Aurora

Bukë me miell misri dhe qumësht, receta unike për drekë dhe darkë

Kulinari / /

Kjo recetë e veçantë është perfekte për stinën e verës. E lehtë, e shkrifët dhe plot shije, kjo bukë mund të jetë shoqëruesja ideale e vakteve familjare. Kokrrat e misrit luajnë rolin e ëmbëlsuesit natyral për brumin e bukës. Gjithashtu dhe e bëjnë atë akoma dhe më poroze.

Ka një shije të veçantë dhe mund të konsumohet në të gjitha vaktet e ditës. Fantastike për t’u konsumuar mëngjeseve me gjalpë të freskët, qumësht, djathë e reçel, ashtu siç shoqëron në mënyrë perfekte supa, gjellë e tava të ndryshme gjatë drekës, perime të pjekura apo sallata të freskëta të stinës.

Për një vakt të lehtë dreke, buka me miell misri dhe qumësht është ideale për t’u shoqëruar me kos apo me djathë e perime të freskëta siç janë domatet dhe kastravecat.

AgroWeb.org ju sjell më poshtë recetën e përgatitjes së bukës me miell misri dhe qumësht krejt lehtë në shtëpi.

Përgatitja e Bukës me Miell Misri dhe Qumësht
Përbërësit
280 g miell misri

140 g miell gruri i imët

½ lugë çaji me sodë buke

1 lugë çaji me kripë

1 lugë çaji me sheqer

120 ml qumësht

3 vezë

130 g misër kokërr të zjerë (e gjeni në markete)

4 lugë gjelle me gjalpë të tretur

Si të përgatitet
Lyeni me pak gjalpë të freskët një tavë me diametër 24 cm. Sobën e ngrohim në 220 gradë.

Në një tas të madh përziejmë miellin e misrit, miellin e grurit, sodën e bukës, kripën dhe sheqerin.

Në një enë tjetër hedhim qumështin dhe vezët, i rahim deri sa të përfitojmë një masë kremoze.

Më pas shtojmë gjalpin dhe kokrrat e misrit të zjerë dhe përsëri i përziejmë me kujdes për të ruajtur formën e misrit.

I bashkojmë të dyja masat bashkë dhe i përziejmë me kujdes që të mos na formohen kokrriza.

Masën që na formohet e kalojmë në tavën e lyer me gjalpë.

E vendosim në furrën e parangrohur për 20-25 minuta, derisa e shohim që ka marr një ngjyrë të artë.

Në fund bëjmë dhe një provë shumë të lehtë, nëse buka ngrihet pasi e shtypim pak me gisht (si një sfungjer) është gati për t’u shërbyer.

Kjo bukë shkon shumë me supa dhe gatime pak pikante, por mund te konsumohet për një darkë të lehtë./AgroWeb.org

Bukë me miell misri dhe qumësht, receta unike për drekë dhe darkë Read More »

Qeveria u heq benevrekët komandove, pilotëve, policëve ushtarakë dhe zbuluesve, të tjerëve u lë nga 1 palë “laj-thaj” për 2-3 vjet, ja vendimi

Aktualitet / /

Janë hequr për 60% të ushtarakëve, shteti kursen 42 mijë palë benevrekë në vit, por eskpertët garantojnë, se mungesa e tyre nuk e ul gatishmërinë luftarake
Qysh prej muajit janar 2015 e deri sot, me një vendim të posaçëm të Këshillit të Ministrave, disa efektivëve të strukturës “speciale” të ushtrisë shqiptare, u është hequr e reduktuar, norma e disa pjesëve të veshmbathjes, në kuadër të “rilindjes” së ushtrisë dhe rishikimit të shpenzimeve të larta, që “hanë” këta sektorë në ushtri.

Referuar kërkesës së bërë nga Ministria e Financave, për uljen e kostove të veshmbathjes në ushtri, ish-ministrja e Kodheli, caktoi ekspertët “tekniko-ekonomik” për të bërë studimin përkatës, të cilët hartuan raportin përfundimtar për uljen e shpenzimeve, duke përcaktuar sektorët, se ku mund të hiqeshin disa veshje nga kompleti ushtarakëve, pa dëmtuar ecurinë e punëve.

Eksperët propozuan, të hiqen benevrekët në disa struktura dhe të reduktohet norma vjetore e tyre (sasi palësh) në disa struktura të tjera, mbasi sipas vlerësimit të tyre, benevrekët janë të vetmet pjesë të kompletit të veshmbathjes së ushtarakëve, të cilat nuk cënojnë imazhin e jashtëm të uniformës dhe më kryesorja, nuk ulin performancën, energjinë e ushtarakëve në stërvitje, në misione ushtarake, raste emergjencash zjarri, tërmetesh, përmbytjesh pastrim plazhesh e plehrash, ku ata përdoren shpesh nga qeveria.

Referuar raportit të ekspertëve, nga heqja dhe reduktimi i normës vjetore të benevrekëve, për ushtarakët e disa strukturave, shteti kursen 42 mijë e 311 palë benevrekë në vit, në kuadër të “reformimit” të veshjeve të (zh)veshjeve të brendëshme të ushtarakëve dhe ndikimit, në uljen e borxhit të brendshëm të qeverisë, vendim që po jep efekt pozitiv.

Heqja e benevrekëve, për afro 60% të ushtarakëve është bërë 3 vite më parë, me VKM Nr. 14, datë 14.01.2015, me objekt: “Për disa ndryshime, në vendimin nr. 614, datë 7.9.2011, të Këshillit të Ministrave, “Për miratimin e kritereve dhe të normave të trajtimit me uniformë të ushtarakëve të Forcave të Armatosura të Republikës së Shqipërisë”.

Kujtojmë, që me VKM Nr. 614, datë 07.09.2011, ushtarakët i kishin benevrekët deri më 31 dhjetor 2013 por 3 vitesh ua kanë hequr, ndërsa ushtarakëve ët disa sektorëve të tjera, u kanë lënë vetëm nga 1 palë benevrekë, “lajë-thajë”, për 1, 2 e 3 vite.

Ja 5 strukturat, ku ushtarakëve u janë hequr fare benevrekët, nga kompleti veshmbathjes
Ushtarakët e gjithë strukturës së Forcës Tokëore-Ajrore, që stërviten me unifroma dhe veshëmbathje kamuflazh “Woodland”
Ushtarakët e gjithë strukturës së Batolioneve Komando, që stërviten dhe veprojnë me operacione në shkretëtira
Ushtarakët e gjithë strukturës së Batalionve të Forcave tokësore dhe operacioneve special
Ushtarakët e gjithë strukturës së Policisë ushtarake
Ushtarakët e strukturës së pilotimit “Pilotët”/Pamfleti

Qeveria u heq benevrekët komandove, pilotëve, policëve ushtarakë dhe zbuluesve, të tjerëve u lë nga 1 palë “laj-thaj” për 2-3 vjet, ja vendimi Read More »

Pakti i fshehtë Rama-Basha zbulohet nga Komisioni i Venecias, nuk preket sistemi zgjedhor. PS e PD tradhëtojnë aleatët që kërkojnë ndryshim. LSI në “qiell të hapur”

Politike / /

Lideri i PS dhe ai i PD kanë dalë në “habitatin” e tyre, atë të tradhëtisë ndaj aleatëve dhe të marrëveshjes mes tyre në vijim të 17 majit 2017 për të bashkëqeverisur politikën shqiptare.

Kur vjen puna për të ruajtur statusquonë politike, Edi Rama dhe Lulzim Basha e gjejnë për një sekondë gjuhën e përbashkët mes tyre.

Bëhet fjalë për sistemin zgjedhor proporcional rajonal sikurse është tani, për të cilin në mënyrë konspirative dhe pa dijeninë e aleatëve, ata kanë rënë dakord për të mos e ndryshuar.

Një sistem që në kushtet e tendencës për një politike dypolare në Shqipëri, tashmë që dhe LSI është në opozitë dhe s’mund të blejë vota me vende pune, është i destinuar që të jetë në favor të dy partive të mëdha, dhe në kurriz të partive të vogla, përfshirë dhe LSI.

Bëhet e ditur se Partia Socialiste dhe Partia Demokratike kanë arritur një pakt të fshehtë mes tyre për të mos e prekur sistemin zgjedhor aktual proporcional kombëtar, edhe pse kërkesat kryesore të aleatëve të tyre kanë qenë që të ndryshohet sistemi zgjedhor.

Ky pakt konfirmohet nga eksperti i Komisionit të Venecias, Iurie Ciocan, i cili po asiston Komisionin e Posaçëm të Reformës Zgjedhore.

Në raportin e hartuar nga eksperti zgjedhor konfirmohet fakti se PS-ja dhe PD-ja kanë kërkuar nga ndërkombëtarët asistencë për t’u dhënë të drejtën qytetarëve që janë jashtë vendit të votojnë, por me kushtin taksativ për të mos prekur sistemin aktual zgjedhor.

“Si Partia Socialiste (në qeveri), ashtu dhe Partia Demokratike në (opozitë) e mbështesin nevojën e miratimit të ndryshimeve në ligjin zgjedhor, që do t’u jepte mundësi qytetarëve shqiptarë që janë jashtë shtetit në ditën e zgjedhjeve të marrin pjesë në votim.

Vullneti i vendosur politik, i PD dhe PS është, në të njëjtën kohë, që të vazhdojnë ta mbajnë sistemin aktual zgjedhor dhe sistemin e shpërndarjes së mandateve siç është”, thekson raporti i ekspertit të Komisionit të Venecias.

Sistemi aktual proporcional kombëtar u garanton kryetarëve të partive pushtet absolut mbi zgjedhjen e kandidatëve. Sistemi zgjedhor u jep të drejtën krerëve të partive që të hartojnë listën e kandidatëve në çdo zonë zgjedhore dhe renditjen tyre në bazë të preferencave.

Po ashtu, ligji elektoral aktual favorizon partitë e mëdha, pasi zgjedhja e deputetëve bëhet në bazë të një formule matematike, e cila diskriminon partitë e vogla dhe ato parti që garojnë jashtë koalicioneve.

Në këtë mënyrë, Rama dhe Basha kanë dalë në “habitatin” e tyre, atë të tradhëtisë ndaj aleatëve dhe të marrëveshjes mes tyre në vijim të 17 majit 2017 për të bashkëqeverisur politikën shqiptare. Pa aleatë nëpër këmbë, por dhe pa mundësinë që kundërshtarëve brenda partive të riorganizohen në ndonjë organmizim tjetër politik./Pamfleti

Pakti i fshehtë Rama-Basha zbulohet nga Komisioni i Venecias, nuk preket sistemi zgjedhor. PS e PD tradhëtojnë aleatët që kërkojnë ndryshim. LSI në “qiell të hapur” Read More »

Ja cilat janë datat e provimeve të vjeshtës për 3 mijë e 500 maturantët mbetës

Arsim / /

Ata që i kaluan me sukses provimet e maturës, këto ditë të fundit të gushit janë në pritje të publikimit të listave të fituesve për në Universitet, të tjerët që nuk ia dolën të paktën në një nga testet e kanë edhe një mundësi të dytë.

Të hënën ata që rezultuan mbetës në provimin e Gjuhës së Huaj i kanë testuar sërish njohuritë në këtë provim.

Në total janë rreth 3 mijë e 5 maturantë të vlerësuar me notë negative, që duke nisur nga data 27 gusht do të japin provimet e vjeshtës.

I dyti është ai i Gjuhës Shqipe dhe do të zhvillohet më datën 30 gusht. Ky provim do të pasohet me atë të matematikës më datën 3 shtator, ndërsa testimi i fundit do të jetë ai i lëndëve me zgjedhje që do të zhvillohet më datën 7 shtator.

Tezat nuk do të jenë po ato në të cilat u testuan maturantët në qershor, por rezulton se niveli i vështirësisë do të jetë po i njëjti, me synim që të gjithë të vlerësohen në mënyrë të barabartë.

Por edhe këta maturantë e kanë një mundësi për të nisur studimet e larta. Regjistrimet për ta në portalin U-Albania do të nisin në raundin e dytë që fillon më 15 shtator dhe përfundon më datën 20 të po këtij muaji.

Po ata që kanë mesatare nën notën 6 dhe nuk mund të garojnë për një vend në Universitetet publike mund të ndjekin programet dy vjeçare profesionale.

Në total janë 49 programe të tilla kryesisht në fushat e veterinarisë, bujqësisë, apo mekanikës.

Ja cilat janë datat e provimeve të vjeshtës për 3 mijë e 500 maturantët mbetës Read More »

Arta Marku hap dosjen e koncensioneve në shëndetësi, Ilir Beqja nën “shënjestrën” e SHBA që kërkojnë hetim të thelluar. Edhe Manastirliu do të pyetet

Aktualitet / /

Konflikti i interesit që kishte Adriatik Llalla me hetimin e këtyre koncensioneve për shkak të bashkëshortes solli mbylljen në maj të vitit të kaluar.

Kryeprokurorja, nën presionin e organeve ligjzbatuese amerikane dhe mbështetur dhe në këtë fakt do të rikthejë për hetim dosjen “Beqja”.

Kur ka kaluar vetëm një vit nga pushimi i hetimeve nga ana e prokurorisë së Tiranës për koncesionet në shëndetësi, pritet të rihapet sërish dosja e këtij abuzimi që i kalon 500 milionë eurot.

Presioni i organeve ligjzbatuese amerikane ndaj kryeministrit Edi Rama që të lëshojë mikun e tij, ish ministrin e Shëndetësisë Ilir Beqja, por dhe ndaj Arta Markut që të hetojë pa asnjë dallim abuzuesit me paratë e shtetit, ka bërë që hetimi i koncensioneve në shëndetësi të rihapet.

Burime zyrtare nga Prokuroria e Përgjithshme bëjnë me dije se hetimi do të startojë brenda vitit dhe se do të merren në pytje jo vetëm ish ministri i Shëndetësisë Ilir Beqja, ish zëvendësministri Klodian Rrjepaj e Ardjana Llallaj, bashkëshortja e ish kryeprokurorit Adriatik Lalla, por dhe ministrja aktuale Ogerta Manastirliu dhe drejtuesit aktualë.

Burimi brenda organit të akuzës bën me dije se shkak për rihapjen e dosjes së koncesioneve në shëndetësi, të pushuar në maj të vitit të kaluar, ka qënë dhe gjykimi se konflikti i interesit që ka përfshirë këtë hetim, ka ndihmuar në pushimin e saj.

Fjala është për përfshirjen e bashkëshortes së Adriatik Llallës, në atë kohë Prokuror i Përgjithshëm në këtë aferë të rëndë të abuzimit me paratë e qytetarëve, ku shtetit i është shkaktuar një dëm prej 500 milionë eurosh.

Në maj 2017, Prokuroria e Tiranës i ka pushuar hetimet për dosjen “Beqja”, në të cilën u verifikuan tre koncesione në fushën e shëndetësisë.

Në përfundim të hetimeve që nisën në dhjetor të vitit 2015 për akuzat e shpërdorimit të detyrës dhe korrupsionit, prokuroria e Llallës në atë kohë është shprehur se nuk ka gjetur elementë të veprave penale të shpërdorimit të detyrës dhe korrupsionit.

Pas pyetjes për dhjetra zyrtarë në Ministrinë e Shëndetësisë dhe dokumenteve të sekuestruara për këtë qellim nga ky dikaster, prokurori u përgjigj se nuk janë kryer veprime të dyshimta përgjatë dhënies me koncesion të:

Kontrollit mjekësor me vlerë 120 milionë euro, as në koncesionin e hemodializës me vlerë 86 milionë dollarë, si dhe në koncesionin e sterilizimit të pajisjeve kirurgjikale me vlerë 100 milionë dollarë dhe 145 milionë lekë ishte fondi limit për ilaçin e kancerit.

Dhe për hir të së vërtetës nuk kishte si të hetonte Llalla për abuzim bashkëshorten e tij Ardjana, e cila ka përfituar pjesën e saj sidomos tek “check-up”-i apo kontrolli mjekësor, duke kontribuar në mënyrë të drejtëpërdrejtë në këtë abuzim të përmasave marramendëse.

Ndaj Arta Marku do të rihapë hetimin për këtë dosje dhe tashmë është në fazën e ngritjes së grupit të prokurorëve për ta marrë në shqyrtim atë.

Mësohet se kryeprokurorja e re e Tiranës Elizabeta Imeraj, do të jetë njeriu që do të përcaktojë prokurorët dhe afatet e hetimit të koncensioneve në shëndetësi./Pamfleti

Arta Marku hap dosjen e koncensioneve në shëndetësi, Ilir Beqja nën “shënjestrën” e SHBA që kërkojnë hetim të thelluar. Edhe Manastirliu do të pyetet Read More »

Armina Mevlani ndahet nga Shkëlzen Berisha

Opinione, ShowBiz / /

Nga Bledi Mane

E kishte kapur disa herë mat por per shkak te lekëve, i duhej ta toleronte. Nje nga vajzat e papuna te rruges “Myslym Shyri” ne Tirane , Armina Mevlani, ish e dashura e djalit te papunë të Sali Berishes, eshte ndare nga Shkelzeni. Djali i vetem i ish presidentit dhe kryemistrit demokrat Berisha, e kishte tepruar shoqerine e tij me djalin e ish presidentit socialist Rexhep Meidani. Denion Meidani, nje nga homoseksualet me te parregullt e më të konsumuar te Tiranes pati depertuar ne familjen e djalit te Saliut duke shkaterruar keshtu edhe zakonet kanunore, edhe traditat fisnore.

Pavaresisht katrahures, ne te gjithe kete mesele bajate më e humbura doli Armina Mevlani e cila kurre nuk u martua dhe kurre nuk lindi femije me djalin e Saliut. Fundja Sali Berishes i intereson me shume krushqia e re me Rexhep Meidanin se ne kete menyre mban lidhje delikate me Edi Ramen.

Kemi vettingun neper kembe. Sakrifikojme Arminen, fitojme djalin e Rexhepit e njekohesisht fitojme edhe mos ndëshkimin!!!

Armina Mevlani ndahet nga Shkëlzen Berisha Read More »

Ky burrë misionar ka zbuluar arsyen pse fëmijët jetimë nuk qajnë, përgjigja të copëton shpirtin

Kuriozitete / /

I keni parasysh ato zgjimet e shpeshta gjatë natës për të shkuar pranë fëmijës që qan? Sa herë na ka ndodhur të qëndrojmë zgjuar për shumë net me rradhë si pasojë e kolikave? Po si pasojë e dhimbjeve të veshit? Duket se arsyet që një fëmijë qan, sidomos nëse është i porsalindur janë të shumta. E megjithatë, “Dayna Mager” është përballur me një realitet krejt ndryshe ndërsa ajo ka qënë në një konferencë. Gjithcka që ajo shkruan në lidhje me atë që ka ndodhur është:

“Për mua dhe Matt ishte hera e parë që e linim vajzën tonë Luella vetëm për të shkuar në një konferencë pune. E ndërsa ishim në atë sallë të madhe, një misionar ndau me ne një eksperiencë shumë të trishtë. Gjithcka kishte ndodhur ndërsa ai ishte në një mision në Ugandë ashtu sic kishte qënë edhe dhjetra herë të tjera. Por kësaj rradhe ishte ndryshe, tani i duhej të ecte midis një dhome të mbushur me rreth 100 shtretër brenda secilit ndodhej një bebe e braktisur nga prindërit. Ishte pikërisht në një jetimore! Ajo që e cudiste më shumë ishte fakti që edhe pse ishin rrth 100 të porsalindur zhurma e vetme që dëgjonin veshët e tij ishte qetësia.

Brenda tij lindi pyetja “si ka mundësi”? Ishte e dhimbshme të dëgjonte një përgjigje të tillë “ Pasi i sollën këta fëmijë ata qanë për disa orë dhe më pas ata ndaluan së qari, ndaluan pasi e kuptuan se edhe pse kishin shumë kohë që e bënin askush nuk erdhi për t’i qetësuar! Askush nuk erdhi as për 10 minuta, as për 4 orë dhe ndoshta nuk do të vijë kurrë”! Në atë auditor m’u thye zemra, mu thye zemra dhe i premtova vetes se do të shkoja pranë vajzës time në cdo moment që ajo do të ishte duke qarë, edhe nëse do të ishte ora 02:00 e mëngjesit, edhe nëse do të qante si pasojë e një zgënjimi kur të ishte në moshë të madhe, do të isha gjithmonë për të në cdo moment”!

Dyna Mager ka postuar ne rrjetin social facebook foton me vajzen e saj Luella.

Fati i disa fëmijëve është vërtet tragjik! Dhe ta mendosh se disa prindër kalojnë vitet e tyre të rinisë nëpër klinika fertilizimi duke u përpjekur të sjellin në jetë një fëmijë! Ndërsa në një anë të botës ndodh kjo përpjekje për t’u bërë prind, në anën tjetër ndodh që disa “prindër” brakstisin fëmijën e tyre dhe vazhdojnë jetën sikur ajo shtatëzani të mos kishte ekzistuar kurrë!

Ky burrë misionar ka zbuluar arsyen pse fëmijët jetimë nuk qajnë, përgjigja të copëton shpirtin Read More »

Të pathënat rreth vezëve që aq shumë i hamë, çelësi i gatimit të tyre është…

Kulinari / /

Studime të ndryshme nga Universiteti i Konektikat në Shtetet e Bashkuara të Amerikës arritën në dy konkluzione mbi nje produkt qe ne e konsumojme shume. I pari ishte se vezët ndër të tjera përmirësojnë nivelin e kolesterolit të mirë dhe përbërjen e kolesterolit të keq.

Studimi i dytë sugjeroi se konsumi i tre vezëve në ditë për 30 ditë me rradhë zmadhonte grimcat e kolesterolit të mirë, por nuk ndryshon asgjë në ekuilibrat e kolesterolit të mirë dhe të keq.

Një gjë e tillë nënkupton se vezët nuk janë faktor në rrezikun e sëmundjeve koronare.

Studime të tjera nuk kanë arritur të zbulojnë lidhje të forta mes konsumit të vezëve, ishemisë dhe sëmundjeve të zemrës.

Në vitin 2013, tetë studime të ndryshme të publikuara në Revistën Mjekësore BMJ, tue cilave u referohet AgroWeb.org konfirmuan se ngrënia e një veze në ditë nuk shkakton as sëmundje zemre dhe as ishemi.

Studimet u bazuan në analizat shëndetësore të gjysëm milionë njerëzve të përfshirë në studim në harkun kohor të tetë dhe njëzet e dy viteve.

Në vitin 2016, shtatë studime të tjera zbuluan se konsumi i më shumë se 7 vezëve në javë e ul rrezikun e ishemisë me 12 përqind.

Shumë studime kanë sugjeruar se diabetikët duhet të tregojnë kujdes me sasinë e kolesterolit dietik por edhe konsumin e vezëve.

Por dy studime shkencore arritën në konkluzion të njëjtë. Vezët janë të sigurta edhe për diabetikët, madje nuk rrisin nivelin e sheqerit në gjak apo të triglicerideve.

Sipas ekspertëve, problemi me vezët qëndron tek përdorimi i yndyrës. Nëse vezët skuqen me shumë gjalpë apo shoqërohen me mishra të përpunuar siç janë salçicet apo sallamrat, atëherë ato rrisin kolesterolin e keq dhe rrisin rrezikun e sëmundjeve të zemrës.

Sipas të dhënave të AgroWeb.org një vezë mesatare ka vetëm 1.5 gramë yndyrë të ngopur, 72 kalori, 70 miligramë sodium.

Një pjatë me vezë, sallam e djathë ka 12 gramë yndyrë të ngopur, 450 kalori dhe 1,290 miligramë sodium.

Studimet klinike nga ana tjetër e kanë patur të pamundur të zbulojnë ndikimin afatgjatë të ngrënies së vezëve. Shkencëtarët janë ende të paqartë mbi mënyrën se si faktorët genetikë apo mikrobioma e stomakut ndërvepron me konsumin e vezëve.

Sidoqoftë, vezët mbeten të mira dhe pa ndonjë efekt madhor negativ në organizëm. Çelësi i suksesit të vezëve qëndron tek mos përdorimi i yndyrës dhe kripës.

Të pathënat rreth vezëve që aq shumë i hamë, çelësi i gatimit të tyre është… Read More »