Aurora

“Gjykata italiane me kërkesë të prokurorisë dhe të Prokurorit të Përgjithshëm të shtetit italian ka mbyllur hetimin ndaj meje”, tha sot në një deklaratë për mediat, ish-ministri i Brendshëm, Saimir Tahiri.

“Kam diçka me rëndësi që dua ta ndaj me ju dhe publikun sepse e vërteta nuk rri fshehur. Ju kujtohet me 24 tetor të vitit të kaluar deklarova se ndaj meje nuk kishte asnjë hetim. Atëherë ajo dora e zezë, lëvizi fort se letra që nxora unë ishte e falsifikuar. Dhe për të vërtetën time, krahas hetimeve në Shqipëri kërkova të hetohem dhe në Itali dhe prokuroria regjistroi një hetim ndaj meje me 27 tetor. Prokurori i antimafies italiane dhe prokurori i Përgjithshëm i Italisë i kërkuan gjykatës italiane pushimin e hetimit për Saimir Tahirin dhe gjykata e pranoi kërkesë dhe vendosi mbylljen e hetimi dhe unë kam vendimin e gjykatës, ku thuhet se pushohen hetimet e Saimir Tahirit, se nuk ka asnjë aktivitet të paligjshëm”, tha ai.

Tahiri shtoi se “të gjithë ata që kanë vrarë e vjedhur për 30 vjet në këtë vend nuk janë hetuar dhe kanë dalë të pa lagur. Unë zgjodha të bëjë qytetarin vetëm përballë drejtësisë. Të mos bëje politikë, por të pres pa fjalë hetimin dhe përfundimin e tyre”.

“Jam i vetmi politikan shqiptar që për tu hetuar pse jam përmendur nga 2 trafikantë që u gjetën kushërinjtë e 8, dhashë dorëheqjen nga mandati i deputetit e nga çdo aktivitet publik, heshta e prita që të hetohej gjithçka lidhej me mua jo vetëm në Shqipëri por edhe në Itali”, shtoi ai. /atsh

“Ekstremizmi i dhunshëm është një kërcënim global, që nuk njeh kufij, gjeografikë apo politikë qofshin. Ai përhapet në tërë botën dhe sjell pasoja negative në të gjitha vendet ku e gjejmë”, deklaroi kryetari i Prezencës së OSBE-së në Shqipëri, ambasadori Bernd Borchardt, në hapje të një konference rajonale dyditore për trajtimin e ekstremizmit të dhunshëm dhe të radikalizimit që çojnë në terrorizëm.
Konferenca përqendrohet në shkëmbimin e praktikave më të mira në menaxhimin e këtij fenomeni nga burgjet dhe shërbimet e provës dhe në programet rehabilituese dhe ri-integruese.

Borchardt tha se, duke pasur parasysh angazhimet ndërkombëtare të Shqipërisë dhe integrimin gjithnjë e më të madh të saj në proceset globale, ekstremizmi i dhunshëm nuk është më një histori që vjen nga vende të largëta, por bëhet çështje e prekshme. “Është e vërtetë që në burgje ndodhen vetëm 16 ekstremistë, por ka ende njerëz që do të kthehen dhe është e rëndësishme të jemi të përgatitur. Ky është një fenomen që nuk sulmon vetëm sistemin e burgjeve, por ai sulmon, përçan dhe dëmton shoqëritë”, tha ai.
Kryetari i Prezencës tha se shqiptarët kanë traditën e tolerancës dhe respektit fetar dhe theksoi se ky është një aset i madh shoqëror që duhet ruajtur dhe mbrojtur kundër atyre që e sulmojnë.

Prezenca e OSBE-së ka ndihmuar në rritjen e kapaciteteve institucionale të Shqipërisë për të vepruar kundër ekstremizmit të dhunshëm. Mes nismave të tjera, Prezenca ka përgatitur një modul trajnimi bazë për personelin e burgjeve dhe shërbimit të provës mbi këtë fenomen në burgje dhe në shërbimin e provës, si dhe ka mbështetur trajnimin e rreth 110 punonjësve të vijës së parë në burgje. Ndërkohë, vijon të zhvillohet një trajnim i ngjashëm për personelin e shërbimit të provës. Një raport i vlerësimit të nevojave për shqyrtimin e kapaciteteve të Shqipërisë në parandalimin dhe luftimin e ekstremizmit të dhunshëm dhe radikalizmit që çojnë në terrorizëm, në kontekstin e burgjeve dhe shërbimit të provës, u shpërnda për të pranishmit në konferencën e sotme./atsh

Deputetët e Kuvendit të Kosovës, nuk kanë miratuar rezolutën nga debati parlamentar lidhur me angazhimet e Presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë.

Rezoluta e LDK-së e përkrahur nga Lëvizja Vetëvendosje, mori 50 vota nga 90 deputetë sa ishin në sallë.

Fillimisht shefat e grupeve parlamentare  u mblodhën për të harmonizuar qëndrimet për rezolutën, por më vonë u kuptua se pozita dhe opozita nuk janë pajtuar, madje ata erdhën në seancë dhe akuzuan njëri-tjetrin.

Shefi i grupit parlamentar të Lidhjes Demokratike të Kosovës, Avdullah Hoti, tha se nuk kanë arritur të dakordohen me shefat e grupeve parlamentare, por pikan 6 të

Shefi i grupit parlamentar të Partisë Demokratike të Kosovës, Memli Krasniqi deklaroi se deputetët e pozitës nuk marrin pjesë në votimin e rezolutës së propozuar nga Lidhja Demokratike e Kosovës, pasi është një kurth i padrejtë që ata nuk do të bien.

Krasniqi në seancën e sotme, tha se në takimin me shefat e grupeve parlamentare nuk pati vullnet për dakordim pasi propozuesi insiston që mos t’i merr parasysh propozimet e koalicionit.

Ai shtoi se nuk do të heqin dorë dhe nuk do të dorëzohen nga kërkesa që në ditët në vijim të gjejnë një konsensus për dialogun.

Shefi i grupit parlamentar të Lëvizjes Vetëvendosje, Glauk Konjufca situata në të cilën jemi kërkon vetëm masa preventive, që është presidentit Thaçi t’i ndalohet të merret me dialogun.

Dardan Sejdiu nga Partia Social Demokratike, do të punojnë që Kuvendi të jetë arena në të cilin dialogu kthehet dhe prej të cilin merren vendimet.

Shefi i grupit parlamentar të AAK-së, Ahmeti Isufi tha se opozita po vazhdon me avazin e vjetër duke u bllokuar vetëm në atë që e thonë vet.

Në fund, rezoluta nuk është miratuar pasi nga 90 deputet ka marrë vetëm 50 vota. Ndërsa, deputetët e LDK-së dhe VV-së braktisën sallën. /KosovaPress

Para pak minutash një tërmet i lehtë ka rënë në qytetin e Vlorës.

Nuk dihet ende se sa ball ishte tërmeti. Por nuk ka dëme materiale