Aurora

Prokuroria e Krimeve të Rënda në Tiranë, që prej një viti ka  nisur hetimet në lidhje me grupinn e Met Kanannit, apo siç njihet ndryshe “baroni i drogës”.

Kanani dhe bashkëpunëtorë të tij në Shqipëri dhe në rajon dyshohet të kenë trafikuar disa ngarkesa të mëdha kanabisi drejt vendeve të Lindjes, por edhe heroinë drejt vendeve të Bashkimit Europian.

Më 12 maj 2018,  u vunë në pranga 19 persona, 14 në Shqipëri dhe 5 jashtë saj,  pas një  operacioni të gjërë antidrogë të nisur nga Krimet e Rënda.

Gjatë një viti që kanë zgjatur hetimet për grupin e Met Kananit, janë identifikuar të paktën 10 persona që kanë punuar për të, duke trafikuar sasi të ndryshme kanabisi dhe heroine.

CNA.al ka siguruar dosjen hetimore, ku konstatohet se pas vënies në përgjim  të një sërë numrash telefonik celularë, është zbuluar rrjeti i trafikantëve, skema e trafikimit të lëndëve narkotike dhe zonat ku ishin përqëndruar.

Në dosje jepen detaje se si “baroni i drogës”, Met Kanani e kalonte lëndën narkotike ngë Shqipëria në vendet e Bashkimit Evropian, nëpërmjet grupit të tij që kishte këtu.

Nga Shqipëria për në Maqedoni, droga kalonte me mushka, përmes kufirit të gjelbër, ndërsa në Maqedoni dhe konkrteisht në Strugë do të përdoreshin kamionë, për të vijuar transportin në Evropë.

Dosja hetimore

Me  datë 27.02.2018 në shtetin e Maqedonisë u bë kapja në flagrancë e shtetasit Mentor Muçka, ku në makinën e tij në cilësinë e provës materiale iu sekuestrua 85 kg.lëndë narkotike kanabis sativa.

Si rezultat i pergjimeve telefonike rezulton se i hetuari Arvanit Ulndreaj me numër telefoni 0685156203 që në datë 25.02.2018 sëbashku me të hetuarin tjetër Landi me numër telefoni 0694336858  kanë shkuar në shtetin e Maqedonisë dhe sëbashku kanë organizuar punën për kalimin e lëndës narkotike nga Shqipëria drejt Maqedonisë nga ku i hetuari Arvanit Ulndreaj ka mbajtur kontakte dhe me të hetuarit apo persona të tjerë të cilët janë “Sadiku” (i hetuari Andrea Balla) me numër telefoni 0695484568, Saimir me numër telefoni 0697222020 dhe 0697505070 dhe Ladi me numër telefoni 0692197027 dhe bashkë me ta kanë bërë të mundur kalimin e lëndës narkotike me anë të transportit me kafshë në terren të vështirë.

Me qëllim identifikimin e personave të përfshirë në trafikimin e lëndëve narkotike Shqipëri-Maqedoni,  nga Sektori per Hetimin e Narkotikëve trasmetua në kohë reale informacioni sipas të cilit rezulton se kamioni i markës “Iveco”, model Magirus me targa AA501LA dhe ADR036. ngjyrë të bardhë me drejtues mjeti shtetasin Mentor Muçka ka marrë përsipër të transportojë një sasi lënde narkotike nga Maqedonia me destinacion vendet e BE -së.

Lëndën narkotike ky shtetas do e merrte me kamion me datë 26.02.2018 në parkingun e “Bar Ambienti’, i cili ndodhet në dalje të Strugës.

Lënda narkotike do të dërgohej Shqipëria nëpërmjet kufirit të gjelbër me mushka dhe me pas do të çohej me kamion nga i hetuari Klinsi Aliaj dhe Florand Xhabej.

Transportin në brendësi të territorit të Maqedonisë e kishin marrë përsipër ta organizonin shtetasit që thërriten Arvanit, Ladi dhe “Sadiku”, Aranit Balla.

Ndërsa në rolin e ndihmësit ishte Orges Islami, i cili kishte lidhje shoqërore me Klinsi Aliaj, Alfred Shabanin dhe Arvanit Ulndreaj.

Nge autoritetet e antidrogës në Maqedoni është kërkuar që kamioni dhe e gjithë situata të mbahet nën kontroll  me qëllim identifikimin e rolin e gjithësecilit, si dhe kapjen e sekuestrimin e lëndës narkotike.

Me datë 26.02.2018, rreth orës 07:04. i hetuari Florand Xhabej ka dalë nga Maqedonia nëpërmjet pikës së kalimit kufitar Qafë Thanë me mjetin me targa AA 187MT.

Edhe shtetasit Klinsi Aliaj dhe Arvanit Ulndreaj  kanë dalë nga Maqedonia nëpërmjet të njëjtës pikë të kalimit kufitar, rreth orës 17:38 me mjetin me targë AA773011.

Me datë 25.01.2018 i hetuari Arvanit me numrin e telefonit 0685156203 ka  komunikuar me një sms, me të dyshuarin Sadik (i hetuari Alfred Shabani), i cili përdor numrin e telefonit 0695484568 dhe sëbashku rreth orës 13:05 janë takuar tek lokali pranë karburant “Gega” në Tiranë.

Pas takimit me Arvanitin shtetasi i cili thërritet Sadik sëbashku me një shtetas tjetër kanë shkuar në Maqedoni dhe pas kthimit nga Maqedonia në orën 19:46, kanë komunikuar në telefon me njëri- tjetrin.

Sadiku i thotë “se ishim në në Strugë, po s’na mbaroi punë”.

I hetuari Arvanit thotë se, “po mua më tha se mbas orës 7 le të vijë”.

Stetasi i cili thërritet Sadik (i hetuari Alfred Shabani) i thotë se, “folëm në telefon dhe më tha që kam mysafirë”. Ndërkohë që e lënë të takohen të nesërmen me njëri tjetrin.

I hetuari Orges Islami sëbashku me të hetuarin Klinsi Aliaj dyshohen se dispononin pikërisht sasinë e lëndës narkotike që u trafikua.

Kjo sasi lënde narkotike ishte e vendosur në një banesë e cila dyshohet se është në përdorim të shtetases Valbona Shabani, motra e e të hetuarit Alfred Shabani.

Md datë 24.01.2018. në orën 12:03 i hetuari Arvanit me numrin e telefonit 0685156203 ka komunikuar me shtetasin i cili thërritet “Bilo” i cili përdor numrin e telefonit 0698678486.  Shtetasi i cili thërritet “Bilo” e pyet se, “kemi ndonjë gjë” dhe i hetuari Arvanit i tha se “ ..prit gomar të dali bari.. po pres… kur të dalë them.. ti çfarë, bën të mori gjë Prenga”

Bilo i thotë: “Akoma nuk më ka kthyer përgjigje, se është këto dy ditë poshtë, hajde shiko mos bëjmë ndonjj gjë shpejt e shpejt”.

Sipas Prokurorisë, e cila u referohet përgjimeve, ndërsa po bëhej gati transportimi i  drogës Shqipëri-Mqedoni, në skenë del Met Kanani i cili ka biseduar në gjuhën angleze, me një shtetas të panjohur ende për organin e akuzës.

Duke përdorur përgjigjmet si prova, prokuroria ka urdhëruar arrestimin e personave që kanë kishin planifikuar të transportnin drogën Shqipëri-Maqedoni.

Ministri i brendshëm, nga e djathta ekstreme, këmbëngul se do ta mbajë premtimin elektoral për të dëbuar rreth 500,000 emigrantë nga Italia. Ministri i Brendshëm italian, Mateo Salvini, nga e djathta ekstreme italiane, ka deklaruar se një nga përparësitë kryesore të partisë së re populiste do të jetë “dërgimi në shtëpi” i emigrantëve, duke sinjalizuar se do të mbaj një premtim elektoral për të dëbuar qindra mijëra emigrantë të paligjshëm.

Kaosi politik që ka mbështjellë Italinë javët e fundit, e vjen nga dyshimet e krijuara për qeverinë e re, e cila u zyrtarizua të Premten dhe që po drejtohet nga një kryeministër krejtësisht i panjohur, Giuseppe Conte. Pyetja kryesore është nëse kjo qeveri do të ndjekë një politikë të ashpër për sa i përket detyrimeve fiskale në Bruksel.

Por ngritja në fuqi e Salvinit,  nga ish-drejtues i një emisioni radiofonik, tashmë në postin më të rëndësishëm qeveritar brenda Italisë, që ka nën kontroll sigurinë e vendit, të drejtat e njeriut, emigrimin, azilin dhe zgjedhjet, mund të sjellë një ndryshim dramatik.

Disa orë pasi presidenti italian, Sergio Mattarella, dekretoi qeverinë e re, Salvini tha se Italia do të mbante një qëndrim më të ashpër.

“Italia do të hapë dyert për njerëzit e mirë, dhe do të kthejë ata që kanë ardhur në Itali për të bërë trazira. Një nga përparësitë kryesore do të jetë kthimi i tyre në shtëpi”, tha ai.

Salvini, i cili drejton Lega Nord, të djathtën ekstreme nacionaliste, e cila ka qenë në favor të ndarjes së Italisë, ka premtuar të dëbojë rreth 500,000 emigrantë që jetojnë në Itali në mënyrë të paligjshme.

Ndonëse kjo retorikë ka ngjallur shqetësime mes ekspertëve të emigrimit dhe grupeve humanitare, deri tani është parë si axhendë aspak realiste, sepse Italia nuk i ka pasur burimet e mjaftueshme apo edhe fleksibilitetin ligjor për të realizuar dëbime në masë.

Ekspertët e emigrimit, të kontaktuar nga Guardian, janë gjithsesi të alarmuar nga emërimi i Salvinit. Ata druajnë se të drejtat e azilkërkuesve, emigrantëve dhe refugjatëve, do të humbasin në mënyrë dramatike në një vend ku po hasin që tani vështirësi për t’u akomoduar e për t’u integruar me komunitetet vendase.

Calogero Santoro është drejtuesi i Girasoli, një organizatë jo-fitimprurëse që reklamon integrimin e emigrantëve dhe refugjatëve në komunitetet lokale të Sicilisë. Ai thotë: “Gjatë fushatës së fundit zgjedhore janë përhapur lajme të rreme për emigrantët në të gjithë Italinë. Shqetësimi im është për të ardhmen e azil-kërkuesve, njerëzve që e meritojnë statusin e refugjatit. Ç’do të ndodhë me ata nën drejtimin e Salvinit?”

Santoro shtoi: “Kjo është ajo që më tremb. Marrëveshja e qeverisë së mëparshme me Tripolin po e bën jetën e këtyre njerëzve gjithnjë e më të vështirë në Libi. Tani Salvini mund t’ua bëjë jetën të pamundur edhe në Itali.”

Santoro i referohet një marrëveshjeje midis Italisë dhe Libisë, nëpërmjet të cilës Italianët trajnojnë rojat bregdetare të Libisë, të cilët kanë ndaluar varka me emigrantë dhe kanë kthyer në kampet e Libisë njerëz që po përpiqeshin të udhëtonin në Europë. Marrëveshja është dënuar nga mbështetësit e të drejtave të njeriut. Ka pasur shumë raport që kanë përshkruar kushtet çnjerëzore, përdhunimet dhe abuzime të tjera fizike që ndodhin atje.

Ekspertët e emigrimit janë gjithashtu të shqetësuar për faktin që Salvini mund të ulë fondet për qendrat e pritjes, të cilat janë kritikuar që tani nga grupet për të drejtat e njeriut për sa i përket kushteve. Kjo do ta bënte jetën e emigrantëve në Itali edhe më të vështirë.

“Frika ime është se mos qendrat e pritjes së emigrantëve në Itali kthehen në ‘xhungla’ të ngjashme me të Kalesë, në Francë, që u bëjnë emigrantët të padukshëm për publikun”, tha Fulvio Vassallo, ekspert për ligjet e azilit, nga Universiteti i Palermos.

Salcini ka sugjeruar gjithashtu t’i kthejë qendrat e recepsionit në qendra ndalimi, dhe të ndryshojë destinacionin e shumë fondeve për të kryer dëbime në masë. Me rregullat e tanishme, çdo emigrant që dëbohet me avion duhet të shoqërohet nga dy agjentë italianë, gjë që kushton rreth 3000 Euro. Një studim i fundit nga L’Espresso thotë se plani i Salvinit për të dëbuar 500,000 emigrantë do të kushtonte 1.5 miliardë euro.

Pierre Vimont, një diplomat francez që punon me grupin e ekspertëve “Carnegie Europe”, tha se qeveria Italiane mund të shkelë ligjet ndërkombëtare të refugjatëve dhe ligjet e BE-së, nëse vazhdon me premtimin për të dëbuar me qindra mijëra emigrantë, duke rrezikuar të shkelë edhe konventën e Gjenevës.

“Nëse qeveria e re italiane thotë ‘nuk dua t’ia di, nuk pranoj refugjatë’, ata mund të shkelin konventën ndërkombëtare”, tha ai, duke iu referuar parimit të “non refoulement”, që nuk i lejon shtetet të dërgojnë refugjatë në zona ku mund të jenë të rrezikuar.

Vimont, i cili ka drejtuar negociatat midis Afrikës dhe BE-së, për krijimin e fondeve që do të ulnin numrin e emigrantëve, tha se i duket qesharake që kjo qeveri mendon se i ka përgjigjet për probleme që i kanë shpëtuar qeverive të tjera europiane për 20 vite.

“Problemi me qëndrimin populist është se i kanë bindur zgjedhësit e tyre se këto gjëra mund të zgjidhen sa hap e mbyll sytë. Kjo s’ka ndodhur kurrë, sidomos me emigrimin”, shtoi Vimont.

Sandro Gozi, ish Ministri Italian për Europën, tha se BE i kishte dhënë municion partive populiste kundër emigrimit duke mos e ndihmuar Italinë që t’i bëjë ballë numrit të madh të emigrantëve.  “Europa mundej dhe duhej të kishte bërë më shumë”, thotë Gozi për the Guardian në një intervistë të kryer kohët e fundit. “Axhenda e populsitëve është ndihmuar nga fakti që italianët janë ndier të braktisur”.

BE ka shpenzuar më shumë se dy vite për të përmirësuar ligjet e kërkesave për azil, të quajtur  ndryshe si “Rregullorja e Dublinit”. Ka ndasi të mëdha për zhvend0osjen e refugjatëve nga një shtet i BE-së te një tjetër. Shtetet e Europës Qendrore dhe Europës Lindore, të drejtuara nga Polonia dhe Hungaria, thonë që nuk do të pranojnë kurrë kuota pranimi për emigrantët. Disa shtete të jugut, si Italia dhe Greqia, thonë se janë lënë vetëm që të përballen me gjithë valën e emigrantëve, shkruan “Top Channel”.

Kjo çështje do të trajtohet në Qershor, pasi presidenti i Këshillit Europian, Donald Tusk, kërkoi të vendoset një marrëveshje ose të braktisen fare kuotat e pranimit me detyrim.

“Vonesat me zbatimin e zhvendosjes së emigrantëve kanë qenë politikisht shkatërruese”, thotë Gozi. “Jo sepse zhvendosja do të kishte zgjidhur krizën e emigrimit, por sepse tregoi se grupi i Vishegradit nuk pranon të paguajë ndonjë çmim.”

Bullgaria, e cila është duke menaxhuar negociatat, po përpiqet t’i shtyjë vendet drejt një kompromisi, por shtetet mesdhetare nuk janë të kënaqura për kuotat me detyrim. “Po bëjmë hapa pas për sa i përket solidaritetit dhe përgjegjshmërisë”, tha një diplomat i BE-së.

The Guardian, Stephanie Kirchgaessner nga Roma, Lorenzo Tondo nga Palermo, Jennifer Rankin nga Brukseli

Një ngjarje e rëndë u shënua mesditën e sotme në Gjirin e Lalëzit në Durrës, ku një 22-vjrçar humbi jetën.

Sipas burimeve për JOQ.al, 22-vjeçari me iniciale E.S, kishte hyrë në det me shokët e tij për t’u larë dhe një gropë thithëse me forcë të madhe tërheqëse e mori për poshtë.

Dëshmitarët nga vendngjarja shtojnë ekskluzivisht për redaksinë tonë se miqtë e viktimës e kishin tërhequr lart, por ai kishte nisur të nxirrte shkumë nga goja dhe më pas e kishin lëshuar.

I riu me origjinë nga Peshkopia dhe banim në Tiranë, u nxor i pajetë në breg nga dallgët dhe u mbulua me peshqir deri në momentin që ambulanca e një spitali privat mbërriti në vendngjarje.

Miqtë e tij kishin lajmëruar policinë dhe ambulancën shtetërore, por sipas burimeve, në telefon i kishin thënë “se sezoni nuk ishte hapur ende”.

Dëshmitari rrëfen ekskluzivisht për JOQ:

Pershendetje JOQ, per djalin qe u mbyt ne Lalz, ndenji gjysem ore ne rere. Ishte me shokët e tij dhe ata thane qe ishin futur ne det per tu lare dhe shoku u tërhoq ne uje, thelle ne nje grope te madhe qe e tërhoqi. E kishin ngritur lart, por ishte tepër vone se kishte nisur te nxirte shkume nga goja, shokët u tmerruan dhe me pas e kishin lëshuar.
Keta shokët sa dolën lajmëruan policinë, po u vonuan. Ne breg e nxorën dallgët djalin e mbytur dhe e mbuluan me peshqir.
Moren ambulancën shtetrore dhe i thane qe svime dot se ska fillu sezoni, pastaj morën privatin dhe erdhën.
E moren me qese te shkretin, ishte cun i ri nga Peshkopia, ishte skene e tmerrshme.

Një e re në Tiranë ka bërë një denoncim, pasi sipas saj në rrugën e Elbasanit, në një bankomatë ajo ka tërhequr lekë, por njëra prej kartëmonedha i ka rezultuar e falsifikuar.

“Më datë 01.06.2018, shtetësia S.M., vjeçe 20, banuese në Tiranë, kallëzon se në rrugën e “Elbasanit”, nga bankomati i një banke, i ka dalë një kartëmonedhë e dyshuar e falsifikuar.

Materialet u referuan në Prokurorinë pranë Gjykatës së Shkallës së Parë Tiranë. Neni 183 i Kodit Penal”, njofton policia për ngjarjen.

Çmimi i bukës do të rritet me 30% në rast se furrat e bukës që tregtojnë edhe prodhime të pastiçerisë dhe byrektores, përjashtohen 100% nga subvencioni i energjisë elektrike, shkruan BW. Paralajmërimi vjen nga disa prodhues te bukës, të cilët e quajnë të padrejtë vendimin e Operatorit te Shpërndarjes së Energjisë Elektrike që subjektet e tyre të përfshihen në kontratat e biznesit normal me një çmim energjie 14 lekë për kilovat orë, vetëm se në furrat e tyre gjenden pajisje frigoriferike.

“Me rritjen e energjisë elektrike ne do të rrisim çmimin e bukës, 30% e pakta. Çmimi do të rritet për të gjitha prodhimet e brumit”, shprehet një nga tregtarët e bukës.

“Në qoftë se sot një bukë e shes 80 lekë-800g, do të shkojë 110-120 lekë. Nuk ka zgjidhje tjetër, ose mbyllim furrat dhe kaq”, shprehet një tjetër prodhues.

Dashamir Shehaj, tregtar i bukës prej 7 vitesh, është përjashtuar nga subvencionimi i energjisë elektrike prej muajit prill. Shehaj shprehet se ky dyfishim i tarifës nga 7.6 në 14 lekë për kilovat orë e rrit shumë koston e prodhimit të bukës.

“Në prill fatura me erdhi me rritje çmimi, me 14 lekë ndërkohë që përgjatë 7 viteve e kam paguar me 7.6 lekë. Kostoja shtesë është 230 mijë lekë (të vjetra). Është një kosto shumë e lartë për t’u paguar prej meje për 2 frigoriferë që kam tek furra. Ata rrisin energjinë elektrike, ne do të rrisim çmimin e bukës”, thotë Shehaj.

Pas disa takimeve që zhvilloi me drejtuesit e Operatorit të Shpërndarjes së Energjisë Elektrike për këtë situatë, Kreu i shoqatës së Prodhuesve të Bukës, Gëzim Peshkëpia bën të ditur se në to nuk është arritur në një zgjidhje konkrete. Pas dështimit në këto takime prodhuesit e bukës i kanë nisur një shkresë ministrit të Energjetikës, Damian Gjiknuri për një zgjidhje institucionale. Shoqata e prodhuesve të bukës propozon që furrat me bazë frigoriferike te paguajnë vetëm 10% te energjisë së shpenzuar me çmimin 14 lekë/kv orë.

Kërkesat e tyre
1. Furrat që nuk kanë bazë frigoriferike për tregtim të vazhdojnë të paguajnë energjinë me 7.6 leke që është vendimi i ERES.

1. Furrat që kanë bazë frigoriferike të domosdoshme për tregtimin e prodhimeve të veta, të paguhet në raportin 90% me 7.6 lekë energjia elektrike dhe 10% të paguhet me 14 lekë, për pjesën që OSSHE pretendon se nuk është prodhim buke.

2. Në këtë propozim prodhuesit duhet të heqin frigoriferët që nuk janë të prodhimit të brumërave siç janë frigoriferët e bulmetrave, pijeve etj.

Kreu i shoqatës së Prodhuesve të Bukës shprehet se edhe furrave të reja që po hapen nuk iu jepet subvencioni, për shkak se kanë në përdorim 2 apo 3 frigoriferë.