Aurora

Po flitet aq shumë këto ditë për Aeroportin e Vlorës po a e dini si do të duket ai. Ministri për Infrastrukturën dhe Energjinë Damian Gjiknuri publikoi në faqen e tij në rrjetin social Facebook disa nga fotot e projektit ku krijohet qartësisht ideja sesi është menduar aeroporti i Vlorës.

Grupi i fotove shoqërohet edhe me lajmin se është ngritur grupi i punës që do të shqyrtojë ofertën e bërë nga konsorciumi për ndërtimin. “Projekti strategjik për ndërtimin e aeroportit të ri të Vlorës është në rrugë të mbarë. Kemi tashmë kërkesën zyrtare nga konsorciumi i kompanive “Cengiz Construction”, “Kalyon Construction” dhe “Kolin Construction”. Morëm vendimin për të ngritur grupin e punës që do të shqyrtojë në detaje ofertën me aspektet teknike dhe do të ndjekë hapat e mëtejshme në përputhje me përcaktimet ligjore. Ndërtimi i aeroportit të Vlorës do ti japë një zhvillim jo vetëm zonës bregdetare por edhe ekonomisë kombëtare në tërësi” thuhet në postimin e Gjiknurit.

Lajmi për një ofertë lidhur me aeroportin e Vlorës u bë me dije tre ditë më parë nga Kryeministri Edi Rama. Pas kësaj Ministria për Infrastrukturën dhe Energjinë informoi se bëhet fjalë për zonën e Akërnisë ku aktualisht është një aeroport i vogël pjesë e një baze ushtarake. Konsorciumi ka marrë përsipër ndërtimin me financimin e tij dhe jo nga buxheti./Monitor

Shumëkush është habitur se përse Dritan Gina, burri i Rovena Gashit kërkoi të bënte “harakiri” në zyrën e kryeprokurorit të Elbasanit. Madje dikush dhe mund të ketë thënë se është e drejtë të mbrojë punën e tij. Po ashtu bënë të habiturin disa njerëz dhe për shkarkimin e Rovena Gashit nga drejtore e Marrëdhënieve me Jashtë në Prokurorinë e Përgjithshme. Pasi duke qënë krahu i djathtë i Adriatik Llallës, tashmë ish kryeprokuror, ajo vetë firmoste dhe vetë vuloste, duke pasur në dorë çelësin e Llallës që hapte të gjitha dyert e Prokurorisë.

Askush nuk pyeti se si u emërua Rovena Gashi në atë detyrë, arësyet pse u emërua ajo dhe cili ka qënë kontributi i saj më parë për të mbërritur në këtë detyrë. Po ashtu dhe për burrin e saj Dritan Gina, çfarë kishte bërë dhe cilat ishin meritat që e kishte merituar detyrën e kryeprokurorit të Elbasanit. Të gjithë e panë refuzimin e fortë të tyre për largimin nga detyra, madje dhe paditë që kanë ngritur kundër kryeprokurores Arta Marku në gjykatë. Dhe duke parë në këndvështrimin e tyre, ata e kanë një farë të “drejte” që bëhen kamikazë. Pasi humbasin shumë pasuri, e cila kishte shkuar për këtë periudhë shumë të shkurtër kohore në një shifër marramendëse.

Pesë vite ortakëri me Adriatik Llallën dhe kanë pasuri që të lë pa mend.

Kështu, te Shkëmbi i Kavajës është një superbanesë e Rovena Gashit dhe e Dritan Ginës. Fotoja që të prezantohet dhe jep një pamje shokuese për këdo që ëndërron një banesë në Shqipëri. Kate me shumicë, dhoma me shumicë dhe kur mendon se aty banojnë vetëm dy familje, ajo e Rovenës dhe motrës së saj. Dhe si gjithnjë, është jo në emër të tyre, por në emër të një familjari. Në emër të babait të Rovenës në rastin konkret, që ka në “pronësi” këtë banesë superluksoze në vendin më të mirë te shkëmbi i Kavajës. Të gjithë prokurorët dhe gjyqtarët zyrtarisht kanë ‘vobektësi’ në pasuri, ndonëse jetojnë në banesa luksoze, që ua kanë dhënë “në përdorim” ose si “dhuratë” të afërmit e tyre. Deri dhe gjyshi apo gjyshja, pensionistë me pension kooperative gjithë jetën.

Dhe Rovena nuk bën përjashtim, jeton në banesën e të atit, por që në të vërtetë është pronë e saj dhe e burrit Dritan Gina. Ky i fundit, dhe në konferencën për mediat kundër shkarkimit nuk mund të rrinte pa ekspozuar aksesorët e tij. Të blerë në dyqanet më të shtrenjta. Ndonëse syri të zë një orë superluksoze e cila në rastin më të keq kushton as më pak dhe as më shumë por 10.500 dollarë. Vetëm në njërën dorë, mbante gati 11 mijë dollarë. Imagjino shpenzimet e tjera. Dhe të gjithë e dinë sa është rroga e një prokurori. Duhej të kishte punuar afër 12 muaj për të blerë atë orë dhe të mos hante dhe pinte fare, të agjëronte 12 muaj që ta blinte. Prandaj bëjnë si “shpirt i keq” të gjithë këta që largohen. Kështu dhe Rovena me Dritan Ginën. Qajnë privilegjet e tyre. “Pamfleti.com” do të vijojë publikimin e pasurive të padeklaruara të këtyre monstrave të drejtësisë që kanë bërë padrejtësi në kurriz të shqiptarëve dhe që për ta vendi ideal është burgu. Pasi të hetohen dhe të verifikohen se si i kanë vënë këto pasuri dhe pse nuk i deklarojnë. Ligji njëlloj për të gjithë.

Super Skandali/ Zbërdhehet gazetarja marionetë e ish kryeprokurorit të përgjithshëm!

Shkruan Bledi Mane

Mbrëmjen e së shtunës, kur njerëzia nëpër Tiranë kishte dalë të argëtohej, vendosëm edhe ne të radaksisë së portalit www.pamfleti.com të argëtoheshim, ndaj zgjodhëm një personazh grotesk, grotesk si vetë shefi i saj.

Anduena Llabani quhet, dhe ka rreth 20 vjet në treg si gazetare, por dy vitet e fundit u përdor keq, jo nga pronarët e mediave, por nga një mysybet burrë. Nga një mediokër burrë që kishte marrë peng organin e akuzës shqiptare, nga Adriatik Llalla, e djeshmja e hidhur hedhur në koshin e plehrave.

Anduena Llabani u përdor keqas duke i bërë avokatinë djallit gramshiot nëpër studio apo mediume të ndryshme televizive. U përdor aq keq, sa kjo vajzë e bukur, kjo grua e divorcuar u konvertua në antipatiken e debateve televizive, fliste përçart, hiqej eksperte drejtësie ndërkohë që me formim akademik është edukatore kopshti diplomuar në Elbasan. Kjo gazetare me përvojë prej dy dekadash, llomotiste vetëm desinformimin që Adriatiku dhe njerëzit e tij ia dergonin me mesazhe në celular. Ndaj dhe ne të njëjtën gjë bëmë me Anduenën, nga një numur i thjeshtë celulari, i shkruajtëm mesazhe duke u hequr si Rovena Gashi…

Dhe aq donte gazetarja Anduenë, u zbërthye dhe çfarë nuk nxorri nga goja. Pas 20 miutash bashkëbisedim, Anduena Llabani e kupton lojën dhe e gjendur bllof para këtij skandali, bën si e fortë dhe më kërcënon mua.

Më pikantet e këtij skandali janë përgjigjet e gazetares Llabani e cila tregon se:

-flet dhe këshillohet ende me Adriatik Llallën

-i paska treguar avokat Spartak Ngjela të investigojë kryeprokuroren Arta Marku se qenka familje proamerikane

-fërkon duart kur dhunohet një gazetar, kolegu i saj

-kërcënon kolegun me gjyqe dhe vrasje.

Anduenaaaaaa, koha e prokurorisë së zagarëve kriminelë ka marrë fund ndaj mos lehni si ato konet e vogla tanimë që askush nuk trembet nga Tiku, Rovena dhe shpurra e tyre. Ndryshe nga Adriatik Llalla, ti Anduena Llabani ke nevojë për vettingun e trurit tënd të mbrapshtë!