemi kurrë njësoj!Nesër në 11.00 përpara Grupit Parlamentar, qëndrimi im për situatën e krijuar me Ministrin e Brendshëm dhe ecurinë e përpjekjes diplomatike drejt objektivit historik të çeljes së negociatave”, tha ai.

Akuzat e PD-së për vëllain e ministrit Xhafaj, reagon kryeministri Rama: Ja kur do të flas Read More »

I pakënaqur nga performanca, Rama shkarkon nga detyra kreun e Hipotekës, ja kush e zëvendëson (Foto)

Leave a Comment / Aktualitet / /

Elion Semanaj është larguar nga posti i drejtorit të Përgjithshëm të Hipotekës dhe në vend të tij është emëruar kreu i hipotekës së Tiranës, Valdrin Pjetri.

Semanaj qëndroi në krye të Zyrës Qendrore të Regjistrimit të Pasurive të Paluajtshme për 6 muaj, duke zëvendësuar Blerina Doracajn, e cila qëndroi në këtë detyrë 5 muaj. Gjatë periudhës që Semanaj drejtoi Hipotekat ka ekzekutuar disa denoncime penale për punonjës të hipotekave që janë kapur në shkelje të ligjit dhe abuzime korruptive.

Janë mbi 80 punonjës të hipotekave në të gjithë vendin që janë shkarkuar si nga hetimi i brendshëm administrativ ashtu dhe nga denoncimet e qytetarëve në platformën e bashkëqeverisjes shqipëriaqëduam.al.

Detyra e mëparshme e Semanajt ishte ajo e Drejtorit Ekzekutiv të Agjencisë Kombëtare të Burimeve Natyrore. Mësohet se ka qenë ministrja e Drejtësisë, Etilda Gjonaj që ka bërë prezantimin e Pjetrit në drejtorinë e Përgjithshme të Hipotekave. Motivi i kësaj lëvizje duket se ka qenë impulsi i ri që kërkohet në zyrat e hipotekave në të gjithë vendin, ku edhe ankesat e qytetarëve janë më të mëdha.

Ministrja Gjonaj ka vlerësuar punën e mirë të Valdrin Pjetrit në krye të hipotekës së Tiranës gjatë pesë muajve që ai drejton këtë degë, duke e emëruar atë në krye të zyrës qendrore të hipotekës.

Valdrin Pjetri ka mbajtur disa detyra drejtuese në ministrinë e Mbrojtjes që nga viti 2014. Ai ka qenë Drejtor i Përgjithshëm Rregullator dhe i Përputhshmërisë në Fushën e Mbrojtjes, Drejtor i Përgjithshshëm i Shërbimeve Mbështetëse dhe Drejtor i Drejtorisë së Menaxhimit të Aseteve në Ministrinë e Mbrojtjes.

I pakënaqur nga performanca, Rama shkarkon nga detyra kreun e Hipotekës, ja kush e zëvendëson (Foto) Read More »

Do ishit më fatkeqët nëse tani do blinit shtëpi në Tiranë. Ja çfarë po ndodh!

Leave a Comment / Aktualitet / /

Çmimet e banesave në kryeqytet gjatë muajve të parë të 2018-ës, kanë shënuar rritje .

Banka e Shqipërisë vetëm pak ditë më parë deklaroi një ulje të çmimit në terma real me 3.1% për banesat në Tiranë gjë e cila nuk është konfirmuar nga agjentët imobiliarë. Këta të fundit shprehen për televizionin Scan se çmimet kanë lëvizur krahasuar me një vit më  parë kryesisht në zonat e preferuara, duke  kapur vlerën nga  120 euro në 160 euro për metër  katror. Por ajo që vihet re  është se pavarësisht rritjes së vazhdueshme të çmimeve  kërkesa për të blerë  apartamente  vijon të mbetet e lartë, kryesisht në zonën e ish Bllokut, te  21 Dhjetori dhe në rrugën Don Bosko.

Rritje  ka pasur edhe në qeratë të cilat në zonat e preferuara kapin vlerën  nga 300 deri në 700 euro.

Të dhënat e Bankës së Shqipërisë tregojnë se optimizmi rreth rritjes së çmimeve në tregun e pronave në kryeqytet ende nuk mbështetet plotësisht në shifra.

Në fakt, rritja e çmimeve është më e prekshme në ndërtimet e reja, të nisura në vitet e fundit, ku ka ndikuar pjesërisht edhe dyfishimi i taksës për ndikimin në infrastrukturë, si edhe përqindjet shumë të larta që kërkojnë pronarët e tokës.

Do ishit më fatkeqët nëse tani do blinit shtëpi në Tiranë. Ja çfarë po ndodh! Read More »

Monika “zgjohet” mbas një viti: Na mashtruan, ligjin nuk e kemi lexuar

Leave a Comment / Aktualitet, Politike / /

Kryetarja e LSI, Monika Kryemadhi, e quan plan mafioz uzurpimi çështjen “Xhafaj”. Në një intervistë ekskluzive për Report Tv, Kryemadhi akuzon ministrin e Brendshëm Fatmir Xhafaj se ka manipuluar ndryshimin e pikës F të nenit 491 për ekstradimet.

Sipas saj, emaili i mbërritur nga komisioni i Ligjeve, i cili po hartonte ndryshimet e Reformës në Drejtësi, nuk ka qenë zyrtar dhe anëtari i LSI në këtë tryezë, Petrit Vasili, nuk e ka lexuar.
Çështja Xhafaj, një plan mafioz uzurpimi. Ne nuk e kishim përpara pikën “F” kur e votuam. Email i mbërritur nuk është zyrtar dhe Petrit Vasili nuk e ka lexuar. Ne nuk menduam që maskarallëku do të shkonte në këtë farë feje.

Kryetarja e LSI kërkon tërheqjen e nenit që sipas saj mbron nga ekstradimi në Itali vëllain e Fatmir Xhafajt.

“Të tërhiqet neni që mbron vëllain e Xhafajt”.
Sa i takon zhvillimeve politike, kryetarja e LSI thotë se opozita nuk ka hequr dorë nga mosbindja civile. Ajo garanton gjithashtu se asnjë deputet i LSI-së nuk do kalojë me PS-në, pavarësisht lëvizjeve të dyshimta të tre deputetëve të Kryemadhit.

Nuk e kemi harruar mosbindjen civile. Asnjë deputet i LSI-së nuk kalon me PS. Deputetët tanë që votuan, votuan për të shpëtuar mandatin. Largimi i deputetëve të LSI është tymnajë e Edi Ramës. Më vjen keq ta zhgënjej Ramën, por nuk më merr asnjë deputet.
Monika Kryemadhi, kryetare e LSI

LSI pse del pas një viti dhe e denoncon ndryshimin në kodin e procedurës penale, nenin 491 gërma ‘f’?
Vasali u përgjigj vetë dje. Parlamenti për këto procedura kaq të rëndësishme nuk mund të komunikojë përmes email-it. Nuk mund të komunikojë Komisioni i Ligjeve me ministrin përmes email-it. Pastaj ,pse nuk i është përgjigjur Ministria e Drejtësisë email-it?

Ju e keni votuar pa e lexuar?
Deputetët janë njohur me material tjetër, jo me këtë ndryshim.

Ka pasur variant tjetër në Kuvend?
Po ndryshimi që është bërë duhet kaluar në Komision Ligjesh, por nuk ka kaluar. Nuk ka proces verbal, që LSI e ka votuar. Ky nen nuk ka kaluar në komision. Kjo lë shumë dyshime, këtu fillon mënyra e dyshimit të veprimit që ka bërë komisioni.

Asnjë nga LSI nuk e ka kapur këtë detaj kur hyri ligji në miratim?
Më 2017, ministria e Drejtësisë nuk drejtohej nga LSI. Pas marrëveshjes, gjithë punonjësit e LSI ishin të shkarkuar. Ata erdhën në Parlament me dçka tjetër. Ne kemi rënë dakord për atë që kanë diskutuar ekspertët dhe kërkojmë të rikthehet ajo që u diskutua nga ekspertët.

Monika “zgjohet” mbas një viti: Na mashtruan, ligjin nuk e kemi lexuar Read More »

TE FALA NGA ZHGENJIMI Jam lodhur, lodhur, looodhur! Une jam ai, i riu qe ne ’90 bertita fort rrugeve te qytetit tim per Demokraci! E sot????Nga Arben Abazaj

Leave a Comment / Aktualitet, Opinione / /

TE FALA NGA ZHGENJIMI

Jam lodhur, lodhur, looodhur!
Une jam ai, i riu qe ne ’90 bertita fort rrugeve te qytetit tim per Demokraci!
E sot????
Une jam ai Shqiptari qe ne ’91 ika maleve se vendi im nuk kishte asnje mundesi jetese!
E sot???
Une jam ai Shqiptari qe me djers e mund vadita mijra dite emigrimi, por shpresen s’e humba se ktheja syte nga vendi im, dhe shpresoja e besoja se do behej streha e nje jete normale njerezore per ne bijt e tij!
Por sot ……
Jam une qytetari qe humbi parate e gjithe kursimet ne firmat piramidale!
Humbi?!
Jo or jo, na i vodhen!
Sot hajdutet vazhdojne te jene Parlament!
Une jam i vjedhuri, i mashtruari, i genjyeri qe dola ne proteste, dite per dite e shesh me shesh te qytetit tim ne ’97, per parate e vjedhura. Hajduti me vrau se donte te ruante karrigen e pushtetit!
Por une mendova se e rrezova!!!
Gabova!
Hajdutet i gjenden njeri – tjetrit ne raste rreziku, ne qytetaret si per ironi, si per mallkim, si per njemije dreqna, jo!
Ne qytetaret behemi kunder njeri- tjetrit ne emer te hajdutit qe na vret e na vjedh njesoj!
Une jam qytetari qe hapa biznes timin e si njeri korrekt nuk lashe taks pa paguar qe pa filluar pune, por zvarraniket e hajdutit donin bakshishe, e ca me shume akoma meqe nuk isha militant i partise tyre, me perndoqen me kontrolle e gjoba pa asnje arsye, thjesht :
Paguaj dhe hec!
Une jam qytetari qe per t’i shpetuar represionit te zvarranikeve u futa ne borxhe e kredi derisa falimentova!
Une jam Shqiptari qe ende ndjej se me 21 Janar u shava “kokpalar”, jam po une qe ndihem i vrare e i torturuar po ate dite!
E horrat?!
Horrat qe na vrane e shane sot njeri President, tjetri kryetar de facto i gjithe politikes se vendit!
Une sot, mallkoj vendin tim, Shqiperia, vendi qe vret bijt e saj e majm horrat! Une sot i them vendit tim e popullit tim se ti nuk e meriton as mundin, as djersen e as sakrificen e bijve te tu!
Ti Shqiperi je vendi qe vret bijt e tu ne emer te ca horrave langaraqe qe vine ne pushtet!
Une jam ti, jam ai tjetri qe po si ne eshte vjedhur, vrare e mashtruar, eshte fyer e turperuar, eshte marre ne pune dhe eshte hequr nga puna vetem me teser partie, e i eshte zgerdheshur ne fytyre cdo perpjekje per te bere dicka te mire per vendin e tij!
Ne jemi Shqiptaret e nje lufte te pashpallur, por qe ka 25 vite qe i mbush varrezat plot me djem e vajza te reja!
Shqiperia nje vend me moshe te re, por akoma me te rinj ka banoret e varrezave!
Ne jemi Shqiptaret qe me pare mendojme t’ia mbathim sesa te cohemi e t’u tregojme vendin batakcinjeve qe majmen nga indiferenca jone!Arben Abazaj

TE FALA NGA ZHGENJIMI Jam lodhur, lodhur, looodhur! Une jam ai, i riu qe ne ’90 bertita fort rrugeve te qytetit tim per Demokraci! E sot????Nga Arben Abazaj Read More »

Nikolla lajmëron betejën e rradhës, “në panik” drejtorët e shkollave

Leave a Comment / Aktualitet, Arsim / /

Ministrja e Arsimit në kuadër të llogaridhënies publike “Puna për Shqipërinë që Duam”, nga Rrogozhina informoi qytetarët se drejtuesit e shkollave të fëmijëve të tyre do të jenë njerëz të mirëtrajnuar në Shkollën Drejtorëve dhe nuk do të jenë më as drejtorët e politikës e as të korrupsionit.

“Kemi ende drejtorë shkollash që sillen si bajraktar, kemi ende drejtorë që përpiqen t’i ndajnë mësuesit në tanët dhe tyre, kemi drejtorë shkollash që janë aty për të bërë çdo gjë tjetër por jo misionin e tyre. Kjo është beteja jonë e radhës që do ta zgjidhim me Shkollën e Drejtorëve.

Ne fillojmë një proces të ri duke e bërë atë edhe ligjor, kemi një debat në Parlamentin e Shqipërisë në mënyrë që drejtuesit e shkollës të mos jene të zgjedhur nga partia apo aq më keq korrupsioni por të jenë njerëzit më të mirë për të bërë të mundur transformime cilësore në të gjithë Shqipërinë.

Shkolla e Drejtorëve e cila do të bashkëfinancohet nga Fondi Shqiptaro Amerikan për Zhvillim do të jetë një shkollë e parametrave evropianë që do të mundësojë kushdo që është në krye të shkollës apo edhe ata që aspirojnë për të udhëhequr dhe menaxhuar një shkollë në Shqipëri, të kenë së pari formimin e nevojshëm për të garantuar se kjo do të jetë e mundur dhe nuk do të jenë aty njerëzit që merren me çdo gjë tjetër përveç se me atë që janë zgjedhur për të bërë nuk merren”, tha Nikolla.

Nikolla lajmëron betejën e rradhës, “në panik” drejtorët e shkollave Read More »