Aurora

Ecuria e investimeve të kryera gjata vitit 2018 në Novoselë, Vlorë, si dhe problematikat që ka kjo zonë ishin në qendër të një takimi publik të organizuar nga kryetari i Bashkisë së Vlorës, Dritan Leli me banorët e Novoselës dhe fshatrave përreth.

Pjesë e diskutimit ishte edhe llogaridhënia për zbatimin e buxhetit për vitin 2018, si dhe vazhdimi i Buxhetimit me pjesëmarrje të komunitetit për vitin 2019.

Një rëndësi e veçantë i është dhënë pastrimit të kanaleve kulluese dhe vaditës në ketë zonë, ku janë pastruar rreth 35 km kanale dhe janë lëvizur me shumë se 90 mijë metra kub inerte.

“Banorët paraqitën kërkesat e tyre për buxhetin e vitit 2019. Të gjitha këto kërkesa do të shqyrtohen dhe do të parashikohen në hartimin e buxhetit 2019”, bën të ditur bashkia e Vlorës./atsh

Kryetari i Partisë Demokratike Lulzim Basha tha sot se  Vlora dhe Durrësi po përballen me përmbytje vetëm pas disa orëve me reshje në vend dhe qeverisja vendore dhe ajo qendrore nuk e kanë vëmendjen tek qytetarët, të cilëve iu ka bërë thirrje të shpëtojnë familjet e tyre.

“PD  është në solidaritet me banorët e Vlorës dhe Durrësit që po përballen me përmbytje disa orë pas nisjes së reshjeve. Përmbytja me disa orë shi është shenjë e degradimit total të pushtetit vendor, papërgjegjshmëri, mungesë investimesh dhe mungesë vëmendje”, tha Basha.

Më tej, Basha shton se sipas informacioneve të para bëhet fjalë për dëme të mëdha në banesa dhe njësi tregtare por edhe situata që mund të përshkallëzohen.

“Thirrja ime për qytetarët është të marrin masat për të shpëtuar familjet e tyre dhe të mos presin nga qeveria apo kryebashkiakët e dështuar apo inkriminuar”, theksoi Basha. /atsh

Regjisori Laert Vasili i ftuar në “360 Gradë” në Ora News, tha se në Athinë nuk mund të imagjinohet të dëgjosh muzikë shqipe, ndërsa kujtoi rastin kur u ndalua nga policia greke për ditëlindje.

“Dil ku të duash në kafeteritë e Tiranës do të dëgjosh gjithandej muzikë greke.

Provo në një kafe të Athinës të vësh muzikë shqiptare!  Në një ditëlindje time me 3-4 vlonjatë që jam rritur me ta, filluam të këndojmë labçe, erdhi policia dhe na arrestoi.

Është një shtet që deklaron se jemi 100% të pastër.  Kur ministrja e Jashtme Dora Bakojani deklaroi në Parlamentin Europian se jemi 100% të pastër, Parlamenti Europian qeshi.

Le të marrim zonën e minoritetit se sa mbiemra janë sllavë dhe sot marrin pension. Në qoftë se Shqipëria do të ishte Zvicër, shumë anëtarë të minoritetit do të deklaroheshin zviceranë.

Fukarallëku është maskarallëk.

Jemi në Amerikën Qendrore, pamjet e dhimbshme tregojnë një pjesë të qytetit të Arriaga, në shtetin Chiapas, ku një grup emigrantësh që kalojnë Meksikën për të shkuar më pas në SHBA, pushojnë përpara se të rifillojnë udhëtimin e tyre në veri.

VIDEO-KLIKO KETU

Ministri i Financave dhe Ekonomisë, Arben Ahmetaj gjatë një interviste televizive theksoi se investimet e huaja direkte në Shqipëri kanë pësuar një rritje të lartë.

Sipas ministrit Ahmetaj, në 6-mujorin e parë të këtij viti vendi ynë ka patur 486 milionë euro investime të huaja, të cilat kanë mundësi që të shënojnë shifra rekord për vendin tonë.

“Në 2016 Devolli, që këta thoshin që ishte 500 mln, e di sa ishte? 17 mld lekë me bilanc të vetin, pra ishte 130 mln euro, tani të gjitha janë duke zbritur dhe janë gati 486 mln euro të investuara në 6-mujorin e parë, të cilat ishin investime të huaja, që kanë mundësi të shënojnë një shifër rekord. Edhe TAP dhe Devolli janë investime që po fiken dhe po kalojnë në operim dhe po zëvendësohen me investime në turizëm, në manifakturë, ndërtim, industri etj”, – theksoi Ahmetaj.

I pyetur rreth investimeve të pritshme, ministri Ahmetaj theksoi se për vitin 2018 investimet e huaja pritet që të shkojnë rreth 1 miliard euro, një shifër e paarritur më parë nga asnjë qeveri.

Mendoj se ne do ta mbyllim këtë vit, nëse 6-mujori vazhdon në qëndrueshmëri edhe si 9-mujor, do ta mbyllim me rreth 1 miliard euro, e cila do të jetë shifër rekord.

Shqipëria ka nevojë për më shumë se kaq dhe kemi nevojë që ta hapim edhe imazhin e vendit. Investimet e huaja priten 1 miliard, plus-minus, për 2018-ën”, – përfundoi ai./atsh

Policia greke ka reaguar pas ngjarjes me minoritarin grek Kostandin Kaçifa në Bularat të Gjirokastrës, pas dyluftimit me policinë shqiptare.

Policia greke thotë në reagimin e saj se shefi i policisë në Greqi ka kontaktuar me homologun shqiptar Ardi Veliu, ku është njohur nga ky i fundit me detajet rreth ngjarjes.

Gjithashtu policia greke ka kërkuar pjesëmarrjen për zbardhjen e vrasjes së 35-vjeçarit.

“Nuk ka të dhëna dhe as dëshmitarë, që të lidhin ngjarjen e rendë me ngritjen e flamurit grek. Nga momenti i parë, shefi i policisë greke Aristidhis Andrikopulos ka kontaktuar me homologun shqiptar në kuadrin e bashkëpunimit që kanë dhe është informuar për ngjarjen, ndërsa kanë filluar procedurat për pjesëmarrjen e palës greke në investigimin e ngjarjes.

Madje, të njëjtat burime theksojnë se po kryhen veprimet e duhura në rrugën diplomatike për pjesëmarrjen e palës greke ne hetimin e ngjarjes, duke u informuar në kohë si dhe me çdo formë bashkëpunimi te kërkuar nga autoritetet shqiptare. Policia greke informon se Konstandinos Kacifas mori pjesë në përgatitjen e fshatit për festen, në vendosjen e flamujve, krejt normalisht”- thuhet në reagimin e policisë greke.

NGJARJA
Në prag të zhvillimit të festes se Greqisë, e cila si çdo vite u organizua edhe në qendër të fshatit Bularat në Gjirokastër, të shtëna me armë tronditën zonën. Policia, e cila ishte stacionuar në qendër të fshatit për mbarëvajtjen e festës menjëherë është nisur ne drejtimin nga janë dëgjuar të shtënat, ndërsa identifikoi edhe personin që qëlloi me armë. Kostandin Kaçifa sapo ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.

Fatmirësisht nga të shtënat nuk ka punonjës policie të plagosur, por vetëm është thyer xhami i mjetit të policisë. Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin. Shtetasi Kostandinos Kaçifa u fut në thellësi të fshatit ku forcat “Shqiponja” dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij. Në ndihmë të shërbimeve të Policisë së Gjirokastër shkoi dhe nje helikopter i Ministrisë se Brendshme dhe forcat speciale RENEA nga Tirana, te cilat benee te mundur edhe lokalizimin e autorit. Por pasi nuk iu pergjigj thirrjes se policise per t’u dorezuar, 35-vjecari qëllonte me armë zjarri, ndërkohë që mbeti i vrarë.