Gjetja e alternativave për të luftuar ftohjet, kollen dhe gripin është gjithmonë një ide e mirë dhe këtë herë ne duam t’ju njohim me nje ilac te ri natyrore i cili perbehet nga mjalti dhe hudhra.
Ne të gjithë i dimë perfitimet e mjaltit, i cili është përdorur që nga antikiteti jo vetëm për shijen e ëmbël por edhe për vetitë shëruese si të brendshme ashtu edhe të jashtme.
Hudhra e cila në disa kultura quhet “ari i bardhë”, ka perfitime te shumta në lidhje me efektet që prodhon në trup duke u kujdesur për infeksionet falë pronave antiseptike, antibakteruese dhe antifungale. Në disa raste mund të refuzohet për shkak të aromës së saj intensive, ne e dimë se ajo i jep kontribut të rëndësishëm shëndetit, duke ndihmuar në reduktimin e sheqerit në gjak dhe uljen e nivelit të presionit të gjakut. Ajo gjithashtu është përdorur me sukses në trajtimin e malaries dhe rrit mbrojtjen duke stimuluar imunitetin tek njerëzit e prekur nga AIDS.
Ky ilaç në shtëpi u zhvillua nga një mjek amerikan i cili u përpoq të kombinojë këto dy “supeushqime”, duke marrë një ilaç të fuqishëm dhe efektiv për trajtimin e sëmundjeve që lidhen me aparatin e frymëmarrjes.
Për t’u përgatitur do t’ju duhet:
– 1 kokë hudhër
– ½ litër mjaltë
– ½ litra ujë
Pergatitja:
Sapo të keni qeruar dhe copëtuar hudhren, vendoseni në kavanoz dhe shtoni mjaltin.
Mundohuni të merrni mjaltë organik për rezultate më të mira. Ndërsa futni mjaltin në kavanoz, është e mundur të formoni flluska të ajrit që duhet të hiqen, përdorni një thikë ose ndonjë element tjetër për të hequr qafe këto flluska.
Mbylle fort shishen dhe vendosni një etiketë në pjesën e përparme me datën e prodhimit. Mbajeni në një vend të freskët dhe të thatë për 20 ditë për të liruar të gjitha pronat e tij dhe pas kësaj kohe mund ta përdorni atë.
Ju mund të merrni një ose dy lugë te ketij ilaci për të lehtësuar simptomat e gripit dhe ftohjes.
Ju mund ta mbani këtë ilaç në shtëpi për një periudhë prej tre muajsh.
Ditën e sotme është mbledhur Komisioni i Ligjeve, ku ka marrë pjesë edhe opozita. Ka qenë deputeti demokrat, Enkelejd Alibeaj tha se janë dhe dy javë derisa të meret vendimi dhe është hapësira “për të cilën ju dhe kryeministri juaj ka mundësi për të dhënë prova të forta që do çeljen e negociatave”.
Në fjalën e tij ai theksoi faktin se detyra e të zgjedhurve është t’i shërbejnë interest publik.
“Angazhimi ynë i opozitës është bërë i qartë shumë kohë më parë. Kjo opozitë është e vendosur qartazi dhe në mënyrë konsistente dhënies së kontributit për çeljen e negociatave si një lloj vlerësimi që duhet ta miratoj historia politike këtij vendi. Fatkeqësisht ne jemi shumë të qartë në pozicionin tonë politik, ky vend e meriton çeljen e negociatave jo thjesht se ka arritje, por për arsye tjetër, si e si që një dorë tjetër e fortë e sinqertë institucionale t’ia mbyllë një orë e më parë arbitraritetin e këtij kryeministri. Mundësisht delegjitimimin e tij, largimin një orë e më parë”, tha deputeti Alibeaj.
Mjeti kryesor që duhet të na udhëheqë tha Alibeaj është inspirimi europian i opozitës. Ai dha alarmin dhe për Gjykatën Kushtetuese. “Ne besojmë që inspirimi europian i opozitës dhe gjithë shqiptarëve do të duhet të jetë mjeti i vetëm kryesor që do të duhet të na udhëheqë. Nuk ka nevojë më të madhe tashmë për Shqipërinë e shqiptarët për të shkuarën e sidomos për të ardhmen për të gjetur aleat besnik fanatik që ia duan të mirën këtij vendi për të larguar të keqen më të madhe, kryeministrin, Edi Ramën që në agjendën e vet nuk e ka këtë gjë. Ka vetëm një axhendë, ruajtjen e karriges së vet me çdo mjet, mënyrë e pazar”, vijon Alibeaj.
Qeveritë vijnë e ikin, parlamentet vijnë e ikin, por sistemi i drejtësisë është ai që duhet të rrijë thotë Alibeaj por ai u shkatërrua i pari, referuar situatës aktuale në Gjykatën Kushtetuese.
Guarda di Finanza ka sekuestruar mbrëmjen e të shtunës duke u gdhirë e diela një sasi prej 2,5 ton drogë pranë brigjeve italiane, ndërsa trafikantët kanë mundur të shpëtojnë. Dyshimet e para janë që droga ishte nga Shqipëri dhe më konkretisht nga Vlora. Sipas asaj që shkruajnë mediat italiane, operacioni ishte zhvilluar në kuadër të goditjes së trafikut të drogës mes trafikantëve shqiptarë dhe atyre italian. Media italiane “Brindisireport”, shkruan se operacioni i zhvilluar dy ditë më parë, është zhvilluar kundër trafikut të drogës midis Shqipërisë dhe bregut të Salentos, në ujërat e Brindisit.
Brindisireport, shkruan më tej se, njësia e seksionit detar të Brindisi della Guardia di Finanza, e koordinuar nga Departamenti i Operacioneve Detare të Barit, ka identifikuar dhe ka ndaluar një anije që mbante një ngarkesë të madhe të substancave narkotike. Pas një operacioni i cili zgjati pothuajse 3 orë është bërë e mundur kapja e 2.5 ton marijuanë, që po sipas mediave italiane, ishte prodhuar dhe bërë gati për trafikim ndërkombëtar, nga zonat e prodhimit të kësaj lënde narkotike, siç është qyteti i Vlorës. Nga një përllogaritje e bërë nga mediat e vendit fqinj, vlera e drogës, nëse do arrinte tregun italian dhe më gjerë, atë evropian, do kapte 20 milionë euro.
Këtë drogë dhe rrjetin që u mundua ta trafikonte atë drejtë brigjeve italiane, “Brindisireport” e konsideron si të kontrolluar nga mafiet lokale në Shqipëri. “Nga ajo që është bërë e ditur nga policia, ekuipazhi i anijes që mbante rreth 2.5 ton marijuanë, pas disa përpjekjesh për t’u arratisur bashkë me drogën, e hodhën atë në det dhe vetë arritën t’i shpëtonin arrestimit.”-shkruajnë mediat italiane. Sipas të cilave, forcat operacionale do të bëjnë të ditur më shumë informacion në lidhje me çështjen, sapo të përfundoj edhe një pjesë tjetër e operacionit. Ndërkohë, konfiskimi i lëndës narkotike që u zhvillua gjatë natës, ndryshon krejt lojën për investigimet që janë duke u zhvilluar në kuadër të goditjes së rrjeteve të trafikantëve shqiptar. Sipas “Brindisireport”, ky operacion, me shumë gjasë do të integrohet në një nga shumë hetimet e hapura dhe të vazhdueshme për goditjen drogës shqiptare, i koordinuar nga Drejtoria e Qarkut Anti-Mafia të Leçes.
Policia shqiptare Policia e Shtetit ka reaguar në lidhje me sekuestrimin e 2.5 tonë drogë në brigjet italiane, pas një operacioni të Guarda di Finanza zhvilluar mbrëmjen e të shtunës. Sipas njoftimit të policisë, ndryshe nga sa thuhet në mediat italiane, që droga është nga rrethinat e Vlorës dhe që trafiku drejtohet nga mafia lokale, njofton se ende nuk është bërë e ditur dhe sqaruar se nga cili vend është ngarkuar sasia e lëndës narkotike, për t’u trafikuar në tregun italian. Më tej, policia e shtetit tregon edhe detaje të operacionit, që është zhvilluar në bashkëpunim me autoritetet e tre vendeve, Shqipërisë, Malit të Zi dhe atyre Italiane.
“Në datë 9 Qershor 2018, rreth orës 16:25, një avion i Guardia di Finanza të Pulias gjatë kontrollit në hapësirën detare, pikasi një mjet lundrues që lëvizte me shpejtësi në ujërat italiane, në largësi rreth 40 milje nga bregu. Menjëherë në ndjekje janë vënë 2 mjete lundruese të Guarda di Finanza, duke e interceptuar mjetin lundrues të llojit gomone, i cili ishte i ngarkuar dhe lëvizte me shpejtësi. Ndërkohë partnerët italianë kanë njoftuar Policinë Kufitare në Shqipëri. Disa mjete të Policisë Kufitare dhe të Guardia di Finanza në Durrës dhe Vlorë janë vënë në gatishmëri, në pritje të hyrjes së gomones në ujërat territoriale shqiptare. Por gomonia e ngarkuar, në ndjekje nga GdF ka shtuar shpejtësinë duke hedhur në det ngarkesën. Më pas ajo i është drejtuar territorit të Malit të Zi, duke u futur në këto ujëra. Policia malazeze e ka interceptuar gomonen, por pas një ndjekje për rreth 1 orë, ka humbur gjurmët e saj.”-njoftoi policia e Shtetit.
IDENTIFIKIMI
Policia shqiptare njofton se, pasi trafikantët të cilët shoqëronin gomonen, e kanë hedhur atë në det dhe janë arratisur, forcat e ndërhyrjes së Guardia di Finanza kanë bërë të mundur rikuperimin mallit të hedhur në det në ujërat ndërkombëtare në afërsi të ujërave territoriale të Malit të Zi, ku rezultoi se ishin rreth 2 ton e 475 kilogramë marijuanë. Sipas njoftimit të policisë së Shtetit, autoritetet policore në 3 shtetet po vijojnë hetimet dhe shkëmbimin e informacionit për zbulimin dhe ndalimin e trafikantëve, por thekson se ende nuk ka të dhëna për origjinën e mallit dhe shtetin nga ku mund të jetë nisur gomonia./shekulli
“Të qara me ulërima deri sa të dëgjonte i fundi i katundit ose i lagjes…, se kështu e donte zakoni”.
Kështu, media franceze e përshkruante ceremoninë e dasmës, të qarat e nuses si të ishte dita e saj më e tmerrshme. Gazetari shqiptar Ilir Seci e ka publikuar foton e faqes së parë të njërës prej tyre, ku shfaqet nusja në ditën e saj më të lumtur duke qarë me sa fuqi ka.
Në krah të saj është i vëllai, i larë me lot gjithashtu, pasi po përcjell nga dera motrën e tij nuse. Një pamje “tmerri” të ditës së dasmës e përcjell në vitin 1980 një media franceze në faqen e parë të saj.
Më poshtë mund të lexoni një pjesë të tekstit të përkthyer në shqip:
“Të qara me ulërima deri sa të dëgjonte i fundit i katundit ose i lagjes…, se kështu e donte zakoni”.
Kjo është një ndër detajet e rëndësishme të ceremonisë së dasmave të vajzave shqiptare në komunizëm. Është një zakon që në fakt është trashëguar më herët. Nuk ishte reflektim i emocionit të ditës, kur vajza lë shtëpinë e prindërve, por se përmes të qarave duhet të tregojë se sa shumë i doje prindërit e sa e “fisme” ishe, se nuk dëshiron të lije prindërit “për të shkuar të burri”.
Këtë adet duhet ta respektonin të gjitha nuset, në momentin kur vëllai apo një i afërm tjetër i familjes, i merrte prej krahu për t’i përcjellë tek pragu i derës, atje ku ishin krushqit duke pritur ta marrin në dorëzim.
Në të shumtën e rasteve dhëndri mungonte mes krushqve. Nusja e dhëndëri shiheshin në fund të ceremonisë në shtëpinë e dhëndrit, madje të hënën, një ditë pas dasmës, sepse nusja merrte me vete një krushkë, e cila flinte atë natë me nusen në shtëpinë e dhëndrit”, këto zakone të ceremonisë martesore shqiptare janë përcjellë në mediet franceze në vitin 1980.
Pas shumë kohësh rënie pikiatë të euros në çdo ditë që kalonte, më në fund duket se monedha e përbashkët po sheh ‘ditë të bardha’.
Në tregun valutor vendas euro edhe gjatë kësaj jave vazhdon të jetë në rritje. Sot ditë e hënë blihet me 128 lekë dhe shitet me 130 lekë.
Dollari amerikan blihet sot me 108.80 lekë dhe shitet me 110 lekë, në nivele më të forta se javën e kaluar.
Edhe Paundi britanik, i vlerësuar me gati 4 për qind, blihet sot me 146 lekë dhe shitet me 147.50 lekë. Rritja e euros kundrejt monedhës vendase lekë, pas ndërhyrjes së BSH javën e kaluar ka krijuar rritje të të gjitha monedhave të tjera kundrejt lekut.
Pas datës 4 korrik të gjitha qeset plastike që janë në përdorim nuk do të përdoren më. Ky është një vendim i Ministrisë së Mjedisit për të mbrojtur natyrën, por edhe shëndetin e njerëzve. Ky propozim i ministrisë së Mjedisit është mirëpritur edhe nga ricikluesit.
Zv.ministrja e Mjedisit dhe Turizimit, Ornela Çuçi, shpjegoi për TemA TV ndryshimet dhe efektet.
“Vendimi konsiston në 3 pika kryesore: rritja e trashësisë së qeses plastike. Nuk po e bëjmë kot, por që ajo të jetë ë përdorueshme disa herë dhe nga ana tjetër të jetë e riciklueshme. Qeset e holla kanë zero vlerë në ricilkim.
Ajo që synojmë së dyti është fakti që të gjitha qeset në Shqipëri të kenë aditivë biodegradues, lëndë që nxisin vetëshkatërrimin e qeseve në një periudhë 36-mujore. Dhe e treta ka të bëjë më gjurmueshmërinë. Disa parametra të treguar në qesen plastike treojnë nga vjen kjo qese, kohën e prodhimit dhe kush e ka prodhuar”, thotë Çuçi.
Por a preket biznesi i riciklimit dhe prodhimit të plastikës në vend nga ndryshimet?
“Qeset plastike që do të lejohen të përdoren duhet të kenë trashësinë për anë, minimum 35 mikron, qqë do të thotë që do të prodhohen qese të atilla që do të jenë disa herë të ripërdorueshme dhe pjesa tjetër e rëndësishme në këtë kriter teknik është se këto qese edhe pas ripërdorimit të tyre, edhe pasi të dëmtohen do të kenë një peshë specifike të rëndësishmepër grmbulluesit që grumbullojnë materiale plastike për t’i çuar te ricikluesit. Pra kemi një përfitim në të dyja anët”, thotë Vullnet Haka”, president i Shoqatës së Konvertuesve të Plastikës.
Për Ministrinë e Mjedisit, përdorimi i qeseve në vend deri para 3 vitesh ishte në nivele alarmante, dhe megjithë masat e marra për kufizimin sërish cilësohet jashtë kritereve.
Masat për shkeljen e vendimit variojnë në gjoba nga 1.000.000 deri në 1.500.000 lekë, ndërsa objekt i këtyre sanksioneve do të jenë prodhuesit dhe importuesit që duhet të zbatojnë me përpikëri sistemin e shenjimit të ambalazhave. Në mbikëqyrje të zbatimit të vendimit do të jenë edhe marketet, që tregtojë mallra me këto ambalazhe.
Fjalët e fundit të Napoleon Zervës ishin po aq të tmerrshme sa edhe masakrat e tij kundër shqiptarëve. Po vdes i qetë se bëra atë që doja.
Pas lashë rrëke gjaku, tym, blozë, gërmadha, ulurima fëmijësh, nuse dhe gra nudo, që futeshin në furrat e ndezura, që të mos pillnin më shqiptarë, burra të varur, shpuar me bajonetë, gjuha shqipe nuk do të flitet më në tokën helene.
Kjo më kënaq mua, ashtu siç kënaq tërë shpirtrat helenë”, këto ishin fjalët e tij të fundit. Edhe pse nuk njihet si i tillë, genocidi grek nisi me 27 qershor 1944.
Ushtarët e Zervës rrënonin gjithçka që gjenin përpara. Ushtarët e Zervës hynë natën në qytet dhe vranë 673 burra, gra, fëmijë, në Filat 1286, në Igumenicë 192, në Pargë 620.
Ish-kryeprokurori i arratisur maniak përgjimesh, përgjonte të afërmit dhe vartëset dhe dëgjonte bisedat e tyre private në zyrë
Gjatë hetimeve të thelluara për pastrim parash dhe fshehje pasurie, janë zbuluar detaje tronditëse nga veprimtaria e zezë e Adriatik Llallës, gjatë kohës kur ushtronte detyrën si Prokuror i Përgjithshëm, në shërbim të dy tutorëve të tij, Sali Berishës dhe Ilir Metës. Adriatik Llalla i futur në listën e zezë nga Departamenti Amerikan i Shtetit, i arratisur nga Shqipëria nga frika e Vetingut dhe e prangave, rezulton një maniak përgjimesh.
Nga hetimet e deritanishme dyshohet se Llalla ka shfrytëzuar pushtetin si kryeprokuror dhe kontrollin që i jepte ligji mbi bërthamën e përgjimeve në Prokurorinë e Përgjithshme, për të përgjuar familjarët e tij, miq dhe të afërm. Ligji për përgjimin e telekomunikimeve parashikonte që çdo kërkesë për përgjim kalonte nga duart e Prokurorit të Përgjithshëm ose nga një person i autorizuar posaçërisht prej tij. Ndërsa bërthama komanduese e përgjimeve është e instaluar pranë zyrës së Prokurorit të Përgjithshëm.
Nga hetimet si dhe bazuar në bisedat e ish-bashkëpunëtorëve të Llallës, dyshohet se ky i fundit e ka shfrytëzuar këtë mundësia për të shuar kureshtjen personale, duke survejuar jetën private të familjarëve të tij dhe të afërmeve të tjerë. Sipas burimeve, mes personave që Llalla kishte më shumë fiksim për ta përgjuar dyshohet se ishte edhe vajza e tij, e njohur nëpër media për një jetë luksi. Llalla dyshohet se përgjonte bisedat e saj në ambiente të ndryshme dhe më pas i dëgjonte në zyrën e tij.
Pre e abuzimit me përgjime të paligjshme thuhet se kanë rënë edhe vartëse të Adriatik Llallës. Ish-kryeprokurori duket se ishte i fiksuar të dinte se çfarë bisedojnë vartëset e tij në ambiente imtime. Në shënjestër të përgjimeve ka qenë edhe një ish-funksionare e lartë në Prokurorinë e Përgjithshme, e njohur për afrimitetin me Adriatik Llallën. Sipas burimeve, kjo prokurore ishte fiksimi numër një i Llallës për ta përgjuar kudo që shkonte. Burimet thonë se për interesa të politikanëve të ndryshëm janë përgjuar edhe dashnoret e tyre.
Krahas përgjimeve për shuarjen e kureshtjeve personale, është treguar kujdes për të fshehur çdo gjurmë të kësaj veprimtarie, duke fshirë të dhënat e mbetura nga serveri i përgjimeve. Megjithatë, përgjimet nuk janë realizuar nga një person i vetëm. Me arratisjen e Adriatik Llallës dhe përbetimin e ambasadorit amerikan se do të përfundojë në burg, bashkëpunëtorët e tij kanë nisur të flasin./Pamfleti
