Aurora

Situatë jo e mirë në Bularat ku kanë nisur thirrjet nacionaliste dhe këngët për Kacifas.

Lot, flamuj grekë, thirrje e parulla e në greqisht… Këto janë disa nga momentet e ceremonisë së përcjelljes për në banesën e fundit të Kostandonis Kaçifas në Bularat, këtë të enjte.

“Katçifas ti jeton, ti na drejton (Mikonos); Vorio Epiri është grek; Maqedonia është Greqi, ishin disa nga parullat e thirrura dhe të shkruar në flamuj grekë, e të shpalosura para kamerave Bularat.

Ardhja nga Greqia në Shqipëri, e shtetasve greke për të marrë pjesë në ceremoninë mortore të Kostandinos Kaçifasit, ka sjellë edhe radhë të gjata në pikën kufitare të Kakavijës.

Gazetarja e Panorama në vendngjarje raportoi se, në territorin grek, radha në territorin ka shkuar në rreth 3 kilometra.

Kontrollet po zhvillohet me masa më të rrepta se zakonisht, ndërsa deri më tani, janë ndaluar të futen në Shqipëri 4 persona. Rreth 500 veta kanë hyrë në Shqipëri që nga mëngjesi i kësaj të enjteje.

Një emër i njohur për shqiptarët e sidomos në trazirat e në Himarë ka shkojë sot në Bularat.

Qindra qytetarë grekë kanë hyrë në Shqipëri në orët e fundit përmes Kakavijës.
Ata janë duke ardhur për të marrë pjesë në varrimin e ekstremistit grek, Kostandinos Kaçifas që u vra në përpjekje me RENEA-n.

Po ashtu Shqipëria ka forcuar kontrollet në kufi duke ndaluar çdo gjë provokuese.Gjithashtu janë ndaluar edhe persona që mund të shkaktojnë probleme.

E njëri prej tyre është edhe ekstremisti grek Babis-Harallambos Karathanos. Por kush është Harallambos?
Ai ka lindur në Greqi, por prindërit e tij janë me origjinë nga Dropulli.
Babis nga viti 1982-1989 ka qenë kryetari i SFEVA – (Bashkimi i Studentëve për Luftën e Vorio-Epirit).

Babis-Harallambos Karathanos ka qenë ish-deputet i partisë Demokracia e Re, më tej i partisë ekstremiste të djathtë greke, LAOS.

Harallambos është i njohur në Shqipëri, pasi ka marrë pjesë në disa aktivitete në vitet e fundit me minoritetin grek.

Bularati është vënë në qendër të vëmendjes sot, ndërsa duket më pak shqiptar se asnjëherë i mbushur me flamuj grekë.

Frika se mund të ketë një përplasje në Bularat, gjatë varrimit të ekstremistit grek Kostandinos Kaçifas, ka bërë që Ministria e Jashtme dhe ajo e Mbrojtjes së Qytetarit në Greqi ti bëjnë thirrje qytetarëve të tyre.

‘Qytetarët grekë që shkojnë në Bularat janë të lutur që të vetëpërmbahen dhe të tregojnë respekt për familjen dhe ceremoninë’, thuhet në thirrjen e ministrive.

Gjatë natës dhe mëngjesit të sotëm qindra grekë kanë hyrë në Shqipëri për të marrë pjesë në ceremoninë e varrimit të Kaçifasit.

Gjatë mëngjesit policia ka ndaluar në Kakavijë 8 qytetarë grekë, pjesëtarë të Agimi të Artë të cilët kishin me vete bluza dhe sende të tjera me shkrime ekstremiste.

Deputeti grek Nikos Filis në një interviste televizive ka bërë një deklaratë të guximshme lidhur me rastin e Kostandinos Kaccifa. Ai tha se, imagjinoni sikur një turk të vijë në Traki me kallashnikov, të ngrejë flamurin turk dhe të qëllojë Policinë?! Çfarë do të thonit?!”

“Është jugu i Shqipërisë, – ka theksuar Filis. –  E them sërish dhe jam i kujdesshëm në atë që them. Është jugu i Shqipërisë dhe jo Vorio-Epiri! Janë toka shqiptare, dominon popullsia shqiptare dhe aty jeton edhe minoriteti grek, që fatkeqësisht është në një masë të vogël për shkak se është  larguar. Por kjo është histori tjetër“, nënvizoi ai.

“Një person merr kallashnikovin në një vend të huaj dhe ngre flamurin grek! E imagjinoni dot sikur një turk të vijë në Traki me kallashnikov dhe të ngrejë flamurin turk e të qëllojë kundër policisë?! Çfarë do të thonit?!”, arsyetoi deputeti i SYRIZA-s, Nikos Filis.

Minoritari grek Kostandino Kaçifas u vra më 28 tetor 2018 në Bularat të Gjirokastrës, pasi qëlloi me breshëri kallashnikovi kundër Policisë shqiptare. Trupi i tij iu nënshtrua ekzaminimeve mjeko-ligjore nga të dyja shtetet, pasi familja Kaçifa akuzoi Policinë shqiptare dhe shtetin shqiptar se e ekzekutoi pse ngriti flamurin grek dhe më pas, fshehu provat.