Ish kryeprokurori i Shqipërisë Adriatik Llalla është paraqitur me urgjencë në ambjentet e Spitalit Amerikan 3 dhe ka kërkuar të bëjë një vizitë të zemrës dhe rezonancë të kokës pasi gjendja e tij shëndetësore dhe mendore paraqet rrezik jete.
Burime konfidenciale nga Spitali Amerikan konfirmojnë se Adriatik Llalla nuk ka qenë i shoqëruar as nga rrojet e tij personale dhe as nga familjarët.
Deri tani Adriatik Llalla nuk mund të vizitohet pasi ende nuk ka bërë pagesën paraprake. Pritet të vinë familjarët e tij të sjellin paratë e më pas të vazhdojë procedura e zakonshme e shtrimit spitalor.
Një deklaratë e fortë nga gazetarja dhe prezantuesja Aulona Musta për koleget e saj që punojnë në televizion.
Teksa ishte e ftuar në puntatën e radhës të “90 sekonda me Eraldon”, në “Eduasportin.com”, Aulona ka komentuar edhe mënyrën se si shumica e femrave punësohen në TV.
E pyetur se sa rol ka talenti për të qenë pjesë e televizionit, Aulona e njohur për natyrën e saj të drejtpërdrejtë, ka dhënë një përgjigje që jo shumë persona kanë guxim ta shprehin.
“Për fat të keq sot dhe e këtë e them me bindje se pjesa më e madhe e atyre që janë në ekran, nuk janë në bazë të meritës, por janë sepse kanë aftësi të tjera, jashtë ekranit, te zyrat e shefave, aftësi gojore, por jo në ekran se në ekran belbëzojnë zakonisht”, tha Aulona.
Kryeministri i Kosovës, Ramush Haradinaj ka reaguar menjëherë pas deklaratave të bëra nga Edi Rama, në lidhje më atë se demarkacioni ishte debat i shpikur nga politika e brendshme e Kosovës.
Ai në profilin e tij në Facebook ka shkruar se Edi Rama nuk ka çfarë të flasë për shpikjet politike në Kosovë.
“Le të merret me shpikjet e veta brenda Shqipërisë se i dalin boll”, ka shkruar Haradinaj.
Ndryshe, kryeministri i Shqipërisë, Edi Rama, ka thënë në emisionin “Zona e Pavarësisë” në “Klan Kosova”, se problematika rreth demarkacionit u shpik nga politika e brendshme e Kosovës.
Sipas Ramës, kjo ka rrezikuar seriozisht reputacionin e Kosovës në arenën ndërkombëtare.
Rama për demarkacionin:
“Unë kam preferuar gjithmonë që debatet me miqtë e mirë këtu në Prishtinë t’i bëj në mënyrë diskrete, sy me sy, por çështja e demarkacionit u kthye dhe është sot e gjithë ditën në një gur që rëndon mbi qafën e Kosovës dhe që ka krijuar një pështjellim jo të vogël, në mes atyre që janë fuqia që lindi shtetin e Kosovës, partnerët strategjikë ndërkombëtarë të shqiptarëve”, ka pohuar Rama, njofton Klan Kosova.
“Demarkacioni do të çlirojë më në fund popullin e Kosovës nga pengesa e tmerrshme e vendosur nga BE-ja për të lëvizur lirisht në Europë, pasi nuk ka qenë e drejt që kjo lëvizje të kushtëzohet me demarkacionin dhe është e turpshme për Bashkimin Europian. Këtë ua kam thënë në sy të gjithëve atyre që kam takuar në BE”.
“Por çështja e Demarkacionit ka edhe një komponentë tjetër; ka rrezikuar seriozisht reputacionin e Kosovës në arenën ndërkombëtare. Ka rrezikuar besimin dhe mbështetje e partnerëve strategjikë të Kosovës dhe shqiptarëve, pasi refuzimi për ta ratifikuar këtë marrëveshje është mungesë serioziteti nga Kosova”.
“Në ndërkohë që miqtë e mëdhenj të shqiptarëve janë të angazhuar në zgjedhjen e problemit real mes shqiptarëve dhe serbëve, demarkacioni është një problem i shpikur nga politika e brendshme e Kosovës që nuk ka asnjë bazë reale dhe që është një padrejtësi ndaj njerëzve të këtij vendi”.
“Por unë kam ndeshur një mur të shurdhër sa herë kam folur për këtë dhe sa herë kam përcjell këtu atë që kam dëgjuar në takimet me homologë në nivelet më të larta të marrëdhënieve ndërkombëtare”.
“Atëherë më është dashur që edhe publikisht të them atë që duhet të thënë dhe shpresoj shumë që Kuvendi i Kosovës të ratifikojë këtë marrëveshje dhe ta mbyllë këtë kapitull që duhet harruar një orë e më parë, pasi ka ngritur pikëpyetje në sytë atyre që e lindën shtetin e Kosovës pa asnjë arsye dhe është e pajustifikueshme nga pikëpamja strategjike të bësh gabim të kësaj natyre”.
Karaburuni është gadishulli më i madh që ndodhet në territorin e Shqipërisë. I shtrirë në pjesën jug-perëndimore të vendit ai ndodhet midis gjirit të Vlorës dhe detit Jon.
Me një gjatësi prej 16 km, Karaburuni shërben si kufiri ndarës midis deteve Adriatik dhe Jon.
Peizazhi i çuditshëm i tij ofron forma nga më të ndryshmet si gjire të vegjël, pllaja, shpella karstike, kepe, plazhe, shpate të zhveshur, maja malesh, etj. Midis tyre mund të përmendim gjiret me emra të çuditshëm si ai i Ariut, Dafinës, Raguzës së parë, Raguzës së dytë, Ravenës, Shën Janit, Shën Vasilit,etj.
10 000 lekë të vjetra kushton një udhëtim nga Vlora në Karaburun me skaf turistik, ku plazhet e mrekullueshme dhe natyra e virgjër të bëjnë të harrosh realitetin nga vjen.
Karaburuni është pjesë të zonës tektonike të Sazanit. Dukuria aq e përhapur të Karstit e bën gadishullin të pabanueshëm për shkak të mungesës së ujit të pijshëm. Aty evolucioni natyror ka krijuar një sërë kepesh si ai i Gallovecit, Gjuhëzës etj. Pikërisht kepi i Gjuhëzës që ndodhet në veri-perëndim të tij përbën edhe pikën më perëndimore të Shqipërisë dhe ndan Detin Jon nga ai Adriatik.
Me siguri që një pjesë e mirë juaja akoma nuk ka pasur fatin të prekë nga afër këtë mrekulli detare mbi dhe nënujore të vendit tonë, i cili mes të tjerash, këtë pranverë u shpall edhe Park Kombëtar, duke përfshirë edhe ishullin e Sazanit. Një nga arsyet e shumta të mosfrekuentimit të kësaj perle është edhe mungesa e infrastrukturës, duke qenë se nuk ka rrugë përgjatë gadishullit, pra mund të lëvizet vetëm nëpërmjet detit, me varka ose motorë uji.
Deri tani jemi mësuar që panoramën e gadishullit ta shijojmë nga pikat e shumta të larta të Vlorës, ndër të cilat taraca e detare eKuzum Babait ose nga verandat e Hotel Konomit, në pikën turistike të Ujit të Ftohtë. Por të vizitoni nga afër vijën bregdetare të gadishullit në formën e gishtit të madh të dorës, është një përvojë e rrallë, e pangjashme me asgjë tjetër.
Për t’ju krijuar një ide më të qartë ju kureshtarëve dhe adhuruesve të natyrës se çfarë keni humbur deri tani, po ju themi shkurtimisht se vija bregdetare e Karaburunit është rreth 70 km dhe përfshin segmentin bregdetar Orikum-Palasë. Pra, nëse distanca Vlorë-Himarë (që ju e njihni) është 70 km, dhe nëpërtë herë shikoni det e herë tokë, vija bregdetare e Karaburunit ju ofron mrekullinë kilometrike të plazheve që nuk mbarojnë,gjire të virgjër ngjyrë smeraldi, plazhe të bardhë, shkëmbinj të thikët, shpella misterioze, një blu të thellë të ujit ku shket varka juaj që vështirë se do t’ju dalin kollaj nga mendja.
Imagjinoni një ditë të tërë të kaluar krejtësisht të shkëputur nga bota, ku shoqëri ju bëjnë vetëm dielli, deti, zhurma e valëve që përplasen në shkëmbinj apo shushurima që takon rërën e ashpër e të bardhë ku thyhen rrezet e diellit.
Nuk keni nevojë të eksploroni mijëra kilometra larg, nëpër ishujt e pabanuar të tropikut. Keni plot plazhe të tilla në Karaburun.
Ata që duan të shtyhen më shumë në aventurë mund të guxojnë të zhyten dhe poshtë detit i pret të botë tjetër ku banorë janë koralet, peshqit, një botë nënujore nga më të pasurat e gjithë bregdetit të Shqipërisë.
Pa dyshim që për pajisjet dhe instruksionet për zhytje duhet t’i keni marrë masat paraprakisht. Por nëse nuk doni t’i futeni aventurës së zhytjes, botën e mrekullueshme nënujore mund ta soditni edhe me pajisje të thjeshta si syze uji, tub zhytës etj. Në këtë drejtim mund t’jundihmojë edhe shoqata e zhytësve profesionistë “Ekspedita BLU”, e cila na ka ofruar edhe disa prej fotove për reportazhin tonë.
Si shkohet në Karaburun?
Nëse nuk doni të stepeni nga mungesa e rrugës për të vajtur deri në Karaburun, plazhet e tij të mahnitshme mund t’i shijoni duke kërkuar transport një-ditor me varkë ose motorë uji.
Nisjen mund ta bëni nga cilado pjesë e bregdetit të Radhimës ose Orikumit, portit të Vlorës ose portit të vogël të jahteve që është ngritur në Orikum. Operatorët turistikë të zonës së Vlorës ju ofrojnë ture ditore ku ju mund të merrni me vete gjithçka, ashtu siç mund të bëni kur niseni zakonisht për në piknik.
Hotelet e njohura përballë gadishullit, si Paradise Beach, Grand Hotel, Regina apo Helia, ju ofrojnë jo vetëm ekskursione dhe guida që mund t’ju shoqërojnë deri në Karaburun dhe vijnë ju marrin në një orë tëcaktuar më parë nga ju, por ju ofrojnë ture për të eksploruar gjithë zonën.
Nëse doni më shumë
Nëse nuk kënaqeni thjesht me detin dhe diellin, mund të zgjeroni argëtimin tuaj me kulturë.
E gjithë Vlora ofron histori, lashtësi, arte dhe gjithë linjat e mundshme që ju lidhin me turizmin kulturor, por në zonën që jukemi ofruar këtë herë, do t’ju rekomandonim Parkun Arkeologjik të Orikumit, i cili ndodhet pikërisht aty ku ju mund të nisni udhëtimin. Oriku i Vjetër është një nga vendet që ju tregon për historinë e lashtë të qytetërimit të Vlorës.
Për eksploruesit e natyrës, në Gadishullin e Karaburunit, ndodhet Shpella e Haxhi Alisë, detarit të njohur të Mesjetës së Vonë, i cili kishte ngritur në këtë shpellë portin për flotën e tij. Ndodhet nëKaraburun, midis kepave të Gjuhëzës dhe Golovecit. Është formuar nga karsti nëgëlqerorë, mbi 30 m e gjatë, 10-15 m elartë e gjerë 10-12 m, e lartësi 10-12 m.
Gjiri dhe Shpella e Gramës është një nga gjërat interesante që mund të vizitoni gjatë aventurës tuaj. Ndodhen në bregdetin e malit tek vend i quajtur “Rrëza e Kanalit”. Gjiri futet disa qindra metra në tokë, me brigje shkëmbore, me faleza, ndoshta dhe me shpella nënujore.
Është përdorur si vendstrehim i anijeve gjatë furtunave. Këtu ndodhet gurorja e Gramës, ku në antikitet, skllevërit kanë gdhendur emrat dhe shënime të tjera, që përbëjnë mesazhe të rëndësishme për studiuesit. Vizitohen nëpërmjet udhëtimit nga Vlora apo Himara.
Barriera koralore e Grykës së Djallit është një habitat koralor, midis Sazanit dhe Karaburunit, në thellësi rreth 10 m. Ka vlera shkencore didaktike, turistike dhe bukuri të rrallë. Vizitohet duke shkuar me anije në ishullin e Sazanit.
Në Karaburun gjiri më i famshëm është ai i Gramës (Gramatë), që në greqisht do të thotë “shkrime”e që ndodhet në pjesën perëndimore të Karaburunit. Qysh në periudhën antike këtu ankoroheshin anijet,të cilat dallgët e detit mund ti përplasnin në shkëmbinjtë e gadishullit. Të strehuar këtu udhëtarë të shumtë nga vende të ndryshme të mesdheut kanë lënë shënimet e tyre, të cilat i kanë gdhendur në faqet e shkëmbinjve.
Mbishkrimet më të vjetra nisin që nga shekulli i III-të p.k., dhe vazhdojnë gjatë periudhave të mëvonshme, duke shkuar deri në shekullin e XIX. Mbishkrimet e para ju kushtohen perëndive dhe janë lutje për shpëtim nga furtuna në det. Ndërsa në të tjera mbishkrime përmendet figura historike të Romës si Pompeu, Dolabela, Mark Antoni ose Konsulli Tit Statit Tauri.
Ndërkohë që interes paraqet edhe një mbishkrim i vitit 1396, i cili tregon se gjatë udhëtimit të tij për në Francë u strehua nga stuhia në Gramata, vetë Perandori Bizantin Joani i V-të Paleolog.
Mbishkrimet janë bërë kryesisht në gjuhën antikegreke, latine, dhe greqishten Bizantine. Shpesh herë ato shoqërohen edhe me vizatime të ndryshme dhe simbole nga më të larmishmet.
Studimi i mbishkrimeve të Gramatës ka tërhequr vëmendjen e studjuesve. Nga arkeologë e historianë mund të përmendim Leon Hezein, Paolo Sestierin, Karl Paçin, Hamondin, etj. Ndërkohë që ishte i parihumanisti Italian, Kiriaku i Ankonës i cili u befasua me mbishkrimet e Gramatës, pas vizitës që bëri këtu në vitin 1435. Gjatë eksplorimit të tij arkeologjik, të bërë në Shqipëri, ai la në shënimet e tij punimet e para të mirëfillta të kësaj displine shkencore.
Shpellat e Karaburunit
Dukurisë e Karstit ka bërë që në gadishull të ketë shumë shpella. Janë gjithësej 20 të tilla përgjatë gjithë vijës bregdetare, nga ku mund të përmendim shpellën e Haxhi Aliut, atë të Dukë Gjonit, shpellën pranë gjirit të Ariut, Shpellën e Pëllumbave, shpellën e Inglizit, Shpellën e Thellë, etj.
Por shpella më e madhe dhe më e famshmja është ajo e Haxhi Aliut, një nga më të mëdhatë në Shqipëri. Shpella ka formën e një kulmi me lartësi 60 m dhe thellësi 40 m. Brenda saj ndodhet një liqen ivogël, ndërsa në mure vihen re shenja bloze, dhe gjurmë zjarresh.
Sipas legjendës, Shpella dikur është përdorur nga Pirati i njohur i shekullit të XVII-të Haxhi Aliu. Këtu ai strehohej së bashku me anijen dhe njerëzit e tij. Pozicioni i favorshëm i Karaburunit i ofronte këtij pirati mundësinë e plaçkitjes së anijeve napolitane, turke, veneciane, dalmate, etj. Pasi u vra nga venecianët Haxhi Aliu u varros së bashku me të birin në Sazan. Por varret e tyre nuk janë gjendur asnjëherë.
Një tjetër shpellë e Karaburunit është edhe ajo e quajtur e Inglizit. E mori këtë emër gjatë viteve të Luftës së II-të Botërore kur SOE, Drejtoria e Operacioneve të Posaçme me qendër në Kajro, krijoi një bazë detare për misionet e saj që vepronin në Shqipëri për të mbështetur rezistencën antifashiste. E quajtur Seaview (Riviera,) ajo shërbeu për misione të ndryshme në këtë rajon që nuk kontrollohej nga gjermanët.
Aventura vazhdon
Ata që duan të shtyhen më shumë në aventurë mund të guxojnë të zhyten dhe poshtë detit i pret të botë tjetër ku banorë janë koralet, peshqit, një botë nënujore nga më të pasurat e gjithë bregdetit të Shqipërisë.
Gjiri dhe Shpella e Gramës është një nga gjërat interesante që mund të vizitoni gjatë aventurës tuaj. Ndodhen në bregdetin e malit tek vend i quajtur “Rrëza eKanalit”. Gjiri futet disa qindra metra në tokë, me brigje shkëmbore, mefaleza, ndoshta dhe me shpella nënujore.
Pikërisht këto kohë, kur janë shtuar debatet në lidhje me identitetin e shqiptarëve, Skënderbeun, etj, për Shqipërinë po shfaqet një interes i paarsyeshëm i historianëve rusë, të cilët interesohen për historinë e tjetërsimit të bizantinizmit tonë në një prani proto-ruse
Vitet e fundit vihet re një “dashuri” e posaçme e “historianëve” rusë për t’u marrë me të kaluarën e historisë së Shqipërisë. Rusia jo vetëm nuk është aleat strategjik i Shqipërisë, por është edhe shtet aleat i vendeve të tilla si Serbia. Është shumë i njohur fakti se gjithnjë kur ka interes rus ndaj Shqipërisë rezultati apo efekti është negativ. Pra kjo duhet të kuptohet si veprim i një shtetit jo dashamirës ndaj Shqipërisë në të gjitha kuptimet e mundshme, pavarësisht kohës kur japin efektin e tyre. Njëri prej historianëve rusë është edhe Aleksei Pentkovskiy. Për herë të parë ky historian, i njohur edhe si mik i presidentit Putin, ka ardhur para disa vitesh në vendin tonë për të bërë studime në Orikum e Radhimë, zonën e sipërme të lumit të Vlorës midis Vlorës dhe Tepelenës. Interesi i tij ka qenë studimi i gjurmëve të sundimit bullgar të Car Borisit I. Interesi i Alekseit duket se është manuali i rendit të shërbesave fetare ortodokse i quajtur “Tipikon”, të cilin mendon ta gjejë në këtë zonë pasi gjatë periudhës së pushtimit u ndërtuan disa kisha në të cilat mendohet se ndodhet ky manual. Gjithashtu Aleksei është shprehur se nëpërmjet gjetjes se manualit mund të argumentojë edhe toponimet sllave në këtë zonë. Kërkimet e historianit rus nëpër kisha me gjasa për t’i paraqitur bullgarët e asaj kohe si rusë po zhvillohen me intensitet në rritje. Gjurmët e pushtimit bullgar janë të pakta. Në këtë mënyrë motivimi i historianit rus për t’i gjetur ato duket i çuditshëm.
Goditja e identitetit shqiptar që herë shfaqet në debate të kota mbi origjinën e Skënderbeut p.sh., jo në pak raste nxitet në mënyrë të dukshme e të padukshme nga faktorë që të çojnë në Rusi. Kjo përpjekje e ka zënë pothuaj në gjumë vigjilencën kombëtare shqiptare. Sigurisht është e kuptueshme se një interes rus që prek të kaluarën kombëtare të Shqipërisë, e alternuar me veprime që nuk janë studimore, por që kamuflohen si të tilla.
Manualin në fjalë, Aleksei është mundur ta gjejë edhe në arkiva, ndonëse nuk ka gjasa që të jetë një i tillë.
Krahas këtij historiani është vënë re edhe një tjetër që po thellon kërkimet, i quajturi Matvey Lomonsov i cili interesohet për dokumentet mbi zbulimet e arkeologut Leon Rey.
Presidenti i Republikës, Ilir Meta, mori pjesë në pritjen e organizuar nga Ambasada e Kosovës me rastin e 10-vjetorit të Pavarësisë së Kosovës.
Gjatë pritjes Presidenti Meta mbajti edhe një fjalë përshëndetëse, ku vlerësoi progresin e jashtëzakonshëm që ka bërë Kosova në këto 10 vjet dhe kthimin në një faktor stabiliteti për rajonin.
Fjala e plotë e Presidentit Meta:
“Është një kënaqësi e jashtëzakonshme që sot festojmë 10-vjetorin e shtetit të Kosovës, të shtetit më të ri të Evropës, të një shteti që ka bërë një progres të jashtëzakonshëm në këto 10 vjet dhe të një shteti që ka padyshim një të ardhme akoma më të fortë Evropiane, pas mëngjesit të sotëm dhe deklaratës së Presidentit Thaçi dhe atij të Malit të Zi, Vujanoviç për zgjidhjen e çështjes së Demarkacionit e cila do ta përshpejtojë perspektivën evropiane të Kosovës dhe liberalizimin e vizave për të gjithë qytetarët e saj.
Kemishumë arsye për të festuar, për të gëzuar për këtë sukses të jashtëzakonshëm për këtë arritje të madhe të popullit të Kosovës, të qytetarëve të Kosovës dhe të shtetit të Kosovës që rritet dhe forcohet çdo ditë si faktor stabilitetit në rajon. Kemi shumë arsye sot për t’u përkulur me nderim përpara veprës dhe vizionit të Presidentit të përjetshëm të Kosovës, Ibrahim Rugova, përpara sakrificave sublime të Adem Jasharit dhe të gjithë atyre që u sakrifikuan për lirinë e Kosovës.
Shprehim mirënjohjen të gjithë aleatëve tanë, duke filluar me Shtetet e Bashkuara të Amerikës, të cilat nën udhëheqjen e Presidentit Clinton vendosën në mbrëmjen e 24 marsit të vitit 1999 për t’i dhënë fund barbarisë së fundit të kasapit më të madh që ka njohur Ballkani, Sllobodan Milloshevic, për të vazhduar më pas me Presidentin Bush i cili pikërisht këtu ku ne jemi sot në Tiranë gjatë vizitës së tij zyrtare tha se tani është koha për Pavarësinë e Kosovës.
Dhe sot ne shohim që Kosova ka njohje të jashtëzakonshme ndërkombëtare dhe një perspektivë të shkëlqyer si asnjëherë tjetër.
Këto ditë më bëri shumë përshtypje një vizitë e 40 vajzave të reja dhe shumë lumtura nga Kosova në Sarandë. Kjo më bëri shumë përshtypje sepse në prill të vitit 99 kur sapo filloi eksodi i jashtëzakonshëm i vëllezërve tanë nga Kosova në Shqipëri për shkak të gjenocidit mbaj mend bashkë me Ministren e Brendshme të Italisë në atë kohë, takojmë një grup prej tyre dhe një vajzë e vogël qante mënjanë pa pushim dhe nuk ndalonte për asnjë moment së qari. Sepse i kishte humbur prindërit e saj dhe të gjithë njerëzit e dashur. Dhe kur pyetëm ata të cilët ishin aty pasi na dhanë këtë shpjegim na thanë që vajza e kishte emrin Saranda. Sepse ajo ishte aq e pikëlluar dhe aq e tronditur sa nuk komunikonte dot. Dhe para dy ditësh ishte kënaqësi që pashë 40 Saranda në qytetin tonë Sarandë, të cilat kishin ardhur në prag të 10-vjetorit të Pavarësisë së Kosovës të qeshura dhe të lumtura krejt ndryshe nga Saranda e vogël që unë pashëdekada më parë.
Gjërat kanë ndryshuar shumëpavarësisht se asnjëherë nuk kënaqemi me arritjet dhe kjo është pozitive sepse synojmë arritjen më pozitive. Ndaj i uroj suksese të tjera shtetit të Kosovës, popullit të Kosovës, qytetarëve të Kosovës”.
Një masë xheli, e cila ngjitet mbi plagë pritet të zëvendësojë qepjen kirurgjikale, duke e mbajtur plagën e mbyllur deri sa ajo të mbyllet vetë, duke mos lënë shenja nga plaga.
Mjaftojnë 60 sekonda që ajo të vendoset mbi plagë për t’u ngjitur duke ndihmuar në mbylljen e saj, pa pasur nevojën e qepjes, duke eliminuar kështu si shenjat që krijohen nga kjo procedurë, por edhe dhimbjen.
I quajtur “metro glue”, ai sipas shpikësit të saj mund të shërbejë edhe për operacione në organe të brendshme, madje edhe tek ato më të komplikuarat si zemra, apo mushkëria.
Në Shqipëri Prokuroria e Përgjithshme, nuk i dha një përgjigje të prerë kërkesës së Zërit të Amerikës për të mësuar nëse do të ndërmerret apo jo ndonjë veprim ndaj ish Kryeprokurorit Adriatik Llalla, pas vendimit të Departamentit amerikan të Shtetit për t’i ndaluar atij hyrjen në Shtetet e Bashkuara për shkak të përfshirjes në raste të mëdha korrupsioni
“Prokuroria e Përgjithshme e Republikës së Shqipërisë i jep përparësi integritetit moral dhe profesional të zyrtarëve. Populli shqiptar pret dhe meriton që zyrtarët të punojnë me ndershmëri dhe integritet në të mirë të interesit publik”, thuhet në përgjigjen e Prokurorisë së Përgjithshme ndërsa shton se ky institucion “u jep mbështetjen e plotë të gjithë prokurorve që punojnë me përkushtim, dinjitet dhe integritet” e se “gjithashtu mbështet qëndrimin për ndëshkimin e cilitdo që cënon parimet e Shtetit të së Drejtës”.
Rasti i zotit Llalla është i pari i një zyrtari të lartë shqiptar ndaj të cilit Shtetet e Bashkuara marrin sanksione të tilla. Javën e shkuar ish kryeprokurori u tërhoq nga e drejta për të qenë gjykatës në Apel duke prefruar të mbetet jashtë sistemit të Drejtësisë. Një vendim i cili solli sot dhe ndërprerjen e procesit të rivlerësimit të nisur ndaj tij. Duke komentuar lëvizjen e pak ditëve më parë të zotit Llalla, ambasadori amerikan në TIranë Donald Lu u shpreh se “tërheqja nuk i shfajëson këta ish zyrtarë nga përgjegjësitë e mundshme penale për korrupsion apo shpërdorim detyre. Ata që kanë frikë nga Vetting-u, duhet të kenë frikë dhe nga hetimet e pashmangshme penale”, theksoi ambasadori Lu.
