Aurora

Problemet shëndetësore që shkaktohen nga ajri i kondicionuar

Shendetesi / /
Ajri i kondicionuar është një lehtësim që na mirëpret kudo në verë: në zyrë, në supermarket, në autobus, në makinë dhe në shtëpi. Megjithatë, duhet pasur kujdes dhe gjithashtu duhen marrë parasysh pasojat negative.

Përveç dhimbjes klasike të fytit dhe qafës së ngurtë, përdorimi i tepërt i ajrit të kondicionuar është një kërcënim për mirëqenien tonë. Para së gjithash, duhet patur parasysh se është e dëmshme kur prodhon thatësi të tepruar në mjedis. Përdorimi i saj me kujdes është mënyra më e mirë për të përfituar nga një prej aleatëve tanë më të mirë kundër të nxehtit.

Le të shohim se cilat janë efektet në shëndetin tonë:

Çrregullime të frymëmarrjes

Ndikimi i parë i ajrit të kondicionuar ndodh në sistemin e frymëmarrjes, shumë i ndjeshëm ndaj ndryshimit të papritur të temperaturave. Stresi që prodhon kalimi nga nxehtësia shtypëse në të ftohtët e një supermarketi ose një zyre mund të shkaktojë më shumë se një shqetësim. Për më tepër, qarkullimi i kufizuar i ajrit e ekspozon trupin tonë ndaj infeksioneve respiratore dhe mund të shkaktojë probleme të fytit.

Ata që shpenzojnë shumë orë në një mjedis me ajër të kondicionuar kanë më shumë gjasa të vuajnë nga sëmundje që prekin hundën dhe problemet më serioze të saj, siç është rhinitis.

Infeksionet virale

Një tjetër pasojë e zakonshme e ajrit të kondicionuar është rritja e infeksioneve virale, shpesh të favorizuara nga një sistem imunitar disi i dobësuar. Në një dhomë me ajër të kondicionuar dritaret duhen mbajtur të mbyllura; ajri qarkullon, por nuk ka ajër të pastër.

Ajri i ftohtë mund të transmetojë virusin e ftohjes, gripit dhe baktereve të tjera. Shkurtimisht, nga kjo pikëpamje, një shtëpi pa ajër të kondicionuar është shumë më e shëndetshme.

Dehidratim

Dehidrimi është një tjetër pengesë për ata që kalojnë shumë orë në një dhomë me ajër të kondicionuar. Ndjenja e mirëqenies që ndiejmë është përcaktuar kryesisht nga fakti që kondicioneri filtron dhe heq lagështinë. Për më tepër, temperatura e ulët redukton nevojën për të pirë; rreziku, pra, është që në fund të ditës të jeni të dehidratuar.

Dhimbje koke

Dhimbjet e kokës janë një nga efektet anësore më të zakonshme që sjell përdorimi i ajrit të kondicionuar për orë të tëra, veçanërisht kur dallimi mes temperaturave jashtë dhe brenda është i dukshëm.

Thatësi syri

Thatësia e syrit, shpesh e shoqëruar me kruajtje, skuqje dhe acarim syri është një tjetër efekt negativ, sidomos tek njerëzit të cilët tashmë kanë tendencë të vuajnë nga ky problem.

Në fakt, thatësia e syrit bëhet më e keqe kur kaloni shumë orë në një ambient me ajër të kondicionuar. Nëse ky është problemi juaj, atëherë ne ju rekomandojmë që ta përdorni ajrin e kondicionuar me moderim.

Redukton aftësinë për të përballuar të nxehtin

Nëse kaloni një kohë të gjatë të ekspozuar ndaj ajrit të kondicionuar, ju mund të bëheni më intolerantë ndaj temperaturave të nxehta.

Mbani mend se trupi stresohet kur kalon nga një mjedis i freskët artificial në nxehtësinë e zjarrtë. Ndryshimet e papritura të temperaturës shpesh kanë një ndikim negativ në shëndet.

Ajri i kondicionuar, në momentet më kritike të verës, është një lehtësim, veçanërisht për të moshuarit dhe më të dobëtit. Megjithatë, ana tjetër e monedhës janë efektet negative. Prandaj, zgjidhja është një përdorim i përgjegjshëm dhe i moderuar i sistemeve të kondicionimit të ajrit. /atsh

Problemet shëndetësore që shkaktohen nga ajri i kondicionuar Read More »

“Nostradamusët” Berisha, Meta, Rama, Basha dhe telepatia e “fallxhore” Monës, parashikojnë rënie zjarri edhe në 30 arkiva të tjera

Politike / /

Flakët po shpërthejnë, vetëm në institucione ku qarkullojnë lekë, troje, toka, licenca, koncesione dhe dosje gjyqesh “VIP”
Ndryshe nga viti i kaluar, që zjarret binin në pyje, zjarret këtë stinë vere, po bien vetëm në institucione shtetërore dhe brenda 1 jave, kanë rënë 3 zjarre në Arkivën e Agjencinë Kombëtare të Shoqërisë së Informacionit (AKSHI), në Arkivën e Gjykatës së Lartë dhe në Zyrën e Kryetarit të Dhomës Kombëtare të Avokatisë, por flitet se zjarret, do vazhdojnë të bien “rastësisht” dhe në institucione të tjera, ku ka arkiva pronash, tenderësh, donacionesh, koncesionesh, licenca guroresh, spitalesh, universitetesh private, lejesh ndërtimi e dosje me “punë lekësh shteti”.

Këtë rrezik zjarresh në zyrat e shtetit, Zoti e ka përcjell nëpërmjet 4 “nostradamusëve” të politikës shqiptare Berisha, Meta, Rama e Basha, të cilët të mbledhur mesnatën e 4 ditëve më parë, pasi kanë parë pozicionin e yjeve mbi sarajet dhe vilat e tyre, kanë parashikuar, se në cilat arkiva shtetërore, do të bien zjarret “rastësore” gjatë muajit në vazhdim, parashikim që duhet besuar, mbasi ata e dinë mirë se kujt i vjen, dmth, kujt duhet t’i vijë rrotull zjarri, siç u doli parashikimi, me zjarrin në arkivën e AKSHI-t dhe të Gjykatës së Lartë.

Sipas parashikimit, që ka bërë grupi i 4 “nostradamusve” Berisha, Meta, Rama, Basha, mbështetur dhe në “telepatinë” e vërtetuar të “fallxhore” Monës, thuhet se zjarre “rastësore”, do të bien edhe në këto arkiva zyrash shteti.

Ja parashikimi, se ku mund të bien zjarre “rastësore”

  1. Bashkia Durrës, arkiva e financës, lejeve të ndërtimit dhe tenderëve, Bashkia Durrës
  2. ILDKP, arkiva e pasurive të shtetarëve
  3. Bashkia Tiranë, arkiva e tenderëve dhe donacioneve,
  4. Hipotekat Tiranë, Vlorë, Shkodër, Durrës, Fier, Korçë
  5. OSHEE, arkiva e financës dhe tenderëve
  6. AKBN, arkiva e licencave të gruroreve, naftës, minierave
  7. Federata Shqiptare e Futbollit, arkiva e financës, donacione, reklama, kontrata
  8. Agjencia e Pronave, arkiva e financës së kompensimeve
  9. Ministria e Shëndetësisë, arkiva e koncesione-tenderëve
  10. FSDKSH, arkiva e rimbursimit të ilaceve
  11. SHISH, arkiva e përgjimit të shtetarëve e politikanëve
  12. Drejtoria e Rrugëve, arkiva e fianncës dhe tenderëve
  13. Prokororia e Përgjithshme, Arkiva e dosjeve “VIP”
  14. ALBPETROL, arkiva e financës dhe Tendera-Koncesioneve
  15. Porti Detar Durrës, arkiva e hyrje-daljeve të anijeve të mallrave
  16. Drejtoria e Lojërave të Fatit, arkiva e licencave dhe të ardhurave
  17. Autoriteti Konkurencës, Arkiva e transaksioneve të bizneseve
  18. AKEP, arkiva e licencave të kompanive celulare e kontratave të tjera
  19. ALBCONTROL-Rinas, arkiva financiare
  20. Ministria e Kulturës, arkiva e licencimeve, koncesioneve, fondeve të krijimtarisë
  21. Ministria e Arsimit, arkiva e njohjes së diplomave të huaja
  22. Ministria e Brendshme, arkiva e sekustrimit të sendeve me vlerë
  23. KESH, arkiva e tenderëve, prodhim HEC-esh dhe import energjie elektrike
  24. RTSH, arkiva e të ardhurave nga reklamat, udhëtimet jashtë shtetit dhe shpërblimet
  25. AZHBR, arkiva e kredive që janë dhënë për fermërët
  26. Ministria e mjedisit, arkiva e koncesoneve të landfilleve të plehrave
  27. Ministria e Mbrojtjes, arkiva e dosjes së biznesit të Gërdecit
  28. Garda e Republikës, arkiva e operacionit të veprimeve më 21 janar 2011
  29. PS, PD, LSI, arkiva e pazareve për koaliconet qeveritare. (Me arkivën e Gjykatës së Lartë, U KRY, parashikimi zjarrit u doli para 2 ditësh)./Pamfleti

“Nostradamusët” Berisha, Meta, Rama, Basha dhe telepatia e “fallxhore” Monës, parashikojnë rënie zjarri edhe në 30 arkiva të tjera Read More »

Bankers dhe Bashkia e Fierit, investime të përbashkëta në shërbim të komunitetit

Aktualitet / /

Projekte dhe investime të përbashkëta në shërbim të komunitetit mes Bashkisë së Fierit dhe kompanisë së naftës Bankers.

Kjo ishte tema e takimit që zhvilloi Kryetari i Bashkisë së Fierit, Armando Subashi me Drejtorin e Përgjithshëm të Bankers, Xingyun Sun.

Takimi thekso rëndësinë e bashkëpunimit, kryesisht me kompanitë me impakt të dukshëm në ekonominë e qytetit të Fierit.

“Bashkëpunim për më shumë investime dhe mirëqenie”, u shpreh Subashi, pas këtij takimi.

Bankers Petroleum është kompania më e madhe e prodhimit të naftës në vend. Kompania vepron dhe ka të drejta për të zhvilluar vendburimin e naftës së rëndë në Patos-Marinzë dhe me interes 100% në vendburimin e naftës në Kuçovë./atsh

Bankers dhe Bashkia e Fierit, investime të përbashkëta në shërbim të komunitetit Read More »

Kurban Bajrami, mijëra besimtarë myslimanë falin namazin në sheshin “Skënderbej”/Foto

Aktualitet / /

Me mijra besimtarë myslimanë falën sot në orën 05.30, namazin e Bajramit në sheshin “Skënderbej” në kryeqytet.

Kreu i Komunitetit Mysliman Shqiptar, Skënder Bruçaj, në mesazhin e tij bëri thirrje për më shumë solidaritet, dashuri dhe paqe mes njerëzve.

“Le të lutemi në këto ditë të begata ky mbizotëron përkujdesja hyjnore që dashuria, mëshira, bujaria, dhe sinqeriteti të mbizotërojë në zemrat e njerëzve, në mënyrë që shoqëria jonë të mos përjetojë tragjedi dhe vuajtje. Le t’i gëzohemi së bashku kësaj dite të begatë, në të cilën shpresat, dëshirat dhe ëndrrat tona kthehen nga i Plotfuqishmi dhe realizimi i këtyre aspiratave le të pasqyrohet në aktet dhe veprimet tona në ndihmë të atyre që kanë nevojë për ngrohtësinë, dashurinë dhe vëmendjen e të gjithëve ne.Mirësia dhe Begatia mbretëroftë në shtëpitë dhe sofrat tona”, u shpreh Skënder Bruçaj, kryetar i Komitetit Mysliman në Shqipëri.

Ndërsa nënkryetari i KMSH-së z. Bujar Spahiu mbajti ligjëratën para faljes së namazit të Kurban Bajramit.

“Sot është Kurban Bajrami, festa që simbolizon, sakrificën sublime të njeriut të përsosur, dhe shënjon kulmin e bindjes, besnikërisë dhe dashurisë ndaj Allahut të plotfuqishëm. Kuptimi i kurbanit dhe sakrificës në Islam, nuk qëndron në derdhjen e gjakut të një kafshe, por në aktin e bindjes” tha ndër të tjera z. Spahiu.

Falja e Namazit të Kurban Bajramit u drejtua nga nënkryetari i Komunitetit Mysliman z. Bujar Spahiu, më pas besimtarët dëgjuan hytben e mbajtur nga Myftiu i Tiranës, Ylli Gurra.

Ndërsa Drejtori i Kulturës në KMSH. Dorian Demetja, i cili moderoi programin, u shpreh se Kurban Bajrami është festa e mirësisë, bashkëpunimit, vëllazërimit dhe e mirënjohjes. Kurban Bajrami është një festë për të gjithë, prandaj ti ndajmë të mirat material me të afërmit dhe nevojtarët.

Në fund, besimtarët shkëmbyen mes tyre urimet më të përzemërta për këtë festë të dashurisë dhe sakrificës. Mes urimesh dhe lutjesh besimtarët u larguan nga sheshi për të kryer obligimin e bërjes së kurbanit, si dhe për të kryer vizita te të afërmit e tyre.

Kurban Bajrami është festa që simbolizon, midis të tjerash, sakrificën sublime të babait të profetëve, Ibrahimit a.s. Me emrin e kësaj feste janë të lidhura ngjarje madhore që kanë ndryshuar rrjedhën e historisë, si: rindërtimi i Qabes, haxhi, emërtimi “mysliman”, etj.

Kurbani paraqet materializimin e nijetit dhe të gatishmërisë, që në emër të Allahut të flijohet. Përveç aspektit shpirtëror të kurbanit, është i rëndësishëm edhe aspekti social i tij, ndihma për atë që nuk ka, në mënyrë që të gjithë së bashku të festojmë këtë festë islame. /atsh

Kurban Bajrami, mijëra besimtarë myslimanë falin namazin në sheshin “Skënderbej”/Foto Read More »

Rama uron Bajramin me pamje të xhamive të restauruara

Aktualitet / /

Kryeministri Edi Rama zgjodhi sot të urojë besimtarët myslimanë me rastin e festës së Kurban Bajramit, me pamje nga kantieret e shumta të punës për rimëkëmbjen e xhamive në mbarë vendin.

Përmes një poistimi në rrjetin social “Facebook”, Kryeministri Rama thekson se këto  xhami janë pjesë e thesarit tonë të trashëgimisë historike e kulturore.

“Mirëmëngjes dhe me këto pamje nga kantieret e shumta të punës për rimëkëmbjen e xhamive në mbarë vendin që janë pjesë e thesarit tonë të trashëgimisë historike e kulturore, ju uroj të gjithë besimtarëve myslimanë GËZUAR KURBAN BAJRAMIN”, shkruan Kryeministri Rama.

Xhamia Mbret në Berat, xhamia e Beqarëve Berat, teqeja Helvetive Berat, xhamia e Et’hem Beut Tiranë, xhamia e Pazarit Gjirokastër dhe xhamia e Gjin Aleksit Delvinë, janë disa prej objekteve të kultit që janë përfshirë në listën e restaurimeve./atsh

https://www.facebook.com/edirama.al/videos/300479780758101/?t=0

Rama uron Bajramin me pamje të xhamive të restauruara Read More »

Siguria ushqimore, AKU bllokon 2 lokale në Llogara

Aktualitet, Problematika, Te fundit nga zona, Turizem / /

Gjatë aksionit që Autoriteti Kombëtar i Ushqimit po ushtron në zonat bregdetare, trupa inspektuese DRAKU, Vlorë ka evidentuar 2 subjekte, me aktivitet “Restorant” dhe “Piceri” ku kryenin veprimtari në kundërshtim me standardet e sigurisë ushqimore si dhe në kushte të rënda higjieno-sanitare.

Ndaj dy subjekteve janë marrë masë administrative gjobë (për kushte të rënda higjieno-sanitare dhe produkte të skaduara), si dhe bllokim të pjesshëm të aktivitetit.

Autoriteti Kombëtar i Ushqimit inkurajon të gjithë qytetarët të denoncojnë çdo rast, çdo tentativë abuzimi, pranë Autoritetit Kombëtar të Ushqimit në [email protected] si dhe pranë portalit të bashkëqeverisjes “Shqipëria që duam” Siguria Ushqimore është një sfidë e përbashkët.

Autoriteti Kombëtar i Ushqimit, siguron se është në çdo kohë në aksion për identifikimin, kontrollin, evidentimin, dënimin dhe ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e Sigurisë ushqimore./atsh

Siguria ushqimore, AKU bllokon 2 lokale në Llogara Read More »

Kalaja e Beratit, rreth 15 mijë vizitorë gjatë 20 ditëve të para të gushtit

Aktualitet, Turizem / /

Monumentet e kulturës vijojnë të mbeten atraksioni turistik i preferuar për turistët e huaj dhe vendas në këtë sezon veror. Gjatë 20 ditëve të para të muajit gusht kalaja e Beratit është vizatuar nga 14669 vizitorë, mes të cilëve 9612 kanë qenë vizitorë të huaj.

Berati është një ndër qytetet më interesantë dhe tërheqës, i cili çdo vit e më shumë po tërheq turistë të huaj dhe vëmendjen e mediave të huaja, ku ky qytet është i pranishëm në shkrimet që bëhen për Shqipërinë, kjo edhe për faktin se është trashëgimi botërore e UNESCO-s.

Kalaja e Beratit është një ndër pikat turistike e cila ka një numër vizitorësh që vjen gjithnjë në rritje. Ajo përbën një nga atraksionet turistike më të preferuara në Shqipëri për turistët e huaj dhe ata vendas.

Kalaja e Beratit është një nga monumentet më të mëdha historike të Ballkanit, një fortesë e madhe që sundon mbi lumin Osum. Kalaja është ngritur sipas një plani në formë trekëndëshi. Kjo kala, po të shihet nga poshtë, duket si pjesë e kodrës. Kulla e hyrjes së brendshme është e bërë nga blloqe guri, që u përkasin fortifikimeve ilire, të cilat janë ndërtuar në shekujt IV-II p.e.r. Maja e kodrës është e rrethuar me një mur të jashtëm periferik me 24 kulla. Në brendësi të kësaj kalaje ndodhen rreth 14 kisha, të cilat e kanë bërë mjaft të dëgjuar atë.

Disa prej tyre janë: Kisha e Shën Triadhës, e cila i përket fundit të shek. XIII dhe fillimit të shek. XIV. Në brendësi të saj ka afreske mjaft interesante. Pas kishës së Shën Todrit gjenden kishat e Shën Kollit, Shën Kostandinit, Shën Helenës, Shën Mërisë Vllaherna etj.

Muzeu i Ikonave Onufri: Ndodhet në lagjen Kala dhe përmban disa nga shembujt më të bukur të artit fetar në Shqipëri. Muzeu u hap në vitin 1986, emrin e ka marrë prej piktorit të madh të shek. XVI të shkollës shqiptare Onufrit. Me mbi 210 objekte muzeale, 60 prej të cilave të shpallura si monumente të kategorisë së parë, Berati konsiderohet si një nga qytetet me trashëgiminë më të pasur kulturore, jo vetëm në Shqipëri, por edhe në rajon./atsh

Kalaja e Beratit, rreth 15 mijë vizitorë gjatë 20 ditëve të para të gushtit Read More »

Rritet besimi i komunitetit te Policia e Shtetit

Aktualitet / /

Rritja e besimit të komunitetit te Policia e Shtetit mbetet një prioritet për forcat e rendit.

Zyrat e Pritjes së Qytetarëve në Policinë e Elbasanit janë përherë të hapura dhe në shërbim të komunitetit.

“Jam Ornela, së bashku me koleget e tjera u kemi shërbyer mijëra qyetarëve të qarkut Elbasan të cilët janë paraqitur në zyrën e pritjes së qytetarëve. Falë punës, përkushtimit nga ana jonë kemi arritur të rrisim besimin e komunitetit te Policia e Shtetit, pasi për çdo problematik që qytetarët i janë drejtuar Policisë për zgjidhje, i kemi adresuar problemet në personat e duhur ku dhe zgjidhjet kanë ardhur në kohë”, shprehet një punonjëse e policisë së Elbasanit./atsh

Rritet besimi i komunitetit te Policia e Shtetit Read More »