Aurora

Një shpërthim me tritol ka ndodhur këtë pasdite në fshatin Lazarat të Gjirokastrës. Mësohet se lënda plasëse është vendosur në derën e jashtme të banesës së shtetasit Adem Selimi.

Një shpërthim me tritol ka ndodhur këtë pasdite në fshatin Lazarat të Gjirokastrës. Mësohet se lënda plasëse është vendosur në derën e jashtme të banesës së shtetasit Adem Selimi.

Nga shpërthimi nuk ka persona të lënduar, por vetëm dëme materiale. Grupi hetimor ka kryer të gjitha veprimet në vendngjarje dhe vijon puna për zbardhjen e plotë të rrethanave të ngjarjes, si dhe identifikimin dhe kapjen e autorëve.

Report Tv mësoi se pronari i banesës që i është vënë tritoli është i afërm i shtetasit Klodian Selimi, i cili është dënuar për vrasjen e efektivit të RENEA-s, Ibrahim Basha.

Megjithatë, mësohet se Adem Selimi nuk është person i skeduar, me të kaluar të dyshimtë apo me precedent penal. Adem Selimi njihet si person i qetë dhe pa probleme në Lazarat. Gjithashtu, nuk është zbuluar ende ndonjë rrethato konfliktuale që të ketë shkaktuar këtë ngjarje të ndodhur mëngjesin e sotëm.

Opozita bllokoi sot katër kryqëzime kryesore të Shqipërisë në një protestë anti-qeveritare duke e akuzuar atë për lidhje me krimin e organizuar dhe për rritjen e taksave e varfërisë.

Por ambasada amerikane ka publikuar në faqen e saj zyrtare një  vizitë të ambasadorit Donald Lu tek personeli të Programit për Kontrollin e Eksporteve dhe Sigurinë Kufitare (EXBS) për t’i dhuruar Policisë Kufitare dhe Administratës Doganore pajisje për zbulim dhe inspektim.

“Një prej prioriteteve kryesore të Qeverisë së Shqipërisë, si dhe të Qeverisë së Shteteve të Bashkuara të Amerikës, është lufta kundër krimit të organizuar. Këtu përfshihet edhe trafikimi i drogave të paligjshme, armëve dhe i qenieve njerëzore si dhe kontrabandimi i mallrave.”

Dje Ambasadori Lu iu bashkua personelit të Programit për Kontrollin e Eksporteve dhe Sigurinë Kufitare (EXBS) për t’i dhuruar Policisë Kufitare dhe Administratës Doganore pajisje për zbulim dhe inspektim.

Këto pajisje, vlera e të cilave arrin në rreth 130,000 dollarë, do të përdoren në disa prej pikave kryesore të kalimit kufitar në Shqipëri. Që prej fillimit të veprimtarisë së tij në Shqipëri në vitin 2003, programi EXBS i ka ofruar Policisë Kufitare dhe Administratës Doganore trajnime, pajisje dhe mbështetje me vlerë rreth 5 milionë dollarë në kuadër të përpjekjeve për zhvillimin e kapaciteteve të sigurisë kufitare.”