Aurora

Rruga Pogradec–Tushemisht do të rikonstruktohet në kuadër të programit “Rrugët lidhëse rajonale” që financohet nga qeveria shqiptare dhe Banka Botërore dhe që zbatohet nga Fondi Shqiptar i Zhvillimit (FZHSH).

Vlerësimet mjedisore dhe sociale për rikonstruksionin e LOT I të rrugës Pogradec-Tushemisht kanë nisur të diskutohen edhe me komunitetin në Pogradec.

Në një postim në rrjetin social “Facebook” World Bank Albania, njofton se takimi i radhës me komunitetin do të mbahet më 31 korrik, në bashkinë e Pogradecit.

Projekti për këtë aks të rëndësishëm turistik, në juglindje të vendit, parashikon rehabilitimin e të gjitha rrjeteve të infrastrukturës, ku përfshihen muret mbajtëse, shtresat ekzistuese, si dhe përmirësim të segmentit me elementë të tillë si korsi për biçikleta, shtigje për këmbësorë, ndriçimi, gjelbërimi, etj.

Sipas FSHZH, rruga e re i vjen në shërbim të drejtpërdrejtë banorëve të zonës, por veçanërisht turizmit. Kjo, pasi për të vizituar parkun natyror në Drilon, automjetet përdorin rrugën paralele me liqenin e Ohrit, ndërkohë që bashkia e Pogradecit ka në plan ta transformojë këtë rrugë paralele në një rrugë për këmbësorë dhe të rehabilitojë segmentin e propozuar Pogradec-Tushemisht për të trajtuar trafikun e automjeteve. /atsh

I nxehti afrikan do te preke edhe vendin tone, pas lajmeve nga meteorologet italiane. Sinoptikanët parashikojnë që kjo valë e të nxehtit të përfshijë vendin përgjatë fundjavës.

“Një pjesë e mirë e Europës është përfshirë prej 3-4 ditësh nga i nxehti afrikan. Megjithatë territori shqiptar e ndjen kryesisht të shtunën dhe të dielën. Pjesa më e madhe e Shqipërisë do të shënojë temperatura nga 33 deri në 38 gradë Celsius. Megjithatë në zona specifike si Shkodra, Elbasani, Fieri e Berati por edhe Gjirokastra pritet të shënojnë deri në 38 gradë Celsius.”

Por e hëna do të sjellë një tjetër panoramë të motit. Temperaturat do të pësojnë rënie me afro 8 gradë.

“90 % e territorit shqiptar do të preket nga shirat, kjo do të bëjë që edhe temperaturat të bien në mënyrë të ndjeshme. Kjo situatë mbetet prezente deri të mërkurën, ndërkohë që pjesa e dytë e javës që vjen parashikoj të jenë me kryesisht të kthjellta.”

Deri në fund të tij muaji Korrik parashikohet të rezervojë temperatura 3 deri në 4 grade mbi mesataren shumëvjeçare të tij. Disa herë do të kemi të pranishme edhe reshjet  e shiut, që do të jene afatshkurtra.

Për çdo vit në sezonin e verës, breshkat e detit dalin jashtë ujit dhe lëshojnë vezët e tyre në plazhet me rërë në rajonin lindor dhe jugor të pellgut të Mesdheut (kryesisht Greqi, Turqi, Qipro, etj.).

Në vitet e fundit, një numër i vogël i foleve të breshkave të detit janë raportuar në Itali, Spanjë dhe vende të tjera ku zakonisht nuk është raportuar më parë për fole të tyre.

Të tilla folezime, të ashtuquajtura “sporadike”, janë me interes të lartë shkencor, sepse ato tregojnë se kemi të bëjmë me një spostim të mundshëm të shpërndarjes së folezimeve të breshkave të detit drejt zonave perëndimore dhe veriore të Mesdheut.

Breshkat e detit janë lloje migratore dhe ato mund të përgjigjen ndaj ndryshimeve klimatike duke gjetur dhe përdorur habitate të reja për të folezuar, ushqyer dhe dimëruar.

Një ekip kërkimor, i udhëhequr nga Dr. Enerit Sacdanaku, është duke eksploruar të gjitha plazhet me rërë të Shqipërisë për të vlerësuar se cilat plazhe janë të përshtatshme për folezimin e breshkave të detit.

Në ditët e para të punës në terren, Dr. Sacdanaku dhe ekipi i tij, në bashkëpunim me stafin e Agjencisë Rajonale të Zonës së Mbrojtur të Parkut Kombëtar Divjakë – Karavasta, vizituan plazhin e Divjakës, ku është dokumentuar zyrtarisht, foleja e parë e breshkave të detit në Shqipëri, gjetur nga një banor vendas.

“Për të grumbulluar të dhënat e nevojshme, ne po përdorim metoda tradicionale, por gjithashtu edhe dronin me një program të specializuar, i cili, përveç se do të krijoj hartat e plazheve, do të japë informacion edhe për lartësinë e plazheve mbi nivelin e detit, si një faktor kyç për të përcaktuar përshtatshmërinë e një plazhi për folezimin e breshkave të detit’’, shpjegon Dr. Sacdanaku.

Gjithashtu, ekipi kërkimor gjatë punës së tij përgjatë plazheve, do të vëzhgoj edhe për shenja të mundshme të folezimit të breshkave të detit si dhe synon të krijoj një rrjetë komunikimi midis publikut (turistë, banorë lokal, peshkatar, etj.), strukturave përkatëse përgjegjëse për ruajtjen dhe menaxhimin e plazheve (Administrata e Zonave të Mbrojtura bregdetare, bashkitë, etj.) si dhe ekspertëve të fushës, me qëllim që të raportohet çdo rast i mundshëm i aktivitetit të folezimit.

Deri tani, një popullatë e rëndësishme e breshkës së detit është identifikuar se përdor ujërat e bregdetit të Shqipërisë për tu ushqyer dhe dimëruar, ndërsa rastet e raportuara për folezimin e tyre kanë qenë shumë të pakta dhe jo zyrtare, deri në gjetjen e fundit në plazhin e Divjakës.

Ky projekt kërkimor, i pari në llojin e vet në Shqipëri, do të ndihmoj për të siguruar të dhëna të rëndësishme dhe do të japë rekomandime të vlefshme në marrjen e masave ruajtëse për të mbrojtur plazhet e Shqipërisë dhe në këtë mënyrë të kemi plazhe të një cilësie të mirë si për breshkat ashtu edhe për turistët.

Ky projekt po zbatohet nga shoqata MEDASSET2 dhe është pjesë e një projekti më të madh në rajonin e Mesdheut financuar nga Fondacioni MAVA3. /atsh

Gjatë dy muajve të fundit vetëm qytetn e Vlorës numërohen 5 jetë të shpëtuara nga vrojtuesit e plazheve.

Bëhet me dije se së fundmi është shpëtuar nga vrojtuesit e plazhit një 40-vjeçar. Pushuesi gjendej në një plazh privat në Lungomare duke u larë, por deti i trazuar i ka vënë në rrezik jetën, i cili fatmirësisht është pikasur nga vrojtuesi.

Menjëhërë vrojtuesi ka lajmëruar urgjencën, makina e së cilës ka ardhur dhe e ka marrë në kohë record duke shpëtuar jetën e pushuesit kosovar.

Ndërkohë vrojtuesi i plazhit, Andrea Cenodemaj konfirmon se turisti 40 vjeçar është jashtë rreziku për jetën.

Ndërkohë vrojtuesit e plazheve trajnohen dhe licensohen për dhënien e ndihmës së pare, dhe çdo subjekt privat ka detyrim ligjor që të punësoj një vrojtues në sipërfaqen ku ushtron aktivitetin./vizionplus