Fundjava me diell të fortë dhe mot të ngrohtë, me sa duket, na ka gënjyer të gjithëve. Nga parashikimet e orëve të fundit, sinoptikanët thonë se shirat do të nisin sërish, madje qysh në orët e fundit të mbrëmjes së sotme dhe kryesisht e hëna do të risjellë reshjet në të gjithë territorin e vendit.
Kështu, sipas parashikimeve të IGJEUM, orët e fundit të ditës së diel dhe gjatë ditës së hënë priten reshje në të gjithë territorin. Në qarkun Shkodër dhe Lezhë reshjet priten të jenë intensive dhe lokalisht shumë intensive, ndërsa në qarqet Kukës, Dibër, Tiranë dhe Elbasan mesatare deri lokalisht intensive, të shoqëruara edhe me shtrëngata. Shumica e reshjeve priten gjatë ditës së hënë.
IGJEUM parashikon nga llogaritjet hidrologjike se lumenjtë Drin, Buna dhe Liqeni i Shkodrës do të kenë prurje dhe nivele të larta. Në basenin Drin-Buna dhe Liqeni i Shkodrës do të vazhdojë ulja e prurjeve në pjesët e larta malore duke përfshirë edhe kaskadën e hidrocentraleve mbi lumin Drin. Nivelet në pjesën e Ultësirës së Nën Shkodrës do të ngelen të larta për shkak të rritjes së shkarkimit të prurjeve nga Liqeni i Shkodrës në Lumin Buna. Për arsye të vazhdimit të rrezikut nga përmbytja është vendosur të mbahet shenja e paralajmërimit nga përmbytja për qarkun e Shkodrës. Në pjesën tjetër të territorit nuk parashikohet rrezik nga përmbytjet.
Temperaturat
Temperaturat minimale dhe maksimale të ajrit pritet të arrijnë:
Deputeti i ri socialist, Jurgis Çyrbja ka postuar ditën e djeshme një foto të tijën të shkrepur pranë ambjenteve të Kuvendit.
Ndër shumë komente pozitive që ka marrë nga ndjekësit e tij, ai që bie në sy është ai i kolegut të tij socialist Ulsi Manja.
Deputeti Manja me tone shakaje i ka shkruar Çyrbjas se kjo foto është justifikimi i mungesës në dy mbledhje të Komisionit të Ligjeve.
“E shoh se pse paske mungu dy dite rresht ne mbledhje. Do kesh qene duke bere foto me Gim Ramen per ndonje kopertine reviste,”- i ka shkruar Ulsi Manja.
Ulsi Manja aktualisht mban postin e kryetarit të Komisionit të Ligjeve, në të cilin bën pjesë edhe Jurgis Çyrbja.
Trafiku i drogës nga grupet shqiptare në Francë, Belgjikë e Holandë është një çështje që ka tërhequr vëmendjen e televizionit francez TF1. Një investigim i televizionit rreth këtij fenomeni, flet për një metodë të re që ndjekin grupe kriminale shqiptare, por edhe ato turke.
Nga veriu i Francës nevojiten më pak se dy orë udhëtim në autostradë për të arritur në Holandë. Duke qenë se nuk ka as kontrolle kufitare, trafikantët bëjnë njëkohësisht transportin dhe “promovimin” e drogës.
“Ata (trafikantët) kërkojnë për turistë francezë që udhëtojnë drejt Amsterdamit. Metoda e tyre është kjo: Gjatë udhëtimit me makina me shpejtësi të lartë, dalin nga dritarja e mjetit dhe propozojnë një katalog të tërë të drogës. Këta janë ndihmësit e grupeve shumë të fuqishme mafioze shqiptare dhe turke”, thotë televizioni francez TF1.
Sipas investigimit, trafikantët udhëtojnë me makina të shpejta duke u dalë përpara udhëtarëve të tjerë, të cilëve u tregojnë në ecje e sipër llojet e drogërave që ata disponojnë. Nuk mungojnë as shpejtësitë e larta për t’u shpëtuar ndjekjeve nga policia.
Kjo metodë e re e grupeve kriminale që promovojnë drogën në autostradë, ka bërë që autoritetet franceze, holandeze dhe belge të vendosin patrulla të veçanta nëpër këto autostrada në kufijtë mes këtyre tre shteteve, ku dihet se ka një prezencë të madhe të trafikantëve shqiptarë.
Një hetim disa mujor i forcave speciale të këtyre vendeve zbuloi se është krijuar një lloj droge e re tepër e rrezikshme. Sipas hetimeve rezulton se këto grupe kanë ngritur një laborator për prodhimin e një droge të veçantë në një fshat të Holandës.Ky produkt është etiketuar si “droga e kristaltë”, një drogë sintetike jashtëzakonisht e dëmshme. Televizioni francez TF1 thotë se këto grupe kriminale janë frymëzuar nga seriali amerikan “Breaking Bad” për krijimin e kësaj droge sintetike. Sipas të dhënave të siguruara, kjo lloj droge ka hyrë në sasi të mëdha në Francë.
Sipas një kërkimi të kryer nga OKB-ja në vitin 2015, shumica e serbëve dhe shqiptarëve nuk janë të gatshëm ende që të bashkëpunojnë së bashku apo edhe të jetojnë në të njëjtin mjedis, ndërkohë që gati askush nuk është i gatshëm që të kurorëzohet me njëri-tjetrin, pra serb me shqiptar dhe anasjelltas.
“Imagjinoni veten tuaj në situatën që të dashuroheni me shqiptar, dhe ju të jeni në lidhje, në martesë apo të keni fëmijë. Si do t’ia sqaroni nënës, babait, familjes…?
Po i njëjti portal, ka realizuar një anketë në rrugët e Beogradit, duke i pyetur qytetarët nëse do të krijonin lidhje apo do të martoheshin me shqiptarë dhe anasjelltas.
“Shumica ishin pak të befasuar me këtë pyetje. Kurse kishte edhe të anketuar që thoshin se dashuria i tejkalon ndarjet ndëretnike”.
Shpella e Piratëve, e cila është bërë e famshme, jo vetëm për historinë e saj, por edhe nga libri me të njëjtin titull i Petro Markos, vlonjatit te shquar si edhe filmi i Kinostudios “Shqipëria e Re” që bazohet në këtë libër të shkrimtarit të njohur, përbën një nga objektet më me vlerë, në bregdetin e Himarës. Tiranë, 10 gusht 2012 – Çdo herë Shpella e Piratëve në bregdetin e Dhërmiut të krijon ndjesinë e rikthimit në kohë. Faqet e saj të thepisura brenda asaj hapësire të ngushtë, nxisin fantazinë rreth asaj që ato kanë fshehur dikur piratët e detit që qëndronin në pritje për të ndjekur gjahun e radhës. Sa herë që vjen këtu, të duket se sheh diçka të re dhe përjeton një perceptim të ri të paprovuar më parë. Por, të lundrosh drejt këtij objekti me Ashirin, 35 vjeçarin nga Lushnja, është një gjë me të vërtetë interesante. Ai është i pasionuar pas detit, me të cilin siguron jetesën. Është licensuar për peshkim, por në këto ditë gushti ai e përdor gomonen e vogël edhe për qëllime turistike, duke shëtitur me të pushues vendas dhe të huaj.
Destinacioni më i zakonshëm i Ashirit është Shpella e Piratëve. Aty ai çon çdo ditë dhjetëra pushues, kundrejt një pagese të arsyeshme. I është bërë si një ritual i përditshëm që e përjeton në mënyrën e vet. Nuk qëndron indiferent ndaj kuriozitetit të klientëve, por, përkundrazi, mundohet të marrë pjesë sa më shumë në ato çaste kërshërie. Tregon pjesë të ndryshme të shpellës, si një ciceron i vërtetë. Për 35 vjeçarin nga Lushnja kjo nuk është thjesht dhe vetëm një punë e rëndomtë, por edhe një mundësi për të promovuar një nga monumentet natyrore më të bukura të gjithë vijës bregdetare. Nga ato monumente që kanë pas një histori, madje një histori të paeksploruar piratësh, që të fton në mistiçizmin e thellësisë së shekujve. Shpella e Piratëve, që është bërë e famshme, jo vetëm për historinë e saj, por edhe nga libri me të njëjtin titull i Petro Markos, si edhe filmi i Kinostudios “Shqipëria e Re” që bazohet në këtë libër të shkrimtarit të njohur, përbën një nga objektet më me vlerë, në bregdetin e Himarës. Ajo ndodhet pranë plazheve të Dhërmiut, në një breg shkëmbor tepër të thyer që bie pingul mbi det dhe gjendet shumë pranë Manastirit të Shën Theodhorit, gjë që e pasuron më tepër gjeografinë dhe historinë e kësaj pjese tërheqëse të bregdetit shqiptar.
Për të shkuar në këtë shpellë, mënyra e vetme është deti. Mjaftojnë 10-15 minuta lundrim, me një motobarkë vogël dhe mund të gjendesh në këtë objekt që evokon natyrshëm Mesjetën Shqiptare. Deti i thellë, në një ngjyrë të errët dhe bregu me formacione shkëmbore që bien thikë mbi sipërfaqen ujore, të paralajmërojnë për një surprizë të këndshme. Hyrja e shpellës, e përbërë nga dy zgavra të mëdha të krijon një ndjesi të veçantë. Është një rikthim i menjëhershëm në historinë e disa shekujve më parë që, natyrshëm, ngjall emocione. Ato kanë në bazë historinë: piratët e famshëm që e shfrytëzonin këtë hapësirë shkëmbore në një mjedis detar, apo beteja me saraçenët, gjë që na vjen përmes toponimisë së këtij vendi. Sepse Shpella e Piratëve ndodhet pranë gjirit të mrekullueshëm tek Alevrat (Al-Evra), ku gjendet plazhi me të njëjtin emër. Teksa shëtisim me barkë brenda hapësirës së shpellës, konstatojmë masivet shkëmbore që përbëjnë faqet anësore të saj. Ato janë të thyera dhe me xhepa shumëllojesh, ndërkohë që në kube(pjesa e sipërme), spikat një zgavër në formë rrethore, prej së cilës depërtojnë rrezet e diellit. Shpella është e përmasave modeste. Ashiri thotë se ka sjellë këtu qindra pushues dhe turistë të huaj për të cilët ky objekt është mjaft interesant. “Kam transportuar anglezë, francezë, italianë, zviceranë, gjermanë, norvegjezë, maqedonas, kroatë, malazezë, çekë, që kanë ardhur këtu dhe kanë bërë mjaft fotografi, apo kanë regjistruar me kamera”, thotë ai. Historia që mbart Shpella e Piratëve, bukuria e jashtëzakonshme natyrore, mjaftojnë që të tërheqë pafundësisht vizitorë. Ata kanë ardhur dhe do të vijnë në këtë mjedis natyror, ku e shkuara dhe e tashmja bashkohen në një dhe ngjallin emocione të pazakonta
Dikur Shqipëria ka pasur katër lloje shkabash: shkabën, shkabën e zezë, shkabën mjekroshe dhe Kalin e Qyqes. Për tre prej këtyre llojeve mund të themi se janë zhdukur thuajse tërësisht. Ka mbetur vetëm një.
Shpesh në Shqipëri shkabat ngatërrohen me shqiponjat, por në fakt këto janë dy lloje të ndryshme shpendësh. Shqiponjat janë grabitqare, ndërsa shkabat ushqehen vetëm me kërma. Vetëm në kushte ekstreme urie ato mund të konsumojnë insekte, hardhuca apo breshka. Sado të duket si diçka e frikshme, në fakt shkencërisht shkabat konsiderohen si sanitare të mjedisit, pasi e pastrojnë atë nga mbetje të tilla. Është e çuditshme, por shkabat jo vetëm nuk sëmuren, por as nuk përçojnë sëmundje, sado konsumojnë kërma të ndryshme.
Ekspertët theksojnë se në vendet ku jetojnë shkabat, cilësia e mjedisit në tërësi është shumë e mirë, ndërsa në ato pjesë ku janë zhdukur do të thotë se cilësia e tij është përkeqësuar.
Dikur në qiejt shqiptarë ishte e zakonshme të shikoje shkaba duke qenë se ato ishin të përhapura në të gjithë territorin, ndryshe nga sot kur numri ka rënë ndjeshëm ose më mirë kur tre specie nga ekspertët konsiderohen thuajse të humbura.
Sot në Shqipëri mund të gjesh vetëm Kalin e Qyqes, edhe ai sipas shifrave të monitorimeve më të fundit ka shumë pak çifte. Kjo situatë alarmante lidhet pashmangshmërisht edhe me përkeqësimin e situatës mjedisore në këto 26 vite.
Pikërisht se është një specie në rrezik, ekspertët janë të rezervuar lidhur me vendbanimet e tyre në zona të ndryshme të Shqipërisë. Ata thonë se jo pak herë kanë gjetur të tillë të vrarë nga gjuetarë abuzivë apo të mbyllur nëpër lokale sikur të jenë zogj kafazi…
Kali i Qyqes dallohet për shkak të formës së tij të veçantë, të krahëve të gjerë e bishtit të shkurtër në formë pyke. Ai llogaritet si një ndër shpendët më të mëdhenj në Ballkan me një gjatësi në hapje krahësh që shkon rreth 2 metra.
Për ata që nuk e kuptojnë çfarë do të thotë zhdukja e shkabave, mjafton të rikujtosh edhe njëherë se ata janë pastruesit apo ruajtësit më të mirë të cilësisë së mjedisit. Një mjedis që Shqipëria në këto 26 vite e ka kthyer në një tokë të djegur, duke zhdukur nga territori jo thjesht shpendët që konsumohen restoranteve nëpër meny apo varur mureve, por edhe këto specie të tjera shumë të rëndësishme…
“Akuzat qesharake për konspiracion rus nuk mund ta ndihmojnë Edi Ramën të fshehë 2 të vërteta të mëdha, se ai po bën gjithccka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane”. Keshtu ka deklaruar sot deputeti i PD-se, Enkelejd Alibeaj, teksa ka kerkuar nga Rama te pergjigjet pse po e mbron Tahirin dhe pse eshte takuar fshehur me te ne nje spital privat te Tiranes.
Deklarata e Alibeajt
Akuzat qesharake për konspiracion rus nuk mund ta ndihmojnë Edi Ramën të fshehë 2 të vërteta të mëdha, se ai po bën gjithccka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane.
Që kur 613 kilogramët e kokainës u kapën me ndihmën e partnerëve të huaj, Kryeministri i vendit është zhdukur nga qarkullimi dhe nuk jep përgjigje se çfarë lidhje ka Olsi Rama me një nga kartelet më të rrezikshme të drogës kolumbiane dhe cili ishte roli i Olsi Ramës në ngarkesën e 613 kilogramëve kokainë të pastër.
Edi Rama hesht dhe nuk u thotë shqiptarëve përse është takuar fshehurazi me Saimir Tahirin të premten paradite në një nga spitalet private të Tiranës. Është detyrim i kryeministrit të vendit të flasë për marrëdhënien e tij me Saimir Tahirin, duke mos mbajtur më peng integrimin europian të vendit. Edi Rama e di shumë mirë se pa i hequr mbrotjen politike ish ministrit të tij të brendshëm, Shqipërisë nuk do t’i hapen negociatat e anëtarësimit në Bashkimin Europian.
Politikën në Shqipëri nuk e ulin poshtë skemat e trasha të Edi Ramës me rusë, spiunazh dhe destabilitet, por është bashkëqeverisja e tij me krimin rreziku më i madh për stabilitetin e Shqipërisë dhe rajonit. Është biznesi i tij familjar me kartelet e kokainës, mbrojtja e Saimir Tahirit dhe shndërrimi i vendit në parajsën e drogës akti më antikombëtar i Edi Ramës.
Ky produkt është etiketuar si “droga e kristaltë”, një drogë sintetike jashtëzakonisht e dëmshme. Televizioni francez TF1 thotë se këto grupe kriminale janë frymëzuar nga seriali amerikan “Breaking Bad” për krijimin e kësaj droge sintetike. Sipas të dhënave të siguruara, kjo lloj droge ka hyrë në sasi të mëdha në Francë. 
