Duket se ndryshimet në qeveri për Edi Ramën do të jenë të pashmangshme. Një gjë të tillë, Kryeministri e lajmëroi në muajin prill ku tha se shtatori do të sjell ndryshime në qeveri. Para se të mblidhej seanca plenare e ditës së djeshme, Edi Rama mblodhi të gjithë deputetët ku i dha atyre edhe disa porosi.
Siaps gazetës ‘’SOT’’, Kryeministri ka qenë i prerë, ku u ka thënë atyre se qeveria të ndez motored për të përmbushur detyrimet. Po ashtu thuhet se Rama nuk ka patur asnjë dilemë duke thënë se disa emra do të duhet të ikin dhe të emërohen persona të tjerë që mund të japin një kontribut akoma dhe më të madh.
Ashtu si një ditë më parë, kryeministri ka bërë të ditur se emrat që do kinin dhe ata që do të vijnë do i prezantojë në mbledhjen e Asamblesë, e cila do mbahet së shpejti. Po në mbledhjen e djeshme, shefi i qeverisë ka informuar deputetët se turi i bashkëqeverisjes është mbyllur dhe tani puna është drejt hartimit të raporteve përfundimtare.
Reformat e qeverisë
Bashkimi Europian vuri një sërë detyrash shtëpie për Shqipërinë me qëllim që në qershor 2019 të hapen negociatat. Në takimin e Ramës dje me deputetët, janë dhënë sinjale se qeveria tashmë do ndërmarrë një aksion për të përmbushur të gjitha këto detyra. Reformat do nisin nga qeveria, ku disa emra do të duhet të largohen. Gazeta e paralajmëroi që kohë më parë se vendimi për negociatat do sillte furtunë në qeveri. Sinjalet janë se më të rrezikuar janë ata ministra që janë emëruar prej vitit 2013, apo ata që kanë të bëjnë drejtpërdrejt me reformat e kërkuara nga BE.
Po ashtu, mazhoranca do nisë një proces të fortë monitorimi dhe nxitjeje që të ecë vetingu dhe të ngrihen organet e reja të drejtësisë. Kuvendi shumë shpejt do ngrejë një komision të posaçëm, që do të merret pikërisht me mbikëqyrjen e reformës në drejtësi. Nga ana tjetër qeveria pak javë më parë ka miratuar një strategji antikorrupsion dy-vjeçare dhe ajo tashmë do nisë zbatimin.
Të gjitha institucionet do bashkëpunojnë për të nisur luftën frontale ndaj korrupsionit dhe krimit të organizuar. Ministri i Brendshëm, Fatmir Xhafaj e paralajmëroi dje nga Parlamenti diçka të tillë. Ai tha se SPAK dhe Byroja e Hetimit shumë shpejt do jenë gati dhe kjo ka trembur shumë politikanë.
Nuk është çudi që arrat janë ndër pemët më të respektuara në popull. Një studim i publikuar së fundmi ka zbuluar se arrat janë mbrojtësit më të mirë të shëndetit të zemrës.
Arrat janë të pasura me lëndë ushqyese të tila si: omega3; omega6; magnez; vitaminë 6, mangan, baker, zink, fosfor, hekur etj.
Si e “mbrojnë” arrat zemrën? Një studim i Dr. Penny Kris Etherton shpjegon se konsumimi i vetëm një grush arrave pesë herë në javë, ulë rrezikun e sëmundjeve të zemrës për 40%.
Studimi kishte gjetur se personat që konsumojnë arra në mënyrë të rregullt, përmirësojnë ndjeshëm nivelin e kolesterolit në gjak dhe i bëjnë më fleksibile enët e gjakut të cilat ndiihmojnë në qarkullimin e gjakut pa probleme.
Hulumtimi kishte vëzhguar 15 njerëz me nivel te larte të kolesterolit të cilët kishin pasur për detyrë të konsumojnë nga 7 arra, 5 herë në javë.
Rezultatet e hulumtimit treguan se ndikimi i parë në organizëm kishte ardhur pas vetë 4 ore nga konsumimi i tyre, ku ishte vërejtur përmirësim i fleksibilitetit të enëve të gjakut. Ndërsa ndikimi në uljen e nivelit të kolesterolit ishte vërejtur në periudha më afatëgjata.
Autori i studimit shton se duke konsumuar vetëm 35 arra në javë, ju do të jeni në gjendje të ulni nivelin e kolesterolit në gjak dhe të reduktoni mundësinë për tu prekur nga sulmi në zemër në të ardhmen.
Heroida ka ardhur në rubrikën “Ka një mesazh për ty” te “E Diela Shqiptare”, moderuar nga Ardit Gjebrea, për të kërkuar vëllain e saj nga ana e të atit, pasi prej 36 vitesh nuk janë parë.
Sikurse e thërrasin miqtë, Lida rrëfen se e ka patur gjithmonë pasion muzikën, por familja e saj nuk e lejonte, ndaj ajo shkonte e këndonte fshehurazi në festivalet e pionerëve. Por në moshën 14 – vjeçare ata e zbuluan dhe e dhunuan fizikisht, duke e larguar edhe nga shkolla. I vëllai e rrahu me rrip, ndërsa e ëma i preu flokët dhe e mbylli në dhomë, duke e “burgosur”. Kjo sjellje erdhi si pasojë e shpifjeve të vëllezërve të saj, të cilët pretendonin se ajo nuk shkonte për të kënduar dhe se ishte e shthurur.
“Unë ika nga shtëpia, ika nga familja. Në orën 16:15 ikte treni nga Elbasani për Durrës. Kam hipur në tren pa biletë, pa lekë, pa asgjë prej gjëje. Vajta në Durrës, ngela ku do veja. Te gjyshja nuk veja dot se kisha frikë e as te dajat. Kisha dëgjuar në familje që kisha një vëlla me gruan e parë të babait. Kisha dëgjuar që kishte emrin e gjyshit, Abedin Lufta dhe thashë të veja ta takoja e të kërkoja një strehë te ky. Nëqoftëse nuk do më pranonte, nuk e dija se si do përfundonte jeta ime.”
Lida shkoi në shtëpinë e të vëllait dhe familja e tij sëbashku me të ëmën pranuan ta strehonin.
“Kam ardhur këtu që vetëm e vetëm t’i kërkoj falje sepse në atë moshë që vajta unë i rashë derës së atij, ai mund të përfundonte në burg për mua. Ai as më njihte, as unë s’e njihja, as nuk isha rritur me të, as nuk kisha jetuar me të. I kam krijuar shumë debate edhe me gruan, por unë isha fëmijë dhe nuk dija. Pasioni im ishte vetëm të këndoja vetëm që të isha një vajzë e shkathët.”
Kur Lida ishte 16 vjeç njohu një djalë, për të cilin s’kishte asnjë informacion, vetëm pamja e jashtme i bëri që të dashuroheshin e më pas të martoheshin. Familja e djalit ishte e internuar prej shumë vitesh në Fier, por duke qenë se i ati i Lindës ishte sekretar partie në Elbasan, e detyruan të ndahej.
“Më mori babai, të them të drejtën më gënjeu. Nuk më tha të drejtën kur më mori. Më tha që i kishte marrë malli se u bënë shumë vite që s’më kishin parë. Unë meqë isha e martuar, të them të drejtën vajta se thashë çfarë do më bëjnë tani. Kur më ka marrë për herë të parë babai isha shtatzënë 3 – muajshe me Rozalindën. Ndenja 1 javë dhe pastaj më hapi babi këtë bisedë. Më tha: ‘Po më do mua, nuk do shkosh më në Fier.’ Jo, i thashë unë, ai është burri im dhe unë kam jetën atje”.
Por kur lexoi letrën nga komiteti, që i kishin dërguar të atit, qau dhe vendosi që të mos i ndodhte ajo çka i kishte ndodhur asaj, të privohej nga ajo që donte. Lida vendosi të ndahej nga bashkëshorti, por divorci duhej të bëhej pasi të lindte foshjen. Ferizi nuk donte të ndaheshin dhe ka kërkuar disa herë takim me Lidën.
“Mori gocën në krahë, qante e thoshte: ‘Pse? Çfarë i kam bërë unë kësaj jete?’. Nuk i ndërpreva lidhjet me Ferizin. Kur m’u bë vajza 5 vjeç e kam takuar prapë, fshehurazi. Kjo ishte hera e fundit që u takuam se pastaj më martuan”.
Përsa i përket të vëllait, Lida thotë se e ka kërkuar shumë, por nuk ka mundur dot ta gjejë, ndaj i është drejtuar rubrikës “Ka një mesazh për ty”.
“Ta shikoj tani nuk e mbaj mend. Kam pësuar dhe një disfatë shumë të madhe, më ka humbur memorja. Dhe këto gjëra që mbaj mend, nuk e di se si … Janë ngulitur shumë thellë në memorjen time”.
Stafi i “E Diela Shqiptare” mundi të gjejë vëllain e Lidës, Abedinin, i cili pranoi ftesën për të qenë pjesë e rubrikës “Ka një mesazh për ty”. I pyetur nga Ardit Gjebrea se kush mund të jetë personi që e ka ftuar, ai me humor shprehet se vetëm Arditi dhe Zoti e dinë.
Abedini – Unë pres kush të jetë, më ka lënë pa gjumë gjithë natën.
Arditi – Çfarë mendoje, ku të shkonte mendja?
Abedini – Ku nuk shkon mendja. Ne shqiptarët gjithmonë mendojmë shumë dhe plakemi shpejt. Unë s’kam menduar ndonjëherë gjatë gjithë jetës sa kam menduar për këtë të sotmen.
Në ekranin e murit ndarës vëllai shikon motrën pas 36 vitesh dhe arrin ta njohë.
Abedini – Kjo është motra më duket. Më duket se është ajo se kam vite pa e parë. E kam parë një herë të vogël, një herë më fëmijë, pastaj s’e kam parë më. Ka qenë në Greqi.
Lida – Abedin mirë se erdhe! Shumë faleminderit! E para kam ardhur të të kërkoj falje, të kam futur shumë në bela. Kam ardhur kam trokitur në derën tënde në një moshë shumë të vogël dhe më ke pranuar, më ke futur brenda. Ju jam shumë mirënjohëse, megjithëse je gjaku im, je vëllai im!
Abedini – Ajo nuk diskutohet.
Lida – Kam bërë luftë të madhe dhe me vëllezërit e tjerë dhe motrën që ju të takoheni, të flisni. Doja t’i sillja dhe këtu në emision, por nuk pranuan. Dashi është në Amerikë, Kujtimi në Itali. Mbrëmë kam folur me Lolën dhe më tha: “Nuk e donte nëna dhe babai, as unë nuk do ta dua derisa t’i shkoj atyre afër”. Babai na vdiq në ’99-ën.
Abedini – E di. Një javë pasi kam martuar unë gocën.
Lida – Mamaja më vdiq para 2 vjetëve. Kisha shumë dëshirë t’ju takoja, megjithëse kam patur dhe unë shumë halle. Kam qenë dhe unë gati një vit në spital se bëra karambol me makinë. Jam bërë dhe unë gjyshe.
Abedini – Urime! T’i kesh me jetë.
Lida – Dëshira ime, ëndrra ime… Ju kam kërkuar shumë, por ju keni ikur nga shtëpia që kam jetuar edhe unë. Më kanë thënë t’ju kërkoj në Gjendje Civile, por koha ime ka qenë shumë e pakët. Nuk kam asnjë fotografi tënde … Kjo më ka bërë që dhe të vij këtu. Si ika nga shtëpia juaj pa marrë një fotografi.
Abedini – Ishte gjë e shpejtë ajo që ike ti.
Lida – Nuk e di. Juve ndoshta ju ka kërcënuar babai ose Kujtimi ose Dashi, nuk e di se ç’keni patur në atë kohë.
Abedini – Unë s’kam patur me asnjë, asnjë gjë. Unë kam qenë gjithmonë në pritje. S’ka patur rezultat. Le t’i ngeli atyre, unë jam ndarë që 11 – muajsh.
Lida – Tani nuk do ndahemi më nga njëri – tjetri.
“Edhe pse lidhja e tyre humbi për 36 vite, gjaku përsëri thërret”, e përmbyll Ardit Gjebrea, duke i lënë mundësinë motrës dhe vëllait të përqafohen.
Rritja e prodhimit te aciditetit ne stomak mund te shkaktoje simptoma te ndryshme si refluks, ndjesi djegieje, fryrje, gromesima, dispepsi, perzierje dhe shije thartire ne goje. Arsyet e hierprodhimit te aciditetit ne stomak jane te ndryshme, nga menyra e te ushqyerit, konsumi i alkolit e deri te trashegimia. Nese situata zgjat per nje kohe te gjate e patrajtuar, pasojat mund te jene dramatike pasi qelizat e stomakut fillojne te humbin aftesine mbrojtese ndaj aciditetit. Modifikimi i ushqimit eshte nje nder hapat kryesore ne kontrollin e aciditetit te stomakut. Le te shohim ushqimet qe mund te neutralizojne lengjet e stomakut duke e kthyer “ambjentin” ne me bazik.
Bulmeti
Qumeshti eshte nje nder ushqimet qe mund te qetesoje ndjeshem hiperaciditetin e stomakut, por duhet te jete pa yndyre pasi kjo e fundit mund te shkaktoje te kunderten. Nenproduktet e qumeshtit (me yndyre te reduktuar), si kosi dhe djathi, perbejne burim te mire proteinash dhe kalciumi. Per kete arsye keshillohet te konsumojme rreth 3 racione cdo dite bulmet. 1 racion bulmet = 45gr djathe, 200ml kos dhe 240ml qumesht.
Frutat
Frutat te cilat kane aciditet vete, si portokallet, kivi, qitrot, limonat, ananasi, luleshtrydhet, duhet te evitohen. Mollet jane nder frutat qe ndihmojne ndjeshem ne kontrollin e aciditetit, gjithashtu rrushi, dardhet, bananet, pjepri, boronicat dhe pjeshket, jane fruta te tolerueshme mjaft mire. Gjithsesi, konsumi i frutave nuk duhet te kaloje sasine e nevojshme ditore qe eshte deri ne 4-5 racione ne dite. 1 racion frut = perafersisht 120gr fruta.
Perimet
Pergjithesisht, perimet jane zgjedhje e mire per nje stomak qe prodhon aciditet me shumice, pervec domateve dhe qepeve te cilat, eshte mire te evitohen ne rastin ne fjale. Zhardhoket si patatet, karrotat, rrepat dhe vecanerisht finoku jane mjaft miqesore me stomakun.
Lengu qe perftohet nga shtrydhja e lakres se bardhe, te fresket, eshte nje nder produktet me te persosura per rigjenerimin e qelizave te stomakut dhe mbrojtjen e tyre nga aciditeti. Brokoli, mashurkat, lakrat, lulelakra, kungujt, selinoja dhe verdurat, perbejne nje pjese te rendesishme te ushqimit te shendetshem e te ekuilibruar dhe keshillohet te konsumohen ne nje sasi prej 200-300gr/dite.
Lengu ideal per stomakun
400gr laker e bardhe,
1 molle e embel,
1 kokerr finok,
2 feta te holla xhinxher te fresket
Pergatitja
Shtrydhini perimet te gjitha bashke dhe konsumojeni lengun 2 here ne dite; ne mengjes dhe para gjumit.
Dritherat
Pergjithesisht, buka, makaronat, orizi dhe drithrat jane te pranueshme ne kete diete. Vecanerisht, tershera eshte mjaft e keshillueshme, si dhe drithrat integrale dhe nenproduktet e tyre. Kujdes; mos i ngarkoni gatimet e tyre me salca te yndyrshme apo djathe te pasur ne yndyre. Keto produkte duhet te perbejne burimin kryesor te energjise qe nevojitemi ne dite, prandaj perpiquni ti vendosni ne pothuaj te gjitha vaktet tuaja.
Mishi, peshku
Ushqimet ne kete kategori jane te lejueshme, mjafton te mos jene te pasura ne yndyre, mos te teprohet ne sasi dhe te mos gatuhen te skuqura. Preferoni peshkun e kalter, mishin e bardhe te shpendve – pa lekuren, vezet e freskta, fasulet dhe djathin pa yndyre, si burim kryesor te proteinave. Mishi i kuq keshillohet 1-2 here ne jave, i gatuar ne presjon me perime dhe erza, si rozmarina dhe sherebela.
Pijet
Uji eshte pija me e pershtatshme per organizmin dhe stomakun sensitiv. Disa cajra si kamomili, finoku dhe xhinxheri rekomandohen per te ulur aciditetin. Pijet qe duhet te evitohen jane te gjitha ato qe permbajne kafeine, alkol, kakao dhe mente.
Produkte te vecanta
Uthulla e molles, edhe pse teper acide vete, rezulton ne permiresim te ph-se se stomakut. Provoni ta vendosni si perberes te salcave tuaja per sallatat bashke me vaj ulliri dhe pak mjalte. Probiotiket jane mikroorganizma qe luajne rol teper ushqyes per aparatin tone tretes dhe si rrjedhoje jane nje arme e forte kunder dispepsise qe mund te pasoje aciditetin e larte.
Mengjesi ideal per te ulur aciditetin e stomakut
1kupe qumesht pa yndyre ose qumesht bajamesh,
½ kupe tershere,
10 bajame,
½ molle
Përgatitja
Vini ne zjarr te ulet qumeshtin me tersheren deri sa ajo te zbutet. (Mos lejoni te ziej qumeshti). Thermoni bajamet dhe i hidhni te qumeshti. Copetoni mollen dhe e shtoni persiper. E konsumoni te ngrohte.
Ka shumë mënyra për ta detoksuar organizmin dhe trupin. Kjo lejon që të përfitoni nga nutrientet në ushqimet që i hani, pasi ju japin më shumë energji dhe ndihmojnë të keni një jetë më të shëndetshme.
ÇAJI I GJELBËR
Si një pije e pasur me antioksidues, çaji i gjelbër ndihmon shumë kur bëhet fjalë për forcimin e sistemit mbrojtës dhe parandalimin e sëmundjeve si gripi, astma e stresi. Përbërësit: 1 lugë çaj të gjelbër (10 g) 1 gotë ujë (250 ml) Procedura: Lugën me gjethe të çajit të gjelbër e derdhni në gotën me ujë të vluar. Sigurohuni që uji mos të jetë shumë i vluar. E lini të qëndrojë për 3 minuta. Nëse dëshironi ta ëmbëltoni, shtoni pak mjaltë.
ÇAJ LIMONI
Pasi që përmban sasi të madhe me vitamina C, limoni është një antioksidues dhe antiseptik i shkëlqyeshëm. Përbërësit: 4 gota ujë (1 litër) 2 limonë (përdorni lëvoren dhe lëngun) Çfarë duhet të bëni? Vloni ujin dhe ia shtoni lëvoren e limonëve. E lini të vlojnë për 10 minuta. Pas 10 minutash, shtoni lëngun e limonit. E shërbeni dhe e ëmbëltoni me pak mjaltë nëse është e nevojshme.
ÇAJ SHERBELE
Sherbela përmban përbërës që e bëjnë funksionale mëlçinë. Mëlçia bashkë me veshkat ka për detyrë eliminimin e helmeve. Përbërësit: 2 gota ujë (500 ml) 2 lugë sherbelë (20 g) Çfarë duhet të bëni? Ngrohni ujin dhe, kur të fillojë të vlojë, ndalni temperaturën e lartë dhe shtoni 2 lugët me sherbelë. E mbuloni dhe e lini për 5 minuta. Po deshët mund ta ëmbëltoni me stevia apo mjaltë.
ÇAJ ME MANAFERRA
Ky çaj në mënyrë krejt natyrale hedh jashtë helmet nga trupi i njeriut Përbërësit: 2 gota ujë (500 ml) 2 lugë gjethe manaferrash (20 g) Përgatitja: Vloni ujin me 2 lugët e gjetheve të manaferrave për së paku pesë minuta. E lini derisa të ftohet. E përzieni dhe e pini.
ÇAJ NGA SELINO
Kjo bimë ofron efektet e vet prej një diuretiku dhe vepron si antioksidues, ndihmon në eliminimin e lëngjeve dhe mbetjeve nga trupi. Përbërësit: 4 gota ujë (1 litër) Gjethet nga një selino Përgatitja: Vloni ujin. Kur të fillojë të vlojë, shtoni gjethet e selinos. Lini të vlojnë edhe për 3 minuta e më pas ndaloni zjarrin. E mbuloni dhe e lini të qëndrojë për 3 minuta. E përzieni para se ta shërbeni. Ëmbëltoni me mjaltë.
ÇAJ ME LULERADHIQE
Luleradhiqja, pos se është antioksidues, përdoret edhe si pastrues i gjakut, ndihmon në dekongjestimin e mëlçisë dhe ka efekte kundër inflamacioneve. Përbërësit: 1 gotë ujë (250 ml) 1 lugë luleradhiqe (10 g) Përgatitja: Së pari, ngrohni ujin. Më pas, kur të fillojë të vlojë, shtoni luleradhiqen. Pastaj, e lini të vlojë për 3 minuta e më pas e hiqni nga pllaka. E mbuloni dhe lini të qëndrojë për 5 minuta. E përzieni dhe mund ta ëmbëltoni me mjaltë para se ta shërbeni.
Një çift të moshuarish kanë mbetur në mes të katër rrugëve pasi dy fëmijët e tyre i kanë nxjerrë nga shtëpia. Prej ditësh burrë e grua enden rrugëve e flenë poshtë pemës. Një qytetar i ka filmuar e teksa tregojnë vuajtjen që po përjetojnë, të moshuarit të thyejnë zemrën.
“Në fillim djali, pastaj çupa. Po ja të shohim për ndonjë pemë, rrimë poshtë saj, pse ku të vemi. Kemi dy ditë që endemi rrugëve dhe as policia nuk na bën derman, i kam njoftuar por asgjë”, shprehet i moshuari. Ushqehemi me lekët e pensionit. S’kemi shtëpi fare, na kanë nxjerrë edhe djali edhe çupa, të dy. Bashkia na tha se do na strehonte sot, por hiç asigjë. Dje fjetëm në hotel. Na dhanë nga 4-5 veta nga 1 mijë lekë, 2 mijë lekë dhe bëmë 10 mijë lekë. Por sonte jemi në krizë fare”, shprehet i moshuari në videon e dërguar nga një qytetar tek “JOQ”.
Ai nuk i mban dot lotët me zemrën e thyer nga dy fëmijët. Azili i kishte premtuar se do t’i merrnin, por nuk i kanë kontaktuar, as policia nuk u ka ardhur në ndihmë. Urojmë që ndonjë person ose shoqatë t’i ndihmojë dy të moshuarit e mjerë.
Ai nuk i mban dot lotët me zemrën e thyer nga dy fëmijët. Azili i kishte premtuar se do t’i merrnin, por nuk i kanë kontaktuar, as policia nuk u ka ardhur në ndihmë. Urojmë që ndonjë person ose shoqatë t’i ndihmojë dy të moshuarit e mjerë.
Mund t’ju duket e pabesueshme, sepse në fakt ashtu është! A e keni menduar ndonjëherë se një biçikletë mund të kushtojë më shumë se sa një makinë? Madje, se sa një Ferrari.
Kompania nga Londra, “Goldgenie”, e cila prodhon këto biçikleta, i shet ato për 250,000 funte, ose gati 330,000 dollarë.
Arsyeja në fakt është mjaft bindëse! Çdo centimetër i biçikletës është i mbuluar me ar, duke përfshirë zinxhirët.
Gjithsesi, për ata me një xhep më të thellë, kjo mund të jetë një dhuratë luksoze që merret vetëm një herë në jetë.
Djali kërkonte nuse të martohet, dhe i thotë nënës së vet të shkon te filan shtëpia, sepse atje ishte një vajzë që e donë për grua!
Nëna ia kthen: Biri im, ajo vajzë nuk është për ty, ti je një djalë që jetë të shkoi në studime, kurse ajo nuk posedon diplomë. Ti je nga familje e njohur dhe pasanike, kurse ajo nga një familje e shtresës së ulët. Krahas gjitha këtyre, bija e filanit është më e bukur, ajo është për ty!!
Djaloshi heshti derisa e përfundoi nëna e vet dhe i tha: Nëna ime, ajo për të cilën ti thua se nuk është për mua, unë e shoh se ajo është gruaja e vetme, e cila ka mundësi të më bën të lumtur.
Ajo që thua se nuk posedon diplomë fakulteti, atë e mësoi jeta diçka që nuk e mëson nëpër librat e shkollës. Ajo që thua për të se familja e saj janë të varfër, ajo nuk ka nevojë për shërbëtorë, si ne, po ajo punon vet!
Ajo nuk kërkon tepër, ngase e di se çfarë është skamja, dhe është respektuese e prindërve të vet dhe i donë ata shumë, edhe pse ata nuk patën mundësi t’ia plotësojnë ëndrrat e jetës!
Unë atë e kam parë, dhe ajo ecën rrugës e turpshme, nuk e ngrit shikimin e saj në haram, dhe posedon moral dhe sjellje. Kurse për bukuri, unë atë ë e zgjodha që ka shpirt, dhe shpirti i saj është Xhenet, dhe kjo më mjafton!
Mua më pëlqeu, dhe i thash vetes se do ta martoj, dhe ia përcolla një lajm se do ta kërkoj dorën e saj, dhe nuk dua që premtimin tim ta thyej dhe nuk dua që atë ta nënçmoj. Unë kam motër, dhe nesër do të kem edhe vajzë, dhe ka mundësi që ndokush të luan me to, nëse unë sot luaj me të!
Nëna i buzëqeshi dhe i tha: Sa krenare që jam me ty biri im!!
