Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1% e totalit të të prekurve.
Aktualisht në vendin tonë 257 ose 41.9% e totalit të të prekurve janë persona aktivë me COVID-19 dhe siç shihet përqindja e të shëruarve është më e lartë. Sipas Ministrisë së Shëndetësisë, kjo tendencë tashmë vazhdon të jetë e qëndrueshme.
“Ju informojmë se, në shërbimin infektiv aktualisht janë 30 të shtruar nga të cilët 4 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 pacientë janë në pavijon”-tha Eugena Tomini, eksperte pranë ISHP-së.
Në dy spitalet COVID aktualisht po marrin shërbim 38 pacientë./atsh
Me siguri asnjëri prej jush nuk e ka harruar moderatoren e një prej emisioneve më të ndjekur dikurë, Aida Shtinon.
Moderatorja u zhduk papritur nga ekrani për tu rikthyer një vitë më parë si politikane duke surprizuar publikun, shkruan Albeu.com.
Edhe së fundmi në Instagram ish moderatorja ka surprizuar ndjekësit ku ka pozuar nga një makinë luksoze tip AMG, por nga aty për të përcjell një mesazh “Jeta është e shpejtë. Ajo nuk është gjë tjetër vecse një moment…
Le të mos ta lejojmë këtë moment, të shuhet pa ngjyra dhe i zbrasët.
Sa te drejtë paskam pasur kur e kam berë kete status para nje viti…Ja tani ku jemi sot, të gjithe të mbyllur dhe shikojmë fotot e kujtimet, që na kthejnë vite mbrapa në kohë. Sa te mbarojë kjo pandemi udhetoni e lëvzni e shkoni, në vendet ku ju ëndërronit te ishit gjatë kohes qe ishit mbyllur. Ditë të mbarë për ju !”, shkruan Shtino.
Presidenti i Kosovës, Hashim Thaçi është operuar sot në Klinikën e Urologjisë në Qendrën Klinike Universitare të Kosovës.
Presidenca njofton se operacioni ka kaluar me sukses dhe Thaçi është në kujdesin e personelit mjekësor.
Në njoftimin e presidencës thuhet se Thaçi i është nënshtruar sot një intervenimi endourologjik.
Presidenti i Republikës së Kosovës, Hashim Thaçi, sot pasdite i është nënshtruar një intervenimi kirurgjik endourologjik në Klinikën e Urologjisë në Shërbimin Spitalor Kliniko-Universitar të Kosovës.
Sipas personelit mjekësor, operacioni ka qenë i suksesshëm dhe presidenti është nën kujdesin e vazhdueshëm të personelit mjekësor profesional.
Pas përfundimit të këtij intervenimi, presidenti Thaçi është shprehur mirënjohës për profesionalizmin dhe kujdesin e stafit profesional në Klinikën e Urologjisë dhe në tërë SHSKUK-në, thuhet në njoftim./KosovaPress/
“Shtyrja e afatit të gjendjes së fatkeqësisë natyrore deri në 23 qershor është një domosdoshmëri në mënyrë që e gjithë kjo situatë pandemie të kalojë me sa më pak të prekur ndër qytetarë dhe bluzat e bardha”, deklaroi sot ministrja e Shtetit për Marrëdhëniet me Parlamentin, Elisa Spiropali.
Duke ofruar një tablo të asaj që po ndodh dhe pritet të ndodh në botë si pasojë e pandemisë, Spiropali tha se “pandemia e shkaktuar nga Koronavirusi i ri ka infektuar deri tani mbi 2.6 milionë njerëz në të gjithë botën, ka vrarë mbi 180 mijë dhe vazhdon të infektojë dhe të vrasë përditë, me një ritëm që i afrohet një bilanci luftë.
Të martën e shkruar, Fondi Monetar Ndërkombëtar deklaroi se ekonomia botërore pritet të tkurret 3% gjatë 2020-s, rënia më e madhe historike që prej depresionit të madh të 1930-s. Falimentime dhe papunësi masive ishin fjalët kyçe të analizës. Amerika dhe vendet kryesore evropiane do të përjetojnë goditjen më të forte – konkretisht ekonomia e SHBA pritet të tkurret me 5. 9%, vendet e eurozonës me 7.5 %, ku Italia, një nga partnerët tanë kryesore tregtarë, do tkurret me një rekord 9.1 %, Spanja 8 %, Franca 7.2 % dhe Gjermania 7 %”.
Ajo tha se qytetet kryesore të botës të shkreta, rrugë dhe sheshe të zbrazura, nga New Yorku-u në Tokyo, nga Milano ne Bombei, e dëshmojnë me saktë se çdo statistikë, forcën tinzare të këtij armiku të vogël, por të madh, të njerëzimit.
“Shqipëria e ka përballuar me dinjitet këtë luftë të papritur. Nuk na gjeti të papërgatitur, përkundrazi Shqipëria ishte vendi dytë në Europë që mbylli shkollat dhe nga të parët që mbylli kufijtë. Kufizoi lëvizjet dhe shpalli karantinën si masë të domosdoshme. Shqipëria rezulton nga vendet me sëmundshmërinë dhe vdekshmërinë më të ulët në Europë, por edhe në rajon që ka përgjithësisht një ritëm të ulët të sëmundshmërisë”, tha Spiropali.
“Spitalet tona nuk janë të tejmbushura me njerëz që luftojnë me vdekjen të varur në respiratorë. Morgjet tona nuk janë plot. Mjekët dhe infermierët tanë, falë Zotit dhe kujdesit kanë një shkallë shumë të ulët infektimi”, tha Spiropali.
“Jo se jemi pasardhës të pellazgëve mitikë e s’na gjen gjë, siçc thonë romantikët. As se rron e rron e s’vdes shqiptari, siç thonë Nolistët, apo po ra se se kemi kismet siç thonë optimist-fatalistët, por vetëm e vetëm sepse si qeveri, si shtet e si popull mund të themi me plot gojën se kemi bërë gjënë e duhur”, theksoi Spiropali.
“Masat kanë qenë drastike dhe efikase. Ashtu siç ka qenë ekzemplare rezistenca qytetare. Disiplinë, respekt për bluzat e bardha dhe udhëzimet e tyre, durim shembullor. Mbyllja në shtëpi, respektimi i fashave orare, distancimi fizik dhe shoqëror kanë shpëtuar jetë. Mirënjohje për këtë sakrificë kombëtare”, shtoi Spiropali.
“Plotësisht të vetëdijshëm se COVID-19 nuk hap plagë vetëm në mushkëri, por edhe në ekonomi kemi miratuar dy paketa që ndihmojnë 300 mijë familje dhe biznese me mbi 300 milionë dollar ndihmë direkte nga buxheti dhe garanci sovrane”, tha Spiropali.
“Jemi në një situatë të kontrolluar, por aktiviteti ekonomik dhe shoqëror, duhet të rifillojë gradualisht. Duke nisur nga java e ardhshme do të rritet me 2 orë e 30 minuta fasha orare për individët. Do të hapim një kategori biznesesh, për të lehtësuar ekonomitë familjare, hapje graduale, duke marrë një minimum dy javor nga njëra fazë tek tjetra”, tha ministrja Spiropali.
“Është absolutisht e domosdoshme që në këtë fazë të re qytetarët dhe bizneset të respektojnë rregullat dhe masat si e vetmja mënyrë e kufizimit të përhapjes së infeksionit dhe karantinimit të përhapjes së mëtejshme. Më shumë njerëz në rrugë, në punë dhe kudo. Çdo kthim pas do të ishte fatal. Situata vazhdon të jetë e paqëndrueshme pothuajse në gjithë botën edhe tek ne. Për sa më sipër, shtyrja e afatit të fatkeqësisë natyrore deri në 23 qershor është një domosdoshmëri në mënyrë që e gjithë kjo situatë pandemie të kalojë me sa më pak të prekur ndër qytetarë dhe bluzat e bardha”, tha Spiropali. /atsh
Ministri i Shtetit për Diasporën, Pandeli Majko deklaroi në një nga mediet e vendit se në muajin maj do të hapen kufijtë e Shqipërisë, megjithatë liberalizimi i lëvizjes do të funksionojë mbi bazën e disa rregullave të caktuara, për mbrojtjen nga infektimi i koronavirusit.
“Puna e strukturave administrative po përpiqet brenda mundësive që maji të na gjejë me një situatë sa më të liberalizuar për të gjithë shtetasit që duan të rikthehen ose ata që duan të largohen nga vendi për tu krijuar atyre mundësi. Por, dua të nënvizoj faktin se nuk do të thotë se do rikthehemi në gjendje normale. Do ketë një lëvizje me rregulla të përcaktuara të cilat hap pas hapi do të tejkalohen. Rregulla të cilat ne i kemi shumë të rëndësishme se kanë të bëjnë me jetën e njeriut”, u shpreh Majko.
Majko dha edhe detaje lidhur me telefonatën që pati sot kryeministri Rama me homologun grek, për shqiptarët që duan të kthehen por edhe për ata të cilët bëjnë punë sezonale në shtetin fqinj.
“Rama ka pasur një bisedë telefonike me kryeministrin grek Mitsotakis, për këtë çështje. Sidomos sa i përket situatës së koronavirusit dhe për të stabilizuar atë marrëdhënie të veçantë e cila rivlerësohet nga shtetasit tanë në një numër të madh që punojnë aktualisht në Greqi. Jo vetëm ata që janë rezidentë, por sidomos ata që shkojnë për punësim sezonal. Ju e dini që Greqia ka shpallur interes të veçantë për këtë”, tha ai.
Ministri sqaroi se flesibiliteti në lëvizje do të shpëtojë këtë vit turizmin.
“Vera që vjen do ta gjejë Shqipërinë më fleksibël, më të liberalizuara qoftë lëvizjes dhe situatës në përgjithësi. Por duhet të kemi parasysh diçka që këtë situatë nuk e parashikojmë dot. Kërkohet një mirëkuptim se kjo që po ndodh, nuk po ndodh vetëm me Shqipërinë. Ajo që është e rëndësishme është që Shqipëria e vuri poshtë atë që mund të na vendoste ne poshtë. Pas lehtësimit në maj, këtu do vihet për të bërë turizëm”, shtoi ministri Pandeli Majko. /atsh
“Një tjetër shenjë të solidaritetit të Bashkimit Europian”, e ka cilësuar sot kreu i grupit parlamentar të Partisë Socialiste, Taulant Balla, ndihmën prej 180 milionë euro të Komisionit Europian përmes mekanizmit të asistencës makrofinanciare.
Balla ka theksuar se Komisioni Europian ka propozuar përdorimin e ndihmës makrofinanciare (MPJ) për të mbështetur Shqipërinë, Kosovën dhe Ballkanin Perëndimor dhe partnerë të tjerë fqinj në kontekstin e krizës COVID-19.
Balla shprehet se ndihma do të merret në formën e kredive afatmesme.
“Një tjetër shenjë e solidaritetit të BE, Komisioni Europian sapo ka propozuar përdorimin e ndihmës makrofinanciare (MPJ) për të mbështetur Shqipërinë, Kosovën dhe Ballkanin Perëndimor dhe partnerë të tjerë fqinj në kontekstin e krizës COVID-19. Ndihma do të merret në formën e kredive afatmesme”, është shprehur Balla.
Komisioni Europian propozoi sot 3 miliardë euro pako ndihmë makrofinanciare për të mbështetur dhjetë vendet fqinje, prej të cilave Shqipëria përfiton 180 milionë euro ndihmë./atsh
Rektori i Universitetit të Mjekësisë, Arben Gjata, e cilësoi sot lajm shumë të mirë faktin që në 24 orët e fundit nuk kemi pasur asnjë rast të diagnostikuar me koronavirus në vendin tonë, por vetëm raste të lidhura me persona që kanë rezultuar pozitivë.
Në një intervistë televizive, Gjata theksoi se “imuniteti ka të bëjë me popullatën e re që kemi, por edhe zbulimi i hershëm i rasteve. Besoj se këto janë elementet kryesorë që kanë bërë që të kemi shërueshmëri të lartë, mbi 50%”.
Sipas tij, kjo është një shenjë e mirë drejt kontrollit të epidemisë.
“Në Shqipëri ka qenë një epidemi e mirëkontrolluar”, -shtoi ai.
Rektori Gjata u shpreh se “mosha mesatare e lartë e Europës ka ndikuar në numrin e vdekjeve. Në Kinë popullata është më e re ndaj edhe numri i vdekjeve ka qenë më i vogël. Sëmundja shkakton më shumë fatalitete tek të moshuarit”, tha ai.
I pyetur lidhur me deklaratën e një dite më parë të OBSH, e cila në një kohë kur disa vende po nisin hapjen graduale deklaroi se e keqja më e madhe s’ka ardhur ende, Gjata u shpreh se “nuk është mbyllur cikli. Ka zona të botës ku nuk ka kaluar sëmundja ku pritet të shkaktojë vdekje dhe çështja tjetër lidhet me rrezikun e rikthimit të kësaj sëmundjeje. Detyrim për të bashkëjetuar një kohë të gjatë me këtë sëmundje”.
“Shpresojmë të zbulohet sa më shpejt vaksina. Është e vetmja rrugë që kemi”, – tha rektori Gjata.
Ai tha se “lajmi i testimit të vaksinës në Britaninë e Madhe është shumë pozitiv, edhe pse ajo do të dojë kohën e vet të prodhohet dhe shpërndahet në masë”./atsh
Ministrja e Shëndetësisë dhe Mbrojtjes Sociale, Ogerta Manastirliu, falënderoi sot epidemiologët në të gjithë vendin për punën shembullore për gjurmimin e rasteve me COVID-19 dhe izolimin e vatrave në territor.
“Nga veriu, në jug, me vigjilencë e angazhim maksimal epidemiologët e strukturave vendore të shëndetësisë vijojnë punën pa u ndalur, për gjurmimin e rasteve të dyshuara për COVID-19”, – thekson Manastirliu.
Sipas saj, epidemiologët në terren po bëjnë një punë të palodhur,
Përveç mjekëve dhe infermierëve që janë në vijën e parë të luftës ndaj COVID-19, edhe epidemiologët në qytete të ndryshme të vendit po bëjnë një punë për tu vlerësuar për gjurmimin e rasteve./atsh
