Aurora

Konflikti i interesit që kishte Adriatik Llalla me hetimin e këtyre koncensioneve për shkak të bashkëshortes solli mbylljen në maj të vitit të kaluar.

Kryeprokurorja, nën presionin e organeve ligjzbatuese amerikane dhe mbështetur dhe në këtë fakt do të rikthejë për hetim dosjen “Beqja”.

Kur ka kaluar vetëm një vit nga pushimi i hetimeve nga ana e prokurorisë së Tiranës për koncesionet në shëndetësi, pritet të rihapet sërish dosja e këtij abuzimi që i kalon 500 milionë eurot.

Presioni i organeve ligjzbatuese amerikane ndaj kryeministrit Edi Rama që të lëshojë mikun e tij, ish ministrin e Shëndetësisë Ilir Beqja, por dhe ndaj Arta Markut që të hetojë pa asnjë dallim abuzuesit me paratë e shtetit, ka bërë që hetimi i koncensioneve në shëndetësi të rihapet.

Burime zyrtare nga Prokuroria e Përgjithshme bëjnë me dije se hetimi do të startojë brenda vitit dhe se do të merren në pytje jo vetëm ish ministri i Shëndetësisë Ilir Beqja, ish zëvendësministri Klodian Rrjepaj e Ardjana Llallaj, bashkëshortja e ish kryeprokurorit Adriatik Lalla, por dhe ministrja aktuale Ogerta Manastirliu dhe drejtuesit aktualë.

Burimi brenda organit të akuzës bën me dije se shkak për rihapjen e dosjes së koncesioneve në shëndetësi, të pushuar në maj të vitit të kaluar, ka qënë dhe gjykimi se konflikti i interesit që ka përfshirë këtë hetim, ka ndihmuar në pushimin e saj.

Fjala është për përfshirjen e bashkëshortes së Adriatik Llallës, në atë kohë Prokuror i Përgjithshëm në këtë aferë të rëndë të abuzimit me paratë e qytetarëve, ku shtetit i është shkaktuar një dëm prej 500 milionë eurosh.

Në maj 2017, Prokuroria e Tiranës i ka pushuar hetimet për dosjen “Beqja”, në të cilën u verifikuan tre koncesione në fushën e shëndetësisë.

Në përfundim të hetimeve që nisën në dhjetor të vitit 2015 për akuzat e shpërdorimit të detyrës dhe korrupsionit, prokuroria e Llallës në atë kohë është shprehur se nuk ka gjetur elementë të veprave penale të shpërdorimit të detyrës dhe korrupsionit.

Pas pyetjes për dhjetra zyrtarë në Ministrinë e Shëndetësisë dhe dokumenteve të sekuestruara për këtë qellim nga ky dikaster, prokurori u përgjigj se nuk janë kryer veprime të dyshimta përgjatë dhënies me koncesion të:

Kontrollit mjekësor me vlerë 120 milionë euro, as në koncesionin e hemodializës me vlerë 86 milionë dollarë, si dhe në koncesionin e sterilizimit të pajisjeve kirurgjikale me vlerë 100 milionë dollarë dhe 145 milionë lekë ishte fondi limit për ilaçin e kancerit.

Dhe për hir të së vërtetës nuk kishte si të hetonte Llalla për abuzim bashkëshorten e tij Ardjana, e cila ka përfituar pjesën e saj sidomos tek “check-up”-i apo kontrolli mjekësor, duke kontribuar në mënyrë të drejtëpërdrejtë në këtë abuzim të përmasave marramendëse.

Ndaj Arta Marku do të rihapë hetimin për këtë dosje dhe tashmë është në fazën e ngritjes së grupit të prokurorëve për ta marrë në shqyrtim atë.

Mësohet se kryeprokurorja e re e Tiranës Elizabeta Imeraj, do të jetë njeriu që do të përcaktojë prokurorët dhe afatet e hetimit të koncensioneve në shëndetësi./Pamfleti

Në qytetin e Vlorës vazhdon puna për rikualifikimin e bulevardit “Ismail Qemali”, i cili do të ketë një pamje moderne, ku do të dominojë gjelbërimi dhe mjediset shlodhëse dhe argëtuese.
Punimet janë përqendruar në pjesën e parë, nga rrethrrotullimi pranë Lungomares deri në kryqëzimin me rrugën “Petrit Bisha”, ndërsa javën e ardhshme do të fillojë puna në segmentin nga kryqëzimi i “Cipajve” deri te shkolla industriale, transmeton atsh.

Segmenti ku do të punohet është rreth 300 metra. Gjatë punimeve kryqëzimi i “Cipajve” do të qëndrojë i hapur për të penguar sa më pak qarkullimin e mjeteve dhe qytetarëve.

Projekti për rikualifikimin urban të bulevardit “Ismail Qemali” në Vlorë filloi në pranverë të këtij viti.

Ai financohet nga qeveria shqiptare me mbështetjen e Bankës së Këshillit të Europës dhe zbatohet nga Fondi Shqiptar i Zhvillimit në kuadër të programit “Punët në Komunitet IV”.

SNMCMG2 (Grupi 2 i Gatshëm i Kundërzbulimit të NATO-s), Forca e NATO-s për Veprim të Shpejtë në Kundërpërgjigje ndaj Minave, zhvilloi këtë javë stërvitje me Flotën Ushtarake shqiptare në Vlorë.

Në faqen zyrtare të Ambasadës së SHBA-së në Tiranë janë publikuar foto nga stërvitja e përbashkët.

Ndërsa komandanti i SNMCMG2 është shprehur: “Shumë faleminderit për pritjen e ngrohtë në Vlorë. Ishte një vizitë e shkëlqyer dhe e suksesshme në det me flotën ushtarake shqiptare. Faleminderit për kohën e bukur që kaluam me miqtë tanë të ALS Butrinti dhe ALS Orikum”.