Profesor Shuajp Kraja është shpikësi i parë shqiptar që gëzon të drejtën mbi patentën evropiane për vaksinën kundër kancerit. E konsideruar si një shpikje inovative në fushën e mjekësisë, lëshimi i kësaj patente nga Organizata Europiane e Patentave (EPO), i hap rrugën procedurave për marrjen e autorizimit të prodhimit nga Bashkimi Europian.
Në kuadër të studimit pilot me pacientë vullnetarë, me Bi vaksinën antikancer janë trajtuar e shëruar për një kohë të gjatë disa dhjetëra raste ndër vite. Ajo shfaq siguri të plotë në trajtimin dhe shërimin e formave të ndryshme të kancerëve, pa rishfaqje të tyre.
Bi vaksina përbën një mënyrë mjekimi shumë më të përshtatshme që konkuron dhe do të zëvendësojë ”artilerinë” e rëndë të kimioterapisë dhe radioterapisë si një gjilpërë inteligjente (timolimfocite hiperimune me informacion selektiv të ri), që do të jetë në gjendje ndërmjet triliona qelizash të organizmit (normale dhe malinje), të dallojë dhe të vrasë në mënyrë selektive qelizat malinje pa dëmtuar qelizat e shëndosha të organizmit.
Bi vaksina aplikohet për mjekimin e formave të ndryshme të kancerit dhe po ashtu vlen në imunizimin kundër shfaqjes së kancerit në persona të shëndoshë, por të predispozuar për të zhvilluar kancer. Patenta për këtë shpikje njihet në shumë shtete dhe institucione të rëndësishme ndërkombëtare si Zyra Europiane, Gjermania, Zvicër, Francë, Britania e Madhe, Irlandë, Shqipëri, Kosovë e Kroaci.
Profesor Kraja ka marrë po ashtu një patentë të dytë në nivel europian për medikamentin “Shukrain 55” edhe kjo e regjistruar për patentim pranë institucionit të Regjistrimit të Patentave dhe Markave, këtë radhë në Gjermani.
Medikamenti ka një spektër të gjerë dhe është vërtetuar gjithashtu efektiv ndaj viruseve patogjene të rrezikshme për shëndetin e njeriut si hepatitet virale HIV AIDS dhe gripit, duke parandaluar epideminë e tij.
Ne pranverën e vitit 2015 është konfirmuar pranimi i këtij medikamenti si inovacion i patentuar medicinal duke ju dhënë e drejta e prodhimit industrial. Konsiderohet si një domosdoshmëri hedhja e këtij medikamenti në tregun ndërkombëtar, duke u bazuar në efektet kuruese dhe shëruese kundër sëmundjeve të ndryshme virale bakteriale.
Ai vlerësohet si një inovacion i patentuar shumë i nevojshëm për farmaceutikën botërore, veçanërisht aty ku OBSH jep alarmin për rezistencën e antibiotikëve dhe kohën e gjatë të mungesës së tyre në treg.
Prof. Shuajp Kraja ka lindur në qytetin e Shkodrës në vitin 1936. I specializuar për biologji molekulare, Prof Kraja ka një karrierë të pasur shkencore e akademike, që i kalon kufijtë shqiptarë.
Në vitin 2016,nje video qe tregon një vajze 5-vjeçare Filipinase që dërgon dhe merr babanë e saj nga puna çdo ditë ,u be virale dhe preku zemrat e miliona netizeneve.
Më 27 qershor 2016, sipas mediave kanadeze CTV, një vajzë 5-vjeçare me emrin Jenny nga Filipinet dërgonte dhe merrte babanë e saj Nelson Dodong Pepe për të punuar në një fermë kokosi.
Falë videos virale, gjendja e Jenny u vërejt nga një organizatë bamirëse e cila më vonë vendosi të ndihmonte Jennyn dhe babanë e saj.
Në rrugën e tyre për të punuar, Jenny do të përdorte një shkop druri për të drejtuar të atin për të punuar dhe për të shmangur përplasjen me njerëz të tjerë.
Me një copë dru në secilën dorë, ata shëtisin të zbathur në fermë.
Para se babai i Jenny të fillojë punën, ajo do t’i japë atij një shishe me ujë.
Gjatë pushimit ajo e con babanë e saj në restorant për te ngrene dhe per te pire dicka.
Sipas Fondacionit ABS-CBN, babai i Jenny duhet të rrise rreth 60 pemë kokosi ne një ditë dhe ai fiton vetëm 300 pesos (rreth USD6.40) në ditë.
Pasi u transmetua gjerësisht video, ABS-CBN erdhi dhe vizitoi Jennyn dhe babain e saj.
Ata thanë se ishin të gatshëm t’i ndihmonin ato duke e derguar babane e saj ne Manila ku u diagnostikua me shkëputje retinike dhe retinitis.
ABS-CBN raportoi në faqen e saj se Pepe do t’i nënshtrohej një trajnimi dhe familja e tij do te zhvendosej në një ‘mjedis të sigurt’
Tani, Jenny dhe familja e saj nuk duhet të shqetësohen për gjendjen e tyre të dobët të jetesës në sajë të bujarisë së publikut dhe të Fondacionit ABS-CBN.
Siç tha edhe këngëtarja, dashuria nuk njeh moshë, as fe, as nacionalitet. Pra, sipas saj, kjo nuk është “dashuri materialiste”, siç e paragjykuan disa, por është thjesht dashuri, nga ato të mëdhatë e të vërtetat. Dhe, si fryt i kësaj dashurie, tani po vjen në jetë edhe në bebe, që siç kuptojmë është djalë, shkruan “Kosovarja”.
Ndonëse shtatzëne, Adelina Tahiri po pi verë të bardhë. A e di që nuk bënë?
E njëjta ëndërr disa herë: Kjo do të thotë se diçka e re pritet të vijë në jetën tuaj, diçka që ka lidhje me sekuencat e ëndrrës, ndaj përsëritja e saj është një mënyrë për t’ju tërhequr vëmendjen. Ose bëhet fjalë për një gjë, që ju shqetëson sistematikisht dhe dijeni se ka ardhur koha ta zgjidhni.
2. Të fluturosh: Nëse ju duket sikur po fluturoni lart, qoftë pa një mjet ajror kjo nënkupton që keni kreativitet dhe aftësi për t’ia dalë në shumë situata.
3. Të vraponi apo të ndjeni sikur dikush ju vihet nga pas: Kjo nënkupton se dikush ju do të keqen dhe po bën çmos t’ju shkojnë gjërat keq.
4. Ta shohësh veten të zhveshur: Kjo është një ëndërr që shihet shpesh dhe nga një pjesë e mirë. Nënkupton që ju jeni transparent dhe të hapur me njerëzit, por kjo mund të jetë edhe një mënyrë për të thënë që dikush i afërt ka nevojë të hapet me ju.
5. Të gjendesh në ambjentet e shkollës: Bëhet fjalë për një fazë në të cilën ti po mëson shumë, apo diçka e re, e padëgjuar më parë që ty të ka bërë përshtypje dhe të ka futur në mendime.
6. Të jesh shtatzënë: Përgjithësisht jemi mësuar të dëgjojmë se një fëmijë në ëndërr nënkupton një hall që pritet të kaloni. Disa lexues të tjerë ëndrrash thonë se shtatzënia shpesh simbolizon një etapë të re jete që pritet të vijë.
7. Të ndërrosh jetë: Vdekja në ëndërr nënkupton transformim. Për arsyet nga më të ndryshmet, themelet e parimeve, ideve apo ëndrrave tuaja janë shkundur mirë dhe ju keni nisur ta shihni botën ndryshe.
8. Të puthesh: Në pjesën më të madhe kjo ëndërr shihet kur je në fillim të një romance. Jeni kaq të lumtura, sa edhe ëndrrat s’mund të ishin ndryshe.
Nuk ekziston një recetë e vetme e patateve në furrë. Gjithkush ka preferencat e tij, por për atë që do të godasë që herën e parë apo do t’i japë fund argumentit, ja receta bazë.
Patatet ideale për në furrë janë ato me brumë të verdhë ose të kuqe. Sapo t’i qëroni, duhet t’i prisni në pjesë pak a shumë të barabarta për të marrë një pjekje uniforme.
Si t’i gatuajmë
Disa i gatuajnë direkt në furrë, ndërsa sipas disa shkollave të kuzhinës, patatet duhet të zihen për pak minuta 2-3 minuta maksimumi dhe të thahen direkt me letër kuzhine për të eleminuar ujin.
Me zierjen nënkuptohet zhytja e patateve në ujë të ftohtë fillimisht dhe më pas vënia në zjarr derisa të nisë vlimi.
Sapo të vihen në tavë, patatet mbushen me vaj, kripë, piper, një thelpi hudhër të paqëruar dhe rozmarinë. Më pas vihen në furrë në 200° për 30 minuta, i ktheni mbrapsht dhe piqini dhe për 20 minuta të tjerë. Hudhrën e heqim në gjysmë të gatimit. Sekreti i patateve krokante:
Ka një sekret të vetëm: eleminoni amidonin. Patatet, siç e dini, futen shpesh në receta si “thithës” pasi kanë shumë amidon. Patatet e vjetra janë ideale për njokit dhe pure pasi kanë shumë amidon. Patatet me shumë amidon nuk duhen futur asnjëherë në furrë.
Zierja dhe tharja e patateve pas kullimit mund të ndihmojë në heqjen e amidonit çka ndihmon në bërjen e tyre më krokante, ose lajini mirë 2 herë në ujë të ftohtë dhe thajini.
Djersitja është një proces i natyrshëm i trupit tonë dhe funksioni i saj është të rregullojë temperaturën. Deri këtu gjithçka është normale, por si të zgjidhet nëse djersa është e tepruar? Dhe, edhe më keq, kur kjo djersitje shoqërohet nga një erë e keqe.
Për të folur për këtë problem ne do të shpjegojmë shkurtimisht hiperhidrozisin (problemi i djersitjes së tepruar) dhe bromhidrosisin (erë e keqe e trupit).
Ne e dimë që ju doni të dini këshilla për t’i dhënë fund këtyre problemeve, por kurrë nuk është tepër për të mësuar pak për shëndetin. Le të fillojmë:
Ky është një çrregullim që ndodh për shkak të një dështimi në sistemin tonë nervor autonom (simpatik), që bën që trupi ynë të prodhojë më shumë djersë sesa duhet të rregullojë temperaturën e trupit, transmeton ShkodraNews. Kur sëmundja bëhet kronike, ajo përfaqëson një problem real për jetën personale dhe shoqërore të pacientit.
Është një kusht që zakonisht shoqëron hiperhidrosisin dhe i referohet erës së keqe të trupit. Njerëzit që vuajnë prej saj duhet të përballen me probleme të vetëvlerësimit, sepse kur refuzojnë një aromë të pakëndshme ata përjashtohen nga grupet ose marrin pseudonime mizore, shkruan ShkodraNews. Shumë njerëz nuk e dinë se nëse problemi është i fortë, as deodorantët, antiperspirantët apo parfumet nuk do të jenë në gjendje të qetësojnë situatën, vetëm një mjek do të jetë në gjendje të kujdeset siç duhet.
Sigurisht, ka edhe faktorë që mund të shmangni për të përkeqësuar situatën. Mbipesha, hani shumë ushqim me aromë, hudhër, pini alkool, merrni disa ilaçe (si antidepresantë), keni diabet, ndër të tjera mund të përkeqësojnë gjendjen.
Tani që ju e dini, le të shohim si ta zgjidhim këtë problem në shtëpi:
Miksoni një lugë gjelle sode buke me një lugë gjelle lëng limoni. Aplikoni nën sqetull dhe zona ku ka më shumë djersë. Lëreni të qëndroni për 5-10 minuta dhe pini me shumë ujë. Përsëriteni procesin çdo ditë dhe brenda pak javësh do të shihni rezultate pozitive.
Por nëse problemi vazhdon, mos hezitoni të shkoni tek një specialist.
Motër e vëlla ishin sot në seancë ndërmjetësimi të rubrikës “Shihemi në Gjyq”.
Konflikti i tyre nisi nga humbja e një lope.
Sakaq rke akuzon Xhevahirin se i ka falur hajdutit lopën dhe dëmshpërblimin që u takon, duke kërkuar madje edhe përjashtimin e tij nga prona e përbashkët.
“Unë kam ardhur sot këtu sepse më ka humbur një lopë në vitin 2015. Jemi një familje e përbërë nga dy vëllezër dhe një motër që jemi në këtë biznes, jemi tre bashkëpunëtorë dhe babai katër. Jemi të ndarë secili me familjen e tij, por jemi bashkëpronarë. Më datë 20 Gusht ne kemi qenë në një dasëm dhe kemi lënë një çoban në fermën me 100 krerë lopë që kemi. Kur kthehemi nga dasma e merr në telefon vëllain që kam sjellë këtu dhe i thotë që nuk ka dy lopë. S’ka gjë i thotë ky se do i shikoj vetë. Shkojnë dy vëllezërit e mi dhe burri në fermë se e kemi dy orë larg dhe e shikojnë që nuk ishte lopa me gjithë myshqerën e saj. Për 15 ditë me rradhë nuk kemi lënë vend pa i kërkuar”.
I vëllai e ndërpret duke i thënë t’i bjerë shkurt e të tregojë përse e ka sjellë në këtë seancë ndërmjetësimi.
Xhevahiri –Bjeri moj shkurt. Pse më ke sjellë mua këtu?
Yrke – E gjeje vetë ti!
Xhevahiri – Sill moj vëllain këtu, kunatën ..
Yrke – Të kam sjellë unë këtu!
Xhevahiri – Sill kunatën!
Yrke – Pusho!
Xhevahiri –Sill shefin e policisë, ça më lodh mua! Kam tre vjet i njëjti avaz me ty!
Yrke – Pusho po të them! Të mos na kishe turpëruar ne!
Xhevahiri tregon se pas 15 ditësh kërkimi për lopën, iu drejtuan policisë për ta denoncuar humbjen e saj, por iu tha se ishin me vonesë. Ndaj pas 3 muajsh kërkimi, mendoi një mënyrë tjetër zgjidhjeje, duke ofruar 700 mijë lekë të vjetra për personin që do t’i jepte informacion se ku ndodhej lopa.
Yrkja e falenderon për këtë veprim dhe shprehet se pas 18 muajsh iu thanë që lopa ndodhej në fshatin Vërdovë tek Abedin Muçollari. Por duke qenë se nuk kishin si ta vërtetonin që ishte lopa e tyre, Xhevahiri sëbashku me sekserin iu drejtuan stallës së Abedinit për të parë nëse ishte ajo.
“Kemi shkuar në orën 12 të natës, por ishte lagje shumë e ngushtë. I thashë (sekserit) po na kapën këtu ose do hyjmë në burg ose do na vrasë e do quhemi ne hajdutët!”, thotë Xhevahiri. Ai shton se e thërriti lopën “hej hej”, që është mënyra e tij e veçantë e ndjelljes së lopëve, ndryshe nga fermerët e tjerë. Lopa iu përgjigj, por për t’u siguruar më tepër hipi në çati dhe e pa nëpërmjet telefonit që ishte ajo që po kërkonin prej kohësh.
Yrkja shpjegon: “Lopa jonë i ka brirët të hapura dhe më përpara na e kishte zënë ‘damllaja’ dhe i kishim prerë dhe veshët, ndaj e njihnim lopën tonë”.
I vëllai vazhdon të tregojë se direkt pas verifikimit shkoi në polici, por aty u tallën me të, duke thënë se mund të jetë i dehur. Yrkja e ndërpret dhe thotë se e ka sjellë në këtë seancë ndërmjetësimi sepse e fali hajdutin.
Xhevahiri –Sillje Afrimin këtu.
Yrke – Jo, jo, ty! Ti e fale, ti na e solle hajdutin në shtëpi!
Xhevahiri – Ma ke nxirë jetën!
Yrke – Mos fol!
Ajo thotë se pas denoncimit të Xhevahirit, policia shkoi në vendngjarje dhe verifikoi që ishte lopa e tyre, por e zonja e shtëpisë tha se nuk kanë lopë, ndërkohë që aty ishte stalla. Policia sugjeroi që të zgjidhej çështja kur të kthehej Abedini, pasi ndodhej në Greqi.
Yrke – Për 24 orë ai kthehet dhe vjen në shtëpinë tonë me djalin e një mikut të tij. Unë iu thashë mos e qasni hajdutin në shtëpi!
Xhevahiri – Një njeri kur të vjen në shtëpi, pritet. Kështu është zakoni dhe tradita e shqiptarëve!
Yrke – Ore, je mirë?! Me kë je ti, me babain?
Xhevahiri –Nuk do ofendoja babain tim!
Yrke – Babit iu thartuan trute, po ne që na kërcet kurrizi? Kam ngordhur fëmijët unë në mal!
Xhevahiri – Thërriti mendjes se i kam ndjekur të gjitha procedurat deri para 3 muajsh.
Yrke – Ti e fale atë!
Xhevahiri –Sot t’i kam dorëzuar ty të gjitha dokumentet, zbuloje ti! Mua mos më nxirr më ktu, të lutem!
Yrke – Ty të kam sjellë për ta zbuluar se nuk e zbulove! Ia fale tjetrit, s’të vjen zor! Vjen zotëria dhe këta e fusin në shtëpi!
Eni Çobani –Pra, ky është problemi i vërtetë?
Yrke – Po, që ai të mos hynte në shtëpi.
Eni Çobani –Njerëzit bëjnë edhe gabime në jetë…
Yrke – Gabim është kur e bën padashje, por vjedhjen nuk e fal se ai e bëri me paramendim! Nuk e bëri që ta falnim ne!
Ardit Gjebrea – Ka patur raste që ka vrarë njeriu njeriun dhe kanë shkuar në shtëpi, kanë falur gjakun, i ka dhënë mbesën. Kështu që … Pse të mos vinte ai në shtëpi?
Xhevahiri – Këtë kam thënë, por nuk më bindej as kjo, as kunata e as vëllai.
Yrke – Ore nuk bindemi, nuk ta falim! Janë vrarë njerëzit …
Xhevahiri – Dëgjo moj këtu! Mos fol! Ai erdhi në shtëpi dhe e pranova se e kemi zakon!
Yrke – E pranoj, por ti pse s’ia more lopën kur e pranoi?
Xhevahiri – Janë procedurat e shtetit, moj! Kemi vazhduar me ligjin!
Yrke – Akoma procedurat pret ti?
Xhevahiri – Unë rrezikova jetën, mund të më kishin vrarë!
Yrke – Pusho! Nuk të dëgjoj më! Të kam dëgjuar 1 vit!
Për sa i përket pyetjes së moderatorit Ardit Gjebrea, Yrkja u shpreh se njerëzit vriten në gjaknxehtësi, por ky e bëri me qëllim.
Yrke – I thamë dhe vëllai i vogël dhe unë të mos e pranonte në shtëpi. Mirë babai, por bëhu ti në krahun tonë. Jo tha, nuk ia prish unë babait. S’ia prish babait? Le ta gjejë lopën! Lopa ka tre vjet që është te Abedin Muçollari!
Ajo tregoi se fitojnë rreth 1 milion e gjysmë lekë nga një lopë në vit, duke përfshirë shitjen e viçit dhe qumështit. Yrkja u shpreh se me një lopë mbahet një familje në fshat, ndërkohë që ata kanë humbur 10 krerë nga viti 2015.
Xhevahiri –Nuk kemi ardhur për llogari këtu! Ne na intereson të marrim mallin se ndryshe do hyj unë prapë në burg! Llogaritë bëji në shtëpi ti me ata atje! Ti dhe kunata keni 3 muaj që i keni dokumentet, i kam çuar te noteri, e ka nisur procedurën. Unë nuk jam më i zoti!
Yrke – Kam shkuar, por ti ia ke falur se ai nuk më pranon mua!
Juristja Eni Çobani thotë se pas deklaratës së Xhevahirit që ka shkuar në orën 12 të natës në pronë private, mundet që policia të thotë që ka bërë një vepër penale.
Xhevahiri thotë se Abedini pranoi vjedhjen kur i shkoi në shtëpi , ndaj i kërkuan të kthente lopët, 3 milionë lekë dëmshpërblim, si dhe çështjen me policinë ta mbyllte ai vetë. Ai shton se e motra, i vëllai dhe kunata nuk ranë dakord me këtë marrëveshje dhe pranon që ka gabuar në çmimin e dëmshpërblimit, pasi sipas llogaritjeve duhej të përfitonin nga kjo lopë 17 milionë lekë.
Por Abedini nuk u bë më i gjallë, ndaj dhe Xhevahiri shkoi në polici për të hapur çështje penale ndaj tij. Edhe pse ka kaluar më tepër se 1 vit ata ende nuk kanë marrë as lopën e as dëmshpërblimin.
Yrke thotë e agravuar: “Nga data 16 Nëntor e deri më sot ma ka hedhur mua zotëria atë barrë. Unë nuk e bëj dot se nuk marr asnjë përgjigje se ai ua ka falur atyre. Unë shkoj në polici më thonë është dosja në prokurori, shkoj në prokurori, më thonë që është në polici. Akti i faljes është kjo sorrollatja!”
Ndërsa Xhevahiri thotë se pas interesimit të shpeshtë të tij pranë policisë, shefi i Krimeve të Rënda i dha të drejtën Abedinit të largohej nga Shqipëria, duke e shfaqur korrupsionin hapur, sipas tij.
Ai shprehet: “Më 16 Nëntor rashë në arrest shtëpie dhe me noter ia kam kaluar të gjithë të drejtat Yrkës se nuk e ndiqja dot më atë çështje!
Shkoja te Lefter Sehitllari më thoshte do marrësh lopën, pse të hyjë ky në burg, ça leverdie ke ti? Shkoja te shefi i Krimeve, Ermal Metushi, më thoshte ça do fitosh ti? Në fund shkova te Genti Riftollari për të kërkuar llogari për çështjen e lopës, ai më kërcënonte për çështje të tjera. Thoshte po të shtiva në dorë, do të ta nxij jetën. Ore zotëri, kam ardhur unë, pa më thirrur ti në polici, nxima jetën nëse kam bërë gjë, por kur kam problem unë që vij në zyrën tënde, nuk ke punë ti të më kërcënosh. Ti më thërrit dhe vij unë të më kërcënosh! Vazhduan këto, karvan shumë i gjatë dhe në fund rashë brenda unë. Më thanë: ‘Re në dorën tonë!’”
Juristja Çobani thotë se Yrkja tani pretendon se pranimi i Abedin Muçollarit në shtëpi është konsideruar si falje nga policia, ndaj dhe nuk e kanë marrë dëmshpërblimin dhe lopën.
“Nuk futet hajduti në shtëpi! Ti nuk ke për të dalë (as për kafe) sa të jem gjallë unë“, thotë Yrke. Xhevahiri pretendon se pas shumë insistimesh për të shkuar çështja në prokurori, prokurori i çështjes është shprehur: “Nuk jam lopçar që të gjej lopën tuaj”!
Zonja Eni shprehet se nuk e kupton përse nuk janë marrë masa nga organet kompetente të qytetit të Pogradecit, pasi Abedini ka thënë që e ka vjedhur, duke pranuar kështu veprën penale që ka kryer.
“Policia që nga momenti që ka hapur një dosje për këtë vjedhje, duhet t’i japë një përgjigje këtyre qytetarëve që çfarë bëhet me mallin e tyre. Më pas, me kthimin e këtij malli, me dënimin e fajtorit, zotërinjtë mund t’i drejtohen Gjykatës së Rrethit Gjyqësor Pogradec për të kthyer dëmshpërblimin nga mbajtja e këtij malli pranë familjes së zotit Abedin. Pra, për të mos pritur më, me anë të këtij ndërmjetësimi, që Abedini ka pranuar vetë që do paguajë dëmin dhe do kthejë mallin ,gjë të cilën nuk e kreu, atëherë duhet të ndërhyjë ligji!”
Pra, nëse vërtetohet fajësia e Abedin Muçollarit, ai do të dënohet, do të kthejë lopën, si dhe do të paguajë dëmin material dhe moral që i ka shkaktuar kësaj familjeje.
Yrke i kërkon Xhevahirit të mos e përmendë më këtë lopë dhe të mos kërkojë asnjë të drejtë në fermën e tyre, përderisa e fali hajdutin.
“Fare, nuk dua ta di fare! Do mbaj vëllain tjetër dhe kunatën dhe nuk dua t’ia di më fare për këtë se na ka shkatërruar familjen!”
Gjithashtu ajo kërkoi ndihmën e juristes Çobani për ta përjashtuar të vëllanë nga prona e përbashkët, por kjo e fundit nuk e aprovoi si veprim.
Kjo seancë ndërmjetësimi përfundoi me një përqafim, premtimin e Xhevahirit që nuk do të përfshihet më në këtë çështje, pasi ka problemet e tij personale, si dhe me vijimin e ndjekjes së çështjes nga Yrkja.
Nisin shkarkimet e ujit në hidrocentralin e Fierzës si pasojë e shiut dhe shkrirjes së dëborës.
Mësohet se për shkak të reshjeve të shumta të shiut dhe shkrirjes së dëborës pas rritjes së ndjeshme të temperaturave, është përmbytur ultësira e nën Shkodrës.
Ka qenë deputeti i PD-së, Bardh Spahia ai që ka vënë alarmin, ndërkohë që deri në këto momente nuk është ndier ende dora e shtetit.
Ky është postimi i Bardh Spahisë:
Situate alarmante ne ultesiren e Shkodres!
Rritet siperfaqja e tokes se permbytur ne Anen e Malit. Rruga qe lidh fshatin Obot bllokohet. Hera e trete brenda dy muajve qe keto zona permbyten.
Fusha e Muriqanit sot pasdite. Niveli i ujit vazhdon te rritet.
Xhevahiri tregon se pas 15 ditësh kërkimi për lopën, iu drejtuan policisë për ta denoncuar humbjen e saj, por iu tha se ishin me vonesë. Ndaj pas 3 muajsh kërkimi, mendoi një mënyrë tjetër zgjidhjeje, duke ofruar 700 mijë lekë të vjetra për personin që do t’i jepte informacion se ku ndodhej lopa.
Xhevahiri – Këtë kam thënë, por nuk më bindej as kjo, as kunata e as vëllai.
